༧གོང་ས་མཆོག་བཞུགས་སྒར་ནས་རྒྱ་གར་མངའ་སྡེ་གུ་ཇུ་ར་ཊིའི་ནང་ཞབས་སོར་འཁོད་དེ་ལོ་གསར་བའི་མཛད་འཕྲིན་ཐོག་མ་དབུ་འཛུགས་གནང་ཡོད་ལ། ཕྱི་ཚེས་ ༥ ཉིན་ནས་གསུང་ཆོས་མགོ་འཛུགས་གནང་རྒྱུ་རེད།
ཕྱི་ལོ་ ༢༠༡༠ ལོའི་ཕྱི་ཚེས་ ༡ ཉིན་ནས་བཟུང་༧གོང་ས་མཆོག་བཞུགས་སྒར་ནས་རྒྱ་གར་མངའ་སྡེ་གུ་ཇུ་ར་ཊིའི་ནང་ཞབས་སོར་འཁོད་དེ་ལོ་གསར་བའི་མཛད་འཕྲིན་ཐོག་མ་དབུ་འཛུགས་གནང་ཡོད་པ་དང་། ཁ་སང་ཕྱི་ཚེས་ ༣ ཉིན་མངའ་སྡེ་དེའི་གྲོང་ཁྱེར་པཱ་ལི་ཏཱ་ཎ་རུ་གཅེར་བུ་བའི་མཁས་དབང་དང་ལྷན་དུ་ཚོགས་ཆེན་ཞིག་ཏུ་ཆིབས་བསྒྱུར་གནང་ཡོད་ཅིང་། མཛད་འཕྲིན་གྲུབ་རྗེས་རྡོར་གདན་དུ་ཆིབས་སྒྱུར་གྱིས་ཕྱི་ཚེས་ ༥ ནས་བཟུང་༧གོང་ས་མཆོག་གིས་ཉིན་བཞིའི་རིང་གནས་མཆོག་རྡོ་རྗེ་གདན་དུ་བོད་ནས་འབྱོར་བའི་ཆོས་ཞུ་བ་གཙོས། རྒྱ་བལའབྲུག་གསུམ་དང་། ཨ་རི། ཨོ་སི་ཊོ་ལི་ཡ། ཀོ་རི་ཡ། ཐའེ་ཝན་སོགས་རྒྱལ་ཁབ་ཁག་གི་དད་ལྡན་མང་ཚོགས་ལ་སློབ་དཔོན་ཀླུ་སྒྲུབ་ཀྱིས་མཛད་པའི་འཇིག་རྟེན་ལས་འདས་པའི་བསྟོད་པ་དང་། ཇོ་བོ་རྗེ་དཔལ་ལྡན་ཨ་ཏི་ཤས་མཛད་པའི་བྱང་ཆུབ་ལམ་སྒྲོན། ཀློང་ཆེན་རབ་འབྱམས་པས་མཛད་པའི་སེམས་ཉིད་ངལ་གསོ། རྗེ་ཙོང་ཁ་པ་ཆེན་པོས་མཛད་པས་ལམ་རིམ་བསྡུས་དོན་བཅས་ཀྱི་བཀའ་ཆོས་དང་བཀའ་སློབ་གནང་རྒྱུ་ཡིན་འདུག་ལ། ཕྱི་ཚེས་ ༩ ཉིན་གྱི་གསུང་ཆོས་ཀྱི་མཐའ་མའི་ཉིན་དེར་མང་ཚོགས་ལ་ཚེ་དབང་གནང་རྒྱུ་ཡིན་འདུག
ཐེངས་འདིའི་གསུང་ཆོས་ཡོངས་སུ་གྲོལ་རྗེས་༧གོང་ས་མཆོག་ཨོ་རི་ས་ཕུན་ཚོགས་གླིང་དུ་ཆིབས་བསྒྱུར་གནང་འཆར་ཡོད་པར་མ་ཟད། ཕྱི་ཚེས་ ༡༣ ཉིན་རི་དགོན་ཐུབ་བསྟན་སྨིན་གྲོལ་གླིང་གི་དགོན་ཁང་གསར་བ་དབུ་འབྱེད་དང་འབྲེལ་བླ་མ་གསང་རྡོའི་ཐོ་རེངས་ཚལ་དུམ་བུ་བཞིའི་བཀའ་དབང་གནང་རྒྱུ་ཡིན་པ་དང་། ཕྱི་ཚེས་ ༡༥ ཉིན་རྒྱ་གར་མངའ་སྡེ་གུ་ཇུ་ར་ཊི་ནང་པའི་ལྷན་ཚོགས་ཀྱི་ཚོགས་མགོན་དུ་ཆིབས་བསྒྱུར་གྱིས་བཀའ་སློབ་གནང་རྒྱུ་ཡིན་པ་རེད།
