ཞལ་འདེབས་སློང་གི་ཡོད།

བོད་པའི་ལོ་རྒྱུས་ནང་བྱུང་མྱོང་མེད་པ་ཞིག་བྱུང་འདུག་པ་ནི་སོ་སོའི་ལུང་པར་ས་ཡོམ་གྱིས་གོད་ཆག་འོག་མི་རྒྱུ་གཉིས་ཀ་རྩ་མེད་དུ་འགྲོ་ལ་ཉེ་བ་ཞིག་བྱུང་ནས་ཉིན་བཅུ་པའམ་ཚེས་༢༤དགོངས་མོ་དེར་སོ་སོའི་མ་དངུལ་བཟོ་ཆེད་མཚན་ཚོགས་ཀྱི་ཐུགས་སྤྲོ་ཞིག་མིང་འདོན་འདོད་མེད་པ་ཁག་གཅིག་ནས་བོད་མདོ་ཁམས་སྐྱེ་དགུ་མདོ་རུ་མི་ཤི་རྒྱུ་ཤོར་བྱུང་བ་ལ་ཁ་གཡར་ནས་གོ་བསྒྲིགས་བྱས་ཏེ་འཚོག་འདུག མཚན་ཚོགས་དེ་མ་ཚོགས་གོང་བོད་མི་རྣམས་ནས་སྐྱིད་སྡུག་མཉམ་མྱོང་དང་སྡུག་སེམས་མཉམ་སྐྱེལ་གྱི་ཆེད་མྱ་ངན་མཆོད་མེ་ཆུ་ཚོད་གཉིས་རིང་སྦར་གྲུབ་རྗེས་ གསལ་བསྒྲགས་སུ་དོ་དགོངས་མཚན་ཚོགས་ཞིག་ཡོད་ཚོད་འདུག་པའི་དེ་མེད་པ་བྱས་ན་ཡག་པོ་ཡོད་རེད་ལ་དེར་མ་ཕེབས་ན་ཡག་པོ་ཡོད་རེད་ཞེས་ཞུ་སྐབས་མཐའ་ཞེན་པ་ཞིག་གིས་ དམངས་གཙོ་ཡིན། འགྲོ་གི་ཡིན་ཞེས་མི་མང་ནང་ལབ་ནས་ཕྱིན་པ་སོགས་ལ་མི་མང་ནས་བློ་ཕམ་ཆེན་ཡོད་བྱུང་འདུག ཡིད་སྐྱོ་དགོས་པ་དེ་དག་ཕྱོགས་གཞན་ལ་ཡོང་མི་སྲིད་པ་མིན་དུས་ཕྱོགས་སོ་སོར་བཞུགས་པའི་སྤུན་ཟླ་རྣམས་ནས་ཐུགས་སྣང་རྒྱ་མ་ཆུང་བ་གནང་རོགས་གནང་ཞུ།།

བྱེས་སྡོད་བོད་མི་ཚོས་དེ་རིང་ཞལ་འདེབས་གནང་སྟངས་དེ་མཐོང་དུས་ངོ་མ་བོད་མིའི་སྐྱིད་སྡུག་མཉམ་མྱོང་ཟེར་བ་དེ་འགག་ལ་ཐུག་དུས་འདུག་ཨ་བསམ་པ་ཞིག་ཤར་སོང། མདང་དགོང་ལས་ཁུངས་གྲོལ་ནས་མིག་ལོར་སྲང་ལམ་དུ་འབྱོར་སྐབས་སྐྱེ་རྒུའི་ས་ཡོམ་གོ་ཆག་བྱུང་བར་ཞལ་འདེབས་བསྡུ་བཞིན་འདུག་ལ་མི་ཚོགས་ཚང་ཀ་ཤིག་ཤིག་གིས་ཞལ་འདེབས་ཧིན་སྒོར་གཅིག་སྟོང་དང་ལྔ་བརྒྱ་ཤས་གཅིག་སྤྲོད་ཀྱིས་འདུག ད་དུང་གཞིས་བཞུགས་བོད་རིགས་རྣམས་ཀྱིས་ས་ཡོམ་ཕོག་ཤུལ་དུ་དངོས་ཟོག་འོར་འདྲེན་བྱེད་སྟངས་དེ་མཐོང་དུས་ས་ཡོམ་ཐེབས་པ་དེ་སྡུག་སོང་ཡང་བོད་རིགས་ཚང་མ་སྐྱིད་སྡུག་མཉམ་མྱོང་གི་རྣམ་པ་ཇེ་གསལ་དུ་མཐོང་ཡོང་དུས་དགའ་དགོས་པ་ཞིག་རེད། འདི་ལྟར་ང་ཚོ་འགག་རྩ་ལ་ཐུག་དུས་རང་བཞིན་གྱིས་རྡོག་རྩ་གཅིག་སྒྲིལ་ཡོང་བཞིན་པ་འདིས་ང་ཚོར་སེམས་ཤུགས་འཕར་མ་ཞིག་སྟེར་བཞིན་འདུག

