ཁ་བྱང་གི་འགྲེལ། དེང་སྐབས་འཛམ་གླིང་ཁྱོན་ཡོངས་ཞི་བདེ་ལ་ཁ་ཕྱོགས་ཡོད་པས། མེ་མདའ་སོགས་ཀྱི་གནོད་འཚེ་ལ་འཛེམ་དགོས་མེད། ཚིག་མདའ་འཕེན་མཁན་ཇེ་མང་ཡིན་པའི་ཆ་ནས་བཏགས་པ་ཡིན།
སྤྱིར་བོད་ཀྱི་དབུ་ཁྲིད་ཁོང་གི་དགྲ་ལ་ཕྱི་ནང་གཉིས་ལས། ཕྱི་དགྲ་རྒྱ་ནག་གི་འགོ་གཙོ་རྣམས་ཀྱིས་༧གོང་ས་མཆོག་ལ་ཁ་བྲལ་བ་དང་ཏཱ་ལའི་རུ་ ཚོགས་ཟེར་ནས་ཁ་བཏང་བ་ནི་དམིགས་བསལ་ཞིག་ལ་ངོས་འཛིན་བྱས་ཆོག། བོད་ལྗོངས་ལྷ་སའི་ལས་བྱེད་ཁག་ཅིག་གིས་༧རྒྱལ་བ་རིན་པོ་ཆེ་ལ་མངོན་སུམ་འཛེམ་ མེད་ཀྱིས་ཁ་གཏང་བ་ནི་རྒྱ་ནག་གིས་གནོད་ཤུགས་ལ་ངོས་འཛིན་བྱེད་རྒྱུ་ཞིག་ཡོད་ མོད། རང་དབང་ལུང་བ་རྒྱ་གར་དང་ཨ་རི་ལྟ་བུའི་ནང་གི་བོད་མི་རེ་ཟུང་གིས་ཁ་གཏོང་བཞིན་པ་འདི་མ་གོ་ཁུལ་དང་མ་རིག་ཁུལ་བྱས་ནས་འདུག་སྲོལ་མེད། དེའི་ཕྱིར་ཕྲན་གྱིས་ད་ཐེངས་མདོར་བསྡུས་ཙམ་བརྗོད་འདོད་བྱུང་།
ཁ་སང་དེ་རིང་མི་བུ་སྐོར་ཞིག་གིས་༧གོང་ས་མཆོག་ལ་སྐྱོན་བརྗོད་ཐུབ་ན་དེ་ནི་བསམ་བློ་བ་དང་ཤེས་ཡོན་པར་བགྲང་གིན་འདུག གྲོས་ཚོགས་ནང་ནས་༧གོང་ས་མཆོག་གི་བཀའ་གསུང་ལ་རྟགས་གསལ་འདྲ་བོ་གཏོང་གི བཀའ་ཟེར་བ་འདི་ལ་མདོ་དང་རྒྱ་གཞུང་ན་གསུམ་གསུངས་ཡོད་པ་གོ་མ་མྱོང་བ་འདྲ། མི་མང་གིས་ཐག་བཅད་ཐུགས་ཡེ་ཤེས་དབྱིངས་དཔྱད་ཟེར་བ་ལ་མི་ལེགས་པའི་རྣམ་འགྱུར་ཤུགས་ཆེན་སྟོན་རྒྱུ་འདུག་པ་མ་ཟད། དེ་ནི་རང་བཙན་ཁ་ལ་ཁྱེར་ནས་༧གོང་ས་མཆོག་ལ་ཁ་གཏོང་རྣམས་ཀྱི་སེམས་གཏིང་གི་རྣག་ ཁྲག་ཅིག་ཏུ་གྱུར་འདུག ངས་མཐོང་ཚུལ་དུ་ཁ་ཤས་ཤིག་གིས་ྋགོང་ས་མཆོག་གི་འོད་སྟོང་ལྡན་པའི་བཞུད་ལམ་ནག་ གསུབ་གཏོང་གི་འདུག་པ་ལྟ་བུར་ཚོར། སྤྱིར་བསམ་ཚུལ་གང་བཤད་ཀྱང་རང་དབང་རེད། ལྷག་པར་ཏུ་མི་རིགས་ཤིག་དང་རྒྱལ་ཁབ་ཅིག་ལ་མཚོན་ན་བསམ་ཚུལ་འདྲ་མིན་གྱི་ཁྲོད་ནས་རྩ་བའི་ཁྲིམས་གཞི་གཏན་འབེབས་བྱུང་ན་ཡག་པོ་ཡོད་ལ། དེ་ནི་མང་གཙོའི་འགྲོ་སྟངས་ཡང་དག་པ་རེད། སྤྱི་ཚོགས་ཁྲོད་ལམ་དབུ་མ་དང་བོད་རང་བཙན་གཉིས་ཤུགས་ཆེན་གླེང་གི་འདུག འགའ་རེས་ལམ་དབུ་མ་ནི་ྋགོང་ས་མཆོག་དང་བོད་གཞུང་གི་ལངས་ཕྱོགས་ཡིན་པས་དགེ་མཚན་ ཆེ་རབས་དང༌། འགའ་རེས་བོད་རང་བཙན་དགོས་པ་གཞིས་ལུས་བོད་མིའི་འབོད་ཚིག་གིས་གསལ་ཟེར། ངས་བལྟས་ན་བསམ་ཚུལ་འདི་གཉིས་གནས་སྐབས་དང་མཐར་ཐུག་གི་ དམིགས་ཡུལ་མི་འདྲ་བ་ཙམ་ལས་རྩ་དོན་ཐད་ནས་གཉིས་ཀ་དགོས་ཀྱིན་འདུག་སྙམ། བོད་རང་བཙན་གྱི་རྩོད་པ་ཁ་ལ་ཁྱེར་ནས་ྋགོང་ས་མཆོག་གི་རླབས་ཆེ་བའི་མཛད་འཕྲིན་ དང༌། འོད་སྟོང་འབར་བའི་བཞུད་ལམ་དེར་ནག་གསུབ་གཏོང་མཁན་འགའ་མིང་བཟུང་བྱེད་འདོད་ བྱུང་།
ལྷ་བཟང་ཚེ་རིང་གིས་༼ཐོག་དང་པོར་བཙན་བྱོལ་དུ་ཡོང་དུས་རང་ བཙན་བསམ་ནས་ཡོང་བ་རེད། དམིགས་ཡུལ་འདི་འགྱུར་བ་གཏོང་མཁན་ྋརྒྱལ་བ་རིན་པོ་ཆེ་རེད། འགྱུར་བ་བཏང་བ་འདི་ལ་ཡང་བསྐྱར་འགྱུར་བ་གཏོང་མཁན་ཡང་ྋརྒྱལ་བ་རིན་པོ་ཆེ་ཡིན་ དགོས་ཀྱི་ཡོད་པ་རེད། དེ་ཡིན་དུས་ང་རང་གི་བསམ་ཚུལ་ཡིན་ན་མཐའ་མ་ཐུག་ས་དེ་ྋརྒྱལ་བ་རིན་པོ་ཆེ་རེད་ བསམ་གྱི་ཡོད། དབང་ཚད་དང་འགན་གཉིས་ཀ་ྋརྒྱལ་བ་རིན་པོ་ཆེ་ལ་འདུག༽ ཅེས་བརྗོད་ཡོད། འདི་ལྟ་བུར་མཚོན་ན་རང་བཙན་ཟེར་བ་ཙམ་མ་ཡིན་པར། ༧གོང་ས་མཆོག་གིས་སྲིད་གཞུང་ཐད་སྒེར་གཅོད་བྱེད་ཀྱིན་ཡོད་པའི་བརྡ་འདྲ་བོ་ སྟོན་རྒྱུ་འདུག གདོང་ཐོག་བསྟན་པའི་རྒྱལ་མཚན་ཟེར་བ་ཞིག་གིས་ཀྱང༌། བང་ཆེན་ཚགས་པར་སྟེང་༼སྤྱི་ལོ ༡༩༨༠ གྱ་གྲངས་ནང་ནས་བཟུང་དབུ་མའི་ལམ་ཞེས་མིང་འདྲ་ཆགས་པོ་བཏགས་པ་དེ་རེད། དེ་ནི་དོན་མཐུན་གྱི་མིང་འབོད་ན་རྒྱལ་འཚོང་རང་ལུགས་ཞེས་སྲིད་དོན་མཁས་པ་ཚོས་ སྨད་ར་གཏོང་བའི་ལས་ཀ་ཞིག་རེད།༽ཅེས་བྲིས་འདུག ཕྲན་རྒྱ་གར་ཏུ་ཡོང་ནས་བཟུང་༧གོང་ས་མཆོག་ལ་སྲིད་ཕྱོགས་ནས་ཁ་གཏོང་མཁན་བོད་ མིའི་ནང་གཙོ་བོ་འཇམ་དབྱངས་ནོར་བུ་རེད། འཇམ་ནོར་གྱིས་ཁ་གཏོང་སྟངས་གོ་ན་ཧོར་འཐོར་བ་ཞིག་རེད་ལ། ཉེ་ཆར་བཏོན་པའི་དཔེ་དེབ་《བོད་ཀྱི་གནད་དོན》་ཞེས་པའི་ནང་དུ་༧གོང་ས་མཆོག་གིས་ ལམ་དབུ་མ་ཐུགས་རེ་བཟུང་པ་ནས་བོད་པ་ནང་ཁུལ་རྙོག་དྲ་དང་ཟིང་འཁྲུག་ཇེ་མང་དུ་ སོང་བ་རེད་ཟེར། འཇམ་ནོར་གྱིས་༧གོང་ས་མཆོག་ལ་སྐྱོན་བརྗོད་སྟངས་ངས་མ་གླེང་ཡང་སྤྱི་ཚོགས་ནང་ ཡོངས་གྲགས་རེད། དུས་བབ་དྲ་རྒྱ་དང་ཚགས་པར་སྟེང་ཁང་གསར་རྡོ་རྗེ་ཟེར་བ་ཞིག་གིས་《བསམ་ཚུལ་འབུར་ འཛོམས་དང་། འུར་རྒྱག་པ།》 གཞན་《༧རྒྱལ་བ་རིན་པོ་ཆེའི་སྲུང་མ་》ཞེས་པའི་རྩོམ་ཡིག་གཉིས་སྤེལ་བ་རེད། དེའི་ལན་དུ་བསྟན་འཛིན་ཕན་བདེ་ཟེར་བས་༧རྒྱལ་བ་རིན་པོ་ཆེའི་བཞུཌ་ཁྲི་ཞེས་པའི་ རྩོམ་ཡིག་ཅིག་བྲིས་འདུག རྩོམ་དེའི་མཇུག་གི་སྐད་ཆ་ རེ་རེ་ལ་གནས་ལུགས་དང་བདེན་པའི་ངར་ཤུགས་ལྡན་གི ཡང་འཇིགས་བྲལ་བསྟན་འཛིན་མིང་ཅན་དེས་《༧གོང་ས་མཆོག་རྒྱབ་ཤེད་དུ་འཁུར་ནས་མི་ རིགས་ས་ཁུངས་རང་སྐྱོང་གྱི་ལམ་དུ་འཁྲིད་པ་》 ཞེས་པའི་རྩོམ་ཡིག་ཅིག་སྤེལ་འདུག མི་འདི་ནི་ཧ་ཅང་གཟབ་དགོས་པའི་རིགས་རེད། ལན་རེ་དབུ་མའི་ལམ་གྱི་ལངས་ཕྱོགས་འཛིན་མཁན་ཡིན་ཟེར་ནས་ས་གནས་ཁག་ཏུ་ དབུ་མའི་ལམ་གྱི་ཟབ་སྦྱོང་སྤྲོད་ཀི་འགྲོ་གྱིན་འདུག སྐབས་རེ་དབུ་མའི་ལམ་དང་༧གོང་ས་མཆོག་ལ་ཁ་གཏོང་མཁན་དག་གི་ལག་རོགས་ཡོད་ན་མེད་ན་དེ་འདྲ་འཁྲབ་ཀྱིན་འདུག