བླ་མར་དབང་ཤུགས་ཆེ་ས་ན་དམངས་གཙོ་མེད། ལྷམ་ཀོག

ལོ་རྒྱུས་དང་སྤྱི་ཚོགས་ལ་རྒྱུས་མངའ་ཡག་པོ་གནང་སྟེ་གཟུ་བོའི་བློས་ཕྱོགས་ལྷུང་དོར་སྟེ་དྲང་བདེན་གྱི་སྐད་ཆ་བཤད་ན་ཀུན་ལ་ཕན། རང་ཉིད་མི་དགའ་བ་ཙམ་གྱིས་གཞན་ལ་བདེན་མིན་གྱི་གཏམ་མང་པོ་སྨྲ་བ་ནི་སྤྱི་ཚོགས་དཀྲུགས་ཤིག་ལས་གཞན་ཅི། དེས་ན་དྲྭ་གྲོགས་ཡོངས་ཀྱིས་ཐུགས་བསམ་ཡག་པོ་བཞེས་ནས་དཔྱད་གླེང་གནང་བ་ནི་ཟིན་བྲིས་འདེབས་པའི་དགོས་སྙིང་ཡིན། ཁྱེད་རྣམས་གཟིམ་འཇམ་གནང་། སང་ཉིན་མཇལ་ཡོང་།

རྒྱ་མིའི་སོ་བ་ལགས་ཀྱིས་བཤད་པ་དག་ལ་རྒྱུ་མཚན་འདུག

བླ་མ་ཚོའི་མདུན་ནས་མི་ཞིག་སྒལ་ཚིགས་བསྲིངས་ནས་ཡར་ལངས་ན་ནག་ཉེས་སུ་བརྩི། བླ་མ་མང་ཆེ་བས་མིའི་སྐད་ཆ་ལ་ཉན་མི་ཤེས་ཤིང་། མི་སྐད་བཤད་མི་ཤེས། ཚད་ངེས་ཅན་གྱི་ཐོག་ནས་བཤད་ན་སྤྲུལ་སྐུའི་མིང་ཅན་མང་པོ་ཞིག་མི་མིན།

ཁྲོམ་ཐོག་ནས་སྒྲོག་པ་མི་འཐད་ན་བཀའ་གདམ་གསར་རྙིང་གཉིས་ཀའི་ཐུགས་དམ་གྱི་མཐུལ་་་ཁེ་དང་རྒྱལ་ཁ་གཞན་ལ་སྤྱིན། །གྱོང་དང་བུབ་ཁ་རང་གིས་ཉོ། །ཟེར་བ་འདི་དང་། བདག་ལ་ཉེས་པ་ཅུང་མེད་བཞིན་དུ། །གང་དག་བདག་གི་མགོ་བོ་གཅོད་བྱེད་ནའང་། །སྙིང་རྗེ་དབང་གིས་དེ་ཡི་སྡུག་པ་ནི། །བདག་ལ་ལེན་པ་རྒྱལ་སྲས་ལག་ལེན་ཡིན། །གསུངས་མཁན་དེ་ཚོ་ལ་གཅིག་ཤོད། དེ་དེའི་བརྒྱད་འཛིན་དེ་ཚོ་ལ་གཅིག་ཤོད།

དྲ་གྲོགས་རྒྱ་མིའི་སོ་བ་ལགས། བོད་དོན་ཟེར་དུས་ཁུ་ཚུར་གནམ་དུ་ཕྱར་དགོས་པ་ཁོ་ན་ཞིག་མིན་པ་ཁྱེད་བདེན་དུ་འཆུག་ཀྱང་། འདས་པའི་དཔའ་བོ་དཔའ་མོ་དག་གིས་ཁུ་ཚུར་གནམ་ལ་ཕྱར། བདེན་པའི་སྐད་ཤུགས་བཏོན། མིག་ཀོང་ཆུ་མས་བཀང་དེ་རྒྱུགས་པའི་ཚུལ་དེ་ཆོས་དང་མི་མཐུན་རབས་གླེང་ནས། དེ་དག་གི་ཤུལ་ལུས་ཕ་མའི་སེམས་གསོད་པ་དང་། བོད་མིའི་ཞི་བའི་ངོ་རྒོལ་གྱི་དབལ་གཞོམ་པ་ནི་འོས་པ་ཞིག་ཏུ་མཐོང་ངམ། ཁོ་རང་ཉིད་རིག་གཞུང་གི་དོན་དུ་ཁུ་སིམ་མེར་བཞུགས་ན་རང་དབང་ཡིན་མོད། ཁྲོམ་ཐོག་ནས་གང་སར་སྒྲོག་པ་ནི་ཤིན་ཏུ་མི་འཐད་དོ།

