སྐད་ཆ་འདི་དག་སྙིང་གི་ཨུ་ཁུང་ལས་ཐོན་པའི་མཆི་མ་ཡིན།

ཐེངས་འདིར་ཅུང་ཁ་གསལ་དུ་བཏང་བའི་ཁུལ་རེད། དོན་དངོས་ཐོག་ཚང་མས་དྲན་གསོ་ཡག་ཐག་ཞིག་བྱེད་པའི་དུས་ཤིག་ཀྱང་རེད།

ལུང་གི་རྗེས་འབྲངས་བོང་བུས་ག་ལ་རྟོགས།་་་་་་་་་་་ཞེས་བཅོས

གནས་ལུགས་རྒྱུ་མཚན་བསྟོང་གིས་རབ་ཕྱུགས་པའི། བཀའ་ཁྲིའི་གསུང་བཤད་རྡོ་རྗེའི་མཚོན་ཆ་འདི། གནས་ལུགས་རྟོག་པའི་བློ་གྲོས་མི་ལྡན་པའི། མི་ལུས་བོང་རྣ་ཅན་ཚོའི་མགོ་ལ་རྒྱོབས།

དོན་གྱི་བདག་པོའི་བདེན་ཚིག་སྨོན་ལམ་ལས།
རང་དབང་གཙང་མ་ཞེས་པའི་བརྗོད་བྱ་ལ།
རང་བཙན་གཙང་མ་མེད་པའི་སྒྲུབ་བྱེད་དུ།
ཉམ་ཆུང་སྤྱི་ཚོགས་ནང་དུ་ཧམ་རྟགས་བཀོད།

རང་དབང་གཙང་མ་ལྡན་པའི་རྒྱལ་ཁབ་ལ།
རང་བཙན་གཙང་མ་ཡོད་པའི་ཁྱབ་པར་ཡོད།
རང་སྲིད་རང་སྐྱོང་ཡོད་པའི་མི་རིགས་ལ།
རང་དབང་གཙང་མ་ཡོད་པའི་ཁྱབ་པར་མེད།

དོན་གྱི་བདག་པོའི་གསུངས་གི་བརྗོད་བྱ་དེར།
བཅད་ནས་ཐུང་དུ་མ་གཏོང་མཁང་དབང་ལགས།
གཞོར་ནས་ཕྲ་རེ་མ་གཏོང་སློབ་དཔོན་ལགས།
ཧམ་འགྲེལ་ཧམ་རྟགས་མ་བཀོད་བཀའ་ཁྲི་ལགས།

ལྷག་བསམ་གངས་ཀྱི་རི་བོ་ལས་དཀར་ཞིང་། མཁྱེན་དཔྱོད་རྒྱ་མཚོའི་མཐའ་ལས་བརྒལ་བ་ཡི། མཁས་དབང་བཀའ་བློན་ཁྲི་པའི་གསལ་བཤད་འདི། ཚད་པའི་ནད་ལ་ག་པུར་སླེབས་པ་འདྲ།

འདྲེ་རིག་ལྡན་ནས་བཤད་པར་དངོས་གནས་རྒྱུ་མཚན་འདུག།

མཆན་རེ་ཟུང་ལ་བམ་ཀློག་ཅིག་བྱས་རྗེས་་་་ ངས་བཀའ་ཁྲི་མཆོག་གིས་ལུང་དྲངས་པའི་དྲན་དབང་དགེ་ཆོས་ཀྱི་ཚིག་བཅད་དེ་དྲན་སོང་། “མངོན་སུ་རྟགས་ཀྱིས་བདེན་པ་ངོ་སྤྲད་ཀྱང་། རྔམ་ནག་བཞིན་གྱི་སྙེར་མ་མི་སངས་པ། ་་་་་་་་་་་” ད་ནི་མི་སྨྲ་རྟུག་ཞུགས་འཛིན་ན་ལེགས་སམ། ཡང་ན་ཁྱི་འཛིང་ར་འཛིང་བྱེད་ན་ལེགས། གང་ལྟར། བཀའ་ཁྲི་མཆོག་གི་མཛད་རྗེས་འདི་དག་མི་རབས་ཕྱི་མ་དག་གི་དད་བརྟེན་དུ་འགྱུར་ན་མ་གཏོགས། ད་ལྟའི་མི་མང་པོ་ཞིག་ལ་ནི་བོང་བུའི་རྣ་བར་གསེར་བླུགས་པ་དང་ཁྱད་མི་འདུག

བཀྲ་ཤིས་དོན་གྲུབ་ལགས།
ཁྱེད་ཀྱི་གླེན་པ་ནི་ག་དུས་ཡིན་ནའང་གླེན་པ་ཡིན་ཟེར་བ་དེ་ཆོས་རྣམས་ཀྱི་ཡང་དག་པའི་ངོ་བོ་ལ་བརྟག་དཔྱོད་བྱེད་མ་ཤེས་པས་འབྲས་རྟགས་ཞིག་རེད།གླེན་པའི་སེམས་ནི་བདེན་པར་གྲུབ་ཡོད་པ་ཞིག་ལ་ངོས་འཛིན་གི་ཡོད་དམ།དུས་གསུམ་གང་ལ་ཡང་འགྱུར་བ་མེད་པའི་སེམས་གི་རང་བཞིན་ལ་རང་བཞིན་གྱི་དྲི་མའི་སླད་ཡོད་རེད་ཟེར་རྒྱུ་ཡིན་ནམ།ཆོས་རྣམས་ཀྱི་རང་བཞིན་ལ་དྲི་མའི་བསླད་ཞུགས་མེད་དེ་དག་མ་ཤེས་པ་ཡིན་ན་ཁག་མེད།དེ་མིན་མི་ལ་མཐོང་ཆུང་མ་བྱེད་རོགས།

ཨ་རོགས་དབྱིན་མིང་ཅན་kunsal ལགས།
ངས་ཁྱོད་ལ་བོད་ཀྱི་གཏམ་དཔེར་ཞིག་བཤད་འདོད་པ་ནི།
ཕག་ཕའི་ཁོ་རང་ལུས་པོ་ཆ་ཚང་འདམ་བག་ནང་དུ་བསྡད་ནས་་་་ཨེ་ངང་པ་ལགས་ཁྱེད་རང་གཙང་མ་མི་འདུག་རྐང་པར་འདམ་བག་འབྱར་འདུག་ཟེར་བའི་གཏམ་དཔེ་འདི་ཁྱེད་ཀྱི་ཆེད་དུ་རེད་འདུག་ད།

