ཁང་གསར་རྡོ་རྗེ་དང་གསར་བརྗེ་སྐྱབས་རྣམ་གཉིས་ལ། ཆབ་བྲག་ལྷ་མོ་སྐྱབས།

རྒན་ལྷ་མོ་སྐྱབས་ལགས། ཁྱེད་རང་སྐུ་ཁམས་བཟང། ཁྱེད་ཀྱི་རྩོམ་ཡིག་མཐོང་བས་བདག་ཡིད་དགའ། ཁྱེད་དང་ཁང་གསར་གཉིས་ཅུང་ཙམ་རྩོད་རན་འདུག་ལ་ང་ཚོ་ཚང་མར་ཕན་ཐོགས་ཀྱང་ཡོང་གི་འདུག འོན་ཀྱང་གསར་རྗེ་སྐྱབས་ཟེར་བ་དང། ཅོ་རི་ཉི་མ་ཟེར་བ་སོགས་ལ་རྩོད་པ་མ་རྒྱག བྱ་ཁྭ་ཏའི་ཁ་ནས་གཏམ་བཟང་མེད་ཟེར་བ་ལྟར་དེ་ཚོར་ཁ་མ་སློངས། སྐྱག་ཚང་བྲུས་ནས་དྲི་ངན་མ་གཏོགས་ཅི་ཡང་མེད་པས། ཁྱེད་ལྟ་བུའི་བོད་མིའི་ཤེས་ཡོད་ཐད་ལ་ལོ་ངོ་དེ་འདྲའི་མང་པོ་ཞིག་ཏུ་ཞབས་ཞུ་ཞུ་མཁན་ཞིག་གི་རྩོད་ཟླ་མིན། ཁོང་ཚོ་ནི་ཡར་མར་གང་ལའང་མ་ཐེ་བར་དུས་བབ་ཟིན་བྲིས་ནང་དུ་གཏམ་ངན་རྐྱང་རྐྱང་གིས་ཉི་མ་སྐྱབས་མཁན་རེད། ཁྱི་ངན་གཅིག་གིས་ལུང་པ་ཀུ་ཅོས་བཀང།། ཟས་ངན་གཅིག་གིས་ལུས་ཀྱི་སྟོད་སྨད་དཀྲུགས་ཟེར་བ་ལྟར། ད་ལྟ་ནས་དེ་ཚོར་གཟབ་གཟབ་ཀྱིས།

དེང་རབས་གསར་པའི་སྐུ་དྲག་ལྷ་མོ་སྐྱབས་མཆོག་ལགས།
ཁྱེད་ཀྱིས་ངའི་བཏབ་པའི་མཆན་བུ་དོན་ཚན་གསུམ་པ་དེར་ཁང་གསར་ལ་དཀར་འདོན་བྱེད་དགོས་གསུངས་ནས་ཅི་ཡིན་ནམ།
ངའི་བཤད་པའི་སྐད་ཆ་དེ་ངའི་དམ་བཅའ་རེད་མ་གཏོགས་ཁང་གསར་གྱི་མ་རེད་ད།

སྐུ་དྲག་ཁྱེད་ཀྱི་ཁ་ནས་དཀར་འདོན་ནག་འདོན་གསུངས་ལུགས་ལ་ལྟས་ན་ང་ཅོ་རི་བོད་པའི་སྤྱི་ཚོགས་ནང་དུ་མི་ནག་པོ་ཞིག་བཟོ་འདོད་ཡོད་པར་འདྲ།

དེ་འདྲ་ཡིན་ན་ཁྱེད་ཀྱི་འདོད་པར་ལྟར་བྱ་ཆོག

ཀམ་པུང་དྲར་ཤེས་ཀྱི་ཡོད་ན་མཆན་བུ་ལ་མཆན་ལན་བྲིས་དང་ནག་པོ་བཟོ་ཆོག་གི་རེད། ང་ཅོ་རིའི་ཁས་ལེན་པ་ནི་དངོས་སྟོབས་རིག་པ་དང་དངོས་ཡོད་གནས་ཚུལ་ཡིན། དེ་མ་གཏོགས་བརྒྱ་བཤད་སྟོང་བཤད་ཀྱང་སྙིང་པོ་སྤུ་ཙམ་མེད།

