མི་ནག་ཚང་ལུང་རིགས་རྒྱལ།
ཉིན་དེར་རྒྱ་རིགས་ཤིག་དང་མཉམ་དུ་སྐད་ཆ་བཤད། ཁོ་ཧོང་ཀོང་ནས་རེད། ཡིན་ཡང་ཁོས་ལོ་མང་རིང་པེ་ཅིན་དང་ངྷ་སའི་བར་གོམ་པ་མང་པོ་བརྒྱབ་འདུག འདས་པའི་ལོ་ ༥ རིང་མཚམས་མ་ཆད་པར་ངྷ་སར་ཡོང་ཞིང་། ཡང་དང་བསྐྱར་དུ་རྒྱལ་བ་རིན་པོ་ཆེར་མཇལ་འདུག འདི་དད་པ་དང་དོན་དག་གཞན་གང་གི་ཕྱིར་ཡིན་མིན་གལ་ཆེན་མ་རེད།
ཁོས་འདི་ཕྱོགས་ནས་ཉེན་ཁ་ཆེན་པོ་ཞིག་མཐོང་བ་ནི། ད་སྐབས་བཙན་བྱོལ་བོད་མིའི་ཁྲོད་ནའང་༧གོང་ས་མཆོག་ལ་མངོན་གསལ་དོད་པོས་ཡ་ལན་སློག་མཁན་ཇེ་མང་དུ་འགྲོ་བཞིན་པའི་གནས་སྟངས་རེད། གནས་ཚུལ་འདི་ནི་གཞེས་ནིང་ལས་ན་ནིང་མངོན་ཆེ་བ་དང་། ན་ནིང་ལས་ད་ལོ་ལྷང་ཆེ་བ་འདུག ཁོས་འདི་ལ་བསམ་ཤེས་བྱེད་ཐུབ་ཀྱི་མི་འདུག་ལ། འདི་ནི་བོད་དོན་འཐབ་རྩོད་ཀྱི་སེར་ག་ཆུང་ཆུང་ཞིག་རེད་ཟེར།
རྒྱ་ནག་གི་འོག་ནས་བོད་ཀྱི་རིག་གཞུང་ཉམས་ཆག་ཏུ་འགྲོ་བཞིན་པ་ནི་ཤར་ནུབ་གཉིས་ཀར་མྱོང་བ་གཅིག་གྱུར་རེད། འདི་ནི་རྐང་བཙུགས་པའི་གཏོར་བཤིག་ལ་བརྟེན་ནས་འབྱུང་བཞིན་ཡོད། བོད་མི་ཚོའི་སྐད་ཡིག་བརླག་གིན་ཡོད། དགོན་པ་སྟོང་བཞིན་ཡོད། ངོ་རྟགས་འབོར་བཞིན་ཡོད། ཡུལ་སྲོལ་ཉམས་བཞིན་ཡོད། ཆ་ལུགས་འཆོལ་བཞིན་ཡོད། སྐབས་འདིར་བོད་ཀྱི་རིག་གཞུང་དང་མི་རིགས་ཀྱི་ངོ་རྟགས་དེ་ཏཱ་ལའི་བླ་མས་དབུ་ཁྲིད་པའི་བཙན་བྱོལ་དུ་ཡོད། ཏཱ་ལའི་བླ་མ་ནི་བོད་ཀྱི་རིག་གཞུང་གི་སྲོག་ཤིང་གལ་ཆེན་ཞིག་ཡིན། འོན་ཀྱང་། ད་ནི་སྲོག་ཤིང་འདི་ཡང་དེ་ཙམ་གྱི་བཀན་མོ་ཞིག་ཏུ་གནས་ཐུབ་གི་མི་འདུག གཙོ་བོ་ཤེས་ཡོན་པའི་ཁྲོད་ནས་ཁོང་ལ་ཡ་ལན་སློག་གི་འདུག དེའི་ཤུགས་རྐྱེན་བཙན་བྱོལ་གྱི་སྒྲིག་འཛུགས་ཁག་དང་སྤྱི་ཚོགས་གང་སར་འཕེལ་གྱིན་འདུག སྣང་ཚུལ་འདི་གསལ་བོ་དང་མགྱོགས་པོ་རེད་ཟེར།
གདོང་པར་ཆུ་ཞིག་བརྒྱབ་སྟེ། རང་ཚོས་བསྐྱར་དུ་བསམ་བློ་ཐོངས།
ཁོས་མུ་མཐུད་ནས་བཤད་སོང་། ཏཱ་ལའི་བླ་མར་ཚད་ཡོད་མེད་གང་ལྟར་ཡང་། བོད་རིགས་ཚོ་བོད་པ་ཞིག་གི་ཚད་ནས་ལངས་ཐུབ་མིན་ནི་གནད་འགག་ཆགས་འདུག རྒྱ་ནག་ནས་ཏཱ་ལའི་བླ་མར་སྐྱོན་བརྗོད་བྱས་ན་འདྲ་བོ་འདུག་ཀྱང་། ངྷ་ས་ནས་ཏཱ་ལའི་བླ་མར་སྐྱོན་བརྗོད་སྣ་ཚོགས་ཡོང་བཞིན་པ་ནི་ཡག་རྟགས་དང་དགེ་རྟགས་གང་ལའང་མཐོང་མ་སོང་ཟེར། ཁོས་པེ་ཅིན་གྱི་མཁྲེགས་འཛིན་དང་ངྷ་སའི་འཕག་འཚག་གཉིས་ཀའི་བར་ནས་ཏཱ་ལའི་བླ་མ་དང་ཁོང་གི་བོད་དོན་རྒས་བཞིན་འདུག་ཟེར།
གཉིས་པ་དེར། རང་བཙན་དང་དབུ་མའི་ལམ་གྱི་འཐབ་རྩོད་ཀྱི་བཤད་ཡམས་ཁྲོད་ནས། ཐུན་མོང་གིས་འབད་ས་ཞིག་བརྗེད་འདུག དེ་ནི་ཆབ་སྲིད་བཤད་བསྡད་དེ། རིག་གཞུང་བརླག་བཞིན་པ་དེ་རེད། བོད་མི་ཚོར་རང་བཙན་དང་རང་སྐྱོང་མ་རག་ཀྱང་། རང་གི་རིག་གཞུང་མ་བརླག་ན། རྒྱ་ནག་ནས་གྲངས་ཉུང་མི་རིགས་ ༥༥ བོར་སོང་རུང་། བོད་པ་ཚོ་མུ་མཐུད་ནས་ཧི་མ་ལ་ཡའི་རྫ་གསེབ་ཅིག་ནས་རྙེད་གི་རེད་ཟེར།
མ་གཞི་ནས་དབུ་མའི་ལམ་ལ་གྲུབ་འབྲས་མཐོང་རྒྱུ་མེད་རུང་། རང་བཙན་རྩོད་མཁན་ཚོ་ལ་ཡང་རང་བཙན་དགོས་དོན་དང་རང་བཙན་ལེན་སྟངས་ལ་གསལ་བོ་མི་འདུག་ལ། དམངས་གཙོ་ལོངས་སུ་སྤྱོད་སྟངས་ཀྱང་དགྲ་དགའ་གཉེན་སྡུག་གི་རང་བཞིན་ཞིག་རེད། དཔེར་ན། མང་ཚོགས་ཀྱི་ཤེས་ཡོན་གྱི་ཚད་གཞི་ཤིན་ཏུ་དམའ་བ་དང་། ཁོང་ཚོའི་དམངས་གཙོའི་ཁེ་དབང་ཤིན་ཏུ་མཐོ་བོ་རེད། འདི་གཉིས་བར་གྱི་འགལ་བའི་ངོ་བོ་ནི་ག་དུས་ཡིན་ཡང་ཉེན་ཁ་ཡིན་ཟེར།
དེའི་རྗེས་ནས་ཁོས་གནས་ཚུལ་འདི་དག་གི་འབྱུང་རྩའི་སྐོར་གླེང་སོང་། འདིའི་ལན་པ་ནི་ཏཱ་ལའི་བླ་མ་རང་ཉིད་ལ་འདུག ཐོག་མར་ཁོང་གིས་རང་ཉིད་བོད་ཀྱི་རིག་གཞུང་གི་མཚོན་བྱེད་ཅིག་ཡིན་པ་ཞལ་བཞེས་མ་གནང་བ་རེད། དཔེར་ན། པེ་ཅིན་གྱིས་བཤད་ཚད་ལ་ཉན་ཏེ། བོད་དོན་དང་ཏཱ་ལའི་བླ་མའི་གནད་དོན་ཅེས་ཁ་ཁར་བཏང་བ་དེ་རེད། པེ་ཅིན་གྱིས་ཏཱ་ལའི་བླ་མ་སྒེར་གྱི་གནད་དོན་མ་གཏོགས་བོད་དོན་ཟེར་བ་ཞིག་མེད་ཟེར། ཏཱ་ལའི་བླ་མས་བོད་དོན་མ་གཏོགས་ཏཱ་ལའི་བླ་མའི་སྒེར་གྱི་གནད་དོན་ཟེར་བ་ཞིག་མེད་ཅེས་རྩོད་པ་རྒྱག་གིན་ཡོད། དོན་དངོས་ཐོག་འདི་གཉིས་ངོ་བོ་དབྱེར་མེད་ཆགས་ཡོད་རེད། ཡིན་ཡང་། ཏཱ་ལའི་བླ་མས་རང་གི་བོད་མི་རིགས་ལ་འཛེམས་ཟོན་བྱས་པ་རེད། ཁོང་གི་གནད་དོན་ཡིན་ལབ་ན་བོད་པ་ཚོས་ག་རེ་བཤད་ཡོང་སྙམ་པ་རེད། ཕྱོགས་གཞན་ནས་ཁོང་ཉིད་དྲང་པོ་ཡིན་པའང་བསྟན་པ་རེད། གལ་སྲིད་པེ་ཅིན་གྱིས་མུ་མཐུད་ཨུ་ཚུགས་རྒྱག་ན། ཏཱ་ལའི་བླ་མ་སྒེར་གྱི་གནད་དོན་ཐག་གཅོད་རྒྱུར་ཁས་ལེན་བྱ་དགོས་པ་རེད། དཔེར་ན། རྒྱ་ནག་རི་བོ་རྩེ་ལྔར་ཕེབས་རྒྱུ་དེ་ཁོང་གི་སྒེར་དོན་རེད། ཧུའུ་ཅིན་ཐོ་ལ་ཐུག་རྒྱུའི་རེ་བ་འདོན་པ་དེ་ཁོང་གི་སྒེར་དོན་རེད། ཏཱ་ལའི་བླ་མ་སྒེར་གྱི་གནད་དོན་འདི་དག་པེ་ཅིན་གྱིས་ཇི་ལྟར་ཐག་གཅོད་ཐུབ་མིན་ལ་ལྟོས་དང་དེ་ནས་བོད་དོན་དང་ཏཱ་ལའི་བླ་མ་སྒེར་གྱི་གནད་དོན་གཉིས་ངོ་བོ་གཅིག་ཡིན་མིན་གསལ་བོ་ཆགས་ཡོང་གི་རེད། ཏཱ་ལའི་བླ་མས་རང་ཉིད་ཆུང་ཆུང་བཟོས་པ་རེད།
