དཔལ་༧རྒྱལ་དབང་ཀརྨ་པ་མཆོག་གི་ཡུ་རོབ་ཆིབས་སྒྱུར་ལ་རྒྱབ་སྐྱོར་གྱི་ལས་འགུལ།

སྒོམ་སྡེ་ལྷ་རམས་པ་ལགས། ཁྱེད་ཀྱི་གནས་ལུགས་གསལ་པོ་མ་བཟོ་བར་མི་ཀུན་ལ་དེ་འདྲ་བཤད་ན་ཕན་ཐོག་མེད་པའི་སྒང་ཀ་རྨ་པ་རིན་པོ་ཆེ་ཡི་མཚན་སྙན་ལ་གནོད་པ་མཐོང་། ངས་ཞུས་དོན་རིན་པོ་དང་ཐོག་བོད་ནས་ཚུལ་ཕེབས་དུས་ཡུ་རོབ་ལ་འགྲོ་ཐུབ་ན་བསམ་པ་འདི་ཡིན་རྒྱུ་མ་རེད། ཁོང་ཡུ་རོབ་ཕེབས་ཐུབ་ན་དངུལ་རག་པ་ངས་ཤེས་ཀྱི་ཡོད། འོན་ཀྱང་ཁོང་དངུལ་སྒྲུབ་མཁན་གྱི་བླ་མའི་ཡང་སྲིད་མ་རེད་ལ། བོད་མི་སྤྱི་དང་ཡང་སྒོས་ཀ་རྨ་བཀའ་བརྒྱུད་པའི་ཆོས་ལ་དད་པ་ཡོད་མཁན་ཚང་མས་དེ་འདྲ་བསམ་ཀྱི་མ་རེད་ཅེས་ངས་གསལ་པོ་བཤད་ནུས། དེས་ན་ཁོང་རྒྱ་གར་ནང་བཞུགས་ཏེ་ཆོས་ཕྱོགས་སློབ་གཉེར་བྱེད་པའི་གོ་སྐབས་དོར་ཏེ་དངུལ་ཀྱང་རྗེས་སུ་ཕེབས་དགོས་བཟོ་བར་མཐོང་འདོད་མེད། རྒྱུ་མཚན་ནི་ད་དངུལ་རག་ཐབ་བྱེད་ཏེ་ཆོས་པ་གཞན་དང་མི་རིགས་དང་འགྲན་ནུས་ཀྱི་མ་རེད་ལ་དེ་འདྲ་འགྱོན་གི་ཡང་མ་རེད

མཚུངས་མེད་གྲོགས་པོ་རྣམས་པ་ལ་ཞུ་རྒྱུ། ད་བར་ང་ཚོ་ནང་ཁུལ་ཆགས་སྡང་ཁོ་ན་དབང་གི་རྒྱལ་ཁབ་མིའི་དབང་དུ་ཤོར་བ་ཤེས་དགོས། ༧རྒྱལ་བ་ཀརྨ་པ་མཆོག་བོད་མི་དང་ནང་པའི་བླ་ཆེན་ཞིག་ཀྱང་ཡིན། དེ་སྐོར་མང་པོ་གསུང་ན་བོད་མི་ཙམ་མ་ཟད་ནང་པ་མང་པོ་ལ་ཕོག་སྲིད་པའི་དེ་ལུགས་ཐུགས་ཟབ་གནང་དགོས།

རྒྱ་གར་གཞུང་གིས་རྒྱ་ནག་གི་མདུན་དུ་ག་དུས་ཡིན་ཡང་ཙི་ཙི་ནང་བཞིན་བྱེད་དགོས་དོན་ག་རེ་ཡིན་ནམ།

ང་ཚོས་བོད་ནང་གི་སྲིད་དོན་བཙོན་པ་མང་པོ་ཞིག་བཙོན་གྲོལ་གཏོང་དགོས་ཞེས་རྟག་ཏུ་སྐད་རྒྱག་གི་ཡོད་རེད། འོན་ཀྱང་ང་ཚོའི་མིག་གི་མདུན་དུ་རང་དབང་ལུང་པའི་ནང་ཤིན་ཏུ་གལ་ཆེ་བའི་ང་ཚོའི་བླ་ཆེན་ཞིག་རྒྱ་གར་གཞུང་གིས་བཟང་བཙོན་ལ་ཉར་བར་དོ་སྣང་ཅི་ཡང་མེད་པ་འདི་ག་རེ་རེད།

༸རྒྱལ་དབང་ཀརྨ་པ་མཆོག་ནི་བོད་མི་ཡོངས་ཀྱིས་རེ་ལྟོས་བྱེད་ས་ཆེ་ཤོས་ཤིག་ཡིན་པས་ཁོང་གི་སྐུ་ཡོན་དང་ཕྱག་ལས་གང་ཐད་ལ་འུ་ཚོ་ཚང་མས་ཞབས་ཞུ་ཅི་འགྲུབ་བྱེད་དགོས། དེ་ཡང་ཁོང་གཅིག་པུའི་ཆེད་དུ་མ་ཡིན་པར་བོད་མི་ཡོངས་དང་བོད་ཀྱི་གནད་དོན་གྱི་ཆེད་དུ་ཡིན། ད་སྐབས་བོད་ཀྱི་གནད་དོན་འདི་ཡང་དམ་པའི་ཆོས་དང་འབྲེལ་བ་ཆེན་པོ་ཆགས་ཡོད་སྟབས། ཁོང་རང་ཉིད་ཡང་ཆོས་ཀྱི་དབུ་ཁྲིད་ཅིག་ཡིན་པས་འགན་འཁྲི་འདི་དག་རང་བཞིན་གྱིས་ཕྲག་ཐོག་ཏུ་འབབ་ཡོང་གི་ཡོད།

