དེ་རིང་ངས་སླར་ཡང་བརྗོད་གཞི་འདི་ལ་སླར་ཡང་ལག་པ་མི་འཆིང་ཐབས་མེད་ཅིག་ཆགས་སོང་། ཉེ་སྔོན་ཞིག་ལ་ངས་༧གོང་ས་མཆོག་སྐུ་ཕྲེང་བཅོ་ལྔ་བ་བུད་མེད་ཅིག་བྱོན་སྲིད་པ་རེད་ཅེས་པའི་བསམ་ཚུལ་ཞིག་སྤེལ་ན་ཡང་། དྲ་ཐོག་གི་སྤུན་ཟླ་དག་གིས་སྣང་མེད་དུ་གཡུགས་པ་མིན་ན་ཡང་། དེ་ལ་བསམ་ཚུལ་ཐད་ཀར་ཤུགས་ཆེན་པོ་གླེང་མཁན་མེད་པར་གྱུར་སོང་།
གཅིག་བྱས་ན་ང་རང་གི་བྲིས་པ་དེར་དེ་འདྲའི་ཚིག་གི་སྙན་ཆ་དང་དྲ་ཐོག་གི་སྤུན་ཟླ་དག་གི་ཡིད་དབང་འཕྲོག་པ་དེ་འདྲ་ཞིག་ཡོང་མེད་ངེས་ཡིན་སྲིད་ཀྱང་། དོན་དངོས་ཐོག་དེ་ནི་དངོས་ནས་འུ་ཅག་གིས་བོད་མི་རིགས་ལ་༧རྒྱལ་བ་རིན་པོ་ཆེ་དགོས་ཀྱི་ཡོད་མེད་དེ་ཡིན། གལ་སྲིད་དོན་དངོས་ཐོག་༧རྒྱལ་བ་རིན་པོ་ཆེ་སྐུ་ཕྲེང་བཅོ་ལྔ་བ་བོད་པ་ཚང་ལ་དངོས་ནས་དགོས་ཀྱི་ཡོད་ན། དགོས་འདུན་ཤུགས་ཆེན་པོ་གླེང་དགོས་པ་མ་ཟད། དེ་ལ་དངོས་ནས་ཐད་ཀར་༧རྒྱལ་བ་སྐུ་ཕྲེང་བཅུ་བཞི་བ་འདི་ཚང་དངོས་སུ་སྐུ་འཚོ་གཞུགས་སྐབས་འདི་ལ་བོད་ཕྱི་ནང་གཉིས་ནས་འདོད་བློ་ཚིམས་ཐུབ་པའི་ཡང་སྲིད་བྱོན་སྟངས་སྐོར་ལ་ཐག་གཅོད་ཅིག་བྱེད་དགོས་ཀྱི་ཡོད།
དེ་ཡང་སྤྱི་འཐུས་ཀྱི་ཚོགས་ཐོག་ནས་གཏམ་བཤད་གཅིག་གཉིས་ཤིག་བྱས་དེ་མཇུག་བསྡུ་དགོས་པ་དེ་འདྲ་ཞིག་གཏན་ནས་མིན་པར། བོད་ཕྱི་ནང་གཉིས་ཀའི་བསམ་ཚུལ་ངོ་འཕྲོད་པ་ཞིག་བྱས་ནས། ད་གཟོད་༧རྒྱལ་བ་སྐུ་ཕྲེང་བཅུ་བཞི་བ་སྐུ་ངོས་ཀྱི་སྐུ་ཕྲེང་བཅོ་ལྔ་བའི་སྐོར་ལ་བཞེད་ཚུལ་གང་ཡོད་པ་དེ་ཤེས་པར་བྱས་དེ། ༧རྒྱལ་བ་སྐུ་ཕྲེང་བཅོ་ལྔ་བ་འདི་ཚང་བོད་ལ་དགོས་མིན་དེ་ནི་བོད་རང་གི་ཐག་གཅོད་བྱེད་པར་དབང་ཚད་ཆ་ཚང་བ་ཞིག་ཡོད་པར་ཡིག་ངག་གཉིས་ཀ་ནས་ཐག་གཅོད་ཚང་མ་ཞིག་གནང་དགོས།
