ཕྱི་རྒྱལ་ནས་མྱ་ངན་བྱེད་དུ་ཡོང་བར་སྣེ་ལེན་བྱ་རྒྱུ་ཡིན་ཟེར།

ཁ་བའི་འོད་མདངས la,

I can understan your feeling.

In fact,The staff of Tibetan government in exile and library are love India and Indian heroes but they do not like Tibet and Tibetan people in Tibet.

ཁ་བའི་འོད་མདངས la,

I can understand your feeling.

In fact, The staff of Tibetan government in exile are love India and Indian heroes but not Tibet and Tibetans in Tibet.

ད་རེས་ངེས་པར་དུ་ཤུག་རྒྱབ་ཏེ་རབ་བྱུང་ན་༸གོང་ས་མཆོག་ཕེབ་ཐུབ་པ་ཞིག་དང་། མ་བྱུང་རུང་སྐུ་ཚབས་ཞིག་ཕེབ་ཐུབ་པ་བྱེད་དགོས་ལ། ཕེབ་མ་ཐུབ་རུང་མ་ཐུབ་པའི་རྒྱུ་མཚན་གསལ་ཁ་ཡོད་པ་ཞིག་བཟོ་དགོས།

གླེན་པ་ལུག་གིས། དེ་རིང་ང་། ལས་དོན་ག་གེའི་མོའི་སླད་དུ་གངས་སྐྱིད་དུ་སོང་། ཉོབ་མདངས་ལྷུག་ལྷུག་གི་གཞུང་ཞབས་ཕོ་མོ་ཚོ་མཐོང་བས། ང་སྐྱོ་ཞིང་གདུང་། དེ་ནས་དཔེ་མཛོད་ཁང་གི་ཉེ་འཁྲིས་སུ་བཅར། དཔེ་མཛོད་འགན་འཛིན་གཙོས་པའི་ལས་བྱེད་ཚོའི་དགོད་སྒྲ་དང་། མཛུབ་བར་ནས་ཐག་ཐག་ཡར་བའི་གེ་རམ་གྱི་ཁྲོག་སྒྲ། ཧ་ཧ་དང་ཧོ་ཧོའི་དགོད་སྒྲ་དེ་ལས་རེ་བའི་སེམས་པ་རྨེག་མེད་དུ་བཅོམ་སོང་། རོ་ཐོག་རྟ་རྒྱུག་ཟེར་བ་འདི་འདྲ་ཞིག་ལོས་ཡིན་སྙམ་སོང་། རྡ་རམ་ས་ལ་ན་ཅི་ཞིག་ཡོད་དམ། ༸གོང་ས་མཆོག་བཞུགས་པ་དངོས་གནས་རེད། ཁོང་གིས་ས་ཡོམ་གོད་ཆག་ཁྲོད་ཀྱི་སྐྱེ་རྒུའི་མི་དམངས་ལ་མཛའ་བརྩེའི་གསུང་འཕྲིན་དང་བསྔོ་སྨོན་གནང་སོང་། ད་དུང་ཐོག་དང་པོར་གོ་སྐབས་བརྩོན་ལེན་གནང་སྟེ། ཕ་ཡུལ་སྐྱེ་རྒུའི་ཡུལ་གྱི་རང་གི་འབངས་མི་ལ་ཐུག་ཏུ་འགྲོ་བར་དྲིལ་བསྒྲགས་སོང་། ༸གོང་ས་ཐམས་ཅད་མཁྱེན་པ་དངོས་གནས་བཞུགས་འདུག
