བུད་མེད་ལྷན་ཚོགས་བཀའ་ཁྲི་འཚོལ་དུ་འགྲོ་རྒྱུ་ཡིན་ཟེར།

བོད་ཀྱི་བུད་མེད་ཚོགས་པའི་སྤྱི་ཚོགས་སྟེང་འགན་བཞེས་ནས་ཕྱག་ལས་གནང་བར་རྗེས་སུ་ཡིད་རང་ཞུ། འོན་ཀྱང་བཀའ་འཁྲི་མ་བཙལ་གོང་བོད་དགེ་ཞིག་འཚོལ་རོགས། རེ་བ་ཡིན་སོ་སོའི་ཕྲུག་གུ་རྣམས་ལ་ཡང་དམིགས་སྟོན་ཡག་པོ་ཡོངས༎

གནས་ཚུལ་འདི་ལ་བལྟས་ན་བཙན་གཤོལ་བོད་ཀྱི་བུད་མེད་ཚོའི་ལུང་པ་རྒྱ་ལག་ཏུ་ཤོར་བ་མ་ཟད་སྐད་ཡིག་ཕྱི་རྒྱལ་ལག་ཏུ་ཤོར་ནས། ད་བཀའ་ཁྲི་རྒྱ་མིན་བོད་མིན་ཕོ་ལི་མོ་མིན་ཞིག་འཚོལ་གྱིན་ཡོད་པ་འདྲ།

བོད་ཀྱི་བུད་མེད་ལྷན་ཚོགས་ཀྱི་འཕྲེད་དར་ཐོག་ལ་དབྱིན་ཡིག་མ་གཏོགས་བོད་ཡིག་མེད་ཚུལ་ལ་བལྟས་ན། བོད་སྐད་དང་བོད་ཡིག་མི་ཤེས་མཁན་ཅིག་བཀའ་ཁྲིར་འཚོལ་བགྱིན་ཡོད་པ་འདྲ། ཡང་ན། བོད་ཀྱི་བུད་ལྷན་ཚོགས་ནང་ལ་བོད་ཡིག་འབྲི་ཤེས་མཁན་མེད་པ་འདྲ།

ཨོ་རེད་ཡ། བོད་ཀྱི་བུད་མེད་ལྷན་ཚོགས་ཀྱི་འཕྲེད་དར་ཐོག་ལ་དབྱིན་ཡིག་མ་གཏོགས་བོད་ཡིག་མེད་ཚུལ་ལ་བལྟས་ན། བོད་ཀྱི་བཀའ་ཁྲི་དབྱིན་ཅིའི་མི་ཞིག་འཚོལ་གྱིན་ཡོད་པ་འདྲ།

བོད་ཀྱི་བུ་མེད་ལྷན་ཚོགས་བཀའ་ཁྲི་འཚོལ་དུ་འགྲོ་ས་རེད། ཚོགས་འདུའི་མདུན་གྱི་འཕྲད་དར་དེ་ལ་གཅིག་ལྟོས་དང་བོད་ཡིག་”ཀ”་ཞིག་ཀྱང་མཐོང་རྒྱུ་མི་འདུག ངོ་མ་ཡིད་སྐྱོ་བའི་གནས་ཞིག་རེད། ད་དུང་ཆོས་དང་རིག་གཞུང། ༸གོང་ས་མཆོག་གི་བཀའ་དགོངས། མ་ཎི་བགྲང་བགྲང་བྱེད་སྡོད་པ་ལས་རང་ཉིད་ནས་འགོ་བཙུག་ན་མིས་སྨོན་རང་སྐྱིད་དང། དུས་ཐོག་ཆར་པ་ཞིག་ལུས་ཡིན།

བུད་མེད་ཚོགས་པས་ཡང་བསྐྱར་ལྟག་སྒོ་བརྒྱུད་ནས་བཀའ་བློན་ཁྲི་པ་ཞིག་ཚོལ་འདོད་ཡོད་པ་འདྲ། བུད་མེད་ཚོགས་པའི་བྱ་བ་དང་ལས་ཀ་འདི་ཚོ་དུས་ནམ་ཡང་རྙོག་དྲའི་ནང་ནས་བུད་དུ་མེད་པའམ་འབུད་དུ་མེད་པས་ན་བུད་མེད་ཚོགས་པ་རེད། ལྟག་སྒོ་བརྒྱད་ནས་ཁེ་བཟང་འཚོལ་མཁན་ཚང་ཟིག་རེད་མོ།

