བོད་ཀྱི་དུས་བབ་སྤྱིའི་འདོན་ཐེངས་ ༤༨༠ སྟེང་གི་རྩོམ་སྒྲིག་པའི་གཏམ།
ཉིན་ཤས་གོང་པེ་ཅིན་གྱི་དབུ་ཁྲིད་ཚོས་ཁམས་འབྲི་རུ་རྫོང་ནས་ལོ་རྒྱུས་ཀྱི་ཟིན་ཐོ་གསར་པ་ཞིག་བྲིས། ཟིན་ཐོ་དེའི་ནང་དུ་བྱིས་པ་ཚོས་ཏང་དང་རྒྱལ་ཁབ་ཀྱི་ཁར་མ་ཉན་སྟབས་རང་ལོ་ ༡༡ ནས་ ༡༥ བར་གྱི་བྱིས་པ་ཉི་ཤུ་རྩ་གྲངས་ཤིག་བཙོན་འཇུག་བྱས་ཤིང་། བྱིས་པ་འདི་དག་ནི་ཁ་བྲལ་རིང་ལུགས་པའི་དུག་རྩ་ལ་ངོས་འཛིན་བྱས་ཡོད།
གནས་ཚུལ་འདི་ལ་ཁ་སྣོན་གྱི་གནས་ཚུལ་མང་ལ། དེའི་ནང་གི་གསར་ཤོས་ཤིག་ནི། ཉིན་ཤས་གོང་རྒྱ་གཞུང་གི་འབྲེལ་ཡོད་མི་སྣས། ཀྲུང་གོའི་རྒྱལ་ཁབ་ལ་རྨ་ཆུ་རྫོང་བོད་རིགས་སློབ་འབྲིང་ཡོད་དང་མེད་ལ་ཁྱད་པར་སྤུ་ཙམ་མེད་ཅེས་པ་འདི་རེད། འདི་ཡང་སློབ་གྲྭ་དེའི་སློབ་ཕྲུག་ཚོས་རྒྱ་ནག་གཞུང་ལ་ངོ་རྒོལ་བྱས་སྐབས་བཤད་པ་རེད། ཏང་གི་དབུ་ཁྲིད་ཚོས་དངོས་གནས་བྱིས་པའི་སྐད་ཆ་རང་བཤད་ཀྱིན་འདུག པེ་ཅིན་གྱི་ཏང་ཀྲུང་དབྱང་གིས་མ་གཏོགས་རྒྱལ་ཁབ་ཅིག་གི་ངོས་ནས་སོ་སོའི་མ་འོངས་པའི་སོན་རྩར་གྱུར་བའི་ལོ་ཆུང་བྱིས་པ་ཚོར་འདི་ལྟའི་སྐད་ཆ་བཤད་སྲོལ་ཞིག་མེད།
རྒྱ་ནག་གཞུང་དང་བོད་རིགས་བྱིས་པ་ཚོ་ཕན་ཚུན་ལ་ཡིད་ཐང་ཆད་ཅིང་། ཨུ་ཐུག་པའི་སྐབས་སུ་ཏང་ཀྲུང་དབྱང་ནི་བྱིས་པ་ཚོའི་སྟེང་ལ་སེམས་ཁུར་ཡོད་མེད་དང་། བོད་རིགས་བྱིས་པ་ཚོ་ཏང་དང་རྒྱལ་ཁབ་ལ་དགའ་མི་དགའི་རྣམ་འགྱུར་དེ་ཡང་བྱིས་པའི་རང་གཤིས་དང་མཉམ་དུ་ཕྱིར་བསྟན་ཡོད་ཅིང་། རྣམ་འགྱུར་འདིའི་རིགས་ནི་ཕྱོགས་གཉིས་ཀ་ནས་དྭངས་གཙང་དང་ལྷད་མེད་རེད།
