བློ་བཟང་གིས་ཁ་ཕྱིར་འཁོར་ནས་བུད་མེད་དེས་ཅི་ཞིག་བཤད་རྒྱུ་ཡིན་ནམ་སྙམ་ཞོར་དུ། ཨ་ཞེས་ལན་བཏབ་དུས། བུད་མེད་དེས། ངེད་གཉིས་བོད་རིགས་གཅིག་པ་རེད། ལམ་བར་དུ་ཁ་བརྡ་འདྲ་བྱོས་དེ་སོང་ན་སྟབས་བདེ་བོ་འདུག ཁྱེད་རང་གིས་རྒྱ་མི་དེར་གཅིག་ཤོད་དང་། ཁོ་རང་གི་འདུག་ས་བརྗེ་བོ་བརྒྱབ་པ་ཡིན་ན་འུ་གཉིས་ཀྱིས་བ་བརྡ་བྱོས་དེ་འགྲོ་རྒྱུར་སྟབས་བདེ་བོ་མི་འདུག་གམ་ཟེར་ནས་བཤད།
བློ་བཟང་གིས་སྐད་ཆ་དེ་གོ་མ་ཐག དེ་དངོས་ནས་ངས་ག་རེ་གོ་སོང་བསམ་ནས་རང་གི་རྣ་བ་ལའང་ཡིད་ཆེས་བྱེད་དཀའ་བ་ལྟ་བུ་ཞིག་བྱུང་ན་ཡང་། ཁོ་རང་གི་གོ་བ་དེ་ནི་ནོར་མེད་པ་ཤེས་ནས། རེད་རེད། དེ་ངོ་མ་རེད། རང་མི་ཞིག་དང་ལྷན་དུ་ཁ་བརྡ་རེ་བྱོས་དེ་སོང་ན་དེ་དངོས་ནས་སྣང་བ་སྐྱིད་པོ་ཞིག་ཡིན་ནི་རེད། ངས་བཤད་པ་ལས་ཁྱེད་རང་གིས་བཤད་པ་ཡིན་ན་སྟབས་བདེ་བོ་ཡིན་ངེས་རེད་ཅེས་བཤད་དུས། བུད་མེད་དེས་ངས་རྒྱ་སྐད་མི་ཤེས་ཟེར་ནས་ལན་བཏབ།
བློ་བཟང་གིས་མགོ་བོ་འཕུར་ཞོར་དུ། ཡ་་ཡ་་་ དེས་ན་ངས་བཤད། ཁ་ལ་ཉན་མིན་མི་ཤེས་ཟེར་ཞོར་དུ། རྒྱ་རྒན་དེར་ཁོ་མོ་དང་ངེད་གཉིས་ཕ་ཡུལ་གཅིག་པ་ཡིན། ཁྱེད་རང་ལ་མི་བདེ་བ་འདྲ་མེད་པ་ཡིན་ན། ཉལ་ས་བརྗེ་བོ་ཞིག་བརྒྱབ་ན་འགྲིག་གི་རེད་དམ་ཞེས་བཤད་དུས། རྒྱ་རྒན་དེས་བློ་བཟང་ལ་འགྲིག་གི་རེད། ང་ཁྱེད་རང་གི་ཉལ་སའི་ནང་དུ་ཡོང་། ཁྱེད་རང་ང་ཡོད་སར་གནས་སྤོ་བྱས་ན་འགྲིག་གི་རེད་ཅེས་བཤད་དུས། བློ་བཟང་དགའ་ནས་ཁ་ཡང་བཙུམ་མ་ཐུབ་པར་ཐུགས་རྗེ་ཆེ། ཐུགས་རྗེ་ཆེ་ཞེས་བཤད་པའི་ཚུགས་པ་དེས་བུད་མེད་དེས་ཀྱང་བློ་བཟང་ཁོ་རང་གི་ཉལ་སའི་འཁྲིས་སུ་ཡོང་རྒྱུ་ཡིན་པ་ཚོར་ནས་བློ་བཟང་གི་ཅ་ལག་དེ་ཚོ་མོ་རང་ལ་སྤྲོད་རོགས་ཟེར་ནས་ལག་པ་བློ་བཟང་གི་ཕྱོགས་སུ་བསྲིངས།