སྒྲོལ་མ་ལགས། གོང་གི་པར་རིས་དག་ལས་ལག་པ་གཡོན་པའི་ངོས་ཀྱི་དང་བོ་འོག་འཇུག་དམར་བོ་ཅན་གྱི་བུད་མེད་དེ་ཚོགས་གཙོ་གཞོན་པ་བསམ་གཏན་ལགས་རེད། དེའི་ཟུར་ན་ཡིག་ཆ་སྙན་སྒྲོན་ཞུ་བཞིན་པའི་བུད་མེད་དེ་དྲུང་ཆེ་ཚེ་དབྱངས་ལགས་རེད། དེའི་ཚུར་ཕྱོགས་གསུམ་པའམ་དཀྱིལ་མ་དེ་ཚོགས་གཙོ་ཀིརྟི་སྒྲོལ་དཀར་ལྷ་མོ་ལགས་རེད། དེའི་ཟུར་གྱི་བཞི་བ་དེ་དབུས་བུད་མེད་ཚོགས་པའི་ཉམས་ཞིབ་པ་ཟླ་སྒྲོན་ལགས་རེད། ཆེས་མཐའ་མ་དེ་ཤེས་མ་སོང་། དེ་ལྟར་ཡིན། གོང་གི་པར་རིས་སྒང་གི་མཛངས་མ་འདི་དག་དག་ནི་བོད་ཀྱི་བུད་མེད་ཚོགས་པའི་དབུས་སྤྱི་ཁྱབ་རྒྱུན་པ་རྐྱང་རེད། འདི་ནི་ངས་ཤེས་པ་དེ་ཡིན།

བུད་མེད་ཚོས་བཀའ་ཁྲི་འཚོལ་རྒྱུ་སྔ་མ་དྲགས་ཀྱང་ཕྱི་མི་འདུག

གླེན་པ་ལུག་གི་ལུག་རང་རེད།
བུད་མེད་ལྷན་ཚོགས་ནང་དུ་བོད་ཡིག་ཤེས་མཁན་མེད་སྟབས། དབྱིན་ཡིག་གཡག་རོ་ཙམ་ཞིག་འབྲི་དགོས་བྱུང་བ་རེད། དེ་མི་འགྲིག་པ་ཞིག་མི་འདུག དབྱིན་ཡིག་ཡག་པོ་ཤེས་ན་ཡག་པོ་རེད།

འོནད་ཀྱང་ལས་འགུལ་སྤེལ་བ་ཡག་པོ་རེད། དེ་ལ་དགག་པ་རྒྱབ་པ་མིན།

ཡག་པོ་འདུག་རྗེས་སུ་ཡི་རང་ཡོད་་་ཐུགས་རྗེ་ཆེ།
གྲོང་གསེབ་དག་ན་འཚོལ་དུ་མ་འགྲོ་མི་རྐྱང་ཚོས་བཙན་གཡེམ་བྱེད་ཀི་རེད་དཱ། ད་དུང་རོགས་པ་མེད་པར་མ་འགྲོ་མ་གཏོགས་བཀའ་ཁྲི་མི་རེག་པར་ཅིག་ཅིག་ཅིག་རེག་ཡོང་་་གཟབ་གཟབ་བྱོས་འཱ་ཧཧཧ

