ཕྱི་ཚེས་ ༡༡ ཉིན་འདི་གར་གནས་ཚུལ་འབྱོར་བ་ལྟར་ན། རྨ་ཆུ་རྫོང་བོད་སློབ་འབྲིང་དང་དམངས་ཁྲོད་ཕ་སྐད་ཚོགས་པ་དང་། མ་ཎི་ཚོོགས་པ་གསུམ་གྱི་གོ་སྒྲིག་འོག་དེང་དུས་བོད་ཀྱི་ན་གཞོན་ཤེས་ཡོན་ཅན་པ་ལྡོང་ཡོན་ཏན་རྒྱ་མཚོ་ལགས་གདན་ཞུས་ཀྱིས། བོད་མིའི་སྐྱིད་སྡུག་མཉམ་མྱོང་ཞེས་པའི་བརྗོད་གཞིའི་ཐོག་མང་ཚོགས་རང་བཞིན་གྱི་ཚོགས་འདུ་བསྐོང་འཆར་བྱས་པར། རྨ་ཆུ་རྫོང་ཉེན་རྟོག་ལས་ཁུངས་ཀྱིས་ཚོགས་འདུ་དེ་འཚོགས་མི་ཆོག་པ་བཟོས་པ་མ་ཟད། རྫོང་བོད་རིགས་སློབ་འབྲིང་དང་བོད་རིགས་སློབ་ཆུང་གཉིས་ཕྱི་ལོ་ ༢༠༡༠ ལོའི་ཟླ་དང་པོའི་ཚེས་ ༨ ཉིན་སློབ་མཚམས་འཇོག་དགོས་པའི་བཙན་བཀའ་བཏང་སྟེ། སློབ་གྲྭ་གཉིས་སྒོ་བརྒྱབས་ཡོད་འདུག
སློབ་གྲྭའི་གུང་གསེང་སྔ་སྣུར་དང་ཕྱིར་འགྱངས་གང་བྱེད་སློབ་གྲྭའི་ལས་ཁུངས་ཀྱི་དབང་ཚད་ཡིན་ཡང་། ད་རེབ་གཞུང་འབྲེལ་བཀའ་རྒྱའི་འོག་རྨ་ཆུ་རྫོང་བོད་རིགས་སློབ་འབྲིང་དང་སློབ་ཆུང་གཉིས་མཚམས་འཇོག་དགོས་པའི་ཁྲིམས་ཡིག་གསར་པ་ཞིག་བཟོས་ཡོད་འདུག
མདུན་ངོས་སུ་་《རྨ་ཆུང་རྫོང་བོར་རིགས》་ཞེས་བྲིས་པའི་ས་ཆ་གང་ཡིན་མ་ཤེས་པར་འདིར་ཡོང་བ་ཡིན་ཀྱང་་་་་ནང་དུ་རྨ་ཆུ་རྫོང་བོད་སློབ་ཅེས་བྲིས་འདུག་པས་མདོ་སྨད་རྨ་ཆུ་ཡིན་པ་ཤེས་སོང་་་་ཡིན་ནའང་དེ་རིང་ཡིག་ནོར་ལ་བསེ་རུས་བཀའ་བཀྱོན་མ་གནང་བར་ལྷོད་ཅིག་གེར་བཞུད་འདུག་་་་བསེ་རུ་དུས་བབ་ཚང་ལ་སྐྱོན་འདོན་མ་ཕོད་པ་མིན་འགྲོ
