ཆབ་བྲག་ལྷ་མོ་སྐྱབས།
སྔོན་གླེང་དག་དང་འབྲེལ་བའི་གསལ་འདེབས་འགའ།
ལས་རིགས་འདྲ་མིན་ཁྱིམ་ཚང་ཀུན་ལ་མཁོ། འགལ་བ་ལྟག་སྤྲོད་ཁྱིམ་གཞི་འཐོར་བའི་གཞི།
རང་སྐྱོང་དགོས་ན་རང་བཙན་འདོར་དགོས་ལ། ཕ་མ་ངན་ན་དེ་ཡང་འདོར་བར་རིགས།
མིའི་རིགས་ལ་སྲོག་ཆགས་གཞན་ལས་འགལ་བ་མང། འགལ་བ་ཆེ། འགལ་བ་དེ་ནི་བསམ་ཚུལ་དང་ལྟ་བ་མི་མཐུན་པའི་དབང་གིས་ཡོང་གིན་ཡོད། ལྟ་ཚུལ་དེ་རིགས་ལ་ནང་གསེས་ཧ་ཅང་མང་ཡང། བསམ་བློའི་ཆ་ནས་བཤད་ན། མ་འདོད་པའི་ལྟ་སྟངས། མ་ཤེས་པའི་ལྟ་སྟངས། ལོག་ཤེས་ཀྱི་ལྟ་སྟངས། འཁོན་སེམས་ཀྱི་ལྟ་སྟང་རིགས་ནི་ལྟ་ཚུལ་ནོར་འཁྲུལ་ཅན་གྱི་རིགས་ཡིན་ལ། ཉེན་ཁ་ཅན་གྱི་རིགས་ཀྱང་ཡིན་ངེས།
མིའི་རིགས་ཀྱི་སྤྱི་ཚོགས་ནང་འདིར་འགལ་འདུ་མངས་དྲགས་མེད་ན་ཉུང་མེད། ང་ཚོ་རང་ལ་མཚོན་ན་ཡང། རྒྱལ་ཁབ་ཇི་ལྟར་ཐོར་ཚུལ་དང་སིལ་བུར་གནས་སྟངས། ས་སྐྱ་བ་ནས་དགའ་ལྡན་ཕོ་བྲང་བའི་བར་ལ་སྤྱིར་བོད་ཀྱི་བདག་དབང་སླར་གསོ་བྱས་ཀྱང་སོར་ཆུད་མ་ཐུབ་པའི་བྱུང་རབས་ཉོག་འཛིང་ཅན། རྒྱ་དམར་གྱི་དམག་དཔུང་གིས་བཙན་འཛུལ་བྱེད་དུས་ཀྱང་གཅིག་རྒྱབ་གཅིག་གནོན་གྱི་འགོག་སྲུང་མ་ཐུབ་པའི་བློ་ཕམ་འགྱོད་པའི་ངང་ཚུལ་མང་པོ། བཙན་བྱོལ་ལ་འབྱོར་ནས་ཀྱང་སྡུག་གི་ཁུར་བོ་མཉམ་འཁུར་བྱེད་མ་ཐུབ་པའི་སྐྱོན་དང་ནོར་འཁྲུལ་ཕྱོགས་གང་ས་ནས་བྱི་ལོང་ས་འབུར་བཞིན་བྱུང་དང་འབྱུང་བཞིན་པའི་འགལ་འདུ་རྣོ་ངར་ཅན་རྣམས་གསར་སྐྱེས་མང་པོ་ཞིག་གིས་ཚོར་ཐུབ་ཀྱིན་མེད། དེའི་དཔེ་མཚོན་གསལ་ཤོས་ཤིག་ནི་ལོ་སྔོན་མར་གྲོས་ཚོགས་ཀྱི་མཇུག་སྡོམ་རྒྱག་མ་ཐུབ་པའི་གནད་དོན་ཐད་ལ། དེ་ནི་མི་ཚང་གཉིས་ཀྱི་གནད་དོན་ཞིག་ལས་འགལ་འདུ་ཆེན་པོ་ཞིག་མིན་ཚུལ་བཤད་པ་ལྟ་བུ་རེད། དེ་ཡང་གཞོན་སྐྱེས་དྲག་གྲས་ཤིག་གིས་བཤད་པ་རེད། གལ་ཏེ་མི་ཚང་གཉིས་ཀྱི་གནད་དོན་ཁོ་ན་ཞིག་ཡིན་ན་དེ་ནི་ཐག་གཅོད་དཀའ་མོ་ཞིག་ཅི་ལ་ཡིན། དེ་ནི་མེ་ཆུ་ལྟ་བུའི་འགལ་འདུའི་རྒྱབ་ལྗོངས་དག་མ་མཐོང་བའི་རྟགས་གསལ་བོ་རེད། ངས་ང་ཚོའི་སྤྱི་ཚོགས་ནང་ཁུལ་ལ་འགལ་འདུ་ཆེན་པོ་ཞིག་གི་རྨ་ཤུལ་སོས་མེད་པ་མཐོང་གིན་ཡོད་ལ། དེ་དག་ནི་ཟུར་ངོས་སྣ་ཚོགས་ནས་མངོན་གྱིན་པ་མཐོང་གིན་འདུག དེ་བས་འགལ་བ་འདི་རིགས་ནི་ཁྱིམ་ཚང་གཉིས་ཀྱི་རང་ཤེད་ངོམ་པ་ལྟ་བུའི་ཆུང་ཆུང་ཞིག་མིན་པར་མ་ཟད། རང་བཙན་དང་དབུ་མའི་ལམ་གྱི་ལངས་ཕྱོགས་མ་འདྲ་བ་ཙམ་གྱི་གནད་དོན་ཞིག་ཀྱང་མིན་ཚུལ་སྤྱི་ཚོགས་ཁྲོད་ཟབ་ཞུགས་བྱས་ན་མ་གཏོགས་ཚོར་དཀའ།
ངས་བོད་ཀྱི་རང་བཙན་འཐབ་རྩོད་པ་ཚོར་བསྟོད་བསྔགས་ཀྱི་སྙན་ཚིག་ཀྱང་མི་ཉུང་བ་ཞིག་བྲིས་ཡོད། ད་དུང་ཡིན་ན་ཡང་རང་བཙན་འཐབ་རྩོད་པ་དཔའ་རྒོད་རྣམ་པས་ང་ལ་ངར་ཤུགས་དང་སྤོབས་པ་སྐྱེད་ཀྱིན་འདུག མ་གཞི་ནས་བོད་ཀྱི་ལར་ཞེན་སྨྲ་མཁན་སུ་ཞིག་ཡིན་ཡང་ངས་མ་རབས་ཐ་ཆད་ཅིག་ཏུ་མཐོང་གིན་མེད། འོན་ཀྱང་ངའི་སྣང་ངོར་བསམ་མ་ཤེས་པའི་སྣང་ཚུལ་འཇིགས་སྣང་ཅན་ཞིག་འོང་གིན་འདུག