ཡུན་རིང་ཞིག་ལ་ཕྱི་ལོགས་སུ་འཁྱམས་ཉུལ་བྱས་རྗེས་གླེན་པ་ལུག་སླར་ཡང་དུས་བབ་དྲ་སྒོར་འཛུལ་བ་ཡིན།
བུད་མེད་ལྷན་ཚོགས་ཀྱི་བྱེད་སྟངས་དེ་ཧ་ཅང་བཟང་བར་མཐོང་། གོང་དུ་དྲ་གྲོགས་རེ་འགས་བཤད་པ་ལྟར། བུད་མེད་ཚོགས་པར་དབང་ཚད་དམ་ཡང་ན་བྱེད་སྟངས་རེ་ཡོད་པ་ཡིན་ན། རང་བཙན་ལག་དེབ་དེབ་སྐྱེལ་སྐོར་ལ་ལས་འགུལ་སྤེལ་རྒྱུ་གལ་ཆེན་ཡིན་པ་འདྲ། དེ་མིན་བརྒྱ་བཤད་སྟོང་བཤད་ཇི་ལྟར་བྱས་ཀྱང་ཕན་ཐོགས་མེད། བཀའ་ཁྲིའི་འོས་མི་ནི་ད་ལྟ་ནས་ཚ་ཚ་འུར་འུར་ཡིན་སྟབས། ཕལ་ཆེར་དུས་ལ་བབས་ན་ཟིང་སློང་ཆེན་པོ་ཡོང་རྒྱུ་ཡིན་པ་འདྲ། གཙོ་བོ་མང་ཚོགས་ཀྱིས་ཆ་ཤས་ལེན་ཐུབ་པ་ཞིག་བཟོ་རྒྱུ་གནད་འགག་རེད་འདོད།

ཡག་པོ་རེད་ལག་ལེན་ཡོང་བར་སྨོན།

བུ་མེད་ཚོགས་པའི་མི་མང་ལ་གོ་རྟོགས་སྤེལ་བ་ཧ་ཅང་ཡག་པོ་རེད།འོན་ཀྱང་སྤེལ་སྟེང་མ་ནོར་བ་ཞིག་ཡོང་བའི་རེ་བ་ཡོད།བཙན་བྱོལ་བོད་མི་ཡོངས་ནས་ཆ་ཤེས་ལེན་ཐུབ་པ་ཞིག་བྱེད་ན་རང་བཙན་ལག་དེབ་ཐོག་དཀའ་ངལ་མེད་པ་ཞིག་བཟོ་བའི་རེ་བ་ཡོད།

བེུད་ལྷན་ཚོགས་ཀྱི་ལས་འགུལ་དེ་ལྟར་སྤེལ་བར་སྙིང་ཐག་པ་ནས་ཐུགས་རྗེ་ཆེ་ཞུ།ཁྱོད་རྣམ་པའི་ཕྱག་ལས་ལ་ལམ་འགྲོ་ཡོང་བ་ཤོག་ཅེས་སྨོན་ལམ་དང་ད་ལྟ་རྒྱལ་བ་རིན་པོ་ཆེ་གཙོ་བྱེད་པའི་མི་རྒན་ཁ་ཤས་ལྷག་ཡོད་པའི་སྐབས་སུ་ན་གཞོན་ཞིག་ཡོང་ཐུབ་ན་ལམ་སྟོན་གནང་མཁན་ཡོད་ཙང་ཡག་པོ་ཞེ་དྲག་རེད་དྲན་གྱི་འདུག།དེ་ཡང་མི་སྐྱ་ཞིག་ཡོང་ན་དེ་ལས་བཟང་།

༄༅། བུད་མེད་ལྷན་ཚོགས་ཀྱི་ཕྱག་ལས་འདི་ལ་བར་ཆད་མེད་པར་སྨོན
མང་ཚོགས་ལ་གོ་རྟོགས་སྤེལ་རྒྱུ་ཧ་ཅང་གལ་ཆེན་རེད།
གཞན་གང་ཡིན་འདི་ཡིན་མེད་པས་མིང་འགའ་རེ་བཏོན་འདུག་ན་ཡང་མཚན་སྙན་ཆེན་པོ་དག་འགའ་ཞིག་ལས་མང་པོ་ཞིག་སེམས་ངོག་ལ་ཤར་རྒྱུ་མི་འདུག་པས་ཕན་པ་དེ་ཙམ་མ་བྱུང་།
དེས་ན་ཁྱེད་ཅག་གིས་བཀའ་ཁྲིར་འོས་པ་གང་ན་སུ་ཡོད་པ་དག་གིས་འདས་ཟིན་ལོ་རྒྱུས་དང་ད་ལྟའི་བྱ་བའམ་གནས་སྟངས་སོགས་མང་ཚོགས་ལ་གཅིག་དང་གཉིས་བྱས་ནས་ར་སྤྲོད་བྱེད་རོགས་ཞེས་འབོད་སྐུལ་ཞུ།།