བོད་ཡིག་ལེགས་བཅོས་ཀྱི་བགྲོ་གླེང་ལ་བལྟས་རྗེས། བུ་ཆུང་ཚེ་རིང་།

ཁྲ་གླག་སྤྱང་གསུམ་ལགས་སུ།
རྣམ་འགྲེལ་ཚིག་(ཕྱོགས་ཆོས་དེ་ཆོས་ཁྱབ་པ་ཡི༎ གཏན་ཚིགས་དེ་ནི་རྣམ་གསུམ་ཉིད༎)དགོངས་དག ཕལ་ཆེར་གོ་ཡོད་རྒྱུ་མ་རེད། བར་སྟོང་མེད་ཙང༌།

ལུང་ཚིག་དེ་ཁྱེད་ཀྱིས་མི་ཚང་མས་གོ་མི་ཐུབ་པ་ངོས་འཛིན་བྱས་འདུག དེ་འདྲ་ཨ་ཡིན། ངས་ནི་གོ་སོང་། གཞན་མི་གོ་བ་ཡང་ཡོད་པ་ངས་ལེན། དེས་ན་མ་གོ་བ་ཐམས་ཅད་ས་སྟོང་མེད་པའི་སྐྱོན་དུ་ལྟ་བ་ཁྱེད་རང་གི་སྐྱོན་རེད་སྙམ།

(ཕྱོགས་ཆོས་ དེ་ཆོས་ ཁྱབ་པ་ ཡི༎ གཏན་ཚིགས་ དེ་ནི་ རྣམ་གསུམ་ ཉིད༎)

བོད་ཡིག་ཀློག་རྒྱུ་དཀའ་ངལ་འདུག་ཟེར་བ་ལས། བོད་ཡིག་མེད་པར་གཏོང་དགོས་ཞེས་ན་དེས་ཡག་ས་རེད།

བོད་ཡིག་ལ་བར་སྟོང་འཇོག་དགོས་པ་དང་། བཞག་ན་ཡག་པོ་འདུག དེ་བཞིན་བྱོས་ཤིག་ཟེར་བ་ནི་བོད་མི་བཙན་བྱོལ་པའི་དཀའ་ངལ་མཚོན་བྱེད་ཅིག་ཡིན་པ་ལས། བོད་ཡིག་ལ་བར་སྟོང་འཇོག་པའི་ལེགས་བཅོས་ཤིག་བྱ་དགོས་པ་ཁ་ཚ་དགོས་གཏུག་ཡིན་པ་མཐོང་མ་སོང་། དཔེར་ན། ཤར་གཡུ་ལོ་བཀོད་པའི་ཞིང་ཁམས་ནས། དུང་ལོ་འབར་བའི་སྡེར་ཐང་ནས། མ་རྗེ་བཙུན་སྒྲོལ་མ་དཀར་མོ་མཁྱེན། ད་མཁྱེན་པའི་བུ་ལ་སྡོང་འགྲོགས་མཛོད། འདི་ནི་གེ་སར་སྒྲུང་ནང་གི་ཚིག་དུམ་ཞིག་རེད། འབྲོག་ཕྲུག་ཅིག་ལོ་རིམ་བཞི་པ་ལྔ་པ་ཙམ་ལས་མ་སླེབས་ཀྱང་སྒྲུང་འདི་དག་ཐག་ཐོགས་མེད་པར་ཀློག་འགྲོ་གི་རེད། རྒྱུ་མཚན་གཉིས་ལས་ཡོ་མ་རེད། ཁོ་ལ་བོད་ཡིག་སློབ་སའི་ཁོར་ཡུག་བཟང་པོ་ཞིག་ཡོད་པ་དང་། བོད་ཡིག་སྦྱངས་འདོད་ཀྱི་འདུན་པ་ཤུགས་ཆེན་པོ་ཞིག་ཡོ་རེད། ཕ་མ་རྣམས་ཀྱིས་ངག་ནས་རྟག་ཏུ་རྗེ་བཙུན་སྒྲོལ་མ་མཁྱེན་ལ་སོགས་པ་གོ་རྒྱུ་ཡོད་པ་ནི་ཁོར་ཡུག་གི་ཁྲོད་ནས་རང་ལ་ཡི་གེའི་གཅོད་མཚམས་སློབ་པ་དང་འདྲ་པོ་རེད་ལ། སྒྲུང་ཀློག་ཤེས་ན་དེའི་ནང་ནས་སྐྱིད་སྣང་མང་པོ་མྱོང་རྒྱུ་འདུག་བསམ་པ་ནི་ཁོ་རང་སྒྲུང་དེབ་ཡང་ཡང་འཇུ་དགོས་པའི་འགུལ་ཤུགས་སླེབས་བྱེད་རེད། འབྲོག་ཕྲུག་རྣམས་ཀྱིས་སྒྲུང་དེབ་ཀློག་པར་དགའ་བ་ནི་བཙན་བྱོལ་སྤྱི་ཚོགས་ནང་གི་བྱིས་པ་རྣམས་དྲྭ་ཐོག་ན་དྲྭ་རྩེད་ལ་མགོ་འཁོར་བ་དང་འདྲ་པོ་རེད། གཞན་ཡང་། གལ་སྲིད་བཙན་བྱོལ་སྤྱི་ཚོགས་ནང་དུ་བོད་ཡིག་གི་ཤེས་ཚད་དེ་རང་ལ་ཡོང་སྒོ་མང་ཉུང་གི་ཚད་འཇལ་བྱེད་ལྟ་བུ་ཞིག་ཆགས་ཡོད་པ་ཡིན་ན། ད་ལྟ་འབྱུང་བཞིན་པའི་གཅོད་མཚམས་ཀྱི་དཀའ་ངལ་འདི་དག་ཡོ་མ་རེད། ཕ་མ་རྣམས་ཀྱིས་སྔ་དགོང་དུས་ཚོད་བཙལ་ནས་ཕྲུ་གུ་ལ་བོད་ཡིག་སློབ་པ་རེད་ལ། ཕྲུ་གུའི་མདུན་དུ་བོད་སྐད་གཙང་མ་བཤད་པར་བརྟེན་ཕྲུ་གུ་རྣམས་ཀྱིས་ཀྱང་གཅོད་མཚམས་མགྱོགས་པོ་ཤེས་འགྲོ་བ་རེད། རྒྱུ་མཚན་ནི་མི་རིགས་གཞན་པ་ཞིག་གིས་བོད་ཡིག་སྦྱངས་ཀྱང་ལས་སླ་པོ་འདུག་ཟེར་གྱི་ཡོད། དེར་བརྟེན་ཕ་མ་རྣམས་ཀྱིས་རང་གི་འཚོ་ཐབས་ཀྱི་ཆེད་དུ་ཕྲུ་གུ་རྣམས་ལ་བོད་ཡིག་སློབ་སའི་ཁོར་ཡུག་ཡག་པོ་ཞིག་བསྐྲུན་མ་ཐུབ་པ་དང་། ད་ལྟ་ཕྲུ་གུ་རྣམས་ཀྱིས་བོད་ཡིག་འདི་སྐད་རིགས་གཉིས་པ་ཞིག་སྦྱོང་བའི་ཚུལ་གྱིས་འཇུག་དགོས་དུས། དཀའ་ངལ་ཅུང་ཙམ་འཕྲད་པ་དང་ནད་བརྒྱ་སྨན་གཅིག་ལྟ་བུའི་ཐབས་ལམ་ཞིག་འཚོལ་བ་ནི་ཕྲུ་གུའི་སྒྱིད་ལུག་རེད་ལ། ཕ་མ་ཡང་འུ་ཐུག་པའི་བྱེད་སྟངས་རེད། དེར་བརྟེན་མི་རིགས་ཤིག་གི་ཡི་གེར་བསྒྱུར་བཅོས་བྱེད་པ་ནི་བརྡ་སྤྲོད་ལ་མཁས་པའི་མཁས་པ་རྣམས་ཀྱི་ལས་ཡིན་པ་ནི། རྡུལ་ཕྲན་མཚོན་ཆ་ནི་ཆེད་མཁས་རྣམས་ཀྱིས་ཞིབ་འཇུག་བྱེད་པ་དང་གཅིག་པ་རེད།