དབུ་མའི་ལམ་ཐོག་མར་ཁྱབ་བསྒྲགས་བྱེད་དུས་ནས་མ་དགའ་བ་དང་མ་འདོད་པའི་རྣམ་འགྱུར་འདི་རིགས་ཐོན་པ་མ་ཟད་དེ་ཤུགས་ཆེར་སླེབས་པ་རེད། དེར་བརྟེན་༸གོང་ས་མཆོག་གི་ལམ་སྟོན་ལྟར་མི་དམངས་ཀྱིས་འོས་ཤོག་བླུགས་ནས་ཐག་གཅོད་བྱེད་དགོས་བྱུང་བ་རེད། སྐབས་དེར་གྲོས་ཚོགས་ནང་ཡང་སྤྱི་མོས་གཏན་འབེབས་བྱུང་བ་རེད། འོན་ཀྱང་མུ་མཐུད་དེ་འགལ་བ་དེ་སླར་ཡང་ཆེ་རུ་ཕྱིན་པས་ན་སླར་ཡང་༸གོང་ས་མཆོག་གིས་ཉེ་ཆར་དམིགས་བསལ་ཚོགས་ཆེན་ཞིག་སྐོང་དགོས་པའི་བཀའ་དེ་ཕེབས་པ་རེད། དབུ་མའི་ལམ་ལ་སྔར་བཞིན་མང་མོས་ཀྱི་རྒྱབ་སྐྱོར་ཐོབ་པ་རེད། འོན་ཀྱང་སྤྱི་ཚོགས་ཁྲོད་སྔར་བཞིན་ཡིད་ལ་སྐྲང་འབུར་ཅན་གྱི་རང་ལྟ་མཁྲེགས་འཛིན་པ་ཚོས་ལབ་གླེང་སྣ་ཚོགས་བྱས་པ་མ་ཟད་བསམ་ཡུལ་ལས་འདས་པ་ཞིག་ལ་བཀའ་ཟུར་རྣམ་པ་ཡང་ལྷན་ཚོགས་གནང་ནས་ད་ལྟའི་དབུ་མའི་ལམ་ཟེར་བ་འདི་༸གོང་ས་མཆོག་གི་བཀའ་དགོངས་དང་འགལ་ཚུལ་སོགས་གླེང་སློང་བྱས་པ་མ་ཟད། གྲོས་ཚོགས་ལ་མ་བསྟན་པའི་ཡིག་ཆ་་ཟེར་བ་སོགས་ཀྱི་གླེང་སློང་ཉེན་ཚབས་ཅན་བྱུང་བ། ད་དུང་ཕྱི་ཚུལ་ནས་དོན་དག་ཆུང་ཚགས་ལྟ་བུའི་རྩོད་གཞི་ཞིག་གི་རྐྱེན་གྱིས་གྲོས་ཚོགས་མཇུག་འགྲིལ་མ་ཐུབ་པའི་སྔར་མེད་ཛ་དྲག་གི་གནས་སྟངས་ཤིག་ལ་སླེབས་པ་རེད། གལ་ཏེ་ཆབ་སྲིད་རང་གི་ལྟ་སྟངས་ཆ་ནས་དེ་འདྲ་ཞིག་བྱུང་ན་ཅིས་མ་ཆོག དེ་བས་ཐེངས་འདིར༸གོང་ས་མཆོག་གིས་སླར་ཡང་གྲོས་ཚོགས་རང་ལ་གསུང་འཕྲིན་ནན་མོ་དེ་གནང་དགོས་བྱུང་བ་རེད། དེའི་དགོངས་དོན་གོ་ལ་མ་གོ་ཁུལ་གྱི་རྣམ་འགྱུར་མང་པོ་ཐོན་པས་བཀའ་ཁྲི་མཆོག་གིས་སྙིང་ཁོང་གི་མཆི་མ་དང་ལྷན་དུ་དེ་ལ་སློབ་ཁྲིད་རང་བཞིན་གྱི་གསལ་བཤད་རིང་པོ་ཞིག་ཀྱང་གནང་དགོས་བྱུང་བ་རེད། འོན་ཀྱང་ད་དུང་ཡང་འགལ་འདུའི་སྐྲང་འབུར་འདི་ལས་སླ་བོར་དྲག་རྒྱུ་ཞིག་མིན་པ་འདྲ།
གོང་གསལ་གནས་ཚུལ་སོགས་ལ་རྒྱུས་ལོན་མེད་པར་རང་སྣང་ཁོ་ནས་ཆབ་སྲིད་སྨྲ་བ་དག་ནི། ཡུལ་དུས་གནས་བབ་མི་ཤེས་པའི་རང་རློམ་ཅན་གྱི་རིགས་རེད་ཟེར་གྱིན་ཡོད། དེ་ལ་དབུ་མའི་ལམ་དང་རང་བཙན་གྱི་ས་མཚམས་མེད། འོན་ཀྱང་ངས་རང་བཙན་གླེང་བཙན་གླེང་མཁན་མང་པོ་ཞིག་༸གོང་ས་མཆོག་གི་ཁ་གཏད་ཀྱི་ཁ་གཏད་ཀྱི་ལག་ཆར་འགྱུར་རྒྱུ་མིན་ནམ་སྙམ་ནས་བློ་འཚབ་འོང་གིན་འདུག
འགལ་བ་སེལ་ཐབས་ཡག་ཤོས་ནི་ཚང་མ་འཛོམས་ནས་སོ་སོའི་བསམ་ཚུལ་དང་ལྟ་བ་ཞིབ་གླེང་གིས་བརྡར་ཤ་གཅོད་རྒྱུ་དེ་རེད། དེ་ནི་དོན་ངོ་མའི་བློ་གྲོས་སྡུར་སྟངས་ཤིག་རེད། དེའི་འབྲས་བུར་ལམ་བཟང་ཤོས་ཤིག་རྙེད་རྒྱུ་དང། འཆམ་མཐུན་ཡོང་རྒྱུ། མ་མཐར་ཡང་འགལ་བ་ཆེ་རུ་མི་འགྲོ་བ་ཞིག་ཆགས་དགོས། འདི་ཡོང་ཐུབ་ན་དམངས་གཙོ་ཟེར་བ་ཞིག་ཡོད་པས་དགོས་དོན་ཡང་གྲུབ་པ་རེད། གལ་ཏེ་དེ་ལས་ལྡོག་པར་གྱུར་ན་དེ་ནི་ཅི་འདྲའི་འཇིགས་སུ་རུང་བའི་དམངས་གཙོ་ཞིག་རེད་ཨང།