གཉིས་པ་དེར་ཁོང་གིས་གཡོལ་ཐབས་མེད་པའི་གནས་སྟངས་ཤིག་གི་འོག་ནས་བོད་མི་ཚོ་དམངས་གཙོའི་ལམ་ཁར་དེད་པ་རེད། འདི་ནི་ཆ་རྐྱེན་ཞིག་གི་འོག་ནས་བྱུང་བ་རེད། ཡིན་ཡང་། བོད་མི་ཚོའི་ཤེས་ཡོན་གོང་སྤེལ་ཕྱོགས་ལ་དེ་ཙམ་གྱི་ནུས་པ་ཐོན་མེད། དེར་བརྟེན། དམངས་གཙོའི་ཤེས་བྱ་མེད་བཞིན་དུ་དམངས་གཙོའི་ལྟ་གྲུབ་ཅིག་ལག་ལེན་ལ་བཀལ་བ་ནི་དཀའ་ངལ་ཆགས་རྒྱུ་མ་ཟད། རང་དབང་ལོངས་སྤྱོད་ཀྱི་ངོ་བོར་མ་ཕྱིན་པར། རང་སྣང་གང་དྲན་གྱི་ངོ་བོར་འགྱུར་བཞིན་འདུག་ཟེར།
གསུམ་པ་དེར། ཏཱ་ལའི་བླ་མས་རང་གི་འཁྲུངས་རབས་དང་ལོ་རྒྱུས་ཀྱི་གོ་དབང་སོགས་ཀྱང་ཇེ་ཆུང་ལ་གཏོང་གིན་འདུག སྐུ་ཕྲེང་རྗེས་མ་ཕེབས་ཕྱོགས་སྐོར་ལ་བསམ་ཚུལ་སྣ་ཚོགས་བཏོན་སོང་། འདི་དག་གིས་བོད་མི་ཚོའི་འདུ་ཤེས་ལ་འགྱུར་བ་ཐེབས་ཀྱིན་འདུག དེ་བཞིན་དུ། ཁོང་གི་གོ་དབང་ཡང་ཆུང་དུ་བཏང་སྟེ། སྐུ་ཕྲེང་བཅོ་ལྔ་བ་དེ་མི་གཉིས་ཀྱི་རྣམ་པར་ཕེབས་དགོས་ལུགས་ཀྱང་གསུངས་པ་རེད། འདི་དག་ནི་བཅོས་སྒྱུར་རེད་ལ། ཁོང་གི་ནུས་པ་ཇེ་ཆུང་དུ་འགྲོ་བཞིན་པའི་རྒྱུ་རྐྱེན་ཡང་རེད། འདི་ལྟར་ཁོང་གིས་རང་ཉིད་ཤིང་གཞོག་གཞོག་བྱས་ཏེ། ཧ་ཅང་དྲང་པོ་དང་། ཧ་ཅང་ཕྲ་མོ་ཞིག་ཏུ་བཏང་ལ། དེར་བརྟེན། ཁོང་ཉིད་ཆག་ཆོག་ཆོག་ཏུ་ཡོད་པའི་བོད་མིའི་སྲོག་ཤིང་ཞིག་ཏུ་གྱུར་བ་རེད་ཟེར།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དྲ་གྲོགས་ཚོ། བསྟོད་པ་ཤ་སྟག་འཐེན་ནས་སྡོད་ཨཱ། ཨ་ལ་རྩེད་མོ་ཡིན།
ཨ་རིག་འགྱུར་མེད་ལགས་ཀྱིས། མཆན་འདེབས་དུས་སྐྱོན་བརྗོད་ཀྱི་རིགས་སྤང་རོགས། གལ་སྲིད་དེའི་རིགས་བྱུང་ཚེ་དགོས་དབང་གིས་གསུབ་གྱིན་ཡོད་ལ། ད་སྔ་མཆན་མི་ཉུང་བ་ཞིག་གསུབ་དགོས་འཁེལ་བྱུང་། ཅེས་གསུངས་འདུག
༡ མཆན་འདེབས་དུས་ཁུངས་མེད་སྐྱོན་བརྗོད་ཀྱི་རིགས་བསུབ་དགོས་ངེས་ཀྱང་། ཁུངས་ཡོད་ལ་སྐྱོན་ཡང་ཡིན་པའི་སྐྱོན་བརྗོད་བྱེད་མི་ཆོག་ན་མཆན་འདེབས་སའི་ས་ཆ་འདི་བསྟོད་པ་འཐེན་སའི་ཆེད་དུ་ཡིན་ས་རེད།
༢ སྐྱོན་བརྗོད་ཀྱི་རིགས་བསུབ་ཀྱི་ཡོད་ན་བསྟོད་པ་འཐེན་བཞིན་སྡོད་པ་དེ་རིགས་ཀྱང་བསུབ་དགོས་ཀྱི་རེད་བསམ་གྱི་འདུག སྐྱོན་བརྗོད་མི་ཆོག་ན་བསྟོད་པ་བརྗོད་ཆོག་དགོས་པའི་རྒྱུ་མཚན་མི་འདུག
༣ ཡང་འགའ་ཞིག་ལ་སྐྱོན་བརྗོད་བྱས་པ་བསུབ། འགའ་ཞིག་ལ་སྐྱོན་བརྗོད་བྱས་པ་འཇོག་གི་ཡོད་པ་དེ་འདྲ་ནི་ཡིན་རྒྱུ་མ་རེད་བསམ་གྱི་ཡོད།
༤ མཆན་འདེབས་མཁན་གྱི་མི་འདི་དག་བོད་ཀྱི་དུས་བབ་ཀྱི་ངོས་ནས་ངེས་པར་དགོས་ས་ཞིག་ལ་བརྩིས་སྤྲོད་བྱེད་རྒྱུ་ཡོད་པ་ཞིག་དང་པོ་ནས་བྱེད་དགོས་ཀྱི་རེད་མ་གཏོགས་ཟིན་བྲིས་པ་དང་། མཆན་འདེབས་མཁན་དྲ་འབུ་ཚོ་སུ་ཡིན་ཁུངས་ཙམ་ཡང་སྟོན་རྒྱུ་མེད་ན་ཏག་ཏག་བསྡད་ཡོད་མ་རེད་བསམ་གྱི་འདུག
༥ ཟིན་བྲིས་པ་དང་མཆན་འདེབས་པའི་ཁུངས་ལུངས་སྟོན་རྒྱུ་ཡོད་པའི་གནས་བབ་ཀྱི་འོག་ནས་མཆན་འདེབས་མཁན་ཚོར་ག་རེ་བཤད་རྒྱུ་འདུག་ན་བཤད་བཅུག་ན་འགྲིག་གི་རེད་བསམ་གྱི་འདུག སོ་སོས་བཤད་པ་དེ་སོ་སོས་འགན་ཁུར་དགོས་བྱེད་ཀྱི་རེད། དེ་འདྲ་བྱུང་ན་བོད་ཀྱི་དུས་བབ་ཀྱི་ངོས་ནས་བྱ་བདེ་བྱེད་བདེ་ཡོང་གི་རེད་དྲན་གྱི་འདུག
ང་ཚོས་དོན་གནད་རང་ལ་འཁྲིལ་སྟེ་བསམ་ཞིབ་ནན་ཏན་བྱ་དུས། རྒྱ་རྒན་འདིས་CCTV གི་འགན་འཁུར་ཕྲག་པར་བླངས་ཏེ་གཏམ་འཁྱལ་ལྐོག་གཡོ་འདི་ཆེད་དུ་རྡ་སར་གཡུག་པར་ཡོང་བ་རེད། གཡོ་གཏམ་འདིའི་མདུན་རྒྱབ་ནས་ཁོ་ལ་བསྒྲུབ་བྱ་གཉིས་ཡོད་པ་མཐོང་གི་འདུག
གཅིག བོད་མིས་གོང་ས་མཆོག་གི་བཀར་གཙིགས་འཛིན་བྱེད་པའི་རྣམ་འགྱུར་འདི་མེད་པ་བཟོ་རྒྱུའི་ངན་སློང་ཁུར་ཡོད་པ་དང་། འདིའི་སྒྲུབ་བྱེད་དུ་བཙན་བྱོལ་ནང་ཅུང་ཟད་གོ་རྟོགས་སད་པའི་ཤེས་ཡོན་པ་ཚོས་བསམ་འཆར་འདྲ་མིན་བཏོན་པ་དེར་ཁ་བསྒྱུར་བྱས་ཏེ་ཡ་ལན་སློག་ཡོད་ཟེར། འདི་ནི་གཡོ་འཁྲིད་ཀྱི་སྐད་ཆ་རེད། དཔེར་ན་བཙན་བྱོལ་བོད་ཀྱི་གྲོས་ཚོགས་ནང་ཁ་རི་ཁ་ཐུག་དང་ཁ་ཤེད་ཆེ་ཤོས་ཀྱི་ཨོ་རྒྱན་སྟོབས་རྒྱལ་སོགས་ནས་ཉེ་ཆར་རྒྱ་ནག་ལ་སྤྲད་པའི་བོད་རིགས་ཡོངས་ལ་རང་སྐྱོང་ཡོང་ཐབས་ཀྱི་བསམ་འཆར་སྐོར་གླེང་བའི་སྐབས་སུ་ཁོས་བཤད་དོན། གལ་ཏེ་ཡིག་ཆ་འདི་གོང་ས་མཆོག་གི་དགོངས་གཞི་མིན་ན་ཁས་ལེན་གཏན་ནས་བྱ་གི་མིན། ཅི་སྟེ་ཡིག་ཆ་འདི་གོང་ས་མཆོག་གི་དགོངས་གཞི་ཡིན་ཚེ་རྒྱུག་རྐྱང་མཆོང་རྐྱང་ཡིན་ཟེར་བཤད་སོང་། སྐད་ཆ་འདིས་བཙན་བྱོལ་བའི་བོད་མི་ཡོངས་ཀྱི་ཚབ་མཚོན་མི་ཐུབ་ནའང་ཨོ་རྒྱན་སྟོབས་རྒྱལ་གྱིས་ཀྱང་འདི་འདྲ་འདྲ་བཤད་ཀྱི་ཡོད་དུས་བོད་མི་མང་པོ་ཞིག་གི་བསམ་བློ་རྒྱས་འགེབས་བྱ་ཐུབ་ངེས་རེད་བསམ་ཡོད།