འདི་ལ་སྤྱི་འཐུས་ཚོགས་གཙོ་སྤེན་པ་ཚེ་རིང་གིས་མདོ་སྨད་ཚོགས་ཆེན་མཛད་སྒོའི་ཉིན། དེ་རིང་ཉིན་བཟང་སྐར་བཟང་འདིར་སྐད་ཆ་ངན་པ་བཤད་མི་འོས་ཀྱང་ངས་དཔེ་ཡ་མཚར་ཞིག་འཇོག་ན་འདོད། རང་ཉིད་དགའ་ས་བུ་མོ་གཞན་ཞིག་ལ་དགའ། ཆང་ས་མི་དགའ་ས་དེ་ལ་བརྒྱབ་ན་བརྟན་མོ་ཡོད་མ་རེད། དེང་སང་འགའ་རེའི་ཆབ་སྲིད་ཀྱི་ལངས་ཕྱོགས་དེ་འདྲ་ཆགས་འདུག་ཅེས་བཤད་པ་དོན་ལ་གནས་སོ། ད་ལྟ་རང་བཙན་ཁ་ལ་ཁྱེར་སྟེ་འུར་རྒྱག་མཁན་ཨམ་མདོ་བ་འགའ་རེ་ཡོད་ཀྱང་གནས་སྐབས་བཏང་སྙོམས་སུ་བཞག་ཡོད། བོད་ཀྱི་རྩ་དོན་དང་༧་སྐུ་མདུན་གྱི་དགོངས་གཞི་གང་ཡིན་ན། རང་བཙན་བརྩད་ན་ཆོག དབུ་མའི་ལམ་དུ་ཕེབས་ཀྱང་རུང་། རང་ཐག་རང་གཅོད་ཟེར་ན་འོས། བདེན་པའི་ཨུ་ཚུགས་གླེང་ཡང་ཆོག འདི་ཚོ་ལ་དགག་བྱ་ཅི་ཡང་མེད་ཀྱང་། བོད་ལ་སེམས་ཤུགས་ཆེ་མདོག་གིས་རང་བཙན་ཁ་ལ་ཁྱེར་ནས་ཐད་ཀར་ྋགོང་ས་མཆོག་ལ་ཁ་ གཏོང་བ་དང་། སྐུ་མདུན་ལ་ལོ་རྒྱུས་ཀྱི་ནག་ཉེས་འཛུགས་མཁན་ཚོ་ནམ་ཡང་ང་ཚོས་རྒྱ་ཡན་དུ་གཏོང་ཐབས་བྲལ། སྤྱི་འཐུས་ལྷ་མོ་སྐྱབས་ལྟ་བུའི་ནང་ཆོས་ཀྱི་ཞག་རྩི་ཡོད་མཁན་དང་། བསྟན་འཛིན་ཕན་བདེ་ལྟ་བུའི་དད་སྟོབས་ཅན་ཞིག་གིས་བྲིས་པའི་རྩོམ་ཡིག་ཀློག་དུས་རང་བཞིན་གྱི་སེམས་ལ་དགའ་སྣང་ཞིག་འོང་གི འོན་ཀྱང་བོད་མི་འགའ་རེས་༧རྒྱལ་བ་རིན་པོ་ཆེ་ལ་ཚིག་མདའ་འཕེན་པ་རིག་དུས་རྨོངས་དད་དང་ དད་པ་དམ་ཚིག་གཙང་མ་གང་ཡིན་མི་ཤེས་པའི་ཚོར་འདུ་ཞིག་འགོག་མེད་དུ་སྐྱེས་སོང་། ངས་གོང་གི་ཁ་བྱང་ལ་རྒྱལ་བ་རིན་པོ་ཆེའི་དགྲ་བོ་ཟེར་བ་དེ་ཅུང་ཙམ་མི་འོས་པ་ ཞིག་རེད་བསམ་ཡང་། ངས་རྒྱུན་རིང་ལ་བསམ་གཞིག་བྱས་ཀྱང་ འདི་ལས་ལྷག་ཅིག་མ་རྙེད་པས་མི་འདོགས་ཐབས་མེད་དུ་གྱུར། འདིའི་སྟེང་ནས་ཕོག་ཐུགས་བྱུང་མཁན་ཡོད་ཚེ་དགོངས་དྭངས་ཞུ་འདོད་བྱུང་། མཇུག་ཏུ་གསལ་བཤད་ཅིག་ལ་གཞོན་ནུ་དང་བོད་རང་དབང་སློབ་ཕྲུག་ཚོགས་པ་ལྟ་བུས་བོད་ རང་བཙན་ཟེར་བ་ལ་དགག་རྒྱག་བྱེད་འདོད་མེད་ལ་བྱེད་ཀྱང་མི་འོས། རང་བཙན་ཁ་ལ་ཁྱེར་ནས་༧རྒྱལ་བ་རིན་པོ་ཆེ་ལ་ཁ་གཏོང་མཁན་དག་ལ་བྲིས་པ་ཡིན་པ་ ཀློག་པ་པོ་ཚོས་མཁྱེན་རྟོགས་ཡོང་བར་ཞུ།།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཨ་དགེ་ཡང་བསྐྱར་ལས་ངན་བསགས་བཞིན་འདུག
མཁས་དབང་འཇམ་ནོར་ལགས་དང་གདོང་ཐོག་སོགས།
མིང་དོན་མཚུངས་པའི་བོད་ཀྱི་མི་ཆེན་ཡིན་།
ཨ་རིག་དགེ་མཐོང་ལ་ཞུ་རྒྱུ། ཁྱེད་རང་འཇམ་དབྱངས་ནོར་བུ་དང་ལྷ་བཟང་ཚེ་རིང་། བསྟན་འཛིན་བརྩོན་འགྲུས་སོགས་དང་བསྡུར་ན་གནམ་སའི་ཁྱད་པར་རེད། ངས་ཚད་འཇལ་བྱེད་དེ་བོད་དོན་ལ་བཟུང་བ་ཡིན། ངོ་ལ་ཆུ་ཞིག་བརྒྱབ་ནས་ཡང་བསྐྱར་བསམ་མནོ་ཐོངས་དང་། ཁྱེད་རང་གིས་བོད་དོན་ལ་ལས་ཀ་གང་ཞིག་བྱས་ཡོད། ཁོང་རྣམ་པས་གང་དང་གང་གནང་འདུག དེ་མིན་གང་ཟག་གིས་གང་ཟག་གི་ཚོད་འཛིན་པར་མི་ནུས་ལ། ངས་ཁྱེད་རང་སྙིགས་དུས་དགེ་འདུན་པའི་མིང་འཛིན་མཁན་ཞིག་ལ་དཔྱད་པ་གཏོང་དོན་དེ་བས་མེད། དད་པ་ནས་བཤད་ན་ངས་རྒྱལ་བ་རིན་པོ་ཆེ་ལ་དད་ཚུལ་དེ་ཁྱེད་རང་ལས་ཚད་མ་མཐོ་ན་ཡང་དམའ་དོན་ལར་ནས་མེད། ཕྱག་ན་པད་མོའི་ཞལ་རས་མཇལ་ཐེངས་རེ་དང་གསུང་ཆོས་ཉན་ཐེངས་རེར་གདོང་མཆི་མས་འཁྲུ་བཞིན་སྡོད་སྡོད་ཡིན། ཡིན་ནའང་བོད་ནང་ཁུལ་དུ་ཟིང་འཁྲུག་སློང་བའི་རྩོམ་འདི་ལ་དགའ་པོ་བྱུང་མ་སོང་། བོད་དོན་ཆེད་དུ་མི་ལོ་བཅུ་ཕྲག་མང་པོ་ཉིན་ཞག་སྦྲེལ་ནས་སྐུ་ངལ་བཀྱོན་མཁན་དག་དགྲ་བོ་ལ་བརྩི་བ་འདིར་དགའ་པོ་བྱུང་མ་སོང་། ཁྱེད་རང་ལྟ་བུ་སྲིད་དོན་ཧ་མི་གོ་མཁན་ཞིག་བོད་དོན་ལ་མ་ཎི་དང་སྨོན་ལམ་འདྲ་བཏོན་ན་ཕན་ཆེ་བ་ལས། འདི་ལྟ་བུའི་རྩོམ་ཡིག་མ་སྤེལ་རོགས། འབྲི་མཚམས་འདིར་འཇོག་རྒྱུ་ཡིན། རྩོམ་འདི་ཡང་ཁྱེད་རང་གོ་རྟོགས་མ་སླེབས་པའི་གླེན་བཤད་ལ་བསམ་ནས་དགག་པ་ཡང་ཤུགས་ཆེན་པོ་བྱེད་ཀྱི་མིན། ཁྱེད་རང་ལ་བོད་ནང་འཁྲུག་སློང་བསམ་པའི་ཀུན་སློང་མེད་པར་ཡིད་ཆེས་བྱས་ནས་གླེན་བཤད་ཀྱི་ཚུལ་དུ་གཏོང་གི་ཡིན།
འདིའི་ཐད་ལ་ཟིན་བྲིས་ཤིག་སྤེལ་དགོས་བསམ་ཡོད་ཨ་དགེ་ལགས་ཀྱིས་ཡག་པོ་བྲིས་འདུག་ཡི་རིང་བྱེད་ཀྱིན་ཡོད །
༸ གོང་ས་མཆོག་གི་མཚན་ཐོག་ནས་རྩོད་གླེང་ཅན་གྱི་རྩོམ་ཡིག་འདི་འདྲ་མ་སྤེལ་རོགས་གནང་། ང་ཚོར་སྨྲ་བརྗོད་རང་དབང་ཡོད་པས། སོ་སོའི་བསམ་ཚུལ་རེ་སུ་ཡིན་ཀྱང་བཤད་ཆོག དེའི་ཕྱིར་བོད་པ་ཚང་གི་མ་འོངས་པའི་ཆེད་དུ་གཞོན་སྐྱེས་ཚོའི་བསམ་ཚུལ་རེ་བཤད་དུས། འདི་འདྲ་བོའི་སྐྱོན་བརྗོད་སོགས་བྱས་ན། གཞོན་སྐྱེས་ཚོ་ཡིད་ཐང་ཆད་ངེས་རེད། སྤྱི་ཚོགས་རྙོག་འཛིང་ཅན་དུ་འགྱུར་ངེས་རེད། ནང་ཁུལ་འཁོན་སེམས་ཅན་དུ་འགྱུར་ངེས་རེད། དེའི་ཕྱིར་ཕྱོགས་གཅིག་ལ་བསམ་བློ་མི་གཏོང་བ་ཕྱོགས་མང་པོར་བསམ་གཞིགས་བྱས་ནས་རྩོམ་ཡིག་སྤེལ་རྒྱུར་ཤིན་ཏུ་གལ་ཆེའོ།།
ཨ་རིག་དགེ་མཐོང་ལགས། ཁྱེད་ཀྱི་རྩོམ་ཡིག་འདིར་བལྟས་ན་ཁྱོད་སྟོབས་ཀྱིས་ངར་ཡོད་པ་འདྲ། ཡིན་ནའང་། སེམས་ལྷོད་ལ་བོབས། གོང་ས་མཆོག་ལ་ཟུར་མདང་གཏོང་མཁན་འདི་ཚོས་ཐོངས་ཀི་ཡོད་མེད་མི་ཤེས་མོད་སྙིང་ལངས་པ་ཤིག་རེད། དེའི་ཕྱིར་ཁྱོད་ཀྱི་རྩོམ་ཡིག་འདི་ལ་རྒྱབ་སྐྱོར་ཡོད། ཡིན་ནའང་ཧ་ཅང་ཐལ་མི་ཉན། འུར་གྱི་རྗེས་སུ་འབྲངས་མི་ཉན། གནས་ལུགས་བརྩི་དགོས། ཉེས་མེད་ལ་ཉེས་འགེལ་བྱེད་མི་ཉན།
འདི་ནི་བདག་གི་རེ་བ་ཡིན།