ལོ་འདིར་བོད་ནང་དུ་སྣང་ཚུལ་གསར་པ་ཞིག་བྱུང་། གསུམ་བཅུའི་དུས་དྲན་གྱི་སྔ་གཞུག་ནས་རྒྱ་ནག་གཞུང་ལ་ཞི་རྒོལ་བྱེད་མཁན་དང་ཡར་ལངས་བྱེད་མཁན་ཕལ་ཆེ་བ་ནི་སློབ་ཕྲུག་དག་ཡིན་ལ། ཁོང་ཚོས་ ༢༠༠༨ ལོའི་ཞི་རྒོལ་ཆེན་མོར་རྗེས་དྲན་བྱས་པ་དང་། ཁོང་ཚོའི་འབོད་སྒྲ་ནི་སྔར་བཞིན་བོད་རང་བཙན་དང་། ༧གོང་ས་མཆོག་བོད་དུ་གདན་འདྲེན་ཞུ་དགོས་པ། མི་རིགས་འདྲ་མཉམ་དགོས་པ་བཅས་རེད། རྒྱ་ནག་གི་སྐར་ལྔའི་དར་དམར་གྱི་རྒྱལ་དར་མེར་བསྲེག་མཁན་ཡང་བྱིས་པ་འདི་དག་རེད། བོད་རང་གི་སྐད་ཡིག་སྲུང་སྐྱོབ་ཀྱི་ལས་འགུལ་སྤེལ་མཁན་ཡང་བྱིས་པ་ཚོ་ཡིན། ཁོང་ཚོ་ནི་སོ་སོའི་མི་རིགས་ཀྱི་འདས་པ་དང་མ་འོངས་པ། ད་ལྟ་བཅས་ཀྱི་བདག་པོ་ཡིན་ལ། ཁོང་ཚོས་དེར་ངོས་ལེན་དང་འགན་ལེན་གཉིས་ཀ་བྱེད་ཀྱིན་འདུག
བྱིས་པ་འདི་དག་རྒྱ་ནག་གཞུང་གི་ཐོག་སྡང་དོན་ལ་བརྗེད་མི་ཐུབ་པའི་རྒྱུ་མཚན་དེ་འདྲ་ཡང་བགྲང་རྒྱུ་ཡོད། དཔེར་ན། སོ་སོའི་ཕ་མ་དང་དགའ་ཉེ་སྤུན་གྲོགས་སོགས་ལ་རྒྱ་ནག་གཞུང་གིས་སྲོག་ཁྲིམས་དང་མནར་གཅོད་བཏང་བའི་དབང་གིས་ཡིན་ལ། ཁོང་ཚོས་འདིའི་མིང་ལ་༼མི་རིགས་ལ་གཅར་རྡུང་བྱས་༽པ་རེད་ཅེས་བརྗོད་ཀྱིན་ཡོད།
གནས་སྐབས་འདི་དག་ལ་བཙན་བྱོལ་བོད་མིའི་སྤྱི་ཚོགས་གཉིད་དུ་ཡུར་བསྡད་ཡོད། ཚོགས་པ་སོ་སོའི་གོ་སྒྲིག་འོག་མར་མེ་ཁྲོམ་སྐོར་རེ་བྱེད་སྲོལ་ཡོད་པ་དེའང་མཐོང་རྒྱུ་མི་འདུག རྒྱལ་སྤྱིའི་གསར་ལམ་ཁག་ནའང་ཐོས་རྒྱུ་མི་འདུག དེར་བརྟེན་བཙན་བྱོལ་གཞུང་ངོས་ནས་རྒྱ་ནག་གཞུང་ལ་ཁ་རྡུང་དང་རྒྱལ་སྤྱིའི་སྤྱི་ཚོགས་ལ་འབོད་སྐུལ་ཙམ་ཡང་གོ་རྒྱུ་མེད་པ་འདི་ནི་རང་གི་བྱིས་པ་ཚོར་འགན་མ་ཁྱེར་བ་ལྟ་བུར་མངོན་ནོ།།
དྲ་གྲོགས་གནམ་ལྕགས་ཀྱིས་བཤད་པ་ལྟར་བདེན་པ་རེད།་དེ་རིང་བོད་ཕྲུག་བཅུ་བཙོན་འཇུག་བྱེད་ན་སང་ཉིན་བོད་ཕྲུག་ཉི་ཤུ་ཡར་ལངས་བྱེད་ངེས་རེད།་འདས་པོ་དམ་པ་སྲིད་བློན་ཀླུ་ཁམ་པས་རྒྱ་དམག་ལ་ཤོད་དོན།་ཁྱེད་ཚོས་བོད་ཀྱི་རྒྱལ་དར་བཅུ་ཐམ་པ་མར་ཕབ་ན་བོད་མི་ཚོས་བརྒྱ་ཐམ་པ་ཡར་བཙུགས་ངེས་རེད་ཅེས་བརྗོད་ཡོད།