དབྱིང་ཡིག་དེ་བཞིན་སྔོན་མ་འབྱར་བའི་ཡི་གེ་ཡིན་ཡང་། ད་ལྟ་ཁ་བྲལ་བའི་ཡི་གེ་ལ་བཟོས་ཚར་སྐོར་བཤད་སོང་། འོང་ཀྱང་ངའི་མཐོང་ཚུལ་ལ་ད་དུང་འབྱར་བའི་ཡི་གེ་མང་པོ་འདུག་། དཔེར་ན་། experience. ལྟ་བུ་རེད་།
འདིའི་ཀློག་སྟངས་ནི་ ex.pe.ri.ence.རེད་། འདི་ཁ་མ་ཕྲལ་བའི་རྒྱུ་མཚན་ག་རེ་ཡིན་བཤད་རོགས་ཞུ།

དྲི་བ་འདི་བསྟན་འཛིན་བདེ་སྐྱིད་ལ་ཡིན།

རབ་གསལ་ལགས་ཀྱིས་བུ་མོ་ཞེས་གསུངས་ཀྱི་འདུག་ཅེས་གསུངས།སོང་ཙང་ངས་མཁན་མོ་བསྟན་འཛིན་བདེ་སྐྱིད་ལགས་ལ་ཞུ་རྒྱུ་བོད་ཡིག་ཡག་པོ་ཀློག་ཤེས་པ་ལ་དང་པོ་སོ་སོའི་ཡག་པོ་སྦྱང་དགོས་པ་རེད།ཁྱེད་ཀྱི་དང་པོ་དབྱིན་ཡིག་སྦྱོངས་དུས་སུ་སྐུ་ལས་ག་ཚོད་ཕྲད་སོང་།ཡིན་ནའང་ཁྱེད་ཀྱིས་བརྩོན་འགྲུས་གནང་ཙང་ད་ལྟ་མཁས་མོ་ཆགས་ཚར་བ་རེད།དེ་ལྟ་བུའི་བོད་ཡིག་སྦྱང་ན་དཀའ་ངལ་མེད་པར་མ་ཟད་བར་སྟོང་བཞག་དགོས་པའི་ཀླེང་མོ་དེ་ཡང་མི་ཡོང་ངོ།

རྣམ་འགྲེལ་ཚིག
(ཕྱོགས་ཆོས་དེ་ཆོས་ཁྱབ་པ་ཡི༎ གཏན་ཚིགས་དེ་ནི་རྣམ་གསུམ་ཉིད༎)

དགོངས་དག ཕལ་ཆེར་གོ་ཡོད་རྒྱུ་མ་རེད། བར་སྟོང་མེད་ཙང༌།

(ཕྱོགས་ཆོས་ དེ་ཆོས་ ཁྱབ་པ་ ཡི༎ གཏན་ཚིགས་ དེ་ནི་ རྣམ་གསུམ་ ཉིད༎)

ད་ཡིན་ན་ཏག་ཏག་གོ་ཡོད་རེད། དེ་འདྲ་ལས་སློ་མོ། ང་ཚོས་བཀའ་བསྟན་ཐམས་ཅད་འདི་ལྟར་བྲིས་ན་བོད་མི་ཚང་མ་དེ་དག་ལ་མཁས་པ་ཆགས་རྒྱུ་ ཐག་ཆོད་པ་རེད། དེ་ལྟར་བྲི་བ་ལ་ལོ་གཅིག་གཉིས་ལས་མི་འགོར། ང་ཚོས་ལོ་མང་པོར་གཞུང་ལུགས་སྦྱངས་བསྡད་པ་དེ་ལྐུག་རྟགས་བླ་ན་མེད་པ་རེད་འདུག དེ་འདྲའི་ཕངས་བ་ལ། དུས་ཚོད་འཕྲོ་བརླག་ཤི་མ་ཤི་བཏང་འདུག ཝཝཝཝཝ

འོ་རེད། བུ་མོ་དེས་དབྱིན་ཡིག་དུས་རབས་བདུན་པའི་ནང་བར་སྟོང་བཞག་པའི་འགོ་བཙུགས་པ་རེད་ཟེར་ཀུན་གླིང་ནང་གསུངས་སོང༌། དེ་སྔོན་དབྱིན་ཡིག་བར་སྟོང་མེད་པ་དེ་ག་འདྲ་ཞིག་ཡོད་པ་ཡིན་ནམ། དེ་གཅིག་མིག་སྟོན་གནང་རོགས་ཞུ་འདོད་བྱུང༌།