བོད་སྤྱི་བའི་དོན་དག་བཤད་མཁན་ཞིག་རྒྱལ་བ་རིན་པོ་ཆེའི་དགྲ་བོ་ཞིག་ཆགས་སྟངས་མེད། དོལ་ཚོགས་ལྟ་བུ་ཡིན་ན་རྦད་དེ་ལོགས་པ་རེད། དེ་མིན་འཇམ་ནོར་དང་ལྷ་བཟང་ཚེ་རིང་སོགས་རང་བཙན་རྩོད་མཁན་ཚོ་རྒྱལ་བ་རིན་པོ་ཆེའི་དགྲ་བོ་རེད་ཟེར་བ་འདི་ལས་བོད་མི་ནང་དཀྲུག་གི་སྐད་ཆ་ཞིག་མི་འདུག་པས། རྩོམ་ཡིག་འདི་ཡོངས་རྫོགས་བསུབ་པའམ་ཡང་ན་འདིའི་ཁ་བྱང་ལ་འགྱུར་བ་གཏོང་རོགས། འོ་ན་ཐེག་ཆེན་པ་ཐེག་དམན་པའི་དགྲ་བོ་རེད་དམ། གྲུབ་མཐའ་གོང་འོག་ཕན་ཚུན་དགྲ་བོ་རེད་དམ། བླ་རྒན་ཁྱོད་གྲྭ་ས་ན་ཉི་མ་ཅི་འཁྱོལ་དུ་བསྡད་ཡོད་པས་འདི་ལྟར་དྲིས་པ་ཡིན། དམངས་གཙོའི་ལྟ་གྲུབ་དང་རང་དབང་གི་ཁེ་དབང་ལོངས་སུ་སྤྱོད་མཁན་དག་རང་དབང་དང་དམངས་གཙོའི་ལམ་དུ་འཁྲིད་མཁན་ཚོའི་དགྲ་བོ་རེད་དམ། ཁྱོས་རྒྱལ་བ་རིན་པོ་ཆེའི་ཁ་ལ་མི་ཉན་མཁན་ཚང་མ་ཁོང་གི་དགྲ་རུ་རྩི་གིན་ཡོད་ན་འཛམ་གླིང་གི་ས་ཕྱོགས་ཀུན་ཏུ་ཡོད་པའི་རང་བཙན་རྩོད་ལེན་པ་ཚང་མ་ཁོང་གི་དགྲ་བོ་རེད། པེ་ཅིན་ཨོ་ལིམ་ཕིས་ཁིའི་སྐབས་སུ་རང་སྲོག་འབེན་དུ་བཙུགས་ནས་རྒྱ་ནག་ལྕགས་རི་དང་གནམ་བདེའི་སྒོ་ཐང་ནས་བོད་རང་བཙན་གྱི་འཕྲེད་དར་འཕྱར་མཁན་དེ་དག་རྒྱལ་བ་རིན་པོ་ཆེའི་དགྲ་བོ་རེད། བླ་རྒན་ཁྱོད་ངོ་མ་སྨྱོས་འདུག
རྩོམ་མི་ཀློག་པར་བསམ་འཆར་བཤད་མཁན་གྱི་ལྷ་མོ་དང་དོན་གྲུབ་རྡོར་རྗེ། ད་དུང་དྲ་འབུ་ཅི་ཡང་མི་ཤེས་པ་མང་བོ་ཞིག་གིས་རང་བཙན་རྩོད་མཁན་དག་ལ་ཟེར་རྒྱུ་འདུག ངའི་རྩོམ་མ་ཀློག་ནས་བསྐུར་འདེབས་བྱེད་རྒྱུ་མཚམས་འཇོག་རོགས།
གོང་དུ་ ཤ་ཀླན་འཇམ་དབྱངས་གྲགས་པས་གསལ་བོར་བཤད་འདུག
ཟིན་བྲིས་བ་འདི་ཚོར་འཆལ་གཏམ་སྨྲ་བྱེད་ཀྱི་ཁ་ལག་ལས་གནས་ལུགས་དང་། དངོས་ཡོད་ལ་ལྟ་བྱེད་ཀྱི་མིག་ཟུང་ཡོད་ས་མ་རེད།
མང་པོ་ཞིག་གིས་ནི་ཁ་བྱང་ལ་བལྟས་ཏེ་མཆན་བཏབ་བཞིན་པ་གསལ་བོ་རེད་འདུག
གནམ་ལྕགས་ལགས་ཀྱིས་གོང་དུ་བྲིས་དེ་ངའི་འདོད་པ་རང་རེད། གཤམ་དུ་དེ་འགོད་ཆོག་པར་ཞུ། ༼ངས་བལྟས་ན། ཨ་དགེ་ལགས་ཀྱིས་རང་བཙན་རྩོད་མཁན་དག་དགྲ་བོ་རེད་ཟེར་གྱི་མི་འདུག རང་བཙན་ཁ་ལ་བཟུང་ནས་༸་རྒྱལ་བ་རིན་པོ་ཆེ་ལ་ཁ་གཏོང་མཁན་ཟེར་ནས་དམིགས་སུ་བཀར་ཡོད་པ་འདྲ། འདི་ནི་དེའི་བར་ན་མགོ་འཁོར་བའི་འཁྱམ་པོ་ཁག་ཅིག་ལ་གསལ་བཤད་ཙམ་ཡིན།༽ཞེས་པ་ནི་ཁོང་གི་རྩོམ་གི་བརྗོད་བྱ་ཙམ་ཡང་མི་གོ་བར་ཧོན་རྒྱུགས་བྱེད་མཁན་དག་ལ་ལམ་སྟོན་ཞིག་བྱས་པ་རེད།
འདི་ལྟར་བཤད་དུས་བཟང་ངན་གྱི་ལན་ཅི་ཡང་འདེབས་ཕོད་ཀྱི་མི་འདུག་་་་ལྷག་པར་དུ་ངས་ཆབ་སྲིད་ཕྱོགས་ཤེས་ཀྱི་མེད་་་་་དྲ་གྲོགས་ཚོས་བརྗོད་བྱ་འདིའི་དོན་གསལ་བོ་གོ་མི་འདུག་་་་་་་
བསམ་མནོ་ཞིག་བཏང་དུས་བདེ་པོ་ཞིག་མི་འདུག་པས། ཚིག་ཁ་ཤས་མི་ཞུ་མཐུ་མེད་བྱུང་། དེང་སང་འཛམ་གླིང་གང་སར་བོད་དོན་གྱི་ཚོགས་པ་ཆེས་མང་ཤོས་བོད་རང་དབང་སློབ་ཕྲུག་ཚོགས་པ་དང་། བོད་ཀྱི་གཞོན་ནུ་ཚོགས་པ་གཉིས་རེད། དེ་གཉིས་ཀྱིས་འདོད་པ་བྱེད་ས་རང་བཙན་རེད། དབུ་མའི་ལམ་ཐོབ་ན་དེ་གཉིས་དབུ་མའི་ལམ་དུ་མ་ཡོང་མི་སྲིད་པ་ཞིག་ག་ལ་ཡིན། དོག་པ་གང་ཡང་མི་དགོས་པར་སྙམ། བོད་དུ་ཟིང་འཁྲུག་སྔ་ཕྱི་བར་གསུམ་དུ་བོད་མི་མང་པོའི་སྲོག་ཤོར་བ། བོད་རང་དབང་སློབ་ཕྲུག་ཚོགས་པས་རྒྱ་ནག་པེ་ཅན་དུ་ངོ་རྒོལ་ཐེངས་མང་དང་། རྒྱ་ནག་གི་ཨོ་ལོན་རྩེད་འགྲན་སྐབས་རྒྱལ་ཁབ་གང་སར་དཔལ་འབར་ཁྱེར་རྣམས་ཀྱི་ལག་ནས་དཔལ་འབར་འཕྲོག་པ། དེ་བཞིན་འཛམ་གླིང་གང་སར་རྒྱ་ནག་ལ་ངོ་རྒོལ་དང་བོད་ཀྱི་རྒྱལ་དར་ཁྱེར་མཁན་ཚང་མ་རྒྱལ་བ་རིན་པོ་ཆེའི་དགྲ་བོ་ག་ལ་ཆགས་སྲིད། རྒྱལ་བ་རིན་པོ་ཆེ་དང་མི་མང་གང་གིས་ལས་འགུལ་སྤེལ་ཀྱང་བོད་རྒྱལ་ཁབ་ཀྱི་དོན་དུ་ཡིན་པ་ལས་སྒེར་པ་ཞིག་གི་ཆེད་དུ་ག་ལ་ཡིན། སྤྱིར་སྟངས་དབང་རྟུལ་དད་པས་རྗེས་འབྲང་དང་། དབང་རྣོན་ཆོས་ཀྱི་རྗེས་འབྲང་གཉིས་ཡོད་པར་ཤེས་དགོས་སོ།།
བཀའ་ཁྲི་ཟམ་གདོང་བླ་མས་གཞུང་འབྲེལ་མ་ཡིན་པའི་ཚོགས་པར་རང་གི་ངོས་འཛིན་ཞིག་དགོས་པར་བརྟེན།གཞུང་ལ་རྒྱབ་བསྙེས་པ་འམ་གཞུང་གིས་བེད་སྤྱོད་བཏང་བ་དེ་འདྲ་བྱུང་ན་ཚད་ལྡན་ཞིག་ཡོང་གི་མེད། དེ་ཚོ་རང་གི་རྐང་བའི་ཐོག་ལངས་ཐུབ་ཆེད་གཞུང་གིས་བྱུས་གཏོགས་དང་བཀོད་འདོམས་མི་བྱེད་པ་དེ་མཁྱེན་དགོས། གསུངས་པ་ལྟར་གཞོན་ནུའི་ཚོགས་པ་ཡིན་ཡང་འདྲ་མཁས་དབང་འཇམ་ནོར་སོགས་མི་སྒེར་ཡིན་ན་འདྲ་ཁོ་ཚོས་རང་བཙན་རྩོད་པ་དང་རང་བཙན་གྱི་དགོས་པ་ཁྱེར་འོང་བ་ནི་དགེ་མཚན་ཞིག་ཡིན་པ་ལས། མིག་གཡས་པ་སྲུང་སླད་གཡོན་པ་དོར་བ་ཞིག་ག་ལ་ཡིན། དེ་ལྟར་དུ་ལྟ་བ་ནི་དགེ་མཐོང་སོགས་སྲིད་ཀྱི་མིག་ལྡོང་བ་དག་ཡིན་ངེས། གང་ལྟར་གཡས་ལྷུང་ཅི་ལྟར་ཤུགས་ཆེ་ན་གཡོན་ལྷུང་དེ་ལྟར་ཤུགས་ཆེ་རུ་འགྲོ་ངེས་པས། དེ་ལྟར་དུ་མ་སོང་ན་འགྲིག བསམ་བློའི་ལྕི་ཚད་མེད་པའི་རྩོམ་ཡིག་རེ་གཉིས་ཀྱིས་ཆིག་སྒྲིལ་ལ་གནོད་པ་མི་གཏོང་བར་ཤོག
ཨ་རིག་ལགས་ཀྱིས་གསུང་ཅུང་ཟད་ཐལ་ཆེ་འདུག ད་མང་པོ་མ་བཤད་ན་ཡག་ས་རེད། རང་གནས་སུ་འགྲོ་རན།
