བན་སྡེ་འཚོས་སྒྲུང་ལ་ཉན་ཞོར་དུ། བར་སྐབས་ཤིག་ལ་མོ་རང་གི་མགོ་བློ་བཟང་གི་བྲང་ཁར་བཞག་མ་ཐག བློ་བཟང་གི་སྙིང་ཆུང་ལྷོག་ལྷོག་ལྡིང་མགོ་བརྩམས་ན་ཡང་། བློ་བཟང་གིས་མ་ཤེས་ཁུལ་བྱེད་ཀྱིན། མུ་མཐུད་དུ་སྒྲུང་ཀློག
བློ་བཟང་། ཁྱེད་རང་གི་དམིགས་ཡུལ་དེ་མ་འགྲུབ་པ་ཡིན་ན། ཁྱེད་རང་གི་ཕ་མ་ཚོས་ཁྱེད་རང་གི་འདོད་པ་བཞིན་རང་གི་བཟའ་ཚང་འཚོལ་དུ་འཇུག་གི་རེད་དམ་ཞེས་དྲིས་པ་དེས། བློ་བཟང་དངོས་ནས་གློ་བར་དུ་སྒྲུང་གི་འཇིག་རྟེན་དང་བྲལ་ནས་རང་གི་བྲང་ངོས་སུ་མགོ་བོ་བཞག་ཡོད་པའི་ཆེས་མཛེས་སྡུག་ལྡན་པའི་བུ་མོ་བན་སྡེ་འཚོའི་དྲི་བ་དེ་ཡིས་ཁོ་རང་གི་ཤ་གསེང་རུས་གསེང་གཉིས་ལ་འདར་སུག་རྒྱག་ཞོར། ངས་དམིགས་ཡུལ་དེ་མ་འགྲུབ་པ་ཡིན་ན་ནི། ངས་རང་གི་བཟའ་ཚང་རང་གི་འདོད་པ་བཞིན་ལོས་བཙལ། དེ་ཡི་དབང་ཆ་ང་རང་ལོས་ཡོད། ཡོད་པ་རེད་ཅེས་ལན་བཏབ།
དེ་དུས་བན་སྡེ་འཚོས། ངས་ཁྱེད་རང་ལ་ལམ་བར་ནས་བཤད་པ་ལྟར། ང་རང་ལ་བཟའ་ཚང་བྱེད་རྒྱུའི་ཁས་ལེན་བྱེད་མྱོང་སའི་ཕོ་གསར་ཞིག་ཡོད་མྱོང་བ་མ་ཟད། ལས་ངན་མ་ང་ལ་དེ་མ་དབང་བར་ཁོ་རང་རླངས་འཁོར་བརྡབ་སྐྱོན་གྱིས་གྲོངས་པའི་ཕྱིར་ཉིན་དེ་ནས་བཟུང་། ངས་དངོས་ནས་ཕོ་གསར་གཞན་ལ་གཏན་ནས་ཁ་ཡ་བྱེད་འདོད་མེད་པར་ད་ལྟའི་བར་དུ་ལུས་པ་རེད། ད་རེབས་སྟོད་ཉི་མ་ལྷ་སར་སོང་། ཕྱི་རང་ཡུལ་དུ་ལོག་པའི་ལམ་བར་ནས་ཁྱེད་རང་དང་འཕྲད་པ་རེད། དེ་ཡང་ལས་དབང་ཞིག་ཡིན་རྒྱུ་རེད་ཅེས་རང་གི་ལག་ཟུང་གིས་བློ་བཟང་གི་ལག་པ་གཡས་ལ་དམ་པོར་འཇུས་དེ་རང་གི་འགྲམ་པའི་ངོས་སུ་སྤྱར།