མཁྱེན་སོང་ངམ།

དངོས་གནས་བཀའ་ཁྲི་མཆོག་གི་གསལ་བཤད་རིང་མོ་འདི་དུས་ཐོག་གི་ཆར་པ་རེད། སྙིང་དབུས་ནས་གུས་བཀུར་དང་ཐུགས་རྗེ་ཆེ་ཞུ། སྤྱི་འཐུས་ཚོ་གཙོ་བྱས་ནས་དམངས་ཡོངས་ཀྱི་བཀའ་ཁྲི་མཆོག་གི་གསལ་བཤད་འདིའི་ནང་གི་༸གོང་ས་མཆོག་གི་བཞེངས་ཕྱོགས་ཀྱི་འགྱུར་རིམ་གཞི་ལ་བཞག་སྟེ་༸གསུམ་བཅུ་དུས་དྲན་གྱི་བཀའ་སློབ་དང་ཆབ་སྲིད་དང་འབྲེལ་བའི་གསུང་འཕྲིན་ཁག་ལ་སློབ་སྦྱོང་བྱེད་དགོས་པ་འདུག ད་དུང་ང་ཚོའི་བཀུར་འོས་སྤྱི་འཐུས་ནས་དམངས་བར་ཆབ་སྲིད་ཀྱི་རྨོངས་གཉིད་ལས་སད་མི་འདུག ང་ཚོའི་སྤྱི་འཐུས་ཚོས་ཕ་ཡུལ་གྱི་རོང་འབྲོག་ས་ཁུལ་ན་རྒད་པོ་ཚོས་ས་རྩོད་ཆུ་རྩོད་ཀྱི་གྱོད་དོན་བཤད་པ་ལྟར་ཚིག་རུས་རྩུབ་ལ་རུ་ངར་པོ་འདུག དོན་དངོས་སུ་རྒད་པོ་དེ་དག་གི་དོ་ཡ་མི་འདུག དེ་དག་གི་ཚིག་རུས་རྩུབ་ཀྱང་དོན་དག་སྟེང་ལ་འབད་བཞིན་ཡོད། ང་ཚོ་སྤྱི་འཐུས་ཚོ་དོན་དག་སྟེང་མི་འབད་པར་སོ་སོའི་ཞེ་ནད་འདྲ་གླེང་ནས་བསྡད་འདུག བལྟས་ན་སེམས་སྐྱོ་ཞིང་། ༸གོང་ས་བཅུ་གསུམ་པ་སྐུ་ཞིང་ལ་ཕེབས་རྗེས་བོད་གཞུང་གི་གྲོང་དྲག་དམག་སྒར་མཚོན་པའི་དམག་སྒར་འཐོར་བ་དང། སྐུ་དྲག་ནང་མ་འཆམ་པར་གོང་བུ་ནུས་པ་ཉམས་པའི་གནས་ཚུལ་དེ་ལྟ་བུ་མི་ཡོང་ངམ་སྙམ་པའི་འཇིགས་སྣང་ཞིག་འདུག ད་ཚང་མའི་རིག་པ་སྒྲིམ་རེམ་རེད།

མང་མང་གིས་ སྤྱི་འཐུས་རྣམ་པ་ཚོས་ཀྱང་། ད་གཞི་ནས་ཐལ་མོ་བརྡབ་དེ་བསམ་ཤེས་སོང་བ་འདྲ་ཞིག་བྱས་འདུག འོན་ཀྱང་། གསུམ་བཅུའི་དུས་དྲན་གྱི་གསུང་འཕྲིན་ནང་གི་བཀའ་ཚིག་དེ་དག་དབུ་མའི་ལམ་གྱི་འཕེལ་ཕྱོགས་སམ་འགྱུར་བ་ཞིག་རེད་ཅེས་དེ་རུ་ངོས་འཛིན་བྱས་མ་ཆོག་པ་མེད། འོན་ཀྱང་། ༧གོང་ས་མཆོག་གིས་ཡོ་རོབ་མཉམ་འབྲེལ་ལྷན་ཚོགས་ཀྱི་འགྲོ་སྟངས་དེ་དཔེ་རུ་ཡང་ཡང་བཀོད་ཀྱི་ཡོད་པ་དང་། རྒྱ་བོད་གཉིས་ཀྱི་ཆེད་དུ་རྒྱ་བོད་གཉིས་ཕན་གྱི་དེང་གི་རྒྱ་ནག་གི་སྲིད་བྱུས་འདི་དང་མི་འདྲ་བའི་འགྲོ་སྟངས་ཤིག་གི་འོག་བོད་ཀྱི་བདེན་མཐའ་གསལ་དགོས་པའི་དགོངས་པ་ཡོད་པ་གུས་པས་ར་སྤྲོད་བྱེད་ཐུབ།
དེའི་རྐྱེན་གྱིས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་ནང་དུ་བོད་ཀྱི་བདེན་མཐའ་གསལ་རྒྱུ་ཞེས་པ་དེས་དེང་གི་རྩ་ཁྲིམས་ལ་འགྱུར་བ་ཁབ་རྩེ་ཙམ་ཡང་འགྲོ་མི་དགོས་པ་བཤད་ཀྱི་མེད། རྒྱུན་འཁྱོངས་བྱེད་དགོས་པ་གསུམ་དང་མི་འགལ་བའི་ཐོག་ནས་བོད་ཀྱི་བདེན་མཐའ་གསལ་དགོས་པ་ཡིན་ན་དེ་ནི་མང་གཙོའི་རང་ལུགས་ལྡན་པའི་སྤྱི་ཚོགས་ཤིག་ཡོང་ཐབས་མེད། བོད་རྒྱའི་རྩོད་པ་འདི་བསྡད་ཀྱིན་བསྡད་ཀྱིན་ཆོས་ལུགས་ཀྱི་རྩོད་པ་ཞིག་ཆགས་ཀྱི་འདུག གུ་ཡངས་པོའི་ཁྲིམས་ཀྱི་དབང་བསྒྱུར་འོག་སྤྱི་དམངས་ཀྱི་འདྲ་མཉམ་གྱི་ཐོབ་ཐང་དེ་སྤྱད་ནས་འཚོ་བའི་སྤུས་ཀ་མཐོར་འདེགས་ཐུབ་པ་ཞིག་གི་ལམ་ཁ་མི་རབས་ཕྱི་མ་ལ་སྤྲད་མ་ཐུབ་ན་<<བྱ་རོག་སོར་རྟོག་གི་བསྟན་བཅོས་>>ལ་བསླབ་པ་ལས་ཀྱང་ངལ་བའི་རྒྱུ་རུ་ཟད།

བཀའ་ཁྲིའི་གསལ་བཤད་དོན་ཚན་ལྔ་བའི་ནང་དུ། དང་པོ། ༧གོང་ས་མཆོག་གིས་སི་ཊ་སི་སྦག་གི་གྲོས་འཆར་ནང་བཀའ་བསྩལ་བའི་ནང་དོན་ཁག་རྒྱུན་འཁྱོངས་མ་གནང་བར། བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་བཟོས་པ་དང་། ཡིག་ཆ་དེར་གྲོས་ཚོགས་ནས་དགོངས་འཁྲོལ་མ་ཞུས་པར་རྒྱ་གཞུང་ལ་སྤྲད་པ་དེ་བཙན་བྱོལ་བོད་མིའི་བཅའ་ཁྲིམས་དང་སྒྲིག་གཞི། དམངས་གཙོའི་ལམ་སྲོལ། ཡང་ན་བཟང་སྤྱོད་བཅས་དང་འགལ་བ་ཆགས་ཀྱིན་ཡོད་དམ་མེད། གལ་སྲིད་ཆགས་ཡོད་ན་གང་ལ་འགལ་བ་དང་། དེར་བཀའ་ཤག་ལ་ཉེས་ཆད་གང་གཅོད་རྒྱུ་གཙང་མ་བཟོ་རོགས། ཞེས་པ་འདིའི་ཐད་བསམ་ཚུལ་ཞིག་ཡོད།

༡། འདི་ནི་བཅའ་ཁྲིམས་རིན་པོ་ཆེའི་དགོངས་དོན་དང་སྒྲིག་གཞི་གང་ལའང་འགལ་མེད་པར་འདོད། རྒྱུ་མཚན་ནི་ ༡༩༩༧ ལོའི་སྤྱི་ཕྱི་ཟླ་ ༩ ཚེས་ ༡༨ ཉིན་གྱི་

