གྲྭ་འཇམ་དབྱངས་ཆོས་གྲགས་ལགས་ལྷ་སའི་ཉེན་རྟོག་པས་འཛིན་བཟུང་བཀག་ཉར་བྱས་རྗེས་གར་ཡོད་ཀྱི་གནས་ཚུལ་ཅི་ཡང་ཤེས་མི་འདུག
མདོ་སྨད་མཚོ་ལྷོ་བོད་རིགས་རང་སྐྱོང་ཁུལ་ཀོས་ནན་རྫོང་བན་ཤུལ་སྡེ་བ་ནས་ཡིན་ཞིང་། རྒྱ་གར་ལྷོ་ཕྱོགས་དཔལ་ལྡན་འབྲས་སྤུངས་སྒོ་མང་གྲྭ་ཚང་དུ་སློབ་གཉེར་གནང་བཞིན་པའི་གྲྭ་འཇམ་དབྱངས་ཆོས་གྲགས་ལགས་སྔར་ལོའི་ཕྱི་ཟླ་ ༩ བའི་ནང་བལ་ཡུལ་བརྒྱུད་བོད་དུ་ཁོང་གི་ཨ་མར་ཐུག་འཕྲད་དུ་ཕྱིན་སྐབས་སྟབས་མ་ལེགས་པར་ལྷ་སར་ས་གནས་རྒྱ་ནག་ཉེན་རྟོག་པའི་ལག་ཏུ་ཤོར་ཏེ་བཙོན་འཇུག་བྱས་ཡོད་ཀྱང་། ད་ལྟའི་བར་ཁོ་རང་གར་ཡོད་ཅི་བྱུང་དང་ཅིའི་ཕྱིར་འཛིན་བཟུང་བྱས་ཡོད་མེད་ཀྱི་གནས་ཚུལ་ཅི་ཡང་ཤེས་རྟོགས་ཐུབ་མེད་པར་ལྷག་ཡོད་པ་དང་། ཁོང་དང་འབྲེལ་ཡོད་མི་སྣ་ཚོས་ཐེངས་འདིར་ཁོང་འཛིན་བཟུང་བྱས་དོན་ནི་རྒྱ་གཞུང་གིས་རྒྱ་གར་ནས་ཕྱིར་བོད་དུ་ལོག་པ་དེ་ནག་ཉེས་སུ་བགྲང་ནས་འཛིན་བཟུང་བྱས་པར་ངོས་འཛིན་བྱེད་ཀྱིན་ཡོད་པ་རེད།
འཇམ་དབྱངས་ཆོས་གྲགས་ལགས་ནི། ༡༩༨༠ ལོར་མཚོ་ལྷོ་བོད་རིགས་རང་སྐྱོང་ཁུལ་ཀོས་ནན་བན་ཤུལ་སྡེ་བ་རུ་སྐྱེས་ཤིང། ༡༩༩༥ ལོར་མང་རའི་ཀླུ་ཚང་དགོན་པའི་ཆོས་སྒོར་ཞུགས་ཏེ་བསྡུས་གྲྭ་དང་བློ་རྟགས་སོགས་ལ་སྦྱང་བ་བྱས་ཡོད་པ་དང་། ༢༠༠༠ ལོར་བཙན་བྱོལ་དུ་འབྱོར་རྗེས་ལྷོ་ཕྱོགས་འབྲས་སྤུངས་སྒོ་མང་གྲྭ་ཚང་གི་ཆོས་སྒོར་ཞུགས་ཏེ་མི་ལོ་ ༨ རིང་སློབ་གཉེར་གནང་ཞིང་ཕར་ཕྱིན་རབ་འབྱམས་པའི་ལག་འཁྱེར་བླངས་ཡོད་པ་རེད།
འ་ཛི། རྒྱ་ནག་གི་ལས་བྱེད་འདི་འདྲའི་ཐབས་སྡུག་པ་ལ་བོད་ཀྱི་ས་ནང་བོད་པའི་ཨ་མ་གཅིག་གི་འཁྲིས་ལ་བོད་པའི་ཕྲུག་གུ་གཅིག་ཐུག་འཕྲད་དུ་མི་གཏོང་བ་ཧང་སངས་སོང་། །
ད་དངོས་བོད་མི་ཚོས་རང་ཐག་རང་གཅོད་བྱེད་རན་པ་འདྲ། རྒྱ་མི་ལ་རེ་བ་ཡག་པོ་ཟེར་བ་ནམ་ཡང་འགྲོ་ས་མི་འདུག་ལ། སྙིང་རྗེ་ཟེར་བ་དེ་ལས་ཀྱང་ག་ལ་ཡོད།