འདི་ལོའི་བོད་ཀྱི་ཞོ་སྟོན་དུས་ཆེན་ཐོག་ཏུ་༧དཔལ་རྒྱལ་བ་ཀརྨ་པ་མཆོག་གིས་བོད་མི་ཚོར། བོད་གངས་ཅན་ལྗོངས་སུ་སྐྱིད་པའི་ཉི་མ་ཞིག་འཆར་དང་མི་འཆར་ཟེར་བ་དེ། དཀོན་མཆོག་གསུམ་དང་ཆོས་སྐྱོང་སྲུང་མར་རག་ལས་པ་ཙམ་མིན་པར་ང་ཚོ་ཚང་མར་རག་ལས་སྟབས། ཆོས་སྐྱོང་སྲུང་མ་དང་དཀོན་མཆོག་གསུམ་གཅིག་པུར་གསོལ་བ་བཏབ་པ་ཙམ་མིན་པར། སོ་སོས་སོ་སོར་གསོལ་བ་འདེབས་རྒྱུ་ཧ་ཅང་གི་གལ་ཆེན་པོ་རེད་ཅེས་གསུངས་ཡོད།
ཕྱི་ཚེས་ ༢༧ ཉིན་བོད་གཞུང་ཟློས་གར་ཚོགས་པའི་ཐང་ཆེན་དུ་བོད་ཀྱི་ཞོ་སྟོན་རྒྱས་པ་ཐེངས་ ༡༥ སྲུང་གཙི་བྱས་ཡོད་པ་དང་། མཛད་སྒོའི་སྐུ་མགྲོན་གཙོ་བོར་༧དཔལ་རྒྱལ་བ་ཀརྨ་པ་མཆོག་གིས་གཙོས། བོད་མི་མང་སྤྱི་འཐུས་ཁག་ཅིག་དང་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཁག་ཅིག་གི་འགན་འཛིན་དང་དྲུང་ཆེ་སོགས་གདན་ཞུ་གནང་ཡོད་འདུག བོད་གཞུང་ཟློས་གར་སྤྱི་ཁྱབ་འགན་འཛིན་ཤོ་ཟུར་བསོད་ནམས་ཆོས་འཕེལ་ལགས་ཀྱིས། བོད་གངས་ཅན་པ་རྣམས་ཀྱི་ཕ་མེས་ནས་རྒྱུད་འཛིན་དར་སྤེལ་གནང་བའི་ཐུན་མོང་མ་ཡིན་པའི་བོད་ཀྱི་ཆོས་དང་རིག་གཞུང་། ཡུལ་གོམས་གཤིས་ལུགས་དང་འབྲེལ་བའི་དུས་དྲན་དུ་མ་ཞིག་ཡོད་པའི་ཁྲོད་ནས་ལྷ་མོའི་རིག་གཞུང་ནི་ཐུན་མོང་མ་ཡིན་པའི་རྣམ་པ་ཐོན་པ་ཞིག་ཡིན་པ་དང་། དེ་རིང་ནི་ལྷ་མོའི་གཞུང་འཁྲབ་སྟོན་བྱེད་པའི་དུས་ཆེན་གལ་འགངས་ཆེ་བ་ཞིག་ཡིན་ཞེས་དང་། བོད་ཀྱི་ཞོ་སྟོན་ཐེངས་བཅོ་ལྔ་བའི་སྟེང་བོད་གཞུང་ཟློ་གར་ཚོགས་པ་དང་སྦེལ་ཀོབ་ལྷ་མོའི་ཚོགས་པ། མོན་གྷོ་དང་ཨོ་རིའི་ས། བྷན་ཌ་ར། མན་པ་ཌི། མ་སི་རིའི་བོད་ཁྱིམ་སོགས་ཀྱི་ལྷ་མོའི་འཁྲབ་སྟོན་པ་རྣམས་མཉམ་ཞུགས་གནང་སྟེ། ཟླ་ ༣ ཚེས་ ༢༧ ནས་ཟླ་ ༤ ཚེས་ ༦ བར་སྲུང་གཙི་བྱ་རྒྱུ་དང་ཉིན་དང་བོ་དང་མཐའ་མའི་ཉིན་གསུམ་རིང་བོད་གཞུང་ཟློས་གར་ཁང་དུ་ལྷ་མོའི་གཞིས་སྣ་གཟིགས་འབུལ་བྱ་རྒྱུ་དང་། དེ་མིན་ངྷ་སའི་ཉེ་འཁོར་གྱི་སློབ་གྲྭ་ཁག་ཏུ་རིན་མེད་ཐོག་གཟིགས་འབུལ་བྱ་རྒྱུ་ཡིན་ཞེས་གསུངས་ཡོད།