ཁང་རྡོར་དང་ལྷ་སྐྱབས་ཀྱི་རྩོད་པ་འདི་ལ་དངོས་གནས་ཀློག་རིན་འདུག ཁུང་རྣམས་པ་གཉིས་ཀྱི་སེམས་ཁུར་བྱེད་སའི་གཞི་ཅུང་ཟད་མི་འདྲ་བ་ལས། རིག་ལམ་དང་གནས་ལུགས་ཀྱི་ཆ་ནས་གཉིས་ཀ་འདྲ་འདྲ་རེད། ང་ལྟ་བའི་ཀློག་མཁན་རྣམས་ལ་བསམ་བློའི་ཁ་ཕྱོགས་གསར་བ་མང་བོ་ཕྱོགས་གཉིས་ནས་རེག་གི་འདུག་པས། རྕོད་པ་མུ་མཐུད་ནས་གནང་རོགས།

སྤྱིར་བཏང་ཁ་སང་ནས་ནག་མོ་ཅོ་མཛིང་ལྟ་བུའི་ཁ་རྩོད་ཚིག་འདི་མཚམས་བཞག་ན་འདོད་སོང་། དེ་ལྟར་མཚམས་འཇོག་འདོད་ཀྱི་མཇུག་བསྡུ་ཞིག་ཀྱང་འབྲི་ཁུལ་བྱས་ནས་མཆན་བུ་བཏབས་ཡོད། དེ་རིང་འདིར་རྒན་ལགས་ཀྱིས་ཁང་གསར་ངེད་གཉིས་ཀྱི་མིང་གི་བཟུང་ནས་ཕྱག་རྩོམ་ཕེབས་འདུག གུས་མེད་དུ་མི་འགྲོ་ཆེད་གཤམ་ལ་ཡང་བསྐྱར་བསམ་ཚུལ་འགའ་འབུལ་བར་བརྩོན།

༡༽གནས་ལུགས་རྒྱུ་མཚན་ཟེར་བ་དེ་མཐར་གཏུགས་ན་གནས་སྟངས་རེད་འདོད། དངོས་ཡོད་གནས་སྟངས་ལས་ལྷག་པའི་གནས་ལུགས་རྒྱུ་མཚན་ཞིག་དང་། བདེན་པ་རྡོག་རྡོག་ཟེར་བ་ཞིག་ཡོད་སྟངས་མེད་པ་ཞིག་རེད། མ་གཞི་ནས་རྒན་ལགས་ནང་བཞིན་ལྟ་གྲུབ་གླེང་བའི་གཞུང་ལུགས་སྟེ། དཔེ་དེབ་དང་ཡིག་ཆའི་གསེང་ནས་གནས་ལུགས་རྒྱུ་མཚན་དང་བདེན་པ་འཚོལ་བའི་དུས་ཚོད་དེ་སྔ་ས་ནས་ཡོལ་ཚར་བ་རེད། དངོས་ཡོད་གནས་སྟངས་ཀྱིས་སྟོང་བའི་གནས་ལུགས་རྒྱུ་མཚན་གང་ཡིན་ཡང་མཐར་གཏུགས་ན་གནས་ལུགས་མ་རེད་ལ། རྒྱུ་མཚན་ཡང་མ་རེད། བདེན་པ་ནི་དེ་བས་ཀྱང་ག་བ་ག་བ།