འོན་ཀྱང་བོད་གཞུང་གི་བཀའ་ཁྲི་མཆོག་ཀྱང་བཞུགས་ཡོད་དམ་མེད། མི་དམངས་སྤྱི་འཐུས་རྣམས་ཀྱང་བཞུགས་ཡོད་དམ་མེད། ཚོར་སྣང་ཅི་ཡང་མ་བྱུང་། གཅིག་བྱས་ན་གསང་བའི་བརྒྱུད་ལམ་རེ་ན་འབད་འབུངས་བྱེད་བཞིན་ཡོད་ལས་ཆེ། ད་ལྟའི་རེ་བ་བཅངས་ཡོད། ཉིན་གུང་གཞུང་ཞབས་ཚོའི་གུང་གསེང་སྐབས་ཀྱང་མཐོང་སོང་། ཚ་གདུག་ཆེ་བས་ཡིན་ནམ། ཚང་མའི་གདོང་ན་གྲིམ་རིག་རིག་གི་རྣམ་འགྱུར་དང་། ལང་ཆོག་ཆོག་གི་སྙིང་སྟོབས་ཟུར་ཙམ་ཡང་མི་འདུག ཚང་མ་ཕག་པ་ལྟར་ཡམ་ཡོམ་ལྷ་ལྷུག་ངང་འགྲོ་བཞིན་འདུག ལས་ཁུངས་ཁག་གི་ར་སྐོར་དང་། གྱང་རྟིང། རྒྱ་ལམ་བཅས་སུ་གད་སྙིགས་དང་ས་རྡུལ་ཕྱུར་བུར་སྤུངས་ཏེ་འདུག ངའི་སེམས་ལ་ཁོང་ཅག་ལ་ཚོར་བ་ཡོད་དམ་སྙམ། ཐེངས་འདིའི་སྐྱེ་རྒུའི་མི་དམངས་ལ་འཕྲད་པའི་གོད་ཆག་ཐད་ཁོ་ཚོར་རྒྱུས་མངའ་ཇི་ལྟར་ཡོད་དམ། བོད་གནས་ཉམས་ཞིབ་ཀྱིས་ཇི་ཞིག་ཉམས་ཞིབ་བྱས་ཡོད་ཨང་སྙམ། གལ་སྲིད་བདུན་ཕྲག་རེ་གཉིས་རྗེས་བོད་གནས་ཉམས་ཞིབ་པ་ཚོར་ཐེངས་འདིའི་གནས་ཚུལ་ཐད་དོན་དངོས་ལ་འབབ་པའི་རྒྱུགས་གཞི་ཞིག་སྤྲད་ན་གང་འདྲ་ཡིན་ནམ། རྒྱ་གཞུང་གིས་ལག་གང་སྔ་བརྩད་ནས་ཚེས་༢༡་ཉིན་སྐྱེ་རྒུའི་མི་དམངས་ལ་རྒྱལ་ཡོངས་ནས་མྱ་ངན་ཞུ་རྒྱུ་ཟེར། ང་ཚོའི་སྲིད་གཞུང་འདིའི་ཐད་ཀྱང་རྗེས་སུ་ལུས་སོང་། རང་གི་མི་དམངས་ལ་ད་ལྟའི་དར་སྲོལ་ལྟར་གྱི་མྱ་ངན་ཞུ་བར་རྒྱ་གཞུང་སྔོན་ལ་ཤོར་སོང་བར་ཅི་སྙམ་གྱི་འདུག་གམ། ངའི་གཅེས་ཤིང་བརྩེ་བའི་གཞུང་ས་དགའ་ལྡན་ཕོ་བྲང་དང་དེའི་གཞུང་ཞབས་པ་ཚོ།
ད་ལྟ་རྒྱ་ནག་དབུས་བརྙན་འཕྲིན་ལས་ཁུངས་ཀྱིས་སྐྱེ་དགུའི་མི་དམངས་ལ་མྱ་ངན་དང་རྒུད་སྐྱོབས་ཀྱི་ཞལ་འདེབས་བསྡུ་བའི་བྱ་འགུལ་སྤེལ་གྱི་འདུག གསར་འགོད་པ་དག་གངས་སྐྱིད་དཔེ་མཛོད་ཀྱི་སྒོ་འགྲམས་དང་། གསོལ་ཐབས་ཁང་བཅས་སུ་སོང་ནས་ལྟོས་དང་། དེ་གར་གེ་རམ་རྩེ་བཞིན་པའི་གཞུང་ཞབས་པ་ཚོའི་དགོད་སྒྲ་དང་། དཔེ་མཛོད་ལས་བྱེད་ཚོའི་འཛུམ་མདངས་དང་དགོད་སྒྲས་བཀང་ནས་འདུག ཐག་ཉེ་བའི་གསར་འགོད་པ་ཚོ་མྱུར་དུ་རྒྱུགས

འགྲོ་ང་ཚོ་ཚང་མ་རྒྱ་ནག་གཞུང་ཚབ་ཁང་ལ་འགྲོ དང་བོ་ཐག་ཉེ་ཚོ་སོང་ལ་ཁ་མིན་དོན་ལ་གནས་མིན་ལྟོས་ཤིག གལ་སྲིད་དོན་ངོ་མ་ཡིན་ན་ང་ཚོ་མཉམ་ལངས་བྱས་ཏེ་འགྲོ ཆབ་སྲིད་ཙམ་མིན་པར་རོགས་རེམ་ངོ་མ་བྱེད་དུ་འགྲོ ང་ཚོས་ཀྱང་མ་གོ་བའི་སྐད་ཆ་རེད་ལ་སྐྱེ་དགུ་མདོའི་མི་མང་ལའང་ང་ཚོར་བརྩེ་བ་དང་ཡིད་ཆེས་ཡོད་ངེས།

