སྤྱིན་བདག་མི་དགོས། གྲྭ་བ་མི་བྱེད། {དངོས་སྒྲུང་།} བརྒྱ་དང་གཉིས།

བློ་བཟང་ཞོགས་པ་དེར་གཟའ་ཉི་མའི་གུང་གསེང་ཡིན་སྟབས་མགྲོན་ཁང་ནང་དུ་ཉལ་ནས་བསྡད་ཡོད་པའི་སྐབས་སུ། ནང་དུ་འཇམ་དབྱངས་འཚོ་མོ་ཡོང་ནས། བློ་བཟང་ལ་ཉལ་ཡོད་པ་མཐོང་ནས། ཨོ་་་ཁྱེད་རང་ཉལ་ཡོད་པ་ངས་ཤེས་མ་སོང་། དེས་ན་ང་རང་རྗེས་སུ་གཙང་མ་བྱེད་དུ་ཡོང་།

བློ་བཟང་གིས། སྐྱོན་མེད་ཀི ཁྱེད་རང་གིས་གཙང་མ་བཟོས་ན་འགྲིག་གི་རེད། ང་རང་ད་གཉིད་ཡོང་གི་མི་འདུག ཅུང་ཙམ་རྗེས་སུ་ཡར་བླངས་དགོས་བསམ་ནས་བསྡད་ཡོད། ཤོག ནང་དུ་ཤོག ཁྱེད་རང་གིས་ག་ལེར་གཙང་མ་བཟོས་ན་འགྲིག་གི་རེད།

སྒོ་ཁའི་འགྲམ་དུ་ཡོད་པའི་འཇམ་དབྱངས་འཚོ་མོས་བློ་བཟང་གི་དེ་ལྟར་བཤད་པ་དེས་ནང་དུ་ཡོང་ནས་གཙང་མ་བཟོ་རྒྱུ་དེར་སྟབས་བདེ་ཆགས་ན་ཡང་། བློ་བཟང་ཉལ་སའི་ནང་དུ་ཡོད་དམ་ཅུང་མི་བདེ་བའི་ཚོར་བ་ཞིག་དང་བཅས་ཅོག་རྩེ་སྒང་གི་ཐ་མག་གི་དུ་སྣེ་འཕྱོ་སའི་སྣོད་དེ་ལེན་ཞོར་དུ། ཨ་་་ཨ་་་ ཁྱེད་རང་གིས་དངོས་ནས་ཐ་མག་མང་བོ་འཐེནའདུག

བློ་བཟང་གིས། དེ་ང་རང་གཅིག་བུའི་འཐེན་པ་མ་རེད། ང་དང་འདུག་རོགས་གཉིས་ཀ་ཐ་མག་འཐེན་མཁན་ཡིན་པས་རེད། ཁྱེད་རང་ཐ་མག་འཐེན་མཁན་ལ་མི་དགའ་འམ། སྐད་ཆ་དེ་ལྟར་འགོ་བཙུགས་དེ་སྐར་ཆ་ཁ་ཤས་ཀྱི་རྗེས་སུ་མུ་མཐུད་དུ། ངས་ཁྱེད་རང་གི་མི་ཚེ་སྐོར་ལ་སྐད་ཆ་ཞིག་དྲིས་ན་འགྲིག་གི་རེད་དམ།

