ལས་ཀ་གྲོལ་ནས སླར་ཡང་ནམ་རྒྱུན་ལྟར
རླངས་འཁོར་ས་ཚིགས་དེ་ནས་ཐ་མག་རྐང་ཐུར་གཅིག་མེ་ལ་སྤར
འཁྲིས་ཀྱི་བུད་མེད་དེ་གཉིས་ཀྱིས་ཀྱང་འགྲམ་དུ་བཙོག་ནས
རེ་རེ་ལག་དུ་ཐ་མག་རྐང་ཐུར་རེ་རེ་འདུག་ལ
ལག་པ་ཡ་རེ་ནང་དུ་ཁ་པར་རྣ་རྩར་སྤྱར་ནས་ཁ་བརྡ་བྱེད
དྲུག་བཅུ་རེ་ལྔ་རྟགས་ཅན་གྱི་རླངས་འཁོར་སླེབས་སོང་
ག་ལེར ཁོ་མོ་གཉིས་སྔོན་དུ་འགྲོ་རུ་བཅུགས
རིམ་གྱིས་རླངས་འཁོར་གྱི་སྐེས་འཛེགས་དུ་འཛེགས་ཞོར
མིག་ཟུང་གཉིས་རྒྱུན་ལྡན་ལྟར
རླངས་འཁོར་ནང་གི་བུད་མེད་མཛེས་མ་དག་གི་གདོང་ལ་བལྟས
སྐར་མ་ཉེར་ལྔའི་རྗེས་སུ་རླངས་འཁོར་ལས་ས་ལ་འབབ་རྗེས་སུ
གོམ་ཁ་དལ་མོར་ལེན་ཞོར་དུ་གློག་སྐས་ཀྱི་གློག་སྒོ་དེ་མནན
ནང་དུ་འབྱོར་དུས་སུ བུ་མོ་ཆུང་ཆུང་གཉིད་ཚར་འདུག་ཀྱང་
མཛའ་མོའི་ད་དུང་ མིག་ཤེལ་ཆུང་ཆུང་དེ་ཡི་འོག་ནས
དྲ་ངོས་སུ་བཅེར་ཞོར་ང་རང་ལ་འཛུམ་འདང་གིས་བསུས
རྒྱབ་ཁུག་སྔོན་པོ་དེ་ཕར་ལ་གཡུག
ང་ལ་ཇ་དེ་ཚུར་སྤྲོད་དང་
ཁྱེད་རང་ལ་རྒྱལ་ཁ་ཐོབ་སོང་ ང་རང་ཐང་ཆད་ཀི
ཉལ་དུ་འགྲོ་རྒྱུ་ཡིན ཆུ་ཚ་བོ་བཟོས་ཡོད
གཟུགས་པོ་ཞིག་དཀྲུས་ན་ཡག་ས་རེད
ག་ལེར དྲ་སྒོ་ཕྱེ་ནས་ཟིན་བྲིས་ཁག་དུ་ཉུལ
སྐད་ཆ་ནི་སྔར་བཞིན་རེད་འདུག
སྤུན་ཟླ་མི་ཉུང་བ་ཞིག་ང་རང་བཞིན
དྲ་ངོས་སུ་ཡོད་སྲིད་ཀྱང་ རང་རང་ས་རུ་ཁོམ་པ་མེད་ཤེས་ཆེ
མི་ཉུང་བ་ཞིག་གཉིད་གོང་དུ་ཡོད་ངེས་རེད
གང་ལྟར ང་ལ་རང་གི་འཇིག་རྟེན་དེ་ཐོབ་པ་ལྟར
ལྷོད་ལྷོད་ངང་ རང་ཉིད་ལ་ཐག་རིང་གང་ཞིག་ནས་གློག་འཕྲིན་རེ་ཡོད་མེད་བསྔོག
ཕྱི་རོལ་དུ་རླུང་བུའི་བུར་བུར་ཟེར་བའི་སྒྲ་ཞིག་ཐོས
མཛའ་མོ་གཉིད་ཚར་འདུག
སྒེའུ་ཁུངས་ལས རྒྱལ་ཁབ་གཞན་ཞིག་གི་གློག་འོད་འཕྲོ་བཞིན་པ་མཐོང་
མཚན་མོར་འདིར མི་སེམས་ག་ཚོད་ཅིག་ཁེར་རྐྱང་ཡིན་སྲིད
མི་སེམས་ག་ཚོད་ཅིག་ལ་འདང་རྒྱག་ཡོད་སྲིད