ཀརྨ་པ་ལ་དམིགས་བསལ་མི་དད་དང་མི་དད་པ་སོགས་ཅི་ཡང་མེད་མོད། གང་ལྟར་ཡང་འདིར་རྗེས་འཇུག་པ་ཚོས་ཀརྨ་པ་ལ་དད་གུས་མ་བྱས་ཚེ་ཡག་པོ་འོངས་རྒྱུ་མིན་པའི་འཇིགས་སྐུལ་བྱས་ཚེ་བདག་གི་དད་པ་ཕྲན་བུ་དེ་ཡང་བཟླག་འགྲོ་གྱིན་འདུག དེ་མ་ཟད་གོང་མཆོག་དང་གཅིག་མཚུངས་ཡིན་ཚུལ་གྱི་ཧམ་བཤད་འདི་མཐོང་ཚེ་གད་མོ་ཤོར་གྱིན་འདུག སྤྱིར་བོད་སྐྱབས་བཅོས་པ་སུ་ཞིག་ཡིནའང་རང་རང་སོ་སོ་དཀའ་ངལ་མང་པོ་ཕྲན་མྱོང་ལ་ཕྲད་གྱིན་ཡོད། འདི་ལྟ་བུའི་མཆོག་ཆན་མ་ཐོབ་པའི་དཀའ་ངལ་ཙམ་མ་བཟོད་པར་བོད་མི་ཡོངས་ལ་སྡུག་ཡུ་འདོན་རྒྱུ་འདི་ལ་ངོ་རྒོལ་མཐའ་གཅིག་ཏུ་ཡོད།
འདི་སྲིད་དབང་གཅིག་སྡུད་ལམ་ལུགས་ཀྱི་སྐད་ཆ་ཞིག་རེད།

བཀྲ་ཤིས་ལགས །
ངའི་མཆན་འདི་ལ་འགྲེལ་བ་ཡང་འགྲེལ་ཅི་ལྟར་བྱེད་ན་དེ་ཁྱེད་རང་གི་ཞེ་འདོན་རང་ལ་ཐུག་ཡོད །བསམ་ཚུལ་འདི་གནས་ལུགས་གཞི་ལ་བཞག་ནས་འབྲི་སྲོལ་རང་རེད ། ཀརྨ་པ་ལ་རེ་བ་དེ་ཙམ་མེད་རྒྱུ་མཚན་ནི་ཁོ་རྩོད་གཞི་ཅན་གྱི་མི་ཞིག་ཡིན་པ་ཤེས་དགོས

སྒོམ་སྡེ་ལྷ་རམས་པ་ཁྱོད་དེ་ཙམ་བློ་ཕམ་གནང་དགོས་དོན་མེད་ཀརྨ་པ་ད་ལྟ་དགུང་ལོ་ཧ་ཅང་གཞོན་གཞོན་རེད་བྱས་ཙམ་ད་ལྟ་གསན་བསམ་མཐར་ཕྱིན་པ་ཞིག་གནང་ན་བསྟན་འགྲོ་སྨིན་པའི་མཛད་ཕྲིན་རིམ་པ་རྒྱས་ཆོག

བོད་པས་སྤྲུལ་སྐུ་ངོས་འཛིན་ལུགས་འདི་དོན་དངོས་ལ་རྒྱུ་མཚན་ཅི་ཡང་ལྟོན་མི་དགོས་པར་ཆབ་སྲིད་ཀྱི་ལས་་ཀརང་ཡིན་པ་དཔེར་ན། སྟོགས་ལགས་ཀྱིས་བཤད་པ་ནང་བཞིན་རེད།

སྟོབས་ལགས་ཀྱི་གཏམ་དེ་ཁེ་མཚར་འདུག ང་ཡིན་་ན་ཀརྨ་པ་ལ་དད་པ་་དང་དད་ལོག་གཉིས་ཀ་མེད་དེ་ཡིན་ན་ཡང་སྟོབས་ཟེར་་བའི་སྐད་ཆ་འདི་གོ་དུས་སྐྱུགས་ལོག་གི་འདུག ད་་གང་ལྟར་ཡང་ཀརྨ་པས་ཏཱ་ལའི་བླ་མ་ལ་མཐའ་གཅིག་ཏུ་བརྩི་བཀུར་མ་བྱས་ཚེ་ཡག་པོ་ཡོང་རྒྱུ་མིན་པའི་འཇིགས་སྐུལ་བྱས་པ་མ་རེད་པས། གལ་ཏེ་ཀརྨ་པ་རྒྱ་གར་དུ་མ་ཕེབས་ན་ཞཱ་དམར་ཀརྨ་པ་ལ་གོ་སྐབས་སྤྲད་ཚར་ཡོད་མདོག་ཁ་བོ་མ་རེད་པས། ཁྱེད་ཚོས་གཏམ་ལ་ལྟོས་དང་།

