ཐེངས་འདིར་ཨོ་བྷ་མས་ཏཱ་ལའི་བླ་མར་མཇལ་འཕྲད་གནང་བ་དེ་ཐབས་ཤེས་ཡང་དག་དང་བློ་རིག་ལྡན་པ་ཞིག་མ་རེད། གང་ཡིན་ཟེར་ན། དེས་ཨ་རྒྱ་གཉིས་ཀྱི་འབྲེལ་བར་གཏོར་སྐྱོན་གཏོང་གི་རེད་ཟེར།
ཨོ་བྷ་མ་ཐེངས་འདིར་ཏཱ་ལའི་བླ་མར་མཇལ་ཏེ་ཨ་རྒྱ་གཉིས་ཀྱི་འབྲེལ་བར་གནོད་པ་བཟོ་བ་ལས་རྒྱ་ནག་གི་དཔོན་རིགས་ཚོའི་སྟེང་ལ་དུས་ཚོད་མང་ཙམ་གཏོང་བ་དང་གནད་དོན་གལ་ཆེ་རྣམས་ཀྱི་སྟེང་བསམ་བློ་གཏོང་ཐུབ་ཡོད་ན་ཡག་པོ་བྱུང་ཡོད་ཅེས་རྒྱ་ནག་གི་རྒྱལ་ཡོངས་ཨ་རྒྱ་གཉིས་ཀྱི་འབྲེལ་བའི་ཚོགས་ཆུང་ནང་གི་ཆེད་ལས་ཉམས་ཞིབ་པ་ ཧྥུ་རེ་ཌི་ ཊིན་ ཟེར་བ་ཞིག་གིས་ཞིན་ཧྭ་གསར་ཁང་ལ་བཤད་འདུག ཁོས་བཤད་དོན། ང་ཚོ་རྒྱ་ནག་དང་ཨ་རིའི་བར་དུ་འཛུགས་སྐྲུན་རང་བཞིན་གྱི་འབྲེལ་བ་དགོས་ཤིང་། དེ་ནི་ཨ་རིའི་མི་དམངས་དང་རྒྱ་ནག་མི་དམངས་ཀྱི་མངོན་འདོན་ངོ་མ་དེ་ཡིན་ཟེར།
ཧྥུ་རེ་ཌི་ ཊིན་གྱི་བསམ་ཚུལ་འདི་རྒྱ་ནག་གི་ཞིན་ཧྭ་གསར་ཁང་གིས་བསྒྲགས་པ་མ་ཟད། ཨ་རིའི་ཧ་ཧྥིན་ཊོན་གསར་ཁང་གིས་ཀྱང་སྤེལ་འདུག ཧ་ཧྥིན་ཊོན་གྱི་ནང་སྤེལ་བའི་རྩོམ་ཡིག་དེའི་ནང་ཁོས་བཤད་དོན། ཉེ་བའི་བདུན་ཕྲག་ཁ་ཤས་རིང་། ཨ་རྒྱ་གཉིས་ཀྱི་འབྲེལ་བ་དེ་ཡུལ་བབ་སྲིད་བྱུས་ཀྱི་དཀའ་ངལ་འགས་གཡོ་སྐྱོམ་བྱས་ཡོད། དེའི་ནང་གི་འགའ་རེ་ནི་བལྟས་ན་མཐོང་མི་ཐུབ་པའི་གྲས་ཡིན་ལ། འགའ་རེ་ནི་སྐབས་ཐོག་གི་ཨ་རྒྱ་གཉིས་ཀྱི་སྲིད་དོན་གྱི་གནམ་གཤིས་ཁྲོད་ནས་སྔ་ས་ནས་ཡལ་འོས་པའི་སྲིད་བྱུས་རྙིང་རུལ་གྱི་གྲུབ་འབྲས་ལས་བྱུང་བ་རེད། དཀའ་རྙོག་གི་དུས་རིམ་འདིའི་ནང་དུ། སྲིད་འཛིན་ཨོ་བྷ་མས་རྒྱ་ནག་མཉམ་དུ་འཛུགས་སྐྲུན་རང་བཞིན་གྱི་འབྲེལ་བ་སྐྲུན་རྒྱུར་ཐུགས་སྣང་གནང་དགོས་པ་ལས། ཕན་ཚུན་ཡིད་ཆེས་དང་གོ་རྟོགས་ཀྱི་མཐའ་སྣེ་ལས་བརྒལ་ཏེ་འགྲོ་མི་འོས་ཞེས་བཤད་འདུག
ཁོས་བཤད་དོན། ཨ་རིས་ཐའེ་ཝན་ལ་གོ་མཚོན་བཙོང་རྒྱུར་ཐག་བཅད་མ་ཐག་པའི་དུས་དང་། ཨ་རི་ནི་འཛམ་གླིང་གི་ཡུལ་བབ་སྲིད་བྱུས་ཀྱི་དུག་ཚེར་མང་པོ་ཞིག་གི་ཕྱོགས་ནས་རྒྱ་ནག་ལ་བསྟུན་དགོས་པའི་སྐབས་ཤིག་ལ། སྲིད་འཛིན་ཨོ་བྷ་མས་ཏཱ་ལའི་བླ་མ་ཕོ་བྲང་དཀར་པོའི་ནང་དུ་མགྲོན་འབོད་བྱས་ཚེ། ཁོས་ཨ་རྒྱ་གཉིས་ཀྱི་འབྲེལ་བ་དེ་གཏོར་བཤིག་གི་ཕྱོགས་སུ་བསྐོར་བ་རེད་ཟེར།