ཆབ་སྲིད་ཟེར་བས་ག་དུས་ཡིན་ཡང་གོ་སྐབས་དང་ཁ་གཡར་ས་ཤིག་རྙེད་རྒྱུ་གལ་ཆེན་དང་མེད་དུ་མི་་རུང་བ་ཞིག་ཡིན། མིའི་རིགས་ཀྱིས་འཇིག་རྟེན་འདི་ནས་ཡོད་ཚད་ཆབ་སྲིད་ལ་བློས་འགེབས་བྱེད་པ་དེ་ཕྱོགས་གཉིས་ནས་ཁས་ལེན་མེད་པའི་བརྡ་རྟགས་ཤིག་ཡིན། ཞེས་གྷི་རིག་གི་ཚན་ཉིད་རིག་པས་གསུངས་མྱོང་ཡོད་པ་དང་། འོན་ཀྱང་ང་ཚོས་གོ་སྐབས་ཤིག་རྙེད་ཅི་ཐུབ་བྱ་རྒྱུ་གལ་ཆེན་པོ་རེད། གོ་སྐབས་ནི་ནམ་ཡང་ཐེངས་གཅིག་མ་གཏོགས་ཐེངས་གཉིས་ཐོབ་པར་བར་ཆད་ཤིན་ཏུ་ཆེ་བ་དང་། རྐྱེན་འདིས་ང་ཚོས་གཅིག་ནས་བོད་མི་རིགས་ཀྱི་འདས་པོ་རྣམས་ལ་སེམས་གསོ་མཚོན་བྱེད་གཅིག་དང་། གཉིས་ནས་ཕན་ཚུན་གྱི་སེམས་པར་ཡིད་ཆེས་བྱེད་སྟངས་ཀྱི་ཐབས་ལམ་ཡང་རེད། གསུམ་ནས་མི་རིགས་བར་གྱི་བརྩེ་སེམས་མཚོན་པ་བྱས་ཏེ་བོད་མི་རིགས་འདི་ནམ་ཡིན་ཡང་བྱང་སེམས་ཀྱི་བདག་པོ་གཅིག་ཡིན་པ་འཛམ་གླིང་ཡོངས་སུ་གསལ་བཤད་བྱ་ཐུབ་པ་དང་། འདིས་འོ་སྐོལ་བོད་མི་རིགས་ཀྱི་འབུར་དུ་ཐོན་པའི་རིག་གཞུང་དེ་ལག་ལེན་བྱས་པ་མཚོན་པ་མ་ཟད། བོད་མི་རིགས་ཀྱི་གཟི་བརྗིད་ཞིག་ཀྱང་རེད། རྒྱ་བོད་གཉིས་ཞི་འགྲིག་གི་གོ་སྐབས་ཤིག་ཐོབ་པར་ཡག་རྟགས་རེད་མ་གཏོགས། ཆབ་སྲིད་ཀྱི་གཡོ་ཇུས་འཁྲབ་པ་མཐོང་གི་མི་འདུག
གལ་སྲིད་༧གོང་ས་མཆོག་ཕེབས་པར་རྒྱ་གཞུང་གིས་ངོས་ལེན་བྱས་ཚེ་ང་ཚོའི་ཕྱོགས་ནས་ཆབ་སྲིད་ལས་འགུལ་མི་སྤེལ་རྒྱུ་ཁས་ལེན་བྱ་ཆོག་པ་དང་། འདས་པོ་ཚོའི་རྗེས་ལ་མྱ་ངན་ཞུ་བ་ལས་མི་རིགས་བར་གྱི་གནད་དོན་དེ་ས་ཡོམ་ལ་ཁ་གཡར་ཏེ་ངོ་རྒོལ་བྱ་སྲིད་དམ། ལས་སྟངས་དེ་ཡིས་ལོ་རྒྱུས་ལ་ནག་ཐིག་བཟོས་པ་མ་རེད་དམ།

འདིར་གཞིགས་དང་།རྒྱ་ནག་གི་ཁ་ཞེ་མཐུན་པའི་ལས་ཤིག་བྱ་སྲིད་དམ།
(来自玉树】紧急：20日，喇嘛被逐。政府统战部门要求正在救灾的各地喇嘛返回，严厉地说“你们什么样的事情都做了，太过分了，现在立即返回各自所在地方，否则会有麻烦。”有干部对喇嘛透露，已有维稳军队集结玉树.