གཉིས། བཙན་བྱོལ་བོད་མའི་སྤྱི་ཚོགས་ནང་ཚད་གཞི་གང་འཚམས་སླེབས་པའི་དམངས་གཙོའི་ལམ་ལུགས་འདི་རེད། རྒྱ་ནག་ཏུ་འཛམ་གླིང་མི་འབོར་གྱི་ལྔ་ཆ་གཅིག་ཙམ་ཟིན་ནའང་བརྒྱ་ཁ་གཅིག་གཅོད་ཡིན་པས་ཁོང་ཚོར་དེར་དོག་མི་བདེ་བ་ཡོད་པས་བཙན་བྱོལ་བོད་ཀྱི་དམངས་གཙོའི་སྒྲིག་འཛུགས་འདི་གཏོར་བཤིག་གཏོང་ཐབས་རེད་ལ་སྐད་ཆ་འདི་འདྲ་བ་དྲ་ལམ་བརྒྱུད་ཆེན་པོ་བཟོས་ཏེ་བོད་ནང་གི་བོད་མི་ཚོ་གནད་བཟོད་མི་བདེ་བ་དང་བོད་མི་ནང་ཁུལ་གྱི་མཐུན་ལམ་དང་ཆིག་སྒྲིལ་ལ་རྨ་ཁ་བཟོ་འདོད་རེད་པས་དོན་དགེ་ཞིག་མིན་པ་མཐོང་ཡོད།
ཁ་སྣོན་གཅིག་ཡོད།
ག་དུས་ཀྱང་དོགས་སློང་དང་སྐྱོན་བརྗོད་ནི་མི་རིགས་ཤིག རྒྱལ་ཁབ་ཅིག ཚོགས་ཁག་ཅིག་བསྐུལ་བྱེད་དང་རྒྱས་བྱེད་ཀྱི་སྲོག་ཤིང་ཡིན་ཞིང་། དེ་ལས་ལྡོག་ན། བོད་ནང་བཞིན་རྒྱལ་སྟོང་གཡོག་པོ་ཆགས་ཀྱི་ཡོད་ལ། དེའང་སྔར་དོགས་སློང་དང་སྐྱོན་བརྗོད་མ་དད་པ་དང་མ་གུས་པའི་མཚོན་བྱེད་དུ་བཙན་འགེལ་བྱས་པར་ཐུག་ཡོད། མ་གཞི་རང་རེའི་མེས་པོ་ཚོས་ག་རེ་ཕྱོགས་བསྡོམས་གནང་ཡོད་དམ་ཞེ་ན། ༼ཤ་ཚ་བའི་ཚིག་ལ་སྙན་པོ་མེད། ནད་མཁྲིས་པའི་སྨན་ལ་ཞིམ་པོ་མེད༽ཅེས་པ་འདི་མ་ཡིན་ནམ། དེ་བས། སྐྱོན་བརྗོད་དང་དོགས་སློང་ཡང་རིག་གཞུང་ཞིག་གི་ཉམས་པ་སླར་གསོ་དང་མ་ཉམས་གོང་སྤེལ་མ་ཡིན་ནམ། དྲ་མགྲོན་ཚོ།
ནགས་ཤོད་རིག་རལ་ལ་བག་ལེབ་གཉིས་ཀྱི་དངན་པ་ཡོད།
༡ དེང་ཕྱིན་ངྷ་སར་ཡོང་མཁན་གྱི་རྒྱ་མི་ལ་བརྟག་དཔྱད་གཏོང་སྐབས། མི་རིགས་རང་ཐག་རང་གཅོད་ངོས་ལེན་ཡོད་མེད་ལ་བརྟག་འོས་ཤིང་། བརྟག་པ་ཙམ་མ་ཡིན་པར་ཡིག་ཐོག་ལ་ཕབ་ནས་བརྒྱུད་ལམ་ཁག་སྤེལ་དགོས་ཀྱི་འདུག འགན་འདི་གསར་འགྱུར་ལས་རིགས་ཀྱི་ཕྲག་པར་ལྷུང་ཡོད།
༢ གལ་སྲིད་མི་རིགས་རང་ཐག་རང་གཅོད་ལ་ངོས་ལེན་མེད་པའམ། ཡོད་ཀྱང་བརྒྱུད་ལམ་ཁག་ཏུ་སྤེལ་བར་དོགས་མཁན་ཚོར་ངེས་པར་གཟབ་དགོས།
༣ མི་རིགས་རང་ཐག་རང་གཅོད་ནི་འགྲོ་བ་མིའི་ཐོབ་ཐང་གི་ཚད་གཞི་འཇོག་ས་ཡིན་ལ། སྐྱེས་ཐོབ་ཀྱི་ཐོབ་ཐང་ཉག་གཅིག་ཀྱང་ཡིན།
གོང་གསལ་ནི་པཱ་ལེ་བ་ཞིག་གི་གཞེན་སྐུལ་ཡིན་ཞིང་། མཁས་དབང་ཚོར་ཕུལ་བའི་དྲི་བའང་ཡིན།
རྒྱལ་བ་རིན་པོ་ཆེ་ལ་སྐྱོན་བརྗོད་བྱེད་མཁན་བཙན་བྱོལ་ནང་དུ་ཤེས་ཡོན་ཅན་གྱིས་ཁྲོད་ན་ཡོད་པ་ལོས་བདེན། རྒྱལ་བ་རིན་པོ་ཆེ་ལ་ངོ་རྒོལ་སྐྱོན་བརྗོད་ཤུགས་ཆེ་ཤོས་བྱེད་མཁན་དེ་དོན་རྒྱལ་ཚོགས་པ་རེད། དེའི་སྣེ་ཁྲིད་མཁན་དེ་དགའ་ཤར་འཛེ་སྨད་སྤྲུལ་སྐུ་རེད། ཁོང་ཤེས་ཡོན་ཅན་རེད། མི་བདེན་སྙམ་ན་ཁོང་གི་གསུང་འབུམ་དེབ་ཆེན་ཁ་ཤས་ཤིག་བལ་ཡུལ་དུ་དཔར་བསྐྲུན་བྱས་ཡོད། དབྱིན་ཡུལ་དུ་ཡོད་པའི་དགེ་བཤེས་སྐལ་བཟང་ཡིན་ནམ་དེ་ཚོས་ཀྱང་དེབ་བྲིས་པ་ནི་མཐོང་རྒྱུ་འདུག ཤེས་ཡོན་ཅན་ཟེར་བ་དེ་དེ་འདྲ་ཚོ་ལ་ཟེར་བ་ལོས་ཡིན། ན་ནིང་གི་དགའ་ལྡན་ཁྲི་པ་དེ་ཡང་གང་ཡིན་ནམ།
ལུང་རིགས་ལགས་ནས་གསལ་བཤད་རིང་པོ་ཞིག་གནང་འདུག་པར་བཀའ་དྲིན་ཆེ། ད་གང་ཐུབ་ཐུབ་ཉུང་ཉུང་ཞིག་ཞུ་གི་ཡིན། རྨོངས་འཆར་ཡིན།
དང་པོ།
བོད་དོན་རྒྱབ་སྐྱོར་བ་དང་བོད་དོན་ཆེད་མཁས་ཕྱི་གླིང་བ་ཚོའི་ཁྲོད་དུའང་མང་ཟེར་བའི་སྐད་ཆ་དེ་གོང་གི་རྩོམ་གྱི་ཁུངས་སུ་གསལ་བོ་མི་འདུག བོད་དོན་ཆེད་མཁས་ཕྱི་གླིང་བ་ཚོའི་ཁྲོད་ན། ཡ་ལན་སློག་མཁན་འདུག་དྲན། དེ་བདེན་པ་རེད་དྲན།
གཉིས།་
དཔེར་བརྗོད་ལ་རྒྱ་རི་བློ་གྲོས་རྒྱལ་མཚན་ལགས་བཞག་འདུག འདི་རྩོད་གཞི་རེད། འདི་རེད་ལབ་ནས་མཐའ་གཅིག་ཏུ་ཐག་གཅོད་པ་ཞིག་མ་རེད་ལ། མ་རེད་ཟེར་ནས་དཔངས་བཙུགས་བྱེད་ཐུབ་པ་ཞིག་ཀྱང་མ་རེད། ཞིབ་ཏུ་བརྟག་རྒྱུ་འདུག་དྲན།
གསུམ།
གྲོས་ཚོགས་ནང་གི་ཤེས་ཡོན་པ་དང་བརྒྱུད་ལམ་ཁག་གི་སྲིད་དོན་དཔྱད་བརྗོད་པ་གཉིས་ཀྱི་ནང་ན་འདུག་ལབ་འདུག ཨོ་དེ་ཡིན་ན། གྲོས་ཚོགས་ནང་གི་ཤེས་ཡོན་པ་ཚོ་དང་བརྒྱུད་ལམ་ཐོག་གི་སྲིད་དོན་དཔྱད་བརྗོད་པ་གཉིས་ཀྱི་སྐོར་ལ་བསམ་ཚུལ་མེད། ངེད་རང་སྒེར་གྱི་མཐོང་ཚུལ་ལ། དེ་ཚོ་ནི་རྡ་ལམ་ས་ལའི་ཆར་དུས་ཀྱི་གནམ་གཤིས་འདྲ་བོ་འདུག སྔ་དྲོར་གནམ་ངོ་དྭངས་ན། ཕྱི་དྲོར་གློ་བུར་དུ་གློག་དམར་འཁྱུགགི་རེད། ཐོག་རྒྱག་གི་རེད། ཆར་བ་འབབ་གི་རེད། དེ་ཚོའི་བྱེད་སྟངས་དེ་འདྲ་ཞིག་རེད།
བཞི།