ཧྥུ་རེ་ཌི་ ཊིན་ལ་ད་དུང་རྒྱུ་མཚན་མང་པོ་ཡོད་པའི་གཅིག་ནི་བོད་དང་ཧ་ཡེ་ཝེ་ Hawaii གཉིས་བསྡུར་རྒྱུ་དེ་ཡིན། ཁོས་བཤད་དོན། ཧ་ཡེ་ཝེ་ཨ་རིའི་མངའ་སྡེ་ཞིག་ཏུ་མ་གྱུར་བའི་ཡར་སྔོན་དུ་མ་ཞིག་ནས་བོད་ནི་རྒྱ་ནག་གི་ཆ་ཤས་སུ་གྱུར་ཚར་ཡོད་ཅེས་དང་། ༡༨༩༣ ལོར་ཧ་ཡེ་ཝེ་རྒྱལ་ཁང་མགོ་རྟོང་སློག་པའི་ཁྲོད་ཨ་རིའི་གཞུང་གིས་རྒྱབ་རྩ་བྱས་པའི་ཐད་ལ་ཨ་རིའི་གྲོས་ཚོགས་ཀྱིས་དགོངས་སེལ་གྱི་གྲོས་ཆོད་ཅིག་བཞག་ཡོད་ཟེར།
ཁོས་དྲིས་དོན། གང་ལྟར། ཧ་ཡེ་ཝེ་ནི་ད་སྐབས་ཨ་རིའི་འོག་གི་མངའ་སྡེ་ཞིག་ཏུ་གྱུར་ཡོད་པ་རེད། གལ་སྲིད་རྒྱ་ནག་གིས་ཧ་ཡེ་ཝེ་རང་བཙན་གྱི་ལས་འགུལ་ལ་རྒྱབ་སྐྱོར་བྱས་པ་ཡིན་ན་ཨ་རིའི་གཞུང་གིས་ཡ་ལན་གང་འདྲ་ཞིག་སློག་གི་རེད།
སྐབས་བསྟུན་གྱིས་བཤད་ན། ཡུལ་གྱུར་བ་ཞིག་ལ་རྒྱས་སྟོན་བཤམས་ཤིང་། ཨ་རིའི་ཕྱི་སྲིད་ཀྱི་ལས་རོགས་གལ་ཆེན་ཞིག་ལ་ངོ་ལོག་བྱེད་པ་ནི་ཐབས་ཤེས་ལེགས་པོ་ཞིག་མ་རེད་ཟེར།
སྲིད་འཛིན་ཨོ་བྷ་མས་ཚོང་དོན་དང་གོ་ལའི་གནམ་གཤིས། ཨ་རིའི་བུ་ལོན་སོགས་གལ་ཆེ་གནད་དོན་ངོ་མ་དག་གི་ཆེད་དུ་རྒྱ་ནག་གི་དཔོན་རིགས་ཚོའི་མཉམ་དུ་དུས་ཚོད་མང་ཙམ་གཏོང་འོས་པ་ཞིག་རེད་ཟེར།
སྙིང་རྗེ། འདི་ན་ཡང་ ཧྥུ་རེ་ཌི་ ཊིན་ཞེས་དེ་ རྒྱལ་ཞེན་ཁ་རུ་བཟུང་ནས་རྒྱ་ནག་ནས་འགྱིག་གི་ཅ་དངོས་ཁ་ཤས་ཤིག་ལྐོག་རྔན་ལ་ཞེན་པའི་བློ་ཆུང་བྱིས་པ་ཞིག་འདུག ཁོ་ཆབ་སྲིད་པ་ཡིན་མདོགས་ཁ་པོ་ཡིན་ས་རེད། འོན་ཀྱང་ཁོ་ལ་ཆབ་སྲིད་པ་ཞིག་ལས་ཚོང་པ་ཆུང་ཆུང་ཞིག་གི་བསམ་བློའང་མི་འདུག
ཨ་རི་ནི་དམངས་གཙོའི་རྒྱལ་ཁབ་ཞིག་རེད། མ་ཟད་ལོ་རྒྱུས་སྟེང་དམར་ཕྱོགས་ལ་ཁ་གཏད་ལྕོག་མཁན་དང་པོ་དེ་ཆགས་ཡོད་པ་རེད། རྒྱ་ནག་ནི་དམར་ཕྱོགས་ཀྱི་གཞི་རྩ་བྱས་པའི་བཙན་གནོན་རང་ལུགས་ཀྱི་རྒྱལ་ཁབ་ཞིག་རེད། འདི་ནི་སྲིད་ཕྱོགས་ཀྱི་འགལ་ཟླ་སྟེ་གཅིག་གིས་གཅིག་ལ་མགོ་སྒུར་མི་འོས་པ་ཞིག་དང་མི་སྲིད་པ་ཞིག་རེད།