༢༽རང་བཙན་དང་ལམ་དབུ་མ་གཉིས་འགལ་བ་ཡིན་སྟངས་ངོ་བོའི་སྒང་ནས་གསུངས་འདུག རྒྱལ་ཁབ་གསར་འཛུགས་དང་རྒྱལ་ཁབ་བློས་གཏོང་གི་ཐད་ནས་གསལ་བོར་གསུངས་འདུག འདི་ཡང་ལྟ་གྲུབ་དང་གཞུང་ལུགས་བར་གྱི་འགལ་ཟླ་ཞིག་མ་གཏོགས། དངོས་ཡོད་གནས་སྟངས་སྟེ། བོད་དོན་དང་བོད་མིའི་མངོན་འདུན། རྒྱ་ནག་གི་ངོས་འཛིན་སོགས་ཀྱི་སྟེང་ནས་འགལ་ཟླ་གང་ཡང་མེད། རང་བཙན་བརྩད་ན་རེད། ལམ་དབུ་མར་ཞུགས་ནའང་རེད། འདི་གཉིས་གང་ཡིན་ཡང་བོད་དོན་ཡིན་པ་དངོས་ཡོད་གནས་སྟངས་རེད། བོད་མི་ཚོའི་རང་བཙན་ལ་འདོད་མོས་ཡོད་པ་དང་། ལམ་དབུ་མ་བརྒྱུད་ནས་རང་སྐྱོང་ཚད་ལྡན་ཞིག་རེག་པར་འདོད་བཞིན་པའང་དངོས་ཡོད་གནས་རེད། ང་ཚོས་ལམ་དབུ་མ་ཟེར་ནས་ལྟ་གྲུབ་དང་གཞུང་ལུགས་ཀྱི་འགྲེལ་བརྗོད་དང་གསལ་བཤད། དེ་བཞིན་འབྲེལ་མོལ་རིམ་པ་ག་ཚད་བྱས་ཀྱང་རྒྱ་ནག་གིས་དེ་ནི་རང་བཙན་རང་རེད་ཟེར་བཞིན་པ་འདི་ཡང་དངོས་ཡོད་གནས་སྟངས་རེད། ལྷག་པར་དུ་འབྲེལ་མོལ་ཐེངས་དགུ་བའི་རྗེས་རྒྱ་ནག་གིས་བོད་རིགས་ཡོངས་ལ་རང་སྐྱོང་ཡོང་ཐབས་ཀྱི་ཡིག་ཆ་དེ་དོན་ཚན་བདུན་གྱི་སྒང་ནས་རང་བཙན་དང་། རྣམ་པ་འགྱུར་བའི་རང་བཙན། ཕྱེད་རང་བཙན་ཡིན་ཚུལ་ང་ཚོའི་མིག་གིས་རིག་ས་དང་རྣ་བས་གོ་ས་ནས་གསལ་བསྒྲགས་བྱས་ཡོད། ད་བར་དུ་ང་ཚོས་འདི་གཉིས་ལ་འགལ་ཟླ་ཡོད་ཚུལ་གང་གླེང་བ་རྣམས་བཙན་བྱོལ་སྤྱི་ཚོགས་ནང་གི་རྩོད་གླེང་ཞིག་ལས་བོད་རྒྱའི་བར་གྱི་རྩོད་གླེང་ཞིག་མ་རེད། དེ་ཡང་གཙོ་བོ་དེ་གཉིས་ཀྱི་ལྟ་གྲུབ་དང་གཞུང་ལུགས་རྐྱང་བའི་སྒང་ནས་གླེང་བ་མ་གཏོགས། གནས་སྟངས་རང་གི་སྟེང་ནས་སུས་ཀྱང་གླེང་ཡོད་པ་མ་རེད་ལ། གླེང་ཤེས་སྟངས་ཀྱང་ཡོད་པ་མ་རེད།

༣༽རྒན་ལགས་ཀྱིས་ཨུ་ཚིགས་བསྐྱོན་གི་འདུག ལམ་དབུ་མ་གང་ཟག་གི་ཆེ་མཐོང་སྒང་ནས་ཡོང་བ་ལས་དོན་ལ་རྟོན་པའམ་ངེས་ཤེས་གསལ་བོ་ཆགས་ནས་ཡོང་མེད་པ་དངོས་ཡོད་གནས་ཚུལ་རེད། འདི་ལ་ངས་གསལ་བཤད་འབྲི་དགོས་དོན་མི་འདུག གསལ་གསལ་ལྷང་ལྷང་རེད་འདོད། གང་ལྟར་རྒན་ལགས་གནོད་ས་དེ་ཁང་གསར་ལགས་ཀྱིས་དབུ་མ་དང་པོ་འདོན་འཇམ་དབྱངས་ནོར་བུ་ཡིན་ན་ཞེས་པའི་དཔེ་འཇོག་དེ་རེད། རང་ཉིད་འདོད་པ་མེད་ས་དང་གནོད་ས་ཞིག་ཡོང་སྐབས་རྒྱུ་མཚན་བཙལ་ནས་ཨུ་ཚིགས་བསྐྱོན་པ་འདི་ལ་གསལ་བཤད་བྱས་ཀྱང་འགྲོ་ས་མེད་པ་གསལ་བོ་རེད།

