ཀྲུང་གོའི་བདག་དབང་ལ་གྲོས་མོལ་མེད་ཟེར།

འོན་ཀྱང་དེ་རིང་རྒྱ་ནག་གིས་བཤད་ན་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཟེར་བ་དེ་རྩ་ཁྲིམས་དང་འགལ་ཡོད་ཚུལ་བསྒྲགས་འདུག

སྐོམ་ན་ཆུ་ཐུངས།།
ལྟོགས་ན་ཟས་ཟོ།།
ཁོམ་ན་འདང་རྒྱོབས།།
དེ་ནས་ཧ་གོ།

གཉེན་ལ་འཐབ་ན་སྟག་དང་འདྲ། །
དགྲ་ལ་ཐུག་ན་ཝྭ་དང་མཚུངས། །
རྒྱུ་ནོར་ཐོབ་ན་བུ་ཡང་བཙོང་། །
བཙན་གཤོལ་བོད་མིའི་རང་གཤེས་ཡིན།།

བོད་རྒྱ་འབྲེལ་མོལ་སྐུ་ཚབ་ཐུག་འཕྲད་བྱས་པའི་སྐོར་ལ་རྒྱ་གཞུང་གིས་སྤེལ་བའི་གསར་འགྱུར་ཞིག་འདིར་འདུག

རྒྱ་འདྲེ་འདི་ཚོས་ག་རེ་བཤད་གི་ཡོད་ནི་ཡིན་ན། གཡོ་སྒྱུ་རྐྱང་རྐྱང་།

དྲ་གྲོགས་དབྱངས་བུ་ལགས། ༸གོང་ས་མཆོག་གི་བཀའ་སློབ་ཁུར་ནས་ལམ་སྟོན་གནང་བར་ཕེབས་པ་ཐུགས་རྗེ་ཆེ། བོད་རྒྱའི་གནད་དོན་དེ་ནི་དོན་ཡོད་གནས་ཚུལ་ལ་གཞིགས་ནས་སེལ་དགོས་པ་ལས། ཚོར་ཤུགས་ཟབ་མིན་ལ་བརྟེན་ནས་སེལ་ཐབས་མེད་པ་ཁྱེད་ཀྱིས་མཁྱེན་ངེས་རེད། ཟེར་བ་ཅི་མ་བདེན། ཡིན་ནའང་དྲ་གྲོགས་ལགས་ཀྱིས་ང་ལ་འཚེ་མེད་ཞི་བའི་དར་འཕྱར་དུང་བུད་བྱས་པའི་རྗེས་སུ་ཡང་སྡིག་ར་ཞིག་སྐུལ་འདུག དེ་ལ་བལྟས་ན་༸གོང་ས་མཆོག་གི་བཀའ་སློབ་བེད་སྤྱོད་བྱེད་པ་ལས་ཉམས་སུ་ལེན་མཁན་ཞིག་རང་ནི་མིན་ཚོད་འདུག དེ་ཡང་ཁྱོད་རང་གིས་ང་ལ་སྡིག་ར་འདི་འདྲ་ཞིག་སྐུལ་འདུག ལུས་ངག་ཡིད་ཀྱི་བྱ་སྤྱོད་རན་མཚམས་གནང་གལ་ཆེའོ།། ཟེར། རན་མཚམས་མ་བྱས་ན་གནས་ཚུལ་གཞན་པ་ཞིག་ཡོད་མདོག་བྱེད། རྗེས་མ་སྡིག་སྐུལ་སོགས་ཀྱི་སྐབས་སུ་༸གོང་ས་མཆོག་གི་མཚན་ཆེན་པོ་དེ་གང་འདོད་དུ་དྲུད་མ་ཡོང་ལོ། བཀའ་སློབ་ལམ་སྟོན་ལ་མཐོང་འཇོག་ཤེས་དགོས་པ་གལ་ཆེན་པོ་རེད།

ཚོར་བ་དགོས་རབས་བཤད་པས་འཚང་ལ་ཕོག་པ་མིན་ནམ། །
ནང་དཀྲུགས་མ་བྱེད་བཤད་པ་དོན་ལ་གནས་པས་ཡིན་ནམ། །
དྲི་བ་འགའ་ཞིག་བཏང་བ་གཟེར་ལ་ཟུག་པ་ཡིན་ནམ། །
དྲ་གྲོགས་དབྱངས་བུའི་ཐུགས་ལ་དཀའ་ངལ་ག་རེ་བྱུང་སོང་། །

རྒྱ་སྤྲང་དེ་ཚོས་ཐང་ཆུང་དེ་ཚོད་ལས་འདས་སོང་།ད་ནི་དམག་རྒ་༢༢པ་དེ་ཡར་རྒྱས་གཏང་བ་དང་དམག་མི་ནང་གང་མང་མང་ཞུགས་དགོས་པའི་དུས་ལ་སླེབས་སོང་།བོད་ལ་ཡོད་པའི་བོད་དམག་རྒྱ་སྤྲང་གི་དོན་དུ་ཤི།རྒྱ་གར་ལ་ཡོད་པའི་བོད་དམག་ཁོང་ཚོའི་དོན་དུ་ཤི།ད་བོད་དམག་ཚོ་རང་གི་ལུང་པའི་དོན་དུ་ལས་འགུལ་སྤེལ་བའི་དུས་ལ་བབས་སོང་།བོད་དམག་ཚོ་ཨ་རག་གི་མྱོས་ནས་མ་སྡོད།ད་ནི་ཁྱོད་རང་ཚོས་ལས་འགུལ་སྤེལ་བའི་དུས་ལ་སླེབས་པ་དེ་ཤེས་བར་བྱོས་དང་ང་ཚོ་ཡང་རྒྱབ་སྐྱོར་ཡོད།།

དྲ་གྲོགས་འཇིགས་བྲལ་བསྟན་འཛིན་ལགས།

ཁྱེད་ཀྱིས་དེ་རིང་མཆན་བུ་མི་ཉུང་བ་ཞིག་བྲིས་པའི་ནང་དོན་ལ་གཞིགས་ན།སྐུ་ཉིད་ལ་ཚོར་ཤུགས་དྲག་པོ་བྱུང་ཡོད་བཟོ་འདུག་་་་འོན་ཀྱང་བོད་རྒྱའི་གནད་དོན་དེ་ནི་དོན་ཡོད་གནས་ཚུལ་ལ་གཞིགས་ནས་སེལ་དགོས་པ་ལས།ཚོར་ཤུགས་ཟབ་མིན་ལ་བརྟེན་ནས་སེལ་ཐབས་མེད་པ་ཁྱེད་ཀྱིས་མཁྱེན་ངེས་རེད།

༸གོང་ས་མཆོག་གི་བཀའ་སློབ་ལས་ཟུར་འདོན་ཞུས་པ་ཞིག་ཕུལ་ཡོད་པ་དེར་ཁྱེད་ཀྱིས་ངེས་པར་ཐུགས་བསམ་བཞེས་རོགས།འདིས་ཁྱེད་ཀྱི་ལུས་སེམས་གཉིས་ཀར་ཕན་ངེས།་
༼ཞི་བདེའི་བསྟི་གནས་བཟོ་རྒྱུའི་དམིགས་ཡུལ་འདི་ཁ་གཅིག་པུས་སྒྲུབ་ཐབས་མེད།རྒྱུན་གྱི་ལག་ལེན་ཐོག་སོ་སོའི་གཤིས་ཀ་དང་ཀུན་སྤྱོད་འདི་དངོས་གནས་འཚེ་མེད་ཞི་བདེའི་བསྟི་གནས་ཤིག་བཟོ་དགོས་པ་ལས།སོ་སོའི་སྒོ་གསུམ་གྱི་སྤྱོད་པར་དོ་སྣང་མ་བྱས་པར་ལྷོད་གཡེང་བཏང་སྟེ་ཁ་ནས་ཞི་བདེའི་བསྟི་གནས་ཞེས་བརྒྱ་སྟོང་བཤད་ཀྱང་ཕན་ཐོགས་མེད།བྱམས་པ་དང་སྙིང་རྗེ་གཉིས་དངོས་སུ་ལག་ལེན་དུ་འགེལ་ནས།འཚེ་མེད་ཞི་བའི་བསྟི་གནས་ཤིག་བསྐྲུན་དགོས།༽་ཅེས་གསུངས་པའི་དོན་ལ་ཐུགས་བསམ་བཞེས་ནས་ལུས་ངག་ཡིད་ཀྱི་བྱ་སྤྱོད་རན་མཚམས་གནང་གལ་ཆེའོ།།