ཚོང་ཕྱོགས་ནས་ལོ་རབ་བརྒྱད་ཅུ་དང་དགུ་བཅུ་ནས་ཨ་རིས་རྒྱ་ནག་ལ་ཚོང་འབྲེལ་བྱས་དེ་ཉེས་སྟོང་ལོ་ཡན་ནས་བཟོ་ལས་ཚོང་འབྲེལད་ཨ་རིས་ཕྱོགས་ནས་ཇེ་ཟབ་དུ་བཏང་དེ་ནི་ཨ་རིའི་གཞུང་གིས་ཁེ་བཟང་ཟ་འདོད་རེད་འོན་ཀྱང་དེ་ནི་ཆེས་ནོར་འཕྲུལ་རེད། དེ་ནས་བཟུང་ཨ་རིའི་རྒྱུ་ངོས་ཅ་ལག་གི་རྒྱུ་སྤུས་ཇེ་ཞན་དུ་སོང་། དེས་རྐྱེན་པས་མི་ཐམས་ཅད་ཀྱིས་ཨ་རིའི་རྒྱུ་ངོས་ཉོས་འཚམས་བཞགས། དེ་ལ་གཞི་བཞག་ནས་ཨ་རིའི་དཔལ་འབྱོར་ལ་ཅུང་གུད་ཆེས་ཆེན་པོ་ཕོག འདི་ནི་རག་ཟིན་ཞིག
ད་དུང་ཡང་ཨ་རིའི་གཞུང་གཉིད་དུ་ཡུར་ནས་ཅོལ་ཆུང་ ཧྥུ་རེ་ཌི་ ཊིན་ཁོ་ལྟ་བུར་དབང་ཆ་སྤྲད་ནས་རྒྱ་ནག་ལ་མགོ་འདོགས་བྱས་ན་ད་ནས་ལོ་ངོ་ཉི་ཤུའི་རྗེས་སུ་ཨ་རིའི་ཤུལ་དུ་ཐལ་རྡུལ་ཞིག་ལས་ལྷག་རྒྱུ་ཁེགས་པོ་རེད།
ད་རྒྱ་གར་གྱི་ཆུ་ཚོད་བདུན་དང་ཕྱེད་ཀའི་ཐོག་མཇལ་འཕྲད་གནང་གི་ཡོད་ན་རྒྱ་ནག་སྤྲོ་ལངས་ནས་བཀད་ནའང་སྡུག་གྱོང་རེད།འདིས་ཨ་རི་ནི་དམངས་གཙོ་དང་དྲང་བདེན་ལ་རྒྱབ་སྐྱོར་བྱེད་མཁན་ཞིག་ཡིན་པ་མཚོན་གྱི་ཡོད།
ད་རྒྱ་གར་གྱི་ཆུ་ཚོད་བདུན་དང་ཕྱེད་ཀའི་ཐོག་མཇལ་འཕྲད་གནང་གི་ཡོད་ན་རྒྱ་ནག་སྤྲོ་ལངས་ནས་བཀད་ནའང་སྡུག་གྱོང་རེད།འདིས་ཨ་རི་ནི་དམངས་གཙོ་དང་དྲང་བདེན་ལ་རྒྱབ་སྐྱོར་བྱེད་མཁན་ཞིག་ཡིན་པ་མཚོན་གྱི་ཡོད།
ད་རྒྱ་གར་གྱི་ཆུ་ཚོད་བདུན་དང་ཕྱེད་ཀའི་ཐོག་མཇལ་འཕྲད་གནང་གི་ཡོད་ན་རྒྱ་ནག་སྤྲོ་ལངས་ནས་བཀད་ནའང་སྡུག་གྱོང་རེད།འདིས་ཨ་རི་ནི་དམངས་གཙོ་དང་དྲང་བདེན་ལ་རྒྱབ་སྐྱོར་བྱེད་མཁན་ཞིག་ཡིན་པ་མཚོན་གྱི་ཡོད།
ད་རྒྱ་གར་གྱི་ཆུ་ཚོད་བདུན་དང་ཕྱེད་ཀའི་ཐོག་མཇལ་འཕྲད་གནང་གི་ཡོད་ན་རྒྱ་ནག་ཁོང་ཁྲོ་ལངས་ནས་བཀད་ནའང་སྡུག་གྱོང་རེད།འདིས་ཨ་རི་ནི་དམངས་གཙོ་དང་དྲང་བདེན་ལ་རྒྱབ་སྐྱོར་བྱེད་མཁན་ཞིག་ཡིན་པ་མཚོན་གྱི་ཡོད།
མི་འདིས་དྲང་བདེན་དང་འགྲོ་བ་མིའི་ཐོབ་ཐང་ཁས་ལེན་མེད་སྟབས་དྲག་སྤྱོད་ནི་ཐབས་ཤེས་ཡང་དག་པར་ཡིད་ཆེས་བྱེད་མཁན་གྱི་ Taliban