དེ་རིང་ཞོགས་པ་བྷེ་བྷེ་སི་སོགས་རྒྱལ་སྤྱིའི་གསར་ལམ་ཆེ་ཁག་ཏུ་གནས་ཚུལ་ཐོན་པ་ལྟར་ན། ཟླ་འདིའི་ཚེས་ ༢ ཉིན་ནས་བསྟུད་མར་ཉིན་ ༨ རིང་། དེང་སྐབས་རྒྱ་ནག་གི་མངའ་འོག་ཏུ་ཡོད་པའི་ཞིན་ཅིང་ཡུ་གུར་རིགས་རང་སྐྱོང་ལྗོངས་ཀྱི་ཐ་ཁྲིན་དང་། ཨ་ལི་ཐེ་ས་ཁུལ་ཁག་ཏུ་གངས་སྐྱོན་ཚབས་ཆེན་བྱུང་སྟེ། ས་ཁུལ་དེ་གཉིས་ཀྱི་རྫོང་དང་གྲོང་ཁྱེར་ ༢༠ འོག་གི་ཞང་དང་གྲོང་རྡལ་ ༩༠ ལ་གངས་སྐྱོན་ཚབས་ཆེན་བྱུང་ཡོད་འདུག་ལ། དེ་རིང་ཞོགས་པ་བར་ཁངས་ཀྱི་མཐུག་ཚད་ཆ་སྙོམས་ལེ་མུས་ ༦༠ ལས་བརྒལ་ཏེ། འདས་པའི་ལོ་རྒྱུས་ནང་བྱུང་མ་མྱོང་བའི་གནས་ཚུལ་འཚབ་ཆེན་བྱུང་སྟེ། མང་ཚོགས་ ༢༦༠༠༠༠ ལྷག་ལ་གནོད་འཚེ་ཕོག་ཡོད་པ་དང་། མི་ ༢༧༦ ལ་རྨས་ཕོག་པ་དང་མི་ ༡ ཤི་ཡོད་འདུག གཞན་ཁང་མིག་ ༥༥༠༠ ལྷག་བརྡིབས་སྐྱོན་དང་གཏོར་ཞིག་ཐེབས་ཡོད་འདུག ཉིན་འདི་འགར་ས་ཁུལ་དེ་དག་མང་ཆེ་བའི་ལམ་ཁ་བས་བཅད་ཅིང་། འགྲིམ་འགྲུལ་འགག་པ་དང་གློག་ཆད་པ་སོགས་ཀྱི་གནས་སྟངས་ཛ་དྲག་ཆགས་ཡོད་འདུག
རྒྱ་ནག་གཞུང་ཕྱོགས་ནས་གསལ་བསྒྲགས་བྱས་པ་ལྟར་ན། ཐེངས་འདིར་ཞིན་ཅིང་ལ་གངས་སྐྱོན་ཚབས་ཆེན་བྱུང་སྟེ། རྒྱ་སྒོར་དུང་ཕྱུར་གཅིག་ ༡༠༠༠༠༠༠༠༠ ལྷག་གི་གྱོང་གུད་ཕོག་ཡོད་པ་དང་། ཞིན་ཅིང་ས་ཁུལ་ལ་གངས་སྐྱོན་བྱུང་བའི་གནས་ཚུལ་ཐོས་འཕྲུལ། སྲིད་གཞུང་གིས་དམག་མི་དང་མྱུར་སྐྱོབ་སྡེ་ཁག་མང་པོ་རྩ་འཛུགས་བྱས་ཏེ། གནོད་འཚེ་ཕོག་ཡུལ་གྱི་མི་ ༥༤༠༠ ལྷག་ས་གཞན་དུ་བསྐྱལ་ཏེ་ཉེན་ཁ་ལས་སྐྱོབ་ཐབས་བྱས་ཡོད་པ་དང་། རས་གུར་ ༥༠༠༠ དང་དགུན་ཆས་ ༡༠༠༠༠ ། དེ་བཞིན་ཉལ་ཆས་རིགས་ ༡༠༠༠༠ བཅས་གནོད་འཚེ་ཐེབས་ཡུལ་དུ་བསྐྱལ་ཏེ་མང་ཚོགས་ལ་བགོ་བཤའ་བྱས་ཤིང་། རྒུད་སྐྱོབ་ཀྱི་ལས་དོན་བསྒྲུབ་པའི་མ་དངུལ་རྒྱ་སྒོར་བྱེ་བ་གཅིག་དང་ས་ཡ་ལྔ་ ༡༥༠༠༠༠༠༠ ཙམ་གྲ་སྒྲིག་གིས་གནོད་འཚེ་ཐེབས་ཡུལ་མང་ཚོགས་ལ་འཚམས་འདྲི་དང་རྒུད་སྐྱོབ་ཀྱི་ལས་དོན་དུས་ཐོག་ལ་སྒྲུབ་ཀྱིན་ཡོད། ཅེས་བཀོད་འདུག