ཀརྨ་པ་ལ་མ་འོང་པའི་འདམས་ཁ་མང་པོ་མེད་རང་ཉིད་མ་འོང་མདུན་ལམ་ཆེད་དམིགས་གཙུག་ཏུ་བཀུར་བའི་མདུན་སྐྱོད་བྱེད་མཁན་ཞིག་ཡིན་ན་ཡོད་ཚད་༧་གོང་ས་མཆོག་ལ་ཁ་ཞེ་གཉིས་མེད་ཀྱིས་བློ་གཏད་བྱེད་རྒྱུ་དེ་རེད ། དེ་ལས་གཡོ་གཟུར་རེ་ཤོར་ན་ཀརྨ་པ་མིང་ཅན་རྫ་ཆུའི་འབྲོག་ཕྲུག་དེ་ལ་གོ་སྐབས་པ་དང་སྤྲད་གཅིག་མཚུངས་ཡིན །

ཕྱི་ལོ་ ༢༠༠༨ ལོར་བོད་ཆོལ་ཆ་གསུམ་གྱི་མི་མང་གིས་གཅེས་པའི་ཚེ་སྲོག་འབེན་ལ་བཞག་ནས་རྒྱ་ལ་ཞི་རྒོལ་བྱས་པ་རེད། བཙན་བྱོལ་གཞུང་མང་གཉིས་ཀྱིས་བྱེད་རྒྱུ་མེད་ན་མ་གཏོགས་བྱས་པ་རེད། ལོ་དེར་བོད་ཀྱི་བླ་ཆེན་ས་སྐྱ་གོང་མ་སྒྲོལ་མ་ཕོ་བྲང་པས་བོད་མི་མང་དང་ལྷན་དུ་སྐྱིད་སྡུག་མཉམ་གཤིབ་ཀྱིས་རྡེ་ར་རྡུན་ཁུལ་དུ་མི་མང་གིས་དབུ་ཁྲིད་ནས་གོམས་བགྲོད་གནང་བ་རེད། ལོ་དེར་དེ་མིན་བོད་ཀྱི་བླ་ཆེན་ཚོས་བོད་མི་མང་དང་སྐྱིད་སྡུག་མཉམ་གཤིབ་ཀྱི་འདི་བྱས་རབས་གོ་རྒྱུ་མི་འདུག ལོ་དེའི་ཕྱི་ཟླ་ ༥ ནང་པའི་ཀརྨ་པ་མཆོག་ཨ་རིར་ཕེབས་པ་རེད། བོད་མི་ཚོས་ཀརྨ་པ་མཆོག་གིས་བོད་ཀྱི་དུས་ཚོད་སྡུག་ཤོས་ཀྱི་སྐབས་དེར་བོད་དོན་གྱི་སྐོར་ལ་གཅིག་གསུངས་ཡོང་བསམ་ནས་རེ་སྒུག་ཆེན་པོ་བྱས་པ་རེད། མཇུག་དེར་ཨ་རིར་ཕེབས་སྐབས་གང་ཡང་གསུང་ཡོད་མ་རེད།

འདི་ནས་གྲོས་འདེབས་ཞུ་རྒྱུར། དཱ་བླ་ཆེན་ཚོར་རེ་བ་བྱེད་རྒྱུ་འདི་ཤུགས་ཆེ་དྲག་ན་ཡག་པོ་འདུག་བསམ་གྱི་ཡོད།

དཔལ་༧རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་ཐོག་མ་བོད་ནང་མ་བཞུགས་པར་རྒྱ་གར་ཕེབས་དགོས་དོན་ཨ་རེའི་དང་ཡུ་རོབ་ཁག་ཏུ་ཆིབས་སྒྱུར་གནང་ཐུབ་ན་བསམ་པ་འདི་ཡིན་རྒྱུ་མ་རེད། འདི་ཕལ་ཆེར་གསལ་པོ་ཞུས་ན་ཁོང་གིས་ཞབས་ཞུ་བའི་འཆར་བཀོད་གཅིག་ཡིན་ངེས། སྤྱིར་བསྟན་འགྲོའི་དོན་མཛད་པར་ངེས་པར་འབྱོར་ལྡན་རྒྱལ་ཁབ་ནང་ཕེབས་ཐུབ་པའི་རེ་བ་མ་བྱེད་པར་དབུས་ཕོང་ཉམས་ཐག་རྒྱལ་ཁབ་དཔེ་ན་བལ་པོ་སོགས་སུ་ཡང་ཡང་ཕེབས་ཏེ་བསྟན་འགྲོའི་དོན་བྱེད་དགོས་ཀྱི་བསམ་ཀྱི་ཡོད། གལ་སྲིད་དཔལ་༧རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་བོད་གཞུང་གི་བཀའ་བློན་ཁྲི་པར་ཕེབས་པ་ཡིན་ན་ཆབ་སྲིད་གྱི་དོན་དུ་ཕྱོགས་ག་སར་ཕེབས་མ་ཐུབ་ན་ཆིབས་སྒྱུར་ལ་རྒྱབ་སྐྱོར་གྱི་ལས་འགུལ་སྤེལ་དགོས་པར་དོན་དངོས་ཀྱི་སྐད་ཆ་གཅིག་རེད་བསམ།