ང་རང་འདི་ནང་མ་སླེབས་ཡུན་རིང་སོང༌། འདིར་མང་པོ་ཟིག་བཤད་ཀྱིན་འདུག གཅོད་མཚམས་མ་ཤེས་པས་ཀློག་དཀའ་བ་དངོས་ཡོད་རེད། ང་རང་གིས་དབྱིན་ཡིག་ཀློག་སྐབས་གཅོད་མཚམས་མ་ཤེས་ནས་དཀའ་ངལ་འཕྲད་ཀྱིན་འདུག Independence འདི་ག་འདྲ་གཅོད་དགོས་པ་ལྟ་བུ། In-de-pen-den-ce ཡང་ན་Inde-penden-ce ཡང་ན་in-depence ཡིན་ནམ། ཡང་ན་དེ་ལས་གཞན་པ་ཞིག་རེད། དབྱིན་ཡིག་འདི་ཡང་བར་སྟོང་ཞིག་བཞག་ནས་བྲིས་ཡོང་ན། ཨི་ནས་ངས་ཆུ་རྒྱུག་རྒྱུག་ཀློག་ཆོག་པ་བཅས།

འཇིགས་བྲལ་ལགས་ཀྱི་གསུང་ལ་གོ་རྒྱུུ་འདུག ཁྱེད་ཀྱི་མཆན་འདི་ལ་བལྟས་ན་ངོ་མ་ངའི་རྩོམ་ཉོག་དེར་རིན་ཐང་ཅི་ཡང་མི་འདུག ཕལ་ཆེར་དུས་བབ་ཚང་གིས་ཀྱང་དེས་མ་བཀོད་པ་ཡིན་རྒྱུ་རེད། ད་མི་སྒུག

བོད་ཡིག་ཤེས་དགོས་ན་བོད་ཡིག་གི་ཀློག་སྟངས་དང་། དེ་འབྲེལ་གྱི་འབྲི་སྟངས། བེད་སྤྱོད་ཀྱི་ཁོར་ཡུག་བཅས་གནད་དོན་གསུམ་ལ་ཐུག་ཡོད་ལ།

ཀློག་སྟངས་ལ་མཚོན་ན། ཡི་གེ་སོ་སོའི་སྒྲ་གདངས་དག་པར་སློབ་པ་འདི་ཡིན་ལ། འདིའི་ཐད་ཕྱི་ལོ་ ༢༠༠༩ ལོར་སྨོན་ལམ་བོད་ཀྱི་ཐུན་མོང་སྐད་གདངས་ལྟ་བུ་གཞི་ལ་བཞག་ནས་ཀློག་བསླབ་ན་བོད་སྐད་ཀྱི་སྒྲ་གདངས་དག་ཅིང་གཙང་བ་དང་། གོ་བདེ་ཞིང་སྣར་སྙན་པའི་ཁྱད་ཆོས་ལྡན་པ་མ་ཟད། རིམ་གྱིས་བོད་ཀྱི་སྤྱི་སྐད་ཅིག་འགྲུབ་པའི་མཐུན་རྐྱེན་དུ་འགྱུར་ངེས་པ་དང་། ཀློག་དག་པས་དག་ཆ་རང་བཞིན་གྱིས་ཐོན་པ་སོགས་ཁྱད་ཆོས་ཧ་ཅང་ལྡན། བོད་ཡིག་མི་ཤེས་མཁན་ཚོར་བོད་ཡིག་སློབ་པའི་རྨང་གཞི་ནས་འདི་བསླབ་ན་བོད་ཡིག་གི་ཤེས་ཚད་ཚད་ལྡན་ཡོང་བར་ཧ་ཅང་ཕན།

ཡི་གེ་འབྲི་སྟངས་ལ་མཚོན་ན། བོད་ཡིག་གི་འབྲི་སྲོལ་མ་ཕྱི་དབུ་ཅན་རང་བསླབ་ན་དཔེ་དེབ་ཡོངས་ལ་ཁྱབ་པའི་བོད་ཡིག་ངོས་ཟིན་པ་དང་། ཀློག་མགྱོགས་པའི་ཁྱད་ཡོང་རྒྱུ་ཡིན་ལ། དེ་མིན་འཁྱུག་ཡིག་དང་སྐོང་ཡིག་སོགས་འབྲི་སྲོལ་ཤེས་ན་ལེགས་པའི་ཆ་ཡིན་ཀྱང་དུས་དེབ་དང་། གསར་ཤོག བརྙན་དེབ། སྒྲུང་དེབ། སྙན་དེབ། རྒྱལ་རབས། ཆོས་འབྱུང་། ནང་ཆོས། དྲྭ་རྒྱ་སོགས་སུ་སྤྱོད་པ་ཧ་ཅང་ཉུང་བས་ཁོར་ཡུག་ཧ་ལམ་མེད། དེ་བས་བོད་ཡིག་དབུ་ཅན་རང་གི་འབྲི་ཐབས་བསླབ་ན་འཕྲལ་ཕུགས་གཉིས་ཀར་ཕན་པས་བསམ་ཚུལ་འདི་ཤུགས་ཆེར་གླེང་ཐུབ་ན་ཧ་ཅང་ཡག་པོ་ཡོད་རེད་སྙམ། འདིའི་སྐོར་ལ་དྲྭ་གྲོགས་ཚོས་བསམ་ཚུལ་གང་ཡོད་གསུངས་རོགས། འདི་ནི་བོད་སྤྱི་ལ་བོད་ཡིག་ལག་ལེན་བཀོལ་སྤྱོད་ཀྱི་ཐད་ལ་ཕན་ནུས་ལྡན་པའི་འགྱུར་བ་ཞིག་ཡིན་ཅེས་བརྗོད་འདོད་བྱུང་།

བེད་སྤྱོད་ཀྱི་ཁོར་ཡུག་ནི། བཙན་བྱོལ་ལྟ་བུའི་ནང་ཡུལ་དུས་ཀྱི་གནས་བབ་ལ་ཐུག་ཡོད་པས་ང་ཚོས་འདི་ཞེས་བརྗོད་ཀྱང་འཚོ་བ་ལག་ལེན་གྱི་ཁྲོད་དུ་གནས་སྐབས་འགྱུར་བ་ཡོང་རེ་ཡོད་པར་མ་མཐོང་མོད། བོད་ནང་ལྟ་བུར་མཚོན་ན་བོད་ས་རང་དུ་ཡིན་སྟབས་ཁོར་ཡུག་གི་ཆ་རྐྱེན་ཇེ་བཟང་དུ་གཏོང་ཐབས་རེ་འཚོལ་རྒྱུ་མེད་དམ་སྙམ།

