མཐོང་ན་མངོན་པར་དགའ་བའི་གཤིས་ཀ་ཞིག།
འགྲོག་ན་ཞི་ཞིང་དུལ་བའི་སྤྱོད་པ་ཞིག།
འདྲིས་ན་ཡིད་དུ་འོང་བའི་སེམས་པ་ཞིག།
གྱེས་ན་དྲན་ཞིང་ལྕི་བའི་ངང་ཚུལ་འཇོག།
མ་མཐོང་མི་ལོ་མང་བོ་བཞུད་ནས་ཐལ།།
དྲན་ནས་ཚུགས་པ་མེད་པའི་ནང་རོལ་ན།།
ནམ་ཀུན་སྐྱོ་བ་དྲགས་པོའི་སྨྱོས་པ་ཡིས།།
གཟུགས་མེད་ཚོར་བ་འདི་ཉིད་ཨ་ཙ་མ།།
རྒས་ཤིང་ཀོག་པའི་སྐྱི་མོ་ཚུར་ལ་བསྡུས།།
གོམ་པའི་ལྡོག་སྣེ་རྡོ་དང་ཕྱེ་མར་འཕྲད།།
ནུར་ཞིང་འཁྱོར་བའི་སྒྱུ་མའི་ཕུང་བོ་འདི།།
འཆི་བདག་ནག་པོའི་ཁ་ཟས་གྱུར་ལ་ཉེ།།
ཐོས་འཛིན་བུ་རམ་སྐྱུར་མོའི་རྫས་ཀྱི་ཟོས།།
རོ་འཛིན་རེག་བྱ་བ་ཚྭའི་བརླན་གྱི་བཟུང་།།
མིག་གི་དབང་བོས་རྒྱང་རིང་མི་མཐོང་བ།།
ཕྱི་མའི་མགྲོན་བརྡ་ཚེ་འདིས་ལག་གཡུགས་འདྲ།།
ཡོད་ཚད་རེ་བར་བཅིངས་པའི་རྨི་ལམ་དང་།།
ཀུན་ལ་གཅིག་དུ་ལྟ་བའི་བསམ་བློ་སོགས།།
ཐོབ་ཤོར་དར་རྒུད་ཉེ་རིང་མི་འདོད་ཀྱང་།།
ད་ནི་མི་རྟག་ལུས་ལ་རེ་བཞག་བྲལ།།
འབུར་ཐོ་མ་རིག་ཡུན་རིང་འགོར་བའི་རྗེས།།
དེ་རིང་སླར་ཡང་མཇལ་བ་སྤྲོ་ནས་ཡོད།།
ལྷག་པར་རང་སེམས་རང་ལ་ངེས་པ་དང་།།
རང་སྐྱོན་རང་གིས་གླེང་བའི་ལམ་ཕྲན་འདི།།
མི་འགྱངས་ཡར་རྒྱས་ཅན་གྱི་གོམ་པ་དེ།།
སྤོ་སྟངས་ཤིག་ལས་གཞན་ཞིག་མ་ཡིན་ན།།
སྐུ་ཉིད་དེ་བཞིན་ཉིན་མཚན་དུས་དྲུག་ལ།།
རང་གིས་རང་ལ་བརྟག་པ་དགའ་བཞིན་ཡོད།།
བདག་གི་ཟིན་བྲིས་ནང་དུ་ཡང་ཡང་དུ།།
ཕེབས་པར་སེམས་པའི་གཏིང་ནས་དགའ་གུས་ཞུ།།
གྲོགས་པོ་ཤ་ཁྲག་ལགས། དུས་དབང་ཞིག་གིས་ཡིན་རིང་འདིར་ཡོང་ཐུབ་མ་སོང་དགོངས་དག
ཤེས་ཡོན་ཅན་རྣམས་དྲ་ཚིག་སྟེང་ན་འགྲན། །
སྟོབས་འབྱོར་ཡོད་མཁན་ཚོང་ར་ནང་དུ་འགྱིང་། །
ཅི་ཡང་མེད་པའི་ང་དང་འབངས་མི་འགའ། །
ས་མཐའི་ཚ་སྡུག་ལྕི་མོའི་ཀློང་ན་འཁྱམས། །
སེམས་ཤུགས་ཆུང་བས་ལ་རྒྱ་ངས་མ་བརྩད། །
ལེ་ལོ་ཆེ་བས་རིག་གནས་ངས་མ་སྦྱངས། །
དཔལ་འབྱོར་ཞན་པས་དྲ་ཚིག་ངས་མ་བཀླགས། །
བཙན་བྱོལ་ནང་ན་ང་ལས་སྡུག་ཅིག་མེད། །
སྟོང་གཏམ་བདེན་བདེན་རྫིག་རྫིག་ང་ཡིས་བཤད། །
ནུས་ཤུགས་ཅན་ལ་སྐྱོན་བརྗོད་ང་ཡིས་བྱེད། །
ནང་མི་སྤུན་ལ་ཚིག་ངན་ང་ཡིས་ལབ། །
ང་ནི་མི་ལྦགས་སྟོང་བའི་མི་གཟུགས་ཤིག །
གཅན་བཟོད་རྒྱམ་ལགས། ཁེར་རྐྱང་ཡིན་ནས། ཁག་མེད་ཀི བུད་མེད་ཅིག་ངོ་སྤྲོད་བྱེད་ཆོག ཁ་བྱང་གང་དུ་ཡོད། ཧཧཧཧཧཧ
ནམས་ཟླ་ལགས། ཕེབས་པ་དགའ་ཡོད།
