རྒྱ་གཞུང་གིས་ཉེ་ཆར་ཕྱིར་འབུད་བཏང་བའི་སློབ་གཙོ་རྣམ་གཉིས་དང་ལས་བྱེད་མི་སྣར་ལས་གནས་སྤྲོད་རྒྱུའི་ངོས་ལེན་མ་བྱས་སྟབས། རྨ་ཆུ་རྫོང་བོད་ཡིག་སློབ་འབྲིང་གི་དགེ་སློབ་ཡོངས་ནས་ངོ་རྒོལ་བྱས་ཡོད་འདུག
རྨ་ཆུའི་སྒྲོལ་དཀར་སྐྱབས་ལགས་ཀྱིས་གསར་ལམ་དུ་གནས་ཚུལ་མཁོ་སྤྲོད་གནང་བ་ལྟར་ན། ཕྱི་ཟླ་ ༣ པའི་ཚེས་ ༡༤ ཉིན་རྨ་ཆུ་རྫོང་བོད་ཡིག་སློབ་འབྲིང་གི་སློབ་མ་ཚོས་༧གོང་ས་མཆོག་སྐུ་ཚེ་བརྟན་པ་དང་། བོད་ལ་རང་བཙན་དགོས་ཞེས་རྨ་ཆུ་རྫོང་ཐོག་ཏུ་ངོ་རྒོལ་སྐད་འབོད་བྱས་པར་བརྟེན། རྒྱ་གཞུང་གིས་བོད་ཡིག་སློབ་འབྲིང་གི་སློབ་གཙོ་སྐྱབས་ཆེན་བདེ་གྲོལ་དང་རྡོ་རིས། དེ་བཞིན་རྫོང་ཉེན་རྟོག་པའི་འགན་འཛིན་བཅས་གནད་ཡོད་མི་སྣ་ཁག་ཅིག་ལས་གནས་ནས་ཕྱིར་འབུད་བཏང་ཡོད་པར་མ་ཟད། སློབ་གཙོ་གཞོན་པ་ཆོས་སྐྱོང་དབང་ཕྱུག་ལགས་འཛིན་བཟུང་བཀག་ཉར་བྱས་ཏེ་འདྲི་གཅོད་ནན་མོ་བྱས་ཡོད་འདུག ཉེ་ལམ་སློབ་གྲྭའི་དགེ་སློབ་ཡོངས་ཀྱིས་ས་གནས་འབྲེལ་ཡོད་ལས་བྱེད་མི་སྣར་ཐེངས་མང་སྙན་ཞུ་ཕུལ་ཏེ་སློབ་གཙོ་རྣམ་གཉིས་དང་དགེ་རྒན་དག་ལ་ལས་གནས་ཕྱིར་སྤྲོད་བྱ་དགོས་པའི་རེ་འདུན་ཐེངས་མང་བཏོན་ཡོད་ཀྱང་། ས་གནས་རྫོང་དཔོན་དང་དམར་ཤོག་དྲུང་ཆེ་བཅས་འབྲེལ་ཡོད་ལས་བྱེད་སོགས་སློབ་གྲྭར་དངོས་སུ་བཅར་ཏེ། སློབ་གཙོ་ཕྱིར་འབུད་བྱས་པ་དེ་གོང་རིམ་གྱི་བཀའ་ཡིན་པ་དང་བཅོས་ཐབས་མེད་ཚུལ་སོགས་བརྗོད་པ་དང་། ཟླ་གཅིག་རིང་ཆབ་སྲིད་ཀྱི་སློབ་སྦྱོང་སྤྲོད་རྒྱུ་སོགས་བརྗོད་ཡོད་སྟབས། ཟླ་ ༤ པའི་ཚེས་ ༣ ཉིན་རྨ་ཆུ་རྫོང་བོད་ཡིག་སློབ་འབྲིང་གི་དགེ་སློབ་ཡོངས་ཀྱིས་སློབ་གྲྭའི་རྭ་བའི་ནང་སློབ་གཙོ་རྣམ་གཉིས་དང་ལས་བྱེད་མི་སྣར་ཕྱིར་ལས་གནས་སྤྲོད་དགོས་པའི་རེ་འདུན་དང་བཅས་ངོ་རྒོལ་སྐད་འབོད་བྱས་ཡོད་འདུག