མི་སེམས་ག་ཚོད་ཅིག་ལ་རང་དབང་མེད་སྲིད
མི་སེམས་ག་ཚོད་ག་ཚོད་ཅིག་སྙམ་ཞོར་དུ
ནང་དུ་ཆུ་ཚོད་ཀྱི་ཐག་སྒྲ་དང་
ཕྱི་རོལ་དུ་རླུང་གི་བུར་སྒྲ་མ་གཏོགས་མེད་པའི་ང་རང་ནི
དོན་དངོས་སུ དྲ་ཐོག་ནས་ཅི་ཞིག་མ་རྙེད་པར་ལུས་ཡོད་པ་རེད
ཤ་ཁྲག་རུས་གསུམ་ལགས། ཉིད་ལས་ཀའི་དུས་སུ་མཛའ་མོ་གཅིག་པུ་ཁྱིམ་དུ་ཡོད་པར་སེམས་ཁྲལ་མི་འདུག་གམ།
ཤ་ཁྲག་ལགས ང་ཡང་མཚམས་ལན་རེར་དགུང་མོ་ཆུ་ཚོད་གསུམ་པ་བར་ལྷག་མྱོང་ཡོང་། ང་ཚོ་འདི་ལྟར་ལྷན་འཛོམས་དེ་ངོ་མ་སྤྲོ་བ་འདྲེན་པ་ཞིག་རེད།
སྐབས་རེ་ངས་ཀྱང་མཚན་དགུང་གི་ཆུ་ཚོད་དང་པོ་དང་གཉིས་པ་ཙམ་གྱི་རིང་དྲ་ངོས་སུ་མྱུལ།
དེ་ལྟར་དྲ་ངོས་སུ་མིག་ཟུང་བཅེར་དྲགས་པའི་རྐྱེན་གྱིས་སྐབས་རེ་མགོ་བོ་ཡང་འཁྱོམས།
སྐབས་རེ་ངལ་དུབ་ཀྱིས་ཀྱང་མནར།
སྐབས་རེ་ཟས་བརྗེད་གཉིད་བྲལ་དུ་གྱུར།
འདི་ལྟར་ཕྱིར་བལྟས་ཤིག་བྱ་སྐབས་རིན་བྲལ་གྱི་དུས་ཚོད་མང་པོ་ཞིག་འདི་ལྟར་བསྐྱལ་ཟིན་འདུག འོན་ཀྱང་། ང་ལ་ཅི་ཞིག་རག་ཡོད་དམ། དྲ་གྲོགས་ཚོར་ཕན་པའི་ལས་ཀ་ཅི་ཞིག་བྱས་ཡོད་དམ། བོད་མི་རིགས་ལ་ཕན་པའི་ལས་དོན་ཆེ་ཕྲ་ཅི་ཞིག་བྱས་ཡོད་དམ། ཨོའོ་དྲི་བ་འདི་དག་རང་གིས་རང་ལ་འདོན་པའི་དུས། རང་ཉིད་ཀྱི་དྲི་བར་རང་ཉིད་ཀྱིས་ལན་ཏག་ཏག་ཅིག་འདེབས་མ་ཐུབ་པར་ལུས། དྲི་བ་འདི་དག་ལ་ལན་ཇི་ལྟར་ཐེབས་ཀྱི་རེད་དམ།
སྤུན་ཟླ་ཚོ་རེ་རེ་བཞིན་ཕེབས་ནས་བསམ་ཚུལ་གསུངས་པ་དེར་དགའ་ཡོད། རྗེས་ཕྱོགས་ཀྱང་བལྟས་ནས་འདུག བདག་གིས་ཀྱང་གང་ཐུབ་ཅི་ཐུབ་རེ་སྤུན་ཟླ་ཁྱེད་ཅག་གི་ཟིན་བྲིས་ཀློག་བཞིན་ཡོད། འོན་ཀྱང་། བསམ་ཚུལ་འབྲི་རྒྱུར་ཇེ་ཉུང་དུ་གཏོང་ཡོད། དེང་སང་ང་རང་ལ་ཅུང་ཙམ་ལས་བྲེལ་ཡོད་སྟབས། རེ་རེ་བཞིན་བསམ་ཚུལ་འབྲི་རྒྱུའི་དུས་ཚོད་ཁག་པོ་འདུག མི་འགྱངས་པར་ཁོམ་པ་ངེས་ཅན་ཞིག་བྱུང་ན། དེ་དུས་སླར་ཡང་བསམ་ཚུལ་རེ་རེ་བཞིན་འབྲི་ངེས་ཡིན་ལགས།