དོན་རྐྱེན་འདི་རིགས་ཀྱི་ཆ་ནས་ལྟ་སྐབས། སྐུ་ཞབས་ཞོགས་དུང་ལགས་ཀྱིས༼ས་བྱི་ལོའི་ཞི་རྒོལ་ཆེན་མོ༽ནི་གསར་བརྗེའམ་གོ་རྟོགས་གསར་བ་ཞིག་གི་སྔོན་གླེང་ལྟ་བུར་རྒྱས་འགྲེལ་བསྐྱོན་པ་དེ་ནི་དོན་ལ་གནས་པར་འདོད། དེ་འདྲ་ཞིག་རེད་དམ།
རྒྱ་ནག་གི་སྲིད་གཞུང་སྐྲག་ས་ངོ་མ་དེ་བོད་ཀྱི་བྱིས་པ་ཚོ་རེད་འདུག
རྒྱ་ནག་གིས་བོད་བཙན་བཟུང་བྱེད་པའི་གོ་རིམ་དེ་ད་ལྟ་ཡོངས་སུ་གོ་ལྡོག་སྟེ་ལོ་ཆུང་བྱིས་པ་ནས་འགོ་འཛུགས་བཞིན་འདུག ཉེ་བའི་ཆར་ནག་ཆུ་ས་ཁུལ་དུ་བྱིས་པ་ཉེར་གཅིག་འཛིན་བཟུང་བྱས་པ་དེ་ནི་རྒྱ་ནག་སྲིད་གཞུང་གིས་བོད་བཙན་བཟུང་བྱེད་པའི་གོ་རིམ་ལྡོག་པའི་ཁྲོད་ནས་གོམ་པ་དང་པོ་དེ་བརྒྱབ་པ་རེད། ད་དུང་ཡང་འདི་ལྟར་རྒྱག་ངེས་ཡིན། དེ་ལྟར་རྒྱག་དགོས་པའི་རྒྱུ་མཚན་ནི། བོད་ཀྱི་བྱིས་པ་ཚོ་ནི་མ་འོངས་བོད་ཀྱི་སོན་རྩ་དང་། མ་འོངས་བོད་ཀྱི་བདག་པོ་ཡིན་པ་གཅིག་པུ་ཆ་ནས་མིན་པར་བོད་ཀྱི་འཐད་རྩོད་དང་འབྲེལ་བ་ཡོད་པའི་ཆ་ནས་ཡིན། རྒྱ་ནག་སྲིད་གཞུང་གིས་ཁ་ནས་བོད་ཀྱི་གནད་དོན་ནི་ཏྰ་ལེ་བླ་མ་སྒེར་གྱི་གནད་དོན་དང་། དེ་ཕྱོགས་གཏོགས་པ་ཁག་གཅིག་གི་གནད་དོན་ཙམ་ལས་བོད་མི་རིགས་ཀྱི་གནད་དོན་ཞིག་རྩ་ནས་མིན། དེ་ཡང་ཏྰ་ལེ་བླ་མའི་དུས་ཡུན་ཙམ་ལས་རྒྱུན་མར་གནས་ཐུབ་པ་ཞིག་མིན་ཞེས་བརྗོད་བཞིན་ཡོད་ན་ཡང་། དོན་ངོ་མར་བོད་ཀྱི་གནད་དོན་ནི་མི་སྒེར་ཞིག་དང་། དུས་ཡུན་ཙམ་ཞིག་གི་རིང་མིན་པར་མི་རབས་ནས་མི་རབས་པར་དུ་གནས་རྒྱུ་ཡིན་པ་དོན་གྱིས་ཁས་ལེན་བཞིན་ཡོད། དེ་རྒྱུ་མཚན་གྱིས་ཁོ་ཚོས་སྔ་ས་ནས་ལོ་ཆུང་བྱིས་པ་ཚོ་ལ་འཇིགས་སྐུལ་དང་དྲག་གནོན། འཛིན་བཟུང་སོགས་རྒྱལ་སྤྱིའི་ཁྲིམས་དང་འགལ་བའི་འཇིགས་སྐུལ་གྱི་བྱེད་སྒོ་སྣ་ཚོགས་སྤེལ་བཞིན་ཡོད། མ་འོངས་པར་སྐད་ཆ་བཤད་ཤེས་མ་ཐག་པའི་བྱིས་པ་ཚོ་ལ་ཡང་རྒྱལ་གཅེས་རིང་ལུགས་ཀྱི་སློབ་གསོ་གཏོང་ངེས་ཡིན། འདི་ཡིས་རྒྱ་ནག་སྲིད་གཞུང་སྐྲག་ས་ངོ་མ་དེ་བོད་ཀྱི་བྱིས་པ་ཚོ་ཡིན་པ་དེ་བསྟན་ཡོད།
