ཆང་རག་དང་ཐ་མག་སྤོང་རོགས།

ངྷ་སར་གནས་སྡོད་པདྨ་བཀྲ་ཤིས་ཀྱིས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། ཕྱི་ཚེས་ ༣ ཉིན་བོད་ནས་ཁུངས་ལྡན་གནས་ཚུལ་བཤད་དོན། མདོ་སྨད་ཀན་ལྷོ་བོད་རིགས་རང་སྐྱོང་ཁུལ་གཙོས་གྲོང་ཁྱེར་མཛོད་དགེ་སྟོད་སྨད་དང་རྔོག་རྒྱལ་མོ་དགོན།  ཀླུ་ཤོད་སོགས་སུ་སྔོན་ཆད་ཐ་མག་འཐེན་པ་དང་ཆང་རག་འཐུང་བཞིན་པའི་སྐྱེ་པ་རྒན་གཞོན་ཚང་མས་ཁྲོད་ཕྱིན་ཆད་ཐ་མག་དང་ཆང་རག་གཅོད་པའི་ལས་འགུལ་ཆེན་པོ་ཞིག་སླེལ་བཞིན་པ་དང་།  འབྲེལ་ཡོད་གནས་ཚུལ་མཁོ་སྤྲོད་པས་བཤད་དོན།  ང་ཚོས་༧གོང་ས་མཆོག་གི་བཀའ་སློབ་ནང་ནས་ཆང་རག་དང་ཐ་མག་འཐེན་ན་གཟུགས་པོ་ལ་གནོད་པ་མ་ཟད་ཐ་ན་ཉེ་འཁོར་གྱི་མང་ཚོགས་ལ་གནོད་པའི་བཀའ་སློབ་སོགས་ཐོས་རྗེས་གཞི་ནས་གྲོགས་པོ་དང་ཉེ་རིང་བརྒྱུད་དེ་ལས་འགུལ་འདི་འགོ་བརྩམས་པ་ཡིན།  ལོ་འདིའི་བོད་ཟླ་ ༢ ཚེས་༡༡ ཉིན་ནས་བཟུང་ད་དུང་ས་གནས་གང་མང་དུ་ཆང་རག་དང་ཐ་མག་གཅོད་པའི་ལས་འགུལ་འདི་ཤུགས་ཆེ་རུ་གཏོང་ཐུབ་པའི་རེ་བ་བྱེད་བཞིན་ཡོད་འདུག  ད་དུང་དེ་ཙམ་མ་ཟད།  ལོ་རྗེས་མའི་ལོ་གསར་བར་དུ་ས་གནས་གང་ས་ནས་གཡུ་བྱུར་དང་གསེར་གྱི་རྒྱན་ཆ་སོགས་ཆུང་དུ་བཏང་ནས་ཉུང་ཙམ་དང་ཆུང་ཆུང་རེ་མ་གཏོགས་མི་འདོགས་པའི་དམ་བཅའ་བྱེད་དགོས་ཚུལ་སོགས་གཅིག་གིས་གཅིག་ལ་ནན་གྱིས་འབོད་སྐུལ་བྱེད་བཞིན་ཡོད་འདུག་ཟེར།