དེ་ནས་ཁང་གསར་རྡོ་རྗེ་ལགས་ཀྱིས་བཤད་པ་བཞིན་ཕྱིའི་རྒྱལ་ཁབ་ཀྱི་མི་མིང་དང་། ས་མིང་སོགས་ཀློག་བདེ་དང་འབྲི་བདེ་མེད་པར་བརྗོད་པ་ལ་རྒྱུ་མཚན་ངེས་ཅན་འདུག་པས། འདིའི་ཐད་ཀྱང་ཀློག་ཐབས་ཀྱི་ཚིག་མཛོད་རེ་བསྒྲིགས་ཐུབ་ན་ཡག་པོ་ཡོང་ངེས་སྙམ། འོན་ཀྱང་གཞི་རྩའི་བོད་ཡིག་ཀློག་སྟངས་དང་འབྲེལ་ནས་གླེང་དུས་ཕྱི་རྒྱལ་མི་སེར་གཅིག་གིས་བོད་ཡིག་ཐོག་མར་སྦྱོང་གི་ཡོད་པ་ལྟ་བུའི་ཚོར་སྣང་ཡོང་གི་འདུག བཙན་བྱོལ་བོད་ཕྲུག་ཚོ་འདི་འདྲ་རང་མེད་མོད། གཙོ་བོ་ཁོ་རང་ཚོའི་དོ་སྣང་ལ་ཐུག་ཡོད།

འགྱུར་བ་ཐམས་ཅད་ཡར་རྒྱས་མིན། གང་ཡིན་ཟེར་ན་འགྱུར་སྟངས་ལ་བལྟས་ནས་ཡར་རྒྱས་ཡིན་མིན་ཐག་གཅོད་དགོས་པའི་གནད་དོན་ཞིག་རེད། བོད་ཡིག་ལ་མཚོན་ན་འགྱུར་སྟངས་འདི་ནི་ཐུན་མིན་སྤྱི་སྐད་ཀྱི་རྣམ་པ་ཡིག་ཐོག་ཏུ་ཡོད་པ་འཐོར་ཞིག་ཏུ་འགྲོ་རྒྱུའི་གོམས་སྟབས་ཤིག་མིན་ནམ་སྙམ་གྱི་འདུག དེ་ཡང་རྒྱུ་མཚན་མེད་པ་ཞིག་ཡིན་ན་འགྲིག་གི་རེད།

ཐེངས་འདིའི་ཁང་གསར་རྡོ་རྗེ་ལགས་ཀྱི་བསམ་ཚུལ་དེ་དག་དེ་ཙམ་གྱི་རྒྱུ་མཚན་ལྡན་པར་མ་མཐོང་བས་འདིར་རྒྱུ་མཚན་རེ་འགའ་བཀོད་ཡོད་པའི་ཁུལ་ཡིན།

དགོངས་ཚུལ་གསར་པ་ནི་གསུངས་ཆོག་པ་ཞིག་དང་ངེས་པར་དུ་དགོས་པ་ཞིག་
ཡིན། དོན་ལ་གནས་མིན་ནི་སྤྱི་ཚོགས་ཀྱི་དགོས་མཁོ་ལ་ཡོད་མེད་ཡིན།
བོད་ཡིག་ལ་བར་སྟོང་འཇོག་དགོས་པའི་དགོངས་ཚུང་འདི་ནི་བོད་ཡིག་ལ་སྦྱང་པ་ཆུང་དྲགས་པའི་སྐྱོན་མིན་ནམ་སྙམ།
གལ་ཏེ་བར་སྟོང་བཞག་པ་ཡིན་ན་དགེ་སྐྱོན་གཉིས་ལ་དགོངས་པ་བཞེས་དགོས་
སྙམ། བོད་ཀྱི་སྐད་ཡིག་ལ་བླ་མེད་ཀྱི་བཙན་པོ་བཙན་ནས་བཟུང་དུས་ཀྱི་དགོས་མཁོ་དང་མཚམ་པའི་སྐད་གསར་བཅད་རིམ་པ་གསུམ་གནང་ཡོད། ཡིན་ན་ཡང་།
བོད་ཡིག་འབྲི་ཀློག་སྐབས་ལ་བར་སྟོང་འཇོག་དགོས་པའི་དགོངས་ཚུལ་འདྲ་མཁས་པ་གོང་མ་རྣམས་ཀྱིས་གསུངས་མྱོང་མེད་ལ་ད་ཡོད་བོད་ཕྱི་ནང་གཉིས་ཀྱི་མཁས་པ་རྣམས་པའི་དགོངས་པར་ཀྱང་ཡོད་མི་སྲིད་སྙམ།
བོད་ཡིག་གི་འབྲི་ཀློག་དབྱིན་ཡིག་གི་ཱབྲི་ཀློག་དང་མཚུངས་བསྡུར་བྱེད་མི་རུང་སྙམ།

གསལ་བཤད་ཐུང་ངུ་ཞིག
བསྟན་འཛིན་བདེ་སྐྱིད་ཀྱི་རྩོམ་ཡིག་ལ་མ་གསུངས་པར་བུ་མོ་འདི་ཞེས་མི་སྒེར་ལ་ཚིག་ངན་སྨྲ་བ་དེ་ཚོ་ཡག་པོ་ཁྱོན་ནས་མི་འདུག མཁས་དབང་བློ་བཟང་སེང་གེ་ཞེས་ག་ཚོད་བསྟོད་ར་བཏང་སོང་། མཁས་དབང་ཞེས་བྲིས་དུས་ མཁས་པ་དག་གི་ཡང་མཁས་པ་ཞིག་ལ་ཟེར་བ་མ་རེད་དམ། བུ་མོ་འདི་ཡང་བློ་བཟང་སེང་གེ་ཡོད་སའི་སློབ་གྲྭ་ཆེན་མོ་ནས་སློབ་སྦྱོང་ཐོབ་ཡོད་པ་རེད། དེ་ཚོ་མཁྱེན་པ་གནང་རོགས། གང་ལྟར་ཚིག་ངན་དེ་མཚམས་འཇོག་གནང་རོགས།

