རྒྱ་གཞུང་གིས་སློབ་གླིང་ཞིག་ལ་ཉེས་འགེལ་བྱས་པ།

སྐུ་ཚབ་ཚོ་
ཚུགས་ཀ་མེད་ཀྱང་སྡོག་པ་བྱས་ནས་ས་ཡ་དྲུག་གི་སྐུ་ཚབ་དག།

བོད་ལྭ་གོན་ནས་བོད་ཚུགས་བཏོད་དེ་བོད་ཀྱི་རྒྱལ་ས་གཉིས་བ་ནས།།

༧ཡིད་བཞིན་ནོར་བུར་མགོས་ཕྱག་འཚལ་སྟེ་དམ་བཅའ་ཁས་ལེན་བྱས་བ་དང་།།

ཟ་དང་འཐུང་དང་ཡིན་དང་མིན་སོགས་རྒྱ་སྐད་ཁ་ཤས་སློབ་ཞོར་ལ།།

བོད་ལྭ་ཕུད་ནས་རྒྱ་ལྭ་གོན་ཏེ་མཁའ་ལམ་བརྒྱུད་ནས་ཕེབས་སོང་ཟེར།།

གཞིས་བྱིས་གཉིས་ཀྱི་རེ་བ་ཤི་ཡང་རྣ་བས་ཡང་ཡང་ཉན་པ་ན།།

ཤ་རྩ་དཀར་ལ་ཤ་ཚུགས་ལེགས་པའི་རྒྱ་མོ་འགའ་ཡི་བསུ་བ་བཅས།།

རྒྱ་མཁར་སྨུག་པོའི་ནང་ལ་འཛུལ་རྗེས་ཟ་འཐུང་སྡེར་མའི་ཁྲོག་སྒྲ་ལས།།

བོད་མིའི་བདེ་སྡུག་བཤད་པའི་སྐད་ཆ་སུ་དང་གང་གིས་མ་གོ་ཟེར།།

༧ཡིན་བཞིན་ནོར་བུའི་གསལ་བཤད་བདུན་པོ་ཕར་ལ་འཕྲོད་པའི་བརྡ་ཙམ་དང་།།

མི་རུང་ཁ་ཤོར་བཞི་ཡི་ཐོག་ལ་ཐུགས་རྗེ་ཆེ་ཞུ་ཕུལ་བ་དང་།།

ལག་པ་གཉིས་ཀས་ཕོ་བ་སྐྱོར་ནས་ཟ་འཐུང་བླུགས་པའི་སྒྱེ་མོ་བཞིན།།

པེ་ཅིང་མཁར་ན་ཡོད་པ་འདྲ་པས་བདེ་མོ་སྐྱིད་པོ་ཡིན་པར་སྨོན།།

ཆབ་སྲིད་འཐབ་ཕྱོསག་གཅིག་གྱུར་པུའུ་ཡིས་ཁྱོད་ཚོར་སྐད་ལོག་ཨེ་བྱས་ཐལ།།

པུའུ་ཀྲང་གཞོན་པས་དཔའ་སྐད་འཐེན་སྐབས་ཆོས་སྐྱོང་སྲུང་མ་ཨེ་དྲན་ཐལ།།

སྐུ་ཚབ་རྣམས་ལ་སྐྲག་སྣང་སྐྱེས་ནས་རྒྱུད་པ་གཉིས་ཀ་ཨེ་འདར་ཐལ།།

བདག་དབང་བཤད་སྐབས་མགོ་བོ་རྨོངས་ནས་༧ཡིད་བཞིན་ནོར་བུ་ཨེ་དྲན་ཐལ།།

སྲིད་ཇུས་བཤད་སྐབས་མགོ་ཡོམ་འཁོར་ནས་རྔུལ་ཆུ་མང་བོ་ཨེ་བཞུར་ཐལ།།

རྒྱལ་ཁབ་ཞིག་གི་སྐུ་ཚབ་ཡིན་པས་རྒྱ་ཆེན་རྒྱས་བ་ཨེ་ཐུབ་ཐལ།།

ཡ་ཡ་ལེགས་སོ་ཐུགས་རྗེ་ཆེ་ལས་གཞན་པའི་ཚིག་འགའ་ཨེ་ཤོད་ཐལ།།

༧གོང་ས་མཆོག་ལ་མཚན་སྨོད་བྱེད་སྐབས་སྐྱུ་མོ་གཉེར་ནས་ཨེ་དཀའ་ཐལ།།