ད་རེས་རྒྱ་ནག་གི་ཆབ་སྲིད་ཅུའུ་རྒྱུན་ལས་ཨོ་ཡོན་དང་རྒྱལ་ཡོངས་སྲིད་གྲོས་ཀྱི་འགོ་འཛིན་ཅ་ཆིན་ལིན་གྱིས་བཤད་པ་དེར་ཡིད་ཆེས་ཅུང་ཟད་སྟེར་ཆོག་སྙམ།་གང་ལགས་ཤེ་ན།་གྲངས་ཉུང་མི་རིགས་ཤིག་ལ་རང་འབྱུང་ཁམས་ཀྱི་གནོད་འཚེ་ཐེབས་པའི་མི་ཤི་རྐྱེན་ཆག་གི་དཀའ་ངལ་འོག་ནས་ཁོ་པས་འགན་འཁུར་བའི་སྐད་ཆ་ཞིག་ལས་ཆབ་སྲིད་དང་འབྲེལ་བའི་སྐད་ཆ་ཞིག་གཏན་ནས་མ་རེད་སྙམ་བཞིན་ཡོད།༸གོང་ས་སྐྱབས་མགོན་ཆེན་པོ་མཆོག་གིས་ཀྱང་ས་འགུལ་གནོད་ཐེབས་ཕོག་ཡུལ་རང་དུ་ཆིབས་བསྒྱུར་གནང་འདོད་ཀྱི་ཐུགས་འདུན་ཤུགས་ཆེན་པོ་གནང་བ་དེ་ཡང་ཆབ་སྲིད་དང་འབྲེལ་བ་རྩ་ནས་མེད་པར་ས་གནས་ས་ཐོག་གི་ཤུལ་ལུས་བོད་མི་རྣམས་ལ་ཐུགས་གསོའི་འཚམས་གཟིགས་གནང་རྒྱུ་ཁོ་ན་ཙམ་རེད།་དེར་བརྟེན་ང་ཚོས་རྐྱེན་ངན་གྲོགས་ཤར་གྱི་གོ་སྐབས་འདི་ཉིད་མ་ཤོར་བའི་ཐོག་ནས་གནད་ལ་འཁེལ་བའི་ལས་འགུལ་སྣ་ཚོགས་ཤིག་བརྩམ་དགོས་ཀྱི་འདུག
ད་ལེན་གོ་སྐབས་འདིའི་ཐོག་ནས་༸གོང་ས་མཆོག་བོད་དུ་ཕེབས་ཐུབ་པ་ཞིག་འབྱུང་མ་ཐུབ་ན།་ངས་ནམ་ཡང་༸གོང་ས་སྐུ་ཕྲེང་བཅུ་བཞི་པ་མཆོག་བོད་དུ་ཕེབས་ཐུབ་རྒྱུའི་གོ་སྐབས་མེད་པ་ཞིག་ཏུ་ངོས་འཛིན་བྱེད་ཀྱི་ཡོད།་དེ་དག་ནི་ངས་༸གོང་ས་མཆོག་གི་སྐུ་ནའི་བབས་དང་རྒྱ་ནག་གི་གཡོ་ཇུས།་་སྤྱིའི་གནས་བབ་བཅས་ཀྱི་ཐོག་ནས་བཤད་ཀྱིན་ཡོད་པ་ལས་མ་འོངས་སྔོན་གཟིགས་ཀྱི་ལམ་སྟོན་གང་ཡང་མིན།ངས་དེ་སྔར་བཤད་ཟིན་པ་ལྟར་ཡུལ་ཤུལ་བོད་མི་གཙོ་བོར་གྱུར་པའི་བོད་མདོ་དབུས་ཁམས་གསུམ་ནས་རྒྱ་ནག་གཞུང་ལ་འདིའི་ཐོག་རེ་འབོད་ཀྱི་ཞུ་ཡིག་གཅིག་རྗེས་གཉིས་མཐུད་ཕུལ་བ་དང།་ཞུ་གཏུག་བྱེད་པ།་རྔམ་སྟོན་ཁྲོམ་སྐོར་བྱེད་རྒྱུ་སོགས་ལས་འགུལ་སྣ་ཚོགས་པ་ཞིག་ཚ་ཚ་འུར་འུར་ངང་སྤེལ་དགོས་ལ།་ཕྱོགས་མཚུངས་བཙན་བྱོལ་བ་ཚོས་ཀྱང་མཎི་བགྲང་བ་དང་སྡུག་སྐད་བཤད་ནས་བསྡད་རྒྱུ་ཙམ་མ་ཡིན་པར་འཛམ་གླིང་མཉམ་འབྲེལ་རྒྱལ་ཚོགས་གཙོས་པའི་རྒྱལ་ཁབ་ཁག་གི་དབུ་ཁྲིད་མི་སྣ་ཡོད་དོ་ཅོག་ལ་འབད་སྐུལ་ཞུ་ཡིག་ཕུལ་བ་དང་།་ལྷག་པར་དུ་ཆབ་སྲིད་ཀྱི་ཚིག་གཅིག་ཀྱང་མེད་པར་༸གོང་ས་མཆོག་བོད་དུ་ཕེབས་དགོས།་་ས་ཡོམ་གྱི་གནོད་འཚེ་སེལ་དགོས།་་ཡུལ་ཤུལ་མི་དམངས་སེམས་པ་མ་སྐྱོ།་ང་ཚོ་ཁྱེད་ཀྱི་ཕྱོགས་སུ་ལངས་ཡོད།་ཅེས་སོགས་འཁོད་པའི་ཕྲེད་དར་འཕྱར་ནས་འཛམ་གླིང་ཡུལ་གྲུ་ཀུན་ཏུ་རྔམ་སྟོན་ཁྲོམ་བསྒྲགས་བྱེད་རྒྱུ་སོགས་བོད་མིའི་ངོས་ནས་བྱེད་སྒོ་ཁག་ཆད་ལུས་མེད་པ་ཞིག་གནང་དགོས་པའི་སེམས་ཚོར་ཆེན་པོ་ཞིག་སྐྱེ་བཞིནའདུག་འདི་ལ་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་ཁག་ཡོངས་ནས་ནུས་ཤུགས་ཇི་ཡོད་ཕྱོགས་གཅིག་ཏུ་སྤུངས་ནས་ལས་འགུལ་རྒྱུན་མ་ཆད་པར་སྤེལ་རོགས་གནོངས་ཞུ་རྒྱུ་ཡིན།་་་་་་་་་་་་་དྲ་གོྲགས་ཚོས་ཀྱང་འདི་ལ་མུ་མཐུན་ཡོད་ན་རྒྱབ་སྐྱོར་གྱི་རྩོམ་ཐུང་འགའ་འདོན་སྤེལ་ཡོང་བའི་རེ་བ་ཡོད།