སྤྱིར་བཏང་བོད་པའི་བླ་ཆེ་ཁག་བསྟན་འགྲོའི་དོན་དུ་མི་རིགས་དང་རྒྱལ་ཁབ་དབྱེ་འབྱེད་མེད་པ་ཡུལ་ཕྱོགས་གང་སར་ཕེབས་དགོས་པ་འདི་ནི་དངོས་ཡོད་ཀྱི་གནས་སྟངས་ཤིག་རེད་།
འོན་ཀྱང་དེང་སང་ཕྱག་མཛོད་དང་དེ་བཞིན་མི་སྣ་འགས་བླ་ཆེན་ཁག་ཕྱིར་ཕེབས་ཆོག་པའི་ཕྱག་ཁྱེར་མ་རག་གོང་ནས་རྒྱལ་ཁབ་འདི་དང་ས་གནས་འདིར་ཕེབས་རྒྱུ་རེད་ཟེར་ནས་གསལ་སྒྲགས་སྔོན་དུ་བྱེད་པ་འདིས་་་་རྐྱེན་པས་དད་ལྡན་གྱི་མི་སྣ་མང་པོ་ཞིག་ལ་བློ་ཡིད་མི་བདེ་བའི་དཀའ་ངལ་འཕྲད་བཞིན་ཡོད་པ་འདི་ནི་བདེན་དོན་ཞིག་ཡིན་པས་་་་་འབྲེལ་ཡོད་ཀྱི་མི་སྣ་དག་གིས་དགོངས་བཞེས་རེ་གནང་རོགས་ཞུ་འདོད་བྱུང་།

ཀརྨ་པ་རྒྱ་གར་གཞུང་གི་ཕྱི་བསྐྱོད་ཆོག་ཆེན་མ་སྤྲད་པ་དེ་བློ་ཕམ་གྱི་གནས་ཚུལ་རེད། ཡིན་ནས་ཀརྨ་པ་ལ་རྒྱ་གར་གཞུང་གིས་སྡེ་སྲུང་ཐད་ནས་དོ་དམ་བྱེད་པ་ལ་བློ་ཕམ་ངོ་ནས་་་་་་་་་་་་་་”གལ་ཏེ་འདི་སྲུང་སྐྱོབ་ཀྱིས་ཡིན་ན་༸གོང་ས་མཆོག་ལའང་གཅིག་མཚུངས་ཞུ་དགོས་པ་ལས་”་ ཞེས་འཁོད་པ་དེ་ནི་ཧ་ཅང་གི་ཡ་མཚན་རེད། ༸གོང་ས་མཆོག་གི་མཛད་འཕྲིན་ད་བར་བོད་མི་སྤྱི་ཡོངས་ཀྱི་ཆེད་དུ་རང་གནང་པ་རེད་ལ་མུ་འཐུད་བྱེད་བཞིན་ཡོད། འཛམ་གླིང་རྒྱབ་ཁབ་མང་ཆེ་བ་ལ་དབུ་འཁྲིད་དང་མི་སྣ་འགལ་ཆེན་ཞིག་ལ་རྩི་སྲུང་བྱེད་ཀྱི་ཡོད། དེ་ནི་དངོས་ཡོད་གནས་ཚུལ་རེད། ཀརྨ་པ་སྐུ་ཐོག་གོང་མ་ལ་ཆ་བཞག་ན་རང་ཉིད་དགོན་པ་ཡར་རྒྱས་དང་ཕྱི་རྒྱལ་དུ་ཆོས་ཚོགས་བཙུགས་པ་ལ་མི་རིགས་ཤིག་གི་དབུ་འཁྲིད་དང་མི་སྣ་འགལ་ཆེན་ཞིག་དང་ངོས་འཛིན་བྱུང་མེད། གང་བྱུང་བ་དེ་ནི་ཆོས་ཕྱོགས་ཁོ་ན་རེད། དེར་རྟེན་་་་་༸གོང་ས་མཆོག་དང་ཀརྨ་པ་གཉིས་གཅིག་མཚུངས་ཞུ་དགོས་པ་ཞེས་བྲིས་པ་དེ་ནི་ཧམ་ཆེན་དང་༸གོང་ས་མཆོག་གིས་བོད་མི་རིགས་ཀྱི་དོན་དུ་མཛད་འཕྲིན་དང་སྐུ་ལས་ལ་མ་རྩིས་པའམ་མ་ཤེས་པའི་དོན་རེད།