ཨ་ཁ། ཁོར་ཡུག་གི་ལྷ་དེས་དུས་སུ་གྲོགས་མཛད་མ་ཐུབ་པ་ཅི་ནམ། ལས་རེད། རོགས་བྱོས།
སྤྱིར་བཏང་གིས་དོན་འགྲུབ་བཀྲིས་ཀྱིས་བཤད་པ་དེ་བདེན་དུ་འཆི་ཡང་། ཕྱོགས་གཅིག་བཤད་ན། མི་རིགས་ཀྱི་ན་ཚ་དང་རྒྱལ་ཁབ་ཀྱི་ཤ་ཁོན་དེ་དེ་འདྲ་ཞིག་ལ་བརྗེས་མི་སྲིད་སྙམ། དགྱ་ནག་གིས་གདོང་འབག་གོན་ནས་ཇི་ལྟར་འཁྲབ་ནའང་། གདོང་འབག་ཕག་གི་མི་དེ་ནི་ནམ་ཡང་དགྱ་ནག་གོ།
གང་ལྟར། རྒྱ་ནག་གཞུང་གི་རླུང་རྟ་རྒྱག་སོང་། ཐེངས་འདིར་ཡུ་གུར་ས་ཆར་ཁངས་སྐྱོན་ཚབས་ཆེན་ཕོག་པ་དེ། ཡུ་གུར་ས་གནས་མང་ཚོགས་ལ་མཚོན་ན་རང་བྱུང་ཁམས་ཀྱི་གདམ་ཀ་མེད་པའི་གོད་ཆག་ཅིག་ཡིན་མོད། རྒྱ་ནག་གཞུང་ལ་མཚོན་ན་ཡུ་གུར་མི་མང་ལ་ཡིད་འགུག་བསླུ་བྲིད་གཏོང་རྒྱུའི་གོ་སྐབས་ཡག་ཤོས་དེ་ཆགས་ཡོད།
བོད་ནང་ ༣ ,༡༤ དོན་རྐྱེན་དེས་བོད་གཙོས་པའི་གྲངས་ཉུང་མི་རིགས་ཁག་སྲིད་གཞུང་ལ་ལྟ་སྟངས་སྣ་ཚོགས་ཡོང་གིན་ཡོད་སྐབས། ཟི་ཁྲོན་ཡཱོན་ཁྲིན་ནང་ས་འགུལ་བརྒྱབས་ཏེ་རྒུད་སྐྱོབ་ཀྱི་ཟློས་གར་དེར་མི་གྲངས་དུང་ཕྱིར་བཅུ་གཉིས་དུང་སེམས་ཤོར།
བོད་ཐོག་དྲག་གནོན་བྱས་པ་དང་རྒྱ་ནག་གི་འགྲོ་བ་མིའི་ཐོབ་ཐང་སོགས་ལ་རྒྱལ་སྤྱིའི་ཐོག་གླེང་སློང་ཤུགས་ཆེན་ཆགས་སྐབས། པེ་ཅིན་ཨོ་རྩེད་འགྲན་ཚོགས་ཀྱིས་འཛམ་གླིང་མི་མང་གི་ཡིད་སེམས་དྲངས།
ད་ལོ་ཞིན་ཅིང་ནང་ ༧ , ༤ དོན་རྐྱེན་བྱུང་སྟེ། ཡུ་གུར་མི་མང་རྒྱ་གཞུང་ལ་ཁོང་ཁྲོ་ལང་ཡོད་སྐབས། ཉིན་འདི་འགའི་གངས་སྐྱོན་ལ་མྱུར་སྐྱོབ་ཀྱི་བྱ་འགུལ་དང་དངོས་ཡོད་ལས་ལྷག་པའི་དྲིལ་བསྒྲགས་བྱས་ཏེ། ཡུ་གུར་མི་མང་གི་ཁོང་ཁྲོ་དེ་ཡིད་ཆེས་དང་དགའ་ཞེན་གྱི་ངོ་བོར་བསྒྱུར་རྒྱུའི་གོ་སྐབས་ཡག་ཤོས་དེ་ཤར་སོང་ལ། འདི་རྒྱ་གཞུང་གི་སེམས་ནའང་ཁྲིགས་ཁྲིགས་ཡིན།
ད་ནི་རྒྱ་ནག་པ་ཚོས་གསར་འགྱུར་ངོ་མ་རེ་འགའི་དར་ཆའི་འོག་ནས་ཁེ་བསང་མང་པོ་རག་ཡོང་སྙམ་པའི་ཧམ་སེམས་ཀྱི་མཆུ་ཏོ་རིང་པོ་སྲིང་གི་ཡོད་རྒྱུ་རེད།
སྔ་ལོར་བོད་འདམ་གཞུང་ཁུལ་དུ་ས་ཡོམ་བརྒྱབ་རྗེས་ཀྱི་གནས་ཚུལ་དང་འདྲའམ་ང་ཚོས་ཡུན་གྱིས་བལྟ་ཆོག