ཡིག་ཐོག་དང་ངག་ཐོག་ཟེར་བ་འདི་གཉིས་ལ་བསམ་བློ་གཏོང་རྒྱུ་འདུག་དྲན། དཔེར་ན་། བཙན་བྱོལ་ནང་གི་ད་ཡོད་ལོ་རྒྱུས་ཆེད་མཁས་། དཔེར་ན། མཁས་དབང་ནམ་མཁའི་་ནོར་བུ། མཁར་རྨེའུ་བསམ་གཏན། གདོང་ཐོག་བསྟན་པའི་རྒྱལ་མཚན། བཀྲ་ཤིས་ཚེ་རིང་། ཚེ་རིང་ཤཱཀྱ། ངག་དབང་བསམ་གཏན།་ བསོད་ནམས་རྒྱལ་མཚན་སོགས་ཀྱིས་ཡིག་ཐོག་ནས་ཡ་ལན་སློག་འདུག་གམ། ངག་ཐོག་ནས་སློག་འདུག་གམ། དཔེར་ན། བཙན་བྱོལ་ནང་གི་ཆེད་མཁས། བློ་བཟང་སེང་གེ། ཚེ་རིང་རྣམ་རྒྱལ། བསྟན་འཛིན་རྣམ་རྒྱལ། ཨ་མདོ་ཚེ་རིང་། བཀྲ་ཤིས་རབ་རྒྱས། བློ་བཟང་རབ་རྒྱས་སོགས་ཀྱིས་ཡིག་ཐོག་ནས་ཡ་ལན་སློག་འདུག་གམ། ངག་ཐོག་ནས་སློག་འདུག་གམ། འདི་ཚོ་རེ་རེ་བཞིན་ཞིབ་འཇུག་དང་བརྩད་གཅོད་གཏོང་རྒྱུ་འདུག་དྲན། འདི་ནི་དཔེ་མཚོན་ཙམ་ཡིན།་ དེ་ནས། ངག་ཐོག་དེ་མི་སྒེར་བ་ཕན་ཚུན་གྱི་གླེང་མོལ་དེ་འདྲའི་སྐབས་ཀྱི་ངག་ཐོག་དེ་རེད་དམ་མི་མང་འཚོགས་ས་དང་འཛོམས་ས་དེ་འདྲའི་སྐབས་ཀྱི་ངག་ཐོག་རེད། འདི་ཡང་དོགས་སློང་ཙམ་ཡིན།
ལྔ་བ།
མཚམས་རེར་རྡ་ལམ་ས་ལ་ནས་བསྡད་དེ་བོད་དོན་ལ་བལྟས་ན་བལྟ་སྟངས་གཅིག་དང་རྒྱ་གར་ལྷོ་ཕྱོགས་ལ་ཕྱིན་ནས་བོད་དོན་ལ་བལྟས་ན་བལྟ་སྟངས་གཞན་ཞིག་ཡོང་གི་རེད། དཔེར་ན། རང་གི་ལག་པ་དེ་མིག་གི་རྩར་བཅར་ནས་བལྟས་ན། མིག་གི་མཐོང་བྱ་ཚང་མ་དེས་བསྒྲིབས་གི་རེད། འོན་ཀྱང་། ལག་པ་དེ་རྒྱང་རིང་ཙམ་བསྲིངས་ནས་བལྟས་ན།
དེ་ནི་མིག་གི་བལྟ་བྱའི་ཁྲོད་ཀྱི་ཆུང་ཆུང་ཞིག་རེད།
དྲུག།
ལུང་རིགས་ལགས། ངེད་ཀྱིས་འདི་རུ་རྒྱ་རིགས་ཁོང་ནས་གླེང་མོལ་དང་འབྲེལ་མོལ་གནང་སའི་མི་དེ་ཚོའི་མཚན་ྐློག་པ་པོ་ཚོའི་དཀྱིལ་ལ་ཞོག་ལབ་ཀྱི་མེད། འདི་མཚམས་རེར་ཏག་ཏག་བསྡད་ཀྱི་མ་རེད་དྲན། རྨོངས་འཆར་ཙམ་བཤད་པ་ཡིན། རྡ་ལམ་ས་ལའི་གནས་སྟངས་གཙོ་བོ་ཁྱེད་ཚོས་མཁྱེན་གི་རེད། དེ་ལ་ང་ལས་ཁྱེད་ཚོ་རྒྱུས་མངའ་ཡོད་རེད་དྲན། རྩོམ་འདིའི་སྐོར་ལ་ཁྱེད་དང་དངོས་སུ་ཁ་བརྡ་བྱེད་གི་ཡིན། གནས་སྐབས་རིང་བདེ་མོ་བྱོས།
སྤྱིར་རྒྱ་མི་འདིས་བོད་ལ་ཤ་ཚ་མདོག་གི་སྐད་ཆ་སྙན་པོ་མང་པོ་ཞིག་བཤད་འདུག་མོད། དོན་དག་ཆེན་པོ་གཉིས་ཀྱི་ཐོག་ནས་བོད་པ་རྣམས་བསླུ་བྲིད་བྱེད་པའི་བསམ་པ་ཞིག་ཡོད་པ་གསལ་པོ་རེད་འདུག དོན་དག་དང་པོ་དེ་གང་རེད་ཟེར་ན། ཁོས་བོད་དོན་དེ་གོང་ས་མཆོག་སྒེར་གྱི་གནད་དོན་ཡིན་པར་ཞལ་བཞེས་ཀྱང་སྐྱོན་མེད་ཚུལ་ཞིག་རལ་གྲིའི་རྩེ་ལ་སྦྲང་རྩི་བྱུག་ནས་བཤད་འདུག སྐད་ཆ་འདི་དག་སྙིང་གཏམ་ཚུལ་དུ་བཤད་པ་ཙམ་ལས་རྒྱ་གཞུང་གི་བཤོད་སྟངས་དང་གཅིག་པ་རེད། གལ་སྲིད་གོང་ས་མཆོག་གིས་བོད་དོན་ནི་གོང་ས་མཆོག་སྒེར་གྱི་གནད་དོན་ཡིན་པར་ཞལ་བཞེས་ན་གོ་རྒྱུ་ག་འདྲ་ཞིག་འདུག་གམ། བོད་དོན་ཟེར་བ་མེད་པ་ལྟ་བུ་ཞིག་མི་འདུག་གམ། དོན་ཆེན་གཉིས་པ་ཁོས་ཟེར་ན་གོང་ས་མཆོག་གིས་བོད་མི་རྣམས་དམངས་གཙོའི་ལམ་དུ་འདེད་པ་ལྟ་བུ་དེ་ཡག་པོ་མི་འདུག་ཟེར། སྐད་ཆ་འདི་ནས་རྒྱ་གཞུང་གིས་བྱེད་པའི་སེམས་ཁྲལ་དེ་ཁོ་རང་གིས་ཀྱང་བྱེད་པ་མཐོང་གི་འདུག རྒྱ་གཞུང་གི་བསམ་པ་ནི་གོང་ས་མཆོག་མ་བཞུགས་པའི་རྗེས་སུ་བོད་ལ་གོང་ས་ནང་བཞིན་མི་རིགས་གཅིག་ཏུ་སྒྲིལ་ནུས་པའི་སྐྱེས་བུ་འཇོན་ཐང་ཅན་མེད་པས་བོད་དོན་ཡང་སྣུམ་ཟད་ཀྱི་མར་མེ་བཞིན་ཆགས་འགྲོ་བསམ་པ་རེད། འོན་ཀྱང་གོང་ས་མཆོག་གཟིགས་རྒྱང་རིང་བའི་དབང་གིས་ད་ལྟ་ནས་བོད་ལ་དམངས་གཙོའི་སྲིད་ཇུས་གོང་མཐོར་བཏང་ནས་མ་འོངས་པར་དམངས་གཙོའི་ལམ་ལུགས་འདིས་གོང་ས་མཆོག་མེད་པའི་དཀའ་ངལ་སེལ་ཐབས་གནང་གི་ཡོད་པ་རེད། རྒྱ་གཞུང་སྐྲག་ས་འདི་རེད་ལ་རྒྱ་མི་འདི་སྐྲག་ས་ཡང་འདི་རེད། ཁོང་ཚོའི་རེ་བ་ལྟར་ན་བོད་འདི་མུ་མཐུད་ཆོལ་ཁ་དང་གྲུབ་མཐའ་རྩོད་པ་ལས། དམངས་གཙོ་ཟེར་བ་འདིར་ལག་པ་མ་འཆང་ན་བསམ་གྱི་ཡོད་པ་རེད། དངོས་གནས་བྱས་ན་ཁོང་ཚོས་དམངས་གཙོའི་ནུས་པ་ལ་རྒྱུས་མངའ་ཡོ་རེད། ཨ་རི་གཙོས་པའི་སྟོབས་ལྡན་རྒྱལ་ཁབ་མང་པོ་ཞིག་དམངས་གཙོ་ལ་བརྟེན་ནས་གོང་བུ་གཅིག་ཏུ་འགྲིལ་ཡོད་པ་མ་ཚད། སྒེར་གཅོད་སྲིད་དབང་རྨང་ནས་བསློག་རྩིས་བྱེད་ཀྱི་ཡོད་པ་ཤེས་ཀྱི་ཡོ་རེད། དེར་བརྟེན་དྷ་སར་བཞུགས་མཁན་གྱི་ཡོན་ཏན་ཅན་རྣམས་ཀྱིས་རྒྱ་མི་འདི་རིགས་ལ་ངེས་པར་དུ་གཟབ་དགོས་པ་དང་། ཁོག་ནང་གི་སྙིང་སྟོན་མི་རུང་བ་མ་ཚད།ཚུར་གང་བཤད་པ་དེ་དག་ལ་ཡང་ཡང་དཔོག་དགོས་པ་ནི་ཧ་ཅང་གལ་ཆེ་བར་མཐོང་།
བཙན་བྱོལ་སྤྱི་ཚོགས་འདི་དཀྲུགས་དགོས་ཤིང་། གཙུབ་ས་གཙུབ་བརྡར་གཉིས་ཀ་མཁོ། ནམ་ཡང་ཁ་ཡགས་དང་ཟོལ་བཅོས་ཀྱི་གུས་ལུགས་ཤིག་གི་ཁྲོད་ན། ཡིད་བཞིན་ནོར་བུས་ཅི་མཛད་ལ་སྨོན་ལམ་རེ་བཏབ་ནས་བསྡད་འདུག ནམ་ཞིག་ཉི་མ་དམར་པོ་འཕོང་མགོར་ཤར་དུས་ཇི་འདྲ་ཡིན་ནམ། ཁོ་ཚོས་ཡིད་བཞིན་ནོར་བུའི་གསུང་ལ་བསྟོད་པ་བྱ་རྒྱུ་ལས་བསྒྲུབ་པ་མ་རེད། ད་དཀྲུགས་ནས་ལྷིང་ལ་འབུད་རྒྱུ་ཨེ་ཡོད་ལ་ལྟོས་ན་འགྲིག་གི