འདི་ནི་བཟང་ཕྱོགས་ཀྱི་རྣམ་པ་ཞིགརེད། ད་རེད་ངེས་པར་དུ་༸གོང་ས་མཆོག་བོད་ཡུལ་དུ་གདན་འདྲེན་ཞུ་ཐུབ་འབད་བརྩོན་བྱེད་དགོས་ཀྱི་འདུག རང་གཞུང་ངོས་ཀྱང་གང་མགྱོགས་འདིའི་ཐོག་ཤུགས་རྒྱབ་རོགས་གནོངས། ད་བར་བོད་གཞུང་ངོས་ནས་གོ་རྒྱུ་ཚོར་རྒྱུ་མེད་འདུག་པས། དེར་བློ་ཕམ་ཆེན་པོ་བྱུང་།

ཁོང་རྣམ་པའི་གཟིགས་ཞིབ་གནང་པར་་་་་་་་་་་་་་་་་་་ཞེས་བཅོས་

ད་རེས་རང་བྱུང་ས་འགུལ་གྱི་གནོད་འཚེ་ཐེབས་སའི་ཁུལ་དུ་རྒྱ་ནག་གཞུང་གི་སྲིད་བློན་དང་། སྲིད་འཛིན་སོགས་ཆེས་མཐོའི་དབུ་འཁྲིད་ཚོས་དངོས་སུ་གཟིགས་ཞིབ་གནང་བ་དང་སྤྲགས་ཕྱོགས་གང་སར་འདས་སོན་ཡོངས་ལ་ཐུགས་འཁུར་དང་རོགས་རམ་ཆེ་བཞེས་གནང་བར་དེར་ང་ཚོས་སྙིང་དབུས་ནས་རྗེས་སུ་ཡི་རངས་དང་ཐུགས་རྗེ་ཆེ་ཞུ་དགོས།

ད་དུང་ཕྱི་རྒྱལ་དང་། ཚོགས་སྡེ། མི་དམངས། མི་སྒེར་སོགས་ཀུན་གྱིས་དུང་སེམས་མཉམ་བསྐྱེད་གནང་བ་དང་ཆིག་སྒྲིལ་གྱི་རོགས་འདེགས་གནང་བཞིན་ཡོད་པར་ཚང་མར་བཀའ་དྲིན་ཆེ་ཞུ་རྒྱུ་ཡིན།

རྒྱ་ནག་སྲིད་གྲོས་ཀྱི་ཀྲུའུ་ཞི་ཇ་ཆིན་ལིན་གྱིས་ཕྱི་རྒྱལ་དུ་བཞུགས་པའི་བོད་རིགས་སྤུན་ཟླ་སུ་ཞིག་གིས་དུང་སེམས་མཉམ་བསྐྱེད་དང་ཞལ་འདེབས་སོགས་གནང་ཆེད་བོད་དུ་ཕེབས་ན་གཞུང་ཚབ་ཁང་ནས་སྣེ་ལེན་ཞུ་དགོས་པའི་གསལ་བསྒྲགས་སྤེལ་བ་དེ་ཧ་ཅང་གྱི་བྱ་བ་བཟང་པོ་ཞིག་རེད།