སི་ཊས་སི་བྷག་གི་གྲོས་འཆར།
 
༄༅། །དེང་སྐབས་ང་ཚོ་ཕན་ཚུན་གཅིག་ལ་གཅིག་བརྟེན་གྱི་འཛམ་གླིང་ཞིག་ཏུ་གནས་ཡོད་ ཅིང༌། རྒྱལ་ཁབ་གཅིག་གི་དཀའ་རྙོག་དེ་རྒྱལ་ཁབ་དེ་ཉིད་ཀྱིས་སེལ་ཐབས་མེད་པའི་དུས་ སྐབས་ཤིག་ཏུ་སླེབས་ཡོད། སྤྱི་ལ་སྨན་པའི་འགན་འཁུར་གྱི་བསམ་བློ་ཞིག་མེད་ན་ང་ཚོ་འཚོ་ཞིང་གནས་ཐུབ་པ་བྱ་ རྒྱུ་དེ་འཇིག་ཉེན་ཡོད་པ་ཞིག་རེད། དེར་བརྟེན་འཛམ་གླིང་ཐོག་གི་རྒྱལ་ཁབ་འདྲ་མིན་དབར་སྔར་ལས་ལྷག་པའི་གོ་ཤེས་དང༌། བརྩི་བཀུར། མཉམ་སྦྲེལ་དམ་ཟབ་བྱ་རྒྱུ་བཅས་ཀྱི་དགོས་པ་དེར་ངོས་ནས་དུས་དང་རྣམ་པ་ཀུན་ཏུ་ ཡིད་ཆེས་བྱེད་བཞིན་ཡོད། ཡོ་རོབ་གྲོས་ཚོགས་ནི་དེའི་ཕྱོགས་ལ་སྐུལ་མ་བྱེད་པའི་མིག་དཔེ་བཟང་པོ་ཞིག་ཡིན། མི་རབས་གཅིག་གི་དུས་ཡུན་ནང་དེ་སྔོན་དགྲ་བོ་ཡིན་པ་རྣམས་ཀྱིས་ཀྱང་དམག་འཁྲུག་ གི་ཟང་ཟིང་གི་ཁྲོད་ནས་ད་ཆ་མཉམ་གནས་དང༌། མཉམ་སྦྲེལ་བྱེད་དགོས་པ་དེ་ཤེས་ཀྱི་ཡོད། ད་ལམ་ཡོ་རོབ་གྲོས་ཚོགས་ཀྱི་ཚོགས་འདུ་འདིའི་ཐོག་ངོས་ནས་གཏམ་བཤད་བྱེད་པར་ དམིགས་བསལ་གྱི་སྤྲོ་བ་འཕེལ་ཞིང༌། དེ་ནི་གཟི་བརྗིད་དང་ལྡན་པ་ཞིག་ཡིན་པར་སྙམ།
ཁྱེད་རྣམ་པས་མཁྱེན་གསལ་ལྟར། ངོས་རང་གི་ཡུལ་བོད་ནི་དཀའ་ངལ་ཅན་གྱི་དུས་སྐབས་ཤིག་ཏུ་གནས་ཡོད་ཅིང༌། སྤྱིར་བོད་མི་ཡོངས་དང༌། ལྷག་པར་རྒྱ་མིའི་བཙན་བཟུང་འོག་གནས་པའི་བོད་མི་རྣམས་ནས་རང་ཉིད་ཀྱི་ཐུན་མོང་ མ་ཡིན་པའི་ཁྱད་ཆོས་ཚང་མ་སྲུང་སྐྱོབ་དང་ཁྱིམ་མཚེས་ཚོ་དང་མཉམ་དུ་ཞི་བདེར་གནས་ རྒྱུ་ཡོང་ཆེད་རང་དབང་དང༌། དྲང་བདེན། མདུན་ལམ་རང་ཐག་རང་གཅོད་བྱ་རྒྱུ་བཅས་ཡོང་བར་སྐོམ་པ་ཆུ་འདོད་ལྟ་བུའི་རེ་སྒུག་ བྱེད་བཞིན་ཡོད།
ང་ཚོ་བོད་མི་ཚོས་ལོ་ངོ་སྟོང་ ཕྲག་ལྷག་ཙམ་རིང་ནང་བསམ་བློ་དང༌། ཕྱི་རང་བྱུང་གི་བཀོད་པའི་རིན་ཐང་ཁག་ལ་སོར་གནས་དམ་འཛིན་བྱས་པ་དེ་ཉིད་སྣོད་ བཅུད་བཏང་སྙོམས་སུ་གནས་ཐུབ་པའི་མཐུན་རྐྱེན་དུ་གྱུར་ཡོད་ཅིང༌། འཚེ་བ་སྤོང་བ་དང༌། གཞན་ཕན་སྙིང་རྗེས་ཀུན་ནས་བསླངས་པའི་བདག་ཅག་གི་སྟོན་པ་ཤཱཀྱ་ཐུབ་པའི་བསླབ་བྱ་ དང༌། ངེད་ཅག་གི་ཡུལ་ལུང་འདིའི་མཐའ་སྐོར་དུ་གངས་རིའི་ར་བས་བསྐོར་ནས་སྲུང་སྐྱོབ་ བྱས་ཡོད་པ་བཅས་ཀྱིས་རྐྱེན་པས་སྐྱེ་འགྲོ་ཀུན་གཅེས་པར་བཟུང་ནས། དྲག་པོའི་གཡུལ་འཐབ་དེ་རྒྱལ་ཁབ་ཀྱི་སྲིད་བྱུས་ཡོ་བྱད་དུ་སྤྱོད་པ་དེ་རིགས་ སྤོང་ཐུབ་པ་བྱུང་ཡོད།
ལོ་ངོ་ཉིས་སྟོང་ལྷག་ཙམ་སོང་བའི་ ང་ཚོའི་རྒྱལ་རབས་ནི་རང་བཙན་དུ་གནས་པ་ཞིག་ཡིན། ཕྱི་ལོའི་གོང་གི་ལོ་ ༡༢༧ སྐབས་ང་ཚོའི་རྒྱལ་ཁབ་དབུ་བརྙེས་པ་ནས་བཟུང་ང་ཚོ་བོད་མི་ཚོས་ཕྱི་རྒྱལ་གྱི་ སྟོབས་ཤུགས་ཇི་འདྲ་ཞིག་ལ་ཡང་ང་ཚོའི་བདག་དབང་སྤྲོད་རྒྱུའི་ཁས་ལེན་དུས་ནམ་ཡང་ བྱེད་མྱོང་མེད།
རྒྱལ་ཁབ་ཚང་མ་དང་འདྲ་བར། ང་ཚོའི་ཁྱིམ་མཚེས་རྒྱལ་ཁབ་སོག་པོ་དང༌། མན་ཇུ། རྒྱ་ནག དབྱིན་ཇི། བལ་ཡུལ་གྱི་གོར་ཥ་བཅས་ཀྱིས་ང་ཚོའི་ཐོག་དབང་ཤུགས་སྤེལ་ཐབས་བྱས་ཡོད་ཀྱང༌། དེ་ནི་དུས་ཡུན་ཐུང་ངུ་ཞིག་ཡིན་ལ་དེ་དག་གིས་རྐྱེན་པས་ང་ཚོའི་རྒྱལ་ཁབ་ཀྱི་ བདག་དབང་ཤོར་བ་ཞིག་མཚོན་པར་བོད་མི་དམངས་ཀྱིས་ཁས་ལེན་གཏན་ནས་བྱེད་མྱོང་མེད་ ལ། འདས་པའི་དུས་སུ་བོད་ཀྱི་བཙན་པོ་ཚོས་ཀྱང་རྒྱ་ནག་གི་ས་ཁྱོན་ཆེན་པོ་དང༌། ཁྱིམ་མཚེས་ཀྱི་ས་ཁུལ་ཁག་དབང་དུ་བསྡུ་མྱོང་ཡོད་པ་ཙམ་གྱིས་ང་ཚོ་བོད་མི་ཚོས་ས་ སྡེ་དེ་ཚོར་བདག་ཐོབ་ཡོད་ལུགས་ཀྱི་རྩོད་གླེང་བྱེད་ཆོག་པ་ཞིག་ཡིན་པ་མཚོན་ཐུབ།
