གསུམ་བཅུའི་དུས་དྲན་ཉིན་འཛམ་གླིང་ཡུལ་གྲུ་ཁག་ཏུ་གནས་སྡོད་བོད་མི་ཚོས་རྒྱ་ནག་གཞུང་ཚབ་ཁང་དུ་ངོ་རྒོལ་སྐད་འབོད་བྱས་ཡོད་འདུག
ཕྱི་ཚེས་ ༩ ཉིན་ཏེ་གསུམ་བཅུའི་དུས་དྲན་ཐེངས་ ༥༡ པའི་སྔ་ཉིན་དེར་ལྡི་ལིར་རྒྱ་ནག་གཞུང་ཚབ་མདུན་དུ་བོད་མི་ ༣༢ ཀྱིས་བོད་རང་བཙན་དགོས་པའི་ངོ་རྒོལ་སྐད་འབོད་བྱས་ཡོད་འདུག སྐབས་དེར་རྒྱ་གར་གཞུང་གིས་ཉེན་རྟོག་པ་འབོར་ཆེན་འགྲེམས་འཇོག་གིས་ལྟ་རྟོག་ནན་མོ་བྱས་ཡོད་ཀྱང་། བོད་མི་ཚོས་རང་གི་ལུས་པོ་ཤིང་སྡོང་དང་གློག་སྡོང་སོགས་ལ་དམ་པོར་བཀྱིག་སྟེ་རྒྱ་གཞུང་ལ་ངོ་རྒོལ་བྱས་ཡོད་པས། དུས་ཚོད་ཐུང་ཐུང་ཞིག་གི་ནང་ཉེན་རྟོག་པས་ཁོང་ཚོ་བཙན་ཁྲིད་བྱེད་ཐུབ་ཡོད་མི་འདུག ཉིན་དེར་གཞོན་ནུའི་ཚོགས་གཙོ་ཚེ་དབང་རིག་འཛིན་ལགས་ཀྱིས། ང་ཚོས་སྲོག་ཐོག་ཏུ་གཏོང་འཆར་ཡོད་པ་དང་ཚེ་བཙོན་དུ་བཅུག་པ། ལོ་མང་རིང་བཙོན་འཇུག་བྱས་པའི་བོད་མི་རྣམས་གང་མགྱོགས་གློད་གྲོལ་ཡོང་བར་འབོད་སྐུལ་ཞུ་བཞིན་ཡོད་ཅེས་བརྗོད་ཡོད་འདུག དེ་བཞིན་ ༢༠༠༨ ལོའི་བོད་མིའི་ཞི་བའི་ངོ་རྒོལ་གྱི་སྙིང་སྟོབས་དེ་འབྱུང་འགྱུར་གྱི་མི་རབས་རྣམས་སུ་ནམ་ཡང་ཉམས་པ་མེད་པར་གནས་ཀྱི་རེད་ལ། ང་ཚོས་བོད་རང་བཙན་བསྐྱར་གསོའི་ཆེད་རྒྱ་གཞུང་ལ་ངོ་རྒོལ་འཐབ་རྩོད་བྱེད་ཀྱི་ཡོད་ཅེས་ཀྱང་བརྗོད་ཡོད་འདུག
གསུམ་བཅུའི་དུས་དྲན་ཉིན་དེར་ངྷ་རམ་ས་ལ་གཙོས་པའི་ཧྥ་རན་སའི་རྒྱལ་ས་ཕར་རེ་སི་དང་ནེའུ་ཛ་ལན་ཌི། ལོན་ཊོན་སོགས་འཛམ་གླིང་གི་ཡུལ་གྲུ་གང་སར་བོད་རིགས་དང་བོད་དོན་རྒྱབ་སྐྱོར་བ་ཚོས་རྒྱ་ནག་གཞུང་ཚབ་མདུན་དུ་ངོ་རྒོལ་སྐད་འབོད་བྱས་ཡོད་པ་དང་། ཁ་སང་ཨ་རིའི་རྒྱལ་ས་ཝ་ཤིན་ཊོན་དུ་བོད་རིགས་སྤྱི་མཐུན་ཚོཊ་པའི་གོ་སྒྲིག་འོག་རྒྱ་ནག་གཞུང་ཚབ་རྙིང་པའི་མདུན་དུ་མི་མང་གིས་ངོ་རྒོལ་སྐད་འབོད་བྱས་ཡོད་ལ། དེའི་རྗེས་རྒྱ་ནག་གཞུང་ཚབ་གསར་པ་བར་ཞི་བའི་གོམ་བགྲོད་ཅིག་གནང་ཡོད་འདུག