བོད་དོན་ཟེར་དུས་ཁུ་ཚུར་གནམ་ལ་ཕྱར་ཏེ་རྒྱུགས་འཇོག་དགོས་པའི་ངེས་པ་ནམ་ཡང་མེད་པར་འདོད། ་་་་ནོར་བཅོས།

རྒྱ་མའི་སོ་བ་ལགས། ཁྱེད་རང་གིས་རང་ལ་དྲི་བ་ཞིག་འདོན་འདུག་གཟིགས་དང་ཁྱེད་ཀྱི་ཚིག་རིས་ཇི་བཞིནབཤུས་ཡོད།[བླ་མ་གྲྭ་པས་དགོན་ནང་དུ་ཆོས་དང་རིག་གཞུང་བདག་པོ་བརྒྱབ་སྟེ་བསྡད་ན་དེ་ནི་འོས་ལངས་ལས་ལྷག་གི་ལས་འགུལ་ཞིག་རེད། འོས་ལངས་མི་མང་རང་གིས་སྤེལ་ན་ཡག་ནི་རེད།
རྒྱ་མིས་ཡིན་ན་ཡང་བླ་མ་གྲྭ་པས་ལས་འགུལ་སྤེལ་བ་ལ་སངས་རྒྱས་ཆོས་ལུགས་དང་འགལ་བ་རེད་ཅེས་དང་། ཏཱ་ལའི་རུ་ཁག་གི་བྱ་བྱེད་ཅེས་ག་ཚོད་བཤད་སོང་། ཕན་ཐོག་དེ་ཙམ་མི་འདུག་ཡིན་ན་གྲོགས་པོ། མི་མང་ལ་སངས་རྒྱས་ཆོས་ལུགས་དང་མི་མཐུན་པ་རེད་ཟེར་བ་དང་། རྒྱབ་ལ་ཆོས་གོས་གྱོན་པའི་སྤྱང་གུ་ཟེར་བ་ཞིག་རྒྱ་དམར་ཡིན་རུང་ཡོད་ནི་མ་རེད་ལོ། ] གང་ལྟར་ཁྱེད་ཀྱིས་བལྟས་ན་ན་ནིང་གི་གྲྭ་བ་དག་གི་འོས་ལངས་ཀྱི་བྱེད་སྒོ་དེ་འགྲིག་ཡོད་དམ། གལ་ཏེ་མེད་ན་རྒྱ་མིས་བཤད་པ་དང་གཅིག་མཚུངས་རེད། མི་དགེ་བཅུ་བོ་ཡང་སྲུང་གི་ཐུབ་གི་མི་འདུག་ཟེར་བ་དེ་དང་འཕྲོད་ཡོད་འདུག གལ་ཏེ་འགྲིག་ཡོད་ན་བླ་མ་དེ་དག་གིས་བཤད་སྟངས་དེ་ལ་སྐྱོན་འདུག གཉིས་ཀའི་གང་རུང་ལས་ཁྱེད་བཤོལ་ཐུབ་ཀི་མི་འདུག

ད་སྐབས་བོད་ཀྱི་བླ་ཆེན་མང་ཆེ་བ་བཙན་བྱོལ་དུ་བཞུགས་ཡོད་པས་མི་མང་གི་སེམས་ནང་ལ་བཞེས་བཞུགས་ཀྱི་བླ་མ་ལས་བྱེས་འབྱོར་གྱི་བླ་མ་བརྩི་མཐོང་ཆེ་བས། བྱེས་འབྱོར་བླ་མའི་དབང་ཤུགས་ཀྱིས་དམངས་གཙོའི་ལྟ་བ་མེད་པར་མ་ཆགས་ན་བཞེས་བཞུགས་བླ་མའི་དབང་ཤུགས་ཀྱིས་དམངས་གཙོའི་ལྟ་བ་མེད་པ་ཇི་ལྟར་གྱུར།