གྱི་ལངས་ཕྱོགས་དང་བྱེད་སྟངས་དེ་ཆེས་འགྲིག་ཡོད་པར་ངོས་འཛིན་མི་བྱེད་ཐབས་མེད་རེད། འདི་འདྲིའི་བསམ་བློ་ལ་གདོང་ལེན་བྱེད་ཆེད་འཛམ་གླིང་དམག་ཆེན་གཉིས་པའང་བྱུང་རེད། འཛམ་གླིང་གི་དྲག་སྤྱོད་པའང་བསམ་བློ་འདྲལ་་གདོང་ལེན་བྱེད་ཆེད་བྱུང་བ་རེད། མི་རིགས་གྲངས་ཉུང་དང་ཉམས་ཆུང་ལ་འདི་འདྲའི་བརྙས་བཅོས་དང་མཐོང་ཆུང་བྱས་པ་ནི་ཡིད་ལ་འཛིན་དགོས་པ་ཞིག་རེད། གལ་སྲིད་ང་མི་འདི་དང་ཐུག་པ་ཡིན་ན་བཟོད་སྒོམ་བྱེད་ཁག་པོ་རེད། སྲོག་ནི་འདི་འདྲིའི་ཆེད་དུ་གཏོང་ཕོད་ན་གཟི་བརྗིད་རེད།
གོང་གི་མི་འདིས་གོ་ལ་ཆེན་པོ་འདིའི་ཐོག་མི་ཁྲག་གི་ཁ་དོག་བསྒྱུར་མཁན་གྱི་ཉེས་ཅན་པ་རྒྱ་ནག་དམར་ཕྱོགས་གཞུང་ལ་འདི་ལྟར་རེ་བ་དང་རྒྱབ་སྐྱོར་བྱེད་པ་ནི་རྒྱལ་སྤྱིའི་འགྲོ་བ་མིའི་རིན་ཐང་དང་། རྒྱལ་སྤྱིའི་འགྲོ་བ་མིའི་ཐོབ་ཐང་མ་ཤེས་པའམ་མི་བརྩི་བའི་མི་སྒེར་སེམས་ཆེན་པོ་དང་། འཛམ་གླིང་གི་ཞི་བདེ་དང་འདྲ་མཉམ་སོགས་ལ་སེམས་ཁུར་མེད་པར་སྒེར་སེམས་ཁོ་ན་ལས་མེད་མཁན་ཞིག་རེད། ཁོའི་བསམ་ཚུལ་ཡིན་ན་མི་རིགས་ཆུང་ཆུང་ཚང་མ་རྒྱལ་ཁབ་ཆེན་པོ་ཚོས་གང་བྱུང་རྡོག་བརྫིས་གཏོང་ཆོག་པ་དང་། གཞན་པ་ཚོས་ཀྱང་དེ་ལ་རྒྱབ་སྐྱོབ་བྱེད་དགོས་པའི་བསམ་བློ་དེ་ནི་མི་ཡུལ་གྱི་མི་ཞིག་གི་བསམ་བློ་གཏོང་སྟངས་ཡིན་ག་ལ་སྲིད། ཆེན་པོ་ཚོས་ཆུང་ཆུང་རྣམས་ཟ་ཆོག་པའི་ཁྲིམས་ལུགས་དེ་རྒྱ་མཚོའི་འོག་གི་སྲིན་འབུ་ཕྲ་མོ་དང་དུད་འགྲོའི་གྲོང་ཁྱེར་དང་། ཡང་ན་ཤིང་ནགས་ནང་གི་གཅན་གཟན་གྱི་གནས་དག་ཏུ་ཡོད་སྲིད་པ་ལས། མི་ཡུལ་དུ་བསམ་ཚུལ་དང་གོམས་གཤིས་འདི་འདྲ་རན་པོ་མེད། མི་ཡུལ་དུ་རྒྱལ་སྤྱིའི་འགྲོ་བ་མིའི་ཐོབ་ཐང་ལ་བརྩི་དགོས་པ་དང་། ཐ་ན་དེའི་ཆེད་དུ་མཉམ་འབྲེལ་རྒྱལ་ཚོགས་ཀྱང་བཙུགས་པ་རེད།
ཧ་ཝ་ཡེ་དང་བོད་ནང་གི་གནས་སྟངས་ཀྱི་ཁྱད་པར་ཙམ་མ་མཐོང་བར་མཉམ་དུ་གླེང་བ་ནི་ལོ་རྒྱུས་མིག་བཙུམ་ནས་ཀློག་མཁན་ཞིག་མིན་འགྲོ། ཨ་རིའི་བཙོན་ཁང་ཁག་ནང་ཧ་ཝ་ཡེའི་ཐོབ་ཐང་རྩོད་མཁན་གྱི་ཆབ་སྲིད་བཙོན་པ་གཅིག་ཀྱང་ཡོད་པ་རེད་དམ། ཧ་ཝ་ཡེའི་་མི་ཚོའི་འདོད་པ་ཁེངས་པ་དང་མི་ཚེ་སྐྱིད་པོ་ཡོད་ན་རྒྱལ་ཁབ་སུ་འདྲ་ཞིག་གི་མངའ་ཁོངས་བྱེད་ན་འགྲིག་གི་རེད། བོད་ནི་དེ་ལས་ལྡོག་ཏེ་བཙན་དབང་ཁོ་ན་ལ་བརྟེན་ནས་བཟུང་ཡོད་པ་དང་། བོད་ནང་འགྲོ་བ་མིའི་ཐོབ་ཐང་རྩོད་ལེན་བྱེད་མཁན་གྱི་བོད་མི་ཆབ་སྲིད་བཙོན་པ་ག