བློ་བཟང་གི་སེམས་ཁོང་དུ་ཡོད་པ་ན་ཟུག་ཞིག་དང་དྲན་ཤིང་ཁོ་ན་ཞིག་ཆགས་ཡོད་ལ། ན་ཟུག་དང་དྲན་ཤིང་ལ་གདོང་ལེན་བྱེད་ཆེད་དུ། ཁོ་རང་གིས་རང་ཉིད་ལ་ལམ་ཁ་འདི་འདྲ་ཞིག་དུ་ཁྲིད་དེ་འགྲོ་བཞིན་ཡོད་པ་རེད། དྲན་ཤིང་དེ་ནི་ཁོ་རང་གི་ཁོར་ཡུག་དང་ཁོ་རང་གི་སེམས་ཁོང་གི་མཁའ་དབྱིངས་བཅས་སུ་ལྡིང་འཁོར་བརྒྱག་བཞིན་ཡོད་ཀྱང་། མི་སུ་ལ་ཡང་དེ་ཡི་གསང་བ་ངོས་དེ་མི་བཤད་རྒྱུའི་ཕྱོགས་སུ་ཁོ་རང་གིས་རང་གི་སེམས་ཐག་བཅད་ཉིན་ནས། ལམ་བར་དུ་མི་འདོད་ཀྱང་ལྡོག་དུ་མེད་པའི་ཆགས་སྲེད་ཀྱི་ཚོར་བ་ཕྲ་མོ་དབང་བཙན་པོས། ཁོ་རང་བསླུས་པའི་གྲངས་ཀ་ནི་ཉུང་ཉུང་མིན་པ་རེད།
འདི་ལྟར་བློ་བཟང་གིས་ཁོ་རང་གི་མི་ཚེ་བགྲོད་ལམ་ཞིག་དུ་འཚོ་བ་ཞིག་གི་ངལ་གསོ་རེ་ཨེ་ཐོབ་ལ་འབད་བརྩོན་བྱོས་ཀྱང་། དེ་ནི་བསམ་ཡུལ་ལས་འདས་པ་ཞིག་དུ་གྱུར་བཞིན་ཡོད་པ་དེ་ནི་མཚམས་སྐྱིད་དང་འཕྲད་པའི་ལོ་ཟླ་དང་ལྟ་བུ་ཆགས་ཡོད་པ་ཡིན་དུས། ད་ནི་ཁོ་རང་གིས་རང་གི་ཉེ་འཁོར་གྱི་བུད་མེད་དག་ལ་ཡིད་ཆེས་ཤིག་ཇི་ལྟར་བྱེད་དགོས་མིན་དེ་ཡང་ཡག་པོ་ཞིག་གཏན་ནས་ཤེས་ཀྱི་མེད་པའི་ཚོད་དུ་ལྷུང་ཡོད་ཀྱང་། བདེ་འཚོ་ཡང་ཁོ་རང་དང་ཐག་ཉེ་རུ་ཡོང་བཞིན་པ་དང་། ཉི་མ་ལྷ་སྒྲོན་གྱིས་ཁོ་གཉིས་ལ་སྨོན་འདུན་དང་རེ་སྨོན་བྱེད་བཞིན་ཡོད་པ་རེད།
སྔོན་ཆད་ཡིན་ན་ཁོ་རང་གི་འདུག་རོགས་ཟ་རོགས་བཤད་རོགས་སོགས་ཉི་མ་ལྷ་སྒྲོན་ཡིན་ཡང་། ད་ནི་དེ་ལས་འགྱུར་བ་ཐེབས་ནས་ཁོ་རང་གི་འདུག་རོགས་འགྲོ་རོགས་བདེ་འཚོ་ཆགས་བཞིན་པའི་སྐབས་དེར། ཉི་མ་ལྷ་སྒྲོན་གྱིས་བློ་བཟང་ལ། ཁྱེད་རང་ལ་ངས་སྔོན་ཆད་ཁོ་མོ་ངོ་སྤྲོད་བྱེད་ཆོག་ཟེར་ན། དེ་དུས་ཁྱེད་རང་གིས་ཁས་ལེན་བྱས་མ་སོང་། ད་ནི་ག་རེ་རེད། ཁྱེད་གཉིས་དགའ་རོགས་སྒྲིག་བཞིན་ཡོད་པ་འདྲ། དེ་འདྲ་རེད་དམ། དེ་འདྲ་ཡིན་ན་ནི་དངོས་ནས་ཡག་པོ་རེད། ངས་དགའ་བསུ་ཞུ། བདེ་འཚོ་ནི་དངོས་ནས་བུད་མེད་ཡ་རབས་ཤིག་ཡིན། ཁྱེད་རང་གི་ལག་དུ་བུད་མེད་དེ་འདྲ་རེག་རྒྱུ་ནི་དངོས་ནས་ཁག་པོ་ཡིན་པ་རེད།
བློ་བཟང་གིས། ཉི་མ་ལྷ་སྒྲོན། ཁྱེད་རང་གིས་ངེད་གཉིས་ལ་སྨོན་འདུན་བྱས་པ་དེར་ང་དགའ་ཡོད། ངས་ཀྱང་ཁྱེད་རང་བསམ་ནས་འདི་ལྟར་ཁོ་མོ་དང་གྲོགས་སྒྲིག་པ་ཡིན། ད་ནི་ཁྱེད་རང་གི་སེམས་པ་ལྷོད་དུ་འབབ་ནས་སོང་ན་འགྲིག་གི་རེད། མི་ཁ་ཡང་སྐྲག་མི་དགོས་པ་རེད། འུ་གཉིས་ཀྱིས་དུས་རྒྱུན་དུ་ཁ་བརྡ་བྱེད་པ་ལ་ཡང་བར་ཆད་བྱེད་མཁན་མེད་པ་རེད། ཡིན་ཡང་། འུ་གཉིས་གཅིག་བུར་བསྡོད་པའི་དུས་ཚོད་ནི་དངོས་ནས་ཉུང་ཉུང་ཆགས་པ་རེད། དེ་ལ་ཅུང་སེམས་པ་སྐྱོ་ནི་ཞིག་རེད། གང་ལྟར། འུ་གཉིས་ཀྱི་ལས་དབང་ནི་ཐ་དད་བཟོས་ཡོད་པ་དེ་ནི་ངས་ཀྱང་ཤེས་ཡོད་ལ། ཁྱེད་རང་གིས་ཤེས་ཡོད་པ་སྔ་ས་ནས་ཐེངས་མང་གླེང་བ་དེ་རེད།