སྤྱིར་ན་འགལ་བ་འདི་རིགས་ནི་མི་དམངས་ནང་ཁུལ་གྱི་འགལ་བར་གཏོགས་ནའང་། འགལ་རྐྱེན་གྲོགས་སུ་འཁྱེར་མི་ཐུབ་པའི་ང་ཚོའི་དམངས་གཙོར་མཚོན་ན་འདི་ནི་འགད་རྫས་ཤིག་ཏུ་མི་འགྱུར་བའི་ངེས་པའང་མེད། དེ་བས་བསམ་པ་རྣམ་དག་ཅན་ཚོས་ལག་པ་བྲང་ཁར་ཞོག་ལ་འདང་རེ་རྒྱོབ།
མདོར་ན། ནང་བཀྲ་མ་ཤིས་ན་ཕྱི་དོན་མི་འགྲུབ་ཟེར་བའི་གནའ་མིའི་ཁ་དཔེ་འདིར་ང་ཚོས་ངོས་འཛིན་ཟབ་གསལ་ཞིག་ལེན་དགོས།
ང་ཡང་གཞོན་དུས་རང་རློམ་ཅན་ཞིག་ཡིན། རང་གི་བསམ་ཚུལ་མཐའ་དག་བདེན་པར་རློམ།
ཉམས་མྱོང་གསོག་གིན་རང་ཉིད་ཆུང་བར་གྱུར། རང་དང་སྤྱི་ཚོགས་གང་ཆེ་གསལ་བར་མཐོང།
བདེན་པའི་ཆ་རེ་རྙེད་ན་བྲང་ལ་སྦྱོར། ཉེས་པའི་རྡུལ་རྣམས་རྐང་པའི་འོག་ལ་རྫིས།
དྲ་གྲོགས་སུར་ཡང་མ་དགའ་སྤུ་ཙམ་མེད། འོན་ཀྱང་མི་མཐུན་མཐོང་ཚུལ་མུ་མཐུད་སྨྲ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ངས་ནམ་རྒྱུན་རྒན་ལྷ་མོ་སྐྱབས་ལགས་རེ་ལྟོས་དང་ཡིད་ཆས་ཞེ་དྲག་བྱས་པ་མ་ཟད་ཁོང་དངོས་ཉིད་མི་དྲང་ཚུགས་ཐུབ་པའི་མི་ཞིག་ལ་ངོས་འཛིན་གཙང་མ་བྱས་མྱོང་ཡིན་ནའང་ཁོས་ད་ལོ་གྲོས་ཚོགས་བརྒྱད་པའི་སྐབས་སྒྲོལ་མ་མཚོ་མོའི་ལག་འོག་ཏུ་ཤོར་ནས་རྙོགས་འཛིང་རང་བཞིན་ཅན་གྱི་གྲོས་འཆར་ལ་མཚན་རྟགས་འགོད་པ་མཐོང་དུས་ཁོ་བོ་གཞི་ནས་ཤེས་མེད་ཀྱི་གླེན་ཆུང་ཞིག་ཡིན་པར་ད་གཟོད་ཚོར། དངོས་ཉིད་བཙན་བྱོལ་ནང་དུ་གནས་ཡོད་མི་སྣ་གྲགས་ཅན་ཚོག་གཙོ་ཟུར་པ་པདྨ་འབྱུང་གནས་ཁོང་གཉིས་ལ་དངོས་ཉིད་ང་སེམས་གཏིང་ནས་ཞེན་པ་ལོག་སོང་། མ་གཞི་ཆགས་ལྡན་གྱི་མི་ངན་དེ་ཚོ་སྐྱེ་དམན་གྱི་དབང་སྒྱུར་འོག་འགྲོ་ཆོག་ཆོག་ལྟ་བུ་རེད།
how are you?
how are you?
ཁ་སྣོན་གཅིག གུས་པས་བཏོན་པའི་དྲི་བ་དེ་དག༼ནང་བཀྲ་མ་ཤིས་ན་ཕྱི་དོན་མི་འགྲུབ༽པའི་འགྲེལ་སྟངས་སླ་ཤོས་དེ་ཆགས་ཡོད་དམ།
ངས་བལྟས་ན། གྲོས་ཚོགས་ནང་བྱུང་བའི་རྩོད་རྙོག་དེ་ལས་འཕྲོས་པའི་ཁ་སང་དེ་རིང་གི་ཁ་རྩོད་ཚིག་རྩོད་འདི་ལ་དོན་སྙིང་གཏིང་ཟབ་ཅིག་ཡོད་པར་འདོད།
༡ ཡེ་ཤེས་དབྱིངས་དཔྱད་ནི་ཞེ་ས་ཞིག་རེད་ལ། དོན་བསྡུས་ནས་བཤད་ན་གཡོལ་ས་ཞིག་ཀྱང་རེད། དེ་བས། མང་ཚོགས་ཀྱིས་ཐད་ཀར་འོས་ཤོག་འཕངས་ནས་གདམ་ཐོན་ཟིན་པའི་བཀའ་ཁྲིར་མཚོན་ན། འགན་རང་སྟེང་ནས་མི་འཁུར་བར་སླར་ཡང་ཡེ་ཤེས་དབྱིངས་དཔྱད་སྒང་འགེལ་དོན་ཅི།
༢ གལ་སྲིད་དེ་ལྟ་མ་རེད་ལབ་ན། བཀའ་ཁྲི་ལགས་བོད་རྒྱ་ཞི་མོལ་ཚོགས་ཆུང་གི་ཚོགས་གཙོ་ཡིན་དོན་ཅི། ཚོགས་གཙོ་ཡིན་པའི་འོས་འགན་ཅི།
གནད་དོན་གཏིང་ཟབ་འདི་རིགས་ལ་ངོ་འཕྲོད་རྗེས་སླ་བོ་ཆགས་ཟིན་པ་མིན་ནམ།
ཨ་རོགས་ཁ་རྩོད་བཞག་ནས་གསོལ་འདེབས་བྱོས།