ལེགས།
ད་ཐོས་འཛིན་དང་རོ་འཛིན་སོགས་འཛིན་པ་རྐྱང་རྐྱང་བཤད་བསྡད་ན་ངས་ཅི་ཟེར་གི་ཡོད་ན་མི་ཤེས་ཀི་ ད་ཁྱོད་འདུག་ས་དེ་ནས་ཞི་མོ་མཛེས་མ་ཞིག་ངོ་སྤྲོད་འདྲ་མི་ཐང་ངམ། དེང་སང་ཅུང་ཙམ་སུན་ནི་ཞིག་རེད་ཡ།
སྤུན་ཟླ་ཚོ། ཁྱེད་ཅག་རེ་རེ་བཞིན་ཕེབས་ནས་རང་རང་གི་བསམ་ཚུལ་གསུངས་པ་དེར་དགའ་ཡོད་ལགས། རེ་རེ་བཞིན་ལན་འདེབས་བྱེད་རྒྱུའི་ཁོམ་པ་མི་འདུག ཉིན་འདི་གར་ང་རང་ལ་བྲེལ་བ་ཅུང་ཙམ་འདུག་ལགས།
བཞུར་བའི་སེམས་ཀྱི་དབྱངས་རྟ་སྐྱུར་མོ་ཞིག།
དྲ་བའི་ཟིན་བྲིས་ནང་དུ་སྤེལ་ཐེངས་རེར།།
ཤ་རུས་གདུང་རྒྱུད་གཅིག་པའི་སྤུན་ཟླ་དག།
འདི་རུ་ཕེབས་ནས་ཀློག་པ་སྤྲོ་ནས་ཡོད།།
ད་གཞི་ནས་ངེས་འབྱུང་སྐྱེས་ཀྱིན་ཡོད་པ་མིན་ནམ།
གྲྭ་སའི་ཆོས་རྭ་ནང་དུ་བརྩད་ཉིན་མོར།
མཐུན་དཔེ་མར་མེ་སྐད་ཅིག་མཐའ་མའི་སྟེང།
བྱས་ན་མི་རྟག་པ་ཡིས་ཁྱབ་པ་བཞིན།
སྒྲ་ཡང་མི་རྟག་རེད་ཞེས་ཚུལ་གསུམ་བཀོད།
དེང་སང་མགོ་བོ་སྐྲ་ལོ་དཀར་བའི་ཚེ།
རང་ལུས་སྟེང་དུ་མི་རྟག་རྟོགས་བའི་དུས།
རང་ལུས་བརྟན་པོ་ཡོང་ཆེད་ལུས་རྩེད་བྱེད།
མི་རྟག་སྒྱུ་མའི་ལུས་འདིར་སྲུང་ཁུལ་བྱེད།ཧཧཧཧཧཧཧཧོ
གྲྭ་པར་བསྡད་དུས་འཁོར་བ་སྐྱིད་སྣང་ཤར་ཞེས་བཅོས་རོགས་ཞུ།
གྲྭ་པར་བསྡད་དུ་འཁོར་བ་སྐྱིད་སྣང་ཤར།
ངེས་གཏན་མེད་པའི་འཁོར་བ་སྐོར་ཉིན་མོ།
དྲང་བདེན་མེད་པའི་འཁོར་བའི་མདུན་ལམ་དུ།
མི་འདོད་བཞིན་དུ་འགྲོ་དགོས་རང་གིས་བཟོས།
གྲྭ་པ་མར་ལོག་ཚར་བའི་ཅོ་རི་ང།
ད་ནི་ཡར་ལོག་བྱེད་ཀྱང་ངོ་རེ་ཚ།
ཡར་ལོག་མར་ལོག་བར་གྱི་འཁོར་ལོ་འདིར།
མ་ཤི་བར་དུ་མི་བསྐོར་སུ་ལ་སྤྲད།
རེ་བའི་ཁུར་པོ་འཁུར་ནས་ས་མཐར་མྱུལ།།
བོགས་མར་ལེན་པའི་ལུས་པོ་ཉིན་བཞིན་རྒས།།
མི་རྟག་འཁོར་བའི་ལམ་ཕྲན་སྐྱག་སྐྱོག་འདིར།།
ཡ་ང་སྙིང་རྗེ་ཡོད་ན་དགའ་བ་ལ།།
བོད། ཤ་ཁྲག་རུས་གསུམ་འདིས་སྙན་ངན་ཧ་ཅང་སྙམ་མོ་ཞིག་བྲིས་འདུག
ཚར་གཉིས་བཀླགས་པ་ཡིན།
ཐུགས་རྗེ་ཆེ།
སྐྱེས་ནས་སྐད་ཅིག་ཙམ་ཡང་སྡོད་དབང་རང་མེད་པར།། འཆི་བདག་གཤིན་རྗེའི་དྲུང་དུ་བང་རྩལ་གྱིས་རྒྱུགས་པ་ཟེར་བ་འདྲ་ཞིག་རེད། བརྩམས་པ་ལེགས།
ཁྱེད་ཉིད་བགྲོད་པའི་འཚོ་བའི་ཤུལ་ལམ་སྟེང་།།
དགའ་སྐྱོ་ཆགས་སྡང་འདྲེས་མའི་རྐང་རྗེས་གསལ།།
འཇིག་རྟེན་གོ་ལ་འགྲིམས་པའི་མྱོང་བྱང་ལས།།
མི་རྟག་རྒན་མོའི་ཞབས་འོག་འགྲོ་དགོས་རྟོགས།།