༸རྒྱལ་དབང་ཀརྨ་པ་མཆོག་ད་སྐབས་ཕྱི་ཕྱོགས་སུ་ཕེབས་རྒྱུ་ནི་དེ་ཙམ་གལ་མི་ཆེ། ད་ལྟ་སྐུ་ན་གཞོན་སྐབས་གཙོ་བོ་ནང་དོན་རིག་པས་མཚོན་པའི་ཤེས་བྱའི་ཡོན་ཏན་ལ་སྦྱང་བརྩོན་གནང་རྒྱུ་ནི་ཆེ་བས་ཀྱང་གལ་ཆེ། ས་པཎ་གྱིས། མཁས་པ་སློབ་པའི་དུས་ན་སྡུག །བདེ་བར་སྡོད་ལ་མཁས་མི་སྲིད། །བདེ་བ་ཆུང་ལ་ཆགས་པ་ཡིས། །ཆེན་པོའི་བདེ་བ་ཐོབ་མི་སྲིད། །

མ་གཞི་དྲ་རྒྱ་ཟེར་བ་དེ་ངས་པར་སྲིན་མོ་ཟ་ལམ་ཆེན་མོ་ཟེར་བ་དེ་འདྲ་ཞིག་རེད། ཁ་ལ་བདག་བཟུང་མེད་པའི་མི་ཤ་སྟག་གིས་གང་ནས་འདུག དེ་ལ་བསམ་ན་ཡི་ཆད་པ་དང་སྐྱུགས་བྲོ་བའི་ཚོར་བ་དང་བཅས་རང་ཉིད་ཀྱང་དེར་འཇུག་པ་དེ་བྱབས་ཆུང་ཞིག་མིན་ནམས་ཡང་སྙམ།
ཡང་ང་ཚོའི་སྐད་ཡིག་དང་རིག་གཞུང་འདིའི་སྲོག་རྩ་ད་ཆ་རྡ་འཕྲིན་གྱི་ལམ་ལ་ནན་གྱིས་ཞུགས་ཟིན་པའི་ཆ་ནས་ཅུང་རེ་ཡིན་ན་ཡང་ཁྱིམ་གཞིན་འདིར་ཡོང་ནས་ལས་དབང་གཅིག་པ་དག་དང་ཁ་བརྡ་རེ་བཤད་འདོད་པའང་བློས་མ་ཐོངས།
ད་གང་བྱེད།
ངའི་རེ་བ་ལ་ཀརྨ་པ་མཆོག་ངེས་པར་ཡོ་རོབ་ལ་གང་མགྱོགས་ཕེབས་ཐུབ་པའི་རྒྱབ་སྐྱོར་ཞུ་དང་ཞུ།
ལར་ང་ཚོར་སྐྱབས་མགོན་རིན་པོ་ཆེའི་རྗེས་སུ་ང་ཚོར་རྒྱལ་སྤྱིའི་ཆེ་མཐོང་ཡོད་པའི་སྐྱེས་བུ་ཞིག་ཅིས་ཀྱང་མཁོ་གལ་ཆེན་པོ་ཡིན་པ་འདི་མ་བརྗེད་རོགས།
ཀརྨ་པ་དང་འབྲེལ་བའི་རྙོག་འཛིངས་ཆེ་བའི་བརྗོད་གཞི་རྙིང་བ་དེ་དག་དང་ང་འབྲེལ་གང་ཡང་མེད་ན་ཡང་། ངས་ཐད་ཀ་ཐད་ཀའི་བཅོས་མིན་གྱི་ཚོར་སྣང་ལ་ཁོང་ནི་ང་ཚོ་གཞོན་སྐྱེས་རྣམས་ལ་དགོས་མཁོ་ཡོད་པའི་མི་ཞིག་རེད། ང་ལ་མི་དེ་འདྲ་དགོས་ཀྱི་ཡོད།
དེས་ན་ཁྱེད་རྣམ་པས་མ་མཐའ་ཡང་ཁོང་གིས་རྒྱལ་བ་རིན་པོ་ཆེར་འགྲན་གྱི་འདུག་མ་ཞུ་རོགས། ངས་ས་སྟོང་ནས་ཞུ་བ་འཐེན་གྱིན་ཡོད།
འོན་ཀྱང་ཞོར་དུ་ངེས་པར་ངེས་དགོས་པ་ཞིག་ལ་རྒྱལ་བ་རིན་པོ་ཆེ་ཨ་རིར་ཕེབས་འདུན་གནང་བ་ནས་ཕེབས་པའི་བར་ལ་ལོ་ཉི་ཤུ་ལྷག་ཅིག་སོང་ཡོད། སྐྱབས་བཅོལ་དུ་ཕེབས་ནས་ཕྱི་ལ་ཕེབས་ཆོག་པའི་བར་དུ་ཡང་ལོ་ཧ་ཅང་མང་པོ་སྒུགས་དགོས་བྱུང་ཡོད། དེའི་སྐབས་ཁོང་རི་བོ་རྡོ་ལ་བརྡར་གྱི་ཡང་རྩེ་ནས་འཁྱགས་ཤུད་ཀློད་ནས་ཉི་མ་བསྐྱལ་བ་ཡང་གང་འཚམས་བྱུང་ཡོད། དེ་ཚང་མ་ཤེས་ན་ངང་ཐུང་མི་དགོས།
མ་ཟད་བོད་གཞུང་ལ་ཡང་ཁ་གཏོང་མི་དགོས།
ད་ལྟ་ཀརྨ་པའི་རང་རྟོགས་དང་སློབ་སྦྱོང་གི་གོ་སྐབས་འདི་རྩ་ཆེན་པོ་དང་ཚད་མཐོན་པོ་རེད། ཁོང་གི་ཉེ་འཁོར་རྣམས་ཀྱིས་ཀྱང་དེ་ཙམ་ཙོབ་དགོས་དོན་མེད། རྨངས་གཞི་འཕྱུགས་ཀྱིན་མི་འདུག
ང་འཛིན་གྲར་རྗེས་ལུས་ཐེབས་སོང་དགོངས་དག་ཞུས་དག་བྱས་མེད།