ཐུགས་རྗེ་ཆེ།།ནོར་འཁྲུལ་ཡོད་ན་དགོངས་སེལ་ཞུ།

ང་ཚོར་ཐབས་ཤེས་གཅིག་རང་ཡོད་པ་ནི། བཙན་བྱོལ་དུ་ཡོད་པའི་བོད་རིགས་ཡོངས་རྫོགས་ཐོག་མར་གཞི་རྩ་བརྟན་པོ་བཟོ་དགོས་ཀྱི་འདུག སློབ་གྲྭ་ཁག་ཏུ་དེང་དུས་ཀྱི་ཤེས་ཡོན་འདྲ་མིན་སློབ་སྦྱོང་སྤྲད་རྒྱུ་དང་། དེ་བཞིན་བཟོ་གྲྭ། ཚོང་ལས་པ། ཕྱི་རྒྱལ་ཁག་ཏུ་འགྲོ་མཁན་རྣམས་ལ་བོད་གཞུང་གིས་རོགས་རམ་དང་། དེ་མིན་གཞིས་ཆགས་ཁག་ཏུ་གནས་མཁན་ཡིན་ནའང་དེ་ལ་རོགས་རམ་གང་དྲག་གནང་སྟེ། མ་འོངས་པར་བཙན་བྱོལ་བོད་མི་རྣམས་སེམས་ཁྲལ་མི་དགོས་པར་བཟོ་དགོས། ང་ཚོའི་ཐབས་རྩོད་འདི་ཡུན་རིང་ལྷག་རྒྱུ་ཉག་ཅིག་རེད།

བརྙེས་བཅོས་འདི་འདྲ་ཞིག་བཏང་ན་བཟོད་ཐབས་བྲལ་བ་ཞིག་རེད་ཡ། ཡིན་ནའང་ད་དུང་ཐབས་ཤེས་ཤིག་མི་འདུག་་་་་་་་ནམ་ཞིག་བདེན་པ་མངོན་དུ་ཤར་རྒྱུ་ཞིག་སྒུག་ན་མཐོང་རྒྱུ་ཨེ་ཡོད་དམ། དེ་མིན་ན་དྲག་ལས་རྐྱང་རྐྱང་ལ་གཞི་བཅོལ་དགོས་པ་མིན་འགྲོ།