ངོ་མ་དོན་སྙིང་ཅན་གྱི་རྩོམ་སྒྲིག་པའི་གཏམ་ཞིག་བྲིས་འདུག
(རྩོམ་སྒྲིག་པའི་གཏམ་དང་འབྲེལ་ཆེ་བས་འདིར་དགོས་དབང་གིས་བཀོད་པ་ཡིན། )
འཆི་རྒྱུར་མི་སྐྲག་ཟེར།
ཉེ་དུས་ཀྱི་གསར་འགྱུར་ཁག་ཏུ་ཐོན་པ་ལྟར་ན། རྒྱ་གཞུང་གིས་བོད་ནང་ཆུང་བྱིས་པ་ཡན་གྱི་སློབ་ཕྲུག་དང་། སློབ་གཉེར་བའི་སྡེ་ཁག་ལ་སུན་གཙེར་དང་། འཛིན་བཟུང་། བཙོན་འཇུག བཀག་ཉར། དྲི་བརྩད་སོགས་སྣ་ཚོགས་བྱས་ཏེ། འགྲོ་བ་མིའི་འགྲོ་བསྐྱོད་རང་དབང་དང་། བསམ་བློའི་རང་དབང་། སྨྲ་བརྗོད་རང་དབང་སོགས་འགྲོ་བ་མིའི་གཞི་རྩའི་ཐོབ་ཐང་འཕྲོག་དང་འཕྲོག་མུས་ཡིན་པ་མ་ཟད། བོད་མི་ཡོད་དོ་ཅོག་གི་སྙིང་ལ་རྨ་ཁ་རིམ་པར་བཟོ་སྟངས་ལ་བལྟས་ན། རྒྱ་གཞུང་གིས་བོད་མི་ཚོར་སེམས་ཅན་དུད་འགྲོའི་བརྩི་མཐོང་ཙམ་ཡང་འཇོག་གི་མི་འདུག་སྙམ། གནས་སྟངས་འདི་དག་ཇེ་སྡུག་ཏུ་སོང་ན། བོད་ས་ཁྱོན་ཡོངས་སུ་སློབ་གཉེར་བའི་ཞི་བའི་ལས་འགུལ་ཆེན་པོ་ཞིག་མི་ཡོང་བའི་ངེས་པ་མི་འདུག་པས། སྐབས་དེ་དང་དེའི་དུས་ང་ཚོའི་མི་རིགས་འདིའི་འབྱུང་འགྱུར་གྱི་བདག་པོ་གཞོན་སྐྱེས་ཤེས་ཡོན་ཅན་མི་ཉུང་བ་ཞིག་གི་ཚེ་སྲོག་དགྲ་བོའི་མཚོན་ཁར་ཤོར་བར་སོམ་ཉི་མེད། ཅིའི་ཕྱིར་ཞེ་ན། དེང་སྐབས་བོད་ནང་གི་སློབ་གཉེར་བའི་སྡེ་ཁག་ནང་འཆི་རྒྱུར་མི་སྐྲག་ཅེས་པའི་ཚིག་དེ་གཅིག་ནས་གཉིས་བརྒྱུད་ཀྱི་རྣ་བར་སིམ་སྟེ་སེམས་པ་ཇེ་མང་ནས་ཇེ་མང་གི་དབུས་སུ་ཐིམ་བཞིན་ཡོད་འདུག