ཁ་སྔོན་མཚུར་ཕུ་བླ་བྲང་ཅུང་ཟད་རྒྱུས་མངའ་ཡོད་མཁན་གྲོགས་པོ་ཞིག་ལ་སྐད་ཆ་བཤད་པར། མཚུར་ཕུ་བླ་བྲང་ལ་རྒྱ་གར་དཔོན་རིགས་ཁག་དང་འབྲེལ་བ་བྱེད་ཐུབ་མཁན་མི་སྣ་དེ་འདྲ་མེད་དམ་དྲི་དུས། ཁོང་གིས་གསུང་དོན་བསོད་ནམས་ཟེར་བ་ཞིག་ལྡི་ལིར་རྟག་པར་སྡད་ཡོད་ཀྱང་དེ་ནི་མཚུར་ཕུ་བླ་བྲང་གི་ཟ་འདྲེ་རང་ཡིན་ས་རེད། སྒོར་མོ་ཟ་རྒྱུ་ལས་ལས་ཀ་འདི་ཡིན་ཞིག་པ་གང་ཡང་ཡོད་ཚོད་མི་འདུག་གསུང་། དེས་ན་ཀརྨ་པས་སློབ་སྦྱོང་གནང་རྒྱུའི་དུས་ཡིན་པ་ལས། མཛད་འཕྲིན་བསྐྱང་རྒྱུའི་དུས་རེད་མི་འདུག བླ་མ་དགོས་པ་ཤེས་ཡོན་དང་ཉམས་རྟོགས་རེད། ཤེས་ཡོན་ཧུར་བརྩོན་གནང་རོགས་ཞུ། དགོངས་འགལ་མེད་པར་ཞུ།།

ནམ་ཡིན་ཡང་དཀའ་ངལ་ཕར་མ་ཞིག་འཕྲད་བཞིན་པ་དག་ནི་བོད་པའི་སྤྲུལ་སྐུ་ཚོ་རེད་འདུག རྒྱ་ནག་ནང་བཤད་མ་དགོས་པ་རེད། རྒྱ་གར་ལྟ་བུའི་རང་དབང་གི་ལུང་པ་འདིའི་ནང་དཀའ་ངལ་མི་ཉུང་པ་ཞིག་འཕྲད་བཞིན་འདུག ཆེ་སའི་དཀའ་ངལ་ཚང་མས་མཁྱེན་གསལ་རེད། ཆུང་སའི་དཀའ་ངལ་འདི་ཡང་ཆེ་སའི་དཀའ་ངལ་གྱི་ལྡོག་ཚིག་གཅིག་མ་རེད་དམ། འདི་དག་ཐམས་ཅད་ཀྱི་ངོ་བོ་གཅིག་མཚུངས་ཀྱི་དཀའ་ངལ་རེད། དཀའ་ངལ་འདི་ནམ་ཡིན་ཡང་དཀའ་ངལ་གྱིས་གདོང་ལེན་བྱེད་རྒྱུ་མ་གཏོགས་བདེ་བ་ཡིས་གདོང་ལེན་བྱ་མི་ཐུབ། འདི་འཇིག་རྟེན་སྤྱི་མཚུངས་ཀྱི་ཆབ་སྲིད་དེའི་གཡོ་ཇུས་ཁོ་ན་རེད། གཡོ་ཇུས་འདི་དཀའ་ངལ་གྱིས་གདོང་ལེན་བྱེད་མཁན་གྱི་མི་ཡང་བོད་མི་མ་རེད་དམ། བོད་མི་མི་རིགས་ཀྱི་མིང་འཁུར་མཁན་ཞིག་ཡིན་པའི་ཆ་ནས་དེའི་ཕྱོགས་ལ་རྒྱབ་སྐྱོར་བྱས་ན་འོས་པ་ཞིག་རེད། དཀའ་ངལ་ལས་ཐར་བའི་མི་རིགས་དེ་ཡིས་ནམ་ཡང་རྒྱལ་ཁ་ལེན་ཐག་གཅོད་རེད།