སྐུ་ཚབ་སྐལ་བཟང་རྒྱལ་ཞེས་པ་རྒྱལ་མཚན་དུ་བཟོ་གནང་ཡོད་པ་ཞུ།
ལུང་རིགས་ལགས། འབྲེལ་མེད་ཀྱི་མཆན་དག་བསུབས་པ་ལེགས་ཐུགས་རྗེ་ཆེ། སྤྱིར་གསར་འགྱུར་མི་འདྲ་བ་དང་གསར་པ་འཚོལ་སྒྲུབ་བྱེད་རྒྱུ་གསར་འགོད་པའི་དམིགས་ཡུལ་དང་ལས་འགན་ཡིན་རུང་། ང་ཚོའི་གནས་སྟངས་ནི་གཞུང་དང་མང་གཙོ་སོགས་ཇི་ཙམ་གྲ་རྒྱས་མདོག་བརྗོད་རུང་ཡུལ་གྱར་བ་ཞིག་ཡིན་པས་འཛམ་གླིང་གི་རང་དབང་རྒྱལ་ཁབ་ཁག་གི་གསར་འགོད་པ་དང་བསྡུར་ས་མེད། ང་ཚོའི་གསར་འགོད་པ་ཚོར་གཞུང་དང་དབུ་འཁྲིད་ཀྱི་མཛད་ཕྱོགས་མི་མང་གིས་རྟོགས་ཐབས་དང་། མི་མང་གི་བསམ་འདུན་གཞུང་གིས་མཁྱེན་པ་བྱ་རྒྱུ། དེ་བཞིན་སྤྱི་ཚོགས་ལ་གནོད་པའི་ངན་སྤྱོད་ཐེར་འདོན་བྱེད་པ་དང་ཆབས་ཅིག་མང་ཚོགས་ནང་གོ་བ་ལོག་སྒྲུབ་འགྲོ་གཞིའི་རིགས་མི་འབྱུང་ཆེད་གསར་འགྱུར་གོ་ཚད་འགོད་འཐལ་མི་བྱེད་པའི་འགན་འཁྲིའང་ཡོད་ངེས་སྙམ།
དམིགས་བསལ་སྐུ་ཚབ་རྒྱ་རི་རིན་པོ་ཆེར་སྐྱོན་བརྗོད་དང་མངགས་བརྗོད་བྱེད་མཁན་གཉིས་ལས་མངགས་བརྗོད་བྱེད་མཁན་ཀྱི་རྒྱ་ཆ་མཐོ་བ་ཡོད་པ་གསལ་པོ་རེད། ཉིད་ཀྱི་གསལ་བཤད་དུ་སྐུ་ཚབ་ཏུ་བསྐོས་ན་འགྲིག་གི་མི་འདུག་ཅེས་བཤད་དགོས་རྒྱུ་ལ་དེ་ལྟར་མ་བཤད་པར། སྐུ་ཚབ་ཁོ་རང་གི་མིང་ནས་བཟུང་སྟེ་བཤད་ཀྱིན་ཡོད་གསུངས་པ་ཏག་ཏག་བསྡད་ཨེ་ཡོད་ན། དེ་ལྟར་ཡིན་སྐལ་བཟང་རྒྱལ་ལ་ཡང་དགོས་རྒྱུ་རེད། ལྷག་བསམ་ཅན་གྱི་མི་ཞིག་ཡིན་ན་རང་ཉིད་ཀྱི་བསམ་ཚུལ་ཞུ་ས་མེད་པ་ག་ལ་ཡིན། ལྷག་པར་བཀའ་ཟུར་དང་མཁྱེན་ཡོན་ཅན་རྣམས་ལ་དེ་བས་སྐུ་ངལ་ཡོད་རེད་བསམ་གྱི་མི་འདུག དེ་སྔ་བོད་དུ་ཡིན་ན་ྋགོང་ས་མཆོག་ལ་གདོང་ཞུ་རྒྱབ་ན་རྟ་ལྕག་བཟེད་དགོས་ཟེར་སྲོལ་དེ་འདྲ་དེང་སྐབས་མེད། ཁ་དཔེར། མི་ལ་སྐྱོན་མེད་པ་དང་ཤིང་ལ་མཛེར་པ་མེད་པ་མེད་ཟེར་སྲོལ་ཡོད་ཀྱང་། རྒྱ་རིར་སྐྱོན་བྱེད་མི་རེ་ཟུང་ཡོད་པ་ལས་མང་བ་སྒེར་གྱི་འཁོན་འཛིན་ལས་བྱུང་བར་བདེན་དཔང་མེད་པ་མིན། ལར་ང་ཚོ་བཙན་བྱོལ་སྤྱི་ཚོགས་འདི་མང་གཙོའི་ལམ་ལུགས་སུ་སྐྱོད་མཁན་ཞིག་ཡིན་པའི་ཆ་ནས་མང་ཚོགས་ནང་བསམ་ཚུལ་མི་མཐུན་པ་ཡོང་སྲིད་པ་དང་ཆོག་པ་ཡིན། འོན་ཀྱང་བསམ་ཚུལ་མི་མཐུན་པ་རེ་ཟུང་ཡོད་པ་རྩལ་དུ་བཏོན་ནས་གསར་ལམ་དུ་སྤེལ་ན་གཞིས་བཞུགས་རྒྱ་ཆེའི་མང་ཚོགས་ཀྱི་སེམས་ལ་རྒྱལ་བ་རིན་པོ་ཆེས་དབུ་འཁྲིད་པའི་བོད་བཙན་བྱོལ་གཞུང་མང་གཉིས་ལ་་ཡིད་ཆེས་དང་བློས་འགེལ་བྱེད་པ་དེ་ལ་རེ་བ་མེད་པ་ལྟ་བུའི་ཚོར་སྣང་མི་སྦྱིན་པའི་ངེས་པ་མེད་པས་སླར་དགོངས་བཞེས་ཀྱི་འདི་རིགས་མི་ཡོང་པའི་རེ་བ་ཡོད
དྲ་གྲོགས་ལྷན་རྒྱས་ཚོ།
བརྗོད་གཞི་ལ་ཐད་ཀའི་འབྲེལ་བ་མེད་པའི་མཆན་འགའ་རེ་བསུབས་ཚར། རྗེས་ཕྱོགས་ཀྱང་འདིའི་ཕྱོགས་ལ་ཚོད་འཛིན་གང་ཐུབ་བྱ་རྒྱུ་ཡིན་ན་ཚང་མས་བརྗོད་གཞི་རང་གི་སྒང་ལ་བསམ་ཚུལ་བཤད་རྒྱུའི་རེ་བ་ཡོད།
ཟིན་ཐོ་འདིའི་ནང་གི་མི་སྣ་དེ་རྒྱ་རིགས་ཤིག་ཡིན་པ་རྒྱུ་མཚན་དུ་བྱས་ནས་སྐད་ཆ་བཤད་མཁན་གྱི་རིགས་ལ་དམིགས་བསལ་ཞུ་རྒྱུ་འདྲ་མེད།
དེ་ནས་རྒྱ་རིགས་འདིའི་སྐད་ཆ་བདེན་པ་མ་རེད་ཟེར་མཁན་དང་། འདི་ཕུང་དཀྲུག་གི་སྐད་ཆ་རེད་ཟེར་མཁན་དག་ལ་གསལ་བཤད་རེ་ཞུ་དགོས་བསམ།
ང་ཚོ་མགོ་རུལ་བ་སྣ་ཡིས་མ་ཚོར་བའི་དཔེ་ལྟར་དུ་མི་འགྲོ་བའི་ཆེད་དུ་ངས་རྒྱ་རིགས་དེའི་སྐད་ཆ་ཟིན་ཐོར་བཀོད་ནས་འདིར་སྤེལ་བ་ཡིན།
འདི་ནས་ཁག་ཅིག་གིས་ཡ་ལན་སློག་ཅེས་པ་འདིའི་ཚིག་དོན་ལ་འཇུས་ནས་བདེན་པ་མ་རེད་ཟེར་བ་དང་། དེ་བཞིན་ཤེས་ཡོན་པའི་ཁྲོད་ནས་ཁོང་ལ་ཡ་ལན་སློག་མཁན་འདུག་ཅེས་པ་བདེན་པ་མ་རེད་ཟེར། སྤྱིར་བཏང་། ཡ་ལན་སློག་པ་ནི་གཏམ་ལན་སློག་པ་ལ་གོ་དགོས་ཤིང་། དེ་གཞིར་བཟུང་ནས་བཤད་ན་བོད་རིགས་ཤེས་ཡོན་པ་ཚོའི་ཁྲོད་ན་༧གོང་ས་མཆོག་ལ་གཏམ་ལན་སློག་མཁན་མེད་ཅེས་ན་བདེན་པ་མ་རེད་སྙམ།
རྒྱ་རིགས་དེ་དང་ངེད་གཉིས་ཀྱི་སྐད་ཆའི་བར་ནས་ཁོས་མི་སྣ་མིང་འབོད་ཀྱིས་དཔེ་མཚོན་གང་འཚམ་རེ་འདྲེན་གྱི་འདུག དེ་དག་རེ་རེ་བཞིན་འདིར་འགོད་དགོས་དོན་མི་འདུག་བསམ་ནས་བྲིས་མེད།
རིག་འབྱུང་གིས། ༼ད་ཕན། བོད་རིགས་ཞིབ་འཇུག་པ་ཚོའི་ཁྲོད་ན་། ༧གོང་ས་མཆོག་ལ་ཡ་ལན་སློག་མཁན་བྱུང་འདུག་གམ། བོད་རིགས་ལོ་རྒྱུས་སྨྲ་བ་ཚོའི་ཁྲོད་ན་ཡ་ལན་སློག་མཁན་བྱུང་འདུག་གམ། ཆེད་མཁས་ཚོའི་ཁྲོད་ན་ཡ་ལན་སློག་མཁན་བྱུང་འདུག་གམ། རིགས་གཅིག་རྐང་འཛིན་པ་ཚོའི་ཁྲོད་ན་ཡ་ལན་སློག་མཁན་བྱུང་འདུག་གམ། བོད་རིག་པའི་མཆེད་ཁོངས་འཚོལ་མཁན་ཚོའི་ཁྲོད་ན་ཁོང་ལ་ཡ་ལན་སློག་མཁན་བྱུང་འདུག་གམ། ཕལ་ཆེར་བྱུང་མི་འདུག༽ ཟེར།