འདི་ནི་ཐན་ལྟས་ངན་པ་དགུ་ཡང་ཡིན་དེ།
༡ བཙན་བཤོལ་བོད་མི་བརྒྱ་ཆའི་བདུན་བཅུ་དོན་ལྔའི་བོད་སྐད་ཡག་པོ་མི་ཤེས་པ་དེ་རང་ཚུགས་མེད་པའི་ཐན་ལྟས།
༢ བོད་གཞུང་གི་སློབ་གྲྭ་ཁག་གི་རང་གི་རིགས་གཞུང་ལ་དོར་སྣང་མ་སྤྲད་པར་དབྱིན་ཡིག་ཐབ་ཅག་ཅིག་དང་པོ་སྦྱངས་བརྩོན་བྱས་པ་འདི་ནི་ནུབ་ཕྱོགས་པའི་གཙང་སྤྱོད་འཁྲུ་བའི་ཐན་ལྟས།
༣ སྤྱི་རྒྱལ་བ་ཚོའི་བརྡ་སྤྲོད་ཀྱི་འགྲོ་ལུགས་ཅི་ཡང་མི་ཤེས་བྱིས་ཚོའི་བསམ་ཚུལ་ལྟར་བྱེད་ཀྱིན་ཡོད་ཚུལ་བཤད་པ་དེ་ནི་སྤྱི་རྒྱལ་བའི་བརྡ་སྤྲོད་ཀྱི་འགྲོ་ལུགས་གཞི་ནས་མ་ཤེས་པའི་ཐན་ལྟས།
༤ ཀུན་གླེང་ཚང་གི་འདི་ལ་རྒྱབ་སྐྱོར་དང་གོ་རྒྱུ་ཡོད་མདོག་བྱེད་རྒྱུ་འདི་ནི་ལས་ཁུང་དེའི་ལས་བྱེད་པ་ཚོའི་བཤད་ཚད་ཕར་ཆེར་ལ་སྙིང་པོ་མེད་པའི་ཐན་ལྟས།

༥ བུད་མེད་བོད་སྐད་མི་ཤིས་པ་ཞིག་གིས་ཧམ་བཤད་ལ་བོད་མི་མང་པོ་ཞིག་གི་གོ་རྒྱུ་ཡོད་སྣང་འཆར་བ་འདི་ནི། བོད་མིའི་སྤྱི་ཚོགས་ཀྱི་ཤེས་ཡོད་ཧ་ཅི་སྐྱོ་བའི་ཐན་ལྟས།

༦ རང་སྐྱོན་ངོས་མ་ཟིན་པར་བོད་ཡིག་གི་སྐྱོན་དུ་མཐོང་ནས་འདི་ལྟར་བཅོས་བརྒྱུར་བྱེད་སྣང་ཤར་བ་དེ་སྔོན་ཐོན་གྱི་གོ་དོན་མ་རྟོགས་པའི་ཐན་ལྟས།

༧ བོད་ཀྱི་བརྡ་སྤྲོད་མཁན་པོ་ཚོ་དང་བགྲོ་གླེང་མི་བྱེད་པར་བོད་སྐད་མི་ཤེས་པའི་བུད་མེད་གཅིག་གི་སྐད་ཆ་ལ་ཉན་པ་འདི་བླང་དོར་གོ་ལྡོག་དུ་སོང་བའི་ཐན་ལྟས།

༨ ཨ་རིའི་སྐད་གྲགས་ཆེ་ཤོས་ཀྱི་སློབ་གྲྭ་ཁག་གི་ནང་དུ་བོད་མི་ཁ་ཤས་ལ་འདི་འདྲའི་ཤེས་ཡོན་གྱི་ཆུ་ཚད་ཞན་པ་འདི་ནི་མཐོ་སློབ་འདིའི་ཞབས་འདྲེན་བྱེད་པའི་ཐན་ལྟས།
༩ འདི་ལྟ་བུའི་བླུན་པོ་དབང་ཤེད་ཅན་ཚོས་མ་འོངས་པར་བོད་ཀྱི་ཆོས་དང་རིགས་གཞུང་རྣམས་གཞི་ནས་གཏོར་བཤིག་བྱེད་པའི་ཐན་ལྟས་དེ་དགུའོ།། །།

ངས་ འཛིན་གྲྭ་ དྲུག་པ་ བར་དུ་ བར་སྟོང་ཅན་གྱི་ སློབ་དེབ་ བཟོ་དགོས་ཀྱི་འདུག དེ་ནས་ བར་སྟོང་ མེད་པའི་ སློབ་དེབ་ བཟོས་ན་ འགྲིག་གི་རེད་ ལབ་ཀིན་ཡོད། དེབ་ ཚང་མར་ བར་སྟོང་དགོས་ ཟེར་གི་མེད། འབྲུག་ཡུལ་ དུ་ བར་སྟོང་ འདི་ ཁྱབ་ ཆེ་ཙམ་འདུག

བོད་ཡིག་ལ་བར་སྟོང་འཇོག་དགོས་པར་འདོད་པ་དེ། ཐོག་མར་གང་ནས་བྱུང་བ་རེད་ཟེར་ན། བུ་མོ་མོ་རང་གིས་བོད་ཀྱི་ཡི་གེ་དེ་ཙམ་ཤེས་མེད་པའི་དབང་གིས་བྱུང་བ་རེད། མོ་རང་གིས་བོད་ཡིག་བོད་སྐད་ཆུ་ཚད་ཞན་པའི་དབང་གིས་རེད། དེ་ནི་ད་དུང་བོད་སྐད་ལའང་ཚོར་སྐྱེན་པའི་ཉམས་མྱོང་དང་ཤེས་བྱ་མེད་པའི་ལན་པ་རེད། བོད་ཡིག་ལ་བར་སྟོང་ཞིག་འཇོག་པ་དེ་ནི་ཐོག་མར་ཡི་གེ་སློབ་སྐབས་ཀྱི་བྱ་བ་ཞིག་ལས་བོད་ཡིག་བོད་སྐད་ཤེས་ཟིན་པ་ཞིག་ལ་དཀའ་ངལ་དེ་གཏན་ནས་ཡོད་ནི་མ་རེད། དེས་ན་བར་སྟོང་འཇོག་དགོས་པར་འདོད་པ་ནི་དགོས་མེད་ཉག་གཅིག་གོ

ང་ན་ཚ་མེད། ང་ཤི་རོ་བྲག་ཕུག་ཏུ་ཡོད།
བར་སྟོང་མེད་པའི་འབྲི་སྟངས་ལ་བསླབས་པའི་སློབ་གྲྭ་པ་ཞིག་གིས་བཀླགས་པ་་་་་་་་
ང་ན་ ཚ་མེད། ང་ཤི་ རོ་བྲག་ཕུག་ཏུ་ཡོད།
བར་སྟོང་ཅན་གྱི་འབྲི་སྟངས་བསླབས་པའི་སློབ་གྲྭ་པ་ཞིག་གིས་བཀླགས་པ་་་་་་་་་
ང་ ན་ཚ་ མེད། ང་ ཤི་རོ་ བྲག་ཕུག་ ཏུ་ ཡོད།