ང་ཚོ་དུས་ནམ་ཡང་དྲིལ་བསྒྲགས་ཀྱི་སྐད་ཆ་ཞིག་བཟུང་ནས་གདོང་ཐུག་བརྒྱབ་ཡོད་པ་འདྲ།

ཕྱི་ལོ་ ༡༨༨༣ ལོར ནུབ་འཇར་མན་ནས་སྐྱེས་པའི་མར་ཁེ་སིས་གནའ་རབས་དབྱིན་ཇིའི་སྲིད་དོན་དང་དཔལ་འབྱོར་གྱི་རིག་པ། ཧྥ་རན་སིའི་སྟོང་བསམ་སྤྱི་ཚོགས་རིག་པ། འཇར་མན་གྱི་གནའ་རབས་མཚན་ཉིད་རིག་པའི་རྨང་གཞིའི་སྟེང་དུ་གཞི་བཅོལ་ནས་རང་ཉིད་ཀྱིས་གསར་དུ་སྤྱི་ཚོགས་རིང་ལུགས་ཀྱི་ལྟ་གྲུབ་གསར་དུ་བཏོན་ཡོད།
དེ་རྗེས་སུ་ཨེན་ཁེ་སེས་མུ་མཐུད་རྒྱ་སྐྱེད་དང་འབྲེལ་ནས་རོགས་རམ་བྱས་རྗེས་སུ་ལེ་ཉན་གྱིས་ལྟ་གྲུབ་དེ་སྤེལ་ནས་གསར་བརྗེའི་ལས་འགུལ་རྒྱ་ཁྱབ་ཚད་མེད་ཕྱིན་ཡོད།
དེ་ནས་རུ་སུའི་སི་ཏ་ལིས་དམར་ཤོག་རྒྱ་སྤྱེད་ཤུགས་ཆེ་བཏང་ནས་རྒྱ་ནག་སྐམ་སའི་ཁྱོན་ལ་རྒྱ་སྐད་ནང་དུ་ཕབ་བསྒྱུར་བྱེད་ཐུབ་པའི་དབང་གིས་སྤྱི་ཚོགས་རིང་ལུགས་ཀྱི་ལམ་དུ་སེམས་པ་ཕྱོགས་པའི་མེས་པོ་མའོ་ཙེ་ཏུང་སོགས་ཀྱིས་ཕྱི་ལོ་ ༡༩༢༡ ལོར་ཏང་མི་ ༥༠ ལས་གྲུབ་པའི་ཏང་གིས་ཤོག་ཁག་གིས་རྒྱ་ནག་ནང་དུ་གསར་བརྗེའི་ལས་འགུལ་སྤེལ་སྐབས་སུ་སྟོབས་ཤུགས་ཧ་ཅང་ཆུང་བའི་དུས་སྐབས་ཤིག་ཡིན།

དེར་བརྟེན་གུང་མིན་ཏང་གི་མགོ་གཙོ་ཇང་ཇེ་ཧྲེས་་་་་དར་དམར་ག་དུས་བར་དུ་བསྒྲེང་ཐུབ་བམ་་་་་ཞེས་པའི་ཡི་གེ་གཅིག་བཏང་བའི་ལན་དུ་མའོ་ཙེ་ཏུང་གིས་་་་་མེ་སྟག་ཆུང་ངུས་སྤང་ལྗོངས་བསྲེགས་ཐུབ་་་་ཅེས་ལན་བཏབ་པ་བཞིན་མཐར་རྒྱལ་ཁ་བསླངས་ནས་ཕྱི་ལོ་ ༡༩༤༩ ། ༡༠ ། ༠༡ ལ་རྒྱ་ནག་དམར་ཤོག་དབུ་བརྙེས་པ་རེད།

དེ་ནས་བཟུང་མའོ་ཡིས་རྒྱ་ནག་ཏུ་བོད་དེ་བཅིངས་གྲོལ་གཏོང་རྒྱུའི་བཀའ་བསྒྲགས་སྤེལ་ཏེ་རྒྱལ་ནང་དུ་རང་སྟོབས་རང་སྤེལ་གྱི་སྲིད་ཇུས་ལག་བསྟར་བྱས་ཏེ་བོད་དང་ཤིང་ཅང་སོགས་གྲངས་ཉུང་མི་རིགས་ཀྱི་ས་ཁུལ་ཁག་དབང་དུ་བསྡུས་ཏེ་མཐར་ཁྱོན་ཡོངས་སུ་ལོ་རབས་ ༧༠ ནང་རིག་གནས་བརྗེ་ཟེར་བ་ཡང་བསླངས་ནས་སྤྱི་ཚོགས་རིང་ལུགས་ཀྱི་འགྲོ་ལམ་རྒྱུན་འཁྱོངས་དང་མའོ་ཙེ་ཏུང་གི་དགོངས་པའི་ཚན་རིག་མངོན་གྱུར་ཡོང་བ་བྱེད་རྒྱུ་གཙོ་གནད་དུ་བཟུང་ཡོད།