ད་ལྟའི་ཆར་དྲག་ཆས་དམག་མི་དང་ཉེན་རྟོག་མི་སྣས་རྨ་ཆུ་རྫོང་བོད་ཡིག་སློབ་འབྲིང་གི་མཐའ་བསྐོར་ཏེ་དམ་དྲག་ཤུགས་ཆེར་བྱེད་ཀྱིན་ཡོད་པར་མ་ཟད། རྨ་ཆུ་རྫོང་ནང་གི་མི་མང་གི་འགྲོ་འོང་གི་ཐད་ལའང་བཀག་རྒྱ་དང་ལྟ་རྟོག་ནན་མོ་བྱེད་ཀྱིན་ཡོད་པའི་གནས་ཚུལ་འགྲེལ་བརྗོད་གནང་ཡོད་པ་རེད།
མདོ་ཁམས་གཉིས་ཀྱིས་རང་ཉིད་ངོས་ཟིན་དགོས། ཡར་ལང་བྱས་ནས་ཅི་བྱེད། བོད་གཞུང་ནས་རང་བཙན་དང་རང་སྐྱོང་སོགས་བརྩད་ཀྱིན་ཡོད་པ་རེད་མ་གཏོགས། ཨམ་མདོ་དང་ཁམས་སྔར་ནས་བོད་གཞུང་གི་ཁྱབ་ཁོངས་མིན་ལ། ང་ཚོའི་མདོ་ཁམས་གཉིས་ཀྱི་བོད་རིགས་ཚོ་ལ་དགོས་རྒྱུ་དེ་ནི་ཆོས་ལུགས་རང་དབང་རེད་མ་གཏོགས་དེ་ལས་གཞན་དེང་གི་རྒྱལ་ཁབ་འོག་ནས་བསྒལ་འདོད་མེད་ལ། ང་ཚོ་ནི་ཀྲུང་དཔའ་མི་དམངས་ཀུན་ཁྲན་དེང་ཡིན། དེ་ནི་ང་ཚོའི་གཟི་བརྗིད་ཞིག་ཡིན། འདི་ནི་ང་ཚོའི་རྒྱལ་ཁབ་ཡིན་ལ་རྒྱལ་དར་ཡང་ཡིན།
རེད་རེད་གོང་གི་གྲོགས་པོ་འདི་གཉིས་ཀྱིས་གསུངས་པ་འགྲིག་འདུག
ད་དབུས་པ་ཞིག་གིས་ཁ་གྲག་ན་རེད།འུ་ཅག་གིས་འདི་མོ་འདི་བརྩད་ནས་ཉི་མ་གཏོང་ཐབས་མི་བྱེད་ལ་ཅི་བྱེད།རྩོམ་རུས་པ་ཅན་ཞིག་མི་ཕྲིས། གཞན་གྱིས་བྲིས་པར་མི་དགའ།དད་པ་ཡོད་མེད། དག་སྣང་ཆེ་མིན། མིང་ཚིག་འགའ་རེ།ཚིག་འཕྲུལ་འགའ་རེ་ལས་ཅི་ཞིག་རྩོད།གྲོགས་པོ་དག་གིས་དེ་ཕན་ཆད་ཀྱི་རྩོམ་འབྲི་བར་ཡང་མི་ཕྱོགས་ལ།འབྲི་སའི་ཁོར་ཡུག་ཀྱང་མི་འདུག ཁང་སེར་སོགས་ལ་གླེན་རྟགས་ཆེ་བས་ན་ཟུག་ཕྱི་ལ་ཕུད་པ་ཙམ་རེད། སྙིང་རྗེ་ཁོ་ཚོས་མགོ་མ་འཚོས་པ་རེད། ཁོར་ཡུག་འདི་གང་རེད། ཀློག་པ་པོ་འདི་དག་སུ་རེད།
