་་་་་་་་་དངོས་སྒྲུང་འདི་བདག་ལ་རྒྱུས་མངའ་ཡོད་མཁན་གྱི་གྲྭ་བ་ཞིག་གི་ལོ་རྒྱུས་ཡིན།
བློ་བཟང་གིས་ལྡི་ལུ་ནས་ལས་དོན་ཙག་ཙག་ཞིག་ཡོད་པ་དེ་དག་སྒྲུབ་རྗེས་སུ་རྡ་སར་འབྱོར་བ་དང་། རང་གི་གྲོགས་པོ་རྙིང་བ་དེ་ཡི་ཤག་དུ་སོང་ནས་ཅ་དངོས་དག་བཞག་ནས་ཕྱི་རོལ་དུ་སོང་ནས། སྔོན་ཆད་རང་ཉིད་ཀྱི་ལས་ཀ་བྱེད་སའི་རྒྱ་གར་ནུབ་ཀྱི་ཤར་ཕྱོགས་ཀྱི་ཁྱིམ་ཚང་དེ་ལ་ཁ་པར་ཞིག་བརྒྱབ་ནས་རང་ཉིད་ཕྱིར་བོད་ནས་རྡ་སར་བདེ་བར་འབྱོར་ཡོད་པ་དང་། གལ་སྲིད། དེ་རུ་ཁོ་རང་གི་རོགས་པ་འདྲ་བྱེད་དགོས་པ་བྱུང་ན་ཁོ་རང་གི་གྲོགས་པོའི་ཁ་པར་ཨང་གྲངས་སྟེང་དུ་ཁོ་རང་ལ་ལན་སྐུར་ན་འགྲིག་གི་ཡོད་ཅེས་བཤད་རྗེས་སུ། སླར་ཡང་བོད་དུ་རང་གི་ནང་མི་ལ་ཁ་པར་བཏང་དུས་སུ། ཁ་པར་ལེན་མཁན་ནི་རང་གི་ནུ་བོ་ཀླུ་འབུལ་རྒྱལ་ཡིན་པ་དང་། ཁོ་རང་གིས་ནང་མི་ཚང་མ་བདེ་མོ་ཡིན་པ་དང་། ཉིན་གཅིག་གི་སྔོན་ཏག་ཏག་ལ་ཁོ་རང་ལ་རྫོང་ཐོག་ནས་བན་སྡེ་འཚོ་དང་ཐུག་འཕྲད་བྱུང་བ་མ་ཟད། བན་སྡེ་འཚོས་ཁོ་རང་གི་སྐོར་དྲིས་པ་དེར། ཁོ་རང་གིས་རང་གི་ཕུ་བོ་ཕྱིར་རྒྱ་གར་དུ་ཕྱིན་ཚར་བ་མ་ཟད། བདེ་བར་འབྱོར་ཡོད་པ་རེད་ཅེས་ཁོ་མོར་བཤད་པ་ཡིན་ཟེར་ནས་བློ་བཟང་ལ་བཤད་པ་རེད།
བློ་བཟང་ཁ་པར་ཁང་དེ་ནས་ཕྱི་རུ་བུད་དེ་ཡང་ཡང་རྣ་ལམ་དུ་འབྱོར་བ་ནི། བན་སྡེ་འཚོས་ཁྱེད་རང་འཚོལ་གྱི་འདུག ང་རང་ཁ་སང་རྫོང་ཐོག་ནས་ཐུག་སོང་ཞེས་པ་དེ་དང་བན་སྡེ་འཚོས། ང་ལ་བྱིས་པ་ཆགས་འདུག་ཟེར་བ་དེ་གཉིས་ཡིན་ན་ཡང་། ཁ་རོག་གེར་རང་གི་གྲོགས་པོ་བསྡོད་སའི་ནང་དུ་ཕྱིར་ལོག་པ་རེད།
ཕྱིར་ཉིན་བློ་བཟང་ཁོ་རང་རང་གི་གྲོགས་པོ་རྙིང་བ་ཁོ་དང་འགྲོག་ནས། རྡ་ས་སྣེ་ལེན་ཁང་དུ་བུད་མེད་མཚམས་སྐྱིད་ལ་ལྟ་རུ་སོང་དུས་སུ། སྣེ་ལེན་ཁང་གི་ནང་དུ་ཉིན་གུང་གི་ཁ་ལག་ཟ་བཞིན་པའི་དུས་ཚོད་ཏག་ཏག་དང་འཁེལ་སྟབས། ཁོ་གཉིས་ག་ལེར་བུད་མེད་ཚོའི་ཉལ་ཁང་ནང་དུ་སོང་དུས། བུད་མེད་མཚམས་སྐྱིད་ཀྱིས་འབྲས་དང་རྡ་ལི་ཞིག་ལྕགས་ཕོར་ཞིག་གི་ནང་ནས་དཀྲུགས་དཀྲུགས་གཏོང་བཞིན་པའི་སྐབས་དང་འཁེལ་ནས། བློ་བཟང་གིས། ཁོ་མོ་མཐོང་མ་ཐག མཚམས་སྐྱིད་ཁྱེད་རང་བདེ་མོ་ཡིན་ནམ་ཞེས་བཤད་པ་རེད།