རྒྱ་མོ་ཚོ་ལ་རྒྱ་རྒྱོ་བརྒྱབས་ནས་གུང་གསེང་སྐྱིད་པོ་ཨེ་བྱུང་ཐལ།།

མོ་ཐེ་འཐུང་སྐབས་མི་རིགས་ཤིག་གི་བཀའ་དྲིན་ཡིན་པ་ཨེ་ཚོར་ཐལ།།

ཁྱོད་ཚོར་རྟག་ཏུ་རྙོག་དྲ་མི་འདུག་རྒྱུན་དུ་ཕེབས་ཞེས་ཨེ་བཤད་ཐལ།།

མྱི་བཟང་རེད་ཅེས་མྱི་ཆེན་དག་གིས་བསྟོན་པའི་མཐེ་བོང་ཨེ་བསྒྲངས་ཐལ།།

སྒེར་བདག་ཁ་པར་ཨང་གྲངས་སྤྲོད་དང་སྒེར་དོན་བསྒྲུབ་ཞེས་ཨེ་བཤད་ཐལ།།

ང་ཚོ་ཚང་མ་བཟང་ས་ཡིན་པས་ནང་གཏམ་བཤད་ཅེས་ཨེ་བསྐོར་ཐལ།།

ཅི་གསུངས་བཀའ་ལ་ལེགས་སོ་ཙམ་ལས་རང་གི་འདོད་འདུན་ཨེ་ཤོད་ཐལ།།

བོད་པའི་སྐུ་ཚབ་ཡིན་པའི་རྟགས་ལ་བོད་དོན་ཚིག་འགའ་ཨེ་ཁྲོལ་ཐལ།།

ས་མཚམས་ལོ་རྒྱུས་གྲོས་མོལ་བྱེད་སྐབས་ས་རྒྱུས་མེད་པས་ཨེ་མྱངས་ཐལ།།

དྲང་མོར་བཤད་ན་འཕྲིན་སྐྱེལ་ཙམ་ལས་བོད་པའི་སྐུ་ཚབ་ཨེ་ཉན་ཐལ།།

རྡ་རམ་ས་ལའི་ཉེ་སར་འབྱོར་དུས་ཅི་བཤད་བསམ་ནས་ཨེ་སྐྲག་ཐལ།།

བཀའ་བློན་ཁྲི་བའི་བཀའ་བཀྱོན་དྲན་ནས་སྐྱག་རྫུན་བཤད་པྭ་ཨེ་འདོད་ཐལ།།

༧ཡིད་བཞིན་ནོར་བུ་ཡིད་ལ་ཤར་ནས་དགོངས་དག་ཞུ་པྭ་ཨེ་དྲན་ཐལ།།

སྐྱབས་བཅོལ་བ་ཚོ་སེམས་ལ་ཡོང་ནས་རྒྱ་ཆེན་བཤད་པྭ་ཨེ་འདོད་ཐལ།།

གསར་འབྱོར་བ་ཚོས་དྲི་བ་འདྲི་ན་དབྱིན་སྐད་རྒྱག་པྭ་ཨེ་དྲན་ཐལ།།

ཁ་ཤས་གསང་ནས་ཁ་ཤས་བཤད་སྐབས་རང་གིས་འཇོན་སོང་ཨེ་འདོད་ཐལ།།

པེ་ཅིང་ཁོ་ཡ་ཁོག་ནས་ཞུས་ཏེ་མོ་ཐེའི་བཟི་ཁ་དྭངས་བ་ན།།

དྲི་བ་འདི་ཚོར་ལན་ཞིག་གནོངས་ཞེས་གུས་མི་ཤེས་བའི་གུས་ལྡན་པ།།

ས་ཡ་དྲུག་གི་དམའ་ཤོས་དེ་ཡིས་ས་ཁུང་ཞིག་གི་ཡ་ཕུགས་ནས།།

ལག་པའི་ཐལ་མོ་ཐོད་ལ་སྦྱར་ཏེ་པུས་མོ་ས་ལ་བཙུགས་ནས་ཞུས།

Is that a also Chinese internal afair ?
What the hell is going on !!!!!!!!!!!!!!!!!!!!!!!!!