དེ་མིན་ང་ཚོས་མིག་མཐོང་ལག་ཟིན་བཞིན་དུ། ང་ཚོས་མགོ་སྟེང་དུ་བན་ཆེན་རིན་པོ་ཆེ་ཡི་ཡང་སྲིད་ཀྱི་ཆག་སྒོ་དེ་ལྟར་ཡོང་བར་གདོན་མི་ཟ་བ་ཡིན། དེ་དག་མི་ཡོང་བའི་ཆེད་དུ། ད་ལྟ་ནས་འཛམ་གླིང་མི་མང་གི་གོ་ས་དང་རིག་ས་ནས། བོད་མི་རང་ལ་རང་གིས་བླ་མ་འདེམས་པའི་དབང་ཚད་ལས་རྒྱ་ནག་སྲིད་གཞུང་ལ་གཏན་ནས་མེད་པར་༧རྒྱལ་བ་རིན་པོ་ཆེ་ཁོང་གིས་དབུ་ཁྲིད་འོག་ནས་ཆབ་བསྒྲགས་གཙང་མ་ཞིག་བྱེད་དགོས་ཀྱི་ཡོད་ལ། རྗེས་ཕྱོགས་ཆུ་ཡོང་གོང་གི་རག་ཟེར་བ་ལྟར། བོད་མི་ཡོངས་ཀྱིས་རང་ཉིད་ལ་༧རྒྱལ་བ་རིན་པོ་ཆེ་སྐུ་ཕྲེང་རིམ་བྱོན་དགོས་མིན་ཐད་དུ་འགན་འཁུར་རན་ལ་སླེབས་འདུག་ཟེར་ནས་དྲ་ཐོག་གི་སྤུན་ཟླ་ཡོངས་བརྒྱུད་དེ་བོད་སྐྱེ་འགྲོ་གང་ན་སུ་ཡོད་པ་དག་གིས་འདིའི་སྐོར་ལ་རང་རང་མི་སྒེར་སོ་སོ་ནས་བཟུང་དེ། ༧རྒྱལ་བ་རིན་པོ་ཆེ་སྐུ་ཕྲེང་བཅོ་ལྔ་བ་བོད་པ་ཚང་ལ་དགོས་དང་མི་དགོས། ཡང་ན། རང་ཉིད་མི་སྒེར་བ་ཞིག་ལ་༧རྒྱལ་བ་སྐུ་ཕྲེང་བཅོ་ལྔ་བ་དགོས་དང་མི་དགོས་སོགས་སྐོར་ལ་མཛུབ་མོ་རང་ལ་གཏད་ནས་དྲི་བ་དྲིས་དེ། དྲི་ལན་དེ་ཡང་རང་གི་སེམས་ཁོང་རུས་པའི་སྟེང་ནས་དྲ་ཐོག་དུ་འཁུར་ཡོང་བ་དང་། ས་ཐོག་གི་བོད་རིགས་སྐྱེ་འགྲོ་ཡོངས་ཀྱི་དབུས་སུ་འཁུར་ནས་ཤོག
སྙེ་ལྷའི་ཐུགས་སྲས་ལགས། དེས་ན་སྐུ་ཉིད་ནས་སྐུ་མདུན་ལ་དད་པ་དག་སྣང་ཡོད་ཀྱང་ཟེར་ཐུབ་ཀྱི་མི་འདུག་གམ།
གྲོགས་པོ་ལགས། ཁྱེད་ཀྱིས་གསུངས་བའི་འགན་དེ་ལྗིད་དྲག་ནས་ངས་འཁུར་ཐུབ་ཀྱི་མི་འདུག འོན་ཀྱང་ངས་ང་རང་བོད་པ་ཡིན་པ་བརྗེད་མེད་ལ། ༧སྐྱབས་མགོན་རིན་པོ་ཆེ་དགོས་དང་མི་དགོས་ཟེར་བའི་འདྲི་བ་དེར་ངས་ཨ་ལ་ལ་ཞེས་ཟེར་གྱི་རེད། དེ་ལ་ཡིད་གཉིས་དང་ཐེ་ཚོམ་ཅི་ཡང་མེད།
སྙེ་ལྷའི་ཐུགས་སྲས་ལགས། སེམས་ལ་ན་ཟུག་སླེབས་ཀྱི་འདུག་ན། ན་ཟུག་དེ་ཡི་འབྱུང་ཁུངས་ལ་ཞིབ་མོ་བློ་ཡིས་བརྟག་དཔྱད་བྱོས་དང་། དེ་ནས་ན་ཟུག་ལས་ཀྱང་གལ་ཆེ་བའི་འགན་ཞིག་ཡོད་པ་ཤེས་ངེས་ཡིན་ལགས།
གྲོགས་པོ་ཁྱེད་ཀྱི་བཀའ་མོལ་དེས་ངའི་སེམས་ལ་བཟོད་མི་ཐུབ་པའི་ན་ཟུག་སྟེར་གྱིན་འདུག བོད་པ་ཚང་ལ་༧རྒྱལ་བ་རིན་པོ་ཆེ་དགོས་དང་མི་དགོས་ཟེར།
ཨ། མ་མ། དེ་འདྲའི་དྲི་བ་ལ་ང་བཞེད་ཀིས།།