སྐུ་ཞབས་བདེན་པའི་གཅེར་བུ་ལགས། ཁམས་ཕྱོགས་ཀྱི་བླ་མས་ཆོས་བཤད་དུས་ཆོས་ཀྱི་ནང་གང་ཡོད་པ་དེ་བཤད་དགོས་པ་མ་རེད་དམ། བོད་ཀྱི་རྩ་དོན་གཅིག་ནི་ཆོས་དང་དང་རིག་གཞུང་སྲུང་སྐྱོབ་རེད། སྲུང་སྐྱོབ་བྱེད་དགོས་ན་སོ་བྱང་སྔགས་གསུམ་གྱི་སྡོམ་དམ་ཚིག་སྲུང་དགོས་པ་རེད་མ་གཏོགས་ཆོས་དང་མི་མཐུན་པའི་ཆོས་ཤིག་ཡོད་པ་ལས་མེད་ན་ཡག་གི་རེད།
ངོ་རྒོལ་ལས་འགུལ་སྤེལ་རྒྱུ་དེ་མི་མང་གི་ལས་འགན་རེད། མི་མང་གཉིད་སད་དགོས་པ་རེད། མི་མང་ལ་ལས་འགུལ་མ་དགོས་ན་བླ་མ་གྲྭ་པས་ཨུ་ཚུགས་བརྒྱབ་ནས་གང་ཡང་ཕན་ནི་མ་རེད། ཁམས་ཕྱོགས་ཀྱི་བླ་མ་ཚོས་རང་གི་གྲྭ་སློབ་ཚོར་ཆོས་དང་མཐུན་དགོས་པར་བཤད་པ་ལས་མི་མང་ལ་དེ་ལྟར་བཤད་ཡོད་པ་མ་རེད། བླ་མ་གྲྭ་པས་དགོན་ནང་དུ་ཆོས་དང་རིག་གཞུང་བདག་པོ་བརྒྱབ་སྟེ་བསྡད་ན་དེ་ནི་འོས་ལངས་ལས་ལྷག་གི་ལས་འགུལ་ཞིག་རེད། འོས་ལངས་མི་མང་རང་གིས་སྤེལ་ན་ཡག་ནི་རེད།
རྒྱ་མིས་ཡིན་ན་ཡང་བླ་མ་གྲྭ་པས་ལས་འགུལ་སྤེལ་བ་ལ་སངས་རྒྱས་ཆོས་ལུགས་དང་འགལ་བ་རེད་ཅེས་དང་། ཏཱ་ལའི་རུ་ཁག་གི་བྱ་བྱེད་ཅེས་ག་ཚོད་བཤད་སོང་། ཕན་ཐོག་དེ་ཙམ་མི་འདུག་ཡིན་ན་གྲོགས་པོ། མི་མང་ལ་སངས་རྒྱས་ཆོས་ལུགས་དང་མི་མཐུན་པ་རེད་ཟེར་བ་དང་། རྒྱབ་ལ་ཆོས་གོས་གྱོན་པའི་སྤྱང་གུ་ཟེར་བ་ཞིག་རྒྱ་དམར་ཡིན་རུང་ཡོད་ནི་མ་རེད་ལོ།

ལྷམ་ཀོག་དང་བདེན་པའི་གཅེར་བུ་སོགས་ཁྱེད་རྣམས་ལ་ཞུ་རྒྱུ། ལོ་རྒྱུས་ལ་ཕྱི་མིག་བྱས་ན་དེ་སྔོན་བོད་རང་གི་ཆོས་དང་རིག་གཞུང་སྲུང་སྐྱོབས་གནང་མཁན་མང་ཆེ་བ་ནི་བླ་མ་དང་གྲྭ་པ་ཡང་ན་དེའི་སྤྱི་ཚོགས་ནས་སླེབས་པའི་མི་བུ་དག་ཡིན། འོང་ཏང་ཁོང་རྣམས་སངས་རྒྱ་དག་དག་མ་ཡིན་པས་ནོར་འཁྲུལ་ཅུང་ཟད་ཡོད་མོད། ཕྱོགས་གཉིས་ཀར་གཞིགས་ནས་སྐད་ཆ་བཤད་དགོས། མང་པོ་ཞིག་གིས་སྤྲུལ་སྐུ་ཚང་མ་བླ་མ་རེད་བསམ་ནས་སྤྲུལ་བརྫུན་རྣམས་པའི་ནོར་འཁྲུལ་བླ་མར་འགེལ་བ་དང་། སྡོམ་པ་དམ་ཚིག་ཡོད་མེད་ལ་མི་བལྟ་བར་གཟན་ཤམ་གྱོན་ཚད་གྲྭ་པར་བཟུང་ནས་དེ་དག་གི་སྐྱོན་རྣམས་གྲྭ་པར་འགེལ་བ་ནི་རྣམ་པར་ཕྱེ་བའི་ཤེས་རབ་ཀྱི་མིག་མེད་པའི་སྐྱོན་ཡིན། གྲྭ་པ་ཡིན་མིན་ནི་རྒྱུད་ལ་རབ་བྱུང་གི་སྡོམ་པ་ཡོད་མེད་ལ་བལྟ་དགོས་པ་ལས་གོས་ཀྱི་ཚོས་གཞི་དང་བཟོ་དབྱིབས་ལ་བལྟ་ཡ་མེད། དེས་ན་རབ་བྱུང་གི་སྡོམ་པ་མེད་ན་ཆོས་གོས་སེར་པོ་རྟག་ཏུ་གྱོན་ནས་བཟང་ཕྱོགས་ཀྱི་བྱ་བ་གང་་ཞིག་སྒྲུབ་ཀྱང་མི་སྐྱ་ཞིག་གི་བཟང་སྤྱོད་ལས་གྲྭ་པ་ཞིག་གི་བཟང་སྤྱོད་མིན། དེ་ལས་ལྡོག་ཏེ་རབ་བྱུང་གི་སྡོམ་པ་ཡོད་ཚེ་རྒྱུན་པར་མི་སྐྱའི་ཆས་གོས་གྱོན་ནས་ངན་ཕྱོགས་ཀྱི་བྱ་བ་གང་ཞིག་སྒྲུབ་ཀྱང་གྲྭ་པ་ཞིག་གི་ངན་སྤྱོད་ལས་མི་སྐྱ་ཞིག་གི་ངན་སྤྱོད་མིན། འདི་ནི་དངོས་ཡོད་མཐོང་བའི་བློ་གྲོས་མི་ལྡན་པར་དོན་མེད་སྐུར་བ་འདེབས་པའི་སྐྱེ་བོ་རྣམས་ལ་གདམས་ངག་ཡིན་པས་ཞིབ་གཟིགས་གནང་རོགས།