རྒྱ་ལོ་བོད་ལ་དགའ་བའི་གསོལ་བ་འདེབས།
ཟམ་གདོང་ཕྱོགས་ཞེན་དཔང་བའི་གསོལ་བ་འདེབས།
སྐུ་སྒེར་ལས་བྱེད་བརྗེ་བའི་གསོལ་བ་འདེབས།
གསུང་བསྒྱུར་གོ་སྐབས་ཐོབ་པའི་གསོལ་བ་འདེབས།
རྒྱ་རི་འཇུ་ཆེན་མཐུན་པའི་གསོལ་བ་འདེབས།
ཨ་རི་རླུང་འཕྲིན་ཁང་གཙོས་གསར་ལམ་ཀུན།
གསར་འགྱུར་དགེ་བདག་མིན་པའི་གསོལ་བ་འདེབས།
ཆོས་བརྒྱུད་བཞི་དང་ཕ་ཆོས་བོན་བཅས་ལ།
ལྟ་བཏང་གཅིག་པ་ཡིན་པའི་གསོལ་བ་འདེབས།
ཀམ་ཚང་ཚང་གི་རྙོག་གྲ་ཆུང་ཆུང་འདི།
ཆོས་རིགས་ལས་ཁུང་མ་མཐོང་ཡིན་ཁུལ་འདི།
ཕྱོགས་ཞེན་དཔང་ཏེ་གཙང་མ་བཟོ་བ་ལ།
གོང་ནས་ཆོག་མཆན་ཐོབ་པའི་གསོལ་བ་འདེབས།
ཁ་སང་དེ་རིང་གི་ཁ་རྩོད་ཚིག་འདིའི་མཇུག་བསྡུ་ན་འདོད་སོང་། ཀློག་དགོས་པ་དག་བཀླགས་པ་ཡིན་ལ། བསམ་དགོས་དག་ལ་བསམ་བློ་ཡང་གཅིག་མིན་གཉིས་གཏང་བ་ཡིན། དེ་བཞིན་རང་གི་བསམ་ཚུལ་རྣམས་ཡང་མུ་མཐུད་ནས་བསྟུད་མར་ཞུས་པ་ཡིན། ད་སྔ་ས་ནས་མཇུག་བསྡུ་ན་འདོད་སོང་། གཤམ་ལ་མཇུག་བསྡུའི་སྐད་ཆ་འགའ་བཤད་ན་འདོད།
༡༽ཡང་ནས་བསྐྱར་དུ་ཞུས་པ་བཞིན་ལམ་དབུ་མ་དང་རང་བཙན་ལ་མཚོན་ན་བོད་མའི་འཐབ་རྩོད་ཀྱི་སྒང་ནས་ཡིན་ན་རེད། བོད་མིའི་དགོས་འདུན་ཀྱི་ངོས་ནས་ཡིན་ན་རེད། གང་ལྟར་ཕྱོགས་གང་ནས་བལྟས་ཀྱང་རྒན་ལགས་ཀྱིས་གསུངས་པ་བཞིན་ཁ་གཏད་དམ་འགལ་ཟླར་ལངས་ཡོད་པ་ཞིག་ད་སྔ་མཐོང་མ་སོང་ལ། ད་དུང་ཡིན་ནའང་ཚོར་གི་མི་འདུག འདི་གཙོ་བོ་དང་གཏེ་བ་དེ་ཡིན།
༢༽རང་བཙན་ལ་རེ་བ་མེད་པ་ནང་བཞིན་ལམ་དབུ་མར་ཡང་རེ་བ་ཆེན་པོ་མེད་པ་འབྲེལ་མོལ་རིམ་པ་ཁག་གི་ངོས་ནས་གསལ་བོར་མཐོང་ཐུབ། རྒྱ་ནག་གི་དང་པོ་ནས་བོད་ལ་བོད་མིའི་མངོན་འདོད་དང་མཐུན་པའི་གནས་སྟངས་ཤིག་བསྐྲུན་འདོད་མེད་པ་བདུན་ཅུ་དོན་མཇུག་ནས་རྣམ་འགྱུར་གསལ་བོ་བསྟན་འདུག ང་ཚོའི་ངོས་ནས་རེ་བ་ཡག་སར་བརྒྱབས་ནས་གོམ་པ་སྤོས་པ་མ་གཏོགས་གདེང་ཚོད་སྒང་ནས་ཕྱིན་པ་མེད་པའང་གསལ་བོ་རེད།
༣༽ངས་འབྲེལ་མོལ་རིམ་པ་འདི་དག་ལ་བླ་ན་མེད་པའི་གྲུབ་འབྲས་ཤིག་བྱུང་ཡོད་པ་མཐོང་སོང་། ད་ལྟ་ནང་བཞིན་རྒྱ་ནག་གཞུང་དང་ལྷན་དུ་འབྲེལ་མོལ་དང་གྲོས་མོལ་བརྒྱུད་ནས་བོད་དོན་བདེན་མཐའ་སེལ་བའམ། བོད་མིའི་མངོན་འདོད་དག་འགྲུབ་ཐབས་མེད་པ་རྒྱ་ནག་ལ་ཁ་གསལ་བཅུག་པ་དེ་རེད། ལྷག་པར་དུ་རྒྱལ་སྤྱིའི་སྤྱི་ཚོགས་ལ་འཁོར་ནས་ཁ་གསལ་བཅུག་པ་དེ་རེད། འདི་ཡང་གཙོ་བོ་༢༠༠༨ ལོའི་བོད་ནང་གི་ཞི་རྒོལ་ཆེན་མོ་དང་། ཨོ་ལིམ་པེཀི་དཔའ་འབར་བརྒྱུད་སྤྲོད་སྐབས་བོད་མི་དང་བོད་དོན་རྒྱབ་སྐྱོར་བ་ཚོས་ངོ་རྒོལ་བྱས་པ་ལ་བརྟེན་བྱུང་བ་རེད།