བོད་རྒྱ་ནག་གི་ཆ་ཤས་རེད་ཟེར་བ་དེ་ལ་ཧ་ལས་རྒྱུ་ཡོད་ནི་མ་རེད། འདས་པའི་ལོ་རྒྱས་ངོས་ནས་བཤད་ཀི་མེད ། བོད་ལ་མེད་པ་མང་པོ་ཞིག་ཡོད་པ་གཏོང་རྒྱུ་དེ་རེད་ དེ་ནི་རངདབང་རེད

ལོ་སྔོན་མ་ཨོ་སེ་ཁྲོ་ལེ་ཡའི་སྲིད་འཛིན་དང་། ནེའུ་ཛི་ལན་ཏྲེའི་སྲིད་འཛིན་སོགས་ཀྱིས་རྒྱ་ནག་གི་གནོན་ཤུགས་ལ་མ་བཟོད་པར་༧གོང་ས་མཆོག་དང་མཇལ་འཕྲད་ཞུ་མ་ཐུབ་པ་དེས་རྒྱ་ནག་ལ་སྤོབས་པ་གཞན་དང་མི་འདྲ་བ་ཞིག་སྐྱེས་པ་རེད། དེ་ཡང་ཨོ་སྦ་མས་༧གོང་ས་མཆོག་དང་མཇལ་འཕྲད་ཕྱིར་འགྱངས་བྱས་པའི་འབྲས་བུ་རེད། ད་ནུབ་ཕྱོགས་རྒྱལ་ཁབ་དག་གི་དབུ་འཁྲིད་ཚོས་ཚོང་གི་ཁྲོམ་ར་དང་འགྲོ་བ་མིའི་ཐོབ་ཐང་གང་གལ་ཆེ་བ་འདེམས་ཐུབ་མིན་ལ་རགས་ལས་ཡོད། གང་ལྟར་རྒྱ་ནག་གིས་ཉལ་ས་བྱུང་ན་སྐྱོང་ས་ཞེས་པ་ལྟར་ཧམ་པ་ཆེ་རུ་མ་གཏོགས་འགྲོ་གི་མ་རེད།

ཉི་ཤར་ལག་པས་འགེབས་མི་ཐུབ་པ་བཞིན་༸ཁོང་གི་མཛད་འཕྲིན་ནམ་ཡང་བཀག་མི་ཐུབ་པ་རྒྱ་གཞུང་ནས་ངེས་པར་ཤེས་དགོས་ལ།དེ་བས་ཆུ་ནང་གི་ཟླ་བ་ལོན་པའི་དཔེ་ཟླར་མ་སོང་བར་གཟབ་དགོས་པ་གལ་ཆེའོ།།

ཐེ་ཝན་དང་་ཨ་རི་ཚོ་འབྲེལ་དང་ ༧་གོངས་མཆོག་ཨོ་བྷ་མ་ལ་འཇལ་འཕྲིན་བྱེད་འཆར་གྱི་དུས་ཚོད་སླེབས་པ་གཙུག་ལག་སློབ་གྲ་ནས་མིང་གཞུང་ཕྱིར་བཏོན་པ་སོགས་རྒྱ་ནག་གི་ཟླ་གཅིག་གི་ནང་ལ་ཕྱི་ཕྱོགས་ལ་ཐེ་ཇུས་དང་ངོ་རྒོལ་ཤུགས་བྱས་སོང། གནས་ཚུལ་འདིས་རྒྱ་ནག་ཆབ་སྲིད་འཕོ་འགྱུར་ཤུགས་ཆེན་འགྲོ་བཞིན་པ་ཁ་བཀག་ན་སྣ་ནང་ནས་ཡོད་གི་འདུག་ག

ཨ་ཡ་མཚན། ཁ་ཎ་ཌའི་གཙུག་ལག་སློབ་གཉེར་ཁང་དག་ཀྱང་རྒྱ་ནག་གཞུང་གིས་ངོས་འཛིན་ཐོབ་དགོས་པ་ཡིན་ནམ།
ངས་མ་ཤེས་གླུ་བར་དྲིས་ནི་ཡིན་་་་་་

རྒྱ་ནག་ཚང་ཇུས་གཏོགས་ཇེ་ཆེར་འགྲོ་བཞིན་འདུག་ག་