ཏཱ་ལའི་བླ་མ་ཁོ་ན་ཆབ་སྲིད་ཀྱི་བདག་དབང་ཡོད་པའི་བླ་མེད། བོད་ནང་གི་གནས་སྟངས་ནི་་་་ནོར་བཅོས།

སྐུ་ཞབས་རྒྱ་མིའི་སོ་བ་ལགས། ཁྱེད་ཀྱིས་ཀུན་མཁྱེན་སོགས་ཀྱིས་མཚོན་པའི་རྒྱ་མིའི་ཕོག་ཟ་མཁན་གྱི་བླ་མིང་དག་གིས་རང་གི་ལྷ་སྡེ་མི་སྡེ་ནས་མགོ་བརྩམས་ཏེ་རྒྱ་མིའི་མགྲིན་ཚབ་པ་བྱས་ནས་རྒྱ་མི་ཡགས་རབས་རྒྱན་རབས་གླེང་ནས་རང་ལ་གཏོགས་པའི་མི་སྡེ་དག་གི་ན་གཞོན་དག་གི་སེམས་ཤུགས་གཅོགས་ཐུབ་ཀྱིན་མེད་རུང་རྒན་པ་དང་ལོ་ཚོད་སྨིན་པ་དག་ལ་མགོ་སྒུར་དུ་འཇུག་གི་ཡོད་པ་དང་། ཁམས་ཕྱོགས་ཀྱི་བླ་སྤྲུལ་གང་མང་མང་ཞིག་གིས་ཆོས་བཤད་རྒྱབ་ནས་ན་ནིང་གི་འོས་ལངས་ཆེན་མོ་དེ་ཆོས་དང་མི་མཐུན་ཚུལ་ལྷག་པར་དུ་གྲྭ་བ་ཞིག་ལ་དེ་མི་མཛའ་རབས་གླེང་ཞིང་། ཆོས་པ་ཞིག་ཡིན་དུས་ནམ་མཁའ་མཐའ་དང་མཉམ་པའི་སེམས་ཅན་ཐམས་ཅད་བསམ་དགོས་པ་ལས་དེ་ལ་ཁྱད་པར་འབྱེད་རྒྱུ་མེད་ཚུལ་གླེང་ནས་དད་ལྡན་ཡིག་རྨོངས་པ་མང་པོའི་སེམས་ཤུགས་གཅོག་པའི་ངང་ཚུལ་དག་ལ་ལྟོས་ཤིག་དང་ཉོན་ཞིག་དང་གོ་རྒྱུ་ཡོད་འདུག དེ་ལྟའི་གནས་སྟངས་དེར་བོད་མིའི་ད་ལྟའི་གནས་སྟངས་སུ་ཤོད་མི་རིགས་པའི་རྒྱུ་མཚན་ཅི་རེད། མི་རང་ག་བ་ཞིག་གིས་ཤུགས་རྐྱེན་དེ་འདྲ་ཐེབས་རྒྱུ་ཨེ་རེད། དེ་དག་བླ་སྤྲུལ་གྱི་མིང་ཐོག་ཏུ་ཡོད་པས་མ་ཡིན་ནམ། གཙོ་བོ་མཆན་ཞབས་པམང་པོ་ཞིག་གིས་ག་གོར་གྱི་མགོ་ཚོས་གྱིན་མི་འདུག་པས་ལན་གྱི་ངལ་བ་མ་བྱས་སོ།།