བུད་མེད་མཚམས་སྐྱིད་ཀྱིས་བློ་བཟང་དང་ཁོ་རང་གི་གྲོགས་པོ་གཉིས་ཁོ་མོའི་སར་སླེབས་པ་མཐོང་ནས་གདོང་ཡོངས་ལ་འཛུམ་མདངས་དང་བཅས་དེ། ཁྱེད་རང་ཡོང་བ་དངོས་ནས་དགའ་བོ་བྱུང་། ཁ་ལག་ཟ་རྒྱུ། ཟ་ན་ང་རང་གི་འདི་ཟོས་ན་འགྲིག་གི་རེད་ཅེས་ལྕགས་ཕོར་དེ་ཁོ་གཉིས་ཀྱི་ཕྱོགས་སུ་ལག་པ་གཉིས་ཀྱིས་ཡར་བཏེགས་པ་རེད།
བློ་བཟང་གིས། མིན་མིན། ངེད་གཉིས་འདི་ཁུལ་ནས་འགྲོ་ཞོར་དུ་ཁྱེད་རང་ལ་ལྟ་རུ་ཡོང་བ་ཡིན། ཁྱེད་རང་གི་ཕུ་བོ་ཟླ་བ་གང་དུ་བུད་སོང་། ཁྱེད་རང་གི་མཉམ་དུ་མེད་དམ་ཞེས་དྲིས་དུས། བུད་མེད་མཚམས་སྐྱིད་ཀྱི་གློ་བར་དུ་གདོང་གི་འཛུམ་མདངས་བསྡུས་དེ། ཁོ་གཉིས་ལ་ཁ་ཕྱོགས་ནས། ངེད་གཉིས་འདིར་འབྱོར་བའི་ཕྱིར་ཉིན་དེ་ནས་བཟུང་དེ། ང་རང་གི་ཕུ་བོ་འདི་ཁུལ་དུ་གྲོགས་པོ་མང་བོ་ཞིག་འདུག་པ་དེ་དག་དང་ལྷན་དུ་སོང་ནས་འདི་རུ་ཕྱིར་ཡོང་གི་མི་འདུག མི་རིང་བར་ཁོ་རང་ཕྱིར་འགྲོ་ཡི་ཡིན་ཟེར་གྱི་འདུག་ལ། དུས་ཚོད་མང་བོ་མེད་སྟབས་འདི་ཁུལ་གྱི་གྲོགས་པོ་དག་ལ་ཐུགས་འཕྲད་བྱེད་རྒྱུར་བྲེལ་འདུག་ཞེས་བཤད་པ་རེད།
བློ་བཟང་གིས། གལ་སྲིད། ཁྱེད་རང་ལ་འདི་ཁུལ་ན་ངོ་ཤེས་དང་འགྲོ་ས་དེ་འདྲ་མེད་ན། ངེད་གཉིས་ཡོད་སར་ཡོང་ན། སློབ་གྲྭ་འགྲོ་རོགས་བར་དུ་ཟ་མ་ཟ་ས་རེ་ཉན་ནི་རེད། ཁྱེད་རང་འགྲོ་འདོད་ཡོད་ན་ང་རང་སང་ཉིན་ཁྱེད་རང་བསུ་རུ་ཡོང་ཞེས་བཤད་པ་རེད།
མཚམས་སྐྱིད་ཀྱིས་སྐད་ཆ་དེ་གོ་བ་དང་། གདོང་ལ་སླར་ཡང་འཛུམ་མདངས་ཤིག་དང་བཅས། ཡིན་དང་ཡིན། ང་རང་དངོས་ནས་ངོ་ཤེས་མེད་པ་དང་། ངོ་ཤེས་ཤིག་ཡོད་པ་དེ་ནི་ཁྱེད་རང་ཡིན། དེ་ཡིན་དུས་ང་རང་ཁྱེད་གཉིས་ཀྱི་སར་ཡོང་འདོད་འདུག སང་ཉིན་ཁྱེད་རང་ལ་ཁོམ་པ་ཡོད་ན་འདི་རུ་ཤོག་དང་། ངས་སྒུག་ནས་འདུག
མུ་འགོད།
ཁྱེད་གཉིས་ཕེབས་པ་དགའ་ཡོད། རྗེས་ཕྱོགས་ཀྱང་ཕེབས་རྐྱང་བྱོས།
ད་རྡ་ས་སླེབས་ཚར་དུས་་་་་་་་་སང་ཉིན་མཚམས་སྐྱིད་ནང་དུ་ཁྲིད་ཡོང་ནས་ཁོང་གཉིས་ཀྱིས་བཙན་རྒྱག་བྱ་མི་ཡོང་ངམ།
བློ་བཟང་མཇེ་ལངས་ཁྱེད་འདྲ་མི་འདྲ་བྱོས་ཨ།་་་་་་་་་་ངས་ལྟས་བསྡད་ཡོད
སྐུ་ཞབས་ལགས། བོད་ཡིག་ཞུ་དག་བྱེད་པའི་སྐོར་ནས་ཁྱེད་ལ་ལན་སྐུར་ཡོད། འཕྲོད་སོང་ངམ།