་ཚོད་རྒྱ་ནག་གི་བཙོན་ཁང་དུ་གནས་ཡོད་པ་རེད་དམ། དེ་རིང་ཡང་ཁྲི་སྟོང་སྟོང་ཕྲག་མང་པོ་ཡོད་པ་རེད། ཨ་རིའི་བཙོན་ཁང་ནང་ཧ་ཝ་ཡེའི་ཆབ་སྲིད་བཙོན་པ་ཡོད་པ་རེད་དམ། མེད་པ་ཡིན་ན་མངའ་ཁུལ་དེར་ཐོབ་ཐང་ཡོངས་རྫོགས་ཐོབ་ཡོད་པ་དང་རྩོད་མི་དགོས་པའི་དཔང་རྟགས་རེད། བོད་ལའང་འགྲོ་བ་མིའི་ཐོབ་ཐང་ཆ་ཚང་ཡོད་པ་ཡིན་ན་རྒྱ་ནག་གི་མངའ་འབྲེལ་ཆགས་མ་ཆགས་དེ་ཙམ་གལ་ཆེན་པོ་མ་རེད།
མདོར་ན་མི་འདི་འདྲ་ལ་ལན་ཡང་དག་པ་དེ་ Taliban རེད། གང་ཡིན་ན་ཟེར་ན་མི་འདི་ནི་དམག་ཤུགས་ཁོ་ནར་ཡིད་ཆེས་བྱེད་པ་དང་། དམག་ཤུགས་ཀྱིས་ཐག་བཅད་པ་ཚང་མ་ཁྲིམས་མཐུན་ཡིན་དགོས་ཟེར་སྟངས་ལ་ལྟོས་ན། སྒེར་སེམས་ཁོ་ན་ལས་འཛམ་གླིང་གི་ཞི་བེད་དང་འགྲོ་བ་མིའི་ཐོབ་ཐང་མི་དགོས་པའི་རྒྱ་མི་ཞིག་མིན་འགྲོ་སྙམ། རང་དབང་དང་འགྲོ་བ་མིའི་ཐོབ་ཐང་ལ་ལོངས་སྤྱོད་མྱོང་མཁན་ཞིག་རང་དབང་ལུང་ནང་འཚར་ལོངས་བྱུང་བའི་མི་ཞིག་འདི་འདྲ་དྲན་མི་སྲིད་པ་ཞིག་རེད།
གོང་གི་ཧྥུ་རེ་ཌི་ཊིན་ཞེས་པའི་མི་འདིའི་མིང་ལ་བལྟས་ན་ཕྱི་རྒྱལ་བ་ཞིག་མིན་ནམ་སྙམ། གལ་ཏེ་ཕྱི་རྒྱལ་བ་ཞིག་ཡིན་ན་རྒྱ་ནག་གི་དཔལ་འབྱོར་གྱི་བསླུ་དྲིད་གི་འོག་ལ་ཚུད་ཟིན་པ་ཞིག་ཡིན་པ་ཐག་གི་ཆོད། སྤྱིར་འཛམ་བུ་གླིང་ནས་ད་ལྟའི་ཆར་དཔལ་འབྱོར་ལ་དོ་བསྣང་ཤུག་ཆེར་བྱེད་བཞིན་ཡོད་ཀྱང་། དམང་གཙོ་དང་འགྲོ་བ་མིའི་ཐོབ་ཐང་སོགས་ནི་ནུབ་ཕྱོགས་དམང་གཙོའི་རྒྱལ་ཁབ་དང་། རྒྱ་ནག་ལྟ་བུའི་དབང་ཆ་གཅིག་བསྡུད་རིང་ལུག་བར་གི་བལྟ་གྲུབ་གི་འགལ་ཟླ་ཞིག་ཡིན་པས། གལ་ལ་ཐུག་ན་དཔལ་འབྱོར་ལས་འདི་ལ་གལ་ཆེར་བརྩི་ངེས་རེད། མ་ཟད་སྲིད་གཞུང་ཁག་གི་སྲིད་ཇུས་ཇི་ལྟར་ཡིན་ཡང་། འཛམ་གླིང་མི་མང་ནས་དམང་གཙོ་དང་། འགྲོ་བ་མིའི་ཐོབ་ཐང་། ཆོས་ལུག་མཐུན་བསྒྲིལ་བཅས་ལ་གལ་ཆེར་བརྩི་བཞིན་ཡོད་པས། ཨོ་བྷ་མ་ལྟ་བུའི་དམང་གཙོའི་རྒྱལ་ཁབ་ཀྱི་དབུ་ཁྲིད་ཞིག་གི་རྒྱ་ནག་གི་མནོན་ཤུག་འོག དམང་གཙོ་དང་། འགྲོ་བ་མིའི་ཐོབ་ཐང་། ཆོས་ལུག་མཐུན་བསྒྲིལ་བཅས་ཀྱི་མཚོན་བརྟག་ལྟ་བུར་གྱུར་པའི་༸གོང་ས་མཆོག་ལ་མཇལ་འཕྲད་ཕྱིར་མཐེན་བྱེད་རྒྱུ་ནི་ལས་ལྷ་པོ་ཞིག་མ་རེད་
