མཚན་མོ་རིང་ན་རྨི་ལམ་མང་ཟེར་སྲོལ་ཡོད་པ་ལྟར། ཁོ་གཉིས་དེ་ལྟར་མ་གཉིད་པར་ཡུན་རིང་བསྡད་པའི་རྗེས་སུ། བློ་བཟང་གིས་ཁྱེད་རང་ཁྲེལ་མེད་བྱེད་རྒྱུ་རེད་བསམ་ནས་སྐྲག་གི་འདུག་གམ།
མཚམས་སྐྱིད་ཀྱིས། དེ་འདྲ་མིན། ཁྱེད་རང་དངོས་ནས་ང་ལ་བཀའ་དྲིན་ཆེན་པོ་ཡིན། ལམ་བར་དུ་ཁྱེད་རང་མིན་ན་ང་རང་དངོས་ནས་ཤི་ཚར་ཡོད། གལ་སྲིད་འུ་གཉིས་ལྷན་དུ་འདུག་མ་ཐུབ་རང་། ངས་ཁྱེད་རང་ལ་དྲིན་ལན་ཞིག་མཇལ་དགོས་ཀྱི་ཡོད་པ་དེ་ནི་ང་རང་གི་སེམས་ནང་དུ་བརྗེད་མེད།
བློ་བཟང་གིས། དེ་འདྲ་ཟེར་དགོས་པ་མ་རེད། དེ་ནི་ང་རང་གི་བྱེད་འོས་པ་ཞིག་རེད། གང་ལྟར། དོ་ནུབ་འུ་གཉིས་ཀྱིས་ལུས་འབྲེལ་བཞག་པ་ཡིན་ན། དེ་ལ་སྐྱོན་གང་མི་འདུག་སྙམ།
ང་ལ་བྱིས་པ་ཆགས་སོང་ན།
ཁྱེད་རང་བུ་དང་འབྲེལ་བ་མེད་པ་ཞིག་གིས་དེ་ཇི་ལྟར་ཤེས་སོང་།
ང་རང་གི་ཨ་ཅེ་སྲི་མོས་ང་རང་ལ་བཤད་མྱོང་ཡོད།
བློ་བཟང་གིས། བྱིས་པ་ཆགས་སོང་བ་ཡིན་ན་སྐྱོན་ཡོད་པ་མ་རེད། ཟླ་བ་ཁ་ཤས་རིང་དུ་ཤེས་ཀྱི་མེད་པ་རེད། དེ་ཡི་རྗེས་སུ་ཤེས་ཀྱང་། ཁྱེད་རང་སློབ་གྲྭ་ནས་ཕྱི་རུ་བུད་དེ་ངེད་གཉིས་ཀྱི་ལྷན་དུ་འཚོ་བ་སྟབས་བདེ་ཞིག་རོལ་ནི་འགྲིག་གི་རེད། འུ་གཉིས་ཀ་ལོ་ནི་ཆུང་ཆུང་རེད། དཀའ་ལས་བརྒྱབ་པ་ཡིན་ན་འབྲས་པུ་ཞིག་ཡོད་ངེས་རེད།
རྡ་ས་མེག་ལོར་གྱི་སྲང་བར་ནས་སྐབས་དེ་འདྲ་ཞིག་ཁྱི་སྐད་རེ་ཟུང་ལས་མི་སྐད་འཇག་ནས་ཡོད་པ་དང་། ཁོ་གཉིས་ལ་ད་ནི་ཁྱེད་གཉིས་ཀྱི་ལྷིང་འཇག་དཀྲོགས་མཁན་སུ་ཡང་མི་འདུག་ཟེར་བ་དང་འདྲ་བའི་སྐབས་ཏག་ཏག་ལ། བློ་བཟང་གིས་ག་ལེར་མཚམས་སྐྱིད་ཀྱི་དོར་མ་འཕུད་པ་རེད།
