ལྷག་དཀར་དམ་བཅའ།

ང་ལ་ཚང་མ་ཚང་གི་འདུག །གསར་དུ་དམ་བཅའ་མི་དགོས་སོ། །

ང་ཚོ་བོད་མིའི་བོད་སྐད།

ང་བོད་མི་ཡིན།
ང་སྐྱེས་ས་བོད་ཡིན།
ང་འཚོ་ས་བོད་ཡིན།
ང་འཆི་ས་བོད་ཡིན།

ང་བོད་པ་ཡིན།
ངའི་ཕ་བོད་པ་རེད།
ངའི་ཕ་ཡུལ་བོད་རེད།
ངའི་ཡུལ་སྐད་བོད་སྐད་རེད།

ང་རྩམ་ཟན་པ་ཅིག་ཡིན།
ང་འབྲོག་ལས་བྱེད་མཁན་ཅིག་ཡིན།
ང་ཞིང་ལས་བྱེད་མཁན་ཅིག་ཡིན།
ང་བོད་སྐད་རྒྱག་མཁན་ཅིག་ཡིན།

ང་གངས་ཅན་པ་ཡིན།
ངའི་ཨ་མ་བོད་མི་རེད།
ངའི་མ་ཡུལ་བོད་རེད།
ངའི་མ་སྐད་བོད་སྐད་རེད།

ང་ཁ་བ་ཅན་པ་ཞིག་ཡིན།
ངའི་ཕ་མ་ཁ་བ་ཅན་ནས་རེད།
ངའི་སྤུན་གཉེན་ཁ་བ་ཅན་ནས་ རེད།
ངའི་ཁ་སྐད་དེ་བོད་སྐད་འདི་རེད།

ང་ཚོ་བོད་རིགས་ཤིག་ཡིན།
ང་ཚོ་ཏྰ་ལའི་རྗེས་འབྲངས་ཤིག་ཡིན།
ང་ཚོ་མདོ་དབུས་ཁམས་གསུམ་ནས་ཡིན།
ང་ཚོའི་སྐད་དེ་བོད་སྐད་འདི་ཡིན།

ང་ཚོ་བོད་ལ་སྡོད་མཁན་ཅིག་ཡིན།
ང་ཚོ་ཁག་ཅིག་བཙན་བྱོལ་བ་ཡིན།
ང་ཚོ་ཁག་ཅིག་ཚོང་རྒྱག་མཁན་ཡིན།
ང་ཚོའི་ཚོང་སྐད་དེ་བོད་སྐད་འདི་ཡིན།

ང་ཚོ་གྲངས་ཉུང་མི་རིགས་ཅིག་ཡིན།
ང་ཚོ་ཞི་བའི་འཐབ་རྩོད་པ་ཅིག་ཡིན།
ང་ཚོ་དྲང་བདེན་འཐབ་རྩོད་པ་ཅིག་ཡིན།
ང་ཚོའི་འབོད་སྒྲ་དེ་བོད་སྐད་འདི་ཡིན།

ངེད་བོད་རིགས་ཚང་མས་རང་དོན་རང་གཅེས་ཀྱིས་ལས་གཞི་འདི་རིགས་ཕྱོགས་གང་ས་ནས་གང་ཐུབ་ཀྱིས་སྤེལ་ན་མི་རིང་བར་བོད་སྐད་ཀྱི་ཟུངས་གསོས་ཤིང་རིག་གཞུང་གི་སྟོབས་སྔར་བཞིན་རྒྱས་ངེས་ཡིན་པས་ཕྲན་གྱིས་རྗེས་སུ་ཡིད་རངས་ཙམ་མིན་པར། རྗེས་སུ་འབྲངས་ཏེ་ལག་སྟར་བྱེད་དོ༎