བོད་མི་དམར་པོའི་ལུང་པ་ཞིག་ཆགས་སོང་ན་ཕར་ཆེར་བོད་རང་གི་སྡུག་རེད་མ་གཏོགས་འབྱོར་ལྡན་རྒྱལ་ཁབ་གཞན་དག་ལ་གནོད་དོན་ཅི་ཡོད། ད་དུང་སྤྱིར་འཛམ་གླིང་ལ་མཚོན་ན་བོད་འདི་གལ་ཆེན་ཞིག་ཡིན་མིན་ང་ཚོ་མངོན་གསལ་རེད། དེང་སང་འཛམ་གླིང་ན་དཔལ་འབྱོར་ཡར་རྒྱས་དང་གསར་བདོད་རང་བཞིན་གྱི་རིགས་ལ་གདེངས་འཇོག་བྱེད་སྐབས་རེད་མ་གཏོགས། རྗེས་ལུང་དང་སྤྲང་པོ་ཁྱུ་གཅིག་མི་གྲབ་དང་ཁྱི་གྲབ་གང་ཡང་མེད་པ་བོད་མི་ཚོས་ཧ་གོ་དགོས།
གལ་སྲིད་འཛམ་གླིང་ཐོག་གི་དམངས་གཙོ་རྒྱལ་ཁབ་ཚོས་བོད་མི་རིགས་འདིར་རྒྱབ་སྐྱོབ་ཡག་པོ་མ་བྱེད་ན། བོད་མི་རིགས་འདི་དམར་ཕྱོགས་སུ་འགྱུར་རྒྱུ་ལས་ཐབས་གཞན་མེད། འཛམ་གླིང་དམར་པོ་ཆགས་དུས་བོད་མི་གཅིག་པོ་མིན་པ་འཛམ་གླིང་མི་མང་ཚང་མའི་སྡུག་བསྔལ་ཉམ་དགོས་ཐུག་ཡོང་བ་འདི་ཡང་ཤེས་ན་ཡག་པོ་རེད་ད།
དེའི་ནང་ནས་འབྱོར་ལྡན་རྒྱལ་ཁབ་ཁག་གིས།།།།།།།།།།།།།།།།།
ཧྥུ་རེ་ཌི་ ཊིན་ལགས་ཀྱི་བསམ་ཚུལ་འདི་ཅི་འདྲ་བའི་དགོད་སྤྲོ་བ་མི་འདུག་གམ། ད་རིང་༧གོས་ས་མཆོག་གིས་ཨོ་བྷ་མར་མཇལ་འཕྲད་གནང་བ་འདི་ནི་ཨ་རི་དང་རྒྱ་ནག་བར་གྱི་འབྲེལ་བ་དང་གནས་སྟངས་ཡོད་པ་རྣམས་གྲོས་བསྡུ་གནང་གི་རེད། ཨ་རྒྱ་གཉིས་ཀྱི་ལྟ་བའི་ཐོག་ཏུ་སྔར་ནས་འགལ་ཟླ་ཡོད་པ་དང་རྒྱ་ནག་གིས་བཙན་རྒྱལ་ཨ་མེ་རི་ཀ་འཛམ་བུ་གླིང་གི་སྤྱིའི་དགྲ་བོ་ཡིན་པ་ངོས་ལེན་བྱས་པ་འདི་ཡང་སྐབས་རེའི་གནད་དོན་ཐོག་དངོས་གནས་བདེན་པ་འདྲ་པོ་ཡོད།
ཨ་རིའི་ཕྱོགས་ཀྱིས་དམར་ཕྱོགས་པའི་ལྟ་བ་འདི་ནི་མི་དམངས་དུང་ཕྱུར་མང་པོ་འགོ་བསྐོར་དང་བཙན་དབང་གི་ཐོག་ཏུ་བེད་སྤྱོད་བྱས་པ་ལས་སྤྱི་མི་དམངས་ཀྱི་ཁེ་ཕན་དང་རང་དབང་མེད་པའི་ལྟ་བ་ཞིག་ངོས་ལེན་བྱས་ཀྱིན་ཡོད་རེད།
ཀྲུང་ཧྭ་མི་དམངས་སྤྲི་མཐུན་རྒྱལ་ཁབ་ཀྱིས་བོད་ཀྱི་སྐུ་ཚབ་རྣམས་ལ་བྱེད་མི་རུང་བ་བཞི་སྤྲད་ཡོད་པ་རེད། འདི་ནི་༧གོང་ས་མཆོག་གཙོ་བཙན་བྱོལ་བོད་མི་རྣམས་ཀྱིས་དམར་ཕྱོགས་བྱེད་ཐུབ་དང་མི་ཐུབ་པའི་སྐད་ཆ་ཞིག་རེད་འདོད། གལ་སྲིད་༧གོང་ས་མཆོག་གི་འགོ་ཁྲིད་པའི་བཙན་བྱོལ་གཞུང་མང་གཉིས་ཀྱིས་དམར་ཕྱོགས་ལྟ་བ་སློབ་སྦྱོང་དང་ཀྲུང་ཡ་