ཕྱི་ལོ་ ༡༩༤༩ ནང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་དྲག་པོའི་ཐོག་ནས་བོད་ཡུལ་བཙན་ བཟུང་བྱས་པ་ནས་བཟུང་བོད་ཀྱི་ལོ་རྒྱུས་ཐོག་ཆེས་མུན་ནག་གི་དུས་རབས་ཤིག་ བརྒྱུད་དགོས་བྱུང་ཡོད། བཙན་བཟུང་བྱས་པའི་ངན་འབྲས་ལ་བརྟེན་ནས་བོད་མི་ས་ཡ་གཅིག་ལྷག་ཙམ་འཆི་སྐྱོན་ བྱུང་བ་དང༌། དགོན་སྡེ་སྟོང་ཕྲག་མང་པོ་གྱང་ཧྲུལ་དུ་བཏང་བ། སློབ་གཉེར་དང༌། དཔལ་འབྱོར་གྱི་གོ་སྐབས་འཕྲོགས་པ་མ་ཟད། སོ་སོའི་མི་རིགས་ཀྱི་ངོ་བོའི་འདུ་ཤེས་ཀྱང་འཕྲོགས་པའི་མི་རབས་གཅིག་འཚར་ལོངས་ བྱུང་ཡོད། གཞི་རྐང་ད་ལྟ་རྒྱ་ནག་གི་འགོ་ཁྲིད་ཚན་ཁག་གིས་བཅོས་སྒྱུར་འགའ་ཤས་གཏོང་གི་ཡོད་ ཀྱང༌། དེ་དང་ཆབས་ཅིག་བོད་ས་མཐོར་རྒྱའི་མི་འབོར་ཁྱོན་ཆེ་གནས་སྤོ་བྱེད་པའི་སྲིད་ བྱུས་ཤིག་ལག་བསྟར་བྱས་ཏེ་བོད་མི་ས་ཡ་དྲུག་པོ་རྣམས་གྲངས་ཉུང་མི་རིགས་ཤིག་ཏུ་ བསྒྱུར་ཐབས་བྱེད་ཀྱི་ཡོད། ངོས་ནས་བོད་མི་ཡོངས་ཀྱི་ཚབ་བྱས་ཏེ་ཡིད་སྐྱོ་བའི་ངང་ཁྱེད་རྣམ་པར་ཞུ་རྒྱུར། ང་ཚོའི་ཡ་ང་ཐབས་རྡུགས་ཀྱི་གནས་ཚུལ་དེ་ད་དུང་མུ་མཐུད་ནས་གནས་ཡོད།
ངས་ཐོག་མཐའ་བར་གསུམ་དུ་ངོས་ཀྱི་ མི་དམངས་ཚོར། ཁོང་ཚོས་སྡུག་བསྔལ་སེལ་ཐབས་སུ་དྲག་རྩུབ་ཀྱི་ཐབས་ཚུལ་མི་སྤྱོད་རྒྱུར་ནན་བཤད་ བྱས་ཡོད། འོན་ཀྱང༌། ཞི་བའི་སྒོ་ནས་དྲང་བདེན་མིན་པའི་བྱ་སྤྱོད་ལ་ངོ་རྒོལ་བྱེད་པའི་དྲང་བདེན་གྱི་ ཐོབ་ཐང་དེ་མི་ཚང་མར་ཡོད་པ་ཞིག་ཡིན་པར་ཡིད་ཆེས་ཡོད། སྟབས་མི་ལེགས་པ་ཞིག་ལ་བོད་དུ་རྔམ་སྟོན་ཁྲོམ་སྐོར་ཁག་བྱེད་མཁན་ཚོར་རྒྱ་མིའི་ སྐོར་སྲུང་དམག་དང༌། དམག་མི་ཚོས་གདུག་རྩུབ་ཀྱི་དྲག་གནོན་བྱས་འདུག ངས་མུ་མཐུད་ནས་འཚེ་མེད་ཞི་བའི་ལམ་དུ་འཇུག་དགོས་པའི་སློབ་སྟོན་བྱ་རྒྱུ་ཡིན་ ན་ཡང༌། རྒྱ་ནག་གིས་གདུག་རྩུབ་ཀྱི་བྱ་ཐབས་སྤྱོད་རྒྱུ་དེ་མཚམས་འཇོག་མ་བྱས་ཕྱིན་ད་ དུང་དུས་བབ་ཇེ་སྡུག་ཏུ་འགྲོ་བའི་འགན་དེ་བོད་མི་ཚོས་འཁུར་མི་ཐུབ།
བོད་མི་ཡོངས་ནས་ང་ཚོའི་རྒྱལ་ཁབ་ ཀྱི་རང་བཙན་སླར་གསོའི་ཆེད་དུ་རེ་སྨོན་བྱེད་བཞིན་ཡོད་ཅིང༌། འཐབ་རྩོད་དེའི་ནང་ང་ཚོའི་མི་དམངས་ཁྲི་ཕྲག་མང་པོས་རང་སྲོག་བློས་གཏོང་བྱས་པ་ མ་ཟད། བོད་རྒྱལ་ཁབ་ཡོངས་སུ་སྡུག་བསྔལ་ཚབས་ཆེན་མྱོང་དགོས་པ་བྱུང་ཡོད། ཉེ་བའི་ཟླ་ཤས་ནང་དུའང་བོད་མི་མང་པོས་རྩ་འགངས་ཆེ་བའི་དམིགས་ཡུལ་འདི་བསྒྲུབ་ ཆེད་དཔའ་ངར་ལྡན་པའི་ངང་ནས་རང་སྲོག་བློས་གཏོང་བྱས་ཡོད། ཡིན་ནའང༌། རྒྱ་མིའི་ངོས་ནས་བོད་མིའི་འདོད་བློར་བརྩི་སྲུང་གཏན་ནས་མ་བྱས་པའི་ཐོག་ཆེས་ གདུག་རྩུབ་ཀྱི་བཙན་གནོན་སྲིད་བྱུས་མུ་མཐུད་ལག་བསྟར་བྱེད་བཞིན་ཡོད། ངོས་ནས་ངོས་ཀྱི་རྒྱལ་ཁབ་ཀྱི་གནས་སྟངས་སྐོར་དོན་དངོས་དང་མཐུན་པའི་སྒོ་ནས་ རྩོད་རྙོག་སེལ་ཐབས་ཇི་འགབ་བསམ་བློ་ཡུན་རིང་བཏང་བ་ཡིན་ལ། ངོས་ཀྱི་བློན་ཆེན་ལྷན་ཚོགས་དང་ངོས་ནས། གྲོགས་པོ་དང༌། སེམས་འཁུར་ལྡན་པའི་མི་སྣ་མང་པོའི་བསམ་འཆར་འདྲི་ཞིབ་བྱས་ཏེ། ཕྱི་ལོ་ ༡༩༨༧ ཟླ་ ༩ ཚེས་ ༢༡ ཉིན་ཝ་ཤིང་ཀྲོན་དུ་ཚོགས་པའི་ཨ་རིའི་གྲོས་ཚོགས་ཀྱི་འགྲོ་བ་མིའི་ཐོབ་ཐང་གི་ ཚོགས་འདུའི་ཐོག་བོད་ཀྱི་ཆེད་དུ་དོན་ཚན་ལྔ་ལྡན་གྱི་ཞི་བདེའི་གྲོས་འཆར་ཞིག་ བཏོན་ཡོད། དེའི་ནང་བོད་ས་ཡོངས་རྫོགས་ཞི་བདེའི་བསྟི་གནས་ཤིག་ཏུ་བསྒྱུར་རྒྱུ་སྟེ། ཕྱི་སྣོད་རང་བྱུང་གི་བཀོད་པ་དང༌། ནང་བཅུད་སྐྱེ་འགྲོ་ཐམས་ཅད་ཞི་མཐུན་དུ་གནས་པའི་གནས་མཆོག་ཅིག་ཏུ་བསྒྱུར་རྒྱུ་ དེ་ཡིན་ཞེས་དང༌། ད་དུང་ངོས་ནས་འགྲོ་བ་མིའི་ཐོབ་ཐང་དང༌། མང་གཙོའི་མདུན་ལམ་ལ་སྲུང་བརྩི། ཁོར་ཡུག་ལ་སྲུང་སྐྱོབ་བྱ་རྒྱུ། རྒྱ་ཕྱོགས་ནས་བོད་དུ་མི་འབོར་གནས་སྤོ་བྱ་རྒྱུ་མཚམས་འཇོག་ཡོང་བ་བཅས་ཀྱི་རེ་ འདུན་བཏོན་ཡོད། གྲོས་འཆར་གྱི་དོན་ཚན་ལྔ་པ་དེས་རྒྱ་ཕྱོགས་དང་ང་ཚོའི་དབར་ལྷག་བསམ་རྣམ་དག་གི་ གྲོས་མོལ་ཞིག་བྱ་དགོས་པའི་སྐུལ་མ་བྱས་ཡོད། དེར་བརྟེན་ངའི་ངོས་ནས་རྒྱ་ཕྱོགས་ལ་སྤྲོད་རྒྱུའི་བསམ་གཞི་ཁག་གཅིག་གོ་སྒྲིག་ བྱས་ཡོད་པ་དེས་བོད་ཀྱི་རྩོད་གཞིའི་གནད་དོན་ཐག་གཅོད་བྱེད་པའི་རྨང་གཞིར་ འགྱུར་རྒྱུའི་རེ་བ་ཡོད། ངོས་ནས་གོ་སྐབས་འདི་དང་བསྟུན་ནས་འདིར་ཚོགས་གྲགས་ཅན་མི་སྣ་རྣམས་ལ་བསམ་གཞི་ འདིའི་གཙོ་གནད་རྣམས་སྙན་སྒྲོན་ཞུ་རྒྱུ་ཡིན།
བོད་ཆོལ་ཁ་གསུམ། དབུས་གཙང་དང༌། ཁམས། ཨ་མདོ། ཡོངས་རྫོགས་སྤྱིའི་བདེ་རྩ་དང༌། མི་དམངས་དང་དེའི་ཁོར་ཡུག་རྣམས་སྲུང་སྐྱོབ་བྱེད་ཆེད་མི་དམངས་ཀྱི་འདོད་བློ་ གཙོ་བཟུང་གིས་ཁྲིམས་ལུགས་གཞིར་བཟུང་བཙུགས་པའི་རང་སྲིད་རང་འཛིན་གྱི་དམངས་ གཙོའི་ཆབ་སྲིད་ཀྱི་གོང་བུ་ཞིག་ཏུ་བསྒྱུར་རྒྱུ་དེས་རྒྱ་ནག་མི་དམངས་སྤྱི་ མཐུན་རྒྱལ་ཁབ་དང་མཉམ་མཐུན་བྱ་རྒྱུ་ཡིན། རྒྱ་ནག་མི་དམངས་སྤྱི་མཐུན་རྒྱལ་ཁབ་སྲིད་གཞུང་ནས་བོད་ཀྱི་ཕྱི་འབྲེལ་སྲིད་ བྱུས་ཀྱི་འགན་འཁུར་རང་འཇགས་ལེན་ཆོག་རྒྱུ་དང༌། བོད་གཞུང་ནས་རང་ཉིད་ཀྱི་ཕྱི་ཕྱོགས་འབྲེལ་མཐུད་ལས་ཁུངས་བརྒྱུད་ནོར་སྲིད་དང༌། ཤེས་རིག་སློབ་གསོ། ཆོས། རིག་གཞུང༌། ཡུལ་སྐོར་སྤྲོ་འཆམ། ཚན་རིག ལུས་རྩལ། དེ་མིན་སྲིད་དོན་མ་ཡིན་པའི་འབྲེལ་བ་བཅས་ཡར་རྒྱས་གཏོང་རྒྱུ་དང༌། རྒྱུན་འཁྱོངས་ཡོང་བ་བྱེད་དགོས། བོད་ཀྱི་ལས་དོན་དེ་རིགས་དང་འབྲེལ་ཡོད་ཀྱི་རྒྱལ་སྤྱིའི་སྒྲིག་འཛུགས་ཁག་ནང་ ཞུགས་རྒྱུ།
བོད་གཞུང་ནི་རྩ་ཁྲིམས་སམ། གཞི་རྩའི་ཁྲིམས་ལུགས་ཤིག་གི་ཐོག་འཛུགས་དགོས་པའི་སྐུལ་མ་བྱེད་ཀྱི་ཡོད། གཞི་རྩའི་ཁྲིམས་ལུགས་དེ་དམངས་གཙོའི་ལམ་ལུགས་ལྡན་པའི་སྲིད་གཞུང་ཞིག་ལ་དཔལ་ འབྱོར་གྱི་ཁེ་ཕན་འདྲ་མཉམ་དང༌། སྤྱི་ཚོགས་ཀྱི་དྲང་བདེན། ཁོར་ཡུག་སྲུང་སྐྱོབ་བཅས་ཀྱི་འགན་འཁུར་སྤྲད་ཡོད། དེའི་གོ་དོན་ནི་བོད་གཞུང་ལ་བོད་དང་བོད་མིར་འབྲེལ་བ་ཡོད་པའི་བྱ་གཞག་ཚང་མའི་ འགན་འཁུར་ཚང་མ་ཡོད་དགོས་པ་ཞིག་ཡིན།
སྐྱེ་བོ་བྱེ་བྲག་སོ་སོའི་རང་ དབང་ནི་སྤྱི་ཚོགས་ཀྱི་ཡར་རྒྱས་དང་ནུས་པའི་འབྱུང་ཁུངས་ཡིན་པ་ལྟར་བོད་གཞུང་ ནས་གཏམ་བརྗོད་དང༌། ཚོགས་འཛོམས། ཆོས་དད་བཅས་ཀྱི་ཐོབ་ཐང་ཁག་ཚུད་པའི་མཉམ་སྦྲེལ་རྒྱལ་ཚོགས་ཀྱིས་གཏན་འབེབས་ཟིན་ པའི་ཡོངས་ཁྱབ་འགྲོ་བ་མིའི་ཐོབ་ཐང་གི་རྩ་ཚིག་ལ་སྲུང་བརྩི་བྱས་པའི་ཐོག་ནས་རང་ དབང་འདི་རིགས་ཡོང་ཐབས་སུ་འབད་བརྩོན་བྱ་རྒྱུ། བོད་རྒྱལ་ཁབ་ཀྱི་ངོ་བོའི་འབྱུང་ཁུངས་དེ་ཆོས་ལ་ཐུག་ཡོད་ཅིང༌། ཆོས་ཀྱི་རིན་ཐང་དེ་རབ་ཏུ་ཕྱུག་པའི་བོད་ཀྱི་རིག་གཞུང་གི་སྙིང་ཁམས་སུ་གནས་ ཡོད་པས་ཆོས་ལ་སྲུང་སྐྱོབ་དང༌། ཉམས་ལེན་བྱ་རྒྱུ། དར་ཁྱབ་གཏོང་རྒྱུ་བཅས་ནི་བོད་གཞུང་གི་དམིགས་བསལ་ཅན་གྱི་འགན་འཁྲི་ཞིག་ཡིན།
སྲིད་གཞུང་དེ་ཉིད་མང་མོས་བདམས་ ཐོན་བྱུང་བའི་སྤྱི་ཁྱབ་བློན་ཆེན་དང༌། གྲོས་ཚོགས་རིམ་པ་གོང་འོག་གཉིས། ཁྲིམས་འཛིན་ཚན་ཁག་ནས་བཏོན་པའི་རང་ཚུགས་ཐུབ་པའི་ཁྲིམས་ལུགས་ཤིག་བཅས་ལས་གྲུབ་ དགོས་པ་ཞིག་ཡིན། བོད་གཞུང་གི་བསྟི་གནས་ནི་ལྷ་ས་ཡིན།
བོད་ཀྱི་སྤྱི་ཚོགས་དང༌། དཔལ་འབྱོར་གྱི་ལམ་ལུགས་དེ་མི་དམངས་ཡོངས་ཀྱི་འཚོ་བའི་གནས་ཚད་གོང་མཐོར་གཏོང་ རྒྱུའི་དགོས་མཁོ་གཙོ་བཟུང་གིས་བོད་མི་དམངས་ཀྱི་འདོད་བློ་གཞིར་བཟུང་གཏན་ འབེབས་བྱེད་དགོས་པ་ཡིན།
