དུས་བབ་དྲ་རྒྱ་འདི་ནི་བོད་ཀྱི་གནད་དོན་ལ་ཕན་ཐོག་ཡོད་པའི་དྲ་ཁང་ཞིག་དང་མཁས་དབང་མང་པོས་རང་གི་ལ་རྒྱ་དང་ཕུང་བསམ་གྱི་བགྲོད་གླེང་བཤད་ས་ཤིག་དང་བོད་ཡིག་གི་དྲ་ཁང་ཡག་ཤོས་ཤིག་རེད་འདོད།
རང་རང་གིས་རྣམ་དཔྱོད་ཀྱི་རྩལ་ལས་དཔག་པས་བོད་སྤྱི་དོན་གྱི་གནད་དོན་རེ་དང་ཕུང་བསམ་གྱི་སྒྲུབ་བྱ་རེ་གླེང་དང་གླེང་བཞིན་པ་རེད་འདུག
ཡིན་ཡང་ཁ་བཤད་ཆུ་ཡི་ཝུ་བ་ལག་ལེན་གསེར་གྱི་ཐིགས་པ་ཞེས་པར་བཞིན་དུ་བཙན་བྱོལ་ནང་གིས་མཁས་དབང་ཚོས་དྲ་ཐོག་ཏུ་བོད་སྤྱིར་ཕན་པའི་གནད་དོན་ཅི་ཙམ་གླེང་ཁུལ་བྱས་ཀྱང་དོན་དངོས་ཐོག་ལག་ལེན་ཡོང་མི་ཐུབ་པ་ཞིག་ཏུ་མཐོང་།
དུས་བབ་ཟིན་བྲིས་ནང་དུ་བོད་མི་དམངས་སྤྱི་འཐུས་ཚོ་གཙོ་ཟིན་བྲིས་པ་བརྒྱ་ལྷག་ཡོད་པ་དང་མཆན་འདེབས་པ་ཡང་མི་ཉུང་བ་ཞིག་འདུག
ཁོང་རྣམས་པ་ནི་ཡོན་ཏན་ལྡན་པའི་སྐྱེ་བོ་རེད་འདུག་ལ་བོད་མི་རིགས་ཀྱི་འགན་ཁུར་བའི་བོད་མི་ཚད་ལྡན་ཤ་ཏག་རེད་འདུག་སྙམ།་་་་་་་་་་་་་ཡིན་ཡང་མཁས་དབང་དགེ་ཆོས་ཀྱིས་གསུངས་པ་ལྟར།
ཤེས་བརྩོན་ཐོས་པ་ཅན་གྱི་ཉམ་ཆུང་གི་ཁ་གཏམ། བླུན་པོ་ནོར་སྐྱ་ཁུར་བའི་དབང་ཤུགས་ཀྱིས་བཅོམ་དེ།
ཞེས་པར་བཞིན་དུ་དེང་སང་བཙན་བྱོལ་སྤྱི་ཚོགས་ནང་དུ་བླུན་པོ་ནོར་སྐྱ་ཅན་གྱི་སྤྱི་འཐུས་དང་ལས་བྱེད་པ་མང་པོ་ཡོད་པས་ཤེས་བརྩོན་ཐོས་པ་ཅན་གྱི་ཕུང་བསམ་གྱི་སྒྲུབ་བྱ་དེ་ལག་ལེན་ཐོག་ཏུ་ཡོང་མི་ཐུབ་པ་འདི་ནི་འགག་རྩ་ཅིག་ཏུ་མཐོང་།
དཔེ་ན་སྐུ་སྒེར་གྱི་དྲ་རྒྱའི་ཐོག་ཏུ་བོད་ཡིག་དགོས་ཀྱིན་འདུག་ཞེས་ཟིན་བྲིས་པ་དང་མཆན་འདེབས་པ་མང་པོས་མ་གྲོས་བསམ་པ་གཅིག་མཐུན་གྱི་ཐོག་ནས་འབད་བསྐུལ་ཞུས་སོང་།
ཡིན་ཡང་བླུན་པོ་ནོར་སྐྱ་ཁུར་བའི་དབྱིན་སྐད་ཅན་ཚོས་ཨ་ལན་ཡོད་ཚད་མི་འདུག
ཟིན་བྲིས་པ་དང་མཆན་འདེབས་པ་མཁས་དབང་བརྒྱ་ལྷག་གིས་རེ་བསྐུལ་དེར་ནུས་པ་མེད་པ་དང་ལག་ལེན་མེད་པ་ཞིག་ཡིན་དུས་ཡོན་ཏན་ཅན་གྱིས་བོད་མི་ཚོས་སྤྱི་ཚོགས་ཀྱི་ཁ་ཕྱོགས་ཁྲིད་མི་ཐུབ་པ་འདི་ནི་དངོས་གནས་གནས་ཚུལ་ཐབས་སྡུག་ཞིག་རེད་འདོད།