མཛད་སྒོའི་ཐོག་༧དཔལ་རྒྱལ་བ་ཀརྨ་མཆོག་གིས། དེ་རིང་ནི་བོད་གངས་ཅན་ལྗོངས་ཀྱི་སྲོལ་རྒྱུན་གྱི་ཆ་ཤས་གལ་ཆེན་པོ་ཞིག་ཆགས་བསྡད་ཡོད་ཅིང་། བོད་ཀྱི་ཞོ་སྟོན་རྒྱས་འཛོམས་འདི་ལྟ་བུ་ཞིག་གི་སྐབས་བོད་གཞུང་ཟློས་གར་ཚོགས་པ་དང་གཞིས་ཆགས་ཁག་ནས་ཕེབས་པའི་ལྷ་མོའི་ཚོགས་པ་ཁག མ་སི་རི་བོད་ཁྱིམ་ལྷ་མོའི་ཚོགས་པ་བཅས་ཚོགས་པ་མང་བོ་ཞིག་འདིར་མཉམ་དུ་འཛོམས་ནས་བོད་ཀྱི་སྲོལ་རྒྱུན་རིག་གཞུང་ལྷ་མོའི་སྒྱུ་རྩལ་ཐོག ཚང་མའི་སྤྱན་ལམ་དུ་དོན་སྙིང་ལྡན་པའི་གཞས་སྣ་གཟིགས་འབུལ་ཞུས་པར་ངས་ཐུགས་རྗེ་ཆེ་ཞུ་རྒྱུ་ཡིན་ལ། ཚང་མས་རང་རང་སོ་སོའི་ལས་དོན་ལ་མ་བལྟས་པར་བོད་ཀྱི་སྲོལ་རྒྱུན་རིག་གཞུང་འདི་ལྟ་བུ་ཞིག་མ་ཉམས་རྒྱུད་འཛིན་གནང་བར་ཐུགས་རྗེ་ཆེ་ཞུ་རྒྱུ་ཡིན་ཞེས་གསུངས། དེ་རིང་འདིར་སྐུ་མགྲོན་མང་བོ་འཛོམས་ཡོད་པ་དང་ལྟད་མོ་བ་ཡང་མང་བོ་ཕེབས་ཏེ་ལྷ་མོའི་འཁྲབ་སྟོན་ལ་སྤྱན་གཟིགས་གནང་སྟབས། ལྷ་མོའི་འཁྲབ་སྟོན་པ་ཚོར་ཡང་སྐུལ་ལྕག་ཐེབས་པ་དང་ཕྱོགས་གཅིག་ནས་བོད་མི་རིགས་ཤིག་ཡིན་པའི་ངོས་ནས་སོ་སོའི་མི་རིགས་ཀྱི་རིག་གཞུང་དང་། སོ་སོའི་མི་རིགས་ཀྱི་སྲོལ་རྒྱུན་གོམས་གཤིས་དེ་ལ་ངོས་འཛིན་གསལ་བོ་ཡོད་པ་ཞིག་དང་གོང་བཀུར་དང་བརྩི་མཐོང་བྱས་པ་ཞིག་མཚོན་ཐུབ་ཀི་རེད་ལ། མང་ཚོགས་ཚོས་རང་མི་རིགས་ཀྱི་གོམས་སྲོལ་དང་རིག་གཞུང་ཐོག་གི་ལས་འགུལ་གང་འདྲ་ཞིག་ཡིན་ནའང་། འཕྱར་གྲུ་མཉམ་འདེགས་གནང་རྒྱུ་དང་། ལྷག་པར་དུ་ང་ཚོའི་གཞོན་སྐྱེས་ཚོས་རང་གི་མི་རིགས་ཀྱི་རིག་གཞུང་དང་སྲོལ་རྒྱུན་གོམས་གཤིས་ལ་ངོས་འཛིན་གསལ་བོ་བྱེད་ཐུབ་པ་བྱུང་ན། ཏན་ཏན་བོད་མི་རིགས་ཤིག་ཡིན་པའི་བག་ཆགས་ཟབ་མོ་ཞིག་འཇོག་ཐུབ་ཀྱི་རེད་བསམ་གྱི་འདུག དེ་ཚང་མའི་ཐུགས་ལ་འཇོག་རོགས་གནོངས་ཞེས་གསུངས་ཡོད།