ཕྱི་ལོ་ ༡༩༨༠ ནང་ནས་ཏིང་ཞའོ་ཕིན་གྱིན་རིགས་པའི་གཞུང་ལུགས་ཀྱི་སྒོ་ཕྱེ་ནས་དེང་རབས་བཞི་ཞེས་ཞིང་ལས་དང་། བཟོ་ལས། རྒྱལ་སྲུང་། ཚན་རྩལ་བཅས་བཞི་ལག་ལེན་དོན་འཁྱོལ་ཡོང་བར་བྱེད་ཆེད་ལྟེ་བ་ཅིག་དང་གཞི་རྩའི་གནས་གཉིས་བེད་སྤྱད་དེ་རྒྱལ་ནང་བཅོས་གྱུར་དང་ཕྱི་ཕྱོགས་སྒོ་འབྱེད་ཀྱི་སྲིད་ཇུས་ལག་ལེན་མཐར་ཕྱིན་བྱས་སྟབས།
རྒྱ་ནག་དེ་མི་ལོ་ ༢༠ ནང་ཆེས་མངོན་ཐོན་དུ་ཐོན་པ་བྱུང་ཡོད་ལ་དེ་རྗེས་འགྲོ་ལམ་འདི་ལ་མཐའ་ཅིག་ཏུ་ཡིད་ཆེས་བརྟན་པོ་ཡོད་པའི་ཅང་ཙེ་མིན་གྱིས་ལོ་ ༡༣ ཙམ་གྱི་རིང་མཚོན་བྱེད་གསུམ་གྱི་གལ་ཆེའི་ཆབ་སྲིད་ཀྱི་ལག་ལེན་མཐར་ཕྱིན་བྱས་ཡོད།
དེ་རྗེས་ཧུ་ཅིན་ཐའོ་ཡིས་འཆམ་མཐུན་གྱི་སྤྱི་ཚོགས་ཟེར་བའི་མིང་ཚིག་འདི་བེད་སྤྱད་དེ་ལོ་ངོ་ ༡༠ རིང་དུ་རྩ་བའི་རྩ་དོན་བཞི་རྒྱུན་འཁྱོངས་བྱས་ཏེ་ད་ཆ་འཛམ་གླིང་ནང་ཆེས་སྟོབས་ཆེན་གྱི་རྒྱལ་ཁབ་ཅིག་ཏུ་འགྱུར་བཞིན་ཡོད།

ཉེ་བའི་ཆར་བོད་ཀྱི་བཞུགས་མོལ་ཚོགས་འདུའི་སྟེང་དུ་ད་ལྟའི་བོད་ཀྱི་སྤྱི་ཚོགས་ཀྱི་དཀའ་ངལ་ནི་གྲལ་རིམ་འཐབ་རྩོད་ཀྱི་ངོ་ལས་ཉིན་རེིའ་དགོས་མཁོ་མང་དུ་འགྲོ་བ་ལས་བསློང་བཞིན་ཡོད་པའི་དཀའ་རྙོག་དང་། ཏྭ་ལའི་བླ་མའི་ཁ་བྲལ་གྱི་འཐབ་རྩོད་ཅིག་ཡོད་པས་སྒོ་ཀུན་ནས་བོད་ཀྱི་སྤྱི་ཚོགས་བརྟན་བརླིང་དང་། འཕེལ་རྒྱས་གཉིས་མུ་མཐུད་གོ་སྐབས་བདག་འཛིནབྱེད་པའི་བླང་བྱ་བསྟན་ཡོད།