ངས་དྲ་ཐོག་ནས་བོད་ནང་གི་སློབ་ཆེན་པ་ཞིག་དང་འབྲེལ་བ་བྱེད་སྐབས། ཁོས་ཀྱང་འཆི་རྒྱུར་མི་སྐྲག་ཅེས་པའི་ཚིག་དེ་ང་ལ་དངོས་སུ་བཤད། ད་དུང་བོད་ནང་བོད་ཡིག་སྦྱོང་ས་ཡོད་མིན་ལ་མ་བལྟོས་པའི་བོད་ཕྲུག་ཡོད་སའི་སློབ་གྲྭ་མང་པོ་ཞིག་ཀྱང་གནས་ཚུལ་དེ་རིགས་ལ་ཁ་གཡར་ཏེ། སྒོ་རྒྱག་རྒྱུ་ཡིན་པ་ནི་དེ་བས་ཀྱང་སྨྲོས་ཅི་དགོས། ངོ་མ་བཤད་ན་ང་ཚོར་སྔར་ཡང་གྱོང་གུན་ཇེ་མང་ཕོག་ཡོད་ལ་དེང་སྐབས་ཀྱང་གྱོང་གུན་ཚབས་ཆེན་ཕོག་དང་ཕོག་མུས་ཡིན། མ་འོངས་པར་ཡང་ང་ཚོར་ཅིི་འདྲའི་གྱོང་གུན་ཆེན་པོ་ཞིག་ཕོག་ཉེན་མི་འདུག་གམ།
འོན་ཀྱང་། ང་ཚོ་ས་མཐའི་ཡུལ་ན་སྔར་རྒྱུན་བཞིན། སྐད་ཤོད་སྟངས་ཇི་འདྲ་ཡིན་ན་ཡང་གཡོལ་ཐབས་ཙམ་གྱི་ངག་རྒྱུན་ཞིག་མ་ཡིན་པར་དོན་དམ་དུ་གཞན་དབང་སྟབས་བསྟུན་ཞེས་པའི་ཐ་སྙད་དེའི་འོག་ཏུ་མགོ་བོ་སྒུར་བཞིན། ཆེ་ས་ནས་ཟས་བཅད་ངོ་རྒོལ་དང་། ཞི་བའི་གོམ་བགྲོད། གྲོང་ཁྱེར་ཆེ་ཁག་ལ་རྔམ་སྟོན་ཁྲོམ་སྐོར། རྒྱ་གཞུང་གི་གཞུང་ཚབ་ཁག་གི་གཡས་གཡོན་དུ་ངར་ངར་ཤོར་ཤོར་གྱི་སྐད་འབོད་བྱ་རྒྱུ། དྲིལ་བསྒྲགས་ཀྱི་ལས་འགུལ་རྒྱ་ཆེ་སྤེལ་རྒྱུ། དེ་མིན་གསོལ་བ་སྨོན་ལམ་འདེབས་པ་དང་། རྗེས་དྲན་མཆོད་འབུལ་བྱས་ཏེ་སྐབས་དེ་དང་དེར་བཏོན་པའི་དགོས་འདུན་དང་། སྐབས་དེ་དེའི་བོད་ནང་གི་ཛ་དྲག་གནས་ཚུལ་ལ་གདུང་སེམས་མཉམ་བསྐྱེད་དང་སྐྱིད་སྡུག་མཉམ་མྱོང་བྱས་པའི་ལོ་རྒྱུས་ཀྱི་རི་མོ་ཙམ་དུ་ཟད།
ང་ཚོས་མི་ལོ་ལྔ་བཅུའི་རིང་བཙན་བྱོལ་ནང་དུ་སྤེལ་བའི་ལས་འགུལ་གྱི་ཁ་གྲངས་བརྩིས་ན་གང་མང་ཞིག་སྤེལ་ཡོད་ན་ཡང་། བོད་མི་རིགས་ཀྱི་རྩ་དོན་ཐོག་གྲུབ་འབྲས་འདི་ཡིན་ཞེས་ཐོན་མེད་པ་དེ་ཅི་ཡིས་ལན་པ་ཡིན་ནམ། གཞན་དབང་སྟབས་བསྟུན་ཟེར་བ་དེ་རང་ལ་ཐུག་པ་རེད་དམ། ཡང་ན་དོན་གྱི་བདག་པོ་གཞིས་ལུས་བོད་རྒྱ་ཆེའི་མི་མང་རྣམས་ཡིན་པའི་རྒྱུ་མཚན་གྱིས་ཡིན་ནམ།