ཨོ་ཤ་རུས་ལགས་ང་ཡང་དུས་རྟག་ཏུ་དྲ་ཐོག་ནས་བོད་ཀྱི་སྤུན་ཟླ་ཚོ་དང་མཉམ་དུ་སྐྱིད་སྡུག་གི་སྐད་ཆ་རེ་དང་ཕུང་བསམ་གྱི་རེ་བ་རེ་ཁ་བརྡ་མ་བྱེད་ན་སྡོད་མི་ཐུབ་པ་དེར་ཅི་ཞིག་ལན་པ་ཡིན་ནམ། ཞེས་རང་རང་ལ་དྲི་བ་འདེབས་དུས་ང་རང་ཚོ་འཛམ་གླིང་ག་ས་གང་ལ་འཁྱམ་ནས་འཚོ་བ་སྐྱེལ་བཞིན་ཡོད་ཀྱང་རང་གི་མིག་མདུན་དུ་ཡོད་པའི་ཕྱི་རྒྱལ་བ་ངོ་ཤེས་གྲོགས་པོ་རྣམས་དང་ལྷན་དུ་ཆང་འཆུང་སྤྲོ་སྐྱིད་སྡོད་པ་ལས་དྲ་ཐོག་ཏུ་བོད་ཀྱི་སྤུན་གྲོགས་ཚོ་དང་བསམ་ཚུལ་མཐུན་མིན་གྱི་ཐོག་ནས་ཁ་རྩོད་རེ་རྒྱག་རྒྱུ་བྱུང་ན་སྐྱིད་སྣང་དང་འཚོ་བ་ངར་མ་ཞིག་ཡོད་པ་འདི་ནི།
རང་གི་ཤ་ཁྲག་གི་འབྱུང་ཁུངས་དང་རང་གི་མི་རིགས་ལ་བཅིང་བའི་བརྩེ་སེམས་དང་མི་རིགས་འདི་མེད་ན་རང་ཉིད་འཚོལ་མི་ཐུབ་པའི་སྔར་ལྟས་ཞིག་ཡིན་པ་འདྲ།
མདོ་ན་་ང་རང་ཚོ་གྲྭ་ལོག་རྣམས་ཀྱི་བརྩེ་སེམས་འདི་ནི་དགེ་བའི་བཤེས་གཉེན་རྣམས་ཀྱིས་བཀའ་དྲིན་དང་ནང་ཆོས་ཀྱི་འབྲས་བུ་རེ་སྨིན་འདུག་སྙམ།
ཁུར་བསམ་ཀྱང་ལུས་ཀྱིས་ཁྱོག་ཁུ།
བཞག་བསམ་ཀྱང་དུང་སེམས་མི་ཆོད་ཁུ།
བསྐྱུར་བསམ་ཀྱང་ཁེར་འགྲོས་མི་ཕོད་ཁུ།
སྡོད་བསམ་ཀྱང་མཉམ་དུ་མི་ཡོང་ཁུ།
ལས་ཀ་ནས་ཕྱིར་འབྱོར་སྐབས་ཕྱི་མོ་གཉིད་འདུག་ནའང༌། ཨ་ཡེ་དང་མཉམ་དུ་དགུང་ཟས་ཟོས་རྗེས་རང་རང་གིས་ཅི་འདོད་བྱས་ཀྱང་ཆོག་མོད། གཅིག་ནང་དུ་འབྱོར་བ་དང་ལམ་སང་རྩིས་འཁོར་དེ་རྩིས་སྤྲོད་འདྲ་ཞིག་བྱས་ཏེ་ཉལ་བར་སོང་བ་དེ་ཅུང་བཟང་རྒྱུ་མི་འདུག རྗེས་མ་ནས་ངས་བཤད་པ་ནང་བཞིན་བྱོས། ཨེ་གོ
རླངས་འཁོར་ཨང་རེ་ལྔ་ཅན་དེར་བསྡད་ཚེ་ཟི་ལིང་བོད་མིའི་ཁྲོམ་རར་ཐོན་ངེས། དེ་ནས་སར་བབ་ནས་ལྷ་སའི་ཟ་ཁང་ནས་སོང་སྟེ་ཤ་འབྲས་དཀར་ཡོལ་གང་ཟོ། ད་དུང་མི་རྒྱག་ན་གཡས་ངོས་ཀྱི་གཅན་ཚའི་ཟ་ཁང་ནང་སོང་སྟེ་འཐེན་ཐུག་དཀར་ཡོལ་གང་འཐུངས། དེ་ནས་ག་ལེར་བླ་བྲང་དཔེ་ཁང་དང་སྣ་བརྒྱའི་ཚོང་ཁང་སོགས་ལ་གཅིག་ཉུལ་རྗེས་གཡང་འཁྱིལ་ཇ་ཁང་དུ་ཇ་འཐུང་བར་ཤོག ཨེ་གོ།