སྤྱིར་བཏང་བཤད་ན་ལྷམ་ཀོག་གི་རྩོམ་ཡིག་འདི་ཡག་པོ་འདུག ཡིན་ན་ཡང་བོད་ནང་གི་གནས་སྟངས་གཞི་ལ་བཞག་ནས་བྲིས་ཟེར་དུས་ཅི་ཞིག་ཤོག་གྱིན་ཧ་མི་གོ་བ་ཞིག་ཆགས་སོང་། དེང་སང་བོད་ནང་ལ་མཚོན་ན་ཡོད་ཚད་རྒྱ་དམར་གྱིས་དབང་སྒྱུར་བྱས་ཡོད་པ་ལས། བླ་མས་ཆབ་སྲིད་ཀྱི་སྣེ་ཁྲིད་མཁན་དང་དབང་སྒྱུར་བྱེད་མཁན་མེད།
གཞི་རྩའི་སངས་རྒྱས་ཆོས་ལུགས་ནས་བཤད་པའི་བླ་མ་དང་བོད་ཀྱི་སྤྲུལ་སྐུ་གཉིས་སོ་སོར་ཕྱེད་དགོས་པ་གལ་ཆེན་པོ་རེད། བོད་ཀྱིས་སྤྲུལ་སྐུ་ཚོས་ཆབ་སྲིད་ལ་ཧབ་ཐོབ་བྱས་པའི་ལོ་རྒྱུས་རིང་པོ་ཡོད་རུང་། བོད་ཀྱི་ཆབ་སྲིད་ལ་དབང་བའི་བླ་མ་ནི་ཏཱ་ལའི་བླ་མ་གཅིག་པུ་རེད། པཎ་ཆེན་བླ་མ་ནི་བཀྲ་ཤིས་ལྷུན་པོའི་དགོན་དཔོན་ཡིན་པར་ཏཱ་ལའི་གཅུ་གསུམ་པས་བཤད་ཡོད། ཁྱོད་ཀྱིས་(འདི་ལས་ཐར་དགོས་ན་ང་ཚོའི་སྤྲུལ་སྐུའི་ རིག་གནས་སམ་བླ་མའི་རིག་གནས་འདིའི་མགོ་རྟིང་སློག་དགོས།)་ཞེས་བཤད་པ་དེ་དམང་གཙོ་གོང་འཕེལ་གྱི་ཆེད་དུ་ཡིན་ན་ཆབ་སྲིད་ལས་དབང་སྒྱུར་གྱེད་མཁན་གྱི་བླ་མ་ལས་བླ་མ་གཞན་པ་ཚོ་དེའི་ནང་དུ་ཚུད་མེད་པར་འདོད།
ཡང་ཁྱེད་ཀྱིས་(དེ་བས་བླ་མའི་མཛད་འཕྲིན་རྒྱས་ས་ན་མི་འཇོན་ ཐང་ཅན་ལ་མི་དམངས་ཀྱི་སྣེ་འཁྲིད་དགོས་པའི་འདེམས་ཤོག་མེད་པ་རེད། དེས་མཚོན་པའི་ བླ་མ་སྤྲུལ་སྐུ་ཅི་ལྟར་ཤུགས་ཆེན་པོས་བཀུར་ས་ན་དམངས་གཙོ་མེད་པ་དང་། དམངས་གཙོ་ དར་ཡང་ཐུབ་གི་མ་རེད། དམངས་གཙོའི་བདག་དབང་ཡོད་རྒུ་བླ་མས་སྒེར་གཅོད་ཀྱིས་ཟིལ་ གྱིས་མནན་ཡོད་པ་རེད།)ཅེས་པ་འདི་སངས་རྒྱས་ཆོས་ལུགས་ཀྱི་བླ་མ་ཡིན་ནམ་ཆོས་ལུགས་གཞན་པའི་བླ་རེད། ཆོས་ལུགས་གཞན་པ་ལ་མཚོན་ན་དམང་གཙོ་ཤུགས་ཆེ་བའི་རྒྱ་གར་ལྟ་བུ་དང། དམང་ཚོ་ཚད་དང་ལྡན་པའི་ཨ་རི་ལྟ་བུ་ན་ཡང་ཆོས་ལུགས་འདྲ་མིན་གྱི་བླ་མ་མང་པོ་ཡོད་པ་རེད། དེ་བས་ན་ཁྱེད་ཀྱིས་སྨྲས་པ་ལ་རྒྱུ་མཚན་མེད་པ་ཞིག་ཏུ་གྱུར་ཡོད། སངས་རྒྱས་ཆོས་ལུགས་སམ་བོད་ཀྱི་ཆོས་ལུགས་ལ་མཚོན་ན་ཆབ་སྲིད་ལ་དབང་སྒྱུར་བྱེད་མཁན་གྱི་བླ་མ་དེ་ཏཱ་བླ་མ་གཅིག་པུ་རེད། དེ་མགོ་རྟིང་སློག་དགོས་པའི་དོན་རེད་དམ་མ་རེད་ཅེས་པའི་དྲི་བ་ཞིག་འདུག