ཐོག་མར་རྩོམ་འདིའི་ཁ་བྱང་ནི་མི་གཞན་གྱི་དོ་སྣང་བྱ་ཆེད་གཅིག་བུར་ཡིད་བཞིན་ནོར་བུའི་མཚན་རྩེད་སྤྱད་བྱས་པ་དང་། གཉིས་པ་ནི་ཀུན་སློང་འཁྲུལ་བ་ཅན་གྱིས་མི་ཡར་སློང་ཁུལ་བྱེད་མོད། ཁ་ཐུར་དུ་འགྱེད་འདུག རང་བཙན་དང་དབུ་མའི་ལམ་གཉིས་ནི་སྲིད་དོན་གྱི་ལམ་གཉིས་ཡིན་པས་གཞུང་འབྲེལ་མ་ཡིན་པའི་ཚོགས་པ་དང་སྲིད་དོན་པ་དག་གིས་དེ་ལ་དཔྱད་བརྗོད་སྤེལ་བའི་ཐོབ་ཐང་དགོས་པ་དང་། རང་བཙན་ལ་དགའ་བའི་མི་རྒྱལ་དབང་རིན་པོ་ཆེ་ལ་སྨད་ར་གཏོང་མཁན་དུ་སྒྲོ་བཏགས་ནས་མ་བཤད་ན་འགྲིག གཉིས་པ་བོད་གཞུང་ལ་མཚོན་ན་སྲིད་བཅོས་གཅིག་གི་ལྟ་བ་རྒྱུན་འཁྱོངས་བྱེད་དགོས་པ་དང་རང་བཙན་རྩོད་མཁན་ཡང་གཞུང་ཞབས་པར་ཆགས་ཚེ་འགྲོ་ལུགས་དེ་ལྟར་དུ་འཛིན་དགོས་པ་རེད། དེ་མིན་ལྷ་མོ་སྐྱབས་དང་དགེ་མཐོང་སོགས་ཀྱི་རང་བཙན་རྩོད་མཁན་དག་ལ་མི་ཁ་ཆེན་པོ་བྱས་ཏེ་གཏོང་འདོད་པ་ནི་ལུག་མགོ་བསྟན་ནས་ཁྱི་ཤ་བཙོངས་པ་རེད།
ཁ་བྱང་འདི་དགག་སྒྲུབ་རྩོམ་ཡིག་གཅིག་ལ་ཤིན་ཏུ་རན་འདུག རྒྱལ་བ་རིན་པོ་ཆེའི་སྲུང་མ་རེད་ཟེར་བས་སྲུང་མ་ཡིན་མ་དགོས་ན་དགྲ་བོ་རེད་ཟེར་བས་དགྲ་བོ་རེད་ག་ལ་དགོས།
གནམ་ལྕགས་ལགས། ཟིན་བྲིས་བ་འདི་ཚོར་འཆལ་གཏམ་སྨྲ་བྱེད་ཀྱི་ཁ་ལག་ལས་གནས་ལུགས་དང་། དངོས་ཡོད་ལ་ལྟ་བྱེད་ཀྱི་མིག་ཟུང་ཡོད་ས་མ་རེད།
མང་པོ་ཞིག་གིས་ནི་ཁ་བྱང་ལ་བལྟས་ཏེ་མཆན་བཏབ་བཞིན་པ་གསལ་བོ་རེད་འདུག
༸རྒྱལ་བ་རིན་པོ་ཆེའི་མཚན་ཐོག་ནས་འདི་འདྲའི་ལབ་གླེང་བྱེད་རྒྱུ་མཚམས་བཞག་ན་ཡག རྒྱུ་མཚན་ནི་རང་བཞིན་གྱིས་མི་དང་མིའི་བར་རམ། ཡང་ན་མི་དང་མིས་ཕན་ཚུན་ལ་ཕོག་ཐུག་གཏོང་གི་འདུག
ངས་བལྟས་ན། ཨ་དགེ་ལགས་ཀྱིས་རང་བཙན་རྩོད་མཁན་དག་དགྲ་བོ་རེད་ཟེར་གྱི་མི་འདུག རང་བཙན་ཁ་ལ་བཟུང་ནས་༸་རྒྱལ་བ་རིན་པོ་ཆེ་ལ་ཁ་གཏོང་མཁན་ཟེར་ནས་དམིགས་སུ་བཀར་ཡོད་པ་འདྲ། འདི་ནི་དེའི་བར་ན་མགོ་འཁོར་བའི་འཁྱམ་པོ་ཁག་ཅིག་ལ་གསལ་བཤད་ཙམ་ཡིན།
ཨ་རིག་དགེ་མཐོང་ཟེར་བ་འདིས། ཁྱོད་རང་གིས་༸རྒྱལ་བ་རིན་པོ་ཆེ་ཁ་ལ་འཁྱེར་ནས་ལྷག་བསམ་ཡོད་མདོག་བྱེད་ཀྱི་འདུག ཧཧཧཧཧ།
སྙིང་རྗེ། ཁྱོད་རང་གིས་ཆབ་སྲིད་ཀྱི་གནད་འགག་གང་ཡང་ཤེས་ཀྱི་མི་འདུག
དེ་ལས་ལྷག་བསམ་ཡིན་ན། ཁྱོད་ཀྱིས་དངོས་ཡོད་གནས་སྟངས་གཅིག་དྲྭ་རྒྱའི་ཐོག་བཏོན་དང་།
རྩོམ་ཡིག་འདི་ཀློག་སྐབས་སྤྱི་ཚོགས་མི་བདེ་བ་བཟོ་མཁན་ཁྱོད་རང་ཡིན་པ་དེ་ར་འཕྲོད་ཀྱི་འདུག
༸གོང་ས་མཆོག་གིས་བཀའ་སློབ་གཅིག་ལུང་དྲངས་ན། ༸གོང་ས་མཆོག་གིས་ཕྱི་ལོ་ ༢༠༡༠ ཕྱི་ཟླ་ ༡ ཚེས་ ༢ ཉིན་གསུང་དོན། འདྲ་ཆགས་པོ་དང་སོ་སོའི་སེམས་ཀྱི་གཏིང་ལ་ཡོད་ཀྱང་མེད་ཀྱང་ཁའི་ཚིག་སྐམ་པ་ཞིག་ལ་འཇུས་ཏེ་ཕན་ཚུན་གཅིག་གིས་གཅིག་ལ་ཚིག་རྩོད་ལྟ་བུ་བྱས་ན་ཕན་ཐོགས་ཁྱོན་ནས་མེད། ང་ཚོ་ཚང་མ་སྤྱི་པའི་དོན་དག་ལ་ཁུར་གཅིག་པ་ཞིག་སླེབས་ཡོད་པ་རེད། ཁུར་མཉམ་ལེན་གྱི་ཐོག་ནས་དམིགས་ཡུལ་འདི་བཞག་ནས་གང་དགའ་ཅི་ལེགས་ཞེས་ལབ་རྒྱུ་རེད་མ་གཏོགས་མི་གཅིག་གིས་ཁ་བདེ་པོ་ལྟ་བུ་བྱས་ཏེ་ཁོས་སྐད་ཆ་ཡག་པོ་བཤད་སོང་ཟེར་རྒྱུ་ལྟ་བུ་དང༌། ཡང་ན་ཁོས་སྐད་ཆ་བཤད་ནས་རྒྱལ་ཁ་ལྟ་བུ་ཞིག་ཐོབ་སོང་ཞེས་པའི་སྐད་ཆ་འདི་མ་རེད། ང་ཚོ་སྤྱི་པའི་དོན་དག་བསྒྲུབ་རྒྱུར་གང་དགའ་ཅི་ལེགས་ལེགས་སྤེལ་ཉེས་འགོག་ག་རེ་བྱེད་དགོས་ཀྱི་འདུག ཚང་མ་ཁུར་མཉམ་ལེན་གྱི་ཐོག་ནས་བསམ་བློ་གཏོང་རྒྱུ་དེ་རེད། མི་དང་མ་སོང་ནའང༌། མི་ནད་པ་ཛ་དྲག་ལ་ཐུག་ཡོད་པ་རེད། ངོས་ཀྱིས་ནམ་རྒྱུན་རྩེད་མོ་རྩེ་ནས་ཤོད་ཀྱི་ཡོད། ཚེས་གྲངས་བཟང་ངན་བརྩི་རྒྱུ་དང་གཅིག མཛད་སྒོ་ཚོགས་ཞེས་པ་དེ་ཚོའི་གྲས་དེ་མིའི་མི་ཚེ་གཅིག་ལ་གལ་ཆེ་ཤོས་དེ་སྐྱེས་པའི་ཉིན་མོ་དང་ཤི་བའི་ཉིན་མོ་རེད། དེར་མཛད་སྒོ་ཚོགས་རྒྱུ་ཡོད་པ་མ་རེད། རྩིས་བཤག་རྒྱུ་མེད་པ་རེད། སྐྱིད་པོ་ཡོད་པའི་སྐབས་ལ་ཚེས་གྲངས་བཟང་ངན་བལྟས། མཛད་སྒོ་ཚོགས་ནས་འདྲ་ཆགས་པོ་ཞིག་བྱ་རྒྱུ་ཡོད་པ་རེད། འགག་ལ་ཐུག་པའི་སྐབས་ང་ཚོ་ནོར་གླིང་ནས་བྲོས་ཡོང་དུས་ཚེས་གྲངས་ལྟ་རྒྱུ་དང་མཛད་སྒོ་ཚོགས་རྒྱུ་མི་འདུག བྲོས་ཡོང་རྒྱུ་རེད། དེར་བརྟེན་ང་ཚོ་བོད་མི་རིགས་ད་ལྟ་དེ་འདྲ་ཞིག་གིས་མཚམས་ལ་སླེབས་པ་ཡོད་པ་རེད་མ་གཏོགས་འདྲ་ཆགས་པོ་བྱས་ཏེ་སྡོད་རྒྱུའི་དུས་ཚོད་མ་རེད། ང་ཚོ་འཆི་གསོན་སྒང་ལ་སླེབས་ཡོད། དེ་འདྲ་ཡིན་དུས་དོན་དག་ངོ་མའི་སྟེང་གང་དགའ་ཅི་ལེགས་ཀྱི་བསམ་བློ་གཏོང་རྒྱུ་རེད་མ་གཏོགས་འདྲ་ཆགས་པོ་དང་སྤམ་པོ་བྱ་རྒྱུའི་སྐད་ཆ་ཞིག་མ་རེད། འདི་ཁྱེད་རང་ཚོའི་སེམས་ཞོག ཅེས་གསུངས་ཡོད་པ་རེད། འདིའི་གོ་དོན་དེ་ཁྱོད་རང་གིས་ཧ་གོ་གི་འདུག་གམ།
འདིར་དངོས་སུ་བཏོན་པའི་མི་འདི་རྣམས་སུ་ཡིན་ཀྱང་རུང་། བོད་སྤྱི་པའི་དོན་ལ་བཀའ་མོལ་གནང་བསྡད་མཁན་རྐྱང་རེད་བཞག ཁོང་ཚོས་གླེང་པ་དེ་༸གོང་ས་མཆོག་ལ་ཁ་བཏང་ལུགས་ཞིབ་ཕྲ་ཞིག་ངོ་སྤྲོད་བྱེད་རོགས། ཚིག་རེ་རེ་བཞིན་ངོ་སྤྲོད་བྱེད་རོགས། དེ་མིན་སྤྱི་སྦོམ་གྱི་ཚིག་སྤྱད་དེ་སྤྱི་དོན་ལ་སྐད་ཆ་ཤོད་མཁན་དག་ནག་པོ་བཟོ་བ་འདི་མི་ཡག་པོ་ཞིག་གིས་བྱེད་སྟངས་མ་རེད།
འདི་འདྲའི་ཁུངས་ལུངས་ཞིབ་ཚགས་མེད་པར་གང་དྲན་དུ་སྤེལ་བའི་གཏམ་ཡན་ཞིག་ལ་བོད་ཀྱི་དུས་བབ་ནས་བདག་པོ་རྒྱག་ཤེས་པ་དེ་ལ་ང་ཚོ་ཡ་མཚན་སྐྱེས་སོང་།
གུས་མོའི་བསླབ་བྱ་ཞུ་རྒྱུ་ཞིག་ལ། ཨ་རིག་ཁྱོད་ག་རེ་བྱེད་ཀྱི་ཡོད་ན་དེ་ལ་འབད་བརྩོན་བྱོས། སྟག་འཆོང་སར་ཝ་མ་འཆོངས། ཝ་སྐེ་ཚིགས་བུད་ཀྱི་རེད།
རང་བཙན་དེ་བཤད་ནས་ཐོབ་རྒྱུ་ཞིག་ཡོད་ན་མཉམ་དུ་གཙུག་ལག་ཁང་ནས་རང་བཙན་གྱི་ཞལ་འདོན་འཚོགས་ཡ། ཁ་བཤད་ཆུ་ཡི་ཝུ་བ་་་་་་་་་