གངས་ཁྲོད་ཀྱི་བྱིས་པ་ལགས་དང་པོ་རང་ཉིད་ཀྱིས་གོམ་པ་སྤོ་དགོས་ཞེས་པ་ནི་ལྷག་དཀར་དམ་བཅའི་ལས་ཀྱི་སྣེ་མོ་བ་རྣམས་ལ་ཞུ་ཡི་ཡོད། དེས་དེང་སང་སྤྱི་སྒེར་མང་པོའི་ཚོགས་པའི་ལས་སྣེ་དུ་མས་སྐད་ཆ་རྫིག་པོ་བཤད་པ་ལས་རང་ངོས་ནས་ལག་སྟར་བྱེད་ཀྱི་མེད། དེ་ལྟར་མི་ཡོང་བའི་འབོད་བསྐུལ་ཞུས་པ་ལས་ཕ་སྐད་གཙང་མ་བོད་མི་བྱེ་བྲག་འགའ་ཤས་ལས་གངས་པ་ཐུན་མོང་གིས་ལོངས་སུ་སྤྱོད་མི་དགོས་ཞེས་བཤད་རྒྱུ་མ་བྱུང་། ད་ཁྱེད་ལ་ཐུགས་དོགས་ཅི་མཆིས་ལགས།

དངོས་གནས་ཡག་པོ་རེད།
ཕྱི་ཕྱོགས་ནས་བོད་གཞུང་གི་ལས་ཁུངས་ཁག་གཙོས་ཚོགས་སྡེ་དང་མི་མང་གིས་ཀྱང་ལས་དོན་འདིར་ཧུར་ཐག་བྱ་རྒྱུའི་རེ་བ་ཡོད།

ཉེ་ཆར་བོད་དུ་སློབ་བུ་རྣམས་ཀྱི་འདི་ལྟ་བུ་ལས་འགུལ་དཔེལ་གྱི་ཡོད་རེད་ཧ་ཅང་
གི་རྗེས་སུ་ཡིད་རང་ཞུ་བཞིན་ཡོད་
དེའི་སྐོར་གློ་བརྙན་མཐོང་རྒྱུ་འདུག་དེ་མཐོང་སྐབས་དངོས་ནི་སེམས་ལ་ཚ་ཧུར་
ཧུར་བྱེད་ཀྱི་འདུག་
བོད་ས་གང་སར་ཕེབས་ནི་ཁྱེད་བོད་པ་ཡིན་ནམ་ཡིན་ན་གཞན་དང་མི་འདྲ་བའི་
ཁྱེད་ཆོས་གང་ཡོད་བཅས་དྲི་ཀྱི་འདུག་
ལན་ང་བོད་ཡིན་ངས་མ་ནི་འདོན་གྱི་ཡོད་མགའ་ང་བོད་ཡིན་བོད་ཀྱིས་ལུག་རྫི་
ཡིན་མགའ་ངས་རྩམས་པ་ཟ་ཀྱི་ཡོད་མགའ་ང་བོད་ལ་དགའ་ལེན་སྣ་ཚོགས་རྒྱབ་བཞིན་འདུག་

ལས་དོན་འདི་དང་ངའི་སེམས་པའི་བར་ཐག་ཧ་ཅང་ཉེ་འདུག་བསྟབ་མོས་མཐུན་ཡོད་འདི་འདྲའི་ཚོགས་པ་ལ་ཞུགས་པའི་འདོད་འདུན་ཡོད་ཀྱང་གོ་སྐབས་དེ་ཧ་ཅང་ཕྲ་གི་་་་་་་་་་་་་་་་་་་ཡིན་ད་བོད་པ་ཚོ་་་་་་་་་་དོན་གྱི་བོད་པ་ཞིག་ཡིན་ན་ངོ་མ་འདི་ལྟ་བུ་ཡིན་དགོས་་་་་་་་་་་ཁྱེད་རྣམས་པའི་ལས་དོན་འགྲུབ་པའི་སྨོན་འདུན་ཡོད་་་་་་་་་་་་་་་་འགྲུབ་