༤༽ལམ་དབུ་མར་བོད་མིའི་རྒྱབ་སྐྱོར་གང་ཡོད་པ་དེ་ངེས་ཤེས་ཀྱི་སྟེང་ནས་མིན་པར་གཙོ་བོ་དད་འདུན་དང་ཡིད་ཆེས་ཀྱི་ངོས་ནས་ཡོང་ཡོད། དེ་ཡང་གཙོ་བོ་རྒྱལ་བ་རིན་པོ་ཆེའི་གཟི་བྱིན་གྱི་ངོས་ནས་ཡོང་ཡོད། ད་རྒྱལ་བ་རིན་པོ་ཆེ་དགུང་ལོ་བགྲེས་པོ་རེད། བརྟན་བཞུགས་ག་ཚོད་ཅིག་བསྟར་འབུལ་ཞུས་ནའང་དགུང་གྲངས་བརྒྱད་ཅུ་ཡོལ་རྗེས་ནུས་ཤུགས་བསྐྱོན་ཐུབ་རྒྱུ་ཁག་པོ་རེད། རྒྱལ་བ་རིན་པོ་ཆེ་མེད་ན་བོད་དོན་བརླག་ནས་བོད་གཞུང་འཐོར་འགྲོ་མིན་གང་ལྟར་ཡང་། ལམ་དབུ་མ་མཇུག་རྫོགས་འགྲོ་བ་ད་ལྟ་ནས་ཁ་ཚོན་གཅོད་ཐུབ་པ་ཞིག་རེད། རྒྱ་ནག་གི་བྱེད་སྟངས་ལས་སྟངས་ཀྱི་ངོས་ནས་མཇུག་རྫོགས་ཆོག་ཆོག་རེད་ལ། བོད་མིའི་ཚོའི་ངོས་ནས་ཀྱང་མཇུག་རྫོགས་ཆོག་ཆོག་རེད། དད་འདུན་ཞུ་ས་དང་ཡིད་ཆེས་བཅོལ་ས་མེད་ཉིན་ནས་ཁོང་གི་དགོངས་པ་རླབས་ཆེན་རེད་ཟེར་ནས་བྱིན་རྟེན་གནང་བཞིན་ཉར་མཁན་རེ་གཉིས་ཡོད་ན་ལས། ད་ལྟ་ནང་བཞིན་ལོ་ནས་ལོར་མཐུད་དེ་སྲིད་བྱུས་ཀྱི་རྒྱབ་སྐྱོར་ཡོང་རྒྱུ་ཁག་པོ་རེད།
༥༽འགལ་ཟླ་མེད་པའི་ལྟ་བ་དང་ལངས་ཕྱོགས་གཉིས་ལ་སྤྱི་ཚོགས་ཐོག་ལྟ་སྟངས་དང་གླེང་ཕྱོགས་འདྲ་མིན་ཡོང་གིན་ཡོད་པ་འདི་གཙོ་བོ་གཞུང་གིས་མི་དམངས་ལ་གོ་བརྡ་གསལ་བོ་མ་སྤྲད་པའམ། སྤྲོད་མ་ཐུབ་པ། ཡང་ན་མ་འཕྲོད་པ་ལས་བྱུང་བ་རེད་འདོད། འདི་ལ་རིགས་གཉིས་འདུག དང་པོ། འབྲེལ་མོལ་མགོ་བཙུགས་པ་ནས་སྐུ་ཚབ་ཚོ་ཕྱིར་ཕེབས་ཐེངས་རེར་བོད་མི་ཚོས་ཁ་ཐུག་ལ་དང་ལེན་དཀའ་བའི་ཆ་རྐྱེན་དང་ཁས་ལེན་རེ་འཁྱེར་ཡོང་ཤིང་། གཞུང་གི་མར་འབོད་སྐུལ་ཞུ་སྐབས་ནི་ཏག་ཏག་བོད་མི་དང་རྒྱལ་སྐྱོར་བ་ཚོར་མཚོན་ན་རྒྱ་ནག་ལ་ངོ་རྒོལ་བྱེད་པའི་དུས་ཚོད་རྐྱང་རྐྱང་ལ་འཁེལ་ཡོད། བསམ་བློའི་དང་ལེན་དཀའ་བའི་ཐོག་གནས་སྟངས་སྔར་ལས་ཛ་དྲག་ཆགས་ཡོང་དུས་གཞུང་གི་འབོད་སྐུལ་ལ་མ་བརྩི་བའམ། བརྩི་མི་ཤེས་པ་ཞིག་ཆགས་པ་རེད། གཞུང་གིས་དང་པོ་ནས་འབོད་སྐུལ་དེ་དག་ལ་ལས་རིམ་རྣམ་བཞག་ཞིབ་ཚགས་ཤིག་བསྒྲིགས་ནས་ཕྱག་བསྟར་གནང་ཡོད་ན་ད་ལྟའི་ལྟ་སྟངས་དང་གླེང་ཕྱོགས་ཀྱི་འགལ་ཟླ་འདི་ཡོང་ཐབས་མེད་པ་ཞིག་རེད། གཉིས་པ། འབྲེལ་མོལ་རིམ་པའི་ནང་བོད་ཕྱོགས་ནས་རྒྱ་ནག་ལ་བཏོན་པའི་དགོས་འདུན་ཁག་ལ་འགྱུར་བ་བྱུང་སྐབས་མི་དམངས་ལ་ཁ་གསལ་གཏིང་གསལ་མ་བཟོས་པ་དེ་རེད། གྲོས་ཚོགས་ལ་མ་བསྟན་པའི་ཡིག་ཆ་ཟེར་བ་དང་། ད་རེས་ཛ་དྲག་ངང་གསུང་འཕྲིན་གནང་ཤིང་དེ་ལ་ཉན་ཞིབ་ཟུར་ཚོགས་གནང་དགོས་ཐུག་པའང་རྩ་བ་དེར་ཐུག་ཡོད་པ་རེད།
༦༽རྒན་ལགས་ཀྱི་དབུ་མར་མི་ཞུགས་མཁན་ཚོ་དང་པོ་ལམ་དབུ་མ་སྲིད་བྱུས་ལ་གཏན་འབེབས་གནང་སྐབས་ནས་མོས་མཐུན་མེད་ཚུལ་རྒྱུ་མཚན་དུ་དྲངས་ནས་བཀའ་བཀྱོན་གནང་འདུག བསམ་བློའི་མཐིལ་དང་རུས་པའི་རྐང་ལ་ཟུག་པའི་འཐབ་རྩོད་ཅིག་གློ་བུར་ཐོད་རྒྱག་གི་འགྱུར་བ་བཏང་ན་མི་འདོད་མཁན་ཡོང་བ་ཆོས་ཉིད་རེད། དགུ་བཅུའི་གོ་གྲངས་སྔོན་གྱི་རྒྱལ་བ་རིན་པོ་ཆེའི་གསུམ་ཅུ་དུས་དྲན་གཙོས་པའི་གསུང་འཕྲིན་ཁག་ལ་གཟིགས་དང་། ཁོང་གིས་ཀྱང་རང་བཙན་གཙང་མ་རྐྱང་རྐྱང་གསུངས་ཡོད་པ་རེད། དུས་དང་རྣམ་པ་ཀུན་ཏུ་བོད་མི་ཚོ་རྒྱག་གཅིག་མཆོང་གཅིག་བྱེད་དགོས་ཟེར་ན་དེ་ཡང་གནས་སྟངས་དང་མཐུན་པོ་མེད་པ་ཆོས་ཉིད་རེད།