བོད་ཡིག་ལ་མིང་བརྡ་དབར་དུ་བར་སྟོང་འཇོག་དགོས་ཟེར་བ་ནི་དགོད་བྲོ་བའི་ལྟ་བ་ཞིག་རེད། སྤྱིར་ན་དབྱིན་ཡིག་ལྟ་བུ་ལ་མཚོན་ན་བར་སྟོང་ཡོད་པ་ལྡན་ཡང་། བོད་ཡིག་ལ་ཚེག་ཆུང་ཡོད་པ་འདིའི་དབྱིན་ཡིག་གི་བར་སྟོང་གི་དགེ་མཚན་དང་གཅིག་འདྲ་ཡིན་པ་རེད། ཡིན་ཡང་བོད་ཡིག་ལ་འགྱུར་བ་དགོས་མི་དགོས་ཟེར་ན་དེ་ཡང་ཅུང་ཨུ་ཚིགས་ཀྱི་ལྟ་བ་ཞིག་རེད། བོད་ཡིག་གི་ཕལ་སྐད་དང་ཡིག་སྐད་དབར་ན་བར་ཁྱད་ཆེན་པོ་ཡོད་པས་ཡིག་ནོར་དང་བརྡ་སྤྲོད་ཐད་ནོར་འཆུག་འབྱུང་བའི་རྐྱེན་གཙོ་བོརགྱུར་ཡོད་པར་འདོད། ལྷག་པར་དུ་བོད་ཕྱི་ནང་གི་ཕལ་སྐད་ཁྲོད་ཀྱི་ཕྱི་སྐད་བསྲེས་མ་དེ་མྱུར་དུ་ཡོ་བསྲང་དང་གཅིག་གྱུར། ལེགས་བཅོས་སོགས་བྱེད་དགོས་པར་གནང་། དེ་བས་བོད་ཀྱི་ཆབ་སྲིད་ཐད་ནས་གཞི་བྱེས་གཉིས་ཀྱི་སྐད་བརྡ་རིག་པའི་མཁས་དབང་ཚོ་གཞི་གཅིག་ཏུ་འཛོམས་ནས་སྐད་བརྡ་གཅིག་གྱུར་ཐད་བགྲོ་གླེང་ཞིག་བྱེད་ཐུབ་ན་བཟང་གི་འདོད།

ཐོག་མར་ཧ་གོ་དགོས་པ་ནི་། བོད་ཡིག་ལ་ཡར་རྒྱས་གཏང་རུང་བ་ཡིན་། འོང་ཀྱང་ཡར་རྒྱས་ཀྱི་བསམ་ཚུལ་དེ་ནི་། བོད་ཀྱི་བརྡ་སྤྲོད་གནས་ལ་བྱང་བའི་
མཁས་པའི་དཀྱིལ་ནས་ཡོང་དགོས་པ་ལས། བོད་ཀྱི་བརྡ་སྤྲོད་ཕར་ཞོག་ཐ་ན་ཡི་གེ་འབྲི་ཀློག་དང་སྐད་ཆ་བཤད་རྒྱུ་ལ་དཀའ་ངལ་ཡོད་མཁན་དག་གིས་
བོད་ཡིག་ལ་སྐྱོན་བརྗོད་པ་ནི་འོས་འཚམས་ཤིག་མིན། དེ་དག་ནི་སོ་སོའི་ཤེས་ཚད་ཀྱིས་མ་འདང་པའི་སྐྱོན་ལས་བོད་ཡིག་ལ་ཡོད་པའི་སྐྱོན་ཞིག་ག་ལ་ཡིན།

བསམ་ཚུལ་སྟོན་མཁན་བསྟན་འཛིན་བདེ་སྐྱིད་དང་ཁང་གི་རྒྱབ་སྐྱོར་རྣམས་ལ་ཞུ་རྒྱུ།
དང་པོ།
དམའ་རིམ་སློབ་གྲྭ་དང་བོད་ཡིག་གི་ཤེས་ཚད་དམའ་བའི་ཆེད་དུ་བོད་ཡིག་ལ་བཅོས་སྒྱུར་བྱེད་དགོས་ན་། ད་ནི་ལ་དོན་བདུན་ནས་གཅིག་དང་འབྲེལ་
སྒྲ་ལྔ་ནས་གཅིག་མ་གཏོགས་མེད་པ་བཟོ་དགོས། གང་ཡིན་ཟེར་ན་། དེ་དག་གི་སྒྲ་དང་དོན་གྱི་འཇུག་ཚུལ་ཐད་ཀྱིས་བོད་ཡིག་གི་ཤེས་ཚད་སྐྱོ་བ་རྣམས་ལ་
དཀའ་ངལ་བཟོ་གི་ཡོད། ད་དུང་མང་པོ་ཡོད།
གཉིས་པ།
གལ་སྲིད་(ཁང་སར་རྡོ་རྗེས་)བཤད་པའི་ཀློག་ཉེས་པའི་སྐྱོན་དག་ནི་བདེན་ཡང་། མི་ལ་བོད་ཡིག་གི་ཤེས་ཚད་ཞན་པའི་སྐྱོན་ཁོ་ན་ལས་བོད་ཡིག་ལ་ཡོད་པའི་སྐྱོན་ཞིག་སྒྲུབ་
མི་ཐུབ། ལར་ནི་སྤྱི་ཚོགས་ནང་གི་བཤེད་ཡམས་ཡོད་ཚད་བསྒྲུགས་ནས་རིག་པའི་གཞུང་ལ་སྐྱོན་འཛུག་རྒྱུ་དེ་རྒྱུ་མཚན་ཡང་དག་ཞིག་མ་མཐོང་། མི་ཁ་བདེ་
པོས་བཟོས་པའི་ལབ་གླེང་ཐ་ཡས་པ་ཞིག་སྤྱི་ཚོགས་ནང་ལ་ཡོད། དེ་དག་ནི་ཁུངས་གཏུགས་སའི་མཁས་པའི་ལེགས་བཤད་ཤིག་ལ་ངོས་འཛིན་བྱེད་ན་།
འཇིག་རྟེན་འདིར་མཁས་དང་མི་མཁས་ཀྱི་ཁྱད་པར་གང་གིས་འབྱེད།
གསུམ་པ།
སྔར་རྒྱལ་ཁབ་མང་པོའི་ཡི་གེ་འབྱར་བའི་ཡི་གེ་ཡིན་ཡང་། དེ་དག་སྔ་ས་ནས་ཁ་ཕྲལ་ཚུལ་དང་། བོད་ཡིག་འདི་ད་དུང་འབྱར་ནས་སྡད་ཡོད་པས། འདི་ཁ་མ་ཕྲལ་ན་རྗེས་ལུས་ཆེན་པོ་རེད་ཅེས་བཤད་ཡོད། འོང་ཀྱང་བོད་ཡིག་གི་ཚེག་རེ་རེའི་བར་ལ་བར་སྟོང་རེ་དང་།
བར་སྟོང་རེ་ལ་ཚག་རེ་དུས་རབས་བདུན་པ་ནས་བཟོས་འདུག་པས། འདི་འབྱར་བའི་ཡི་གེ་དང་རྗེས་ལུས་ཀྱི་ཡི་གེ་བཤད་མཁན་དག་ལ་རྒྱུ་མཚན་གྱིས་
སྟོང་པའི་བསམ་ཚུལ་ཞིག་ལས་གཞན་མེད་པ་གསལ་པོ་རེད།