༤༽བདག་གཞན་མཉམ་བརྗེ་ཟེར་བ་དེ་ཚོ་ངོ་མས་རྒྱ་ཆེན་པོ་དང་གཏིང་ཟབ་པོ་རེད། རྒྱ་ཅི་ཙམ་ཆེ་ཞིང་གཏིང་ཇི་ཙམ་རིང་བ་དེ་ཙམ་གྱིས་མིའི་རྣམ་དཔྱོད་དང་དང་ལེན་སོགས་ཀྱི་སྒང་ནས་ཡོང་ཐབས་ཁག་པོ་རེད། རྒྱ་རིགས་སྤུན་ཟླ་ཟེར་བ་དེ་ཡང་ཚད་མཐོན་པོ་དེ་ཚོས་བཤད་རྒྱུ་ཞིག་རེད་མ་གཏོགས་བོད་དང་བོད་མི་རིགས། རང་ཉིད་བོད་པ་ཞིག་གི་དགའ་སྡང་ཆགས་ཞེན་གྱི་ངོས་ནས་ཚད་དེ་འདྲ་ཞིག་ལ་སླེབས་ཐབས་ཁག་པོ་རེད། ང་ཚོའི་དབུ་ཁྲིད་དང་། རྒྱ་རིགས་དམངས་གཙོ་དོན་གཉེར་བའམ་ཤེས་ཡོན་ཅན་ཚོས་རྩོམ་ཡིག་རེ་ཟུང་གིས་རྒྱ་རིགས་མང་ཚོགས་སྤྱིའི་བོད་ལ་དགའ་སྡང་ཆགས་ཞེན་གང་འདྲ་ཡོད་མེད་ཚབ་མཚོན་ཐུབ་གི་མ་རེད། ཁ་ཐུག་གི་སྐད་ཆའམ། དངོས་ཡོད་གནས་སྟངས་ཀྱི་སྒང་ནས་རྒན་ལགས་དང་ངེད་གཉིས་བསྡུར་བ་ཡིན་ནའང་། རྒྱ་རིགས་ཚོར་འབྲེལ་འདྲིས་དང་། འབྲེལ་ལམ། རྒྱུས་ལོན། དེ་མིན་ཕྱོགས་གང་ཐད་ནས་ང་བཟང་བ་གི་རེད་མ་གཏོགས་རྒན་ལགས་ཡག་གི་མ་རེད། རྟོག་པ་མཐོན་པ་བྱས་ནས་གསུངས་ཀི་ཡོད་ན་གནས་ཚུལ་ལོགས་ཀ་རེད། འོན་ཏེ་རྟོག་པ་མཐོན་པོ་གནང་ས་ང་ཚོའི་ནང་ཁུལ་གྱི་ཁོར་ཡུག་འདི་མ་རེད། སྐུ་ཉིད་ལ་སྐད་ཡིག་གི་བཀག་རྒྱ་མེད་ན་བརྒྱུད་ལམ་ནི་ག་ཚད་དགོས་དགོས་རེད། ཐུགས་ལ་མ་གནོད་རོགས།

༥༽རང་བཙན་རྩོད་མཁན་དང་རང་བཙན་གླེང་མཁན་ཚོར་དཀར་འདོན་གནང་རོགས་ཞེས་རྒན་ལགས་དང་ལུང་རིགས་གཉིས་ཀར་ཞུས་ཡོད། དཀར་འདོན་གནང་སའང་ཁ་གསལ་བོ་བྱས་ནས་ཞུས་ཡོད། ཐ་ན་གང་གཉིས་ཀྱི་རྩོམ་ཡིག་སྔ་མ་དག་གི་ནང་སྤེལ་བའི་རྗོད་པའི་ཚིག་འགྲོས་གཅིག་བུའི་སྟེང་ནས་ཀྱང་དཀར་འདོན་གནང་དགོས་ས་མང་པོ་རེད། དཀར་འདོན་གནང་དང་མི་གནང་དེ་ཁྱེད་རྣམ་གཉིས་ཀྱི་རང་དབང་རེད་མ་གཏོགས་ངས་ཨུ་ཚིགས་གང་ཡང་བྱེད་ཀི་མིན།