ཁྲི་གཡུང་དྲུང་ཕེབས་པ་དགའ་ཡོད་ལགས། རྗེས་སུ་ཡང་ཕེབས་རོགས་ཞུ།
གཡག་ལགས། ངས་ཉིད་ལ་ཡག་རྒན་ཞེས་བོས་པ་ཡིན་མོད། ཉིད་ནས་གཡག་ཕྲུག་ཡིན་ན་ཞིག་ཟེར་གྱི་འདུག འདི་ནི་དངོས་ནས་བོད་པ་ཚང་གི་མིང་ཚིག་གསར་བ་འདྲ་ཡིན་ས་རེད། ཧཧཧཧཧཧཧཧཧཧ
ཨ་འབྲུག་དཀོན་མཆོག་ལགས། ངས་དྲིན་ཡིན་ནི་མ་རེད། ཉིད་ཀྱིས་དོ་སྣང་བྱས་པའི་དྲིན་ཡིན་པ་རེད། དོ་སྣང་ཆེན་པོས་ཡང་དང་བསྐྱར་དུ་་འདི་རུ་ཕེབས་པ་ཐུགས་རྗེ་ཆེ།
ཟིན་བྲིས་ལ་དོན་སྣང་ཆེན་པོ་ལྡན་བཀའ་དྲིན་ཆེ།
གཡག་རྒན་ཞིག་མིན་གཡག་ཕྲུག་ཅིག་ཡིན། །
གཡག་ཕྲུག་ད་རུང་བཙན་པོ་ཞིག་ཡིན། །
བྲེ་སེར་འབྲོང་གི་ཚ་བུ་ཞིག་ཡིན། །
རྒྱུག་རྩལ་འགྲན་ན་འགྲན་ནི་ཞིག་ཡིན། །
ཤ་ཁྲག་གི་དྲིན་ལ། དོ་ནུབ་ལྟད་མོ་ལྟ་རྒྱུ་དང་ཉན་རྒྱུ་གཉིས་ཀ་རེག་སོང་། ད་སྐྱིད་པོ་ཞིག་ལྟ་རྒྱུ་མིན་ཁྱོའི་སྐེ།
དེ་མོ་ཟོ་མི་གོ་ན། ད་དཀའ་རྒྱུ་རེད་ཀོ
ངས་འདི་མོ་འདིའི་འགྱ་མི་གོ་ཡ། ཅང་བཤད་རྒྱུ་མེད། ཕྱིར་ར་འགྱོ་རྒྱུ་ཡིན།
http://www.youtube.com/watch?v=w0Cb2445y08
སྤུན་ཟླ་ཚོ་དྲ་ཐག་འདི་ལ་གཟིགས་རོགས་ཞུ།
ཨ་འབྲུག་དཀོན་མཆོག་ལགས། ང་ལ་དེ་རིང་བྲེལ་བ་ཞིག་ཡོད་སྟབས། སྐུ་ཉིད་ཀྱི་བསམ་ཚུལ་དག་ལ་ལན་ཞིབ་མོ་ཞིག་འདེབས་ཁོམ་མ་བྱུང་ཐལ། རྗེས་སུ་འདེབས་ཆོག
གཡག་རྒན་ཞིག་ཐོན་ནོ་དགའ་ཡོད། རྗེས་སུ་ཡང་ཡང་ཕེབས་ནས་བསམ་ཚུལ་ཕྲན་པུ་ཞིག་ཡོད་པ་གང་ཡོད་གསུང་རོགས་ཞུ།
གནམ་ལྕགས་ལགས། སྐུ་ཉིད་ནས་དངོས་ནས་གནད་འགག་ཟིན་འདུག དེ་ལྟར་རེད། འུ་ཅག་གིས་༧གོང་ས་སྐུ་ཕྲེང་རིམ་བྱོན་གྱི་མཛད་རྗེས་ལས་སྐུ་ཕྲེང་བཅོ་ལྔ་བ་བོད་པ་ཚང་ལ་དགོས་ཀྱི་ཡོད་མེད་དེ་ཤེས་རན་རེད། དེ་མིན་༧གོང་ས་སྐུ་ཕྲེང་བཅུ་བཞི་བ་མཆོག་གི་མཛད་རྗེས་སྐྱོང་ཐུབ་མཁན་ཞིག་བྱུང་མིན་མི་ཤེས་ཀྱང་། ༧གོང་ས་སྐུ་ཕྲེང་བཅུ་བཞི་བ་མཆོག་གི་རང་རེའི་གངས་ཅན་བོད་ལ་བཅིངས་པའི་ཐུགས་རེ་ཆུད་ཟོས་སུ་འགྲོ་རྒྱུར་ཐེ་ཚོམ་མེད། གལ་སྲིད་སྡུག་ས་ནས་བསམ་བློ་གཏོང་བ་ཡིན་ན། ༧གོང་ས་མཆོག་གི་སྐུའི་ཡང་སྲིད།འདི་ནས་བཟུང་མཇུག་བསྡུ་སྲིད་པ་རེད།