དེར་བརྟེན་ང་ཚོ་རྒྱ་བོད་མི་རིགས་གཉིས་ཀས་དུང་སེམས་མཉམ་བསྐྱེད་དང་འབྲེལ་ཆིག་སྒྲིལ་གྱི་གོང་བུ་གཅིག་ཏུ་སྤྲེལ་ཏེ་ད་རེས་༸ གོང་ས་སྐྱབས་མགོན་ཆེན་པོ་མཆོག་བཀའ་དྲིན་ཞབས་སོར་ཅི་ནས་འཁོད་ཐུབ་པའི་ཆེད་རྒྱ་བོད་གཉིས་ཀས་བསམ་གཞིགས་ནན་མོ་ཞིག་གནང་ཐུབ་རྒྱུའི་རེ་བ་ཆེན་པོ་ལྡན་ཡོད།

དེ་ནི་རྒྱ་ནག་དབུས་གཞུང་དང་། རྒྱ་ནག་མི་དམངས། བོད་རིགས་མི་དམངས་བཅས་ཚང་མར་ཐུན་མོང་དུ་དབང་བའི་ཕན་ཐོགས་དང་ཆེས་རླབས་ཆེ་བའི་བྱ་བའང་བཟང་པོ་རེད།

འདི་ནི་གནད་འགག་གི་དུས་སྐབས་ཞིག་ཡིན་པས་༧གོང་ས་མཆོག་ཕེབས་མ་ཐུབ་ནའང་བོད་ཀྱི་བླ་ཆེན་ཞིག་གམ་ཟམ་གདོང་ངམ་རྒྱ་རི་ལྟ་བུ་ཕེབས་ཐུབ་ན་ཡག་ས་རེད། གང་ལྟར་གོ་སྐབས་འདི་ཤོར་ཉེན་གི་མ་རེད་སྙམ།

འདི་བཟང་ཕྱོགས་ཀྱི་བརྡ་ལན་དུ་འདུག་པས། གོ་སྐབས་གཏན་ནས་འཆོར་མི་ཉན། བོད་གཞུང་གིས་རིག་པ་ཡོད་ཚད་སྒྲིམ་དགོས།

Actually I have already gotten visa for Tibet ywo days ago.Therefore,you guys also do not miss this opportunities.

བོད་མི་མང་པོ་རྩ་འཛུགས་ཀྱིས་རྒྱ་ནག་གཞུང་ཚབ་ཁང་ལ་ཐོ་འགོད་དུ་འགྲོ་རྒྱུ་འདི་གལ་ཆེན་པོ་རེད། འགྲོ་དུས་རྣམ་འགྱུར་ཡག་དགོས། སྐད་ཆ་བཤད་སྟངས་ཤེས་དགོས། གོ་སྐབས་འདི་འཆོར་མི་རུང་།

རྒྱ་ནག་གི་ཅི་བཤད་ལ་ཉན་རྒྱུ་གང་ན་ཡོད། ༸གོང་ས་མཆོག་དང་ཀརྨ་པ་ཞིག་ཕེབས་རྒྱུར་ཞོགས་བླ་ཆེན་ཞིག་ཀྱང་ཁག་པོ ཐ་ན་ང་ལྟ་བུའི་མི་དཀྱུས་མ་ཞིག་ཀྱང་གཏོང་རྒྱུའི་ཡིད་ཆེས་མེད། ཁོང་ཚོས་འཛམ་ཐོག་འགྲོ་བ་མིའི་ཐོག་ཐང་ཡོད་མདོག་གི་གསལ་བསྒྲགས་ལྟ་བུ་རེད། ལན་ལེན་ལ་ཐུག་དུས་དགག་གི་རེད།
གོང་དུ་རེ་ཟུང་གིས་བླ་ཆེན་ཞིང་དང་རེ་ཟུང་གིས་ཟམ་གདོང་བཏང་ན་ཟེར་གྱི་འདུག གཏོང་རྒྱུའི་རེ་བ་མི་འདུག ཟམ་གདོང་ལས་ང་བཏང་ན་ཡག་པོ་འདུག་་་གང་ཡིན་ཞེ་ན་་་ངས་ཁམས་སྐད་དང་ཨམ་སྐད་རྒྱ་སྐད་སོགས་གོ་བས་ས་ཆོད་འདྲ་ས་མ་རེད།
གང་ལྟར་གཞུང་ངོས་གོ་ཆོད་པ་ཞིག་གཏོང་རྒྱུ་དེ་ཧ་ཅང་གལ་ཆེན་རེད།