འདིར་སྒོམ་སྡེ་ལྷ་རམས་པས་གསར་གྱུར་མཁོ་སྤྲོད་ནང་དུ།
ད་སྐབས་འདིར་ཀརྨ་པ་ཕྱི་རྒྱལ་ལ་ཕེབས་མ་ཐུབ་པའི་སྐོར་ལ་བསམ་འཆར་ཞིག་བཀོད་ཡོད་པ་འདིའི་ནང་ལ་འདི་ལྟར་བྲིས་འདུག་ལ་ ༼ གལ་ཏེ་འདི་སྲུང་སྐྱོབ་ཀྱིས་ཡིན་ན་༸གོང་ས་མཆོག་ལའང་གཅིག་མཚུངས་ཞུ་དགོས་པ་ལས། ཁོང་སྙན་གྲགས་ཆེ་དྲགས་ནས་དེ་ཞུ་ཐུབ་ཀྱི་མི་འདུག ༽ བསམ་འཆར་འདི་ཁྱེད་རང་གིས་ཀརྨ་པ་ཕྱི་རྒྱལ་ལ་ཕེབས་མ་ཐུབ་ན་༧གོང་ས་མཆོག་ལའང་གཅིག་མཚུངས་དགོས་ཞེས་པའི་དོན་ཡིན་ནམ།
ཡང་འདི་ལྟར་བྲིས་ཡོད་ལ ༼ ད་རེས་ཀྱི་དོན་རྐྱེན་འདི་ཆོས་ཕྱོགས་ཀྱི་གནད་དོན་ཙམ་མ་ཡིན་པར། བོད་ཀྱི་ཆབ་སྲིད་ཀྱི་གནད་དོན་དང་ཡང་འབྲེལ་བ་ཆགས་ཡོད་པས།༽ སྤྱིར་དེང་སང་བོད་ཀྱི་བླ་མ་ཚོའི་བོད་མའི་རང་དབང་འཕྲོགས་སོང་ཞེས་བསམ་འཆར་འདོན་སྐབས་ཞིག་རེད་མ་གཏོགས། བོད་ཀྱི་བླ་མ་ཚོའི་ཆབ་སྲིད་ཀྱིས་བོད་དོན་ཞིག་སྒྲུབ་རབ་བོད་མི་རང་གི་ཡང་ཁས་ལེན་གྱིན་མེད་ན། བླ་རྒན་ཚོ་ཅིའི་ཕྱིར་ན་ཆབ་སྲིད་ཀྱིད་ཆེད་ཕྱི་རྒྱལ་ལ་འགྲོ། སྤྱིར་བཀའ་བརྒྱུད་བླ་མ་གོང་ཚོ་ཕྱི་རྒྱལ་ཕེབས་ནས་སངས་རྒྱས་མ་རེད། རྩེ་གཅིག་ཏུ་རི་ཁྲོད་སོགས་ནས་བླ་མའི་མན་ངག་བསྒོམས་ནས་སངས་རྒྱས་རེད། དེས་ན་ཕྱི་རྒྱལ་ལ་ཕེབས་དགོས་པའི་རྒྱུ་མཚན་མ་མཐོང་ལགས།

ད་རེས་ཀྱི་petitionསྙན་ཞུའི་རེ་སྐུལ་འདི་དང་སྦྲགས། ང་ཚོས་རྒྱ་གར་གཞུང་ལ། རྒྱ་དཀར་ནག བོད་ཕྱི་ནང་། ཧི་མ་ལ་ཡའི་རི་བརྒྱུད་ཀྱི་བོད་རིགས་ཡོངས་རྫོགས། འབྲུག་བལ། དེ་བཞིན་འཛམ་གླིང་ཡུལ་གྲུ་༧༠ལྷག་ཙམ་ནང་ཁོང་ལ་དད་ལྡན་རྗེས་འཇུག་ས་ཡ་མང་པོ་ཡོད་པའི་དཔེ་མཚོན་ཆུང་ཙམ་ཞིག་སྟོན་ཐུབ་པ་ཡིན་ན། སླན་ཆད་ཁོང་ལ་དམ་བསྒྲགས་བྱ་རྒྱུ་དེ་ལྷོད་དུ་འགྲོ་སྲིད་པ་ཡིན་པས། དེ་ལུགས་དགོངས་འཇགས་ཀྱི་གཤམ་གསལ་དྲ་རྒྱར་ཕེབས་ཏེ་རེ་སྐུལ་དང་བསམ་ཚུལ་ལྷུག་པོར་གསུང་རོགས།

http://www.gopetition.com/online/35419/sign.htmlFree

སྒོམ་སྡེ་ལྷ་རམས་པ་ལགས། ནང་མ་རུལ་བ་ཡིན་ན་དཔེ་ཡག་པོ་རེད། བོད་མཐའ་ངན་འདི་འདྲར་བསླེབས་ཚུལ་ལ་ཕྱི་བལྟས་ཤིག་བྱས་ན་རྩ་བ་ནང་རུལ་བ་ལ་ཐུག་པ་གསལ་པོ་རེད། གལ་སྲིད་ཕྱི་རྐྱང་པ་ཡིན་ན་སྔ་ཕྱི་མ་གཏོགས་འཁྲོལ་ཐུབ་པའི་གནས་སྟངས་ཤིག་ལ་ངོས་འཛིན་བྱས་ན་འགྲིག་གི་རེད།