ད་དུང་འབྱུང་འགྱུར་ཕྱི་ལོ་༢༠༡༢ ལོར་མི་རབས་ལྔ་པའིཐུན་མོང་གི་སྲིད་འཛིན་དང་སྲིད་བློན་སོགས་བརྗེ་བསྒྱུར་བྱེད་འཆར་གྱི་གནད་དོན་དང་འབྲེལ་ནས་མཐའ་གཅིག་ཏུ་སྤྱི་ཚོགས་རིང་ལུགས་ཀྱི་འགྲོ་ལམ་རྒྱུན་འཁྱོངས་བྱེད་རྒྱུ་ཡིན་པ་མ་ཟད་དེ་བས་བོད་ལ་ཆེས་མཐོའི་རང་སྲིད་རང་སྐྱོང་ཟེར་བ་དེ་གཏན་ནས་སྤྲོད་ཐབས་བྲལ་བ་ཞིག་ཡིན་པ་གསལ་པོར་ཤེས་ཐུབ་པ་ཞིག་ཡིན།

དེ་ལས་ད་དུང་ཕྱི་ལོ་ ༢༠༤༠ དང་ ༢༠༥༠ ནང་རྒཡ་ནག་འདི་འཛམ་གླིང་ནང་ཆེས་བླ་ན་མེད་པའི་སྟོབས་ཆེན་གྱི་རྒྱལ་ཁབ་གཅིག་རང་དེ་ཆགས་རྒྱུ་ཡིན་པའི་ངོས་འཛིན་བྱེད་པ་ཙམ་དུ་མ་ཟད་ལག་བསྟར་གྱི་སྲིད་ཇུས་དོན་འཁྱོལ་དངོས་སུ་རྩོད་ལེན་བྱེད་བཞིན་ཡོད།

ཡིན་ནའང་ང་ཚོས་ཀྱང་བོད་དེ་གནའ་རབས་གླིང་ཨེ་ཤེ་ཡའི་སྟེང་དུ་ཆེས་སྟོབས་ཤུགས་ལྡན་པའི་ལོ་རྒྱུས་ཡུན་རིང་ཡོད་པའི་རྒྱལ་ཁབ་ཅིག་ཡིན་པའི་ཆ་ནས་མའོ་ཡིས་བཤད་པ་ལྟར་ང་ཚོས་ཀྱས་མེ་སྟག་ཆུང་ངུས་སྤང་ལྗོངས་བསྲེགས་ཐུབ་པའི་ཡིད་ཆེས་བྱེད་དགོས།

ཡིད་ཆེས་ཙམ་མ་ཟད་ད་དུང་འབད་བརྩོན་མུ་མཐུད་བྱས་ཏེ་མཐར་བོད་རྒཡལ་ཁབ་དང་བོད་མི་རིགས་ཟེར་བ་འདི་ཡང་འཛམ་གླིང་སྟེང་དུ་ཆེས་བླ་ན་མེད་པའ་ཞིག་ཏུ་འགྱུར་རྒཡུའི་དམིགས་ཚད་ངེས་པར་དུ་བཟུང་དགོས།

བོད་ཀྱི་བདག་དབང་།ཀྲུང་གོའི་བདག་དབང་།བོད་མིའི་བདག་དབང་།རྒྱ་མིའི་བདག་དབང་།

བོད་ལ་བོད་མིའི་བདག་དབང་།
རྒྱ་ལ་རྒྱ་མིའི་བདག་དབང་།
ཀྲུང་གོ་ལ་ཀྲུང་གོའི་བདག་དབང་སོ་སོར་དགོས་བགྱིད་འདུག

དོན་ཆེན་བསྒྲུབ་པར་ངང་རིང་དགོས་ཞེས་པ་ལྟར་ང་ཚོའི་ལང་ཕྱོགས་ལ་འགྱུར་བ་ནམ་ཡང་གཏོང་མི་རུང་།
བདེན་པ་བདེན་པར་གནས་པ་ཤོག།
བདེན་པའི་དོན་ཡང་བསྒྲུབ་པ་ཤོག།
བདེན་པས་འཛམ་གླིང་ཁྱབ་པ་ཤོག།
བོད་ཀྱི་བདེན་དོན་གསལ་བར་ཤོག།