ཡང་ཁོང་གིས། གཙོ་ཆེ་བ་ང་ཚོ་ཚང་མའི་སྐྱབས་དང་མགོན་དུ་གྱུར་བའི་༧གོང་ས་མཆོག་གིས་སྔ་ཕྱི་བར་གསུམ་དུ་བོད་ཀྱི་རིག་གཞུང་དང་སྲོལ་རྒྱུན་གྱི་ཆ་ཤས་ཕྲ་མོ་ཚུན་ཆད་ཀྱང་ཐུགས་དགོངས་སུ་ཉར་ཏེ། ལམ་སྟོན་བཀའ་སློབ་ཕེབས་པ་དང་སྐུ་གསུང་ཐུགས་གསུམ་གྱི་སྒོ་ནས་མཛད་པ་འཕྲིན་ལས་བསྐྱངས་དང་སྐྱོང་བཞིན་པ་རེད། དེར་བརྟེན་ང་ཚོ་བོད་མི་རིགས་ཀྱི་རིགས་རྒྱུད་དུ་སྐྱེས་པའི་བོད་པ་ཞིག་ཡིན་པའི་ངོས་ནས་སོ་སོའི་མི་ཚེའི་ནང་ག་ཚོད་ཐུབ་ཐུབ་ཀྱིས་བོད་ཀྱི་རིག་གཞུང་སྲུང་སྐྱོབ་བྱེད་པའི་ཆ་ཤས་བླངས་ཏེ། ཚང་མས་དུས་དང་རྣམ་པ་ཀུན་ཏུ་རང་ཉིད་བོད་མི་རིགས་ཤིག་ཡིན་པ་དང་། བོད་མི་རིགས་ཆེས་གཉན་ཕྲང་ཆེ་བའི་སྐབས་འདིར་ཚང་མས་དགོངས་པ་ཆེར་བཞེས་གནང་སྟེ། ཐུགས་བསམ་ཏན་ཏན་བཞེས་དགོས་པ་གལ་ཆེན་པོ་རེད། སྤྱིར་བོད་གཞུང་གི་དབུ་ཁྲིད་རྣམ་པའི་ལམ་སྟོན་བཀའ་སློབ་གལ་ཆེན་པོ་མང་བོ་ཕེབས་བསྡད་ཀྱིན་ཡོད་ལ། ༧གོང་ས་མཆོག་གཙོ་བོར་གྱུར་བའི་བླ་ཆེན་རྣམ་པ་ཚོས་བཀའ་སློབ་རྒྱུན་དུ་ཕེབས་བསྡད་ཀྱིན་ཡོད་པ་རེད། དེ་ལས་ལྷག་ཅིག་ངས་ཞུ་ཤེས་ཀྱི་མི་འདུག དེ་མིན་ལྷ་མོའི་འཁྲབ་སྟོན་ཚོགས་པ་ཁག་གི་ནང་དུ་སྐུ་བགྲེས་པོ་མང་བོ་ཞེ་དྲག་འདུག་ལ། ཁོང་ཚོ་རིག་གཞུང་གི་སྲོག་རྩ་མཐུད་གནང་མཁན་ཡིན་སྟབས། ང་ཚོ་བོད་མི་རིགས་ལ་བཀའ་དྲིན་ཆེན་པོ་ཡིན་པ་དང་། བོད་ཀྱི་ཆོས་དང་རིག་གཞུང་། གོམས་སྲོལ་བཅས་ལ་ལེགས་སྐྱེས་བཟང་བོ་ཕུལ་གནང་བ་རེད། དེ་ཚང་མར་རྗེས་སུ་ཡི་རངས་ཞུ་འོས་པ་དང་བསྔགས་བརྗོད་ཞུ་འོས་པ་ཞིག་རེད། ཁོང་ཚོར་དམིགས་བསལ་ཐུགས་རྗེ་ཆེ་ཞུ་རྒྱུ་ཡིན་ཞེས་གསུངས་ཡོད། མཇུག་མཐར་ཁོང་གིས། སྤྱིར་བཏང་འཛམ་གླིང་སྤྱི་ཡོངས་ཀྱི་གནས་ཚུལ་མགོ་ཉོག་པོ་དང་ཕྱི་ནང་གི་འགལ་རྐྱེན་མང་བོ་ཞིག་འབྱུང་བསྡད་ཀྱིན་ཡོད་ནའང་། ང་ཚོ་ཚང་མར་རེ་བ་རྟ་རྔ་ཙམ་མེད་པ་མིན་དུས་བཟང་ཕྱོགས་སུ་རེ་བ་ཞིག་བརྒྱབ། རེ་བ་བརྒྱབ་པ་ཙམ་དུ་མ་ཟད་སོ་སོའི་ལུས་ངག་ཡིད་གསུམ་གྱིས་རེ་བ་བརྒྱབ་པ་ལྟར་འབད་བརྩོན་དང་ནུས་པ་འདོན་ཐུབ་པ་བྱུང་ན། སྤྱིར་འཛམ་བུ་གླིང་དང་ནང་སྒོས་གངས་ཅན་ལྗོངས་སུ་སྐྱིད་པའི་ཉི་མ་ཞིག་འཆར་བའི་དུས་ཤིག་ཏན་ཏན་ཡོང་གི་རེད་བསམ་གྱིན་འདུག དེ་ལྟར་ཡོང་དང་མི་ཡོང་ཟེར་བ་དེ་དཀོན་མཆོག་དང་ཆོས་སྐྱོང་སྲུང་མར་རག་ལས་པ་གཅིག་པུ་ཙམ་ཡིན་རྒྱུ་མ་རེད། དེ་ང་ཚོ་ཚང་མར་རག་ལས་པ་ཞིག་ཡིན་སྟབས་ཆོས་སྐྱོང་སྲུང་མ་དང་དཀོན་མཆོག་གསུམ་གཅིག་པུ་ལ་གསོལ་བ་བཏབ་པ་ཙམ་མིན་པར། སོ་སོས་སོ་སོར་གསོལ་བ་འདེབས་རྒྱུ་ཧ་ཅང་གི་གལ་ཆེན་པོ་རེད་ཅེས་གསུངས་ཡོད།
རྒྱལ་ཀརྨ་པའི་ཁྱད་ཆོས་ཡོངས་རྫོགས་ཚང་པའི་སྒོ་ནས་དོན་གྱི་ཀརྨ་པ་སུ་ཡིན་ན་མངོན་གསལ་གྱིས་སྒོ་ནས་འཛམ་གླིང་ཐཽག་ཏུ་ཐོན་ཤོག ང་ཅག་གདུལ་བྱ་རྣམས་ཀྱིས་བསྔགས་བརྗོད་བྱ་ཆོག
ཨ་ཁུ་སྟོན་པ་དང་། དོན་གྲུབ་བཀྲ་ཤིས་གཉིས་ལ་དངོས་གནས་ཐུགས་ཁྲལ་ཆེན་པོ་ཡོད་ཚོད་འདུག ཕག་པ་ས་ཟད་སེམས་ཁྲལ་དང་། །རི་བོང་གནམ་རྡེག་སེམས་ཁྲལ་དཔེ་ལྟར། སོ་སོས་རང་མགོ་ཐོན་ན་ལྷ་རབས་རེད། གཞན་པ་ཀརྨ་པའི་སྐོར་གཡོགས་ཞོག དོན་གྱི་ཀརྨ་པ་ནི་བསྟན་འགྲོར་ཕན་ཐུབ་མཁན་སུ་ཡོད་ན་དེའི་ཕྱོགས་སུ་འགྲོ་རྒྱུ་ལས། རང་ཅག་སོ་སྐྱེས་རྣམས་ཀྱིས་བྱིས་པ་འགས་སྐད་ཆ་ལྟ་བུ་བཤད་ན་ཕན་ཐུབ་གང་ཡོང་།