བློ་བཟང་དངོས་ནས་འདི་བདེན་པ་ཡིན་ནམ་སྙམ་ཞོར་དུ། བན་སྡེ་འཚོའི་འགྲམ་པའི་ངོས་སུ་ལག་པའི་ཕུར་ཕུར་བྱེད་ཀྱིན། རེད་ཡ་་་ ལས་དབང་ལོས་ཡིན། དེ་མིན་ན། མི་བརྒྱ་འགྲོ་སྟོང་འགྲོ་དེ་འདྲ་ཞིག་གི་ནང་ནས་འུ་གཉིས་གཅིག་བུ་འདི་ལྟར་ངོ་ཤེས་ཆགས་ཐབས་ཤིག་གང་ན་ཡོད།
བན་སྡེ་འཚོས། ཁྱེད་རང་ལ་ང་དང་བཟའ་ཚང་བྱེད་འདོད་ཨེ་ཡོད་ཀི སྐད་ཆ་དེས་དངོས་ནས་དྲང་གནས་ཀྱིས་བློ་བཟང་ནག་འཐོམ་མེར་བཏང་བ་མ་ཟད། སྐད་ཅིག་དེར་འདི་རྨི་ལམ་ཡིན་རྒྱུ་མ་རེད། བུད་མེད་འདི་འདྲའི་ཡག་མ་ཞིག འདི་འདྲའི་ཞི་དུལ་བག་ཡོད་ཅིག ང་དང་ལྷན་དུ་མི་ཚེ་སྙམ་བཞིན། བློ་བཟང་གིས། བན་སྡེ་འཚོ། འུ་གཉིས་ལམ་ཐག་ཐུང་ཐུང་ཞིག་གི་ནང་དུ་ངོ་ཤེས་པ་རེད། ཁྱེད་རང་གིས་ང་ལ་ཡིད་ཆེས་བྱེད་ཐུབ་ཀྱི་འདུག་གམ་ཞེས་དྲིས།
བན་སྡེ་འཚོས། ལམ་ཐག་ཐུང་ཐུང་ཞིག་ལས་འགྲོག་མེད་པ་བདེན་ན་ཡང་། ངས་ཁྱེད་རང་མི་ག་འདྲ་ཞིག་ཡིན་པ་ཤེས་སོང་། ད་དུང་། དངོས་ནས་ཁྱེད་རང་མི་འཐད་རྒྱུ་མེད་ན། ང་དངོས་ནས་ཁྱེད་རང་ལ་འགྲོག་འདོད་འདུག་ཟེར་བས་སྐད་ཆ་དེ་བཤད་མ་ཐག བློ་བཟང་གིས་རང་གི་ལག་ནང་དུ་སྒྲུང་དེབ་དེ་ཅོག་རྩེ་སྒང་ལ་ཕར་གཡུགས་ནས།
ཁྱེད་རང་གིས་ནང་མི་ཚོས་འུ་གཉིས་ལ་ཁས་ལེན་བྱེད་ཐུབ་བམ། ང་རང་ལ་དངོས་ནས་ཁྱེད་རང་དང་འགྲོག་འདོད་མེད་པ་དེ་འདྲ་གཏན་ནས་མིན། དངོས་ནས་ཁྱེད་རང་ལྟ་བུའི་བུད་མེད་ཡ་རབས་ཤིག་དང་འགྲོག་རྒྱུ་བྱུང་ན་དེ་ལས་ལྷག་ཞིག་དངོས་ནས་དགོས་དོན་མེད། ད་དུང་། ང་རང་ནང་དུ་སོང་ནས། ངས་དམིགས་ཡུལ་འགྲུབ་ཐུབ་མིན་ལ་བལྟ་དགོས་ཀྱི་ཡོད་པ་རེད། གལ་སྲིད་འགྲུབ་སོང་བ་ཡིན་ན། ཐུང་ན་ལོ་ངོ་གསུམ་བཞི་ཞིག་ལ་སྒུག་དགོས་པ་ཐུག་གི་རེད། ཁྱེད་རང་གིས་ང་ལ་སྒུག་ཐུབ་ས་རེད་དམ་ཟེར་ནས་བན་སྡེ་འཚོའི་ལག་ཟུང་སྙིང་རྗེ་མོ་དེར་འཇུས་དེ་བཤད།