ས་ཆེན་པོའི་མ་མ་ཁྱེད་སྐུ་ཚེ་བསྐལ་བརྒྱར་ཞབས་བརྟན་སྨོན།
༧གོང་ས་མཆོག་ལ་བོད་པ་ཚོས་སྐྱབས་སུ་མཆི་མང་པོ་ཕུལ་གི་རེད། འོན་ཀྱང་། ཨ མྱེས་རྨ་ཆེན་བོད་ཀྱི་རིག་གཞུང་ཞིབ་འཇུག་ཁང་གིས་མ་གཏོགས་གཟེངས་རྟགས་ཕུལ་བ་དེ་འདྲ་བྱུང་མེད་ཚོད་རེད། ད་ང་ཚོས་བོད་རྒྱལ་ཁབ་ཀྱི་གཟེངས་རྟགས་ཤིག་ཕུལ་དགོས་མེད་འགྲོ ཧཧཧ
གོངས་ས་མཆོག་སྐུ་ཚེ་ཁྲི་ལོ་བརྟེནཔར་ཤོགས་༑བསམ་ཆར་ནང་དབྱིན་ཡིག་མང་པོ་བྲི་མཁན་ཡོངས་གི་འདུག་།ཁྱེད་རྣམས་གྱི་བོད་ཡིག་བྲི་ཤེས་གྱི་མེད་ནམ་།ཡང་ན་ཁྱེད་རྣམས་དབྱིན་ཡིག་ཤེས་གྱི་ཡོད་པའི་འཇིག་ཉམས་ཕྱི་ལ་མངོན་པ་ཡིན་ནམ།ངས་བསམ་པ་ཁོང་རྣམས་དབྱིན་ཡིག་མཐར་ཕྱིན་པ་ཤེས་ཀྱི་ཨེ་ཡོ་ན་སྙམ་།་ཤེས་ན་དབྱིན་ཡིག་ཐོག་བསམ་ཆར་འདོན་ས་གཞན་ལ་ཕེབས་ན་འགྲིག་གི་རེད་།དུས་བབ་ཚོགས་པའི་འགྲོ་སོངས་མང་པོ་བཏང་ནས་ང་ཚོ་ལ་གོ་སྐབས་འདི་སྤྲོད་པ་དམིགས་ཡུལ་མཁྱེན་གྱི་ཡོད་ནམ་།བོད་པའི་སྤྱི་ཚོགས་ལ་བོད་ཡིག་ཡར་རྒྱས་ཡོངས་ཐབས་སུ་གོ་སྐབས་འདི་སྤྲོད་པ་རེད་།ཐུགས་རྗེ་གཟིགས་ཁོང་རྣམས་པའི་དམིགས་ཡུལ་ཆུད་ཟོས་སུ་མི་འགྲོ་བ་གནང་རོགས་།།
རབ་འབྱམས་རྒྱལ་བ་ཀུན་གྱི་མཛད་པའི་འཁུར། །སྙིང་སྟོབས་ཕྲག་པར་བཟུང་བའི་རླབས་ཆེན་གྱི། །འཕྲིན་ལས་ཀུན་ཕན་ནམ་མཁའི་སྙིང་པོ་ཅན། །བཞེད་པ་ཇི་བཞིན་ལྷུན་གྱིས་འགྲུབ་གྱུར་ཅིག །
རང་ཅག་གངས་ཅན་པ་ཡོངས་ཀྱི་མེ་ཏོག་གང་ལ་ཕོག་པའི་ལྷ་སྐལ་འཕགས་མཆོག་ཕྱག་ན་པདྨོ་མཆོག་སྐུ་ཚེ་༸ཞབས་པད་བསྐལ་བརྒྱར་བརྟན་པ་དང༌། ལོ་གསར་པའི་ནང་བསྟན་དང་འགྲོ་བའི་སླད་ཆོས་སྲིད་ཀྱི་མཛད་འཕྲིན་སྔར་ལས་ལྷག་པའི་རྒྱས་ཞིང་། འཛམ་གླིང་ཀུན་ལ་མ་ལྟར་གཅེས་པའི་བྱམས་བརྩེའི་བྱིན་རླབས་ཀྱིས་སྐྱེ་འགྲོཀུན་གྱི་བསོད་ནམས་སླད་སྐུ་ཚེ་༸ཞབས་པད་བསྐལ་བརྒྱར་བརྟན་པའི་བཀྲ་ ིས་བདེ་ལེགས་ཀྱི་སྨོན་ལམ་གྲངས་མེད་ཞུ། །