དེ་རིང་འདི་ཙམ་ཡིན། ཆུ་ཚོད་མི་འདུག ལས་ཀ་གཞན་པ་ཡོད།

ཆུ་ཚོད་གཅིག་གི་ནང་ལན་སྙིང་བསྡུས་ཤིག་བྲིས་ཏེ། དུས་བབ་རྩོམ་སྒྲིག་པར་ཕུལ་ཟིན། ད་ལྟ་འདིར་ཞོགས་པ་ཆུ་ཚོད་ ༡༡ དང་ཕྱེད་ཀ་ཙམ་རེད། ཕལ་ཆེར་རྒྱ་གར་ལ་ཚེས་ ༡༤ ཉིན་གྱི་དགོང་དྲོའི་ཆུ་ཚོད་ ༩ ཡོལ་ཙམ་རེད། ངའི་ལན་དེར་དོན་ཚན་ ༡༠ ཡོད་སྟབས་འདིར་མཆན་གྱི་ཚུལ་དུ་བཀོད་ན་ལན་པོ་མཐོང་མ་བྱུང་།

ཁང་གསར་མཆོག་སྔ་དྲོ་བདེ་ལེགས་ཞུ།

ལྷ་མོ་སྐྱབས་ལགས་ཀྱིས་ཉན་རོགས།

བདག་ལས་གཞན་གཅེས་དམ་པའི་ལྷ་ཆོས་དང་།
དགྲ་འདུལ་གཉེན་སྐྱོང་འཇིག་རྟེན་ཕ་ཆོས་གཉིས།
གཅིག་གི་རྒྱལ་ཁ་གཅིག་ལ་མི་སྟེར་པས།
རྒྱལ་ཕམ་འདི་ཡིན་འཇོག་ལ་བློ་མ་བདེ།

འཚི་མེད་ཞི་བདེ་སེམས་ཀྱི་ལོངས་སྤྱོད་དང་།
སེམས་ཅན་བསད་ནས་འཚོ་བའི་ལོངས་སྤྱོད་གཉིས།
གཅིག་གི་ལོངས་གཅིག་གིས་མི་འདོད་པས།
ལོངས་སྤྱོད་འདི་ཡིན་འཇོག་ལ་བློ་མ་བདེ།

ཐེག་ཆེན་སེམས་དཔའ་གཞན་དོན་རང་སྒྲུབ་དང་།
ཉན་ཐོས་རང་རྒྱལ་རང་དོན་རང་སྒྲུབ་གཉིས།
གཅིག་གི་སྤྱོད་པར་གཅིག་གིས་མི་འདོད་པས།
ལ་རྒྱ་འདི་ཡིན་འཇོག་ལ་བློ་མ་བདེ།

ཁ་ནས་༧གོང་སར་བསྟོད་པའི་སྤྱི་འཐུས་དང་།
དོན་གྱི་སྐྱོན་བརྗོད་བྱེད་མཁན་འཇམ་ནོར་གཉིས།
གཅིག་གི་ལམ་ལུགས་གཅིག་གིས་མི་འདོད་པས།
ལུགས་བཟང་འདི་ཡིན་འཇོག་ལ་བློ་མ་བདེ།

རེད་རེད། ཁང་གསར་དང་གསར་བརྗེ་སྐྱབས་ལྟ་བུ་བོད་མི་རིགས་ཆེད་དུ་ཉིན་མཚན་མེད་པར་བསམ་བློ་གཏོང་མཁན་ཚོ་ལ་དགག་པ་རྒྱག
རྒྱ་འཁྱོམ་མང་གཙོ་དོན་གཉེར་བ་ཡིན་ཟེར་མཁན་ཚོ་སྤྱི་འཐུས་གྲོས་ཚོགས་ནང་དུ་ལྟ་སྐོར་ཁྲིད་པ་འདི་ནི་དངོས་གནས་རྣམ་རྟོག་ཟ་ཡ་གཅིག་རེད་ད་ལྷ་མོ་སྐྱབས་ལགས།