བསྟན་འཛིན་ལགས།
ཁྱེད་ནས་༼དྷ་སའི་སྐུ་ངོ་ཁ་ཤས་ཤིག་ཁོག་རུལ་བའི་ངན་ཇུས་ཡིན་ནའང་འདྲ།༽ཞེས་གསུངས་པ་ནི་ཁུངས་མེད་ཀྱི་འོལ་ཚོད་རང་རེད། སྲིད་ཇུས་དེ་རྒྱ་ནག་གིས་གནོན་ཤུགས་ཡིན་པ་གསལ་པོ་རེད། ༸གོང་མཆོག་འཛམ་གླིང་ནང་མཚན་སྙན་དང་ཤུགས་རྐྱེན་ཤིན་ཏུ་ཆེ་བའི་གལ་ཆེའི་མི་སྣ་ཞིག་ལ་སོང་། ཁོང་ཚོས་བཀོད་འདོམས་བྱེད་མ་ཐུབ་པ་ཙམ་ལས། གལ་ཏེ་རྒྱ་གར་གཞུང་ལ་ནུས་པ་ཡོད་ན་ངེས་པར་ལག་བསྟར་དེ་རང་བྱ་རྒྱུ་ཟུར་བལྟས་ལེབ་མཐོང་རེད།

རྒྱ་གར་གཞུང་ནས་རྒྱ་དམར་ལ་སྤྲེལ་ལད་འཁྲབ་པའམ། དྷ་སའི་སྐུ་ངོ་ཁ་ཤས་ཤིག་ཁོག་རུལ་བའི་ངན་ཇུས་ཡིན་ནའང་འདྲ། གང་ལྟར་ང་ཚོ་བོད་མི་རིགས་ལ་ཞབས་འདེགས་ཞུ་ཐུབ་པའི་རེ་བ་ཡོད་ས་ཁོང་ཡར་མར་གང་དུའང་ཕེབས་བཞུགས་མི་ཆོག་པ་འདི་སྤྱི་སྒེར་གཉི་གའི་གྱོང་གུད་ཆེན་པོ་ཞིག་རེད། དེར་བརྟེན་དངོས་གནས་ད་ལྟ་དང་མ་འོངས་པའི་བོད་དོན་ལ་བསམ་གཞིག་བྱ་མཁན་ཚོས་ཁོང་ལ་རོགས་རམ་ཞུ་དགོས་ཀྱི་འདུག །

ཀརྨ་པ་མཆོག་ནི་བོད་ཀྱི་ཆོས་བརྒྱུད་ཆེན་པོ་ལྔའི་ནང་ཚན་བཀའ་བརྒྱུད་པ་ལ་ཀམ་ཚང་བཀའ་བརྒྱུད། འབྲུག་པ་བཀའ་བརྒྱུད། འབྲི་གུང་བཀའ་བརྒྱུད། སྟག་ལུང་བཀའ་བརྒྱུད་སོགས་བཀའ་བརྒྱུད་ཆེ་བཞི་ཆུང་བརྒྱུད་ཡོད་པའི་ནང་ཚན་ཀམ་ཚང་བཀའ་བརྒྱུད་པའི་བླ་ཆེན་ཞིག་རེད། ཁོང་ལ་འགྲོ་བ་མི་སྤྱི་མཚུངས་ལྟར་འགྲོ་འདུག་སྨྲ་གསུམ་གྱི་རང་དབང་ལོས་དགོས། ཡིན་ན་ཡང་༧གོང་ས་མཆོག་ལ་གང་དགོས་དང་གང་ཡོད་ཚང་མ་ཁོང་ལ་ཡང་དེ་དགོས་ཟེར་བ་དེ་ག་འདྲ་ཡིན་ནམ། དེ་ལྟར་ཡོང་སྲིད་དམ། འདི་ནི་དྲི་བ་ཞིག་རེད། ལོ་རྒྱུས་ལས་བྱུང་བའི་དྲི་བ་ཞིག་རེད། རྒྱ་གར་གཞུང་འདི་ཡང་འདིའི་ཕྱོགས་སུ་སྤྱངས་ཐག་ཆོད་ཡོད་ཀྱི་རེད་བསམས། ཨ་རི་ཡིན་ན་ཨ་རིའི་སྲིད་འཛིན་ལ་ཡོད་པའི་ཐོབ་ཐང་དང་དབང་ཆ་ཚང་མ་སྲིད་འཛིན་གཞོན་པ་དང་ཕོ་བྲང་དཀར་པོའི་མགྲིན་ཚབ་པ་སོགས་ཆེ་ཆེ་གཉན་གཉན་ཡོད་ཚད་ལ་མི་འདུག དཔེ་འཇོག་འདི་རང་རེའི་སྤྱི་ཚོགས་ལ་འབྱོར་མིན་གསལ་བོ་ཞིག་མི་ཤེས། གང་ལྟར་རྒྱལ་བ་ཀརྨ་པ་ཚང་བོད་པའི་བུ་རེ་བ་ཅན་ཞིག་ཡིན་པ་ཁས་ལེན་གིན་ཡོད། ཁོང་གི་བཞེད་དོན་འགྲུབ་པའི་སྨོན་ལམ་འདེབ།