བློ་བཟང་ལ་དམིགས་བསལ་གྱིས་ཚོར་བ་གང་ཡང་སྤྲད་མེད་པ་དང་། མཚམས་སྐྱིད་ལ་ཡང་གྲགས་འགུལ་གང་མེད་པར་ཁ་རོག་གེར་ཁོ་གཉིས་ཀྱི་ལུས་འབྲེལ་མཇུག་བསྡུས་དེ་སྐར་མ་ཁ་ཤས་ཀྱི་རྗེས་སུ། མཚམས་སྐྱིད་ཁ་རོག་གེར་ངུ་བཞིན་ཡོད་པ་དེ་བློ་བཟང་གིས་ཐོས་ནས། ཁྱེད་རང་ཅིའི་ཕྱིར་ངུ་བཞིན་ཡོད།
ཁྱེད་རང་གི་དོ་ནུབ་ང་རང་ལ་ལག་པ་མི་འཆིང་བ་ཟེར་ནས་ང་འདིར་ཡོང་བ་རེད།
འོན་ཀྱང་། འུ་གཉིས་མོས་མཐུན་བྱུང་བ་ཡིན་མོད། ད་མ་ངུ་།
་་་་་་་་་་་་་་
ཁོ་གཉིས་ཀྱིས་ཤ་དང་མཆིན་པ་བརླན་ནས་མཚན་མོ་དེ་བསྐྱལ་བ་དང་། ཞོགས་པ་བློ་བཟང་དང་སྔ་བོ་ནས་བླངས་དེ་ཞོགས་ཇ་ཞིག་བསྐོལ་ནས་མཚམས་སྐྱིད་ལ་བོས་དེ་ཡར་བླངས་ཞོགས་ཇ་བཟོས་ཡོད། དེ་ནས་ཁྱེད་རང་སྣེ་ལེན་ཁང་དུ་སོང་ནས་ཁྱེད་རང་སློབ་གྲྭར་དེ་རིང་གཏོང་གི་འདུག་གམ་སྐད་ཆ་ཞིག་དྲིས་ན།
མཚམས་སྐྱིད་ཀྱིས། ཉལ་ཐུལ་གྱི་གསུབ་ཀ་མགོ་བོ་འཕུད་ཀྱིན། ང་མི་འགྲོ ད་ནི་ཁྱེད་རང་གི་ངའི་ལུས་པོ་བཙོག་པ་བཟོས་ཚར་བའི་ང་རང་སློབ་གྲྭ་འགྲོ་སྲོལ་མེད་པ་རེད། ང་འདི་ནས་འདུག་གི་ཡིན།
བློ་བཟང་གིས། ངས་ཁྱེད་རང་ལ་འདང་དགོང་འགྲེལ་བཤད་བྱས་ཟིན་པ་ཡིན། དེ་ལ་ཁྱེད་རང་གི་སེམས་ཁྲལ་བྱེད་མི་དགོས་པ་རེད། ད་ཡར་ལོངས། ཞོགས་ཇ་འཐུང་ནས་སྣེ་ལེན་ཁང་དུ་སོང་། གལ་སྲིད། དེ་རིང་ཁྱེད་རང་སློབ་གྲྭར་བཏང་སོང་བ་ཡིན་ན། གཟའ་ཉི་མ་ནམ་ཡིན་ལ། ཕྱིར་ཡོང་ན་འགྲིག་གི་རེད།
ཕྱི་དྲོ་དངོས་ནས་མཚམས་སྐྱིད་སློབ་གྲྭར་བཏང་བ་རེད། བློ་བཟང་གིས་རང་གི་གྲོགས་པོ་རྙིང་བ་དེ་ལ་ཁོ་གཉིས་ཀྱི་བར་དུ་བྱུང་བའི་གནས་ཚུལ་དེ་ཞིབ་དུ་བཤད་དུས་སུ། ཁོ་རང་གིས་འུ་གཉིས་ཀྱི་བར་དུ་གྲོས་ཁ་བྱེད་རྒྱུ་མེད་པ་ནི་ཁྱེད་རང་གི་ཤེས་གསལ་རེད། ཁྱེད་རང་གི་འདོད་པ་རེད། གང་ལྟར། བོད་ནས་གསར་དུ་སླེབས་པ་ཞིག་དང་ལྷན་དུ་གཉེན་སྒྲིག་པ་ཡིན་ན་ང་རང་གིས་དགའ་བསུ་ཡོད་ཅེས་བཤད་པ་རེད།