༅། །གྲགས་པ་རྒྱ་མཚོ་ལགས། ཁྱེད་རང་གིས་གསུངས་པ་དེ་ལ་བརྒྱ་ཆ་བརྒྱ་ཐམས་པ་རྒྱབ་སྐྱོར་ཡོད་དོ།། བླ་མ་གྲྭ་པའི་ལས་འགན་ནི། སངས་རྒྱས་ཀྱི་བསྟན་པ་དེ་མི་ཉམས་གོང་འཕེལ་དང་ཉམས་པ་སོར་ཆུད་གནང་དགོས་ཀྱི་ཡོད། དེ་བྱེད་པ་ལ་རང་ཉིད་ཐོས་བསམ་སྒོམ་གསུམ་གྱི་ཉམས་ལེན་མཐར་ཕྱིན་པ་ཞིག་གནང་དགོས། དེའི་ཆེད་དགོན་སྡེ་ཁག་ལ་བཤད་སྒྲུབ་ཀྱི་སྡེ་ཉམས་གུད་མེད་པ་ཞིག་སྤེལ་ཐུབ་པ་ཡིན་ན་སངས་རྒྱས་ཀྱི་བསྟན་པ་སྤེལ་བ་ཡང་དེའི་འཐུས། བོད་ཀྱི་བསྟན་པ་ཆབ་སྲིད་ལ་ཞབས་འདེགས་བཞུས་པ་ཡང་དེའི་འཐུས་པ་ཡིན་ནོ། །དེར་བརྟེན། ཐུགས་རྗེ་གཟིགས།
བླ་མ་གྲྭ་པའི་རིགས་བཀའ་བློན་ཁྲིད་པའམ་ཆབ་སྲིད་ཀྱི་ཕྱག་ལས་གནང་དགོས་དོན་མེད། དེའི་ཐད་ཇུས་གཏོགས་མ་གནང་ན་ཡག་ས་རེད། ང་རང་ཚོ་བོད་པ་ཆབ་སྲིད་ཀྱི་ལས་ཀ་བྱེད་མཁན་སྐྱ་བོ་ཕོ་མོ་ས་ཡ་ཁ་ཤས་ཡོད། བླ་གྲྭ་རིགས་དེ་ཐད་ཐུགས་ཁྲལ་རྩ་བ་ནས་གནང་མི་དགོས། །ཐུགས་རྗེ་ཆེ། །
༄། །དམིགས་བསལ་གྱི་༧དཔལ་རྒྱལ་བ་ཀརྨ་པ་ལ་གསོལ་འདེབས་ཞུ་རྒྱུ་ལ། ཁྱེད་ཀརྨ་པ་རྣམ་པ་གཉིས་ནང་འཁྲུགས་མེད་པར་མཐུན་འབྲེལ་གང་མགྱོགས་ཡོང་བར་མཁྱེན། །༧དཔལ་རྒྱལ་བ་ཀརྨ་པ་སངས་རྒྱས་ཀྱི་རྣམ་སྤྲུལ་ཞིག་ཡིན་དུས། སངས་རྒྱས་སྤྲུལ་པ་སྟོང་ཡོང་གི་ཡོད་པས། ཀརྨ་པ་ཡང་སྐུ་གསུང་ཐུགས་ཀྱི་སྤྲུལ་ཡིན་ཆོག །ཐུགས་རྗེ་ཆེ། །
Dhamchoe @Tommy Thokme
དབྱིན་ཡིག་མིང་ཅན་ལགས་སུ་ཆེད་ཞུ། རྒྱལ་བ་ཀརྨ་པ་མཆོག་ད་ལྟ་དགུང་ལོ་ཆུང་དྲག་པ་དང་། ཕྱོགས་གང་ཅིར་འཐད་ཉམས་མྱོང་ཞན་པ་སོགས་ཀྱིས་བཀའ་བློན་ཁྲི་པ་མི་འཇོན་པ་ཐག་བཅད་ཆོག ད་ལྟ་སློབ་སྦྱོང་ལ་ཧུར་བརྩོན་གནང་ན་ལེགས་ཤོས་རེད། དབང་ལུང་མན་ངག་རྣམས་ལ་ཐོས་བསམ་གནང་ན་ཡག་ཤོས་མིན་འགྲོ།
Look at our future leader! So handsome!
I would like to please every brothers and sisters to vote Karmapa for the Kalon Tripa.He is the number one for Kalon Tripa for long term.
So I am here to urge the parliament in exile to change the law for age of Kalon Tripa.
