བོད་ཀྱི་ནང་པའི་བླ་ཆེན་ཚོས་མན་ཇུ་དང་སོག་པོ། རྒྱ་ནག་སོགས་ཀྱི་གོང་མ་རིམ་བྱུང་གི་སྟེང་དབང་ཤུགས་བཀོལ་མྱོང་ཡོད་ཟེར།
ཚེས་ ༧ ཉིན་བོད་གཞུང་དྲ་རྒྱའི་ཐོག་གནས་ཚུལ་སྤེལ་བ་ལྟར་ན། ཚེས་ ༢ ཉིན་བོད་གཞུང་ལྡི་ལི་སྐུ་ཚབ་དོན་གཅོད་བཀའ་བློན་བསྟན་པ་ཚེ་རིང་མཆོག་ཉི་ཧོང་རྒྱལ་ས་ཊོག་ཀྱོར་ཐེངས་གཉིས་པ་དེ་ཕེབས་ཡོད་ལ། སྐབས་དེར་ཁོང་གིས་ཡུལ་དེའི་རྒྱལ་སའི་ཡོག་སོ་ཡའི་མི་མང་ཚོགས་ཁང་དུ་ཉི་ཧོང་མི་མང་དང་སློབ་ཕྲུག་ཚོར་བོད་ཀྱི་གནད་དོན་སྐོར་གསུང་བཤད་གནང་ཡོད་པ་མ་ཟད། དེ་བཞིན་གདན་ཞུས་མཁས་དབང་ལྕམ་ ཨེ་ཤི་མ་ཧ་ Prof. Ishihama མཆོག་གིས་ཀྱང་ཝ་སི་ཌ་གཙུག་ལག་སློབ་ཁང་དུ་ཉི་ཧོང་གི་ཤེས་ལྡན་ཚོར་བོད་ཀྱི་ལོ་རྒྱུས་་ངོ་སྤྲོད་གནང་ཡོད་པ་རེད། གསུང་བཤད་སྐབས་ཁོ་མོས་གསུངས་དོན། བོད་ནི་ལོ་རྒྱུས་ཀྱི་ཐོག་ནས་རང་བཙན་གཙང་མའི་རྒྱལ་ཁབ་ཅིག་རེད། བོད་ཀྱི་ནང་པའི་བླ་ཆེན་ཚོས་མན་ཇུ་དང་སོག་པོ། རྒྱ་ནག་སོགས་ཀྱི་གོང་མ་རིམ་བྱུང་གི་སྟེང་དབང་ཤུགས་བཀོལ་ཡོད་ཅེས་དང་། ཡང་ཁོང་གིས་དུས་རབས་ ༡༧ པའི་སྐབས་སུ་ཡི་ཤུའི་ཆོས་ཚོགས་ཀྱི་ཡུལ་སྐོར་བ་འགའ་རེས་བོད་སྐོར་ཟིན་བྲིས་བཏབས་པ་དག་ལ་བལྟས་ན་༧གོང་ས་ཏཱ་ལའི་བླ་མ་མཆོག་ནི་བོད་ཁོ་ནས་བཀུར་བསྟི་བྱེད་པ་ཞིག་མིན་པར་ཁྱིམ་མཚེས་རྒྱལ་ཁབ་རྒྱ་ནག་དང་སོག་པོ། བལ་ཡུལ་སོཊ་ཐུན་མོང་གིས་བརྩི་བཀུར་བྱེད་ས་ཞིག་ཡིན་ལ། སྐབས་དེའི་བོད་ཀྱི་འཛུགས་བསྐྲུན་ནི་ཕྱོགས་ཐམས་ཅད་ནས་ཡག་པོ་འདུག དེ་ལྟ་ནའང་བོད་ལ་བྱུང་བའི་དཀལ་ངལ་ནི་ཕྱི་རོལ་འཛམ་གླིང་ལ་འབྲེལ་བ་བྱེད་མ་ཐུབ་པར་ལྷག་སོང་བ་ཞིག་རེད་ཅེས་ཁོང་གིས་གསུངས་ཡོད་འདུག