༧༽གླེང་གཞི་འདི་དང་འབྲེལ་བའི་སྦྱང་བཤད་སྐབས་ངས་ལམ་དབུ་མ་དང་རང་བཙན་གང་ཡིན་ཡང་དེའི་ལྟ་བ་དང་ལངས་ཕྱོགས། ལྟ་བ་འདོན་མཁན་དང་རྗེས་ལ་ཞུགས་མཁན་ཚོའི་བར་གྱི་འགལ་ཟླའི་སྐོར་གང་ཡང་བཤད་མེད། འདི་ལ་འགལ་ཟླ་ཡོད་པ་ཞིག་མཐོང་གི་མེད་ཚུལ་གཅིག་མིན་གཉིས་ཞུས་པ་ཡིན། གླེང་ཕྱོགས་བཟོ་མཁན་དང་གླེང་ཕྱོགས་བཟོ་སྟངས་གཙོ་འདོན་བྱས་ནས་བསམ་ཚུལ་ཞུས་པ་ཡིན། གསལ་བཤད་འདི་ཚང་མས་ཐུགས་ལ་འཇགས་རོགས།
ད་མཇུག་བསྡུའི་ཚིག་འགའ་བོ་ཡང་རིང་བོ་ཆགས་གྲབས་འདུག འདི་ནས་མཚམས་འཇོག་གི་ཡིན།
བདག་གི་སྙིང་ནས་བརྩེ་བའི་རྒན་ལྷ་མོ་སྐྱབས་དང་བདག་ལ་བཀའ་དྲིན་ཆེ་བའི་རྒན་ལྷ་མོ་སྐྱབས་ལགས་ཁམས་བཟང་ངམ།ཁྱེད་ཀྱི་མཚན་དེ་དྲ་ངོས་སུ་མཇལ་བར་ཧ་ཅང་གིས་དགའ་པོ་བྱུང་།
ཚིག་གི་མཚོན་ཆ་འདེབས་རེས་མེད་པའི་ཐོག་ནས་བགྲོ་གླེང་ན་རང་གཞན་གཉིས་ཕན་ཡོང་ངེས་རེད། ད་དུང་གླེང་སློང་རྒྱུན་མཐུད་གནང་རོགས། འདི་ལེགས་དང་དེ་ཉེས་ཤོད་པའི་སྤོབས་པ་མེད། ཚང་མས་སེམས་པ་དང་སེམས་པ་སྦྲེལ་ཏེ་ཡ་ང་བའི་གནས་སྟངས་ལ་དགོངས་པ་བཞེས་ཀྱིན་དགོངས་ཚུལ་ཁག་གསུངས་རོགས།།
༅།། ཡ། སེམས་པ་འདི་ཁྱད་མཚར་རེད། ཞོགས་པ་ཡར་ལངས་པ་དང་བོད་ཡིག་ལ་གཅིག་འཁོར་དགོས་ཀི་འདུག དགོང་མོ་ཉལ་ཁར་ཡང་གཅིག་འཁོར་དགོས་ཀི་འདུག གཅིག་བྱས་ན། འདི་རྒྱལ་ཞེན་དང་རིགས་ཞེན་ཟེར་བ་དེ་ཡིན་གྱི་རེད།
གནས་ལུགས་དང་རྒྱུ་མཚན་ཟེར་བ་དེ་ཕུ་དང་མདའ་གཉིས་ཀ་ལ་ཡོད་པ་ཞིག་རེད། སྐབས་རེ་ཨུ་ཚུགས་ཆེ་ཆུང་ལའང་ཐུག་གི་རེད། སྐབས་རེ་ཧམ་པ་ཆེ་ཆུང་ལའང་འབྲེལ་བ་ཆགས་ངེས་རེད། ད་དུང་སྐབས་རེ་མི་མང་ཉུང་ལའང་ཐུག་གི་རེད། དེས་མི་ཚད་བཤད་མཁས་ལོད་ལའང་འབྲེལ་བ་ལོས་ཡོད། དེ་དག་ཐམས་ཅད་གང་ཡིན་རུང་། ཁྱེད་ཀྱིས་བྲིས་པ་རྣམས་ངས་རྟོགས། ངས་ཞུས་པ་རྣམས་ཀྱང་ཉིད་ཀྱིས་གསན་ཡོད་ཤག་ཡིན།
རྒྱ་ཡིག་དང་བོད་ཡིག་གི་རྩོད་པ་ཤགས་ཀྱིས་འགྱེད་པའི་གཡུལ་ས་ན། དཔའ་བའི་མིང་ཐོགས་པ་ཞིག་ལགས་ཀྱང་། གནས་ལུགས་ཁས་ལེན། ཆེ་བཞག་ཆུང་སྐྱུར་བྱེད་ཤེས།
དད་པ་ཞེས་པ་དེའི་གོ་དོན་ཁོ་རང་ཡག་པོ་མི་ཤེས། རྒྱུ་མཚན་ཤེས་པའི་ཐོག་ནས་འགྱུར་བ་མེད་པའི་བློ་གཏོད་པ་ཞིག་ལ་ཟེར་ན་ནི། དེ་བདག་ལ་ཡོད་ཡོད་འདྲ། ཡར་ཅི་ཡང་ཞུས་མི་ཆོག་པ། མགོ་གུག་གུག་བྱས། ལག་ཐལ་མོ་སྦྱོར་བ་ཞིག་ལ་ཟེར་ན་ནི་དེ་བདག་ལ་མེད་མེད་འདྲ། ག་རེ་བྲིས་རུང་། ག་རེ་བཤད་རུང་། ཁོང་རིན་པོ་ཆེའི་དགོངས་པའི་ར་བ་ཆུང་ས་དེ་ཚོ་ནས་འདའ་བ་སྲིད་རུང་། ར་བ་ཆེ་ས་དེ་ནས་འདའ་བ་ཞིག་མེད་ཁུལ་ཡིན།