གསུམ་བཅུའི་དུས་དྲན་གྱི་སྔ་གཞུག་ནས་རྒྱ་ནག་གཞུང་ལ་ཞི་རྒོལ་བྱེད་མཁན་དང་ཡར་ལངས་བྱེད་མཁན་ཕལ་ཆེ་བ་ནི་སློབ་ཕྲུག་དག་ཡིན་ལ། ཁོང་ཚོས་ ༢༠༠༨ ལོའི་ཞི་རྒོལ་ཆེན་མོར་རྗེས་དྲན་བྱས་པ་དང་། ཁོང་ཚོའི་འབོད་སྒྲ་ནི་སྔར་བཞིན་བོད་རང་བཙན་དང་། ༧གོང་ས་མཆོག་བོད་དུ་གདན་འདྲེན་ཞུ་དགོས་པ། མི་རིགས་འདྲ་མཉམ་དགོས་པ་བཅས་རེད། རྒྱ་ནག་གི་སྐར་ལྔའི་དར་དམར་གྱི་རྒྱལ་དར་མེར་བསྲེག་མཁན་ཡང་བྱིས་པ་འདི་དག་རེད། བོད་རང་གི་སྐད་ཡིག་སྲུང་སྐྱོབ་ཀྱི་ལས་འགུལ་སྤེལ་མཁན་ཡང་བྱིས་པ་ཚོ་ཡིན། ཁོང་ཚོ་ནི་སོ་སོའི་མི་རིགས་ཀྱི་འདས་པ་དང་མ་འོངས་པ། ད་ལྟ་བཅས་ཀྱི་བདག་པོ་ཡིན་ལ། ཁོང་ཚོས་དེར་ངོས་ལེན་དང་འགན་ལེན་གཉིས་ཀ་བྱེད་ཀྱིན་འདུག འདི་ནི་ཐེངས་འདིའི་དུས་བབ་རྩོམ་སྒྲིག་པའི་གཏམ་ལས་དྲངས།
དགེ་མཐོང་ལགས།
བྱིས་པ་འདི་ཚོས་བོད་རང་བཙན་རྩོད་ཀྱི་འདུག རྒྱལ་དར་མེར་བསྲེགས་བཏང་ཡོད་འདུག འདིས་ག་རེ་སྟོན་གྱི་འདུག འདི་ཚོ་༸རྒྱལ་བ་རིན་པོ་ཆེ་དང་རྒྱ་ནག་གཞུང་གཉིས་ཀའི་དགྲ་རེད་དམ།
དཀོན་མཆོག་མཁྱེན། ད་ནི་རང་བཙན་བཤད་ན་རྒྱལ་བ་རིན་པོ་ཆེའི་དགྲ་ཆགས་ཀྱི་འདུག་ད་དུང་མི་འདི་ཚོས་རང་བཙན་རྩོད་མཁན་ཚོ་རྒྱ་གཞུང་གི་ཉུལ་མ་རེད་ཅེས་བཤད་པ་ཐག་གིས་ཆོད།
དགེ་མཐོང་། ད་ཡིན་ན་ཁྱོད་སྨྱོས་པ་མིན་ནམ། རང་བཙན་དགོས་ཟེར་མཁན་ཚོ་དང་རྩོད་གླེང་བྱེད་ལོས་ཆོག་དེ་འདི་ཚོ་ལ་དགྲ་ཟེར་ག་ལ་རུང་། དགྲ་ཟེར་ཕོད་མཁན་ཡོད་ན་དགྲ་ཟེར་ས་མང་། དགྲ་ངོ་མ་བོ་རྒྱ་དམར་རེད། དེ་ནས་དོལ་རྒྱལ་ཚོགས་པ་རེད། དོལ་རྒྱལ་ཚོགས་པས་རྒྱལ་བ་རིན་པོ་ཆེ་ལ་སྐྱོན་བརྗོད་ཀྱིས་དེབ་ཕྲེང་བྲིས། རྒྱ་གར་གྱི་ཁྲིམས་ཁང་དུ་སྐྱེལ་རྒྱུ་ཡིན་པའི་འཇིགས་སྐུལ་བྱས། རྒྱལ་བ་རིན་པོ་ཆེའི་པར་བཤམ་པ་ཡན་ཆད་མི་རུང་བའི་སྐུལ་མ་བཏང་། རྒྱལ་བ་རིན་པོ་ཆེའི་སྐུ་འཁོར་ནང་མ་ཚོའི་ལུས་སྲོག་ལ་རྒོལ། རྒྱ་གར་ལྷོ་ཕྱོགས་སུ་རྟེན་གཞི་བྱས་ནས་འཛམ་གླིང་གི་ས་ཕྱོགས་གང་སར་ཡན་ལག་བཙུགས། རྒྱལ་བ་རིན་པོ་ཆེའི་ཆིབས་ཁ་གང་དུ་བསྒྱུར་སར་ཁྲོམ་སྐོར་ངོ་རྒོལ་གྱི་ཟིང་ཆ་བསླངས། རྒྱ་དམར་དང་ལག་འབྲེལ་གྱིས་བོད་ཀྱི་ཆོས་སྲིད་གཉིས་གར་འཁྲུགས་གཞི་བསླངས། ཁྱོད་ཀྱིས་རྒྱལ་བ་རིན་པོ་ཆེའི་ཆེད་དུ་གླེན་རྟགས་སྤྱང་རྟགས་རེ་སྟོན་ཐུབ་ན་འདི་ཚོའི་སྟེང་དུ་སྟོན་རོགས།
དུས་ཚོད་མི་འདུག་་་་་་་་་་་་་རྗེས་སུ་མཇལ་ཡོང
ད་དུ་རེད་འགྲོ་གི་ཡིན། གསལ་བཤད་དགོས་ན་ཕྲིས་དང་གོ་རྒྱུ་ཅན་དག་ལ་ལན་འདེབས་ངེས་ཡིན། རྙོག་གཏམ་ཚོ་ལ་ཉོབ་སོང་། ཚ་བ་ཆེ་ནས་ཤི་གྲབས་བྱེད་ཀྱིན་འདུག སོང་ནས་ཆུ་གྲང་མོ་འཐུང་གི་ཡིན་ལོ
ཨོ་ཁྱེད་ཀྱིས་ང་ལ་བོད་ཡིག་སློབ་ཀྱི་ཡིན་ནམ། མ་ཁྱབ་ན་ཞོགས་ཟེར་དུས་འཇོག་རྒྱུ་མེད།
ཨ་རིག་ག་རེད་ཨ། སྐད་ཆ་ཆུང་ཆུང་འདི་འདྲ་ཧཧཧཧཧཧཧཧཧཧཧཡིག་ནོར་ཁ་མདོག་ནས་སྒྲུབ་བྱེད་བཀོད་ཀྱི་ཡིན་ནམ།
ཡིག་ནོར་མང་བའི་ཅོ་རི་ཉི་མ་ཆོས་ཅན། ད་རྟགས་གསལ་གཏོང་གི་ཤོག
སྤྱི་འཐུས་གྲོས་ཚོགས་འཚོགས་སྐབས་༧གོང་ས་མཆོག་གི་བཀའ་ལ་རྟགས་གསལ་འདྲ་བོ་གཏོང་ཁུལ་བྱས་པ་རེད།
མཁན་དང་བསམ་གཉིས་མཐུད་རོགས། གཏགས་ནོར་དང་ཡིག་ནོར་ཤོར་སྲིད་པའི་དགོངས་དག་ཞུ།
ཨ་རིག་ལགས།
༧གོང་ས་མཆོག་གི་ལངས་ཕྱོགས་དང་མི་མཐུན་ན་དགྲ་བོ་ཡིན་པའི་མ་ཁྱབ་ཐལ། འདོད་ན། ཁུར་ཤོག
ངས་བསམ་གཞིག་བཏང་བའི་ཁྲོད་ནས་ལུང་སྐྱེད་ཅིག་རག་པ་ནི། ཁ་སང་དེ་རིང་བོད་པ་ཚོ་ལ་རྨོངས་དད་ཅིག་ཡོད་ན་བསམ་པ་ཞིག་དྲན་གི ང་ཚོར་བའི་རྗེས་སུ་འབྲངས་འདུག་གསུངས་དག་གིས་ཀྱང་ཐུགས་བཞེས་རོགས། ཁྱེད་ཅག་གིས་གོང་གི་འཇམ་ནོར་དང་གདོང་ཐོག་མིང་ཅན་པ། རྒད་པོ་ལྷ་བཟང་སོགས་ཀྱི་བསམ་ཚུལ་དུས་དེབ་དང་ཚགས་པར། ཡང་ན་བརྒྱུད་ལམ་གཞན་མཐོང་ཚེ་ཚོར་བ་ཞིག་སྐྱེས་མེད་ན་ཁྱེད་ཅག་གིས་༧གོང་ས་མཆོག་གི་ཕྱོགས་སུ་བསམ་གཞིགས་གང་ཡང་བྱས་མེད་པ་ཁ་ཚོན་བཅད་ནས་ཞུ་ཐུབ་ཀི
ངས་སེམས་དང་་བསམ་པའི་ངོས་ནས་བྲིས་པ་ཡིན། ཕལ་ཆེར་ཁུངས་སྐྱེལ་ར་འཕྲོད་དགོས་ན་སྟོན་རྒྱུ་ཡོད། འདི་ལྟར་༧གོང་ས་མཆོག་ལ་སྐྱོན་མཁན་དང་ཁ་གཏོང་མཁན་དག་མི་བུ་བསམ་བློ་བ་ཅན་དང་ཤེས་ཡོན་པར་འདོད་ཡོད་ཕྱིན། ངེད་གཉིས་བར་དུ་ནམ་ཡང་དེའི་ཕྱོགས་ནས་ཆོས་ཅན་མཐུན་སྣང་བ་ཞིག་ཡོང་མི་སྲིོད། གང་ལྟར་རྩོམ་ཞིབ་མ་བྱས་ན་རང་ཉིད་ལ་ལྟ་སྟངས་ངན་པ་ཞིག་གིས་ཕོགས་ཐུགས་འབྱུང་ངེས་ཡིན།
རྣ་བ་རིང་འདི་གཉིས་བཀག་ནས་རྩོད་པར་རྒྱག་རྩིས་མེད་ཞུ་རྒྱུ་ཡིན། སོ་སོར་སྐྱེ་བོའི་དབང་ཤེས་དྲུག་པོ་འདིར་བརྟེན་ནས་རྗེས་དཔག་གི་ཐག་གཅད་བྱེད་མཁན་ཞིག་ཡིན་ལགས།ཧཧཧཧཧཧཧཧཧཧཧཧ
ང་ཡང་བསམ་ཚུལ་མི་མཐུན་མཁན་ཞིག་ཡིན་པས་ཨ་རིག་དགེ་མཐོང་ལགས་ཀྱིས་༧རྒྱལ་བ་རིན་པོ་ཆེན་གྱི་དགྲ་བོའི་ཐོ་གཞུང་ནང་ངའི་མིང་བཀོད་རོགས།ཞེས་བཅོས་རོགས་ཞུ།
༧གོང་ས་མཆོག་གི་ལངས་ཕྱོགས་དང་མི་མཐུན་ན་དགྲ་བོ་ཡིན་པའི་མ་ཁྱབ། འོན་ཀྱང་རང་བཙན་ཁ་ལ་ཁྱེར་ནས་ཁོང་ལ་སྐྱོན་བརྗོད་བྱས་ན་ཁོང་གི་དགྲ་བོ་ཟེར་ཆོག་ལ། གོང་གི་ཁ་བྱང་གི་འགྲེལ་དང་མཇུག་གི་གསལ་བཤད་གཉིས་ཞིབ་བྱེད་མི་ཐུབ་ཚེ་ཕྲན་གྱི་རྩོམ་རྙོག་འདི་ལ་བསམ་འཆར་མ་འབྲི་རོགས་ཞེས་རེ་འབོད་ཞུས་པ་ཡིན། རང་ཉིད་གང་དུ་གཏོགས་རང་ཉིད་ཀྱི་བྱ་སྤྱོད་ལ་རག་ལས་ཡོད། མདོར་བསྡུས་ནས་བཤད་ན། དེ་རིང་ལུང་རིགས་རྒྱལ་གྱིས་ཟིན་བྲིས་གསར་བ་ཞིག་སྤེལ་འདུག དེར་གཟིགས་ན་ཕན་ས་རེད་སྙམ།
དགེ་མཐོང་ལགས། ཁྱེད་ཀྱི་བསམ་ཚུལ་འདི་ལ་ཡག་སྡུག་གི་གནས་བབ་གླེང་འདོད་གང་ཡང་མ་བྱུང་། རྒྱུ་མཚན་ནི། ཤེས་ཡོན་པ་སྤྱི་ཚོགས་ཀྱི་སྣེ་ཁྲིད་དུ་མིས་བཤད་ཀྱིན་པ་མ་ཟད། རང་ངོས་ནས་ཀྱང་སྤྱི་ཚོགས་ཀྱི ཆེད་དུ་སྐད་ཆ་བཤད་ཀྱིན་ཡོད་པ་རེད།