བོད་གཞུང་ནས་རི་དྭགས་དང༌། སྐྱེ་དངོས་རྩི་ཤིང་ལ་སྲུང་སྐྱོབ་བྱེད་པའི་དམ་བསྒྲགས་ལྡན་པའི་ཁྲིམས་ལུགས་ཁག་ གཏན་འབེབས་བྱ་རྒྱུ་དང༌། རང་བྱུང་ཐོན་ཁུངས་བཤུ་གཞོག་བྱེད་པའི་རིགས་ལ་སྟངས་འཛིན་ནན་པོ་བྱ་རྒྱུ། རྡུལ་ཕྲན་མཚོན་ཆ་དང༌། དེ་མིན་གྱི་མཚོན་ཆའི་རིགས་བཟོ་བསྐྲུན་དང་ཚོད་ལྟ། གསོག་འཇོག གནོད་ཚབས་ཆེ་བའི་སྙིགས་རོ་འདོན་རྒྱུ་ཡོད་པའི་རྡུལ་ཕྲན་གྱི་ནུས་ཤུགས་དང༌། བཟོ་རྩལ་གྱི་རྣམ་གྲངས་བེད་སྤྱོད་བྱ་རྒྱུ་བཅས་ལ་དགག་བྱ་ནན་པོ་བྱ་རྒྱུ། བོད་འདི་བཞིན་སའི་གོ་ལའི་ཐོག་རང་བྱུང་ཁོར་ཡུག་སྲུང་སྐྱོབ་བྱ་ཡུལ་ཆེ་ཤོས་ ཤིག་ཏུ་བསྒྱུར་རྒྱུ་ནི་སྲིད་གཞུང་གི་མཐར་ཐུག་གི་དམིགས་ཡུལ་ཡིན།
བོད་ནང་དམག་དཔུང་དང༌། དམག་མཁོའི་སྒྲིག་ཆས་ཕྱིར་འཐེན་བྱེད་པར་བརྟེན་ནས་དོན་དམ་པའི་ཞི་བདེའི་གནས་ མཆོག་ཅིག་ཏུ་འགྱུར་རྒྱུར་འགན་སྲུང་ཡོང་ཆེད་ཁྱིམ་མཚེས་རྒྱལ་ཁབ་མངའ་ཁུལ་གྱི་ ཞི་བདེའི་ཚོགས་འདུ་སྐོང་འཚོགས་བྱེད་དགོས་ཤིང༌། ཚོགས་འདུ་དེ་འདྲ་ཞིག་སྐོང་འཚོགས་མ་བྱས་པར་དང༌། བོད་ནས་དམག་དཔུང་དང་དམག་མཁོའི་སྒྲིག་ཆས་ཕྱིར་འཐེན་བྱས་ཏེ་བར་གནས་ཀྱི་ས་ཁུལ་ ཞིག་ཏུ་མ་བསྒྱུར་བར་རྒྱ་ནག་གིས་བོད་དུ་གྲངས་ཚད་ངེས་ཅན་ལྡན་པའི་དམག་དཔུང་ བཞག་ཆོག་རྒྱུ་དེ་ནི་སྲུང་སྐྱོབ་ཁོ་ནའི་ཆེད་དུ་ཡིན།
གྲོས་མོལ་ལ་གྲུབ་འབྲས་ཕུན་སུམ་ ཚོགས་པ་འཐོབ་རྒྱུའི་མཐུན་རྐྱེན་དུ་འགྱུར་ཐུབ་པའི་ཡིད་ཆེས་ཀྱི་གཞི་རྩ་ཞིག་ གསར་གཏོད་བྱ་ཆེད་རྒྱ་ནག་གཞུང་ནས་བོད་ནང་འགྲོ་བ་མིའི་ཐོབ་ཐང་ཁག་ལ་རྩ་འགལ་ བྱེད་པ་དེ་དང༌། རྒྱ་ཡི་མི་འབོར་གནས་སྤོ་བྱེད་པའི་སྲིད་བྱུས་དེ་མཚམས་འཇོག་བྱེད་དགོས།
གོང་གསལ་དེ་དག་ནི་ང་ཚོའི་བསམ་ གཞི་རྣམས་ཡིན། བསམ་གཞི་འདི་ཐོག་ནས་མཐའ་གཉིས་སུ་མ་ལྷུང་བའི་ལངས་ཕྱོགས་ཤིག་མཚོན་པ་དེར་བོད་ མི་མང་པོ་ཞིག་གི་འདོད་བློ་མ་ཁེངས་པ་ཡོང་རྒྱུ་དང༌། མ་འོངས་པའི་ཟླ་ཤས་ནང་བོད་ནང་ཁུལ་དང༌། བཙན་བྱོལ་དུ་ཡོད་པའི་བོད་མིའི་སྤྱི་ཚོགས་ཀྱི་ནང་དུ་གྲོས་བསྡུར་མང་པོ་ཞིག་ ཡོང་རྒྱུར་ཡང་ཐེ་ཚོམ་མེད། འོན་ཀྱང་དེ་ནི་འགྱུར་ལྡོག་ཅིག་ཡོང་བའི་བྱ་རིམ་ནང་དགོས་ངེས་དང༌། རྩ་འགངས་ཆེ་བའི་ཆ་ཤས་ཤིག་ཡིན། བསམ་གཞི་འདི་དག་གིས་བོད་མིའི་རྣམ་པ་ཐ་དད་ཡིན་པའི་ངོ་བོ་དང༌། གཞི་རྩའི་ཐོབ་ཐང་རྣམས་སྔར་སོར་ཆུད་ཐབས་དང༌། རྒྱ་ནག་རང་ཉིད་ཀྱི་ཁེ་ཕན་ལ་ཡང་འོས་འཚམས་ཀྱི་མཐུན་འགྲིག་བྱེད་པའི་དོན་དངོས་ དང་མཐུན་ཤོས་ཡིན་པའི་ཐབས་ལམ་ཞིག་མཚོན་ཐུབ་རྒྱུའི་ཡིད་ཆེས་ཡོད།
ཡིན་ནའང་འདིར་ནན་བཤད་བྱ་རྒྱུར། རྒྱ་ནག་དང་གྲོས་མོལ་བྱས་པར་འབྲས་བུ་གང་འདྲ་ཞིག་ཡོང་མིན་ལ་མ་ལྟོས་པར་མཐའ་ མའི་ཐག་གཅོད་བྱ་རྒྱུའི་དབང་ཆ་དེ་བོད་མི་དམངས་རང་ལ་ཡོད། དེར་བརྟེན་བོད་ཆོལ་ཁ་གསུམ་ཁྱོན་ཡོངས་སུ་སྤྱི་དམངས་འོས་ཤོག་འཕེན་པའི་ནང་བོད་ མི་དམངས་ཀྱི་འདོད་བློ་ངོ་མ་དེ་ཤེས་རྟོགས་ཡོང་ཆེད་གྲོས་འཆར་གང་འདྲ་ཞིག་གི་ ནང་དུ་ཡང་འཆར་གཞིའི་གོ་རིམ་ཞིབ་ཕྲ་འཁོད་རྒྱུ་ཡིན།
ངས་གོ་སྐབས་འདི་དང་བསྟུན་ནས་ གསལ་བསྒྲགས་བྱ་རྒྱུར། ངོས་ནས་བོད་གཞུང་གི་ནང་དུ་འགན་འཁུར་རྐང་ལེན་གྱི་ལས་གནས་གང་ཡང་འཛིན་འདོད་ མེད། འོན་ཀྱང་ངོས་ནས་བོད་མི་དམངས་ཀྱི་ཁེ་ཕན་དང་བདེ་སྐྱིད་ཀྱི་ཆེད་དུ་དགོས་པ་ནམ་ བྱུང་བར་འབད་བརྩོན་ཡོད་རྒུ་རྩལ་སྤྲུགས་ཀྱིས་མུ་མཐུད་ལས་ཀ་བྱ་རྒྱུ་ཡིན། རྒྱ་ནག་མི་དམངས་སྤྱི་མཐུན་རྒྱལ་ཁབ་སྲིད་གཞུང་ལའང་ངོས་ཀྱི་བསམ་གཞི་དེ་དག་ རྨང་གཞིར་བཞག་ནས་གྲོས་འཆར་ཞིག་སྤྲད་ཆོག་ཡིན། བོད་གཞུང་གི་ཚབ་བྱེ