རྡ་སའི་སྲང་བར་དུ་བློ་ཡུལ་ལས་འདས་པ་ཞིག་ལ། བློ་བཟང་གི་སྡོམ་པ་ཤོར་སའི་བུད་མེད་ནོར་བུ་བཟང་མོ་། ད་དུང་། ཕྱི་རྒྱལ་དུ་སོང་མེད་པ་དང་ཕྱི་རྒྱལ་བ་རྒན་པོ་དེ་དང་ཁོ་གཉིས་ལ་སྲང་བར་ནས་གདོང་ཐུག་བརྒྱབ་དུས་སུ། ནོར་བུ་བཟང་མོའི་གྲོད་ཁོག་ཡང་ཆེན་པོ་ཞིག་ཆགས་ཡོད་པ་རེད།
བློ་བཟང་གིས། ཁྱེད་གཉིས་བདེ་མོ་ཡིན་ནམ། ངས་ཁྱེད་རང་སྔ་ས་ནས་འགྲོ་ཚར་ཡོད་རྒྱུ་རེད་བསམ་ནས་བསྡད་ཡོད། དོན་དག་ཅི་ཞིག་བྱུང་བ་རེད།
ནོར་བུ་བཟང་མོས། ཁྱེད་རང་ནམ་ཕྱིར་ཐོན་པ་ཡིན། ད་ས་ཆ་གཞན་དུ་འགྲོ་རྩིས་མེད་དམ། ངེད་གཉིས་ཀྱིས་ཡིག་ཆ་ཁ་ཤས་ཤིག་སྟབས་མ་འགྲིག་པར་ལུས་པ་རེད། ད་མི་རིང་བར་དངོས་ནས་འགྲོ་ངེས་ཡིན།
ང་རང་ཐོན་ནས་ཉིན་མ་ཁ་ཤས་ཤིག་འགྲོ་བཞིན་འདུག
སྔོན་མའི་བསྡོད་ས་དེར་ཡོད་དམ།
ཡོད།
ཡ་་་ དེས་ན་ང་སང་ཉིན་ཡོང་ཁོ་ཐག་ཡིན།
མུ་འགོད།
ཆུ་ཐིགས་སྔོན་མོ་དང་འབུར་ཐོ་གཉིས་ཕེབས་པ་དགའ་ཡོད། བསམ་ཚུལ་གསུངས་པ་དེར་ཐུགས་རྗེ་ཆེ་ལགས། ཡིན་ཡང་། འབུར་ཐོ་ལགས། ཉིད་ནས་དབྱིན་ཡིག་བྲིས་པ་དེར་དགའ་བསུ་ཞུ་ཐུབ་མ་སོང་བ་དེར་དགོངས་དག་ཞུ། རྗེས་ཕྱོགས་བོད་ཡིག་འབྲི་རོགས་གནོངས།
tibetan parliament to begin its budget session from mon day the 8th.2nd special meeting by tibetan govt to be held in bylkop from auy 26-31. via way2sms.com
བརྩེ་བའི་དྲ་གྲོགས་ཤ་ཁྲག་ལགས་བདེ་བོ་ཡིན་ནམ་་་་་་ཉིད་ཀྱི་དངོས་སྒྲུང་དེ་འདི་ལྟར་བརྩོན་པ་ཆེན་པོས་བྲིས་པར་རྗེས་སུ་ཡི་རང་ཡོད་་་་་ང་ཚོའི་མིག་དཔེར་འོས་པ་ཞིག་རེད་་་་་