རྒྱ་རིགས་དེའི་བཤད་ཚོད་བྱས་ན། བོད་རིགས་ཞིབ་འཇུག་པ་ཚོའི་ཁྲོད་ན་ཡ་ལན་སློག་མཁན་འདུག་ལ། བོད་རིག་པའི་མཁས་དབང་ཚོའི་ཁྲོད་ནའང་འདུག ལོ་རྒྱུས་སྨྲ་མཁན་དང་། སྲིད་དོན་ཆེད་མཁས་པའི་གྲས་ནའང་འདུག ཡ་ལན་སློག་ཚད་ཡིག་ཐོག་དང་ངག་ཐོག་གང་རུང་བརྒྱུད་ནས་སྤྱི་ཚོགས་འདིའི་ནང་ཁྱབ་ཀྱིན་ཡོད།
དེ་བཞིན་ང་ཚོའི་གྲོས་ཚོགས་འཐུས་མིའི་ནང་གི་ཤེས་ཡོན་པ་དག་གི་ཁྲོད་དུའང་ཡ་ལན་སློག་མཁན་ཡོད། བརྒྱུད་ལམ་ཁག་གི་སྲིད་དོན་དཔྱད་བརྗོད་སྤེལ་མཁན་ཚོའི་ཁྲོད་ནའང་ཡ་ལན་སློག་མཁན་ཡོད། ད་དུང་བོད་དོན་རྒྱབ་སྐྱོར་བ་དང་། བོད་དོན་ཆེད་མཁས་པ་ཕྱི་གླིང་བ་ཚོའི་ཁྲོད་དུའང་མང་།
༧གོང་ས་མཆོག་གིས་ཀྱང་བོད་མི་ཚོའི་ཁྲོད་ན་ཁོང་ལ་དངོས་སུ་སྐྱོན་བརྗོད་བྱེད་མཁན་འདུག་ཅེས་བརྒྱུད་ལམ་གཞན་ཁག་ལ་བཤད་པ་གོ་ཐོས་ཡོད་ལ། རྒྱ་རིགས་འདི་ལའང་ཁོང་གིས་དེ་ལྟར་གསུངས་འདུག དེ་བས་ཞིབ་འཇུག་བྱས་དང་མ་བྱས་ནི་བསྐྱར་དུ་ཞིབ་འཇུག་ནན་མོ་བྱས་ན་གསལ་ཡོང་གི་རེད་སྙམ།
དེ་ནས་རྒྱ་རིགས་འདིས་ཕུང་དཀྲུག་བྱེད་བཞིན་འདུག་ཅེས་པ་དེ་ཡང་སྐད་ཆ་དྲང་པོ་མ་རེད་སྙམ། དེ་ནི་བོད་པ་ཚོས་ནང་ཁུལ་ནས་ཕན་ཚུན་གྱི་མགོ་ལ་ཞྭ་མོ་གཡོག་སྟངས་ཀྱི་རྒྱུན་སྲོལ་དེ་རེད། གལ་སྲིད་དེ་ལྟར་མིན་ན་ཕུང་དཀྲུག་གི་གཞི་རུ་འགྱུར་རྒྱུའི་ཚིག་དོན་གང་ཡིན་རྒྱུ་མཚན་དང་བཅས་བཤད་ན་འགྲིག་གི་རེད། ཚང་མར་དོན་ཕན་གསོས་གི་རེད།
དཔེར་བརྗོད་གཞན་བཀོད་ན། ཉེ་ཆར་གངས་སྐྱིད་ནས་ཉན་ཞིབ་ཅིག་འཚོགས་པ་དང་། དེ་འཚོགས་དགོས་པའི་རྒྱུ་མཚན་དང་། ཚིག་འགྲོས། ཉན་ཞིབ་ཀྱི་སྔ་ཕྱི་བཅས་ལ་བསམ་ནའང་ང་རང་ཚོ་རྒྱལ་བ་རིན་པོ་ཆེའི་དགོངས་གཞིའི་འོག་ན་མཛུབ་མོ་ལྔ་བཅིངས་ཁུ་ཚུར་ལྟ་བུ་ཞིག་ཡིན་མིན་ཤེས་ཐུབ་པར་འདོད།
དཔེར་བརྗོད་གཞན་ཞིག་ནི། ༧གོང་ས་མཆོག་གི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་ལགས་རེད། དེང་སྐབས་ཁོང་ལ་མི་འདོད་པའི་ལྟ་ཚུལ་འཛིན་མཁན་དང་སྐྱོན་བརྗོད་བྱེད་མཁན་ཡང་མང་། འགའ་རེས་དམིགས་བསལ་སྐུ་ཚབ་ཁོང་གི་མི་སྒེར་གྱི་བྱ་སྤྱོད་ལ་སྐོར་ནས་བཤད་ཀྱིན་ཡོད། འགའ་རེས་དམིགས་བསལ་སྐུ་ཚབ་ཀྱི་ལྷག་བསམ་ལ་གཤེ་གིན་ཡོད། སྤྱིར་བཏང་གི་བཤད་སྲོལ་ཡིན་ན། ༧གོང་ས་མཆོག་ལ་མི་འདི་ཁྱེད་ཀྱི་དམིགས་བསལ་སྐུ་ཚབ་ཏུ་བསྐོས་ན་འགྲིག་གི་མི་འདུག་ཅེས་བཤད་དགོས་རྒྱུ་ལ་དེ་ལྟར་མ་བཤད་པར། སྐུ་ཚབ་ཁོ་རང་གི་མིང་ནས་བཟུང་སྟེ་བཤད་ཀྱིན་ཡོད་ལ། སྐུ་ཚབ་ཀྱིས་ནམ་རྒྱུན་ཁོ་རང་ནི་༧གོང་ས་མཆོག་གི་བཀའ་ཕེབས་པ་ལྟར་ཁོང་གི་སྐུ་ཚབ་གནང་གི་ཡོད་ཅེས་བཤད་ཀྱིན་ཡོད། འདི་དག་ལ་བལྟས་ནའང་། འབབ་ས་གང་ཞིག་ཡིན་མིན་གསལ་བོ་རེད་འདོད།
རྒྱ་མི་འདིའི་སྐད་ཆ་དྲང་ཚུགས་དང་ཤ་ཚ་ཡིན་ཁུལ་ལྟར་སྣང་ཡང་། དོན་དམ་དུ་བཙན་བྱོལ་སྤྱི་ཚོགས་འདི་ཕུང་དཀྲུགས་སློང་བྱེད་ཀྱི་འཁྱལ་གཏམ་ཉག་ཅིག་རེད། སྐད་ཆ་འདིའི་རིགས་དྲ་གནས་སུ་མ་བཀོད་ན་བཟང་གི་རེད། ཁྱོད་ཚོས་བསམ་བློ་ནན་ཏན་གཏོང་དགོས་པ་རེད་མ་གཏོགས་སྐད་ཆ་མཚར་མཚར་འདྲ་ཞིག་རྗེས་སྙེགས་ཆེ་དྲགས་ན་ཕན་ཆ་ལས་གནོད་ཚབས་ཆེ་བའང་ཡོང་གི་རེད། ཁྱོས་ཤོད་དང་། ང་ཚོ་བོད་པའི་སྤྱི་ཚོགས་ན་སུས་༸གོང་ས་མཆོག་ལ་ཁ་གཏོང་གི་འདུག སུས་གོང་ས་མཆོག་གིས་མ་འགྲིག་མ་འཐུས་པ་རེད་ལབ་ཀྱི་འདུག མི་འདི་ང་ཚོའི་སྤྱི་ཚོགས་ནང་རྒྱུས་མངའ་ཆེན་པོ་ཡོད་མཁན་ཞིག་རེད། ཉེ་བའི་ཆར་ང་ཚོའི་འཁོར་ཡུག་ན་བོད་ཀྱི་མ་འོངས་ལངས་ཕྱོགས་སྐོར་བསམ་འཆར་འདྲ་མིན་ཙམ་ཡོད་པར་གོ་སྐབས་བཟུང་སྟེ་ཆེད་དཀྲུགས་གཏམ་བརྫངས་འོངས་བ་རེད། སྐད་ཆ་འདི་རིགས་ཡག་པོ་གཏན་ནས་མ་རེད། འདི་རིགས་རྒྱ་རྒན་ཆབ་སྲིད་པ་དེ་ཚོས་བོད་མི་མགོ་ཡང་དེ་ཚོ་རླུང་བུར་སྤུར་འདོད་པ་རེད།
ཏཱ་ལའི་བླ་མ་དང་བོད་མི་འགའ་རེའི་བར་གྱི་གནས་སྟངས་བཤད་པ་དེར་ཚིག་བཀོལ་སྤྱོད་བྱེད་སྟངས་ལ་ཐལ་ཆ་ཆེ་དྲགས་པ་འདྲ། ཡ་ལན་སློག་པ་དང་ལྟ་བ་མ་འདྲ་བ་གཉིས་ལ་ཁྱད་པར་ཆེན་པོ་ཡོད། གཞན་བོད་མིར་དམངས་གཙོའི་ཤེས་ཡོན་མེད་པར་བཤད་པ་སོགས་སྐད་ཆ་འགའ་རེར་གོ་རྒྱུའང་ཆེ་ཙམ་འདུག་སྙམ། དེར་བརྟེན་རྒྱ་མི་ཡིན་པ་ཙམ་གྱིས་སྡང་སྡིག་མ་བསྟན་ན་ལེགས།
རིག་འབྱུང་དོན་གྲུབ་ལགས། ཁྱེད་ཀྱི་མཆན་དོན་ཚན་གཉིས་པའི་ནང་དོན་ལ་གཞིགས་ན། དྷ་སར་ཆེད་ལས་མཁས་པ་དང། རིགས་གཅིག་རྐང་འཛིན་པ། ཤེས་ཡོན་ཅན་སོགས་མེད་པའམ། ཁོང་ཚོའི་འདོད་འདུན་དང་ཕུགས་འདུན་སོགས་གང་ཡིན་རུང་དྷ་སར་གནས་སྡོད་པ་མེད་པར་ཕྱི་གླིང་ཡུལ་གྲུ་གང་རུང་ཞིག་ལ་འཕུར་ཟིན་པ་ལྟ་བུ་བྲིས་འདུག གཅིག་བྱས་ན་ཁྱེད་རང་ལ་ཕྱི་རྒྱལ་སླེབས་པ་ཙམ་གྱིས་དེ་ལྟར་གསུངས་པ་ཡིན་ན་གང་ཤེས་མ་གཏོགས། རྒྱུ་མཚན་མི་འདུག་སྙམ། རྒྱུ་མཚན་ནི་དྷ་སར་ཁུལ་ལ་ཆེད་ལས་མཁས་པ་དང། ཤེས་ཡོན་ཅན། རིགས་གཅིག་རྐང་འཛིན་པ་མི་ཉུང་བ་ཞིག་མིག་མཐོང་ལག་ཟིན་གྱི་གནས་སུ་འདུག་ལགས།