གསར་འགོད་པ་དང་དྲ་གྲོགས་རྣམས་ལ་ཞུ་རྒྱུ་ སི་ཏྲ་སི་སྦག་གི་གྲོས་ཆར་ཞེས་པ་ཐོས་པ་ཉུང་ངུ་མིན། འོན་ཀྱང་གྲོས་ཆར་དེ་གང་དང་གང་ཡིན་པ་ཞིག་དེ་སྔོན་ཤེས་མ་སོང་པས་། གསལ་བཤད་གཅིག་བྱུང་ན་བཀའ་དྲིན་ཆེ།

སྤྱི་འཐུས་རྣམས་པས་དགའ་བསུའི་ཐལ་སྒྲ་ཆེན་པོ་སྒྲོགས་སོང་ཟེར་།
ཆབ་སྲིད་པ་འདི་རྣམས་ཕྱོགས་གཅིག་ནས་བཤད་ན། ཆོས་པ་ལས་ཀྱང་བཟོད་སྒོམ་ཅན་ཞིག་ཡིན་པ་འདྲ། གང་ལྟར་ད་ལྟའི་གནས་བབ་ལ་བལྟས་ན་། རྒྱ་གཞུང་གི་དོགས་པ་གཙང་མ་སེལ་བར་བྱེད་པ་དང་་། བོད་མི་ཡོང་ལ་གཙན་བྱོལ་གཞུང་གི་བོད་སྤྱི་བས་གདམས་པའི་དབུ་མའི་ལམ་དུ་ཤར་བསྐྱོད་ལས། ཁ་ཁོག་གཉིས་མེད་པའི་གསལ་བཤད་དངོས་ཡོད་ར་སྤྲོད་བགྲོ་གླེང་སོགས་ཀྱི་མཐུན་རྐྱེན་སྦྱོར་མཁན་སྤྱི་འཐུས་ཁ་ཤས་དང་། བཀའ་ཟུར་མཆོག་བཅས་ལ་ཡག་སོང་ཞུ་རྒྱུ་ཡིན།

གསལ་བཤད་རིང་མོ་ལ་གོ་བ་ལེན་དཀའ་རྒྱུ་རེད་
ད་ཡང་སེམས་འཚབས་ཡོང་ནི་ཞིག་རེད་
དོན་དངོས་ཐོགས་ང་རང་ཚོའི་མ་བྱུང་བ་རེད་
འབྱུང་འགྱུར་སྤྱི་འཐུས་ཐད་ཚང་མའི་རེམ་དགོས་ཡ་

ལམ་དབུ་མའི་ལམ་དང་་་་དའི་ཐོབ་ཆ་མིང་དོན་མཚུངས་པའི་རང་སྲིད་རང་སྐྱོངས་རེད
༧་ཐུགས་རྗེའི་བདག་ཉིད་ཅན་གྱི་གསུངས་གསུངས་པ་རེད་
རྣམས་གྲངས་འདྲེན་པ་དང་་་་ཚིག་དུམ་རེ་བཅད་ནས་འདིར་མི་གསུངས་དོན་དང་ཕ་གི་ན་གསུངས་མི་འདུག་ཞེས་མཀྱེན་དཔྱོད་ཆེ་མདོག་བྱེད་དགོས་དོན་མི་འདུག་བསམ
དགོངས་འགལ་མེད་པར་ཞུ་་་་་ཁ་ནས་ཤོར་སོང་་་་

རང་བཙན་དང་། རང་སྐྱོང་། དབུ་མའི་ལམ་ཞེས་རྩོད་པ་རྒྱབ་ཅི་ལ་དགོས། ༧གོང་ས་མཆོག་གིས་སྔར་ནས་བོད་ཀྱི་ཆབ་སྲིད་ལམ་ལུགས་དམང་གཙོ་ཡིན་ཞེས་གསུངས་ཟིན་ལ། ད་ལྟ་བརྩོད་བཞིན་པའི་ལམ་ཁ་དེ་བོད་མི་མང་གིས་གང་ཞིག་འདེམས་ན་དེ་མ་རེད་དམ།

༧གོང་ས་མཆོག་གིས་ཡོངས་རྫོགས་གངས་ལྗོངས་རང་སྲིད་རང་སྐྱོང་དཔལ་ཞེས་དང་དབུ་མའི་ལམ་ལ་རེ་ཞིང་རྟག་གནས་ན་ཞེས་བྲིས་མ་གནང་བའི་རྒྱུ་མཚན་གང་ཡིན་ནམ།

རང་དབང་གཙང་མ། རང་བཙན་གཙང་མ། ལམ་དབུ་མ། བོད་རིགས་ཡོངས་ལ་མིང་དོན་མཚུངས་པའི་རང་སྲིད་རང་སྐྱོང་།

འདི་རྣམས་ཀྱི་ནང་ནས་བརྗོད་བྱ་རྒྱ་ཆེ་ཤོས་རྟིང་ཟབ་ཤོས་ནི་རང་དབང་གཙང་མ་ཞེས་པ་འདི་རེད་འདུག་སྙམ། མི་རིགས་ཤིག་ལ་རང་དབང་གཙང་མ་ཡོད་ན་རང་བཙན་ཡོད་དགོས། རང་བཙན་གཙང་མ་ཡོད་ན་རང་དབང་གཙང་མ་ཡོད་པའི་ཁྱབ་པར་མེད། དཔེར་ན། བལ་ཡུལ་ལྟ་བུ་ལ་རང་བཙན་གཙང་མ་ཡོད་ཀྱང་རང་དབང་གཙང་མ་མེད།