མདོར་ན། ང་དང་ང་འདྲ་བའི་གང་ཟག་མི་ཉུང་བ་ཞིག་གི་ཀླད་པའི་ནང་དུ་དྲི་རྟགས་ཇེ་མང་ནས་ཇེ་མང་དུ་འགྲོ་གིན་འདུག་ལ། འབྱུང་འགྱུར་གྱི་ལམ་ཕྲན་དེ་ནི་ཇེ་རྩུབ་ཇེ་རྩུབ་ཏུ་འགྲོ་རྒྱུ་ཡིན་མ་ཟད། གཡང་གཟར་གྱི་ལམ་འཕྲང་དང་འཇིགས་རུང་གི་འགག་འཕྲང་དེ་དག་ལ་སུས་ཀྱང་འཇིགས་པ་མེད་པར་ཤར་བསྐྱོད་བྱ་རྒྱུ་ཡིན་པ་སྨྲོས་མེད་མ་ཡིན་ནམ།།
རྒྱ་གཞུང་གི་འབྲེལ་ཡོད་མི་སྣས་”ཀྲུང་གོའི་རྒྱལ་ཁབ་ལ་རྨ་ཆུ་རྫོང་བོད་རིགས་སློབ་འབྲིང་ཡོད་དང་མེད་ལ་ཁྱད་པར་སྤུ་ཙམ་མེད་”ཅེས་བཤད་པ་འདིའི་རྒྱབ་ལྗོངས་ནས་ནམ་ཞིག་བོད་མི་རིགས་ཀྱི་རྒྱ་གཞུང་ལ་ངོ་རྒོལ་བྱ་རྒྱུ་དེ་ཛ་དྲག་རྣོ་ངར་ཅན་དུ་རིམ་པར་སོང་ཚེ། ཁོང་ཚོས་ཀྲུང་གོའི་རྒྱལ་ཁབ་ལ་བོད་མི་རིགས་ཟེར་བ་དེ་ཡོད་དང་མེད་ལ་ཁྱད་པར་སྤུ་ཙམ་ཡང་མེད་ཅེས་ཀྱང་ཤོད་སྲིད་པ་ཞིག་མ་རེད་དམ།
སྲིད་གཞུང་གིས་བཀའ་ལྟར། དཀར་མཛེས་ཁུལ་ཁོང་གཏོགས། རྫོང་ཁུལ་རྣམས་སུ་འབྲོག་པ་སྡད་ས་ཁང་པ་གསར་པ་བཟོ་རྒྱུ་གཏན་འཁེལ་ཡོད་འདུག དེ་ཡང་ལམ་ཆེན་གཡས་གཡོན་མིས་དངོས་སུ་མཐོང་སར་བཟོ་དགོས་པ་ལས། དེ་མིན་ལུང་པ་ཁུག་རྐྱོག་རྣམས་སུ་བཟོ་མི་ཆོག་པའི་བཙན་བཀའ་བཏང་འདུག དེས་གང་མཚོན་འདུག་གམ།
རྒྱ་ནག་གི་ལྟ་སྤྱོད་དང་མི་མཐུན་མཁན་ཚང་མ་གསོད་རྒྱུ་རེད་དམ། པན་ཆེན་ཆུང་སྲིད་རིན་པོ་ཆེ་ལྟར་བྱ་བགྱི་རེད། གང་ལྟར་རྩ་མེད་བཟོ་བའི་སྲིད་ཅུས་ཡིན་ས་རེད།
ཞྭ་ནག་ཅན་འདི་རྒྱལ་བ་ཀརྨ་པ་ཡིན་མདོག་སྟོན་པ་ནི་ཡིན་རྒྱུ་མ་རེད་པ། རང་མིང་ཙམ་ཡང་བཤད་མི་ཕོད་པའི་དྲ་གྲོགས་འདི་ཚོ་གང་གིས་ལན་པ་ཡིན་ནམ།
ཞྭ་ནག་པ་བློ་གྲོས་ལགས། ཁྱེད་ཀྱིས་ངའི་ཟིན་བྲིས་ཀྱི་ངོ་སྤྲོད་གཤམ་དུ་དབྱིན་ཡིག་གི་ཁ་བྱང་ཞིག་ཡོད་པ་དེ་དཔར་གློག་བྱས་ཏེ་ཁ་བྱང་རྒྱག་སར་རྒྱོབས་དང་གླེང་མོལ་ཁང་རང་བཞིན་གྱིས་སྒོ་ཕྱེས་འོང་།
གླེང་མོལ་ཁང་གང་ན་ཡོད་རེད། ངས་དྲ་ཚིགས་འདི་ལས་གཞན་པ་ཤེས་ཀི་མེད།ལམ་སྟོན་ཞིག་གནང་རྒྱུ་མཁྱེན།