ཨ་རོ་མཛའ་མོ་ལས་བུ་མོ་གཞན་ལ་སེམས་ཤོར་མི་ཉན། མྱི་བཟང་ང་ཞིག་ལ་མ་རིགས་ནས།
རེད་་་་རེད་་་་ཟིན་བྲིས་འདི་ད་སྐབས་ང་ཚོ་ཚང་མའི་ཕར་བཤད་ཚུར་བཤད་ཀྱི་གླེང་མོལ་ར་བ་རེད།
ཟིན་བྲིས་ཀྱི་ཁྱིམ་གཞི་འདི་ན།
ང་ཚོ་ཚང་མ་ཁྱིམ་ཚང་གཅིག་གི་མི་རེད།
ང་ཚོའི་རང་ཉིད་ཀྱི་དུང་བ་ཞེ་འདང་ཚང་མ་བརྗོད་ཆོག་སའི་གོ་ཁ་དྲོན་པོ་ཞིག་རེད།
འོན་ཏེ་སྐབས་རེ་ངེད་ཚང་ལའང་བཟའ་འཁོན་ཆུང་ཆུང་རེ་ཡོང་གི་ཡོད་པ་པ་རེད། དོན་དག་མེད་ས་ནས་ཡོང་གི་ཡོད་པ་རེད།
གང་ལྟར་སྐྱོན་མི་འདུག ཨ་རོགས་ཀ་ཁ་ག་ང་འདི་ཐོག་མར་རྒྱ་གར་ལ་བལྟས་ནས་བཟོས་རབས་ཡོད་ཀྱང་། དེང་སང་འདི་ལ་རྒྱ་གར་གྱི་ས་ཆུ་འཕྲོད་ཀྱི་ཡོད་ས་མེད་ཁུ། ཧ་ཅང་མཁྲེགས་པོ་འདུག་ཅེས་རླུང་ལྟར་གྲགས་ཡོང་གི།
ཧ་ལམ་རྒྱ་གར་ནང་གི་སློབ་གྲྭ་དག་གིས་ཀ་ཁ་ག་ང་ལ་ལག་ཁེལ་ས་མ་རེད།
འོ་་་་ངས་དེ་ནས་ཀ་ཁ་ག་ང་མཁྲེགས་པོ་འདུག་གམ་་་རྒྱ་གར་ནང་གི་ཀ་ཁ་ག་ང་ལྟ་བུ་ཞིག་མི་མཁྲེགས་ན་་་་མངར་ཆ་རེ་དང་མཉམ་དུ་བུ་མོ་ཆུང་ཆུང་དེའི་ཁ་ནང་ལ་གཅིག་རེ་གཉིས་རེ་བྱས་ནས་འཇོག་རྒྱུ་མ་བརྗེད་དཱ་་་
ང་ཡང་ཉལ་མེད།
ཤ་ཁྲ་ལགས་བཀླགས་ཟིན་པ་ཡིན།
ཁེར་རྐྱང་ངང་ཟིན་བྲིས་ཀྱི་དགའ་མ་དང་ལྷན་དུའགྲོགས་ཏེ། དབྱངས་གསལ་སོ་བཞིའི་གྲོགས་མཆོག་དང་ལྷན་དུ་མཆོད་ཆང་རེ་མཆོད་དང་ཁེར་རྐྱང་གི་སྣང་བ་དེ་ཡོད་མི་སྲིད།
མྱི་ལྡང་། ཁྱོས་སྐྱིད་པོ་དཔེ་མེད་ཅིག་བྲིས་འདུག འུ་གཉིས་སའི་གོ་ལའི་འཕྲེད་ཐིག་གཅིག་གི་སྒང་དུ་སྡོད་བཞིན་ཡོད་པས་དུས་ཚོད་ལ་སྔ་ཕྱི་མི་འདུག་དྲན། གཞན་པ་མང་པོ་ཞིག་གཉིད་ཚར། གཞན་པ་མང་པོ་ཞིག་རྒན་མོ་ཚོའི་རུམ་ན་ཁོམ་གི་མེད། གཞན་པ་མང་པོ་ཞིག་་་ ་་་