ཕྱི་ཕྱོགས་སུ་བཞུགས་པའི་རང་རིགས་སྤུན་ཟླ་རྣམས་པའི་སྐུ་ཚབ་ཞིག་གནོད་སྐྱོན་ཐེབས་ཡུལ་དུ་གཏོང་ཐུབ་ན་ཡག་པོ་འདུག ད་ལྟའི་གནས་བབས་ལ་བལྟས་ན་སྐུ་ཚབ་དེ་ཡང་བླ་ཆེན་ཞིག་འོས་བབ་འདུག ཁོ་བོས་བསམ་ན་༸ཀརྨ་པ་ཉིད་འཚམས་པོ་འདུག

ད་ཡིན་ན་གོ་སྐབས་དམ་འཛིན་བྱེད་ཏེ།    ང་ཅག་གངས་ཅན་པ་རྣམས་ཀྱི་འདི་ཕྱིས་སྐྱབས་གནས་དམ་པ་༧གོང་ས་སྐྱབས་མགོན་ཆེན་པོ་མཆོག་་ངེས་པར་དུ་ཕེབས་ཐུབ་པ་བྱེད་དགོས།  བོད་མི་ཡོངས་གྱི་མགོན་སྐྱབས་གཅིག་པུ་ཡངདེ་ཡིན་ལ།  རེ་བ་ཞུ་ས་ཡང་དེ་ཡིན་༧གོང་ས་མཆོག་མཁྱེན་ཁྱེད་མྱུར་དུ་བོད་ལ་ཕེབས་ཐོབས་པར་ཤོག་

ཅ་ཆིན་ལིན་གྱི་སྐད་ཆ་འདི་སེམས་གཏིང་ནས་བཤད་པའི་སྐད་ཆ་ཡིན་མིན་གང་ལྟར་ཡང་། གོང་ས་མཆོག་གི་གསར་འགོད་གསལ་བསྒྲགས་དེའི་རྗེས་སུ་འདི་འདྲ་ཞིག་བཤད་པར་གོ་རྒྱུ་དང་བསམ་རྒྱུ་གཉིས་ཀ་འདུག་སྙམ། ད་ང་ཚོས་གོ་སྐབས་ངམ་འཛིན་གྱིས་༧གོང་ས་མཆོག་གདན་འདྲེན་བྱེད་མ་ཐུབ་ཀྱང་། བོད་རིགས་མང་ཙམ་རྩ་འཛུགས་ཀྱིས་གཞིས་ལུས་བོད་མིའི་མདུན་སར་འགྲོ་རྒྱུ་ནི་གལ་ཆེན་ནང་གི་དོན་ཆེན་རེད་ལ། རྒྱ་ནག་གཞུང་དང་མི་མང་གི་རོགས་སྐྱོར་དེ་ཇི་འདྲ་ཞིག་ཡིན་རུང་ང་ཚོའི་ངོས་ནས་དེར་བཀའ་དྲིན་ཆེ་ཞུ་བའི་རྣམ་འགྱུར་གསལ་བོ་ཞིག་སྟོན་དགོས། དེ་ནི་བོད་རྒྱ་མི་རིགས་གཉིས་དབར་གྱི་འབྱུང་འགྱུར་ལ་རག་ལས་པ་ཞིག་རེད།
ཐེངས་འདིའི་གོད་ཆགས་ཁྲོད་བོར་སོང་བའི་སྤུན་ཟླ་རྣམ་གྱི་རྣམ་ཤེས་རང་དབང་ལྡན་པའི་འབྱུང་འགྱུར་གྱི་བོད་དུ་སྐྱེས་པར་ཤོག

༸གོང་ས་མཆོག་ཕེབས་ཐུབ་པར་གྲ་སྒྲིག་བྱེད་དགོས། གལ་སྲིད་མ་ཐུབ་ཚེ་མི་གོ་ཆོད་པ་ཞིག་འགྲོ་དགོས་པ་རེད། ཟམ་གདོང་གཅིག་འགྲོ་ན་ག་འདྲ་འདུག
གཅིག་ནས་བོད་ཀྱི་ནང་དུ་ཁོང་ལ་མཐོང་ཆེན་པོ་ཡོད་རེད།
གཉིས་ནས་བླ་མ་ཞིག་རེད། བོད་པ་ཚོ་དགའ་ནི་རེད།
གསུམ་ནས་སྨྲ་བརྗོད་མཁས་པ་རེད། ཁམས་སྐད་ཀྱང་གསལ་པོ་བཤད་ཤེས་ནི་རེད།