ར་ས་ཕོ་ཉ་ལགས། ཁ་བྱང་སྐྱུགས་བྲོ་བ་ཞིག་ཡིན་པས་རྒྱུ་མཚན་ཕྲན་པུ་ཞིག་གསུང་ཐུབ་པ་ཡིན་ན་ཡག་པོ་འདུག དེ་མིན་དེ་ལྟར་རེད།
བོད་ཤ་ཁྲག་རུས་གསུམ
ཁོ་བོ་ཡང་སླེབས་བསྡད་ཡོད།
ད་ལྷོད་ལྷོད་བྱས་ནས་བསྡ་ཀཡི་ཡི་དཱ
གྲོགས་པོ་ཤ་ཁྲག་ལགས། འདི་འདྲའི་སྐབས་སུ་ཉིད་ཀྱིས་ངེས་པར་དུ་རྒྱལ་དབང་སྐུ་ཕྲེང་དང་བོ་ཇི་ལྟར་སླེབས་སྟངས་དང་དེ་ནས་གཉིས་པ་དང་གསུམ་པ། ལྷག་པར་དུ་བཞི་བ་དེ་ཇི་ལྟར་ཡོང་སྟངས་སྐོར་ལ་ཞིབ་དཔྱད་ཅིག་དཔྱད་ཐུབ་ན་ཡག་པོ་ཡོད། མ་གཞི་སྐུ་ཕྲེང་བཅུ་བཞི་བ་འདི་ནི་བཤད་ག་ལ་དགོས། འདི་མེད་ན་ང་ཚོ་ལའང་དེ་རིང་གི་ཉི་མ་འདི་མེད་མོད། སྐུ་ཕྲེང་བཞི་བ་དེ་ཡོང་སྟངས་ནི་དངོས་གནས་བསམ་བློས་མི་དཔོག་པ་ཞིག་ཡིན་ལ། དུས་དེ་ནས་ང་ཚོའི་ལོ་རྒྱུས་ལའང་ཆག་འཇིག་ཅིག་སླེབས་པ་མཐོང་ཐུབ། དེ་འདྲའི་སྤྲུལ་སྐུ་ཞིག་ཡོད་པ་ལས་མེད་ན་ལེགས། སྐུ་ཕྲེང་དང་བ་དང་གཉིས་པ། གསུམ་པ་དག་ནི་དེ་འདྲའི་རླབས་ཆེ་བའི་རྒྱལ་བའི་སྐུ་ཕྲེང་ཞིག་ཡིན་མོད། འོན་ཀྱང་བཞི་བ་དེས་ག་རེ་གནང་ཡོད་མེད་བཤད་ཁག་ཙམ་འདུག་གཱ
རིགས་སྒྲེའི་སྒོ་ནས་བཤད་ན་ད་རེའི་སྐུ་ཕྲེང་བཅུ་བཞི་བ་འདིའི་རྐང་རྗེས་ལག་སུབ་བྱེད་མཁན་ཞིག་བྱུང་ན་ག་རེ་བྱེད་རྒྱུ། བསམ་བློ་ཏན་ཏན་གཏོང་དགོས་པ་འདུག་དཱ།
ཁ་བྱང་སྐྱུགས་བྲོ་པོ་དེ་འདྲ་ཞིག་བྲིས་འདུག
༡༽ དུས་ལ་བབ་མིན་དེ་བོད་མིའི་བསམ་བློ་གཏོང་ཕྱོགས་ཀྱི་ངོས་ནས་བརྗོད་པ་ཡིན། ༸གོང་ས་མཆོག་གི་ངོས་ནས་ཞུས་ན་ཁོང་གིས་རྒྱལ་དབང་སྐུ་ཕྲེང་བཅུ་བཞི་བ་འདི་རྒྱལ་བ་རིན་པོ་ཆེ་ཐ་མ་དེ་ཡིན་ན་ལེགས་ཚུལ་ཡང་གསུངས་ཡོད། འོན་ཀྱང་ང་ཚོའི་་བསམ་བློ་དང་གནས་སྟངས་ད་དུང་ཐག་གཅོད་འདི་འདྲ་བྱེད་ཐུབ་པའི་ཚད་ལ་སླེབས་མེད་པར་འདོད།
༢༽ ༸གོང་ས་མཆོག་གི་བཀའ་དགོངས་ངེས་པ་དང་དེ་དག་བསྒྲུབ་པ་བཅས་ཀྱི་ཕྱོགས་ན་མ་འདང་ས་མང་ངེས་རེད།