ལྷག་དཀར་དམ་བཅའ་འདི་དག་ང་ཚོ་བོད་མི་མི་རེ་ངོ་རེའི་གཞི་རྩའི་ལས་འགན་གཡོལ་མེད་ཅིག་ཏུ་སེམས། འོན་ཀྱང་ཡིད་སྐྱོ་བ་ཞིག་ལ་ལྷག་དཀར་དམ་བཅའ་བས་ཀྱང་ད་ལྟའི་ང་ཚོའི་སྐུ་ངོ་ཚོ་དང་དབང་གྲགས་ཅན་འགའ་ཤས་ཀྱི་སྤྱོད་ཚུལ་ལྟར་རང་གིས་དམ་བཅའ་ཙམ་ལས་ཁོས་དབང་སྒྱུར་ཐུབ་པའི་ནུས་པའི་ཁྱབ་ཁུངས་སུ་ཡོད་པའི་རང་ཉིད་ཀྱི་ཤ་ཆད་བུ་ཕྲུག་རྣམས་དང་། ནང་མི་ཉེ་འབྲེལ་སོགས་ཀྱིས་དེ་ལྟར་བྱེད་པའི་དམ་བཅའ་ཕར་ཞོགས་མཐའ་ན་འབོད་བསྐུལ་བྱེད་པའི་དམ་བཅའི་ཚིག་ཟིར་ཙམ་ཡང་མི་འདུག་པ་འདི་ད་ལྟའི་སྐུ་ངོ་འགའ་ཤས་ཀྱི་སྤྱོད་ཚུལ་ལས་མ་འདས་བ་ཞིག་ཏུ་སེམས་སོ།།

ཁ་བའི་འོད་མདངས། ལགས། ཁྱེད་ཀྱི་ དེ་ཡང་དང་པོ་སོ་སོའི་ངོས་ནས་གོམ་པ་སྤོ་དགོས་པ་ནི་ཤིན་ཏུ་གལ་ཆེ། ཞེས་པ་དེ་སུ་ཞིག་ལ་ལབ་ཀྱི་ཡོད་དམ། ངེད་གངས་ཅན་པའི་ཕ་སྐད་གཙང་མ་ཞིག་དང་ཕ་ས་བུ་བརྒྱུད་བསྙེགས་རྒྱུ་དེ་ནི་གངས་ཅན་པའི་ལས་འགན་ཞིག་རེད་མ་གཏོགས་བོད་མི་བྱེ་བྲག་པ་ཞིག་ལ་དབང་བ་མིན། ལྷག་དཀར་དམ་བཅའི་རེ་སྨོན་ཞིག་དང་དྲན་གསོ་གནང་བ་དེ་ངས་རྗེས་སུ་ཡིད་རུང་དང་དེ་རིང་ནས་བཟུང་ངས་བོད་སྐད་གཙང་མ་ཞིག་ལ་བསྐྱོད་རྒྱུ་ཡིན། ངས་དེ་རིང་བོད་པ་ཞིག་འཕྲད་དུས་བོད་སྐད་གཙང་མ་ཞིག་བཤད་རྒྱུ་ཡིན།

ཁྱེད་རྣམས་པས་འདི་ལྟ་བུའི་ཕྱག་ལས་གནང་བར་བཀྲ་ཤིས་བདེ་ལེགས་དང་རྒྱུན་མཐུད་ཐུབ་པའི་སྨོན་འདུན་ཞུ། དེ་ཡང་དང་པོ་སོ་སོའི་ངོས་ནས་གོམ་པ་སྤོ་དགོས་པ་ནི་ཤིན་ཏུ་གལ་ཆེ།

༼ང་བོད་ཡིན། དེ་རིང་ནས་བཟུང་བོད་ཀྱི་བག་ལེབ་ལས་རྒྱ་དགར་ནག་གང་གང་གི་བག་ལེབ་ཀྱང་མི་མཆོད༽ཅེས་པ་ཞིག་ཀྱང་ཁར་སྣོན་མ་འོས་པ་འདུག་གམ།