ཡིན་ན་ཡང་། གཟབ་གཟབ་བྱེད་དགོས་པ་ཞིག་ནི་དེང་སང་རྩོམ་པ་པོ་མང་པོ་ཞིག་གནས་ལུགས་ཀྱི་རྗེས་སུ་མི་འབྲངས་བར་ཚོར་བའི་རྗེས་སུ་འབྲངས་བཞིན་འདུག
ཚོར་བ་ཟེར་བ་དེ་གནས་སྐབས་གནས་སྐབས་སུ་ངར་ལྷོད་ཀྱི་རང་བཞིན་ལྡན་པའི་མེ་སྟག་གི་གོང་བུ་ཞིག་རེད།
དེའི་ཕྱིར། ང་ཚོས་མདུང་ཁ་ནང་དུ་བསྐོར་རེས་བྱས་ན་ཕན་ཐོགས་འདུག་གམ། གནོད་པ་འདུག རྩོམ་ཡིག་མ་བྲིས་པའི་སྔོན་ལ་བསམ་བློའི་རྨང་གཞི་ཞིག་འདི་ལ་བཞག་ན་འགྲིག་གི་རེད་བསམ་གྱིན་ཡོད།
དེ་མིན་གང་ཟག་སོ་སོའི་སྣང་བ་འགྲོ་མིན་དུ་བྱས་ཏེ་བསྟན་སྲིད་ལ་གནོད་ཀྱིན་ཡོད་ཚུལ་དང་། རྒྱལ་བ་རིན་པོ་ཆེར་ཁ་གཏད་ཀྱིན་ཡོད་ཚུལ། རྒྱ་མིའི་སོ་བ་ཡིན་རབས། ཆོལ་ཁའི་ཞེན་ཁོག་ཆེ་ཚུལ་སོགས་བཤད་ན་ཤེས་རྨོངས་པ་མང་པོ་ཞིག་རི་བོང་ཅལ་འདྲོགས་ཀྱི་ངང་ཚུལ་རེད། འདི་ཚང་མ་བློ་བཟུ་བོར་གནས་པའི་སྐད་ཆ་ཡིན། ངའི་སེམས་ཁྲལ་ཆེ་ཤོས་ཤིག་ནི་བོད་པ་ཚང་ལ་བོད་དོན་ལས་ཀ་བྱེད་མཁན་མེད་པའམ། ཉུང་དྲགས་པའི་དཀའ་ངལ་རེད། གལ་སྲིད་ཡོད་མཁན་ཚོར་རྒྱབ་སྐྱོར་རམ་འདེགས་གང་ཡང་མ་བྱས་ན་ད་དུང་འུ་ཚང་གང་ཞིག་ཏུ་སླེབས་ས་རེད།
སྐུ་ཉིད་ཀྱི་སྤྱི་ཚོགས་ཀྱི་འགན་འཁུར་བའི་དགོངས་བཞེས་གནང་གིན་ཡོད་ཚེ་རང་ཉིད་ཚོར་བའི་རྗེས་འབྲངས་མི་བྱེད་པ་དང་། དབུ་མའི་ལམ་དང་རང་བཙན། མདོ་སྟོད་སྨད། ཆོས་ལུགས་ཀྱི་ཞེན་ཁོག་སོགས་དགོས་མེད་ཀྱི་ཕྱོགས་རེས་བའི་གནད་དོན་ལ་གང་ཐུབ་གཟབ་གཟབ་ཡོང་བའི་རེ་བ་ཞུ་རྒྱུ་ཡིན།
དྲ་གྲོགས་འགའ་རེས་ཕྲན་གྱིས་ད་ཐེངས་དོལ་རྒྱལ་སྐོར་མ་གླེང་བ་ལ་སྐྱོན་བརྗོད་དང་ཁེངས་ར་བྱེད་ཀྱིན་འདུག ཁྱེད་ཅག་ལ་དེ་འདྲའི་དོགས་པ་སྐྱེ་འོས་པ་ཞིག་རེད། འོན་ཀྱང་ཕྲན་གྱིས་དོལ་རྒྱལ་སྐོར་ལ་ལས་འགུལ་སྤེལ་བ་མང་མེད་ན་ཉུང་མེད་ཚོད་ཡིན། བློ་གླིང་འདུ་ཁང་གི་མཛད་སྒོ་མ་འཚོགས་སྔོན་ཉིན་ཉི་ཤུའི་ནང་དུ་འཇང་དགུན་ཆོས་འཚོགས་པ་རེད། དེ་དུས་སེར་སྨད་གྲྭ་ཚང་ནང་གི་དོལ་རྒྱལ་བ་འགའ་རེ་འཇང་དགུན་ཆོས་དམ་བཅའ་ལ་ཁས་པ་རེད། ངེད་ཅག་སེར་བྱེས་གྲྭ་ཚང་གིས་རྟགས་གསལ་མ་བཏང་ནས་འཇང་དགུན་ཆོས་ཀྱི་དམ་བཅའ་ཐེངས་གཉིས་ལ་འཚོགས་མ་ཐུབ་པ་རེད། སྐབས་དེར་དོལ་རྒྱལ་བ་ཚོ་ལ་དངོས་ཤུགས་བརྒྱུད་ནས་ལས་འགུལ་སྤེལ་མཁན་གྱི་གྲས་ཡིན་ལ། ད་དུང་སྙན་ཞུ་དང་སྦྱར་ཡིག་སོགས་འབྲི་མཁན་གྱི་འགན་ཕྲན་གྱིས་ཁུར་བ་ཡིན། ཉེན་ཁ་ལ་མ་འཛེམ་པར་ལས་འགུལ་སྤེལ་བ་ཡིན། སྐབས་དེར་༧གོང་ས་མཆོག་གིས་བཀའ་གསུངས་ལས་རང་ཉིད་ཀྱིས་ལས་འགུལ་སྤེལ་བ་དང་ཕྱོགས་མང་བོ་ཞིག་ནས་འདོད་པ་ཚིམས་སོང་།
དོལ་རྒྱལ་སྐོར་ལ་ལས་འགུལ་སྤེལ་བ་ཁྱེད་ཅག་འཁྱམས་པོ་སྡོམ་པོ་དག་གིས་མི་ཤེས་ཀྱང་གདན་ས་གསུམ་གྱི་དགེ་འདུན་པ་མང་བོ་ཞིག་གིས་མཁྱེན་གསལ་ཡིན། ད་དུང་ལོ་རྒྱུས་ཀྱི་ཡིག་ཚང་ན་ཡོད་ལབ་ན་རྫུན་དུ་མི་འགྲོ། འོན་ཀྱང་དེའི་སྐོར་གླེང་ན་ཕྲན་གྱིས་ཁྱེད་ཅག་ལ་མངོན་སོ་བྱེད་བཞིན་པ་ལྟ་བུའི་དོགས་གནས་ཤིག་གིས་འབྲི་མཚམས་འཇོག་འདོད་བྱུང་།
སྤྱིར་བཏང་དོལ་རྒྱལ་བ་ཚོས་༧གོང་ས་མཆོག་ལ་སྐྱོན་བརྗོད་དང་ཕྱི་རྒྱལ་ཁག་ནས་ངོ་རྒོལ་བྱས་པ་བདེན་མེད། དེ་ཚོ་ངས་མཐོང་འཇོག་གི་མེད། རྩོམ་པ་པོ་རྣམས་ཀྱིས་༧གོང་ས་མཆོག་ལ་སྐྱོན་བརྗོད་བྱས་ན་དེ་ཚོའི་མི་མང་ལ་བག་ཆགས་འདྲ་མིན་འཇོག་སྲིད་ཀྱི་རེད་སྙམ་པ་ཙམ་ཡིན།
སྤྱིར་བཏང་རྒྱལ་ཁབ་དང་མི་རིགས་གང་ལ་མཚོན་ནས་གླེང་ན་རྩོམ་པ་པོ་ཟེར་བ་འདི་བཅིངས་འགྲོལ་དམག་འདྲ་བོ་ཡིན་ནི་རེད། རྩོམ་པ་པོ་རྣམས་ཀྱིས་མི་མང་གི་ཁ་ཕྱོགས་སྒྱུར་སྲིད་པ་རེད། སྒོར་མོ་དང་ཨུ་ཚུགས་བྱས་ནས་དམར་གསོད་བཏང་མཁན་དག་ལ་ཧ་ཅང་གཟབ་དགོས་དོན་མ་མཆིས་སོ།།
ཨ་རིག་དགེ་མཐོང་ལགས།
ང་ཉིན་གཉིས་ཙམ་རིང་༧གོང་ས་མཆོག་ཞལ་མཇལ་དང་བཀའ་སློབ་ཞུ་མཁན་ཕྱིན་པའི་རིང་དྲ་གྲོགས་ཚོས་རྩོད་པ་མང་པོ་རྒྱག་འདུག
མ་ཟད་དྲ་གྲོགས་མང་པོ་ཞིག་ནི་༧གོང་ས་མཆོག་གི་དགྲ་པོ་རེད་ཚར་འདུག
༧གོང་ས་མཆོག་དང་བསམ་ཚུལ་མ་མཐུན་མཁན་ཚང་མ་༧གོང་ས་མཆོག་གི་དགྲ་བོ་ཡིན་ན། ང་ཡང་བསམ་ཚུལ་མཐུན་མཁན་ཞིག་ཡིན་པས་ཨ་རིག་དགེ་མཐོང་ལགས་ཀྱིས་༧རྒྱལ་བ་རིན་པོ་ཆེན་གྱི་དགྲ་བོའི་ཐོ་གཞུང་ནང་ངའི་མིང་བཀོད་རོགས།
1.༧གོང་ས་མཆོག་གིས་དམ་པའི་ལྷ་ཆོས་ལག་ལེན་སྟར་དུས་བོད་ཁ་བ་རི་པའི་འཇིག་རྟེན་ཕ་ཆོས་ཡར་རྒྱས་འགྲོ་བ་ལ་འགོག་རྐྱེན་མཐོང་མཁན་ཞིག་ཡིན།
2.༧གོང་ས་མཆོག་གིས་བདག་གཞན་མཉམ་བརྗེ་གྱི་སྒོ་ནས་རྒྱ་རིགས་སྤུན་ཟླ་ཞེས་དགྲ་བོའི་རིགས་རྒྱུད་ལ་དགའ་གུས་བྱེད་པར་མཐོང་དུས་སྙིང་ལ་གྲི་རྒྱག་པ་བཞིན་ཁོང་ཁྲོ་མེ་འབར་ཡོང་མཁན་ཞིག་ཡིན།
3.༧གོང་ས་མཆོག་གི་དགོངས་པ་ལྟར་རྒྱ་ནག་དམར་པོའི་རྩ་ཁྲིམས་འོག་ཏུ་སྡོད་འདོད་མེད་པ་མ་ཟད་མ་འོང་པ་སྡོད་རྩིས་མེད་མཁན་ཞིག་ཡིན།
ཁ་རི་ཁ་ཐུག་ཡིན། སྔར་ཡང་ཡིན།་་་་་་མ་འོང་པ་ཡང་ཁ་རི་ཁ་ཐུག་བཤད་ཀྱིས་ཡིན་་་་་ཁ་ཐུག་བཤད་དགོས་ཞེས་༧གོང་ས་མཆོག་གིས་མདང་དགོང་རང་གསུངས་སོང།
ཨ་རི་དགེ་མཐོང་བཀའ་དྲིན་ཆེ།
ཁྱེད་རང་གི་མིང་དངོས་ཐོག་ནས་གཞན་ལ་སྐྱོན་བརྗོད་བྱེད་པ་ནི་ཧ་ཅང་ལེགས། ཡིན་ནའང་༧རྒྱལ་བ་རིན་པོ་ཆེའི་དགྲ་བོ་ཞེས་མིང་བཏགས་པ་དེ་ལ་རྩ་བ་ནས་འཐད་པ་མེད། ཁྱད་པར་དུ་འཇམ་དབྱངས་ནོར་བུའི་རྩོམ་ཡིག་ལྟ་བུ་ནི་ད་ལྟ་རྒྱ་ནག་གཞུང་ལ་ཁ་ཚ་དགོས་གཏུག་གི་དགོས་ངེས་དང་རྒྱ་གཞུང་ལ་ལན་སྤྲད་པ་ལྟ་བུའི་རྩོམ་ཡིག་རེད་བསམ་བྱུང་།