དེ་བཞིན་ནེའུ་ཡོག་དང་ནེའུ་ཇེར་སི་བོད་རིཊ་སྤྱི་མཐུན་ཚོཊ་པ། བོད་རང་བཙན་སློབ་ཕྲུག་ཚོཊ་པ། ས་གནས་གཞོན་ནུ་དང་བུད་མེད་ཚོགས་པ་སོཊ་ཀྱི་གོ་སྒྲིག་འོག་རྒྱལ་ཚོགས་ནས་རྒྱ་ནག་ཡན་ལག་གཞུང་ཚབ་བར་ངོ་རྒོལ་སྐད་འབོད་ཀྱི་ལས་འགུལ་ཆེན་པོ་ཞིག་སྤེལ་ཡོད་འདུག དེ་མིན་ཉིན་དེར་བལ་ཡུལ་དུའང་མི་མང་ལྷན་འཛོམས་ཐོག་རྒྱ་ནག་གཞུང་ཚབ་ལ་ངོ་རྒོལ་ཤུགས་ཆེས་བྱས་ཡོད་མོད། སྐབས་དེར་བལ་ཡུལ་ཉེན་རྟོག་པས་བོད་མིར་གཅར་རྡུང་དང་བཙན་ཁྲིད་བྱས་ཏེ་ངོ་རྒོལ་བར་དམ་དྲག་ཤུགས་ཆེར་བྱས་ཡོད་ལ། ཉེན་རྟོག་པས་ངོ་རྒོལ་བའི་རྒྱལ་དར་བཙན་འཕྲོག་གིས་རྐང་འོག་ཏུ་འཇུག་པ་དང་མེར་བསྲེག་གཏོང་བ་སོགས་བྱས་ཀྱང་བྱས་ཡོད་འདུག
ཉིན་དེར་བོད་ཆོལ་ཁ་གསུམ་གྱི་ས་གནས་ཡོངས་སུ་རྒྱ་གཞུང་གིས་དམག་མི་འབོར་ཆེན་འགྲེམས་འཇོག་བྱས་ཏེ་ལྟ་རྟོག་ནན་མོ་བྱས་ཡོད་པ་མ་ཟད། ལྷ་སའི་ལམ་མདོ་རེ་ན་དྲག་དམག་རླངས་འཁོར་འགའ་རེ་བཞག་ཡོད་ཚུལ་ལྷ་སའི་བོད་མི་ཞིག་གིས་ཧྥ་རན་སིའི་གསར་ཁང་ལ་བརྗོད་ཡོད་འདུག
ཕྱི་རྒྱལ་ཁག་ཏུ་བལ་པོ་གཞུང་ཚབ་ཁག་ལ་ངོ་རྒོལ་བྱེད་རན་འདུག ཕྱི་རྒྱལ་ཁག་ཏུ་ཡོད་པའི་བོད་རིགས་ཚོ། བསམ་མནོ་བཏང་རོགས་དེའང་བོད་དོན་གྱི་ཕྱོགས་སུ་འགྲོ།
བལ་དམགས་འདི་ཚོས་བསམ་ན་ཁོང་ཚོའི་རྒྱལ་བོ་འཁོར་དང་བཅས་པ་དམར་གསོད་གཏོང་མཁན་ང་ཚོ་བོད་པ་རེད་བསམ་པ་མིན་འགྲོ། ངས་རྒྱ་གུང་ཁྲན་རྩ་བརླག་ཟོས་མ་ཐག་བལ་གཞུང་ལས་སླ་བོ་མི་འཇོག་དཀར་བོ་དགེ་བ།
སུམ་བཅུའི་དུས་དྲན་གཅིག་པོ་མིན་པ་ང་ཚོ་ཚང་མིའི་་་་་ས་མཐར་མི་སྐྱིད་་་་མཛོ་འཕོངས་མི་བདེ་་་ཞེས་པ་འདི་བརྗེད་་མི་ཉན་ཡ
སྡུག་སྐད་མང་པོ་རྒྱག་རྒྱུ་བྱུང་
དེ་རིང་གྲེ་བ་འགག་འདུག་
བློ་བདེ་པོ་བྱུང་
ང་ཚོར་ནུས་སྟོབས་དང་ནུས་ཤུགས་ཡོད་ན་བལ་པོ་གཞུང་ལ་རྒོལ་ན་བསམ