འཇམ་དབྱངས་འཚོ་མོས། འགྲིག་གི་རེད། ཁྱེད་རང་གི་ག་རེ་འདྲི་འདོད་ཡོད་ན་དེ་དྲིས་ན་འགྲིག་གི་རེད། བློ་བཟང་གིས་འཇམ་དབྱངས་འཚོ་མོ་ཕོ་གསར་ཞིག་གིས་སྐྱུར་ནས་སོང་བའི་བྱིས་པ་ཞིག་གི་ཨ་མ་ཆགས་ཡོད་པ་དང་། མོ་རང་གིས་ད་དུང་ཡང་ཕོ་གསར་དེ་ལ་གཏན་ནས་ལེ་བདའ་མི་བྱེད་པ་མ་ཟད། ཕོ་གསར་དེ་ནི་ཁོ་རང་དང་བྲལ་ནས་འགྲོ་དོན་ནི་ཁོ་རང་གི་དམིགས་ཡུལ་གྱི་ཆེད་དུ་ངས་རྒྱབ་སྐྱོར་མ་བྱས་པའི་ཡིན་པ་སོགས། ཁོ་མོས་འགྱོད་སྣང་དང་བཅས་དེ་མི་རིང་བར་ཕ་མས་རེ་འདོད་ལྟར། ཕ་ཡུལ་གཅིག་པའི་ཕོ་གསར་ཞིག་ཁོ་མོ་ལ་བལྟ་རུ་ཡོང་གི་ཡོད་པ་དང་། ཁོ་གཉིས་གཉེན་སྒྲིག་བྱེད་འཆར་ཡོད་རབས་བཅས་འཇམ་དབྱངས་འཚོ་མོས་གནས་ཚུལ་མདོར་བསྡུས་ཤིག་བློ་བཟང་གིས་འཇམ་དབྱངས་འཚོ་མོའི་ངག་ལས་ཉན་རྗེས།

ངས་ཁྱེད་རང་ལ་འབྲེལ་བ་ཞིག་བཟུང་ན་འགྲིག་གི་རེད་དམ། ཡིན་ཡང་། བཟའ་ཚང་དང་དགའ་རོགས་དེ་འདྲའི་སྐོར་ལ་འུ་གཉིས་སུས་ཡིན་ཡང་། བསམ་བློ་གཏན་ནས་མི་གཏོང་རྒྱུ་བྱེད། དེ་འདྲ་ཞིག་བྱས་ན་འགྲིག་གི་རེད་དམ། འགྲིག་གི་ཡོད་ན་ནི་ང་ལ་གོ་སྐབས་ཤིག་སྤྲད་ན་ག་འདྲ་འདུག་ཟེར་ནས་ལག་འགོ་ནས་ཁོས་ཕྱོགས་སུ་འཐེན་དུས། འཇམ་དབྱངས་འཚོ་མོ་ཡང་ཁ་རོག་གེར་བློ་བཟང་གི་ཕྱོགས་སུ་ཉལ་བ་རེད།

འཇམ་དབྱངས་འཚོ་མོས། དེ་འདྲ་ཡིན་ན་ནི། ཕྱི་དྲོ་འུ་གཉིས་མགྲོན་ཁང་ལྟག་རྒྱབ་ཀྱི་ནགས་ཚལ་དེ་ནས་ཐུག་ན་ག་འདྲ་འདུག དེ་མིན་འདི་ནས་དེ་འདྲ་བྱས་པ་ཡིན་ན་མིས་ཤེས་ན་འུ་གཉིས་ཀྱི་མདུན་ལམ་ལ་གནོད་པ་ཡོད་ངེས་རེད། ཁྱེད་རང་ཉིན་གུང་རྒྱབ་དུ་དེ་ལ་ཤོག་དང་། ངས་འདི་ནས་ལས་ཀ་ཚར་མ་ཐག ང་རང་ཡང་དེ་རུ་ཐོན་ཡོང་།

ཉིན་གུང་རྒྱབ་དུ་བློ་བཟང་མགྲོན་ཁང་གི་ལྟག་རྒྱབ་ཀྱི་ནགས་ཚལ་དེ་རུ་སོང་ནས་ཅུང་ཙམ་སྒུག་དུས་འཇམ་དབྱངས་འཚོ་མོ་དེ་རུ་འབྱོར་ནས། ཁོ་གཉིས་ཀྱིས་ཉི་མ་དྲོ་ས་དེ་ནས་ཕན་ཚུན་ལ་འཐམ་ནས་ཁ་བསྐྱལ་བ་དང་གོན་པ་ག་ལེར་འཕུད་རྩིས་བྱས་དུས། འཇམ་དབྱངས་འཚོ་མོས། ཁྱེད་རང་གི་འགྱིག་ཤུབ་ཁུར་ཡོད་དམ།