རིག་འབྱུང་དོན་གྲུབ་བཀྲ་ཤིས་ལགས་ནས་གནད་ལ་ཕིག་པའི་མཆན་བཀོད་གནང་འདུག་པས་བསྐྱར་ཞུ་མི་དགོས་པའི་ཐོག་ནས་རྒྱབ་སྐྱོར་བརྒྱ་ཆ་བརྒྱ་ཡོད། རྩོམ་པ་པོའི་དགོངས་ཚུལ་ཡིན་དང་རྒྱ་རྒན་ཞིག་གི་བསམ་ཚུལ་ཇི་ལྟར་ཡིན་ཡང་། རང་བཙན་དང་དབུ་མའི་ལམ་གྱི་འཐབ་རྩོད་ཀྱི་བཤད་ཡམས་ཁྲོད་ནས། ཐུན་མོང་གིས་འབད་ས་ཞིག་བརྗེད་འདུག དེ་ནི་ཆབ་སྲིད་བཤད་བསྡད་དེ། རིག་གཞུང་བརླག་བཞིན་པ་དེ་རེད་ཟེར་བ་ནི་དོན་དངོས་དང་མཐུན་པས་ང་ཚོས་ངེས་པར་བསཨམ་གཞིགས་བྱེད་གལ། དེ་མིན་ངྷ་ས་ནས་ཏཱ་ལའི་བླ་མར་སྐྱོན་བརྗོད་སྣ་ཚོགས་ཡོང་བཞིན་པ་ཟེར་བ་དང་། འདིའི་ལན་པ་ནི་ཏཱ་ལའི་བླ་མ་རང་ཉིད་ལ་འདུག་ཟེར་བ། ད་སྐབས་བཙན་བྱོལ་བོད་མིའི་ཁྲོད་ནའང་༧གོང་ས་མཆོག་ལ་མངོན་གསལ་དོད་པོས་ཡ་ལན་སློག་མཁན་ཇེ་མང་དུ་འགྲོ་བཞིན་པའི་གནས་སྟངས་ཇེ་སྡུག་ཏུ་འགྲོ་བཞིན་པ་ཟེར་བ་སོགས་ནི་བོད་མིར་ཕན་སེམས་ཀྱི་སྐད་ཆ་ཞིག་རྩ་བ་ནས་མ་ཡིན། འདི་ནི་ང་ཚོའི་མི་མང་བསམ་རྒྱ་ཆུང་བ་རྣམས་ཀྱི་སེམས་ཤུགས་ལ་དོ་ཕོག་གཏོང་རྒྱུའི་ལྐོག་གཡོ་ཞིག་ཏུ་མངོན། ལོག་སྨོན་རྒྱུག་ཁྱི་འགའ་རེས་དགྲ་བོའི་ཚིག་རྗེས་འབྲངས་ནས་སྐྱོན་བརྗོད་ལྟ་བུ་ཞུ་མཁན་རེ་གཉིས་ཡོད་སྲིད་ཀྱང་དེས་བོད་རྒྱ་ཆེའི་མི་མང་གི་ཚབ་ནམ་ཡང་མཚོན་མི་ཐུབ། ༧གོང་ས་༧སྐྱབས་མགོན་ཆེན་པོར་གཞིས་བྱེས་བོད་མི་ཡོངས་ནས་དད་གུས་དང་། རྒྱལ་ཁབ་ཀྱི་ཆོས་སྲིད་གཉིས་ཀྱི་དབུ་འཁྲིད་དང་འདི་ཕྱི་གཉིས་ཀྱི་སྐྱབས་མགོན་དུ་རྩི་བཀུར་ཞུས་དང་ཞུ་བཞིན་ཞུ་བར་འགྱུར་བ་ཡིན་པ་ནི་༧གོང་ས་མཆོག་གི་ཞལ་མཇལ་ཇི་ཙམ་ཞུས་རུང་ངོམས་པ་མེད་པར་གང་དུ་༧གོང་ས་མཆོག་གི་བཀའ་སློབ་དང་གསུང་ཆོས་ཡོད་པ་དེ་རུ་བོད་རིགས་རྣམས་མེ་ཏོག་ལ་བུང་བ་འཁོར་བ་བཞིན་དུ་ཚང་ག་ཤིག་ཤིག་གིས་འདུ་བ་འདིས་མཚོན་ནུས། གལ་སྲིད་རྒྱ་དམར་ནས་རང་འདོད་དུ་འགྲོ་དབང་སྤྲད་པ་ཡིན་ཚེ་གཞིས་བཞུགས་སྤུན་ཟླ་མ་ལུས་པ་༧གོང་ས་མཆོག་གི་ཞལ་མཇལ་ཞུ་བར་རྒྱ་གར་དུ་བཅར་ངེས་པ་ཡིན། རྩོམ་བྲིས་རྣམས་ཀྱིས་ཀྱང་སླར་ང་ཚོའི་གནས་སྟངས་དང་བསྟུན་ནས་རྩོམ་འབྲི་གནང་གལ་འབོད་སྐུལ་ཞུ་རྒྱུར་དགོངས་འགལ་མི་ཡོང་བའི་རེ་བ་ཡོད།
ཨ་ཧོ། མི་རྟག་པ་རང་རེད་ཁ་སང་ངས་བྲིས་པ་དེ།
དེ་རང་མཐོང་ཡག་ངི་འདུག ཧ་ཧ་ཧ་ཧ་ཧ
རྒྱ་མི་དེས་བཤད་སྟངས་དེ་བྱ་ཁ་ཏས་ཕག་པོ་ཁྱོད་རང་ནག་པོ་ཞེ་དྲག་འདུག་ཟེར་བ་དང་གཅིག་པ་མ་རེད་པས།ཁོང་རང་ཚོ་ལ་ཁ་གྲགས་པའི་རང་དབང་མེད་པ་ལ་ད་དུང་ང་ཚོའི་སྐོར་བཤད་ཁུལ་བྱས་པ་དེ་དགོད་མོ་ཤོར་ཡག་རང་རེད།
ལུང་རིགས་ལགས་ཀྱི་རྩོམ་འདི་བྐླགས་པ་ཡིན། ད་རྨོངས་འཆར་འགའ་ཞུ་གི་ཡིན།
གཅིག།
ངེད་ཚོའི་བསམ་ཚུལ་ཅུང་ཙམ་མཐུན་གྱི་མི་འདུག ཡ་ལན་སློག་ཟེར་བ་དང་གཙོ་བོ་ཤེས་ཡོན་པའི་ཁྲོད་ནས་ཁོང་ལ་ཡ་ལན་སློག་གི་འདུག་ཟེར་བའི་སྐད་ཆ་འདི་ལ་ཞིབ་འཇུག་གི་རྨང་གཞི་མི་འདུག་དྲན། ད་ཕན། བོད་རིགས་ཞིབ་འཇུག་པ་ཚོའི་ཁྲོད་ན་། ༧གོང་ས་མཆོག་ལ་ཡ་ལན་སློག་མཁན་བྱུང་འདུག་གམ། བོད་རིགས་ལོ་རྒྱུས་སྨྲ་བ་ཚོའི་ཁྲོད་ན་ཡ་ལན་སློག་མཁན་བྱུང་འདུག་གམ། ཆེད་མཁས་ཚོའི་ཁྲོད་ན་ཡ་ལན་སློག་མཁན་བྱུང་འདུག་གམ། རིགས་གཅིག་རྐང་འཛིན་པ་ཚོའི་ཁྲོད་ན་ཡ་ལན་སློག་མཁན་བྱུང་འདུག་གམ། བོད་རིག་པའི་མཆེད་ཁོངས་འཚོལ་མཁན་ཚོའི་ཁྲོད་ན་ཁོང་ལ་ཡ་ལན་སློག་མཁན་བྱུང་འདུག་གམ། ཕལ་ཆེར་བྱུང་མི་འདུག དཔེར་ན། ༧གོང་ས་མཆོག་གི་དགོངས་གཞི་དང་མི་མཐུན་པའི་བསམ་ཚུལ་མངོན་གསལ་དོད་པོའི་སྒོ་ནས་གླེང་མཁན་ཞིག་འཇམ་ནོར་ལགས་རེད། འོན་ཀྱང་། འཇམ་ནོར་ལགས་ཀྱིས་ཀྱང་ད་ཕན་༧གོང་ས་མཆོག་ལ་ཡ་ལན་སློག་མ་སོང་དྲན། འདི་གཅིག་རེད།
གཉིས།
བོད་པའི་ཤེས་ཡོན་པ་ཚོ་གང་དུ་འདུག་གམ། ཞིབ་འཇུག་པ་ཚོ་རྡ་སར་འཚང་ནས་བསྡད་འདུག་གམ། ཆེད་ལས་མཁས་བ་ཚོ་རྡ་ལམ་ས་ལར་བསྡད་འདུག་གམ། རིགས་གཅིག་རྐང་འཛིན་པ་ཚོས་རྐང་བ་རྡ་ལམ་ས་ལར་བཙུགས་འདུག་གམ། ངེད་ཀྱི་བསམ་པར། བོད་རིགས་ཤེས་ཡོན་གྱི་གཞི་རྐང་ཡོད་མཁན་ཚོ་རྡ་ལམ་ས་ལར་བསྡད་མི་འདུག སྔ་མོ་ནས་རྡ་ལམ་ས་ལ་ནས་འཕུར་ཚར་འདུག
གསུམ་།
རྒྱ་རིགས་ཁོང་ནས་རྡ་ལམ་ས་ལའི་སྤྱི་ཚོགས་ཀྱི་སྣང་ཚུལ་གཞི་ལ་བཞག་ནས་བོད་པའི་ཤེས་ཡོན་པའི་ཚབ་མཚོན་གྱི་སྐད་ཆ་བཤད་ཀྱི་ཡོད་ན། གནས་སྟངས་ལོགས་ཀ་རེད་དྲན། གལ་སྲིད་རྒྱ་རིགས་ཁོང་གི་བསམ་ཚུལ་བཤད་སྟངས་འདིའི་རིགས་། དེང་སང་ཚགས་པར་དང་དཔེ་དེབ་སོགས་ཀྱི་ཐོག་ལ་དཔར་བ་ཡིན་ན། ཚོང་རྒྱུག་གི་རེད། དེ་ལ་བསམ་བློ་གཏོང་རྒྱུ་ཡོད་དྲན།
གནས་སྐབས་ལ་དེ་ཙམ་ཡིན།