བོད་ནང་གི་ཤེས་ཡོན་པ་ཚོས་རྒྱ་ནག་གི་ཁྲམས་རྩ་གཞིར་བཟུང་གིས་བོད་མིའི་ཐོབ་ཐང་དང་སྐད་ཡིག་གི་ཐོབ་ཐང་རྩོད་དགོས། པཎ་ཆེན་རིན་ཆེ་ནང་བཞིན་རྒྱ་ནག་གི་ཁྲིམས་གཞི་དང་བསྟུན་པའི་ཐོག་ནས་བོད་མི་རིགས་ཀྱི་ཐོབ་ཐང་གཙང་མ་རྩོད་མཁན་གྱི་བོད་མིའི་དབུ་ཁྲིད་ལྷག་བསམ་དང་ཕུགས་རྒྱང་རིང་བའི་དབུ་ཁྲིད་མང་པོ་བོད་ནང་ལ་མཁོ་འདུག པེ་ཅིན་ན་ཡོད་པའི་བོད་མིའི་དབུ་ཁྲིད་མིང་ཐོག་ནས་ཕོགས་ཟོས་བསྡད་པ་མ་ཡིན་པར། རྒྱ་ནག་གི་རྩ་ཁྲིམས་གཞི་བཞག་གིས་བོད་མའི་ཐོབ་ཐང་ཤུགས་ཆེན་པོ་བཤད་ཕོད་མཁན་དབུ་གཅིག་དགོས་འདུག
རེད་ཡ། ད་སྐབས་འཕྲལ་ཕུགས་ཀྱི་དགོས་ཕན་ལ་བསམ་བློ་མ་བཏང་བར་ལ་རྒྱ་བཤད་དེ་ཁུ་ཚུར་གནམ་ལ་སྒྲེང་བས་ཕན་ཐོགས་དེ་ཙམ་མི་འདུག་སྙམ་སོང་། ད་ལྟའི་ཆར་བོད་ནང་ལ་མཚོན་ན་ཆེས་དགོས་གལ་ཆེ་བ་ནི་རང་ཉིད་ཀྱི་རྩ་བའི་གཞི་རྐང་རང་གི་རིག་གནས་སློབ་གསོའི་སྟེང་ལ་ཤུགས་སྣོན་བྱ་རྒྱུ་དེ་ཡིན་ལ་དེ་ཡང་གཞན་གྱི་མཐོང་སྣང་ལེགས་པོ་ཞིག་གི་ཐོག་ནས་སྒྲུབ་དགོས་པ་འདུག་སྙམ།
ད་ལྟའི་ཆར་བོད་ནང་བགྲོ་གླེང་སོགས་གང་གོ་སྒྲིག་བྱེད་ཀྱིན་ཡོད་ཀྱང་།
ཁ་བྱང་ལ་གང་གཟབ་མ་བྱས་ན། བྱ་མ་འདྲོགས་པར་སྒོ་ང་ལེན་རྒྱུ་དེ་དངོས་གནས་ཁག་ཙམ་ཆགས་ངེས་རེད།
འདི་ཚོའི་ཚོགས་འདུའི་ཁ་བྱང་དེ་མ་འགྲིགས་པ་རེད། ནུབ་བྱང་ཚང་གིས་ཁྲོམ་སྐོར་བྱེད་དུས་དེ་བེད་སྤྱོད་བཏང་བ་རེད་ལ། བླ་བྲང་གི་གྲྭ་པའི་ཡར་ལངས་སྐབས་ཀྱང་ཚིག་དེ་འདྲ་བེད་སྤྱོད་བཏང་འདུག་བསམས། ཆབ་སྲིད་ཀྱི་ཚོར་བ་ཧ་ཅང་རྣོ་བའི་ས་ཆ་རུ་མིང་ཚིག་དེ་འདྲ་བེད་སྤྱོད་གཏོང་ག་ལ་ཉན། ངའི་ཕ་ཡུལ་གྱི་དགོན་པ་ནས་ཀྱང་བླ་མའི་རྗེས་དྲན་ཚོགས་འདུ་ཞིག་གི་ཁ་བྱང་ལ་རང་དབང་གི་གླེང་སྟེགས་ཞེས་བཏགས་པས་རྒྱ་གཞུང་གིས་འཚོག་ཏུ་བཅུག་མི་འདུག