རྒྱལ་ཁབ་ལ་ཞེན་ཅིང་མི་རིགས་ལ་དུང་བའི་བལ་ཡུལ་གནས་བསྡོད་བོད་མི་རྣམས་ཀྱི་དཔའ་མཛངས་ལྡན་པའི་དྲང་བདེན་གྱི་འཐབ་རྩོད་ལ་རྗེས་སུ་ཡིད་རངས་དང་། ཕྱི་རྒྱལ་དུ་ཞུགས་པའི་བོད་རིགས་རྣམས་པར་ཌོ་ལར་བརྗེད་པའི་ཉིན་མོ་ཞིག་མཐོང་རྒྱུ་ཡོད་པ་འདྲ་བྱུང་ཡག་པོ་རེད། གང་ལྟར་བོད་རིགས་ཡོངས་ནས་རང་དོན་རང་གཅེས་ཀྱིས་རྒྱལ་ཁབ་ལ་ཤ་ཞེན་དང་སོ་སོའི་ལུང་པ་འདྲེ་ངན་གྱི་འོག་ཏུ་ཤོར་བ་ཤེས་ཏེ་ཐབས་ཤེས་ཡོད་རྒུས་ཚུར་ལེན་རྒྱུར་འཐབ་རྩོད་གནང་བཞིན་པ་ནི་ཡག་པོ་རེད། དེ་ནི་ང་ཚོའི་ལས་འགན་ཡང་རེད།
བལ་ཡུལ་ཉེན་རྟོག་པས་རྒྱ་ནག་གི་གཞུང་ཚབ་ཁང་བསྲུངས་སྐྱོབ་བྱེད་རྒྱུ་དེ་འོས་མོད། འོན་ཀྱང་བོད་མི་རྣམས་གཅར་རྡུང་དང་བཙན་ཁྲིད་བྱས་པ་དང་། ལྷག་པར་དུ་བོད་ཀྱི་རྒྱལ་དར་སྡོག་པའི་འོག་ཏུ་བཅུག་པ་དང་དེ་མེ་ལ་བསྲེགས་རྒྱུ་འདི་ནི་ཧ་ཅིང་བརྙས་བཅོས་བཟོད་དཀའ་ཞིག་མ་རེད་དམ།
བོད་གཞུང་བདེ་སྲུང་ལས་བྱེད་ལྷག་པ་ཚེ་རིང་ལགས་ཀྱིས་གསུང་གསལ།
བལ་ཡུལ་བོད་གཞུང་སྐུ་ཚབ་དོན་གཅོད་བཀག་ཉར་བྱས་པ་རེད་ཅེས་གསར་འགྱུར་བརྒྱུད་ལམ་ཁག་ནང་བཏང་བ་དེ་དག་ཞིབ་འཇུག་མ་བྱས་པའི་སྐྱོན་གནད་འདུག
http://twitter.com/lhaktse
པྭ་འགོ་ལུང་པ་བལ་ཡུལ་གྱིས་བོད་ཀྱི་རྒྱལ་དར་མེ་སྲེག་གཏོང་བ་འདི་ནི། སྙིང་ལ་ན་ཟུག་རྒྱག་པའི་ལས་ཀ་ཞིག་དང་མི་རིགས་གཉིས་ཀྱི་བར་མཁོན་འཛིན་བཟོ་མཁན་རྒྱ་མི་རེད།
༸གོང་ས་མཆོག་གིས་ཐེངས་འདིའི་གྲོས་ཚོགས་ཐོག་ཕེབས་པའི་གསུང་འཕྲིན་ལ་ཁྱེད་ཀྱི་གང་འདྲ་གཟིགས་བྱུང་། ངས་གནད་དོན་འདི་མཐོང་བྱུང་། ངའི་ཟིན་བྲིས་སུ་གཟིགས་རོགས།
རང་དབང་ལུང་པར་གནས་པའི་ཞི་བའི་ངོ་རྒོལ་བའི་དཀྱིལ་ནས་བལ་ཡུལ་རྒྱ་མིའི་གཞུང་ཚབ་ལ་ངོ་རྒོལ་བྱེད་མཁན་རྣམས་ཉེན་ཁ་ཆེ་ཤོས་ཆགས་འདུག
དྲང་བདེན་ལ་དགའ་བའི་ལྷ་སྡེ་མི་སྡེ་ཡོངས་ནས་སྲུང་སྐྱོབས་དང་རྒྱབ་སྐྱོར་མི་དམན་པ་ཞིག་གནང་རོགས་ཞེས་འབོད་སྐུལ་ཞུ་རྒྱུ་ལགས།།
བུད་མེད་འདི་ཚོས་ལས་འགུལ་གསར་བ་ཞིག་སྤེལ་ཤེས་འདུག