ཞལ་འདེབས་འདི་ངེས་པར་དུ་མི་དམངས་རང་ལ་འཕྲོད་པ་གནང་རོག།།    སྐྱེན་ངན་འདི་འདྲ་བ་ཞིག་གངས་ཅན་པ་ལ་སླར་ཡང་མི་ཡོངས་ཤོག་  དཀོན་མཆོག་མཁྱེན་       

ཡག་པོ་རེད།

༸ གོང་ས་རྒྱལ་བ་རིན་པོ་ཆེའི་དབུ་ཁྲིད་པའི་བྱེས་སྡོད་བོད་གཞུང་དམངས་གཉིས་མཉམ་འབྲེལ་གྱི་ཐོག་ནས་ཞལ་འདེབས་བསྡུས་ཏེ་གནོད་འཚེ་ཕོག་ཁུལ་དུ་རོགས་སྐྱོར་བྱ་ཐུབ་ན་ནུས་པ་ཆེ་ཞིང་། གནོད་འཚེ་ཕོག་ཁུལ་དུ་ཁ་ཡོད་ལག་ཡོད་ཀྱི་ཕན་ཐོགས་ཀྱང་དེ་ཆེ་སྙམ།

འདི་ཚོ་རླབས་ཆེན་གྱི་ལས་ཀ་བྱེད་སྟངས་རེད།

བོད་ཀྱི་མཛེས་མས་བཤད་པ་འདི་བདེན་པ་རེད། ཞལ་འདེབས་བསྡུ་མཁན་རིགས་མང་པོ་བྱུང་ན་གང་ས་ཅི་ཐད་ནས་བདེ་བོ་མེད་པས་ཞལ་འདེབས་བསྡུ་མཁན་གཅིག་བསྒྱུར་བྱ་རྒྱུ་ནི་ཧ་ཅང་གལ་ཆེ།

བྱེས་སྡོད་ཡུལ་ཤུལ་མི་དམངས་ལྷན་རྒྱས་ལ་ཐུགས་གསོའི་འཚམས་འདྲི་ཞུ་རྒྱུ་ཡིན།
སྐྱིད་ཀྱི་རྟ་ཕོ་མཉམ་ཞོན་དང།་་
སྡུག་གི་ཁུར་པོ་མཉམ་འཁུར་ཡིན།
ང་ཚོ་གངས་ཅན་པ་ཡོད་དོ་ཅོག་ཁྱེད་ཅག་གི་ཕྱོགས་སུ་ལངས་ནས་ཡོད།

འདིར་ཞུ་འདོད་ཡོད་པ་གཅིག་ནི་ད་རེས་ཡོམ་འགོག་བགེགས་སེལ་ཆེད་ཞལ་འདེབས་བསྡུ་རུབ་བྱེད་མཁན་ཁྲོད་ནས་བོད་ཀྱི་གཞོན་ལྷན་དང།་གངས་ལྗོངས་རང་དབང་རྩོད་ལེན་ཚོགས་པ།་དེ་བཞིན་ཡུལ་ཤུལ་ས་ཡོམ་གདུང་སེལ་ཚོགས་ཆུང་བཅས་གང་མང་ཐོན་བཞིན་པ་ལས་ད་རེས་ཚོགས་འདི་ཉིད་ཞལ་འདེབས་བསྡུ་རུབ་བྱེད་མཁན་འོས་ཤོས་སུ་མཐོང་བཞིན་འདུག་་་་དེར་བརྟེན།་བོད་མི་ཚང་མས་ཞལ་འདེབས་ཁ་ཐོར་དུ་མི་འགྲོ་བར་ཕྱོགས་གཅིག་ཏུ་སྤུངས་འཇོག་ཐུབ་ཕྱིར་ཞལ་འདེབས་རྣམས་ཚོགས་པ་འདི་ཉིད་རང་ལ་འབུལ་ན་བརྟན་པ་དང་ས་གནས་ས་ཐོག་རང་དུ་སླེབས་ཐུབ་པའི་རེ་བ་ཆེ་བ་འདུག་སྙམ།་་་དེ་མིན་ཞལ་འདེབས་བསྡུ་མཁན་མང་བས་ནད་ཐོག་སྨན་འཁེལ་ཡོང་མིན་ཐེ་ཚོམ་དང་མང་ཚོགས་མགོ་འཐོམས་རྒྱུ་ཉག་ཅིག་རེད།་་་་ཚང་མས་ཡིད་གཟབ་གནང་གལ་ཆེ།