༣༽ ང་ཚོས་རྒྱལ་བ་བཅོ་ལྔ་བ་ཞིག་ཡོང་ངེས་པ་དེ་བཤད་ཐུབ་རུང་། དེ་ཉིད་རྒྱལ་བ་བཅུ་བཞི་བའི་དགོངས་པ་དང་ང་ཚོའི་དགོས་མཁོ་དང་མཐུན་པའི་མཛད་འཕྲིན་རླབས་ཆེན་སྐྱོང་མཁན་ཞིག་འབྱུང་མིན་ད་ལྟ་ནས་ཁ་ཚོན་གཅོད་ཐུབ་ཀྱི་མི་འདུག་པས་ཡིན།
༤༽ གཅིག་ནས་ལོ་རྒྱུས་ཁྲོད་བྱུང་བའི་རྒྱལ་དབང་སྐུ་ཕྲེང་ཚང་མ་འདྲ་བོ་ཡོད་པ་མ་རེད། གཉིས་ནས་ད་ལྟའི་དུས་སྐབས་སུ་དད་པ་དག་སྣང་འབའ་ཞིག་ལ་བརྟེན་ནས་ཁུངས་འཁྱོལ་གྱི་མ་རེད།
༥༽ཉིད་ཀྱིས་༧རྒྱལ་བ་རིན་པོ་ཆེ་སྐུ་ཕྲེང་བཅུ་བཞི་བ་འདི་ཚང་ལ་ཡིད་ཆེས་དང་དད་པ་དག་སྣང་ཡོད་པ་དེ་འདྲ་ཡོད་པ་འདི་མ་ཉམས་པར་གནས་པ་ཡིན་ན། སྐུ་ཕྲེང་བཅོ་ལྔ་བ་དེ་ཡང་སྐུ་ཕྲེང་བཅོ་ལྔ་བ་འདི་ཚང་གི་ཐུགས་ཀྱི་བཞེད་དགོང་ལྟར་སྒྲུབ་མཁན་ཞིག་ལས་གཞན་ཡོང་མི་སྲིད་པ་ཡིན། ཞེས་པ་འདི་ལྟར་ཡིན་ན་སྟབས་བོ་འདུག་ཀྱང་། ངས་དེ་འདྲ་ཞིག་ཏུ་གཏན་ནས་མི་འདོད། ཅིག་བྱས་ན་ཁྱེད་ཀྱི་སྐད་ཆ་དང་བརྗོད་དོན་གཉིས་ཀྱི་བར་ན་ད་དུང་བར་ཐག་ཅིག་ཡོད་པ་འདྲ།
མཇུག་ཏུ་་་་་་ངས་བཤད་འདོད་པ་ཞིག་ཡོད་པ་ནི་༸རྒྱལ་དབང་བཅུ་བཞི་པ་འདི་སྔོན་མའི་རྒྱལ་བ་རིམ་བྱོན་དང་མ་འདྲ་བ་ཞིག་རེད། མ་འོངས་པའི་རྒྱལ་བ་རིན་པོ་ཆེ་དང་ཡང་མ་འདྲ་བ་ཞིག་ཡིན་ངེས་པ་རེད། དེ་བས་འདས་དང་མ་འོངས་པའི་རྒྱལ་བ་རིན་པོ་ཆེ་དག་ལས་ཀྱང་ད་ལྟའི་རྒྱལ་བ་རིན་པོ་ཆེ་དེ་གལ་ཆེན་དུ་འདོད་ཀྱི་ཡོད།
ཆུ་ཐིགས་སྔོན་མོ་ལགས། ཉིད་ཀྱིས་ཆུ་ཐིགས་པ་ཞིག་གི་ཞབས་འདེབས་བརྒྱབ་པ་དགའ་ཡོད་ལགས། དེ་ལྟར་དུ་ཉིད་ཀྱིས་ཀྱང་རང་གི་ཁོར་ཡུག་ནས་བོད་རིགས་མི་དམངས་སྤྱིའི་མགྲིན་ཚབ་པ་ཞིག་གནང་དེ། བོད་མི་དག་གི་རྣ་ལམ་དུ་བཞག་ནས་རྣ་ལམ་ནས་བརྒྱུད་དེ་སེམས་ཁོང་དུ་འཇགས་ཐུབ་པ་ཞིག་དང་། སེམས་ཁོང་རུས་པའི་གཏིང་ནས་དེ་ལ་འགན་ལེན་ཞིག་བྱེད་པར་སྐུལ་ལོངས་བྱེད་རོགས་ཞུ་ལགས།
ཨ་འབྲུག་དཀོན་མཆོག་ལགས། བསམ་ཚུལ་ཐད་ཀར་གསུངས་པ་དགའ་ཡོད།