སྲིད་གཞུང་ལ་ཁ་ཞེན་གཉིས་ཀྱི་བརྩི་སྲུང་དང་རང་གི་རྒྱལ་ཁབ་ཡིན་པ་ངོས་ལེན་གནང་མ་ཐུབ་ན། ཀྲུང་ཡ་དཔོན་རིགས་ཚོས་དུས་ནམ་ཡང་༧གོང་ས་མཆོག་གི་འགོ་ཁྲིད་པའི་བོད་བཙན་བྱོལ་གཞུང་མང་གཉིས་དམར་པོའི་སྤྱི་མཐུན་རྒྱལ་ཁབ་ཀྱི་དགྲ་བོ་ཞིག་ཡིན་པ་ལས་རང་མི་ཞིག་ཡིན་པ་ངོས་ལེན་ག་ལ་ཡོད།
ད་ལན་ཨོ་བྷ་མས་བོད་འདི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཆ་ཤས་ཡིན་པ་དང་༧གོང་ས་མཆོག་གི་འགོ་ཁྲིད་པའི་བོད་མི་རྣམས་ཀྱིས་ཁ་ཞེ་གཉིས་མེད་ཀྱིས་རྒྱ་ནག་དམར་ཕྱོགས་རྒྱལ་ཁབ་ལ་ཡིད་ཆེས་དང་རང་རྒྱལ་ལྟ་བུ་སྲུང་སྐྱོབ་ལྷག་བསམ་རྣམ་དག་གི་ཐོག་ཏུ་སྤྱི་མཐུན་རྒྱལ་ཁབ་དར་རྒྱས་གཏོང་ནས་བལ་ཡུལ་དང་རྒྱ་གར་ནང་དུ་དམར་ཕྱོགས་ཁྱབ་ཐུབ་པ་བྱེད་དགོས་ཟེར་ནས་གསུངས་ན་ཧཧཧཧཧཧཧཧཧ།
ཨ་རིའི་གཞུང་དང་སྲིད་འཛིན་ཨོ་བྷ་མས་བོད་མི་རིགས་འདིར་རྒྱབ་སྐྱོབ་ཡག་པོ་ཞིག་དང་བོད་མི་རིགས་འདིས་མཐའ་ཐུག་རང་བཙན་སྒྲུབ་ས་ཡོད་པའི་སྐད་ཆ་མ་བཤད་པ་ཡིན་ན། བོད་མི་འདིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དང་རྡོག་རྩ་གཅིག་སྒྲིལ་གྱི་ཐོག་ནས་བལ་ཡུལ་རྒྱལ་ཁབ་དང་རྒྱ་གར་བཅས་ཚང་མ་དམར་ཕྱོགས་བཟོ་རྒྱུ་ཡིན་ཞུ་ན་ཅི་གསུངས་ཡོང་ངམ།
གལ་སྲིད་བོད་མི་རིགས་འདི་དམར་ཕྱོགས་ལ་འགྱུར་པ་ཡིན་ན་འཛམ་གླིང་འདི་དམར་པོ་བཟོ་ཐུབ་པ་ཡང་དེང་སང་འཛམ་གླིང་གི་མཁས་དབང་རྣམས་ཀྱི་ཤེས་དང་ཤེས་བཞིན་ཡོད་པ་འདྲ། མ་རེད་དམ།
འཛམ་བུ་གླིང་གི་མི་རྣམས་ཀྱི་ཤེས་དགོས་པ་ནི་བོད་དང་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་གཉིས་རྡོག་རྩ་གཅིག་སྒྲིལ་ཆགས་པ་ཡིན་ན། འཛམ་གླིང་འདི་དམར་པོ་ཆགས་ཡོང་བ་ཡང་ཤེས་ན་དགའ་རེད་ད།
ཡུང་རོ་དང་ཨ་རི་རྒྱ་གར་རྣམས་ཀྱིས་རྒྱ་ནག་གི་རྒྱལ་རྟེན་ཉིན་མོ་གོ་ལག་ཆ་མི་འདྲ་ལྔ་བཅུ་ང་གྲངས་མགྲོན་སྟོན་བྱས་པ་དེ་སུ་ཡི་འགོ་ཐོག་ཡིན་པ་ཤེས་ན་ཡག་པོ་ཡོད་ལེ་རེད།
གང་ཞིག་བཤད་འདོད་ན་ཤོད།།ཨ་རྒྱ་གཉིས་ཀྱི་དཔལ་འབྱོར་ལ་གནོན་ཤུག་ཐེབ་ནི་མ་རེད་་་་་་རྒྱ་ནག་གི་སྔོན་ལ་ཅིག་བཅའ་འཇོག་ཁ་རེ་བཤད་རྒྱུ་གོམས་བདད་ཡོད་ནི་རེད་་་ཨ་རི་དང་ཚོང་འབྲེལ་བཅད་ན་རང་ཉིད་ལ་ཡང་གྱོང་གིན་ཆེན་པོ་ཐེབ་བཞིན་པ་ཤེས་ནི་རེད་ཡ་་་་་་