ང་ཅོ་རིས་བསམ་ཚུལ་བཤད་ན་དུས་བབ་དྲ་རྒྱའི་ནང་གི་ཟིན་བྲིན་པ་དང་མཆན་འདེབས་རྣམས་ཀྱི་ཚོགས་པ་ཞིག་དང་སྒྲིག་འཛུགས་ཤིག་འགན་འཛིན་ཞིག་དང་རྒྱབ་སྐྱོབ་ཤིག་ཡོད་པ་ཡིན་ན་ཟིན་བྲིས་པ་མཁས་དབང་ཚོའི་ཕུང་བསམ་གྱི་སྒྲུབ་བྱ་དེ་སྒྲུབ་ཐུབ་ཀྱི་ནུས་པ་ཡོང་གིན་རེད་དྲན།
སྒྲིག་གཞི་ལྡན་པའི་དུས་བབ་དྲ་ཐོག་གི་རྩོམ་བྲིས་པའི་ཚོགས་པ་ཞིག་འཛུགས་ན་ཡག་པོ་རེད་འདོད།
འདི་ནི་ང་ཅོ་རིས་དྲ་གྲོགས་རྣམས་དྲན་སྐུལ་གྱི་ཚུལ་དུ་ཡིན་པས་ཁྱེད་རྣམས་ཀྱིས་དགོངས་ཚུལ་ཅི་ནས་ཀྱང་ཡོད་མཁྱེན་མཁྱེན།།།།།
ཡག་པོ་བྲིས་འདུག་་་མོད་་་
བཀླགས་ཟིན་
གཤམ་དུ་དྲ་གྲོགས་དཀོན་མཆོག་ལགས་ཀྱིས་་་་་་་་་་་འབྲི་མི་ཉམ་ཞེས་པ་འདི་
འབྲི་མི་ཉན་ཞེས་བཅོས་དགོས་་་་་་་་་་མ་གཏོགས་གོ་རྒྱུ་མི་འདུག་མོད་་་་་་་་་་་་
དྲ་གྲོགས་ཚོས་བསམ་གཞིག་ནན་པོ་བྱེད་དགོས།
སྐུ་སྒེར་ཡིག་ཚང་གི་དྲྭ་རྒྱའི་སྐོར་ལ་དྲྭ་གྲོགས་ཚོས་མང་པོ་ཞིག་གླེང་སློང་བྱས་པ་དང་བསེ་རུས་སྙན་ཞུ་ཕུལ་བ་དེས་ནུས་པ་ཆེན་པོ་ཞིག་ཐོན་ཡོད་པའི་ངོས་འཛི་བྱེད་བཞིན་ཡོད་ལ། དེ་བཞིན་སྐུ་སྒེར་ཡིག་ཚང་གིས་ཀྱང་མི་འགྱང་བར་བོད་ཡིག་དྲྭ་རྒྱ་ཞིག་སྒོ་འབྱེད་བྱེད་གི་བསམ་པའི་ཡིད་ཆེས་ཡོད།
ཅོ་རི་ཉི་མ་ལགས་ཀྱིས་དགོངས་ཚུལ་ཡག་པོ་འདུག།
ཨ་ཅོ་རི་ཉི་མ་་་མཁར་གསར་མཚོ་ཁ་ན་ཡོད་དུས་ཀྱི་བསམ་བློ་འདྲ་བོ་འབྲི་མི་ཉམ།
རྗེས་མ་བསམ་བློ་་ཚོས་འདུག་ཀྱངང་་་་་སྨྱུག་རྩེ་ལྗེན་པ་རེད་འདུག་གསུང་མཁན་མང་པོ་འདུག་་་་་ཐུགས་གཟབ་གནང་དགོས་ས་རེད།
དུས་བབ་ཚང་གི་ང་ལ་ཡིག་ནོར་ཕྱོགས་ནས་མ་རབ་ཚ་ཤོས་རྩི་ཡང་འདི་འདྲ་དང་གང་ཤེས།
ཧ་ཧ་ཧ་སྐུ་བརྩེད་ཡིན་ད།
བོད་ཤ་ཁྲག་རུས་གསུམ་ལ་འཚམས་འདྲི་ཡོད།
ཅོ་རི་ཉི་མ་ལགས།
སྐུ་ཉིད་ཀྱི་དགོངས་ཚུལ་ཁག་བཀླགས་ཟིན་པ་ཡིན། སྐུ་ཉིད་ཀྱིས་གསུངས་པའི་ནང་དོན་ཁག་ཆ་ཚང་རྟོགས་བྱུང་། ཐུགས་རྗེ་ཆེ། ཡིན་ན་ཡང་། མཆན་བུའི་ནང་གི་ཡིག་ནོར་ཁ་ཤས་འདུག་པས་སེམས་ཀྱིས་མ་བཟོད་པར་མི་ཞུ་མཐུ་མེད་དུ་གྱུར་པས་སྐུ་ཉིད་ཀྱིས་དང་ལེན་གནང་བའི་ཡིད་ཆེས་ཡོད།