ང་རྩོམ་པ་པོ་ལོ་ཆུང་ཞིག་ཡིན། སློབ་ཕྲུག་ཅིག་ཡིན། འཛྀན་གྲྭ་བཅུ་པ་ཐོན་པ་ཞིག་ཡིན།ད་ལྟ་གུང་སེང་ཡིན། ང་སྙན་ངག་འབྲི་རྒྱུར་དགའ་པོ་ཡོད། ཡིན་ནའང། ན་ནིང་ནས་མ་དགའ་བ་ཞིག་ཆགས་སོང་། རྒྱུ་མཚན་ནི། ངའི་དགེ་རྒན་གྱིས་སྙན་ངག་བྲིས་ནས་ཆོ་ག་རེ་ཡོད་རེད། དེ་སུས་ཀྱང་འ
བྲི་ཤེས་ཀྱིརེད། དེ་ལས་རྩོམ་བྲིས་ན་ཡག་པོ་ཡོད་པ་རེད་ལབ་སོང་། དེ་ནས་བཟུང་ང་སྙན་ངག་ལ་མོི་དགའ་བ་ཞྀག་བྱས་སོང་། ཡིན་ནའང། ང་སྙན་ངག་པ་ཞིག་ལ་ཐུབ་མ་མྱོང་། དེ་རིང་ཁྱེད་རང་ལ་དེའི་སྐོར་ནས་སྐད་ཆ་ཞིག་བཤད་རྒྱུ་ཡོད་ན་གསུང་རོགས། ཟླ་བ་གཅིག་གི་གུང་སེང་ལ་ངས་སྙན་ངག་སྦྱོང་གི་ཡོད། ཆོ་ཡོད་ན་མེད་ན་ཅིག་སྦྱོང་བསམ་པ་ཡིན།
ཞྭ་ནག་བློ་གྲོས་ལགས། གླེང་མོལ་ཁང་དུ་ཞོག་དང་།་དེ་ནས་ཐུག་ཆོག
ཡོད། ང་དྲ་ཐོག་ན་ཡོད། ཁྱོད་ལ་ག་རེ་ཡོད་ན་ཤོད་དང་།
གནམ་ལྕགས་ལགས།
དྲ་ཐོག་ན་ཡོད་དམ། ཡོད་ནས་ཁོམ་པ་ཡོད་དམ། ཅིག་ཞུ་རྒྱུ་ཡོད།
ཉིས་སྟོང་བརྒྱད་ལོའི་རྗེས་དེར། རྒྱ་ནག་གི་མཁས་པ་དང་ཁྲིམས་རྩོད་པ་ཁག་ཅིག་གིས་སྙན་ཐོ་ཞིག་བཏོན་པ་དེའི་ནང་། ངོ་རྒོལ་ནང་ཞུགས་མཁན་མང་ཆེ་བ་གཞོན་སྐྱེས་རེད། གཞོན་སྐྱེས་དེ་ཚོས་བརྒྱ་ཆ་བརྒྱད་ཅུ་ཟིན་འདུག་ཅེས་བྲིས་འདུག ད་དུང་གཞོན་སྐྱེས་དེ་ཚོར་རང་ཉིད་རྒྱ་ནག་གི་སྤྱི་འབངས་ཡིན་པའི་ཚོར་སེམས་མི་འདུག་ཅེས་བྲིས་འདུག ངོ་མ་ཛ་དྲག་རེད་ཡ། ཡིན་ནའང། ཏང་གིས་དེ་ཁས་ལེན་གྱི་ཡོད་པ་མ་རེད།
བྷིན་ལ་ཌིན་གྱིས་བཤད་པ་བཞིན། བྷིན་ལ་ཌིན་གཅིག་བུ་གཅིག་བསད་མ་བསད་མེད། ཨེ་རག་གི་ལུང་བ་ཚང་མ་བྷིན་ལ་ཌིན་གྱིས་ཁེངས་ཡོད་ཟེར་བ་ལྟར་བོད་པའི་ཕྲུ་གུ་ཚོ་བཙོན་དུ་བཅུག་སྟེ་ཁ་བྲལ་བའི་སྟོབས་ཤུགས་ཉམ་དམས་སུ་གཏོང་བ་ནི་འུ་ཐུག་པའི་རྟགས་རེད། བཅུ་ཁྲིམས་ཁང་དུ་བཅུག་ན་སང་ཉིན་ཉི་ཤུ་ཡོང་གི་མ་རེད་དམ།