ཉི་མ་ལྷ་སྒྲོན། བདེ་འཚོ། ད་དུང་། བློ་བཟང་བསྡོད་སའི་མགྲོན་ཁང་ནང་དུ་གཙང་མ་བཟོ་མཁན་གྱི་བུད་མེད་གཞན་གཉིས། ཁོ་རང་གི་གྲོགས་པོ་རྡོར་རྗེ་སྐྱབས། ཁོང་ཚོ་ཚང་མ་བློ་བཟང་དང་ཁོ་གཉིས་ཀྱི་ནང་དུ་འཛོམ་ནས་རྩེད་མོ་འདྲ་རྩེད་བ་དང་ཁ་བརྡ་འདྲ་བྱས་དེ་བསྡད་ཡོད་པ་རེད། བློ་བཟང་ཕྱི་ལོག་དུ་འཁྱུགས་ཙམ་ཞིག་གི་རིང་དུ་ལས་དོན་ཞིག་གི་ཆེད་དུ་སོང་ཤུལ་ནས། ཁོ་རང་གི་གྲོགས་པོ་རྡོར་རྗེ་སྐྱབས་ཀྱིས་དེ་རུ་འདུས་པའི་བུད་མེད་ཚོ་ལ་སྐད་ཆ་འདི་འདྲ་ཞིག་དྲིས་པ་རེད།
ཁྱེད་ཚོས་སུས་ལན་བཏབ་ན་འགྲིག་གི་ཡོད། ངས་ཁྱེད་ཚོ་ལ་དྲི་བ་ཞིག་འདྲི། བློ་བཟང་ནི་ང་ཚོ་འདི་རུ་སླེབས་པའི་ཕོ་གསར་བཞིའི་ནང་ནས་སྐྱེ་གཟུགས་ཀྱི་ཐད་ནས་ཕོ་གསར་བརྫིག་ཤོས་དེ་ནི་མ་རེད། ཡིན་ཡང་། ལོ་ཡི་ཆེ་ཆུང་འདྲ་བལྟ་ཡི་ཡོད་ན་ནི། ཁོ་རང་ལོ་ཆུང་ཤོས་དེ་རེད། ཁྱེད་ཚོས་ཤོད་དང་ཁོ་རང་ལ་དེ་འདྲའི་དམིགས་བསལ་ཞིག་ག་རེ་འདུག ཁྱེད་ཚོ་སུ་ཡིན་ན་ཡང་བློ་བཟང་དང་ལྷན་དུ་ཀུ་རེ་རྩེད་མོ་རྩེད་པ་དང་ལྷན་དུ་ཁ་བརྡ་བྱོས་དེ་འདུག་རྒྱུར་དགའ་དོན་གང་རེད།
སྐབས་དེར། བློ་བཟང་གིས་ཉིན་འགའི་སྔོན་དུ་ལྐོག་ནས་ལུས་འབྲེལ་བཞག་མ་འཐག་པའི་བུད་མེད་འཇམ་དབྱངས་འཚོ་མོས། ངས་བལྟས་པ་ཡིན་ན། བློ་བཟང་ནི་དངོས་ནས་ཕོ་གསར་བརྩེ་དུང་ཅན་ཞིག་རེད། ཁོ་རང་ནི་ཕོ་གསར་གཞན་དང་མི་འདྲ་བར་ཁ་ཡག་དང་གཡོ་སྒྱུ་དེ་འདྲ་གང་ཡང་མི་འདུག
མུ་འགོད།
གནམ་ལྕགས་ལགས། ཁྱེད་རང་ཕེབས་པ་དགའ་ཡོད་ལ། ཤུ་རེ་བྱེད་ངེས་ཡིན། ངས་ཀྱང་སྒྲུང་འདི་མཇུག་སྔ་ས་ནས་འཕུད་རྒྱུའི་དམ་བཅའ་རང་ལ་བཞག་པ་ཡིན། ད་ནི་ཤུ་རེ་བྱོས་དེ་འགྲོ་བཞིན་ཡོད། འབྲི་བཞིན་ཡོད། རྗེས་སུ་བྲིས་ཚར་སོང་ན་དེ་དུས་ངའི་རང་གི་འགན་ཁུར་ཞིག་་སྒྲུབ་ཁུལ་རེད་སྙམ་གྱི་ཡོད།
གྲོགས་པོ་ལགས། ཁྱོད་ཀྱིས་དངོས་སྒྲུང་འདིའི་ལེའུ་བརྒྱ་དང་གཅིག་པ་དེ་བཀླགས་ཟིན། འདིས་ག་རེ་མཚོན་གྱི་འདུག་ཅེ་ན། ཁྱོད་ཀྱི་ལྷོད་པ་མེད་པ་བརྩོན་སེམས་དེ་མངོན་འདུག མུ་མཐུད་ནས་ཤུགས་རྒྱོབས།