དྲ་གྲོགས་ཚོ། ཡིག་ནོར་ལ་ཐུགས་བསམ་རེ་བཞེས་ན་མི་ལེགས་སམ། ཁ་བའི་མེ་ཏོག་གི་བསམ་འཆར་དེ་ལ་ལྟོས་དང་ག་འདྲ་འདུག
རིགས་ཞིག་གི་འཐབ་བརྩོད་བྱས་བཏང་འདིར་མདོ་ཁམས་ཁམས་པའི་དཔལ་བོ་དཔལ་མོ་རྣམས་ཀྱིས་སྔར་རྗེས་བར་གསུམ་དུ་བོད་བསྟན་སྲིད་ཀྱི་ཆེད་དུ་ཤ་ཁྲག་འགྲོ་སོང་གཏོང་དང་བཏོང་བཞིན་པ་ལ་ཞིབ་ན་ཁམས་པའི་གཞོན་སྐྱེས་རྣམས་ཀྱིས་རྒྱལ་དམག་གོང་ཁྲིམ་གྱི་འཁོན་འཛིན་ཆེ་པོ་བཟོ་པར་འདི་དག་ལ་ཡར་བ་མེད་པའི་བློ་སྟོབས་དང་མཚུངས།
བོད་མདོ་ཁམས་སྨད་ཀྱི་ཕྱོགས་འདི་བོད་བཙན་པོའི་རྒྱུད་དང་དཔའ་པོའི་སྡེ་ཡིན་པ་དངོས་གནས་རེད་འདུག་ག།
ངས་ཕྱོགས་ལྷུང་བྱས་པ་མིན། ན་ནིང་ལས་འགུལ་གྱི་འགོ་རྩོམ་ས་དང་མེ་བཞིན་འབར་བའི་ས་ཁུལ་དང་མི་སྣ་དག་གཙོ་བོ་གང་རེད་དམ།
ད་ལོ་ཡང་རྔ་བ་ནས་ལོ་གསར་སྐབས་ངོ་རྒོལ་བྱུང་ཞིང་། དེ་ནས་རྨ་ཆུ་དང་། གཙོད། བླ་བྲང་དང་། འབར་ཁམས་ཕྱོགས་ཀྱི་སློབ་གྲྭ་ཁག་ནས་མེ་དབུང་འདིའི་མཇུག་མཐུད་ཀྱི་མི་འདུག་གམ།
ཐ་ན་རྨ་སྡེ་ཆུ་ཁ་མའི་བྱིས་པ་ལོ་བཅུ་གཉིས་ཅན་ཞིག་ཀྱང་མི་རིགས་ཀྱི་ཆེད་དུ་གདུག་རྩུབ་ཆེ་བའི་སྲིད་གཞུང་གི་ངོ་གདོང་དུ་ལངས་པ་མ་ཟད། རང་ལ་བཀའ་དྲིན་ཆེ་བའི་དགེ་རྒན་དང་ཕ་མའི་བཀའ་བཀོད་ཀྱང་དང་ལེན་མ་བྱས་པར་བོད་མི་རིགས་ཀྱི་ཚབ་བྱས་ནས་སྐད་སྒྲ་བསྒྲགས་ཡོད།
རེད་རེད་་་་ས་ཁུལ་འདི་དག་གི་མི་རྣམས་ཀྱི་ཁོག་ན་ཁོག་ན་སྙིང་འདུག སྙིང་ལ་དྲོད་འདུག ཤ་གསེང་ན་རུས་པ་འདུག རུས་གསེང་ན་རྐང་མར་འདུག
དེ་མིན་ཁྱི་སྡེ་དང་ཝ་རིགས་དག་གིས་ནང་ལོགས་ནས་གུང་ཁྲན་ཏང་ལ་སྟོད་གླུ་ལེན་བཞིན་ཡོད། ཕྱི་ལོག་ནས་རྒྱལ་པ་རིན་པོ་ཆེའི་དང་ཁོང་གི་ལམ་སྟོན་དང་དགོངས་དོན་ལ་རྒྱབ་འགལ་བྱེད་ཀྱི་ཡོད།