སྤྱིར་བཏང་ཕྲན་གྱི་ད་ཐེངས་ཀི་རྩོམ་རྙོག་འདི་རིན་ཐང་ཡོད་མེད་ལ་མ་བལྟས་པར་སེམས་ནང་གི་སྐད་ཆ་དམར་རྗེན་མ་བཏོན་ཡོད། ད་དུང་རྨོངས་དད་ཞིག་གིས་ངར་ཤུགས་ལས་ཐོན་པའི་ལྟ་ཚུལ་རྣམ་དག་ཅིག་ཀྱང་ཡིན། ལུང་རིགས་རྒྱལ་གྱིས་རྩོམ་གི་བཟང་ངན་དང་རང་ཉིད་ཀྱི་ལྟ་ཚུལ་ལ་མ་བལྟས་པར་ཕྲན་གྱི་རྩོམ་རྙོག་འདི་བཀོད་པ་དགའ་ཡོད། དེ་མིན་དུས་དེབ་དང་ཚགས་པར། དྲ་རྒྱ་བཅས་གང་ཡིན་ན་ཡང་རང་ཉིད་ཀྱི་ལྟ་ཚུལ་དང་མ་མཐུན་ཚེ་འགོག་ཨེ་ཐུབ་བྱེད་མཁན་ཧ་ཅང་མང་ངོ་།
རྒྱལ་བ་རིན་པོ་ཆེར་ཁ་གཏོང་མཁན་ཨ་མདོ་བ་རེ་ཟུང་བཏང་སྙོམས་སུ་འཇོག་དགོས་པའི་རྒྱུ་མཚན་ཅི་ཡིན་ནམ། ཡང་རང་དབང་ཅན་གྱི་བོད་དོན་པ་ཁག་ཅིག་གི་མིང་བཟུང་བྱས་པ་ལས་སྤྱི་ལྷན་ནང་ཡོད་པའི་ཆོས་བརྒྱུད་སྤྱི་འཐུས་ཐ་ཤལ་བ་རེ་ཟུང་དེ་ཚོ་མིང་འདོན་བྱེད་མ་ཐུབ་པ་གང་ཡིན་ནམ། དོལ་ཚོགས་དེ་དེང་སང་ཤུགས་ཟད་ཚོགས་པ་ཆགས་ཟིན་པས་མིང་འདོན་པ་ལ་དགོས་པ་དེ་ཙམ་མ་མཐོང་།
ཨ་རིག་དགེ་མཐོང་གིས་གསུངས་པ་ལ་མངོན་པར་བསྟོད་དོ། ལེགས་སོ། ལེགས་སོ། དེ་དེ་བཞིན་ནོ།
༼ཨའོ་ཙམ་བྲིས་འདུག ཡིན་ཡང་ངའི་རྩོམ་གྱི་རྐང་རྩར་ཡང་སླེབས་མི་འདུག ༽འདི་ང་ཚོའིོ་ཟིན་བྲིས་བ་ཞིག་གིས་བཤད་འདོད་པའི་སྐད་ཆ་ཡིན་ས་རེད།
ཨ་རིག་ལགས་སྙིང་ནས་རྒྱབ་སྐྱོར་ཡོད། ཡིག་ནོར་ཚིག་ནོར་ཇི་ཙམ་ཐོན་ཡང་ལྟ་བ་ནོར་མེད་ན་དེ་ཙམ་མི་སྐྱོན། ཡིན་ཡང་དྲ་གྲོགས་འགས་བཤད་པ་ལྟར་དོལ་ཚོགས་བརྗེད་སོང་ངམ། ཡང་མིན་ན་ང་ཚོའི་ཁྱིམ་མཚེས་ཡིན་པའི་ངོར་བལྟས་པ་མ་རེད་དམ། ཨ་ལ་ཀུ་རེ་ཡིན།
ཨ་རིག་དགེ་མཐོང་ཟེར་བ་འདིས། ཁྱོད་རང་གིས་༸རྒྱལ་བ་རིན་པོ་ཆེ་ཁ་ལ་འཁྱེར་ནས་ལྷག་བསམ་ཡོད་མདོག་བྱེད་ཀྱི་འདུག ཧཧཧཧཧ།
སྙིང་རྗེ། ཁྱོད་རང་གིས་ཆབ་སྲིད་ཀྱི་གནད་འགག་གང་ཡང་ཤེས་ཀྱི་མི་འདུག
དེ་ལས་ལྷག་བསམ་ཡིན་ན། ཁྱོད་ཀྱིས་དངོས་ཡོད་གནས་སྟངས་གཅིག་དྲྭ་རྒྱའི་ཐོག་བཏོན་དང་།
རྩོམ་ཡིག་འདི་ཀློག་སྐབས་སྤྱི་ཚོགས་མི་བདེ་བ་བཟོ་མཁན་ཁྱོད་རང་ཡིན་པ་དེ་ར་འཕྲོད་ཀྱི་འདུག
༸གོང་ས་མཆོག་གིས་བཀའ་སློབ་གཅིག་ལུང་དྲངས་ན། ༸གོང་ས་མཆོག་གིས་ཕྱི་ལོ་ ༢༠༡༠ ཕྱི་ཟླ་ ༡ ཚེས་ ༢ ཉིན་གསུང་དོན། འདྲ་ཆགས་པོ་དང་སོ་སོའི་སེམས་ཀྱི་གཏིང་ལ་ཡོད་ཀྱང་མེད་ཀྱང་ཁའི་ཚིག་སྐམ་པ་ཞིག་ལ་འཇུས་ཏེ་ཕན་ཚུན་གཅིག་གིས་གཅིག་ལ་ཚིག་རྩོད་ལྟ་བུ་བྱས་ན་ཕན་ཐོགས་ཁྱོན་ནས་མེད། ང་ཚོ་ཚང་མ་སྤྱི་པའི་དོན་དག་ལ་ཁུར་གཅིག་པ་ཞིག་སླེབས་ཡོད་པ་རེད། ཁུར་མཉམ་ལེན་གྱི་ཐོག་ནས་དམིགས་ཡུལ་འདི་བཞག་ནས་གང་དགའ་ཅི་ལེགས་ཞེས་ལབ་རྒྱུ་རེད་མ་གཏོགས་མི་གཅིག་གིས་ཁ་བདེ་པོ་ལྟ་བུ་བྱས་ཏེ་ཁོས་སྐད་ཆ་ཡག་པོ་བཤད་སོང་ཟེར་རྒྱུ་ལྟ་བུ་དང༌། ཡང་ན་ཁོས་སྐད་ཆ་བཤད་ནས་རྒྱལ་ཁ་ལྟ་བུ་ཞིག་ཐོབ་སོང་ཞེས་པའི་སྐད་ཆ་འདི་མ་རེད། ང་ཚོ་སྤྱི་པའི་དོན་དག་བསྒྲུབ་རྒྱུར་གང་དགའ་ཅི་ལེགས་ལེགས་སྤེལ་ཉེས་འགོག་ག་རེ་བྱེད་དགོས་ཀྱི་འདུག ཚང་མ་ཁུར་མཉམ་ལེན་གྱི་ཐོག་ནས་བསམ་བློ་གཏོང་རྒྱུ་དེ་རེད། མི་དང་མ་སོང་ནའང༌། མི་ནད་པ་ཛ་དྲག་ལ་ཐུག་ཡོད་པ་རེད། ངོས་ཀྱིས་ནམ་རྒྱུན་རྩེད་མོ་རྩེ་ནས་ཤོད་ཀྱི་ཡོད། ཚེས་གྲངས་བཟང་ངན་བརྩི་རྒྱུ་དང་གཅིག མཛད་སྒོ་ཚོགས་ཞེས་པ་དེ་ཚོའི་གྲས་དེ་མིའི་མི་ཚེ་གཅིག་ལ་གལ་ཆེ་ཤོས་དེ་སྐྱེས་པའི་ཉིན་མོ་དང་ཤི་བའི་ཉིན་མོ་རེད། དེར་མཛད་སྒོ་ཚོགས་རྒྱུ་ཡོད་པ་མ་རེད། རྩིས་བཤག་རྒྱུ་མེད་པ་རེད། སྐྱིད་པོ་ཡོད་པའི་སྐབས་ལ་ཚེས་གྲངས་བཟང་ངན་བལྟས། མཛད་སྒོ་ཚོགས་ནས་འདྲ་ཆགས་པོ་ཞིག་བྱ་རྒྱུ་ཡོད་པ་རེད། འགག་ལ་ཐུག་པའི་སྐབས་ང་ཚོ་ནོར་གླིང་ནས་བྲོས་ཡོང་དུས་ཚེས་གྲངས་ལྟ་རྒྱུ་དང་མཛད་སྒོ་ཚོགས་རྒྱུ་མི་འདུག བྲོས་ཡོང་རྒྱུ་རེད། དེར་བརྟེན་ང་ཚོ་བོད་མི་རིགས་ད་ལྟ་དེ་འདྲ་ཞིག་གིས་མཚམས་ལ་སླེབས་པ་ཡོད་པ་རེད་མ་གཏོགས་འདྲ་ཆགས་པོ་བྱས་ཏེ་སྡོད་རྒྱུའི་དུས་ཚོད་མ་རེད། ང་ཚོ་འཆི་གསོན་སྒང་ལ་སླེབས་ཡོད། དེ་འདྲ་ཡིན་དུས་དོན་དག་ངོ་མའི་སྟེང་གང་དགའ་ཅི་ལེགས་ཀྱི་བསམ་བློ་གཏོང་རྒྱུ་རེད་མ་གཏོགས་འདྲ་ཆགས་པོ་དང་སྤམ་པོ་བྱ་རྒྱུའི་སྐད་ཆ་ཞིག་མ་རེད། འདི་ཁྱེད་རང་ཚོའི་སེམས་ཞོག ཅེས་གསུངས་ཡོད་པ་རེད། འདིའི་གོ་དོན་དེ་ཁྱོད་རང་གིས་ཧ་གོ་གི་འདུག་གམ།
འདིར་དངོས་སུ་བཏོན་པའི་མི་འདི་རྣམས་སུ་ཡིན་ཀྱང་རུང་། བོད་སྤྱི་པའི་དོན་ལ་བཀའ་མོལ་གནང་བསྡད་མཁན་རྐྱང་རེད་བཞག ཁོང་ཚོས་གླེང་པ་དེ་༸གོང་ས་མཆོག་ལ་ཁ་བཏང་ལུགས་ཞིབ་ཕྲ་ཞིག་ངོ་སྤྲོད་བྱེད་རོགས། ཚིག་རེ་རེ་བཞིན་ངོ་སྤྲོད་བྱེད་རོགས། དེ་མིན་སྤྱི་སྦོམ་གྱི་ཚིག་སྤྱད་དེ་སྤྱི་དོན་ལ་སྐད་ཆ་ཤོད་མཁན་དག་ནག་པོ་བཟོ་བ་འདི་མི་ཡག་པོ་ཞིག་གིས་བྱེད་སྟངས་མ་རེད།
འདི་འདྲའི་ཁུངས་ལུངས་ཞིབ་ཚགས་མེད་པར་གང་དྲན་དུ་སྤེལ་བའི་གཏམ་ཡན་ཞིག་ལ་བོད་ཀྱི་དུས་བབ་ནས་བདག་པོ་རྒྱག་ཤེས་པ་དེ་ལ་ང་ཚོ་ཡ་མཚན་སྐྱེས་སོང་།
གུས་མོའི་བསླབ་བྱ་ཞུ་རྒྱུ་ཞིག་ལ། ཨ་རིག་ཁྱོད་ག་རེ་བྱེད་ཀྱི་ཡོད་ན་དེ་ལ་འབད་བརྩོན་བྱོས། སྟག་འཆོང་སར་ཝ་མ་འཆོངས། ཝ་སྐེ་ཚིགས་བུད་ཀྱི་རེད།
གྲོགས་ཨ་རིག་ལགས་ཀྱིས་བསམ་གཞིག་ནན་མོ་ཞིག་བྱས་འདུག