ཉིད་ཀྱིས་བསམ་ཚུལ་དང་བོའི་ནང་དུ་དུས་ལ་འབབ་མིན་ཞིག་གསུངས་ཀྱི་འདུག དེས་ན་སྐུ་ཉིད་ནས་དུས་ལ་འབབ་ཡོད་མེད་གཉིས་ལས་གང་ཞིག་ངེས་འཛིན་བྱེད་ཀྱི་ཡོད་དམ་ལགས།
གཉིས་པའི་ནང་དུ། ཉིད་ཀྱིས་༧གོང་ས་མཆོག་གི་བཀའ་སློབ་ཞིག་དྲངས་པ་དེར་འུ་ཅག་གིས་བསམ་གཞིགས་བྱེད་པ་གཅིག་བུའི་འགྲིག་གི་ཡོད་པ་རེད་དམ། ད་དུང་། ཁོང་གིས་བོད་མི་སྤྱི་སྒེར་ཀུན་ལ་གསུང་ཟིན་པའི་བཀའ་སློབ་དེ་གོ་ཡོད་མཁན་མེད་མཁན་གཉིས་ལས་གང་མང་བར་འདོད་ཀྱི་ཡོད་དམ། ཉུང་བ་ཡོད་པའི་དབང་དུ་བཏང་བ་ཡིན་ན། ཉུང་བ་དེ་དག་གིས་༧ཁོང་གི་ཐུགས་དགོང་དེ་ཡི་ཐད་དུ་འབད་བརྩོན་་བྱས་པའི་འདང་གི་ཡོད་དམ།
གསུམ་པའི་ནང་དུ། སྐུ་ཉིད་ནས་སྐུ་ཕྲེང་བཅོ་ལྔ་ལས་ཀྱང་བཅུ་བཞི་བ་གལ་ཆེན་པོ་ཆགས་ཡོད་པ་རེད་ཟེར་ནས་ཚིག་ཐག་བཅད་དེ་གསུངས་འདུག བཅུ་བཞི་བ་གལ་ཆེན་པོ་དེ་འདྲ་ཞིག་ཡིན་པར་ངེས་འཛིན་བྱེད་ཀྱི་ཡོད་ན། བཅུ་བཞི་བ་མཆོག་གིས་བཅོ་ལྔ་ཞིག་ཡོང་ཐུབ་མིན་དང་ཡོང་དགོས་མིན་ཐད་དུ་དགོང་བཞེད་གང་ཡོད་མེད་དེ་ནི་འུ་ཅག་གིས་ཤེས་རྒྱུར་གལ་ཆེན་པོ་ཞིག་མི་གཟིགས་དོན་ཅི་ཡིན་ནམ། བཅུ་བཞི་བ་ལས་ཀྱང་བཅོ་ལྔ་བ་ཕུལ་དུ་བྱུང་མིན་སོགས་ཀྱི་བར་ཐག་ཞིག་སྐུ་ཉིད་ནས་ཕྱེ་དོན་གང་ལ་གཟིགས་ནས་གསུངས་ཀྱི་ཡོད་དམ།
བཞི་བའི་ནང་དུ། གང་ཟག་གཅིག་གིས་གང་ཟག་གཞན་ཞིག་གི་ཚབ་མཚོན་བྱེད་རྒྱུ་དེ་ནི་དཀའ་རབས་ཟེར་བ་དེ་ལ་གཏན་ནས་རྒྱུ་མཚན་མི་འདུག དེ་འདྲ་ཡིན་དུས། ༧རྒྱལ་བ་རིན་པོ་ཆེ་སྐུ་ཕྲེང་རིམ་བྱོན་གོང་མ་དག་གིས་ཚབ་མཚོན་བྱེད་ཐུབ་ཀྱི་མེད་པར་ཁས་ལེན་དགོས་པ་མ་ཡིན་ནམ། དེ་འདྲ་ཞིག་ཡིན་དུས་གཏན་ནས་འགྲིག་གི་མེད། ཨོ་རེད། སྐུ་ཉིད་ནས་ཤེས་དགོས་པ་ཞིག་ནི། འདི་ནས་གླེང་བཞིན་པ་ནི་༧རྒྱལ་བ་རིན་པོ་ཆེ་སྐུ་ཕྲེང་རིམ་བྱོན་གྱི་སྐོར་ནས་གླེང་གི་ཡོད་པ་ལས། སྤྱིར་བཏང་གི་གང་ཟག་ཕལ་བ་འུ་ཅག་གི་ལྟ་བུ་ཞིག་ལ་བལྟས་དེ་གླེང་གི་མེད་པ་སེམས་སུ་འཛིན་རོགས་ཞུ།