༧གོང་ས་མཆོག་གི་བདེན་ཚིག་སྨོན་ལམ་ལས།
གངས་ལྗངས་ཡོངས་རྫོགས་རང་དབང་གཙང་མའི་དཔལ། ཞེས་གསུངས་པའི་དོན་གྱི་བརྗོད་བྱ་ནི་གངས་ལྗོངས་ཡོངས་རྫོགས་རང་བཙན་གཙང་མའི་དཔལ་ཞེས་པར་ལས་ཀྱང་བརྗོད་བྱ་རྒྱ་ཆེ་བ་དང་རྟིང་ཟབ་པ་ཡོད་སྙམ།
དེ་འདྲ་ཡིན་དུས་༧གོང་ས་མཆོག་གི་སྔོན་ནས་རང་བཙན་གཙང་མ་འདོད་ཀྱིན་མེད་པའི་སྒྲུབ་བྱེད་དུ་མི་འགྲོ་སྙམ།

ལུང་གི་རྗེས་སུ་འབྲངས་བའི་སྤྱི་འཐུས་རྣམས་ལ་སྒྲུབ་བྱེད་འདི་འགྲོ་སྲིད་ཀྱང་རིག་པའི་འབྲངས་རྣམས་ཀྱིས་བདེན་ཁ་སྟེར་མི་སྲིད་སྙམ།
ཧ་ཧ་ཧ་ཧ་ཧོ

ད་སྤྱི་འཐུས་ཚོར་རང་དབང་ཆ་ཚང་གནང་འདུག་པས། ངོས་ལེན་ཡོད་མེད་ཀྱི་གྲོས་ཆོད་བཞག་ནས་དེ་ལ་ས་ཡིག་བསྡུ་རུབ་བྱེད་དགོས་དོན་མི་འདུག སྤྱི་འཐུས་ཚོར་བཀའ་ཤག་དང་བོད་མི་མང་། དེ་བཞིན་༧གོང་ས་མཆོག་ལམ་སྟོན་རྩ་ཆེན་གང་གནང་རྒྱུ་ཡོད་པ་ཐག་བཅད་ནས་བཀའ་ཤག་དང་༧གོང་ས་མཆོག་ལ་ཕུལ་ན། ༧གོང་ས་མཆོག་དང་བཀའ་ཤག་ག་དུས་ཡིན་ན་སྤྱི་འཐུས་ཀྱི་ལམ་སྟོན་དང་ལེན་བརྒྱ་ཆ་བརྒྱ་བྱེད་རྒྱུའི་གྲ་སྒྲིག་ཨང་གསར་རེད་འདུག
འདི་ནི་ཐེངས་དང་པོ་མ་ཡིན། ༡༩༩༧ ལོར་རྒྱ་ཆེའི་མི་མང་གི་བསམ་ཚུལ་བསྡུས་པ་རེད། ག་དུས་ཡིན་ན་ད་ག་རེ་གནང་ན་ཡག་པོ་འདུག་ཅེས་བཀའ་འདྲ་གནང་སྐབས་ཁྱེད་མཁྱེན་ཟེར་ནས་འགན་ཚང་མ་༧གོང་ས་མཆོག་ལ་ཨུ་ཚུགས་ཕུར་འདེབས་བྱས་ནས་ཡར་ཕུལ། དེ་ནས་༧གོང་ས་མཆོག་གིས་བཀའ་ཤག་དང་ཕྱག་འབྲེལ་དམ་པོས་གནས་བབ་དང་བོད་ཀྱི་ཁ་སྟབས་དང་མཐུན་པའི་ལས་དོན་གནང་བ་དང་། གྲོས་ཚོགས་ནས་བཀའ་ཁྲོལ་ཞུས་མ་སོང་ཟེར་ནས་ལས་དོན་ལ་བར་ཆད་དང་། མང་ཚོགས་ལ་མགོ་བསྐོར་གཏོང་བའི་ཐ་ཤལ་གྱི་བྱ་སྤྱོད་འདི་དག་ཞེད་སྣང་མེད་ཀྱང་འཚེར་སྣང་གི་སྒོ་ནས་སྤངས་དགོས་པ་ཤག་སྟག་རེད་འདུག

སྤྱིར་ན་ཟམ་གདོང་རིན་པོ་ཆེའི་གསུང་འདི་( སྤྱི་འཐུས་ལྷན་ཚོགས་ཀྱི་སྤྱི་མོས་གྲོས་ཆོད་སྔ་རྗེས་ཀྱི་དགོངས་དོན་བཞིན་༧གོང་ས་མཆོག་གི་ཡེ་ཤེས་དབྱིངས་དཔྱད་ཀྱིས་གནང་དགོས) སྤྱི་འཐུས་ཀྱིས་འཇུ་ཆེན་དང་བོད་མི་དམངས་ལ་བཤད་དགོས་བ་ཞིག་ཡིན་ནའང་སྤྱི་འཐུས་ཚོས་དེའང་བཤད་མ་ཤེས་པས་ཟམ་གདོང་རིན་པོ་ཆེ་འུ་ཐུག་ནས་ཁོང་གིས་གསུང་དགོས་བར་ཁེལ་བ་རེད། ངོ་མ་ཡིད་འཆད་ཀྱིན་འདུག

འཇུ་ཆེན་གྱི་གཏམ་བཤད།

བོད་རིགས་ཡོངས་ལ་མིང་དོན་མཚུངས་པའི་མི་རིགས་ས་ཁོངས་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་དེ་བཀའ་ཤག་དང་བོད་རྒྱ་ཞི་མོལ་ཚོགས་ཆུང་གི་སུ་སུ་ཡོད་ན་དེས་གནང་བ་མ་གཏོགས། སྤྱི་འཐུས་གྲོས་ཚོགས་ཀྱིས་ཇུས་གཏོགས་གནང་ཡོད་པ་མ་རེད། ༧གོང་ས་མཆོག་གིས་ང་ཕྱེད་བགྲེས་ཡོལ་ཡིན། བོད་མི་མང་གིས་བདམས་བཞག་པའི་བཀའ་ཤག་དེའི་འགན་བོད་མི་མང་གིས་ཁུར་དགོས་ཀྱི་རེད་གསུངས་བསྡད་ཀྱི་ཡོད་པས། དེ་ངས་སྐུ་མདུན་གྱི་དགོངས་གཞི་ཡང་ཨེ་ཡིན་ནམ་བསམ་གྱི་ཡོད།)

ཟམ་གདོང་རིན་ཆེས་གནང་བའི་ལན།

མ་འོངས་པར་བོད་རྒྱ་འབྲེལ་མོལ་གྱི་ལས་རིམ་དེ། སྤྱི་འཐུས་ལྷན་ཚོགས་ཀྱི་སྤྱི་མོས་གྲོས་ཆོད་སྔ་རྗེས་ཀྱི་དགོངས་དོན་བཞིན་༧གོང་ས་མཆོག་གི་ཡེ་ཤེས་དབྱིངས་དཔྱད་ཀྱིས་གནང་དགོས་པ་ཆགས་སམ། ཡང་ན་གནད་དོན་དེ་སྤྱི་འཐུས་ལྷན་ཚོགས་རང་གིས་ཐུགས་འགན་གཙང་མ་བཞེས་རྒྱུ་རེད། དེ་གསལ་བོ་ཞིག་དང་གཙང་མ་ཞིག་ཐག་གཅོད་གནང་རོགས།

ད་དུང་བསྟན་འཛིན་མགོན་པོ་སོགས་རྩ་མི་ཚང་བའི་སྨྱོ་འཐུས་འགའ་ཞིག་ཀྱང་ཡོད།

ཟམ་གདོང་རིན་པོ་ཆེ་ལ་ཐུགས་རྗེ་ཞུ།