ར་རྒྱ་ཤེས་རིག་གླིང་གིས་སློབ་མ་ལྔ་བཅུ་ལྷག་བསྡུ་རུབ་བྱས་ཏེ་སློབ་ཆེན་སློབ་མའི་འཛིན་གྲྭ་ཐོག་མ་དངོས་སུ་དབུ་འཛུགས་གནང་འདུག
ཟླ་འདིའི་ཚེས་ ༤ ཉིན་གསར་ལམ་དུ་གནས་ཚུལ་སྤེལ་བ་ལྟར་ན། ཕྱི་ལོ་ ༢༠༠༩ ལོའི་ཟླ་ ༡༢ པའི་ཚེས་ ༥ ནས་ ༦ བར་གྱི་ཉིན་གཉིས་རིང་མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་ར་རྒྱ་ཤེས་རིག་ནོར་བུའི་སློབ་གླིང་གིས། འདས་པའི་ལོ་ཟླ༷འི་ནང་སློབ་གྲྭ་རང་ནས་སློབ་མཐར་ཕྱིན་པའི་སློབ་མ་གཙོས་པའི་བོད་ཁུལ་གྱི་མཐོ་འབྲིང་ཁག་གི་མཐར་ཕྱིན་སློབ་མ་དང་ཆེད་ལས་རིམ་པའི་སློབ་མ་ ༥༠ ལྷག་བསྡུ་རུབ་བྱས་ཏེ། སྐབས་དང་པོའི་སློབ་ཆེན་དབུ་འབྱེད་དང་སློབ་མའི་འཛིན་གྲྭ་ཐོག་མ་དངོས་སུ་འཚོགས་ཡོད་འདུག
ཐེངས་འདིའི་སློབ་ཆེན་གྱི་ལས་གཞི་འདི་ནི། ཀན་སུའུ་ཞིང་ཆེན་སློབ་གསོ་ཐིན་གྱི་མཆོག་མཆན་དང་ནུབ་བྱང་མི་རིགས་སློབ་གླིང་གིས་རྒྱུན་སྐྱོང་ཐུབ་པའི་ཁག་ཐེག་འོག་གསར་འཛུགས་གནང་བ་ཞིག་ཡིན་ཞིང་། སློབ་ཆེན་གྱི་ཁྲིད་གཞི་བོད་ཡིག་ལས་གཞན་པའི་རིག་གནས་མཐའ་དག་ནུབ་བྱང་མི་རིགས་སློབ་ཆེན་གྱི་ཁྲིད་གཞི་དང་རྒྱ་ནག་རྒྱལ་ཡོངས་མི་རིགས་སློབ་ཆེན་ཁག་དང་གཅིག་མཚུངས་ཡིན་འདུག་ལ། ཕྱི་ཟླ་ ༡༢ པའི་ཕྱི་ཚེས་ ༥ ཉིན་གངས་ལྗོངས་ཤེས་རིག་ནོར་བུའི་གླིང་གི་སློབ་གཙོ་འཇིགས་མེད་རྒྱལ་མཚན་ལགས་ཀྱིས་སློབ་གྲྭའི་དགེ་སློབ་ཡོངས་ལ་སློབ་ཆེན་འདི་གསར་འཛུགས་ཀྱི་དམིགས་ཡུལ་དང་འབྲེལ་འཛིན་གྲྭའི་དགེ་རྒན་བསྐོ་བཞག་གནང་ཡོད་པར་མ་ཟད། སློབ་ཆེན་གྱི་འཛིན་གྲྭ་དངོས་སུ་མགོ་འཛུགས་བྱས་ཡོད་འདུག
ངོ་མཚར་རྨད་བྱུང་གི་གནས་ཚུལ་འདི་འདྲ་ཐོས་ཐེངས་རེར་ཡིད་བདེ་ཀྱི་སྤྲོ་བ་རབ་ཏུ་འཕེལ། ད་དུང་མུ་མཐུད་དུ་
མི་རིགས་རང་བཞིན་ལྡན་པའི་མཐོ་སློབ་གསར་འཛུགས་ཀྱི་ལས་དོན་ལ་བཀྲ་ཤིས་བདེ་ལེགས་ཞུ་བ་དང། ལས་དོན་འདི་གོང་ནས་གོང་འཕེལ་བར་སྨོན།
Tashi Delek………… I will pray and hope to have a fruitful student from this first batch in the future. Good Luck first batch student..
ཨེ་མ་འདི་འདྲའི་རྨད་བྱུང་གི་མཛད་རིམ་འདིར་ང་ཚོས་སྒོ་ཀུན་ནས་དགའ་བསུ་ཞུ་འོས་ཤིག་དང་། མི་རིང་བར་ང་ཚོས་ཀྱང་འདི་འདྲའི་ལས་རིམ་རེ་བསྒྲུབ་ཐུབ་ན་ཤུན་ཏུ་བཟང་།