བཀའ་ཟུར་རྗེ་བཙུན་པདྨ་མཆོག་ལ་ཐའེ་ལན་ཌིའི་གཞུང་ཚབ་ཀྱིས་ཐོངས་ཆེན་སྤྲད་ཡོད་མི་འདུག
ཕྱི་ཚེས་ ༣ ཉིན་ཧྥ་རན་སིའི་གསར་ཁང་གིས་གནས་ཚུལ་སྤེལ་བ་ལྟར་ན། གོང་ཚེས་ཉིན་ཐའེ་ལན་ཌིའི་ཕྱི་སྲིད་ལས་ཁུངས་ཀྱིས་གསལ་བསྒྲགས་ཤིག་སྤེལ་བའི་ནང་། རྒྱ་ནག་ལ་ཕོག་ཐུག་མི་གཏོང་ཆེད་༧ཏཱ་ལའི་བླ་མའི་གཅུང་མོར་ཐོངས་ཆེན་སྤྲད་མེད་ཚུལ་བརྗོད་ཡོད་འདུག བཀའ་ཟུར་རྗེ་བཙུན་པདྨ་མཆོག་ཐའེ་ལན་ཌིའི་རྒྱལ་ས་བྷན་ཀོག་ཏུ་འཚོགས་རྒྱུའི་ཉིན་གསུམ་གྱི་རིག་གཞུང་ལས་འགུལ་དེའི་མཛད་སྒོར་ཞུགས་འཆར་ཡོད་ཀྱང་ལྡི་ལིའི་ཐའེ་ལན་ཌིའི་གཞུང་ཚབ་ཀྱིས་རྒྱ་ནག་གི་གནོན་ཤུགས་འོག་ཁོང་ལ་ཐོངས་ཆེན་སྤྲད་ཡོད་མི་འདུག ཐའེ་ལན་ཌིའི་ཕྱི་སྲིད་དྲུང་ཆེ་མཆོག་གིས་ཐའེ་ལན་ཌིའི་སྲིད་གཞུང་གིས་ཐེངས་འདིའི་རིག་གཞུང་བྱ་འགུལ་ལ་རྒྱབ་སྐྱོར་བྱེད་ཀྱིན་ཡོད་ཀྱང་། ང་ཚོའི་སྲིད་གཞུང་ལ་རྗེ་བཙུན་པདྨ་དང་མོའི་སྐུ་ཟླ་གཉིས་ལ་ཐོངས་ཆེན་མི་སྤྲོད་རྒྱུའི་དབང་ཆ་ཡོད། གང་ཡིན་ཟེར་ན། ཐའེ་ལན་ཌིས་རྒྱལ་སྤྱིའི་ཆབ་སྲིད་ཀྱི་རྙོག་དྲར་ཐེ་བྱུས་བྱེད་འདོད་མེད་ཚུལ་བརྗོད་ཡོད་འདུག ཐའེ་ལན་ཌི་ནི་རྒྱ་ནག་ལ་གལ་ཆེན་ཞིག་ཆགས་ཡོད་ལ། ཡུལ་དེར་རྒྱ་རིགས་འབོར་ཆེན་གནས་སྡོད་བྱེད་ཀྱིན་ཡོད་པ་མ་ཟད། དེ་བཞིན་རྒྱ་མི་ཚོང་པ་ཚོས་ཀྱང་ཡུལ་དེར་རྒྱུན་གནས་ཀྱི་མ་རྩ་འཇོག་བཞིན་ཡོད་འདུག
དྲ་གྲོགས་ཚོ་དོགས་སེལ་གནང་བ་ལ་ཐུགས་རྗེ་ཆེ་། VISA ལ་ཆོག་མཆན་ཞེས་བོད་ནང་ལ་ནམ་རྒྱུན་འབྲི་བཞིན་ཡོད། དེའི་དོན་ཡང་རྒྱལ་ཁབ་དེའི་མི་དེ་ངའི་རྒྱལ་ནང་དུ་འོངས་ཆོག་ཞེས་པའི་མཆན་བཏབ་པས་ན་ཆོག་མཆན་ཞེས་ཟེར་གྱིན་ཡོད་པ་འདྲ།
visa ལ་ རྒྱལ་མཚམས་ཆོག་མཆན། ཞེས་འདོགས་དགོས་སྙམ།
རྒྱལ་ཁབ་གཞན་ལ་འགྲིམ་འགྲུལ་བྱེད་ཆོག་པའི་ལག་ཁྱེར་ལ་VISA ཞེས་པ་ འདི་སྤྱིར་བཏང་བོད་ཕྱི་ནང་གཉིས་ཀར་འབྲི་ཚུལ་སྣ་ཚོགས་འདུག་ཀྱང་དེང་སྐབས་ཕལ་ཆེར་གྱིས་(ཐོང་མཆན་)ཞེས་འབྲི་བཞིན་ཡོད་ལ་དེའི་རྒྱུ་མཚན་ནི་ལག་ཁྱེར་གྱི་སྟེང་དུ་མི་དེ་ཐོང་ཞིག་ཅེས་མཆན་བཀོད་པས་ན་ཐོང་མཆན་ཞེས་ཟེར་རོ༎
དྲ་གྲོགས་དགུ་ཚིགས་སྐྱ་མོ་ལགས། ཐོངས་ཆེན་ཞེས་པ་དབྱིན་སྐད་དུ་visaཞེས་པ་དེའི་དོན་རེད། ཡིན་ཡང་། གཞན་དུ་འདི་ལ་ཐོངས་མཆན་ཞེས་བྲིས་པ་མང་དུ་མཐོང་མོད། དེ་གཉིས་ཀྱི་གང་དག་མིན་གསལ་བོ་མི་ཤེས་ལ། ཐོངས་མཆན་ཞེས་པར་གོ་བ་ཅི་ཞིག་ལེན་དགོས་པའང་ཤེས་ཀྱིན་མི་འདུག
ཐོངས་ཆེན་ཞེས་པ་དེ་ཅི་ཞིག་རེད། དེ་བོད་རེད་དམ་ཡང་ན་སྐད་རིགས་གཞན་པ་ཞིག་རེད།
འཇམ་གླིང་གི་རྒྱལ་ཁབ་གཞན་དང་གཞན་ལ་འགྲོ་དགོས་ན་ཆོག་མཆན་ཡི་གེ་ཞིག་ལེན་དགོས་མོད་ཐོངས་ཆེན་ཟེར་བ་ཞིག་གོ་མ་མྱོང་ལགས།