བློ་བཟང་གིས། ངས་ད་སྔ་འགྱིག་ཤུབ་བེད་སྤྱོད་བྱེད་མྱོང་མེད་པས་འགྱིག་ཤུབ་ཁུར་ནས་ཡོང་རྒྱུ་ཞིག་ཡིད་ལ་དྲན་མ་སོང་། འགྱིག་ཤུབ་དགོས་པ་འདྲ་ཡིན་ན་ང་རང་གི་ལག་པར་རེག་མིན་ཡང་མི་ཤེས། གང་དུ་རེག་གི་ཡོད་མེད་ཀྱང་མི་ལ་འདྲི་དགོས་བྱུང་ན་དངོས་ནས་སྟབས་བདེ་བོ་མི་འདུག

འཇམ་དབྱངས་འཚོ་མོས། དེ་འདྲ་ཡིན་ན་འུ་གཉིས་ཀྱིས་དེ་རིང་གཏན་ནས་ལུས་འབྲེལ་འཇོག་མི་ཉན། བྱིས་པ་འདྲ་ཆགས་སྲིད་པ་རེད། དེ་འདྲ་ཆགས་པ་ཡིན་ན། ངས་སུ་ལ་བཤད། དེ་ལས་སང་ཉིན་ངས་ཁྱེད་རང་ལ་འུ་གཉིས་ཐུག་ས་ཞིག་གོ་སྒྲིག་བྱེད་ཆོག་པ་མ་ཟད། དེ་ཡི་འཁྲིས་སུ་ཁྱེད་རང་གི་འགྱིག་ཤུབ་ཀྱང་ཉོ་ཐུབ་ངེས་ཡིན། རྒྱ་གར་སྨན་ཁང་ཆུང་ཆུང་ཞིག་ཡོད་པ་རེད།

བློ་བཟང་གིས་དེས་ན་སང་ཉིན་ང་ཚོ་ས་ཆ་ཐག་རིང་ཞིག་དུ་གློག་བརྙན་འཁྲབ་དུ་འགྲོ་རབས་ཤིག་འདུག དུས་ཚོད་ཡོད་རྒྱུ་མ་རེད། ཡིན་ཡང་། ང་རང་ཕྱིར་འབྱོར་མ་ཐག ང་རང་ལ་སླར་ཡང་གོ་སྐབས་ཤིག་སྤྲད་ན་འགྲིག་གི་རེད་དམ།

ཨེ་་་་ བློ་བཟང་། ཡང་ཐ་མག་འཐེན་ནས་བསྡད་ཡོད་དམ། འཇམ་དབྱངས་འཚོ་མོས་བློ་བཟང་ཕྱིར་དྲན་གྱི་ལམ་ནས་དྲངས། ཡ་་ འགྲོ་ང་ཡི་མཉམ་དུ་ཤོག འདི་ནས་གོམ་པ་ཅུང་ཙམ་ཞིག་རྒྱག་དགོས་ཀྱི་ཡོད་པ་རེད། ངེད་ཚང་ལ་ཕར་ཕྱོགས་དེ་ན་ཁང་བ་ཆུང་ཆུང་ཞིག་ཡོད་པ་རེད། དེང་སང་དེ་ཡི་ནང་དུ་མི་འདྲ་བསྡོད་མཁན་མེད་པར་བཞག་ཡོད་པ་རེད། ངས་ཁང་བ་དེ་ཡི་ནང་དུ་གཙང་མ་ཞིག་བཟོ་དགོས་ཟེར་ནས་ལྡེ་མིག་ཁུར་ནས་ཡོང་བ་ཡིན།