ལྔ་བའི་ནང་དུ། ཡང་སྲིད་དམ། སྐུ་ཕྲེང་བཅོ་ལྔ་བ་ག་འདྲ་ཞིག་ཡོང་ཐུབ་མིན་དེ་ནི་ཡང་སྲིད་དེ་ཡི་མཛད་པ་ལ་རེག་ལས་པ་ཞིག་ལས་གཞན་གང་ཡང་མེད་པར་གསུངས་ཀྱི་འདུག དེ་འདྲ་ཡིན་དུས། འུ་ཅག་གིས་༧རྒྱལ་བ་རིན་པོ་ཆེ་སྐུ་ཕྲེང་བཅུ་བཞི་བ་འདི་ཚང་ལ་ཡིད་ཆེས་དང་དད་པ་དག་སྣང་ཡོད་པ་དེ་འདྲ་ཡོད་པ་འདི་མ་ཉམས་པར་གནས་པ་ཡིན་ན། སྐུ་ཕྲེང་བཅོ་ལྔ་བ་དེ་ཡང་སྐུ་ཕྲེང་བཅོ་ལྔ་བ་འདི་ཚང་གི་ཐུགས་ཀྱི་བཞེད་དགོང་ལྟར་སྒྲུབ་མཁན་ཞིག་ལས་གཞན་ཡོང་མི་སྲིད་པ་ཡིན། གལ་ཏེ་ཡོང་སྲིད་པ་ཡིན་ན། དེ་ནི་བོད་མི་རང་གིས་ལས་དང་སྨོན་ལམ་མ་དྲངས་པའི་ཉེར་ལེན་ལས། སྐུ་ཕྲེང་འདི་བ་ཚང་གི་བྱས་ཉེས་ཤིག་ལ་གཏན་ནས་ངེས་འཛིན་མི་ཡོང་བའི་ཆེད་དུ། ད་ལྟ་སྐུ་གསོན་པོ་དྲོན་པོ་གཞུགས་པའི་དུས་འདིར་གཙང་མ་ཡང་མ་ཞིག་བྱེད་དགོས་ཀྱི་འདུག་ཟེར་ནས་བོད་རིགས་སྤུན་ཟླ་ཡོངས་ལ་བདག་གི་བསམ་ཚུལ་འདིས་མགོ་བཙུགས་པ་དེ་སྐུ་ཉིད་ཤེས་པར་གྱིས་ཤིག
ཉིད་ནས་རང་གི་བསམ་ཚུལ་ལྷུག་པོར་གསུངས་པ་ལྟར་དུ། བདག་གིས་ཀྱང་དེ་ལ་ལན་གྱི་ཚུལ་དུ་ཟེར་ན་འདྲ། བསམ་ཚུལ་དེ་ལ་བསམ་ཚུལ་ཞིག་བྲིས་པ་ཡིན་པ་སེམས་སུ་འཛིན་པར་སྨོན། ད་དུང་། མུ་མཐུད་དུ་སྐུ་ཉིད་ཀྱི་ཉེ་འཁོར་ནས་བསམ་ཚུལ་འདི་ཤུགས་ཆེར་གླེང་ནས་ས་སྟེང་གི་བོད་རིགས་སྐྱེ་བོ་ཡོངས་ཀྱི་རྣ་ལམ་ནས་སེམས་ཁོང་དུ་བསྐྱེལ་རོགས་ཞུ།
དངོས་གནས་དགོངས་ཚུལ་ཡག་པོ་འདུག་་་་་་ང་ཚོའི་སྤྱི་ཚོགས་འདི་གླེན་དྲགས་པས་འདི་འདྲའི་སྐོར་ལ་བསམ་བློ་དེ་ཙམ་གཏོང་ཐུབ་ཀྱི་མེད།་་་་་་ཉིན་ཞིག་འདི་འདྲའི་དོན་རྐྱེན་ཞིག་ཐོག་ཏུ་བབ་དུས་ལག་པ་འཆིང་ས་ཞིག་དང་བློ་འདྲི་ས་མེད་པ་དངོས་མཐོང་རེད། དེར་བརྟེན་ད་ལྟ་ནས་འདིའི་སྐོར་ལ་བསམ་བློ་གཏོང་དགོས་ཀྱི་འདུག་པས་དྲ་གྲོགས་ཚོས་བསམ་ཚུལ་མུ་མཐུད་གསུང་རོགས
དུས་བབ་ཀྱི་ཟིན་བྲིས་ཧུར་བརྩོན་ཅན་ཤ་ཁྲག་རུས་གསུམ་ལགས། གུས་ཞབས་སེམས་ནས་བྱེད་ཀྱི་ཡོད་ཀྱང་སྐད་ཆ་ཐད་ཀར་བཤད་རྒྱུ་ཡིན།