སྐྱུར་མི་རུང་བ་དེ་རྒྱབ་ལ་སྐྱུར།
བློན་ཚ་ཞང་མདན་མ་རྒྱབ་ལ་སྐྱུར།
ལེན་མི་རུང་བ་དེ་བང་དུ་ལེན།
དགྲ་རྒྱ་ནག་དམར་པོ་བང་དུ་ལེན།བྱས་སྟངས་འདི་ལྷ་མོ་སྐྱབས་དང་དེའི་ཕྱོགས་གཏོགས་རྣམས་ཀྱི་རེད།

ཧཧཧཧཧཧཧཧཧཧཧཧཧ་བྲག་ཆབ་ལྷ་མོ་སྐྱབས་ཀྱི་མིང་བྲིས་ལ་ཁང་གསར་ཞེས་བྲིས་ནོར་ཤོར་འདུག་པས་དགོངས་འགལ་མེད་པར་ཞུ་རྒྱུ་དང་ལྷ་མོ་སྐྱབས་ཞེས་བཅོས་རོགས་ཞུ།

སྐུ་ངོ་སྤྱི་འཐུས་འདིར་རྒྱའི་ཤུགས་རྐྱེན་ཆེན་པོ་འདུག དེའང་གསལ་བོར་བཤད་ན། དགྲ་གྲོགས་གཉིས་ཀྱི་རྒྱ་ལས་འདའ་ཐུབ་མེད་པའི་རིགས་ལམ་ཞིག་ལ་འཇུས་འདུག དོན་ལ་ཏཱ་ལའི་བླ་མ་མཆོག་ནི་དགྲ་གྲོགས་མཉམ་བརྗེ་གནང་ཐུབ་མཁན་ཞིག་ཡིན་པས། རང་མིས་བསམ་ཚུལ་བརྗེ་རེས་ཚུལ་དུ་ཕུལ་བའི་གླེང་སློང་ཞིག་ལ་དེ་ལས་ཀྱང་དོ་སྣང་ཡོད་ངེས་ཡིན་འདོད། དེ་གཅིག་ཡིན།

གཞན་དེ་ནི་གྲོས་ཚོགས་ནང་བྱུང་བའི་རྩོད་རྙོག་དེ་ལས་འཕྲོས་པའི་ཁ་སང་དེ་རིང་གི་ཁ་རྩོད་ཚིག་རྩོད་འདི་ལ་དོན་སྙིང་གཏིང་ཟབ་ཅིག་ཡོད་ཅིང་། དེ་ནི༼ནང་བཀྲ་མ་ཤིས་ན་ཕྱི་དོན་མི་འགྲུབ༽པའི་འགྲེལ་སྟངས་སླ་ཤོས་དེ་ཆགས་ཡོད། དཔེར་ན། ཡེ་ཤེས་དབྱིངས་དཔྱད་ནི་ཞེ་ས་ཞིག་རེད་ལ། དོན་བསྡུས་ནས་བཤད་ན་གཡོལ་ས་ཞིག་ཀྱང་རེད། དེ་བས། མང་ཚོགས་ཀྱིས་ཐད་ཀར་འོས་ཤོག་འཕངས་ནས་གདམ་ཐོན་ཟིན་པའི་བཀའ་ཁྲིར་མཚོན་ན། བོད་འགན་རང་སྟེང་ནས་མི་འཁུར་བར་སླར་ཡང་ཡེ་ཤེས་དབྱིངས་དཔྱད་སྒང་འགེལ་དོན་གྱི་དམིགས་ཡུལ་ཅི། ལོ་རྒྱུས་ཀྱི་ལས་འགན་ལ་ཞེད་ཀྱིན་ཡོད་དམ།

གལ་སྲིད་དེ་ལྟ་མ་རེད་ལབ་ན། བཀའ་ཁྲི་ལགས་བོད་རྒྱ་ཞི་མོལ་ཚོགས་ཆུང་གི་ཚོགས་གཙོ་ཡིན་དོན་ཅི། ཚོགས་གཙོ་ཡིན་པའི་འོས་འགན་ཅི། མ་འགྲུབ་པ་མཐའ་དག་ཡེ་ཤེས་དབྱིངས་དཔྱད་དང་འགྲུབ་ཟིན་པ་ཡོད་ཚད་བཙན་བྱོལ་བོད་གཞུང་གི་སྲིད་བྱུས་ཡིན་ནམ།