༅། །སོ་སོས་སོ་སོར་གསོལ་བ་འདེབས་རྒྱུ་གལ་ཆེན་པོ་རེད། ༧ཀརྨ་པ་མཁྱེན། བློ་རྨོངས་ཉམ་ཆུང་གུས་པས་༧དཔལ་རྒྱལ་བ་ཀརྨ་པ་ཁྱེད་ལ་གསོལ་འདེབས་བཞུ་རྒྱུ་ལ། ༧དཔལ་ཀརྨ་པ་ཁྱེད་རྣམ་གཉིས་གང་མགྱོགས་གང་མྱུར་ཞིག་ནང་འགྲིག་གམ་མཐུན་འབྲེལ་ཞིག་གནང་བའི་འབོད་སྐུལ་བཞུ་རྒྱུ་དང༌། དེ་ལྟར་གནང་བ་ཡིན་ན། ཡང་སྒོས་ཀརྨ་དཀར་བརྒྱུད་ཀྱི་བསྟན་པ་འདི་ཉིད་མི་ཉམས་གོང་འཕེལ་དང་ཉམས་པ་སོར་ཆུད་ཡོང་བར་ཐེ་ཚོམ་རྩ་བ་ནས་མེད། གོམ་པ་དང་པོ་ཡང་སྒོས་རང་ཉིད་ཀྱི་བསྟན་པ་དེ་ཡིན། ༢ གོམ་པ་གཉིས་པ་བོད་སྤྱིའི་བསྟན་པ་ཆབ་སྲིད་དེ་ཡིན། ང་རང་ཀརྨ་དཀར་བརྒྱུད་ཀྱི་བསྟན་པའི་རྗེས་དྲངས་པ་ཞིག་ཡིན་པའི་ཆ་ནས་རང་ཉིད་ཀྱི་བསྟན་པ་ལ་ཤ་ཚའམ་ཕྱོགས་ཞེན་ཞིག་ཡོད་པས་འདིར་མི་བཞུ་ཀ་མེད་འབྱུང༌། ཐུགས་རྗེ་གཟིགས་ཀརྨ་པ་མཁྱེན། ཁྱེད་ཐམས་ཅད་མཁྱེན་པ་ཡིན་ན་ཀརྨ་དཀར་བརྒྱུད་ཀྱི་བསྟན་ཉམས་གུད་སོང་བ་དེ་མཁྱེན་པར་འཚལ། ཐུགས་ཆུང་རྣམས་ལ་ཕོག་ཐུག་བྱུང་ཡོད་ན། དགོངས་གསོལ་བཞུ། ཐུགས་རྗེ་ཆེ།། །།
བླ་མར་དབང་ཤུགས་ཆེ་ན་དམངས་གཙོ་མེད །
བོད་ཀྱི་ཞོ་སྟོན་འདི་ལོ་གསར་ལྟ་བུའི་སྤྲོ་སྐྱིད་གཏོང་ཡ་ཙམ་མ་ཡིན་པར་ཕ་མེས་ཀྱི་རིག་གཞུང་གི་ཆ་ཤས་ཤིག་དར་སྤེལ་གནང་གི་ཡོད་པས་ལྟས་མོ་ཙམ་མ་ཡིན་པར་རིག་གཞུང་ཤིག་གིས་སེམས་ལ་བསྐུལ་འདེད་གཏོང་ཐུབ་པ་གནང་གལ་ཆེ། མ་ཚད་༸དཔལ་རྒྱལ་བ་ཀརྨ་པ་མཆོག་གིས་ཡུལ་དུས་དང་གང་ཟག་ལ་སོགས་དུ་མར་གཟིགས་པའི་དཀའ་སློབ་ཟམ་མོ་སྤྱི་བོར་སྩོལ་གནང་བ་དག་ལ་ལག་ལེན་ཐུབ་ཐབས་བྱེད་དགོས། དམིགས་བསལ་དུ་༼སོ་སོས་སོ་སོར་གསོལ་བ་འདེབས་རྒྱུ་ཧ་ཅང་གི་གལ་ཆེན་པོ་རེད༽་ཅེས་པའི་གསུང་འདི་ཧ་ཅང་གལ་ཆེན་ཡིན་པས་རང་གཞན་ཀུན་གྱི་སྙིང་ལ་ཅིས་ཀྱང་འཆང་བར་འོས་པ་མ་ཟད་ལག་སྟར་བྱ་རྒྱུ་དེ་བས་གལ་ཆེ་ལགས།