ང་ཚོ་གཞིས་བྱེས་བོད་མི་ཡོངས་ཀྱིས་རྒྱ་མིས་སྔར་བྱས་ནག་ཉེས་ལ་འཁོན་འཛིན་བཞག་ནས། མ་འོངས་ཕུགས་རྒྱང་རིང་པོའི་བསམ་ཞིབ་ཀྱིས། བོད་རྒྱའི་དམ་ཚིག་སྔར་ལྷག་ཉམས་པ་སོར་ཆུད་ལ་འབད་དགོས་པ་ནི། ད་ལྟའི་ཁ་ཡོད་ལག་ཡོད་ཀྱི་ཆབ་སྲིད་ལ་ཕན་པའི་གཉིས་སྨན་དགོས་མཁོ་ཞིག་རེད་སྙམ་བགྱིད་འདུག བོད་རྒྱའི་དམ་ཚིག་འོ་ཆུ་འདྲེས་འགྱུར་ཅིག

༸གོང་ས་མཆོག་གིས། ་་་་་་་་་ངེད་གཉིས་སྐྱེས་སའི་ཕ་ཡུལ་ཡིན་སྟབས། ས་གནས་ས་ཐོག་གི་རེ་བ་ལྟར་འགྲོ་ཐུབ་ན་བསམ་པའི་རེ་བ་ཡོད་པ་དང་། མི་མང་གི་རེ་འདོད་ལྟར་འགྲོ་ཐུབ་པ་ཡིན་ན། ་་་་་གསུངས་པ་དང་།
ཅ་ཆིན་ལེན་གྱིས། ་་་་་་་ཕྱི་རྒྱལ་དུ་ཡོད་པའི་བོད་རིགས་སྤུན་ཟླས་རྒྱལ་ནང་དུ་མྱ་ངན་ཞུ་བ་དང་ཞལ་འདེབས་འབུལ་བར་ཡོང་བའི་རེ་བ་བཏོན་ཚེ། ཕྱི་རྒྱལ་དུ་ཡོད་པའི་རང་རྒྱལ་གྱི་གཞུང་ཚབ་ཁང་གིས་ལྷག་བསམ་རྣམ་དག་གིས་སྣེ་ལེན་བྱེད་དགོས་་་་་་་། ་་་་གསུངས་པ་འདི་གཉིས་ལག་ལེན་དུ་འཁེལ་པ་ཡིན་ན། བོད་རང་བཙན་ནམ་ཁ་བྲལ་བཞག་ནས་གཉིས་སྨན་དབུ་མའི་ལམ་ལ་ཤུགས་ལ་ངོས་ལེན་བྱེད་འགོ་འཚུགས་པ་ཞིག་ལ་ངོས་ལེན་བྱེད་མི་ཆོག་གམ།

འདི་ནི་རྒྱ་ནག་གི་གཡོ་སྒྱུ་འཁྲབ་སྟངས་ཤིག་རེད། མིག་སྔའི་གུད་སྐྱོབ་ཀྱི་གནས་ཚུལ་ལ་བལྟས་ཡོང་ཚེ་ད་ཐེངས་ཁོ་ཚོའི་ཕྱོགས་ལ་དགེ་ཁ་དེ་མི་ཐོབ་པ་ཐག་གིས་ཆོད་ཚར་བས། ཐབས་བཀོད་འདི་འདྲ་ཞིག་འཐེན་དེ་གྲྭ་བ་སོགས་བོད་མིའི་གུད་སྐྱོབ་ཀྱི་བྱས་རྗེས་འཕྲོག་རྩིས་བྱེད་པ་རེད། མ་ཟད་འདི་ལྟར་འཛམ་བུ་གླིང་ལ་ཡང་འཁྲབ་སྟོན་སྙིང་རྗེ་བོ་ཞིག་བྱ་འདོད་ཡོད་པ་རེད།

གོ་སྐབས་དམ་འཛིན་གྱིས་མགོན་པོ་གང་ཉིད་ཞབས་སོར་བདེ་བར་འཁོད་ཐུབ་པའི་སྨོན་འདུན་གྲངས་མེད་འདེབས་བཞིན་མཆིས་

ཐེངས་འདིའི་གདུང་སེམས་མཉམ་བསྐྱེད་ཀྱི་གོ་སྐབས་འདིར་༸གོང་ས་མཆོག་ཕེབས་ཐུབ་མིན་ཤོད་དཀའ་ཡང་། བོད་རིགས་འགའ་རེ་འགྲོ་ཐུབ་ངེས་ལ་སོང་། ཅི་སྟེ་གྲ་སྒྲིག་ཚད་ལྡན་ཡོད་པ་ཞིག་བྱས་ཏེ་ཕེབས་དགོས་པ་ལས། སེམས་ཤུགས་དང་། བྲེལ་འཚུབ་གཉིས་ཀྱི་འཚང་ཀའི་བར་ནས་ཕེབས་མི་རུང་བར། གཞན་ལ་རོགས་རམ་ཐུབ་པ་ཙམ་ཟད། རང་གི་གནས་བབ་ཀྱང་བསྟན་སྲུང་བྱེད་ཐུབ་པ་ཞིག་བྱེད་དགོས།