དགུ་ཚིགས་སྐྱ་མོ་ལགས་ དེ་འདྲ་ཡིན་ན་ཁྱོད་ལ་ཡང་བདེན་པ་མཐོང་བའི་མིག་མེད་པ་ཡིན་པ་འདྲ་ ཨ་ལ་ཀུ་རེ་ཡིན་ ཐུགས་སྤོ་མ་ལང་ བོད་མིའི་མདུན་ལམ་དང་བདེ་སྐྱིད་འཕྲོགས་པ་རེད་དམ་ཡང་ན་བཙོང་བ་རེད་ དགྲ་གཉེན་སོ་སོར་ངོས་ཟིན་མཁན་དེ་ཁྱོད་འདྲ་བོ་ཞིག་ཡིན་ན་རྒྱུ་འབྲས་གོ་ལྡོགས་ཡིན་ས་རེད་

མི་འདི་ཚོའི་མདུན་ལ་བདེན་པ་བཤད་པའི་ལམ་མེད་པ་དེ་སྔོན་ལས་ངན་ཅི་ཞིག་བསགས་པའི་རྣམ་སྨིན་ཡིན་ནམ
གལ་སྲིད་མི་འདི་ཚོ་ལ་དབང་ཞིག་ཡོད་ན་གཟན་ཤམ་རེ་གྱོན་ནས་ལྷམ་ཀོག་ལ་སྲོགས་ཁྲིམ་གཅོད་ས་རེད་ད་

ལྷམ་ཀོག་ལགས། དང་པོར་ཁྱེད་རང་གིས་སྨུག་མིང་དེ་བཏགས་ནོར་ཐེབས་འདུག
གཉིས་པར་གསུང་རྩོམ་ཐོག་མའི་ཕྱེད་ཀ་ལྷག་ཙམ་རང་གི་ནང་གི་ལོ་རྒྱུས་ཡིན་པ་འདྲ།
གསུམ་པར་དགོན་པའི་རྒྱུ་དངོས་འགྲམ་ཆུ་འཁོར་ནས་དགོན་པའི་བདག་པོ་བྱེད་འདོད་ཡོད་པ་འདྲ།
བཞི་པར་སྤྲུལ་སྐུའམ་བླ་མ་རྗུན་མ་ལ་ལབ་ཡིན་གྱི། བླ་མ་དངོས་གནས་ལ་མིན་ཟེར་ནས་གོང་གི་ལབ་ཚད་ཚང་མ་ཕུང་ངེ་ཞིག་འགྲོ་མཁན་འདྲ་བྱས་སོང་། དགོངས་དག་ངས་གོ་བ་ལེན་མ་ཤེས་པའང་ཡིན་སྲིད།

རྒྱ་དམར་བཙན་ཤུགས་ཆེ་བས་སྲོག་དབང་མེད།།
མི་ངན་བསམ་གནག་ཆེ་བས་ཞི་བདེ་མེད།།
ཁོང་ན་ཕན་སེམས་མེད་པས་བདུད་ལས་སྒྲུབ།།
ཁ་ངན་སྨྲ་བ་མང་བས་སྤྱི་ཚོགས་དཀྲུགས།།

བླ་མའི་མིང་ཅན་ས་བདག་དེང་སྐབས་མེད།།
སྲིད་དབང་སྒེར་གཅོད་བླ་མ་དེང་སྐབས་མེད།།
སྐུ་དྲག་གཡོ་སྒྱུ་ཅན་པ་གང་དུ་འདུག།
དཔོན་ངན་རྒྱུ་ངོམ་ཆེ་བ་ངས་མ་མཐོང་།།

བླ་མ་བླ་མ་ཟེར་ལྷམ་ཀོག་ལགས།།
ལོག་སྨོན་བླ་རྫུན་འདུག་ན་ཐེར་འདོན་གྱིས།།
ཁྱོད་ཀྱང་བླ་མའི་དྲིན་ལས་མི་ལུས་ཐོབ།།
འདི་ཕྱིའི་མགོན་སྐྱབས་བླ་མ་ལས་གཞན་མེད།།
དོན་མེད་དམྱལ་བ་མ་སྒྲུབས་སྤུན་ཟླ་ལགས།།

ཚིགས་བཅད་ཐན་ཐུན་རྣམ་གཡེང་ཁྲོད་ནས་བཏུས། །
ཆོས་གྲྭའི་འཚོ་བ་ཆོས་ཀྱིས་མ་བསྐྱངས་ཤིང་། །
ཆོས་སྲིད་རྒྱལ་ཁམས་མིག་གིས་མ་མཐོང་བས། །
དམངས་གཙོའི་རིང་ལུགས་ཀློང་དུ་བརྡོལ་བ་མཚར། །