རང་བཙན་དང་དབུ་མའི་ལམ་ཞེས་པའི་ཐད་ལའང་། གཉིས་ཀ་ལ་གུས་བརྩི་ཡོད། རང་བཙན་བློས་མ་བཏང་ན་རང་སྐྱོང་ཡོང་གི་མེད་པ་འདྲ་བོ་ཞིག་ཞར་ཡང་མ་མཐོང་། ཡིད་བཞིན་ནོར་བུ་མཆོག་གིས་ཀྱང་། འདས་པའི་ལོ་རྒྱུས་ཐོག་ནས་བོད་རྒྱ་ཁོངས་ཡིན་པར་ཞལ་བཞེས་ནམ་ཡང་མ་མཛད་པ་དེ་ཡང་། བསམ་ཤེས་ན་བརྡ་སྟོན་ཞིག་ཏུ་མཐོང་།
རྒྱ་ནག་དམར་པོའི་འོག་ཏུ་ལོ་མང་བསྡད། པེ་ཅིང་རང་དུ་སློབ་སྦྱོང་བྱས་པའི་ཉམས་མྱོང་གི་ཐོག་ནས། ཇི་སྲིད་རྒྱ་ནག་དམར་པོའི་སྲིད་དབང་འདི་འཐོར་ཞིག་ཏུ་མ་སོང་གི་བར་དུ། རང་བཙན་དང་རང་སྐྱོང་ཕར་བཞག ལྷ་ས་ཙམ་ཡང་བདག་ཅག་བོད་མི་ལ་མི་སྤྲོད་པ་འདི་ངེས་པ་ཞིག་ཡིན་པ་གསལ་པོར་མཐོང་།
ནམ་དམར་པོའི་གཞུང་འདི་འཐོར་པ་ན། རང་བཙན་དང་རང་སྐྱོང་གཉིས་ཀ་ལ་གོ་སྐབས་འདྲ་མཉམ་དུ་ཡོང་བ་ལས་གཅིག་ལ་ཡོད་ལ་གཞན་དེར་མེད་པ་འདྲ་ནི་ཡོང་དཀའ་བ་རྗེས་དཔག་གི་རིགས་པས་དཔྱད་ན་ཤེས། དེར་བརྟེན། གཞུང་གིས་དབུ་མའི་ལམ་དང་གཞུང་འབྲེལ་མིན་པ་འགས་རང་བཙན་ལ་བརྩོན་དགོས་པ་འདི་ཤིན་ཏུ་གནད་ཆེ་བ་ཞིག་ཏུ་སྣང་།
དེ་ལྟར་འབད་ན། རང་ཅག་ལ་འཐབ་རྩོད་ཀྱི་སྡིངས་ཆ་མང་དུ་སོང་བ་ཡིན་པས་ཕན་ལས་གནོད་པ་མེད།
རང་ཅག་ས་ཡ་དྲུག་ཡོངས་རྫོགས་ཀྱིས་སྙིང་ནས་རང་བཙན་བློས་བཏང་སྟེ། ད་རང་སྐྱོང་ཙམ་གྱིས་འགྲིག་ཅེས་ཁྲག་གི་མིང་རྟགས་བཀོད་པའི་དབང་དུ་བཏང་རུང་། ད་ལྟའི་རྒྱ་ནག་གཞུང་འདིས། མུ་མཐུད་དེ། ཁྱེད་ཅག་ཁ་བྲལ་རིང་ལུགས་པ་རེད། རྣམ་པ་འགྱུར་བའི་རང་བཙན་རེད། ཏཱ་ལའི་རུ་ཚོགས་ཀྱི་ཇུས་ངན་རེད་ཅེས་སྨྲ་བར་ངེས། མདོར་ན། རྒྱ་དོགས་པ་ཅན་འདིའི་དོགས་པ་འདི་ངེད་ཅག་གིས་སངས་ཐུབ་པ་ཞིག་ཡེ་ནས་མ་རེད། རྒྱུ་མཚན་ཅི་ཡིན་ཞེ་ན། ཁོང་ཅག་ལ་བོད་དོན་ཐག་གཅོད་པའི་ཆོད་སེམས་མེད་པས་རེད།
འོན་ཀྱང་དབུ་མའི་ལམ་གྱི་སྲིད་ཇུས་སམ་ཐབས་ཇུས་འདི་ནི་ད་ལྟའི་འཛམ་གླིང་གི་འཕེལ་ཕྱོགས་དང་རྒྱ་བོད་གཉིས་ཀྱི་གནས་སྟངས་ཀྱི་ཆ་ནས་ངེས་པར་དུ་ཡང་མཁོ་བ་ཞིག་ཡིན་པས། གཞུང་གི་སྲིད་ཇུས་སུ་འདི་མུ་མཐུད་གནས་དགོས་པ་རེད་འདོད།
རང་བཙན་དང་དབུ་མའི་ལམ་གཉིས་ཀ་བོད་ཀྱི་སྤྱི་དོན་ཆེད་ཡིན་པས། བདག་གིས་ནི་འདི་གཉིས་ཕན་ཚུན་སྡང་ཟུག་བྱེད་དགོས་པའི་རྒྱུ་མཚན་ཞར་ཡང་མ་མཐོང་། འདི་དག་ནི་གསལ་པོར་བཤད་ཟིན་པ་བསྐྱར་དུ་གསལ་པོ་བཟོས་ཁུལ་ཙམ་མ་ཡིན་པར། རྒྱང་རིང་པོ་ནས་གཅིག་གིས་གཅིག་ལ་བཤད་རེས་བྱེད་པ་མིན་པར་ཉིད་ཀྱི་བསམ་ཚུལ་ལ་གུས་བརྩི་མཚོན་བྱེད་དུ་འདིར་བཀོད་པ་ལགས།
རང་བཙན་དབུ་མའི་བགྲོ་གླེང་དོ་ར་ན།།
རང་ཚུགས་བཟུང་སྟེ་སྨྲ་འདི་ཉེན་ཆེ་ཡང་།།
རང་གཤིས་ཁ་ཞེ་མེད་པའི་ཁང་གསར་བས།།
རང་སྡེའི་རིཌ་ལ་ཕན་རེས་ཅུང་ཙམ་ཐལ།།
གནས་ལུགས་ཞེས་པ་ཕ་བསད་བུ་ལའང་ཡོད།།
རྒྱུ་མཚན་ཞེས་པ་སྐབས་རེ་བཤད་སྟངས་རེད།།
དོན་གྱི་སྙིང་པོ་ཆེ་ཆུང་རྣམ་དབྱེ་རེད།།
ཆུང་ངུའི་ཆེད་དུ་ཆེན་པོ་གཏོང་མི་རུང་།།
བགྲོ་གླེང་རྩུབ་ཤིང་བདར་ན་དགེ་ཆེ་ཡང་།།