བཀྲ་མི་ཤིས་བ་དགུ།
༡ བོད་ཡིག་ལ་གཅོད་མཚམས་འཇོག་པ་དེ་ལེགས་བཅོས་ཡིན་དང་བཙོག་བཅོས་ཡིན་ཞིབ་འཇུག་མ་བྱས་བའི་སྔོན་ལ་ཀུན་གླེང་ཚང་གིས་བོད་ཡིག་ལེགས་བཅོས་ཞེས་ཐག་བཅད་པ་དེ་བཀྲ་མི་ཤིས་བ་དང་པོ་དེ་རེད།
༢ གླེང་དགོས་རྒྱུའི་རྩ་དོན་མ་གླེང་བར་ཞི་མོ་ལོ་ཆུང་ཞིག་གི་རྩོམ་དེ་བརྗོད་གཞིར་བཟུང་ནས་འུར་བསླངས་བ་དེ་བཀྲ་མི་ཤིས་བ་གཉིས་པ་དེ་རེད།
༣ བོད་མི་འབུམ་དྲུག་བརྒྱ་ལྷག་ལ་དཀའ་མེད་འཕྲད་ཀྱི་མེད་པ་ཞིག་ནུབ་ཕྱོགས་སུ་འཚར་ལོངས་བྱུང་བའི་བོད་ཀྱི་གཞོན་ནུ་སྒྱུད་ལུགས་པ་འགར་འཕྲད་བཞིན་པ་དེ་བཀྲ་མི་ཤིས་བ་གསུམ་པ་དེ་རེད།
༤ བོད་ཀྱི་སྐད་ཡིག་ལ་བསླབ་པ་སློབ་གཉེར་མ་གནང་བར་མ་ཟད་ཐ་ན་བོད་ཡིག་ྐློག་ཀྱང་མི་ཐུབ་མཁན་ཞིག་གིས་བོད་ཀྱི་སྐད་ཡིག་ལ་ལེགས་བཅོས་གཏོང་དགོས་ཚུལ་གླེང་ན་དེ་ནི་བཀྲ་མི་ཤིས་བ་དང་ཐན་ལྟས་རེད་གཉིས་འཛོམས་རེད།
༥ སྔ་རབས་ལོ་རྒྱུས་སུ་ལོ་ཙ་བ་ཚོས་གསེར་རྡོག་རྡོག་ལྟ་བུའི་བསམ་ཚུལ་བཏོན་ནས་བོད་ཀྱི་སྐད་ཡིག་ལ་བཀས་བཅད་རིམ་པ་མང་པོ་གནང་། དེང་སྙིགས་མའི་དུས་སུ་བོད་ཡིག་འབྲི་ྐློག་མི་ཤེས་མཁན་ཚོས་བོད་ཀྱི་སྐད་ཡིག་ལ་གཅོད་མཚམས་འཇོག་དགོས་དང་ལེགས་བཅོས་གཏོང་དགོས་ཟེར་བ་དེ་བཀྲ་མི་ཤིས་བ་ལྔ་བ་དེ་རེད།
༦ བོད་ཡིག་ལ་འབྲི་ྐློག་ཉན་བཤད་ཙམ་ཡང་མ་བྱས་བར་དེ་ལ་ལེགས་བཅོས་གཏོང་དགོས་ལབ་ན་དེ་བཀྲ་མི་ཤིས་བ་དྲུག་པ་དེ་རེད།
༧ ཕ་རྒན་བོད་ཡིག་ྐློག་མཁན་དང་འབྲི་མཁན། དེབ་ཐུབ་བརྩམས་མཁན་ཞིག་ལ་བུ་མོ་བོད་ཡིག་ྐློག་མི་ཤེས་མཁན་ཞིག་འཁྲུངས་བ་དེ་བཀྲ་མི་ཤིས་བ་བདུན་པ་དེ་རེད།
༨ ཟིན་བྲིས་འདི་སྤེལ་མཁན་བུ་ཆུང་ཚེ་རིང་ཞུ་བས་བལྟ་ཉན་ཡག་པོ་མ་བྱས་བར་། ཁ་ནས་གང་བྱུང་དུ་བསོད་ནམས་རྒྱལ་མཚན་ལགས་ནས་འགྱུར་བ་དེ་འདྲ་གཏོང་དགོས་ཀྱི་འདུག་གསུངས་བ་དེ་ནི་སྔར་སྲོལ་འགྲོ་ལུགས་གཞིར་བཞག་ནས་གསུངས་ཡོད་འདུག་ཞེས་མུན་ནག་མདའ་འཕེན་གྱིས་སྐད་ཆ་བཤད་བཞིན་པ་འདི་བཀྲ་མི་ཤིས་བ་བརྒྱད་པ་དེ་རེད།
༩ ཀུན་གླེང་ཚང་གིས་བཀྲ་མི་ཤིས་བའི་ལས་བརྩམས་པ་དེར་བོད་པ་ཚོ་འུར་ལངས་ནས་འདྲོགས་བཞིན་པ་འདི་བཀྲ་མི་ཤིས་བ་དགུ་བ་དེ་རེད།