རྒྱལ་ཁབ་ཀྱི་གནས་སྐབས་ཙམ་གྱི་ཁེ་ཕན་ཐད་ནས་བཤད་ན་ཁོས་བཤད་པ་དེར་ཡང་གནས་ལུགས་མེད་པ་མ་རེད་མོད། འཛམ་གླིང་སྤྱི་དང་འབྱུང་འགྱུར། ལྷག་དོན་འགྲོ་བ་མིའི་རིགས་ཀྱི་གནད་དོན་ཐད་ནས་བཤད་ན་ཁོས་བཤད་པ་དེ་རྦད་དེ་ནོར་འདུག
ཧྥུ་རེ་ཌི་ ཊིན་གྱིས་ཐེངས་འདིར་ཨོ་བྷ་མས་ཏཱ་ལའི་བླ་མར་མཇལ་འཕྲད་གནང་བ་ནི་བློ་རིག་ལྡན་པ་ཞིག་མ་རེད། ཅེས་ཞིན་ཧྭ་གསར་ཁང་ལ་བཤད་པ་དེ། གཅིག་བྱས་ན་རྒྱ་གཞུང་གིས་བརྒྱུད་བསྐུལ་བྱས་པ་ཡིན་སྲིད་ལ། གཅིག་བྱས་ན་དཔལ་འབྱོར་ཡར་རྒྱས་རྐྱང་པར་ཁ་ཕྱོགས་པའི་བལྟ་ཚུལ་ཙམ་ཡིན་སྲིད། གང་ལྟར་ཨ་རིའི་གཞུང་གིས་ད་ལྟ་དང་མ་འོངས་པའི་གནས་ཚུལ་ཆ་ཚང་བར་ཞིབ་འཇུག་གིས་ཕུགས་རྒྱང་རིང་པོའི་དགེ་ཕན་ལ་གཟིགས་ནས་མཇལ་འཕྲད་གནང་རྒྱུ་གཏན་འཁེལ་བྱས་པ་ཞིག་ཡིན་ཕྱིར། ཐེངས་འདིའི་མཇལ་འཕྲད་གནང་བ་ནོར་བར་བཤད་པ་ནི་དོན་དངོས་དང་མཐུན་པ་ཞིག་མ་རེད།
ངེས་པར་དུ་་་༧་གོང་ས་མཆོག་ཨ་རིའི་སྲིད་འཛིན་དང་མཇལ་འཕྲད་གནང་དགོས།
དེ་ནི་འཛམ་གླིང་གི་གནད་དོན་དང་འབྲེལ་བ་སྟིང་ཟབ་ཡོད་པ་མ་ཟད། རྒྱ་བོད་དང་ཨ་རྒྱ་གཉིས་ཕན་ཐོག་ཆེན་པོ་ཡོད།
རྒྱ་ནག་གི་ད་ལྟའི་བར་མི་རིགས་མང་པོའི་བར་བཙན་འཛུལ་བྱས་ནས་བོད་སོགས་མི་རིགས་ལྔ་བཅུ་ལྷག་བཙན་གནོན་འོག་དབང་དུ་བསྡུས་ཟིན་པ་མ་ཟད།
མི་རིགས་རང་རང་གི་ཆོས་དང་རིགས་རྩ་བརླགས་གཏོངས་ཟིན།
ད་དུང་་ན་ནིང་ད་ལོ་་རྒྱ་ནག་གཞུང་འཛིན་པ་ཁག་ཅིག་གིས་གློ་བུར་དུ་གཉིད་ལས་སད་པ་བཞིན་་༼་་་་་བོད་དང་ཤིན་བཅང་་་་༽་་་་་གཉིས་དཔལ་འབྱོར་དང་མི་རིགས་འཆམ་འཐུན་སོགས་ཆ་རྐྱེན་མང་པོ་ཞིག་བསྒྲང་ནས་རྫུ་བག་སྟོན་བཞིན་ཡོད་།།
དེ་དག་ཚང་མ་་་་༧་་གོང་ས་མཆོག་དང་་་་བོད་གཞིས་ལུས་དཔའ་བོ་དཔའ་མོ་རྣམས་ལ་ཁ་གཏད་ལངས་ཐབས་སོགས་
ངན་ཇུས་སྣ་ཚཚོགས་སྤེལ་བཞིན་ཡོད་དོ།།
རྒྱ་ཁ་ལ་ཉན་བསྡད་ན་་་
་འཛམ་གླིང་ནང་ཆགས་འཇིགས་ཡོང་བ་ལས་བདེ་སྐྱིད་འབྱུང་མི་སྲིད་པ་་དང་
ཞི་མཐུན་ལྷིང་འཇགས་རྩ་མེད་འགྲོ་བ་ལས་དགེ་ཕན་གང་མེད་པ་ཚང་མས་ཤཻས་དགོས་སོོོ།