ཡིན་ཡང་ངས་བསམ་ན་རང་ཉིད་ཁོར་ཡུག་གིས་བསྐྱེད་པའི་བག་ཆག་མཐུག་དྲག་སོང་བའི་ཚོར་བ་ཞིག་སྤྲོད་གི་་་་་ངོ་མ་ཡིན་་་་དེ་མིན་བརྗོད་བྱ་ལ་དགག་པ་གང་ཡང་མེད།
གང་ལྟར་ང་ཚོ་དལ་ལྷོད་ལྷོད་ཀྱིས་བརྒྱུད་མྱོང་ཞིང་ཁུ་སིམ་སིམ་གྱིས་མྱོང་ཐུབ་པའི་ཁོར་ཡུག་འདི་དག་གི་གསང་མིག་ལས་མཐོང་འོང་བ་ནི།མདའ་ཆེ་ལ་ཕུ་རིང་བའི་ཕམ་ཁ་གཏོས་ཆེ་བ་དག་རེད་བསམ་གི
༸ རྒྱལ་བ་རིན་པོ་ཆེའི་དགྲ་བོ་ཟེར་བའི་རྩོམ་ཡིག་འདིའི་མགོ་བརྗོད་མཐོང་མ་ཐག་ཏུ་ངའི་སེམས་ལ་ཚོར་སྣང་ཡ་མཚན་ཅན་ཞིག་སྐྱེས།
ཨ་རིག་དགེ་མཐོང་གིས་གསལ་བཤད་གནང་བ་ལྟར་ང་ཚོ་སྟེ་གངས་ཅན་བོད་རིགས་ཤིག་ཡིན་ཕྱིན་ཆད་ང་ཚོས་ཆབ་སྲིད་དང་། ཆོས་ལུགས། རིག་གཞུང་། དཔལ་འབྱོར། སྤྱི་ཚོགས། མི་རིགས་དང་བཅས་ཕྱོགས་གང་ས་ནས་༸ གོང་ས་སྐྱབས་མགོན་ཆེན་པོར་མཚན་སྨད་དང་སྐྱོན་འཛུགས་སོགས་གཏན་ནས་བྱེད་མི་རུང་བ་ཞིག་རེད།
ཆབ་སྲིད་པ་ཞིག་གིས་རང་ཉིད་བོད་མི་རྒྱལ་གཅེས་རིང་ལུགས་པ་ཡག་པོ་གཅིག་ཡིན་ཚེ་ད་གཟོད་༸ གོང་ས་ཏྰ་ལའི་བླ་མ་མཆོག་ཟེར་བ་དེ་བོད་རྒྱལ་གཉན་འཕྲང་གི་དུས་འདིར་ཁོང་ཉིད་ཇི་འདྲའི་ཆེས་རླབས་ཆེན་པ་ཞིག་ཡིན་པ་ཤེས་དགོས།
གལ་ཏེ་རང་ཉིད་ཆོས་ལུགས་ལ་གུས་བརྩེ་ལྡན་པ་ཞིག་ཡིན་ཚེ་ད་གཟོད་༸ གོང་ས་ཏྰ་ལའི་བླ་མ་མཆོག་བོད་བརྒྱུད་ནང་བསྟན་གྱི་ཆོས་ལུགས་དང་འཛམ་གླིང་ཆོས་ལུགས་ཐད་ལ་ཁོང་ཉིད་ཆེས་ཇི་འདྲའི་རླབས་ཆེན་པ་ཞིག་ཡིན་པ་ཤེས་དགོས།
ཅི་སྟེ་རང་ཉིད་བོད་ཀྱི་རིག་གཞུང་ལ་དགའ་ཞེན་ཡོད་པ་ཞིག་ཡིན་ཚེ་བོད་ཀྱི་རིག་གཞུང་སྤྱི་ལ་ཁོང་ཉིད་ཀྱིས་ཆེས་ཇི་འདྲའི་རླབས་ཆེན་མཛད་རྗེས་བསྐྱངས་དང་སྐྱོང་བཞིན་ཡོད་པ་དེ་ཤེས་དགོས།
འོ་ན་ཁྱེད་ཉིད་དཔལ་འབྱོར་རིག་པ་ཞིག་ཡིན་ཚེ་ད་གཟོད་༸ གོང་ས་མཆོག་གིས་བོད་རིགས་ཁྱོན་ཡོངས་ཀྱི་གནས་སྟངས་ལ་ཆེས་ཇི་འདྲའི་རྒྱུ་ཡོན་གཏོང་གནང་མཛད་པ་དེ་ཤེས་དགོས།
ལར་ནས་ཁྱེད་རང་སྤྱི་ཚོགས་ལ་བསྒྱུར་བཅོས་ཀྱི་བསམ་བློ་ཡོད་མཁན་གཅིག་ཡིན་ཚེ་ཁོང་ཉིད་འཛམ་གླིང་དང་ལྷག་པར་བོད་པའི་སྤྱི་ཚོགས་འདིར་བླ་ན་མེད་པའི་བཀའ་དྲིན་ཇི་ལྟར་བསྐྱངས་དང་སྐྱོང་བཞིན་ཡོད་པ་དེ་ཚོར་དགོས།
ད་དུང་ཁྱེད་རང་མི་རིགས་རིང་ལུགས་པ་ཞིག་ཡིན་ཚེ་ཁྱེད་ཉིད་ཀྱི་བོད་མི་རིགས་འདི་ལ་༸ གོང་ས་ཏྰ་ལའི་བླ་མས་གངས་ཅན་གྱི་མི་རིགས་འདི་ལ་ཆེས་རླབས་ཆེན་གྱི་མཛད་འགན་ལྕི་མོ་ཞིག་ངལ་བའི་འཁུར་ཆེན་ཕྲག་པར་འདེགས་བཞིན་ཡོད་པ་དེ་ངེས་པར་ཤེས་དགོས།
མདོར་ན་བོད་མི་རིགས་འདིར་མཚོན་ན་༸ གོང་ས་སྐྱབས་མགོན་ཆེན་པོ་མཆོག་ནི་མཁྱེན་རླབས་འགྲན་ཟླ་མེད་པ་ཞིག་ཡིན་ལ། བཀའ་དྲིན་ཡང་མཚུངས་ཟླ་མེད་པ་ཞིག་ཡིན་སྟབས་ང་ཚོས་བསམ་བློ་ཞིབ་ཏུ་གཏོང་རྒྱུ་གལ་འགངས་ཆེན་པོ་རེད།
ཇི་ཙམ་བསམ་བློ་གཏོང་གཟབ་ཏུ་བཏང་ཐུབ་ཚེ་དེ་ཙམ་གྱི་དཔྱད་ཞིབ་ཟབ་མོས་ངེས་པ་བརྙེས་ཐུབ་པས་མདོར་ན་ང་ཚོས་༸ གོང་ས་ཏྰ་ལའི་བླ་མའི་རླབས་ཆེན་སྐུ་གསུང་ཐུགས་ཀྱི་མཛད་འཕྲིན་ལ་སེམས་ཀྱི་གཏིང་ནས་ཤེས་ནས་དད་པ་ཐོབ་པའི་ལམ་མ་ནོར་བའི་བོད་རིགས་ཡག་པོ་ཞིག་གིས་རང་གི་མི་ཚེ་ཧྲིལ་པོར་རང་ཉིད་ཀྱིས་རང་ལ་སྤོབས་པ་དང་ལྡན་པའི་བོད་མི་ཡག་པོ་ཞིག་བྱེད་རྒྱུའི་བསམ་བློ་ངེས་པར་གཏོང་ཐུབ་པ་ཞིག་བྱེད་དགོས།
ཨ་དགེ་ལགས།
སྤྱིར་ང་ཚོའི་དུས་ཚོད་ཛ་དྲག་པོ་འདིའི་སྐབས་སུ་དུངས་ཞེན་གྱི་དབང་དུ་སོང་བའི་སྐད་ཆ་མི་བཤད་རྒྱུ་གལ་ཆེན་པོ་ཡིན། བདག་ཅག་གི་སྟོན་པས་ཀྱང་། བསྲེག་བཅད་བརྡར་བའི་གསེར་བཞིན་དུ།།ལེགས་པར་བརྟག་ལ་ང་ཡི་བཀའ།།བླངས་པར་བྱ་ཡི་གུས་ཕྱིར་མིན།།གསུངས་ཡོད། གལ་སྲིད་དད་པ་དང་དག་སྣང་གིས་མི་བལྟ་བར་དྲང་བདེན་གྱིས་བལྟས་ནའང་ཁྱོད་རང་ཤིན་ཏུ་བདེན་ཡང་། བདེན་པ་ལ་སྐྱབ་སྐྱོར་ཡོད་པའི་སྒོས་བརྗོད་འདོད་པ་གཅིག་ནི། བཤད་ཤེས་ཅུང་ཟད་བྱེད་དགོས། ངར་ཐོག་གི་གཏམ་ལ་འགྱོད་པ་སྐྱེས་སའང་མང་བོ་ཡོང་གི་རེད། ང་ཚོའི་མི་རིགས་ཀྱི་འཐབ་རྩོད་དང་དེའི་ངོ་བོའི་ཐད་ལ་དད་པ་དང་དག་སྣང་སྦྱངས་ནས་ཡོང་རྒྱུ་མེད་པ་དེ་སྐུ་ཉིད་ཀྱིས་ཤེས་གསལ་ལགས་ན་ངས་བཤད་ག་ལ་དགོས། དེའི་སྟབས་ཀྱིས་ས་བཤད་རྡོ་བཤད་ཉུང་ཙམ་བྱེད་རོགས།
བདག་གི་སྙིང་ཉེ་བའི་ཨ་དགེ་ལགས།
ཨ་རིག་དགེ་མཐོང་ལགས་དངོས་གནས་དོལ་རྒྱལ་ཚོགས་པར་སྐྲག་ཐག་དགུ་ཐག་ཆོད་འདུག
ཨ་རིག་གླེན་པར་རྒྱབ་སྐྱོར་ཡོད། ཨ་གསར་ཆེ་མི་རུང་། མཇུག་མ་ཐུང་མི་ཉན། ད་ལྟ་ང་ཚོའི་དཀའ་ངལ་དེ་ཛ་དྲག་གི་དུས་ལ་ཐུག་ཡོད་དུས་གཟབ་དགོས། སེམས་ལ་བསམ་ཚད་ངག་སྒོར་བུད་པ་དེ་ཡང་དམངས་གཙོའི་ཁྱད་ཡོན་མིན།
ཡང་ནང་འཁྲུག་རྒྱག་རྒྱུ་འགོ་བཙུགས་འདུག
དགྲ་བོ་ཉུང་ཉུང་ཞིག་ལས་རག་མི་འདུག་ག དེའི་ཁྲོད་ཀྱི་ཁང་གསར་སོགས་ནི་༸རྒྱལ་བ་རིན་པོ་ཆེར་དོན་གྱི་རྒྱབ་སྐྱོར་ཤུགས་ཆེ་ཤོས་བྱེད་མཁན་ཚོ་རེད།
ཨ་རིག་གླེན་པ་འདིས་དོལ་རྒྱལ་ཕྱོགས་གཏོགས་པ་རྣམས་ནི་༸རྒྱལ་བ་རིན་པོ་ཆེའི་གཉེན་ལ་བརྩི་གི་ཡོད་ས་རེད། ཟུར་ཙམ་ཡང་བཤད་མི་འདུག་ག
༼སྤྱི་འཐུས་ལྷ་མོ་སྐྱབས་ལྟ་བུའི་ནང་ཆོས་ཀྱི་ཞག་རྩི་ཡོད་མཁན་དང་། བསྟན་འཛིན་ཕན་བདེ་ལྟ་བུའི་དད་སྟོབས་ཅན་ཞིག་གིས་བྲིས་པའི་རྩོམ་ཡིག་ཀློག་དུས་རང་བཞིན་གྱི་སེམས་ལ་དགའ་སྣང་ཞིག་འོང་གི ༽
སེམས་ཀྱི་སྐད་ཆ་ངོ་མ་བཤད་ན་འདི་ལྟ་བུ་ཞིག་ཡིན་ས་རེད། སེམས་ཀྱི་དཀའ་ངལ་དང་དཀའ་ངལ་དེ་སེལ་ཐབས་ཀྱི་སྨན་ཡང་འདི་ལྟ་བུ་ཞིག་ཡིན་ས་རེད།
འདི་མཐའ་གཅིག་རེད།
ཨའོ་ཙམ་བྲིས་འདུག