ཡིན་ནའང་དེང་སྐབས་དྲ་ཚིགས་འདིར་དྲ་འབུ་ཇེ་མང་ལ་སོང་སྟེ་འདི་ལྟར་ཁུ་སིམ་སིམ་གྱི་ཟིན་བྲིས་རེའང་འབྲི་རུ་མི་འཇིག་པས་དངོས་གནས་སྐྱོ་ནི་ཞིག་རེད་ཡ་་་་དྲ་བ་ཡག་ཤོས་ཚོ་མེད་པར་བཟོ་ཐབས་ཀྱིས་སྐད་ཆ་འདྲ་མིན་བཤད་པ་དང་དགོས་མེད་དུ་བསྙོན་བཙུགས་ནས་སུན་པོ་བཟོ་ཅི་ཐུབ་བྱེད་པའི་ཚུལ་དག་མཐོང་དུས་དངོས་གནས་དོན་ཞིག་མི་འདུག་ཡ་་་་དེར་བརྟེན་ཉོག་དྲ་འདི་ནས་གཡོལ་ན་ཡག་ས་རེད་བསམ་གྱིན་འདུག་་་་
སྤྱིའི་ཆ་ནས་བཤད་ན་ང་ལ་ཆུ་ཚོད་ཡོད་ལ་གློག་ཀླད་ཀྱི་མཐུན་རྐྱེན་ཀྱང་ཡོད་་་་དེར་བརྟེན་དྲ་ཚིགས་འདིར་ཡོང་རྒྱུར་དཀའ་ངལ་མེད་མོད་་་་ཉིན་བཞིན་དྲ་འབུ་ཚོར་འཛིང་རེས་བྱས་ནས་བསྡད་ན་ཕན་ཐོགས་ཅི་ཡད་མེད་པ་མ་ཟད་་་་རང་གཞན་གཉིས་ཀ་མ་སྐྱིད་པ་ཞིག་ལས་་་་བོད་ཡིག་ལ་ཞབས་འདེགས་དང་རང་ཉིད་ཡར་རྒྱས་ལ་འགྲོ་རྒྱུའི་རེ་བ་མེད་པ་དངོས་མཐོང་རེད་་ཡ་་་་ད་ཅི་ཞིག་བྱེད་དགོས་པའང་ཤེས་ཀྱི་མི་འདུག་་་་་འོ་་གྲོགས་པོ་ད་བདེ་མོ་བྱོས་་་་རྗེས་མར་གླེང་མོལ་བྱེད་ཆོག་་
སྤུན་ཟླ་ཁྱེད་གཉིས་ཕེབས་པ་དགའ་ཡོད། རྗེས་ཕྱོགས་ཀྱང་རང་རང་གི་བསམ་ཚུལ་ལྷུག་པོར་གསུང་རོགས་ཞུ། བལྟས་དེ་འདུག
དམིགས་གསལ་ཚོར་བ་ཅི་ཡང་སྤྲད་མེད་དུས་དུ་བུ་མོ་གཙང་མ་ཞིག་མིན་ཐག་ཆོད་རེད།བློ་བཟང་གིས་བན་སྡེ་འཚོ་བརྗེད་ཚར་བ་རེད་བྱིས་པ་ཞིག་ཆགས་ཡོད་
འདུག་ཟེར་བ་མ་ཡིན་ནམ། ནོར་བུ་བཟང་མོ་ཡང་བྱིས་པ་གཅིག་ད་འཚམས་སྐྱིད་ལ་བྱིས་པ་གཅིག་ཆགས་དུས་ཕྲུ་གུ་གསུམ་གྱི་ཨ་ཕ་འགྱུར་འདུག་ག།
གྲོགས་བཟང་ལགས་ བཀླགས་ཟིན། ཡག་མོ་སྐྲག་མོ་བྲིས་འདུག
མུ་མཐུད་མཉམ་དུ་ཡིན་ད་