ཧ་ཅང་མང་ན་ཐམས་ཅད་འཚིག་ཉེན་འདུག །
ཁང་གསར་རྡོ་རྗེའི་ཁ་ཁོག་དབྱེ་བ་མེད།།
ཁ་ལྗོངས་དོན་དུ་གནས་སྐབས་འདི་ཙམ་ཡིན།། །།
ཁྱོད་ཀྱིས་ཡི་གེའི་དག་སྡེབ་སྤུས་དག་ཅིག་འབྲི་ཡོང་གི་ཡོད། འོན་ཏེ་ཁྱོད་ལ་ཆབ་སྲིད་ཀྱི་ཁ་ཕྱོགས་མི་འདུག
ཨ་ཁུ་འབྲོག་པའི་ངོ་སོ་ཡར་ལ་བསྟོད། མི་བདེན་ཟེར་ཡ་མི་འདུག འདི་ལྟ་གནས་ལུགས་གསལ་རྗེན་དུ་བྲིས་ན་ད་གཟོད་ཕོ་ཉའི་མཚན་ཉིད་ཚང་བ་འདུག ཨ་ལ་ཀུ་རེ་ཡིན།
གསུམ་བཅུའི་དུས་དྲན་གྱི་སྔ་གཞུག་ནས་རྒྱ་ནག་གཞུང་ལ་ཞི་རྒོལ་བྱེད་མཁན་དང་ཡར་ལངས་བྱེད་མཁན་ཕལ་ཆེ་བ་ནི་སློབ་ཕྲུག་དག་ཡིན་ལ། ཁོང་ཚོས་ ༢༠༠༨ ལོའི་ཞི་རྒོལ་ཆེན་མོར་རྗེས་དྲན་བྱས་པ་དང་། ཁོང་ཚོའི་འབོད་སྒྲ་ནི་སྔར་བཞིན་བོད་རང་བཙན་དང་། ༧གོང་ས་མཆོག་བོད་དུ་གདན་འདྲེན་ཞུ་དགོས་པ། མི་རིགས་འདྲ་མཉམ་དགོས་པ་བཅས་རེད། རྒྱ་ནག་གི་སྐར་ལྔའི་དར་དམར་གྱི་རྒྱལ་དར་མེར་བསྲེག་མཁན་ཡང་བྱིས་པ་འདི་དག་རེད། བོད་རང་གི་སྐད་ཡིག་སྲུང་སྐྱོབ་ཀྱི་ལས་འགུལ་སྤེལ་མཁན་ཡང་བྱིས་པ་ཚོ་ཡིན། ཁོང་ཚོ་ནི་སོ་སོའི་མི་རིགས་ཀྱི་འདས་པ་དང་མ་འོངས་པ། ད་ལྟ་བཅས་ཀྱི་བདག་པོ་ཡིན་ལ། ཁོང་ཚོས་དེར་ངོས་ལེན་དང་འགན་ལེན་གཉིས་ཀ་བྱེད་ཀྱིན་འདུག འདི་ནི་ཐེངས་འདིའི་དུས་བབ་རྩོམ་སྒྲིག་པའི་གཏམ་ལས་དྲངས།
ལྷ་མོ་སྐྱབས།
བྱིས་པ་འདི་ཚོས་བོད་རང་བཙན་རྩོད་ཀྱི་འདུག རྒྱལ་དར་མེར་བསྲེགས་བཏང་ཡོད་འདུག འདིས་ག་རེ་སྟོན་གྱི་འདུག
རེད། རེད། རྒན་ལྷ་མོས་བཤད་པ་བདེན། འདང་རྒྱག་རྒྱུ་གལ་ཆེ།
ཨ་རིག་དགེ་མཐོང་ལགས།
ཡུམ་དུམ་པ་བཅུ་གཉིས། ཁྱོད་འདི་དཔའ་རྒྱུད་ཅིག་ད་ཡིན་ནི་རེད་དྲ་ར། ཁོར་ཡུག་འདི་ནས་དཔའ་རྟགས་དེ་མཁོ་མེད་རེད། སྐུ་དྲིན་ཆེ། གླེན་རྟགས་དེ་རྩ་བ་ནས་སྟོན་མི་རུང་། འདི་ཡང་རེ་སྐུལ་ཞིག་ཞུས་པ་ཡིན། གོང་ས་མཆོག་ལ་ཁ་གཏོང་མཁན་ཚོར་ང་ཚོས་ཀྱང་ངོ་རྒོལ་ཡོད།
དེ་རིང་གཞི་ནས་རྩོམ་པ་པོ་རྒན་པ་ཞིག་འདིར་ཕེབས་པ་ལ་དགའ་བསུ་ཡོད། ང་ཚོའི་དྲ་ཚིགས་འདིར། རྩོམ་པ་པོ་རྒན་པ་འདི་ཚོ་ཕེབས་པ་ཡིན་ན། གཟི་བརྗིད་ཆེ། གསར་རྩོམ་པ་རྐྱང་རྐྱང་ཡིན་ན། ཅུང་ཙམ་གཉོམ་འདུག ཆབ་བྲག་ལྷ་མོ་སྐྱབས་ཕེབས་པར་དགའ་བསུ་ཡོད། རེ་བ་ལ་ཟིན་བྲིས་ཤིག་གཉེར་ནས་ང་ཚོར་རྩོམ་ཡིག་འབྲི་སྟངས་ཀྱི་ལམ་སྟོན་རེ་གནང་རོགས། འདི་ནི་ཞུ་ན་འདོད་པའི་རེ་བ་ཡིན།
རང་བཙན་རྩོད་མི་རྩོད་ཀྱི་གནད་དོན་མ་རེད། གཙོ་བོ་བོད་མགོ་ནག་ཅིག་གིས་༧གོང་ས་མཆོག་ལ་གཏོང་བ་འདི་རེད། འདིའི་ཕྱོགས་ནས་ང་ནམ་དཔའ་མི་ཞུམ། འདིའི་ཕྱོགས་ནས་ངས་གླེན་རྟགས་སྟོན་ངེས་ཡིན། གླེན་རྒྱུད་ཅིག་ལས་མཆེད་པ་ཡིན།
རྒན་ལགས་ཀྱིས་ནན་པོ་ཞིག་བྲིས་ཡོད་རེད་བསམ་བྱུང་སྟེ། ཅུང་ཙམ་བློ་ཕམ་སོང་། ཁང་གསར་རྡོ་རྗེ་ལ་མགོ་བཏགས་ཞུས་ཏེ་རང་ཉིད་དག་འབུད་བྱེད་པ་འདྲ་བོ་ཞིག་རེད་འདུག