ཚེས་ ༦ ཉིན་གྱི་པེ་ཅིན་གྱི་དུས་ཚོད་ ༡༡ དང་སྐར་མ་ ༥༠ ཐོག་བོད་ལྗོངས་ལྷོ་ཁ་ས་ཁུལ་དུ་འགྲིམ་འགྲུལ་དོན་རྐྱེན་ཞིག་བྱུང་སྟེ། བོད་རིགས་མཇལ་སྐོར་བ་མི་ ༢༦ ཙམ་རྐྱེན་འདས་སུ་སོང་ཡོད་པ་དང་། གཞན་མི་ ༩ ལ་རྨས་སྐྱོན་ཚབས་ཆེན་ཕོག་ཡོད་འདུག བོད་མི་མཇལ་སྐོར་བ་དེ་དག་ཚོང་ཟོག་སྐྱེལ་འདྲེན་རླངས་འཁོར་ཞིག་ལ་བསྡད་དེ། བསམ་ཡས་ནས་སྟེང་ཆེན་དགོན་པར་གནས་མཇལ་དུ་འགྲོ་བའི་ལམ་ཁར་ཁ་ལོ་པས་ཚོད་འཛིན་མ་ཐུབ་པར་ས་སྒང་ཞིག་ལ་གདོང་ཐུག་བརྒྱབས་ཏེ་དོན་རྐྱེན་དེ་བྱུང་ཡོད་ཅིང་། རྨས་མ་དག་ད་ལྟ་ལྷོ་ཁའི་སྨན་ཁང་ཞིག་ཏུ་སྨན་བཅོས་བྱེད་བཞིན་ཡོད་འདུག ཚོང་ཟོག་སྐྱེལ་འདྲེན་རླངས་འཁོར་དེའི་ནང་བསྡོམས་པའི་མི་ ༣༥ ཙམ་ཡོད་འདུག གོང་གི་གནས་ཚུལ་དེའི་སྐོར་ཁ་སང་ཕྱི་ཚེས་ ༧ ཉིན་ཞིན་ཧྭ་རྒྱ་ཡིག་དྲ་ངོས་སུ་བཀོད་པ་ལྟར་ན། དོན་རྐྱེན་དེ་བྱུང་མ་ཐག་པེ་ཅིན་གྱི་རྒྱལ་ཡོངས་མི་མང་འཐུས་མིའི་ཚོགས་ཆེན་སྟེང་ཞུགས་ཡོད་པའི་བོད་རང་སྐྱོང་ལྗོངས་དམར་ཤོག་ཚོགས་པའི་དྲུང་ཆེ་ཀྲེང་ཅིན་ལི་དང་པདྨ་འཕྲིན་ལས་སོགས་ཀྱིས་རྨས་མ་རྣམས་མྱུར་སྐྱོབ་དགོས་བའི་བཀོད་ཁྱབ་བཏང་ཡོད་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
དུས་མིན་གྱི་འཆི་རྐྱེན་ལས་འདས་པའི་འགྲོ་བ་རྣམས་འཕགས་མཆོག་ཕྱག་ན་པདྨོའི་རྗེས་སུ་བཟུང་སྟེ། སྐུ་བཞིའི་ཡེ་ཤེས་མངོན་དུ་འགྱུར་བར་བྱིན་གྱིས་བརླབ་ཏུ་གསོལ།།
ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ།
ད་ནངས་ཕ་ཡུལ་ཚང་ན་བཀོད་འདུག་པ་དེ་དང་གཅིག་པ་ཡིན་ས་རེད། འདས་སོང་བ་དེ་ཚོའི་ཆེད་དུ་ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། རྨས་མ་རྣམས་མྱུར་དུ་དྲག་སྐྱེད་ཡོང་ནས་སྨོན་ལམ།