ཁྱེད་ཅག་དྲ་གྲོགས་རེ་འགས། རྩོམ་འདི་ལ་མ་གཟིགས་པར་སྐད་ཆ་རེ་ཤོད་ཀྱིན་ཡོད་དམ། རྩོམ་འདིས་རིག་གནས་ཀྱི་དངོས་ཤིག་དང་ཆབ་སྲིད་ཀྱི་ཟུར་ཞིག་གླེང་གིན་ཡོད་མོད། འདི་ལ་བསམ་བློ་གཏོང་མི་ཤེས་པ་རེད་དམ། སྤྱིར་ད་སྐབས་ཀྱི་སྤྱི་ཚོགས་ཐོག་གི་སྤྲུལ་སྐུ་འདི་ལ་བདེན་རྫུན་གྱི་དབྱེ་བ་མེད་པར་རྒྱ་ནག་གི་མགྲིན་ཚབ་པ་ཞིག་ཏུ་འགྱུར་དགོས་པའི་རྒྱུ་གང་རེད། འདིས་མང་ཚོགས་ཀྱི་སྣེ་ཁྲིད་ནས་བོད་སྲིད་གཞུང་ལ་གདོང་གཏད་ནས་འོང་གི་ཡོད་པའི་གནས་སྟངས་ནས་སོམས་ཤིག དེ་བས་ད་ནས་བཟུང་གོང་ས་མཆོག་གི་ཡང་སྲིད་ལ་དམར་ཕྱོགས་ཚོགས་པས་སྟངས་འཛིན་བྱ་རྩིས་ཡོད་པའི་གནས་བབ་ནས་དཔྱོད་ཅིག འུ་ཅག་དམངས་གཙོའི་ལམ་ལ་ངང་སྒུག་བྱེད་པ་དག་གིས་འཕྲང་བརྒྱ་ཕ་བོང་གཅིག་གཅོད་ཀྱིས་རིགས་པར་བརྟེན་ནས་བདེན་པ་དང་རྫུན་མ་མེད་པར་འདི་དག་ལ་ཕྱགས་མ་བཏང་ན་མི་མཛེས་སམ

བླ་མར་དབང་ཤུགས་ཆེ་ས་ན་མང་གཙོ་མེད།
རྒྱ་ནག་དམག་ཤུགས་ཆེ་ས་ན་སྲོག་དབང་མེད།
སྐུ་དྲག་གཡོ་ཤུགས་ཆེ་ས་ན་དྲང་བདེན་མེད།
དཔོན་པོ་རྒྱུ་ངོམས་ཆེ་ས་ན་འཚོ་བ་མེད།

མེད་མེད་བཞི་ཡི་འོག་གི་གངས་ཅན་པ།
ཡོད་ཡོད་བཞི་ཡི་དོན་རྙེད་གངས་ཅན་པ།
མེད་མིན་ཡོད་མིན་རྩོད་པའི་གངས་ཅན་པ།
མཐའ་བརྒྱད་མདུད་ནག་རྒྱག་པའི་གངས་ཅན་པ།

བདེན་པའི་གཅེར་བུ་མ་ལགས། ཁྱེད་ཀྱིས་གསལ་བཤད་གནང་བར་ཐུགས་རྗེ་ཆེ། ཕ་མ་དང་དགེ་རྒན་རྣམས་པའི་སྟངས་འཛིན་འོག་ནས་ཕྲུག་གུས་བཟང་སྤྱོད་དང་ཤེས་ཡོན་སྦྱོང་པ་བཞིན་བླ་མ་དམ་པའི་བཀའ་འོག་ནས་གདུལ་བྱ་དུ་མ་ཡང་དག་པའི་ཆོས་ཀྱི་ལམ་དུ་འཇུག་གི་ཡོད། ཡང་རེ་འགའ་བླ་མ་རྫུ་མའི་གཡོ་འོག་དུ་ཚུད་དེ་ལམ་ལོག་ཏུ་འགྲོ་ཡི་ཡོད། དེ་དག་ནི་བྱེ་བྲག་གི་བྱ་སྤྱོད་རེད། ལྷམ་ཀོག་གི་༼བླ་མར་དབང་ཤུགས་ཆེ་ས་ལ་དམངས་གཙོ་མེད༽་ཅེས་སོགས་སྤྱི་ལ་དུ་མ་ཞིག་བཤད་པ་ལ་གུས་པས་སྨྲས་པ་ཡིན། དེ་ལྟར་ན་བཙན་བྱོལ་སྤྱི་ཚོགས་ཁྲོད་དུ་དམངས་གཙོའི་ལྟ་བ་མེད་པར་འདོད་དགོས་ཏེ། བླ་མར་དབང་ཤུགས་ཆེ་ས་ཡིན་པ་མཐོང་བཞིན་པ་ལགས