༡༽ བོད་མི་རིགས་ལ་རྒྱལ་བ་རིན་པོ་དགོས་སམ་མི་དགོས་ཞེས་ཐད་ཀར་དྲི་བ་འདྲི་བ་ལ་ད་དུང་བསམ་བློ་གཏོང་དགོས་ས་གཞན་ཞིག་ཡོད་པ་ནི་དྲི་བ་འདི་དང་འབྲེལ་བའི་གནད་འགག་ལ་གོ་བ་ལོན་ཐུབ་པའི་བསམ་བློའི་ཁོར་ཡུག་ཡོད་མེད་དང་། བསམ་ཚུལ་ཐད་ཀར་བཤད་ན་འགྲིག་པའི་སྤྱི་ཚོགས་ཀྱི་གནས་སྟངས་ཤིག་ཆགས་ཡོད་མེད་དེ་རེད།
༢༽ རྒྱལ་བ་རིན་པོ་ཆེས་ང་མེད་པ་ནང་བཞིན་ཞིག་བྱེད་དགོས་པའི་ཐུགས་རེ་གནང་གི་ཡོད་པ་དེ་དང་ཁྱེད་རང་གི་དྲི་བ་འདི་གཉིས་ལ་འབྲེལ་བ་ཡོད་པ་རེད། འོན་ཀྱང་ང་ཚོའི་བསམ་བློ་གཏོང་ཕྱོགས་དང་གནས་སྟངས་ཀྱི་དབང་གིས་གནས་ཚུལ་འདི་ཚོ་བསམ་བློའི་ནང་འཆར་སྟངས་ཁ་ཁ་རེད།
༣༽ ངས་བསམ་ན་རྒྱལ་དབང་སྐུ་ཕྲེང་བཅོ་ལྔ་པ་ལས་རྒྱལ་དབང་སྐུ་ཕྲེང་བཅུ་བཞི་བ་གལ་ཆེན་པོ་རེད། སྐུ་ཕྲེང་བཅུ་བཞི་བའི་དགོངས་པ་དེ་ལས་ཀྱང་གལ་ཆེན་པོ་རེད། འདི་གཉིས་ཀྱིས་བོད་མི་རིགས་ཀྱི་བསམ་བློ་དང་ལོ་རྒྱུས་ལ་ཁ་ཕྱོགས་ཤིག་བསྟན་ཡོད་པ་རེད། བསམ་བློ་འདི་དང་ཁ་ཕྱོགས་འདི་རྒྱུན་འཛིན་བྱེད་པ་ངེས་པར་དུ་སྐུ་ཕྲེང་བཅོ་ལྔ་བ་ལྟ་བུ་ཞིག་ལ་བརྟེན་མི་དགོས་པ་རེད།
༤༽ སྤྱིར་བཤད་ན་གང་ཟག་གཅིག་གིས་གང་ཟག་གཞན་ཞིག་གི་ཚབ་ཕྱོགས་ཡོངས་ནས་བྱེད་རྒྱུ་ཧ་ཅང་དཀའ་བ་རེད་ལ། དེ་ལས་ཀྱང་མ་འོངས་པའི་རྒྱལ་བ་རིན་པོ་ཆེའི་ད་ལྟའི་རྒྱལ་བ་རིན་པོ་ཆེའི་ཚབ་བྱེད་ཐུབ་པའི་ངེས་པ་གཏན་ནས་ཡོད་པ་མ་རེད།
༥༽ མ་འོངས་པའི་རྒྱལ་བ་རིན་པོ་ཆེ་དེ་ལ་བོད་མི་རིགས་ཀྱི་ངོས་ནས་དང་འཛམ་གླིང་གི་ངོས་ནས་ངོས་འཛིན་གང་ཡོད་དེ་གཙོ་བོ་སྐབས་དེའི་རྒྱལ་བ་རིན་པོ་ཆེ་ལ་རག་ལས་ཀྱི་རེད། ད་ལྟའི་རྒྱལ་བ་རིན་པོ་ཆེའི་མཛད་སྤྱོད་ལས་མ་འོངས་པའི་རྒྱལ་བ་རིན་པོ་ཆེ་དེ་་་་དེ་བཞིན་ཡོང་བའི་ཁ་ཚོན་སུས་གཅོད་ཐུབ་ཀྱི་རེད་དམ།
༦༽ མདོར་ན་ཁྱེད་ཀྱིས་སེམས་ཁུར་ལྡན་པའི་གླེང་བསླངས་པ་དེ་དང་འབྲེལ་རྒྱུན་ལྡན་གྱི་འཆར་ཚུལ་འགའི་ཟུར་ཙམ་བརྗོད་པ་ཡིན།