མ་དག་པ། དག་པ།
བསེ་རི། བསེ་རུ།
ཕན་ཐོག ཕན་ཐོགས།
ཕུང་བསམ། ཕུགས་བསམ།
བགྲོད་གླེང་། བགྲོ་གླེང་།
སྒྲུབ་བྱ། བསྒྲུབ་བྱ།
ཁོང་རྣམས་པ། ཁོང་རྣམ་པ།
ཤ་ཏག ཤ་སྟག
འགག་རྩ་ཅིག འགག་རྩ་གཅིག
དཔེ་ན། དཔེར་ན།
འདུག་ཞེས། འདུག་ཅེས།
འབད་བསྐུལ། འབོད་སྐུལ།
རེ་བསྐུལ། རེ་སྐུལ།
ཡོད་ཚད། ཡོད་ཚོད།
རྒྱབ་སྐྱོབ། རྒྱབ་སྐྱོར།
ཐབས་སྡུག ཐབས་རྡུགས།
སྡུག་ཞིག སྡུག་ཅིག
ཟིན་བྲིན་པ། ཟིན་བྲིས་པ།
དྲ་གྲོགས་ཅོ་རི་ཉི་མ་ལགས།
སྐུ་ཉིད་ཀྱིས་གསུངས་པའི་དགོངས་ཚུལ་ཐད།
༡ དྲ་རྒྱའི་ཟིན་བྲིས་པ་དང་མཆན་འདེབས་པ་པོ་རྣམས་ཀྱི་ཚོགས་པ་ཞིག་འཛུགས་ཐུབ་ན་གསུངས་པ་ནི། དགོངས་ཚུལ་ལེགས་པོ་ཞིག་ཡིན་ན་ཡང་། སྒྲིག་གཞི་ལྡན་པའི་དུས་བབ་དྲ་ཐོག་གི་རྩོམ་བྲིས་པའི་ཚོགས་པ་ཞིག་འཛུགས་དགོས་མིན་དེ་དུས་བབ་གསར་ཁང་ལ་ཐུགས་འགན་དང་ཐག་གཅོད་ཀྱི་རང་དབང་། འོས་བབ་བཅས་ཡོད་པ་ཞིག་རེད་ལ་ཡོད་དགོས་ཞིག་ཀྱང་རེད་སྙམ། དུས་བབ་གསར་ཁང་གིས་ང་ཚོར་འདི་ལྟའི་ཟིན་བྲིས་གསར་བཟོ་དང་། མཆན་བུ་འདེབས་རྒྱུ་སོགས་ཀྱི་རིན་བྲལ་གྱི་གོ་སྐབས་གནང་བ་ནི་ཚང་མས་མཁྱེན་གསལ་རེད། དེར་བརྟེན། སྐུ་ཉིད་ཀྱིས་དགོངས་ཚུལ་གནང་བ་ལྟར། སྤྱི་ཚོགས་ལ་ཕན་ནུས་ཀྱི་ཅི་ཡོང་གི་རང་བཞིན་ལ་གཟིགས་ཏེ་དགེ་མཚན་ཆེན་པོ་ཞིག་ཏུ་གཟིགས་ཚེ་འབྱུང་འགྱུར་དེ་རིགས་ཡོང་ངེས་པ་ཡིན།།
༢ དཔལ་ལྡན་སྐུ་སྒེར་ཡིག་ཚང་གི་དྲ་རྒྱ་www.dalailama.comགྱི་སྐོར་དྲ་གྲོགས་ཚོས་དགོངས་ཚུལ་ཤུགས་ཆེར་གསུངས་པ་ལྟར། འབྲེལ་ཡོད་ཕྱག་ལས་གནང་མཁན་རྣམས་ཀྱིས་གང་མགྱོགས་བོད་ཡིག་དྲ་རྒྱ་ཞིག་གསར་དུ་སྒོ་འབྱེད་གནང་རྒྱུར་རེ་བ་དང་ཡིད་ཆེས་བྱེད་བཞིན་ཡོད། སྐབས་དེའི་ཚེ་དེའི་དུས་དྲ་གྲོགས་ཚོའི་དགོངས་ཚུལ་ལ་ཕྱོགས་བསྡོམས་དང་དབྱེ་ཞིབ་རོབ་ཙམ་བྱས་ཏེ། ངེད་ཀྱིས་སྐུ་སྒེར་ཡིག་ཚང་ལ་བོད་ཡིག་དྲ་རྒྱའི་གལ་ཆེའི་རང་བཞིན་དང་དེ་ངེས་པར་དགོས་རབས་ཀྱི་སྙན་ཞུ་ཞིག་ཀྱང་ཕུལ་བ་ཡིན། ཞིབ་པར་མཁྱེན་པར་འདོད་ན་གློག་འཕྲིན་ཁ་བྱང་བརྒྱུད་ཕུལ་ཆོག་པ་ཞུ།།