ཁ་བའི་རང་མདངས་ལགས། ལྷམ་ཀོག་གི་རྩོམ་ཡིག་འདིས་བོད་ཀྱི་གནས་བབ་དངོས་ཤིག་བཤད་འདུག ཨ་མདོ་ཁུལ་དང་ཁམས་ཁུལ་གྱི་བླ་སྤྲུལ་གྱི་གནས་སྟངས་འདི་འདྲ་རེད། དཔེར་ན་ཀུན་ལྷོ་ཁུལ་གྱི་བོད་མིའི་སྤྱིའི་མདུན་ལམ་གྱི་ཁེག་ཐག་ཀུན་མཁྱེན་ལས་རེག་ལས་པ་འདྲ་བོ་དང་། རེབ་གོང་ཕྱོགས་ཀྱི་ཆོས་སྲིད་ཀྱི་སྤྱིའི་བདག་དབང་ཤར་སྐལ་ལྡན་གྱིས་བཟུང་ཡོད་པ་འདྲ་བོ། དེའི་འགྲོ་སྟངས་ལ་འཁྲུལ་མ་འཁྲུལ་གྱི་སྐད་ཆ་དམངས་ལ་བཤད་རྒྱུའི་གོ་བདག་དབང་མེད་པ་རེད། དེ་གཞན་ཁམས་ཕྱོགས་ཨ་ཁྱུག་དང་རྡོ་གྲུབ་ཡར་ཀླུང་རྫོགས་ཆེན་སོགས་ཀྱི་དམངས་ཀྱི་ཆོས་སྲིད་གང་དུ་འཁྲིད་ཆོགཆོག་ཡིན་པ་ལྟ་བུ་རེད།

༡། དོགས་འདྲི་དང་པོ། ༼དགོད་གཏམ་ཞིག་བཤད་ན་དམངས་ཀྱི་འདེམས་ ཤོག་བླ་མ་ཁོ་ནར་དབང་བར་མ་ཟད། བླ་མའི་གྲོགས་པོ་བློས་ཐུབ་དག་ལ་ཡང་དབང་བར་བཤད་དོ། ང་ཚོའི་ས་ཁུལ་འདིར་འཐུས་མི་འདེམས་དུས་གོ་གནས་ ཡོད་པའི་བླ་སྤྲུལ་དག་གིས་རང་གི་ལྷ་སྡེ་མི་སྡེ་ཡི་འཐུས་མི་དག་ལ་ང་ལ་འདང་བརྒྱག་ན་ མི་འདི་དང་འདི་འདེམས་དགོས་ཞེས་པའི་བསླབ་བྱ་བརྒྱགས་པ་དེ་རྒྱུན་དུ་ཁུལ་དཔོན་ དང་རྫོང་དཔོན་འདེམས་དུས་ལམ་སྲོལ་དུ་གྱུར་ཡོད།༽ ཞེས་པ་ལྟར་བོད་ནང་ཁུལ་དཔོན་དང་རྫོང་ལྷ་སྡེ་མི་སྡེས་འདེམ་སྲོལ་དར་ཡོད་དམ།

༢། འདི་ལྟར་མི་མང་གིས་རང་གི་དད་པ་བྱེད་ཡུལ་གྱི་བླ་མར་ཞུ་དག་ཞིབ་མོ་བཏང་བ་ཡིན་ན། བོད་ལ་ཕན་པ་དང་དགོས་ངེས་ཀྱི་བླ་མ་ཚད་ལྡན་ཚོ་ལས་མེད་པ་ཆགས་འགྲོ་གི་རེད། བདེན་པ་རེད་དམ།

རྒྱ་གར་ནས་བླ་མ་ངོ་མར་བླ་མ་འབོད་པ་ལས་སྤྲུལ་སྐུ་ཞིག་གི་མིང་ཐོབ་ཡོད་པ་ཙམ་གྱིས་བླ་མར་བཀུར་བའི་ལམ་སྲོལ་དེ་རང་ཤུགས་ཀྱིས་ནུས་མེད་དུ་གྱུར་ཡོད་ལ། བོད་ནང་ནས་ཀྱང་རང་གི་བླ་མིང་བེད་སྤྱད་ཀྱིས་ཁྱི་སྐད་རྒྱག་མཁན་ཚོ་དུས་ཡུན་ཐུང་ཐུང་ཞིག་གི་ནང་ལ་མེད་པར་བྱེད་ངེས་རེད།

བདེན་པ་ནི་བདེན་པ་རེད།