སེར་བྱེས་བྱ་བྲལ་ཁམས་ཚན་གྲྭ་བློ་བཟང་ལགས་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན། ཕྱི་ཟླ་ ༣ པའི་ཚེས་ ༡ ཉིན་རྫ་ཆུ་ཁ་དབོན་པོ་དགོན་དུ་སྨོན་ལམ་ཆེན་མོའི་ཉིན་ཐ་མ་བྱམས་པ་གདན་འདྲེན་སྐབས། དཔོན་པོ་རྫ་ཉིན་སྲིབ་གཉིས་ཀྱི་མི་མང་སྟོང་ཕྲག་བཞི་ལྷག་འཛོམས་ཏེ། སྟག་གཟིག་དང་། སྲམ། ཝ་སོགས་ཀྱི་པགས་པ་མེར་བསྲེགས་ཤིང་། ཀི་བསྭོ་ལྷ་རྒྱལ་བཏང་། བོད་རང་བཙན་ཡིན། རྒྱལ་བ་རིན་པོ་ཆེ་སྐུ་ཚེ་ཁྲི་ལོ་བརྟན་པར་ཤོག་ཅེས་པའི་འབོད་སྒྲ་བསྒྲགས་ཡོད་འདུག སྐབས་དེར་རྫ་སྨད་ཆུའུ་ཡི་ཉེན་རྟོག་པ་བསླེབས་ཀྱང་འགོག་ཐུབ་མི་འདུག དེའི་རྗེས་ཧྲི་ཅུའི་རྫོང་གི་རྒྱ་དམག་སླེབས་ཉེའི་མཚམས་སུ། དགོན་པའི་བླ་མ་རྣམས་ཀྱིས་མི་མང་ལ་མཚམས་འཇོག་རོགས་གསུངས་ནས་གནས་སྐབས་མཚམས་བཞག་སྟེ། རང་རང་སོ་སོའི་སར་ལོག་ཡོད་འདུག དེ་རྗེས་རྫོང་གི་རྒྱ་དམག་འབོར་ཆེན་བསླེབས་འདུག་མོད་གནས་སྐབས་མི་སུ་ཡང་འཇུ་བཟུང་བྱེད་ཐུབ་མེད་པའི་གནས་ཚུལ་བོད་ནས་ཁ་པར་བརྒྱུད་འབྱོར་ཡོད་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
སྙིང་རྗེ་ས་གཞེས་ལུས་བོད་མི་ཚོ་མ་རེད་བསམ།
ཁོ་བ་ཚོ་མི་རིགས་དང་རྒྱལ་ཁབ་འདིའི་ཆེད་དུ་ཅི་ཞིག་བསྒྲིབ་ཕོད་པ་དང་མཐའ་ན་རང་ཉིད་ཀྱི་ཚེ་སྲོག་ཚུན་ཆེད་རྒྱལ་ཁབ་འདིའི་ཆེད་གཏོང་ཐུབ་པའི་སྙིང་སྟོབས་དང་དེ་དག་ཐམས་ཆད་རང་ཉིད་ཀྱི་འགན་ཁྲི་ཡིན་པ་ངོས་ཟིན་པའི་དབའ་རྒོད་ཡིན་པས་སྙིས་རྗེ་དགོས་དོན་མི་འདུག་བསམ
སྙིང་རྗེ་དགོས་ས་རང་དབང་ན་འཚོ་བ་དག་རེད་
རང་ཉིད་ཁོ་ནར་མ་གཏོགས་རྒྱལ་ཁབ་འདིའི་ཆེད་དུ་ཇི་ཡང་བྱེད་མི་ཐུབ་ལ་མཐའ་ན་རང་ཉིད་བོད་མི་ཞིག་ཡིན་པས་ཆ་ནས་འགན་རེ་ཡོད་པ་ཡང་རང་ཉིད་ཀྱི་ཕྲག་སྟེང་དུ་ལེན་མི་ཐུབ་ལ་རང་ཉིད་ཀྱི་འགན་ཁྲི་ཡིན་པ་ཁ་ནས་བཤད་རྒྱུ་ལས་དོན་ལ་སེམས་མི་ཐུབ་པས་ངོ་མ་སྙིང་རྗེ་ནི་ཞིག་མ་རེད་དམ
གཞིས་ལུས་བོད་མི་རྣམས་ཀྱི་ལྷག་བསམ་དང་སྙིང་སྟོབས་ལ་སྔགས་བརྗོད་དང་རྗེས་སུ་ཡིད་རངས་ཡོད།
ང་ཚོ་ཡུལ་གྱར་བ་ཚཽས་ཀྱང་ཁོང་ཚོ་ལ་མིག་དཔེ་བལྟ་འོས་པ་ཞིག་ཡིན་པས། ང་ཚོ་ཡང་ཡར་ལོངས་བྱེད་དགོས།
རང་ཡུལ་མེད་པའི་ཡུལ་གྱར་བ་ཚོ།
ལོངས་ཡ་་་་་་་་་་་་་་་་་་་་་་་་་་་་་་་་་་
གཞིས་ལུས་བོད་མི་ནམ་དགྲ་འོག་ནས་ལངས་བྱེད་དུས་
བཙན་བྱོལ་བས་ལྟད་མོ་ཡག་པོ་མཐོང་གི་འདུག་ག
ད་ལོ་ཡང་ལྟད་མོ་འཁྲབ་ཐག་ཆོད་བྱུང་།
སྙིང་རྗེ། ད་ལོ་ཡང་གཞིས་ལུས་བོད་མི་ཚོས་དམྱལ་བ་མཐོང་རྒྱུ་རེད།