བན་སྡེ་འཚོས། བློ་བཟང་ཁྱེད་རང་དངོས་ནས་ང་དང་འགྲོག་འདོད་ཀྱི་སེམས་ཐག་གཅོད་ཐུབ་ཀྱི་ཡོད་ན་ནི། ངས་ཁྱེད་རང་ལ་དངོས་ནས་སྒུག་ཐུབ། དེ་ཡི་ཕྱོགས་ལ་ཁྱེད་རང་གིས་སེམས་ཁྲལ་བྱེད་མི་དགོས་ཟེར་ཞོར་བློ་བཟང་གི་བྲང་ཁར་བཞག་པའི་མགོ་བོ་དེ་ཡར་བརྗེ་བཞིན། སྐྲ་ལོ་རིང་བོ་དེ་རྒྱབ་དུ་གཡུགས་ནས་བློ་བཟང་གི་གདོང་ལ་ཐད་ཀར་བལྟས།
མུ་འགོད།
ཁྱེད་ཅག་ཚང་མ་ཕེབས་པ་དགའ་ཡོད། མུ་མཐུད་དུ་ཕེབས་ཤོག སྒུག་ནས་འདུག བལྟས་ནས་འདུག
དྲ་གྲོགས་ལགས་དེ་ནས་ཅི་བྱས་མྱུར་དུ་གསུངས་དང་།
འོ་ཡ་
ཕྱག་རྩོམ་ཞིག་སྤེལ་འདུག་གཱ
མུ་མཐུད་དུ་ཀློག་བཞིན་ཡོད་
དེ་ནས་བསམ་འཆར་ཡང་འདོན་ཨེ་ཐུབ་བལྟ་རྒྱུ་ཡིན།
བཀའ་དྲིན་ཆེ།
ཨ་ཁུའི་སྒྲུང་འདི་ཀློག་འདོད་མོད་རིང་དྲགས་པས་ཀློག་ཁོམ་མི་འདུག ཡང་སློབ་ཚན་ལ་འགྲོ་རན་སོང་ཕྱིར་ཡོང་ནས་ཀློག་ངེས་ཡིན་
ཀློག་ཟིན་བྲེལ་ཚོར་ཞིག་དང་མཉམ་ཏུ་སྙིང་ཁྲག་ཀྱང་འཕར་ཡོང་གི་འདུག
བློ་བཟང་གི་དམིགས་ཡུལ་མ་འགྲུབ་ན་ཡག་ས་རེད
ཨ་ཁུ་ཤ་ཁྲག་་་ ཁྱེད་ཀྱིས་དྲོ་བ་དེ་མ་རྙེད་པའི་རྒྱུ་མཚན་ནི་ངའི་ཚིག་ཚོགས་དེ་ལ་དོན་སྙིང་ཞིག་མེད་པས་ལེ་ཡིན། ནོར་ཁྲིད་དམ་ཞན་ཆའི་ཐད་ལ་ལམ་སྟོན་གནང་རོགས།
དགོངས་དག ང་ལ་དུས་ཚོད་ཁོམ་པོ་མེད་པའི་སྟེང་ལ་ཁྱོས་འདི་ལྟར་ཆང་འཐུང་ཞིག་གི་སྐྱུག་པ་ནང་བཞིན་ལུད་ཡོང་ན་དེ་བས་ཀྱང་ཀློག་ལོང་ཞིག་གང་ན་ཡོད། ལེའུ་ལྔ་བཅུ་བར་དུ་སླེབས་འདུག གཤམ་ན་ད་དུང་མུ་འགོད་ཅེས་བྲིས་འདུག ད་འགྲོ་རྒྱུ་ཡིན། ལས་ཀ་འཚང་ཀ་ཤིག་ཤིག་གིས་སྒུག་བསྡད་ཡོད། རྗེས་སུ་ཡང་ཡང་སྐོར་རྒྱུགས་རེ་བྱེད་ཡ།