བོད་ནང་གི་ཞོ་སྟོན་དང། སྐྱབས་བཅོལ་ནང་གི་ཞོ་སྟོན་གཉིས་ཀྱི་དུས་ཚེས་གཅིག་མིན་པའི་རྒྱུ་མཚན་གང་
ཡིན་ནམ།
བོད་ནང་བོད་ཟླ་བདུན་པའི་ནང་ཞོ་སྟོན་གཏོང་སྲོལ་ཡོད་ཀྱང། འདི་ཁུལ་ལ་ཕྱི་ཟླ་གསུམ་པའི་ནང་ཞོ་སྟོན་གཏོང་སྲོལ་འདུག་པ་དེ་གཉིས་ཀྱི་ཁྱད་པར་གང་ཡིན་ནམ།
འོ་ཡག་གི་ཡ།
་་་་་་་བརྩི་མཐོང་བྱས་པ་ཞིག་མཚོན་ཐུབ་ཀི་རེད་ལ། ཀྱིའམ་གི་ཡི་ཚབ་ལ་ ཀི་ བྲིས་པ་འདི་ང་རང་ཧང་དགའ་པོ་བྱུང་། ད་དུང་ཀི་ཡི་ཚབ་ལ་དུས་ད་ལྟ་བ་སྟོན་པའི་ བགྱིད་ ཅེས་འབྲི་དགོས་པའི་དགོས་པ་དང་རྒྱུ་མཚན་ལ་ངེས་པ་རྙེད་པའི་རེ་བའང་ཡོད།
དགོངས་དག་ཡིག་མགོ་བརྗེད་འདུག ༄༅།། འདི་མགོ་དེར་ཡོད་པར་བསྒོམ་རོགས།
གལ་ཏེ་དུས་བབས་དྲ་འཛིན་པས་འདི་མཐོང་ན། རིག་པ་བཏོན་པའི་ཟླ ཚེས་ཙམ་མ་ཡིན་པར་དུས་ཚོད་ཀྱང་གསལ་ན་ཉམས་ཇེ་ཆེར་མི་འགྲོ་འམ།
༄༅།། རྒྱ་རྡེའུའི་དགེ་འདུན་གྱིས་གསུང་པར་ཉན་རྒྱུ་འདུག རིག་གཞུང་སྙིང་པ་འཛིན་དགོས་པ་བདེན་རྒྱུ་རེད། འོནད་ཀྱང་། རིག་གཞུང་གཞིར་བཟུང་གིས་དུས་དང་གཞོན་ནུ་ཚོས་བསྟུན་ཏེ་གསར་གཏོད་རང་བཞིན་གྱི་གཞས་ཞབས་བྲོའང་ཡོད་ན། གསར་བུ་གསར་མོ་ཚོས་དབྱིང་ཞུགས་ནས་མ་སྐུལ་དང་ལངས་ཀྱིས་རིག་གཞུང་འཛིན་སྤེལ་བྱེད་འགྲོ་སྙམ། དེ་མིན་རྙིང་པ་ཁོ་ནས་བསྐྱར་ཟློས་ཡང་ཟློས་བྱེད་བསྡད་ན་རྒྱུན་རིང་པོར་འགྲོ་ཐུབ་རྒྱུ་དཀའ་མོ་རེད། རིག་གཞུང་འཛིན་པ་དང་གོང་འཕེལ་དུ་འགྲོ་བར་དེར་སྤྲོ་སྣང་ཡོད་དགོས་པ་ལས་ཁྲལ་ལྟ་བུ་བྱེད་ན་རིམ་བཞིན་མི་རིང་བར་ཡལ་ངེས།
ནང་དོན་བརྗོད་ཚིག་དག་ཆ་སོགས་གང་ལའང་མ་འགྲིག་པ་འདུག་ན་སྐྱོན་བརྗོད་ལྷུག་པོར་ཡོང་བར་ཞུའོ།།
༄༅། ལོ་གསར་མ་བཏང་་་་་ཞོ་སྟོན་བྱས་་་་་་་་་་
གལ་ཏེ་ཞོ་སྟོན་ཟེར་བ་འདི་མདོ་དབུས་ཁམས་སོགས་ལ་ཁྱབས་ཡོད་རྒྱུ་ན།་ ཞོ་སྟོན་འདི་ཡང་ལོ་གསར་བཞིན་ཡིན་རྒྱུ་རེད་་་་་་་་་་་་་་་་་་་་་་་་་་་