ངའི་མིང་ལ་བན་སྡེ་འཚོ།
གང་གི་ཡིན།
བླ་བྲང་གི
བླ་བྲང་གང་གི་ཕྱོགས་ནས་ཡིན།
མཛོ་དགེ་ནས།
ལྷ་སར་ག་རེ་བྱེད་དུ་སོང་བ་ཡིན།
གྲོགས་མོ་ཞིག་དང་ཁ་འཆམ་ནས་མཇལ་དུ་སོང་བ་ཡིན།
དེས་ན་རླངས་འཁོར་ནང་ལ་བསྐྱེལ་དུ་ཡོང་མཁན་དེ་རེད་དམ།
མ་རེད། དེ་ང་རང་གི་ཨ་ཅེ་རེད།
ཁོ་གཉིས་ཀྱིས་སྐད་ཆ་དེ་ལྟར་འགོ་བཙུགས། བན་སྡེ་འཚོས་མོ་རང་ལྷ་སར་ཡོང་ཁར་ལས་ཀ་བྱེད་སར་དགོངས་པ་ཡང་མ་ཞུས་པ་དང་ཕ་མ་དག་གིས་ཀྱང་མི་ཤེས་པ་སོགས་ཀྱི་སྐོར་ཞིབ་དུ་བློ་བཟང་ལ་བཤད་པ་དང་། ལྷ་ས་ནས་རང་གི་ཨ་ཅེ་ཡི་ཟ་ཁང་ཞིག་གཉེར་ཡོད་པ་དེ་ཡི་ནང་དུ་འདུག་འདོད་མེད་པའི་རྒྱུ་མཚན། ད་དུང་རང་ཡུལ་དུ་ཕྱིར་འགྲོ་འདོད་ཀྱིས་ཨ་ཅེ་ཡི་ཁ་བརྡ་ལ་མ་ཉན་པར་ཕྱིར་རང་ཡུལ་འགྲོ་བཞིན་ཡོད་པ་དང་། ཕ་མ་གཉིས་ལ་ལྟ་སྐྱོང་བྱེད་མཁན་མེད་པའི་སྐོར་བཅས་ཞིབ་དུ་བཤད་དུས། བློ་བཟང་གིས་ཁོ་མོའི་ཚིག་འབྲི་རེ་རེ་ནི་བུ་རམ་ལས་ཀྱང་ཞིམ་པ་དང་སྤྲང་རྩི་ལས་ཀྱང་མངར་བ་ལྟ་བུ་ཞིག་ཚོར་ནས། དུས་ཚོད་ཀྱང་ནམ་གུང་དུ་སླེབས་པ་གཏན་ནས་མ་ཚོར་བ་རེད།
བན་སྡེ་འཚོས། བློ་བཟང་གི་མིང་དྲིས་པ་ལས་སྐད་ཆ་བཤད་མང་བོ་ཞིག་འདྲི་ཁོམ་མ་བྱུང་བར་མོ་རང་གིས་བློ་བཟང་གི་དྲི་ལན་ཏག་ཏག་བཏབ་ནས་མཚན་དཀྱིལ་དུ་སླེབས་དུས། ཁོ་མོས་ད་འུ་གཉིས་ཉལ། སང་ཉིན་མུ་མཐུད་དུ་ཁ་བརྡ་བྱེད་ཆོག མི་ཕལ་ཆེ་བ་གཉིད་ཚར་འདུག་ཞེས་བཤད་དུས། བློ་བཟང་གིས་ད་གཟོད་ཁོ་གཉིས་གཅིག་བུ་གཉིད་མེད་པར་ཁ་བརྡ་བྱེད་ཀྱི་ཡོད་པ་དེར་ངོ་གནོང་ཞོར་དུ། རེད་རེད། ད་གཉིད་ཡ་་
མུ་འགོད།
ཇིང་སྲས་མིག་གསུམ་པ་ལགས། ཅོ་་རི་ཉི་མ་ལགས། ཁྱེད་གཉིས་ཕེབས་ནས་དགའ་ཡོད།
དེ་ལས་གསལ་ཙམ་དང་རྒྱས་ཙམ་བཤད་ཀྱི་མེད་པས།
བློ་བཟང་འདིས་ཡང་འདི་་་་་་་་་་་་་་་་་་་་་་་