བཀའ་བློན་བསྟན་པ་ཚེ་རིང་མཆོག་གིས་བོད་སྤྱིའི་ལོ་རྒྱུས་དང་ཕྱི་ལོ་ ༡༩༥༠ ལོ་ནས་རྒྱ་དམར་གྱིས་བོད་ལ་ཇི་ལྟར་བཙན་འཛུལ་བྱས་མིན། བོད་མི་མང་ལ་མནར་གཅོད་ཇི་བཏང་དང་རིག་གཞུང་དང་ཆོས་ལུགས་གཏོར་བཤིག་ཇི་ལྟར་བཏང་མིན་སོགས་འགྲེལ་བཤད་དང་། ལྷག་དོན་དུ་ཁོང་གིས་དང་ཐོག་བལ་ཡུལ་དང་རྒྱ་གར་དུ་སྐྱབས་བཅོལ་དུ་སླེབས་མཚམས་དཀའ་ངལ་དང་སྔུག་བསྔལ་ཅི་ཞིག་མྱངས་མིན་དང་ད་ལྟ་བཙན་བྱོལ་སྤྱི་ཚོགས་ཀྱི་གནས་སྟངས་གསལ་བཤད་སོགས་བྱས་ཡོད་པ་རེད། དེ་བཞིན་ཁོང་གིས་མུ་མཐུད་དོན། བོད་ནང་གི་ད་ལྟའི་གནས་བབ་ཧ་ཅང་གི་ཛ་དྲག་ཡིན་པ་དང་བོད་ཀྱི་ས་གནས་ས་ཐོག་གི་མི་སེར་ཚོ་གྲངས་ཉུང་མི་རིགས་སུ་གྱུར་ཏེ་འཇིགས་ཉེན་ཡོད་ཚུལ་དང་། ལྕཊ་ལམ་གསར་རྒྱག་དང་གཞུང་ལམ་དང་མཁའ་ལམ་འཛུགས་བསྐྲུན་སོགས་ནི་རྒྱ་དམར་གཞུང་ཁོ་ནའི་དགོས་མཁོ་དང་རྒྱ་རིགས་གྲངས་མང་བོད་དུ་གནས་སྤོ་བྱ་རྒྱའི་ཆེད་དུ་ཡིན་པ་ལས་བོད་མི་མང་ལ་ཕན་ཐོགས་དེ་ཙམ་མེད་ལུགས་སོགས་གསུངས་ཡོད་འདུག ཡང་ཁོང་གིས་བོད་རིགས་མང་ཚོགས་ཀྱིས་ཡར་རྒྱས་ལ་ངོ་རྒོལ་བྱེད་ཀྱི་མེད་མོད། ཡར་རྒྱས་ནི་ངེས་པར་དུ་བོད་མི་མང་གི་ཆོས་དང་རིག་གཞུང་གི་ཁེ་ཕན་ཆེད་ཡིན་དགོས་ཞེས་ནན་གྱིས་གསུངས་ཡོད་འདུག
མཇུག་ཏུ་ཁོང་རྣམ་གཉིས་ཀྱིས་མི་མང་གི་དྲི་བར་བཀའ་ལན་གནང་ཡོད་པ་དང་། དོགས་འདྲི་མང་ཆེ་བ་ནི་༧གོང་ས་མཆོག་གི་ཡང་སྲིད་དང་རྒྱ་དམར་གྱིས་བོད་ལ་ཐེ་བྱུས་བྱས་པའི་སྐོར་རེད། སྐབས་དེར་ལྕམ་སྐུ་ཨེ་ཤི་མ་ཧ་ལཊ་ཀྱིས་༧གོང་ས་མཆོག་གིས་ཏཱ་ལའི་བླ་མའི་སྒྲིག་འཛུགས་དགོས་དང་མི་དགོས་དེ་བོད་མི་མང་གིས་ཐག་གཅོད་གནང་གི་རེད་ཅེས་དུས་རྒྱུན་དུ་གསུང་བཞིན་ཡོད་པ་རེད། ཡང་སྲིད་མུ་མཐུད་ཡོང་དགོས་དོན་ནི་སྐུ་ཕྲེང་སྔོན་མའི་ལས་ཀ་མཇུག་སྐྱོང་རྒྱུའི་དོན་དུ་རེད། དེ་ཡིན་དུས་༧གོང་ས་སྐུ་ཕྲེང་ ༡༤ པའི་བསྒྲུབས་མ་ཚར་བའི་མཛད་པ་དེ་སྐུ་ཕྲེང་ ༡༥ པ་རང་དབང་ལུང་པར་འཁྲུངས་ཏེ་མཛད་འཕྲིན་མཇུག་སྐྱོང་གནང་གི་རེད་ཅེས་གསུངས་ཡོད་འདུག
ཉི་ཧོང་བ་དང་ཉི་ཧོང་ཚོང་ལས་ཚོགས་པ་ཁག་ནས་ཇི་ལྟར་བོད་ལ་རོགས་རམ་ཐུབ་མིན་སྐོར་འདྲི་སྐབས། བཀའ་བློན་བསྟན་པ་ཚེ་རིང་མཆོག་གིས་ཁྱེད་ཚོས་བོད་ཀྱི་ལོ་རྒྱུས་ཀློག་པའམ་སློབ་སྦྱོང་སོགས་བྱེད་དགོས་པ་དང་། དྲང་བདེན་དང་རང་དབང་ལ་རྒྱབ་སྐྱོར་བྱེད་དགོས་པ་རེད་ཅེས་ལན་འདེབས་གནང་འདུག་ལ། ཡང་ཁོང་གིས་ཁ་གསབ་ཀྱི་ཚུལ་དུ་བོད་པའི་ཚོང་ལས་ཚོགས་པ་དང་ཉི་ཧོང་གི་ཚོང་ལས་ཚོགས་པའི་བར་ཉམས་མྱོང་བརྗེ་རེས་དང་ལེགས་ཆ་ལེན་རེས་བྱ་ཐུབ་ན་དགེ་མཚན་ཆེ་བའི་རེ་བ་ཡང་བཏོན་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཡུན
Is this a news? Actually it is Too old for a news!
ཡ། སྨར་དྷི་ལགས་དེ་ལས་བོད་སོག་འབྲེལ་བའི་བསྐོར་ཞིག་བྲིས་མི་ལེགས་སམ།།
ང་ཚོའི་དབུ་འཁྲིད་ཚོ་ནམ་ཡང་འདི་ལྟར་མར་མར་སུབ་སུབ་ཅིག་གོ། ཕྱི་འབྲེལ་བློན་ཆེན་གྱིས་བོད་ཀྱི་ལོ་རྒྱུས་ཀློག་པའམ་སློབ་སྦྱོང་དང་དྲང་བདེན་དབ་རང་དབང་ལ་རྒྱབ་སྐྱོར་བྱེད་དགོས་ཤེས་པ་དེ། ཉི་ཧང་བ་ཚོས་ཇི་ལྟར་བོད་ལ་རོགས་རམ་ཐུབ་མིན་སྐོར་གྱི་ལམ་སྟོན་དྲིས་ལན་ཡིན་ཁུལ་རེད་དོ།།རྗེས་མའི་བཀའ་སྤྱི་ལ་རྒས་རྙིས་དག་གདམས་ན་འདི་ལྟར་རོ།།
བཀའ་བློན་བསྟན་པ་ཚེ་རིང་མཆོག་གི་གསུང་བཤད་རིང་པོ་གནང་འདུག་དོན་དག་ཞེ་དྲག་གོ་མ་སོང་ང་བློན་གྲགས་ཡིན་ཁོང་མཁས་གྲགས་ཤེས་མ་སོང་།