གྲོགས་པོ་ཚོ་ཤི་བོ་ཚོའི་མཚན་ག་ཚོད་རག་ན་ངའི་་་་་་་་་གློག་འཕྲིན་ཁ་སྦྱངས་འདི་སྒང་་་་་་་་་་་བསྐུར་ཡོངས་རོགས་་་་་་་སང་ཉིན་ནས་བཟུང་ཉིན་ཁ་ཤས་རིང་ས་སྐྱ་པའི་བླ་ཆེན་རྣམས་ཀྱི་ཀུན་རིག་གི་ཆོ་གའི་སྒོ་ནས་བྱང་ཆོག་གསུང་ཡ་རེད་འདུག ། m_sanggye@yahoo.com

ཕ་ཡུལ་མཚོ་སྔོན་ཡུལ་ཤུལ་ནས་ཡིན་པའི་བཙན་བྱོལ་བོད་རིགས་སྤུན་ཟླ་རྣམས་ལ་གདུང་སེམས་མཉམ་སྐྱེད་ཡོད། ད་ཐེངས་ཀྱི་ཆག་འཇིག་འདི་ཁྱེད་ཚོ་གཅིག་པའི་དཀའ་ངལ་མིན་པར་བོད་སྤྱི་པའི་དཀའ་ངལ་ཞིག་ལ་ངོས་འཛིན་ཞུ་བཞིན་ཡོད། ཐེངས་འདིའི་གཞིས་ལུས་སྤུན་ཟླ་རྣམས་ཀྱི་གདུང་སེམས་མཉམ་དང་བོད་རིགས་གཅིག་པ་ཡིན་པའི་འདུ་ཤེས་ལ་གཟིགས་དང་དངོས་གནས་ཧ་ལས་དགོས་པ་ཞིག་མི་འདུག་གམ། ང་ཚོ་བཙན་བྱོལ་བ་རྣམས་མི་ངན་རེ་ཟུང་གིས་དུག་གིས་ས་བོན་བཏབ་པའི་ཉེར་ལེན་ལས་ཁ་ཡར་གྲགས་ལ་ཆོལ་ཁ་དང་། ཁ་མར་གྲགས་ལ་ཆོས་ལུགས་ཞེས་མི་རྣམས་འཕྲོ་བརླག་ཏུ་བཏང་ཚར་འདུག ལྷ་རབ་བྱུང་ན་བཙན་བྱོལ་བོད་མི་ཡོངས་ནས་རང་ནུས་གང་ཡོད་ཀྱིས་ཞལ་འདེབས་རྒྱ་མི་ཆུང་བ་ཕུལ་ནས་བཙན་བྱོལ་བོད་མིའི་སྤྱིའི་མཚན་ཐོག་ནས་གནོད་འཚེ་ཐེབས་ཁུལ་ལ་ཕུལ་ཐུབ་ན་ཡག་པོ་འདུག མ་འབྱོར་བའི་དཀའ་ངལ་ཕལ་ཆེར་ཡོང་གི་མ་རེད།

དྷ་སར་ཙམ་མ་ཟད་བོད་མི་ཡོད་སར་ཡོངས་རྫོགས་སུ་ཕེབས་ཐུབ་ན་ཡག་པོ་འདུག ཁ་ཤས་ནས་ཞལ་འདེབས་ཕུལ་ས་མ་ཐུབ་ནས་སྡད་ཡོད་རྒྱུ་རེད།