མི་རབས་མང་པོ་སྒུགས་དགོས་ཀྱང་རང་བཙན་གྱི་ལམ་དུ་འགྲོ་རྒྱུ་ལས་ཐབས་ཤེས་གཞན་ག་རེ་ཡོད།

རྩོམ་སྒྲིག་པ་ལུང་རིག་རྒྱལ་ལགས། དྲི་ལན་མེད་པ་ཅི་རེད།
དྲི་མཁན་ཆུང་སོང་བ་མིན་ནམ།

པེ་ཅིན་གྱི་དཔོན་རིགས་ཚོའི་ངར་སྐད་དེས་བཙན་བྱོལ་བའི་བརླ་འདར་གྱིན་ཡོད་པ་འདྲ། འདང་ཞིག་བརྒྱབས་ན་འདར་གྱི་རེད། རང་གི་རེ་བ་ཆུ་ལ་གཡུགས་པ་རེད། རང་གི་མི་རིགས་དགྲ་ལ་ཤོར་བ་རེད། དེ་རིང་ཡང་དབུས་ལས་ཁུངས་ཁག་གིས་འདིའི་ཐད་ཞལ་འདོན་སྐྱོར་གྱིན་འདུག འདི་ནི་དངོས་གནས་བོད་པ་ཚོ་འུ་ཐུག་པ་རེད། མི་འུ་ཐུག་ནས་ལྷ་ལ་དྲིས།། ལྷ་འུ་ཐུག་ནས་སྐྱག་རྫུན་ལབ་ཟེར་བའི་སྐུལ་ཚིག་འདིས་ད་ནི་ང་ཚོ་རྨོངས་བ་ལས་སད་རན་འདུག

ལུང་རིགས་རྒྱལ་ལགས། བཙན་བྱོལ་བོད་མི་ཁ་ཤས་ཀྱི་གནད་དོན་ཐག་གཅོད་བྱེད་རོགས་ཞུ་དགོས་ཀྱི་ཡོད་པ་རེད།

ངའི་ལྟ་ཚུལ་ནོར་མེད་ན། རྒྱ་ནག་གིས་ཏག་ཏག་བོད་དོན་འདི་ཕུད་རྒྱག་བྱེད་ཀྱིན་འདུག རྒྱ་ནག་གི་དམིགས་ཡུལ་དེ་བོད་དོན་འདི་ཕུད་རྒྱག་བྱས་ནས་མཐའ་མར་གཡང་ལ་གཡུགས་རྒྱུ་དེ་རེད། དུས་ཚོད་ལ་ཕུད་རྒྱག་བྱས་ནས་ྋགོང་ས་མཆོག་གི་སྐུ་ཚེ་རྫོགས་ཐབས་བྱས་སོང་ན། ཕལ་ཆེར་བོད་དོན་འདི་གཡང་ལ་ལྷུང་ཟིན་པའི་ངོས་འཛིན་བྱེད་ཀྱིན་ཡོད་པ་འདྲ། དེ་འདྲ་སོང་ཙང༌། དུས་ཚོད་ལ་ཕུད་རྒྱག་བྱས་ནས་འགྲོ་ཐབས་འདུག་ཐབས་བྱེད་ཀྱིན་ཡོད་པ་འདྲ།

མི་ནག་ལགས། ཁོང་ཁྲོ་ཟ་གི་འདུག་གམ།
ཟ་གི་འདུག་ན་མ་འོངས་བོད་ལ་ག་རེ་བྱེད་དགོས་མིན་ལ་བསམ་བློའི་གྲ་སྒྲིག་བྱོས། ངས་ཀྱང་རང་ས་ནས་བྱེད་ངེས་ཡིན།