ལོ་རྒྱུས་ལ་ཕྱིར་མིག་བལྟས་ན། རྒྱ་དམག་ཐོག་མར་བོད་ལ་སླེབས་སྐབས་ཁ་མཁས་ཚིག་སྙན་བཤད་པ་དང། ཌཡང་མང་པོ་སྤྲད་ནས་བསླུ་ཐབས་བྱས་ཡོད། དེ་དུས་མི་རེ་བཟུང་གིས་བདེན་པར་སྙམ་ཡོད་ཀྱང། འཇུག་འབྲས་ལས་གསལ་པོ་ཆགས་ཡོད། ད་ལན་ཡང་རྒྱ་རིགས་མི་ཞིག་གིས་ཁ་མཁས་བཤད་འདུག་ཀྱང། ང་ཚོས་ཞིབ་འཇུག་ནན་ཏན་གནང་དགོས་སྙམ།
རྒྱ་མི་འདིས་སྐད་ཆ་སྙན་མོ་ཙམ་བཤད་འདུག་ཀྱང་། ༸གོང་ས་མཆོག་གིས་གསུང་སྟངས་དང་གནང་སྟངས་དེ་དག་གིས་བོད་མིའི་འཐབ་རྩོད་ཀྱི་ནུས་པ་དང་༸གོང་ས་མཆོག་སྐུ་སྒེར་གྱི་ནུས་པ་གཉོམ་ཞིང་ཆུང་བར་བསྒྱུར་བར་བཤད་པ་དེ་རྩ་བའི་ཆ་ནས་བདེན་པ་མ་རེད་ལ། གལ་ཏེ་བདེན་པའི་ཆ་ཅུང་ཙམ་ཡོད་པའི་དབང་དུ་བཏང་ཡང་དེ་ནི་མིག་རྒྱང་ཐུང་ཐུང་གི་ལྟ་ཚུལ་ཞིག་གི་མཐོང་སྣང་གི་ཆ་ཙམ་རེད།
གཞན་བཙན་བྱོལ་ནང་ཤེས་ཡོན་ཅན་ཚོས་༸གོང་ས་མཆོག་ལ་རྒོལ་བཞིན་འདུག་ཅེས་པ་དེ་བདེན་པ་མ་རེད། ༸གོང་ས་མཆོག་དང་ཁོང་གི་ལྟ་གྲུབ་དང་ལམ་སྟོན་ལ་ཟུར་ཙམ་ཟ་བ་བའི་སྐད་ཆ་བཤད་མཁན་དག་ནི་དོན་དམ་པའི་བོད་མི་རིགས་ཀྱི་ཚབ་མཚོན་རང་བཞིན་གྱི་ཤེས་ཡོན་ཅན་དག་གཏན་ནས་མ་རེད།
དེ་ཚོ་སྐྲག་དགོས་ས་ཞིག་མ་རེད་ལ། དེ་ཚོས་སྐྲག་དགོས་ས་ཞིག་བཤད་དང་བསྒྲུབ་ཐུབ་ཀྱི་མ་རེད།
རྒྱ་མི་དེའི་བཙན་གཤོལ་བོད་གཞུང་དང་བོད་མི་ཡུར་གྱར་བའི་ཆ་རྒྱུས་དག་སེ་ལོན་ཡོད་པ་འདྲ། རྒྱ་གཅིག་གི་ཆབ་སྲིད་ཤེས་ཡོན་དང་བོད་མི་བརྒྱ་ཡི་ཆབ་སྲིད་ཀྱི་ཤེས་ཡོན་གཉིས་གཅིག་མཚུངས་རེད།
This chinese guy’s opinion just shows off that himself still has attached with chinese traditional idea-“son of sky”. He should know Dalai lama is beyond everything.
དོན་ལྡན་གཏམ་གླེང་གནང་སྟེ།།
ཀུན་ཕན་ལས་ལ་བརྩོན་རོགས།།
ཛར་ཛོར་ཉག་ཉོག་གླེང་ན།།
མི་ཚེ་འཕྲོ་བརླག་ཡིན་ནོ།།
རིག་པ་འདོན་མཁན་ཚོ།
ཡིག་ནོར་ཇེ་ཉུང་དུ་གཏོང་རོགས། དེ་ཡང་བོད་ཀྱི་སྐད་ཡིག་སྲུང་སྐྱོབ་མ་རེད་དམ།
པྭ་མགོ་རྒྱ་སྤྲང་ཞིག་གིས་བཙན་བྱོལ་མི་དམངས་ཀྱི་ཤེས་ཡོན་ལ་ཚད་རྒྱག་མདོག་མདོག་བྱས་པ་འདི་ནི་འདམ་བག་ནང་གི་སྦལ་བ་ཞིག་གིས་དགོང་སྔོན་གནམ་ལ་འཕུར་བའི་ཐང་དཀར་རྒོད་པོའི་ཤོག་རྩལ་ལ་ཚད་རྒྱག་མདོག་མདོག་འདི་དགོད་མོ་ཤོར་ཡ་རང་རེད།
བཙན་བྱོལ་མི་དམངས་ལ་ཆགས་འཇོག་ན་59་རྗེས་སུ་སྐྱེ་པའི་བོད་མི་རྣམས་ཀྱི་སྐད་རིགས་གསུམ་བཞི་རེ་མི་ཤེས་པའི་མི་སུ་ཡང་མེད། སྐད་རིགས་མི་འདྲ་བ་གསུམ་བཞི་ཤེས་པའི་མི་ཞིག་གི་རྒྱལ་ཁབ་མི་འདྲ་བ་གསུམ་བཞིའི་འགྲོ་ལུགས་ཤེས་མིན་བཤད་མ་དགོས་པ་ཞིག་རེད།
མདོ་ན་སྔ་ནས་ད་བར་དུ་བོད་དོན་ཡག་པོ་ཞིག་མ་འགྲུབ་དུས་བོད་མི་ཉམ་ཐག་ཚོའི་མ་འཇོན་པ་ཡིན་ལུགས་བཤད་བསྡད་པ་འདིར་དངོས་ཡོད་གནས་ཚུལ་ཞིག་མ་རེད་འདོད།
བཙན་བྱོལ་བོད་མི་ཉུང་ཤས་ཤིག་ལས་མེད་ཀྱང་ཡོད་པ་རྣམས་འཛམ་གླིང་འདི་ཅི་འདྲ་ཡིན་མིན་ཡག་པོ་ཧ་གོ་བའི་ཤེས་ཡོན་པ་ཤ་དག་ཡིན།
ཆུ་དང་ཆར་པའི་དཀྱུལ་ནས།
རང་མགོ་ཐོན་ནས་ཡོང་ཡོད།
རྒྱལ་སྤྱིའི་སྤྱི་ཚོགས་ནང་དུ།
རྒྱ་མིས་སྐྱོར་རོགས་མི་དགོས།
རྡ་སའི་གསང་ལམ་ནང་དུ།
རྒྱ་འཁྱོམ་མཁས་མདོག་ཚ་བོ།
མཁས་པ་དེ་འདྲ་ཡོད་ན།
རྒྱ་ནག་མང་གཙོ་བསྒྱུར་དང།
ཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧ་་་་་་་་ཀླད་མེད།
ངའི་བསམ་ཚུལ་བྱས་ན། བོད་མིས་༧རྒྱལ་བ་རིན་པོ་ཆེར་སྐྱོན་བརྗོད་ཅེས་པ་དེ་དངོས་ཡོད་གནས་ཚུལ་དང་མ་མཐུན་པ་ཞིག་རེད། ཁོང་ལྟ་བུའི་དབུ་འཁྲིད་ཅིག་གསེར་གྱི་ཞུན་མར་འཁྱེར་ཀྱང་རྙེད་རྒྱུ་མེད་པ་བོད་པ་ཚང་མས་ཤེས་ཀྱི་ཡོད་པ་རེད། འོན་ཀྱང་རྒྱ་བོད་གྲོས་མོལ་སྐོར་གྲུབ་འབྲས་ཕར་བཞག་ཡར་རྒྱས་ཀྱི་རྣམ་པ་ཡང་་མཐོང་རྒྱུ་མེད་ཙང་འུ་ཐུག་ཐབས་ཟད་ཀྱིས་ཟུར་ཟའི་ཚིག་རེ་གཉིས་ཁ་ནས་ཤོར་གྱི་ཡོད་པ་ཡིན་གྱི་རེད། དེ་ནི་ནོར་འཁྲུལ་རེད། རང་གི་ཕོར་པའི་ནང་རང་གིས་སྐྱག་པ་བཏང་བ་དང་གཅིག་པ་རེད། ༼ ཚིག་པ་གཡག་ལ་ཟ་ནས་རྡོག་རྒྱག་ཁྱི་ལ་གཞུས་༽ ཟེར་བའི་དཔེ་ལྟར་ཆགས་པ་རེད། དཔེ་བཞག་ས་སྙིང་པོ་རང་བྱུང་མ་སོང་ཡང་དོན་དངོས་ཐོག་དེ་རང་རེད། འགག་རྩ་སུ་ལ་ཐུག་ཡོད་མེད་མ་ཤེས་པའི་རྟགས་རེད།
བྱུང་ན་དབུ་མའི་ལམ་ལ་འགྲོ དེ་མིན་ན་རང་བཙན་ལམ་ལ་རྒྱུགས། དོན་དག་སྤྱི་དོན་ཡག་པོ་སྒྲུབས། དམ་ཚིག་མཐུན་པོ་གྱིས། གཞན་གྱིས་བཤད་ཚད་ཉན་དགོས་མ་རེད།
༄༅།་རྒྱ་མི་དེས་་་་་བོད་མི་འགའ་ཞིག་གི་སེམས་ལ་གདོན་ཞུགས་པ་མཐོང་འདུག་ག
རྒྱ་མི་དེས་དེ་ལྟར་བཤད་དུས་ཁྱེད་རང་ག་རེ་བསམས་བྱུང།
ཡ། འོ་ན་ད་གང་བྱེད་དགོས་སམ།
གང་ཡིན་ཡང་༧གོང་ས་མཆོག་ནི་ལོ་བརྒྱ་ལྷག་བཞུགས་གི་རེད།
དེ་ཡི་རིང་ལ་འཕོ་འགྱུར་འགྲོ་བ་ཆོས་ཉིད་ཡིན།།