ད་ཐེངས་དྲ་གྲོགས་ཁང་གསར་ལགས་ཀྱིས་དཔེ་དྲངས་བའི་༼ཚོས་ཅི་༽དང་༼བྱས་ཐམས་༽སོགས་བོད་ཡིག་ཚིག་མཛོད་ནང་ཇི་ལྟར་བཙལ་ཟེར་བ་འདི་ཅུང་ཐལ་ཆེ་བའི་སྐད་ཆ་ཞིག་རེད། བོད་ཡིག་སྦྱངས་སྐབས་ལས་དང་པོ་བ་རྣམས་ལ་ཚིག་མཛོད་གཅིག་བུ་མ་ཡིན་པར་བློར་ངོར་འཛིན་བདེ་བའི་ཆེད་ཚིགས་སུ་བཅད་པའི་དག་ཡིག་དཔེར་ན་དག་ཡིག་ཤེས་བྱ་རབ་གསལ་ལྟ་བུ་དང་། ཐ་ན་དེང་སང་གི་སློབ་ཆུང་དག་ཡིག་ལྟ་བུ་ཡོད་པ་འདི་ནུབ་ཕྱོགས་པའི་སྐད་ཡིག་ནང་མཐོང་རྒྱུ་མི་འདུག་པས། འདི་ལྟ་བུའི་རྨང་གཞིའི་དག་ཆའི་སྐོར་གྱི་བོད་ཡིག་གི་ཤེས་ཚད་ཡོད་ན་གོང་ཕྲད་དང་མིང་ཚིག་གི་ཕྱེད་མཉམ་སྦྱར་བྱས་ནས་ཚིག་མཛོད་ནང་བཙལ་མི་སྲིད་ལ། གལ་སྲིད་ང་ཚོས་བཙལ་བྱོལ་སྤྱི་ཚོགས་ཀྱི་ཁོར་ཡུག་ལ་བསྟུན་ནས་བོད་ཀྱི་སྐད་ཡིག་ལ་བཅོས་བསྒྱུར་ཞིག་གཏོང་དགོས་ན། མིང་ཚིག་ཀྱང་མང་བོ་ཞིག་མི་དགོས་བར་གཏོང་དགོས། བཙན་བྱོལ་དུ་འཚར་ལོངས་བྱུང་བའི་བྱིས་བ་ཚོས་ལྕི་བ་དང་རིལ་མ་སོགས་ལ་ཡང་སྐྱག་པ་ཟེར་བས་དཔེར་ན༼་བ་ཇོ་ཡི་སྐྱག་པ་༽འདི་ལྟ་བུའི་མིང་ཚིག་ཚང་མ་ཚིག་མཛོད་ཁག་ནས་བསུབ་དགོས་བ་བྱུང་གི་རེད།

བོད་ཡིག་ལེགས་བཅོས་ཐད་ལ་ད་དུང་རྒྱུ་མཚན་ཡོད་ན་བཤད་།

དྲ་གྲོགས་རྭ་རྒྱ་བློ་དབང་ལགས། བཅོས་མི་དགོས་པ་མིན་ཡང་བདག་གིས་མ་ཤེས་པ་ཡིན་པས་སྐུ་ཉིད་ཀྱིས་བཅོས་རོགས་ཞུ་རྒྱུ་ཡིན། དུས་ལྟར་ཡོ་བསྲང་བྱ་རོགས།

གཅོག་མཚམས་ཀྱི་དབང་གིས་ཞེས་པ་གཅོད་མཚམས་ཀྱི་དབང་གིས་ཞེས་བཅོས་རོགས།

དྲ་གྲོགས་རྣམ་པས་བོད་ཡིག་ལེགས་བཅོས་སྐོར་བགྲོ་གླེང་བྱེད་བཞིན་ཡོད་པ་འདི་ལ་བསམ་ན་དགའ་ནི་ཞིག་རེད་མོད། ཡིག་ནོར་དང་བཏགས་ནོར་མང་པོ་རིག་ན་སྐྱོ་ནི་ཞིག་ཀྱང་རེད། ང་ཚོས་རང་ཉིད་ནས་འགོ་བརྩམ་སྟེ་བོད་ཡིག་འདི་ཕུན་སུམ་ཚོགས་པོ་ཞིག་དང་བེད་སྤྱོད་ཡོད་པ་ཞིག བོད་ཡིག་ཤེས་མཁན་སུ་ཡིས་བལྟས་ཀྱང་དོན་སྟོན་ནུས་པ་ཞིག་བྱ་རྒྱུ་ནི་ཇི་འདྲའི་གལ་ཆེ་བ་ལ་ཨང་།
དབྱིན་ཡིག་སོགས་གཞན་གྱི་ཡི་གེ་དེ་དག་ཇི་འདྲའི་ཁྱབ་རྒྱ་ཆེ་ཡང་རུང་། ང་ལྟ་བུའི་དབྱིན་ཡིག་མི་ཤེས་མཁན་ཞིག་གིས་ནམ་རྒྱུན་ཚིག་མཛོད་སོགས་ལས་ཇི་ལྟར་བཙལ་ནའང་སྒྲ་གདངས་དང་གཅོད་མཚམས་ངེས་པར་དཀའ་ལ། དེ་ནི་རང་ཉིད་ལན་པ་མ་གཏོགས་ཡིག་རིགས་དེ་དག་དཀའ་དྲགས་པ་ཨེ་ཡིན་སྙམ། བོད་སྐད་ཤེས་ཤིང་བོད་ཡིག་ཀློག་ཤེས་མཁན་ཞིག་ཡིན་ན་བརྡ་དག་སོགས་མི་ཤེས་པར་དཀའ་ཁག་ཡོད་སྲིད་པ་ལས་གཞན་གཅོད་མཚམས་མི་ཤེས་པའི་དཀའ་ངལ་ཞིག་ཡོད་པར་མི་མཐོང་། གལ་སྲིད་ཕྱིའི་རྒྱལ་ཁབ་ཁག་ནས་འཚར་ལོངས་བྱུང་དང་འབྱུང་བཞིན་པའི་གཞོན་སྐྱེས་དག་ལ་བོད་ཡིག་ཀློག་མི་བདེ་བའི་དཀའ་ངལ་ཞིག་འཕྲད་ཀྱིན་ཡོད་སྲིད་ནའང་། དེ་ནི་རང་ཉིད་ཀྱིས་བོད་སྐད་མ་ཤེས་པས་བོད་ཡིག་ཀློག་མ་བདེ་བ་ལས་བོད་ཡིག་འདིའི་གཅོག་མཚམས་ཀྱི་དབང་གིས་རེད་ནམ་ཡང་འདོད་མི་ཐུབ།