དྲ་གྲོགས་ཚོ། དཱ་ཚོར་བ་མེད་ན་མེད་པ་རེད།

ད་ཐེངས་ཀྱི་སྐུ་ཚབ་ཚོའི་གསལ་བསྒྲགས་་དེ་ཧ་ཅང་གི་བཙུན་ཤུགས་ཞིག་དང་ཐག་ཆོད་པ་ཞིག་ཡིན་རྒྱུ་རེད། ད་ཐེངས་ད་སྐུ་ཚབ་རྒྱལ་བློ་དང་གཞན་དག་རྒྱ་གཞུང་ལ་ཁོང་ཁྲོ་ཟ་ནས་འབར་བསྡད་ཡོད་རྒྱུ་རེད། གསལ་བསྒྲགས་་དེ་ཧ་ཅང་སྐད་གསེང་མཐོན་པོ་དང་མཐའ་གཅིག་ཏུ་ངོ་རྒོལ་གྱི་སྒོ་ནས་སྤེལ་རྒྱུ་ཡིན་པ་གསལ་བོ་རེད། ད་ནི་བོད་རྒྱ་ཞི་མོལ་ལ་རེ་བ་མེད་ཚུལ་དང། ང་ཚོ་སྐུ་ཚབ་ཚོ་ལ་༸གོང་ས་མཆོག་གི་སྐུ་ཚབ་བྱེད་པའི་འཇོན་ནུས་མེད་པ་སོགས་གསལ་བཤད་བྱེད་རྒྱུ་རེད་ལ། སྐུ་ཚབ་ལས་གནས་ནས་དགོངས་པ་ཞུ་གི་རེད་བསམ་གི།

བརྙས་བཅོས་འདི་དེ་རིང་གཅིག་མ་རེད། མི་ལོ་ལྔ་བཅུ་རེད། ད་དུང་མུ་མཐུད་རྒྱུ་རེད། ཟིན་བྲིས་པ་ཚོ། དཱ་ནང་དཀྲུགས་ཤིང་ལ་མགོ་མི་འཁོར་བར་བསམ་ཚུལ་རེ་ཤོད་དང་། ཐབས་ལམ་རེ་སྟོན་དང་། ང་ཚོ་མི་རེས་བོད་ཀྱི་དཀའ་ངལ་སེལ་ཐབས་སུ་རང་རང་གི་ས་ནས་ཐབས་ཤེས་རེ་བཙལ་ཏེ་དྲ་ཐོག་ཏུ་ཁོད་དང་། ང་ཚོས་བགྲོ་གླེང་ཞིག་བྱེད།

དཱ་ཚོར་བ་མེད་ན་མེད་པ་རེད་ལོ།

ཚད་མཐོ་བའི་རང་སྐྱོང་ལྗོངས་ཟེར་བ་དེ་གཏོར་བཤིག་རེད་ཅེས་སྨྲ་ན། ད་གྲོས་མོལ་གཞན་ཞིག་དང་རྨང་གཞི་གཞན་ཞིག་ཡོད་ས་མི་འགྲོ་གི། གྲོས་མོལ་་གྱི་གཞི་ཞིག་འཇོག་གི་ཡིན་ཟེར་བ་ནི་རྒྱལ་ཁབ་གཞན་གྱི་ཁ་འགོག་བྱེད་ཙམ་རེད།

ད་གསལ་པོ་བཤད་འདུག་པཱ།

གྲོས་མོལ་ལ་རེ་བ་མེད་པའི་ཕྱི་ཚུལ་གྱི་རྣམ་འགྱུར་བསྟན་སོང་བ།

དཱ་སྐུ་ཚབ་རྣམ་པ་ཚོས་གསལ་བསྒྲགས་ག་དུས་གནང་གི་ཡོད་ན།

ཚད་མཐོའི་རང་སྐྱོང་གི་དགོས་འདུན་མཚམས་བཞག་པ་ཡིན་ན་གྲོས་མོལ་དང་འབྲེལ་བའི་གཞི་ཞིག་འཇོག་ཆོག་གི་རེད་ཟེར། ད་ནི་ག་རེའི་སྒང་ལ་གྲོས་མོལ་བྱ་དགོས་ཀྱི་ཡོད་ན།