ས་ཡོམ་གྱིས་མི་ ༢༠༣༩ བསད་འདུག་ཟེར།

ha ha བོད་ཀྱི་ལྷ་ཀླུ་ཐམས་ཅད་ཀྱང་གང་ཞིག་ལ་བུད་སོང་བ་རེད་ཨང་

གླེན་པ་ལུག་གིས། དེ་རིང་ང་། ལས་དོན་ག་གེའི་མོའི་སླད་དུ་གངས་སྐྱིད་དུ་སོང་། ཉོབ་མདངས་ལྷུག་ལྷུག་གི་གཞུང་ཞབས་ཕོ་མོ་ཚོ་མཐོང་བས། ང་སྐྱོ་ཞིང་གདུང་། དེ་ནས་དཔེ་མཛོད་ཁང་གི་ཉེ་འཁྲིས་སུ་བཅར། དཔེ་མཛོད་འགན་འཛིན་གཙོས་པའི་ལས་བྱེད་ཚོའི་དགོད་སྒྲ་དང་། མཛུབ་བར་ནས་ཐག་ཐག་ཡར་བའི་གེ་རམ་གྱི་ཁྲོག་སྒྲ། ཧ་ཧ་དང་ཧོ་ཧོའི་དགོད་སྒྲ་དེ་ལས་རེ་བའི་སེམས་པ་རྨེག་མེད་དུ་བཅོམ་སོང་། རོ་ཐོག་རྟ་རྒྱུག་ཟེར་བ་འདི་འདྲ་ཞིག་ལོས་ཡིན་སྙམ་སོང་། རྡ་རམ་ས་ལ་ན་ཅི་ཞིག་ཡོད་དམ། ༸གོང་ས་མཆོག་བཞུགས་པ་དངོས་གནས་རེད། ཁོང་གིས་ས་ཡོམ་གོད་ཆག་ཁྲོད་ཀྱི་སྐྱེ་རྒུའི་མི་དམངས་ལ་མཛའ་བརྩེའི་གསུང་འཕྲིན་དང་བསྔོ་སྨོན་གནང་སོང་། ད་དུང་ཐོག་དང་པོར་གོ་སྐབས་བརྩོན་ལེན་གནང་སྟེ། ཕ་ཡུལ་སྐྱེ་རྒུའི་ཡུལ་གྱི་རང་གི་འབངས་མི་ལ་ཐུག་ཏུ་འགྲོ་བར་དྲིལ་བསྒྲགས་སོང་། ༸གོང་ས་ཐམས་ཅད་མཁྱེན་པ་དངོས་གནས་བཞུགས་འདུག
འོན་ཀྱང་བོད་གཞུང་གི་བཀའ་ཁྲི་མཆོག་ཀྱང་བཞུགས་ཡོད་དམ་མེད། མི་དམངས་སྤྱི་འཐུས་རྣམས་ཀྱང་བཞུགས་ཡོད་དམ་མེད། ཚོར་སྣང་ཅི་ཡང་མ་བྱུང་། གཅིག་བྱས་ན་གསང་བའི་བརྒྱུད་ལམ་རེ་ན་འབད་འབུངས་བྱེད་བཞིན་ཡོད་ལས་ཆེ། ད་ལྟའི་རེ་བ་བཅངས་ཡོད། ཉིན་གུང་གཞུང་ཞབས་ཚོའི་གུང་གསེང་སྐབས་ཀྱང་མཐོང་སོང་། ཚ་གདུག་ཆེ་བས་ཡིན་ནམ། ཚང་མའི་གདོང་ན་གྲིམ་རིག་རིག་གི་རྣམ་འགྱུར་དང་། ལང་ཆོག་ཆོག་གི་སྙིང་སྟོབས་ཟུར་ཙམ་ཡང་མི་འདུག ཚང་མ་ཕག་པ་ལྟར་ཡམ་ཡོམ་ལྷ་ལྷུག་ངང་འགྲོ་བཞིན་འདུག ལས་ཁུངས་ཁག་གི་ར་སྐོར་དང་། གྱང་རྟིང། རྒྱ་ལམ་བཅས་སུ་གད་སྙིགས་དང་ས་རྡུལ་ཕྱུར་བུར་སྤུངས་ཏེ་འདུག ངའི་སེམས་ལ་ཁོང་ཅག་ལ་ཚོར་བ་ཡོད་དམ་སྙམ། ཐེངས་འདིའི་སྐྱེ་རྒུའི་མི་དམངས་ལ་འཕྲད་པའི་གོད་ཆག་ཐད་ཁོ་ཚོར་རྒྱུས་མངའ་ཇི་ལྟར་ཡོད་དམ། བོད་གནས་ཉམས་ཞིབ་ཀྱིས་ཇི་ཞིག་ཉམས་ཞིབ་བྱས་ཡོད་ཨང་སྙམ། གལ་སྲིད་བདུན་ཕྲག་རེ་གཉིས་རྗེས་བོད་གནས་ཉམས་ཞིབ་པ་ཚོར་ཐེངས་འདིའི་གནས་ཚུལ་ཐད་དོན་དངོས་ལ་འབབ་པའི་རྒྱུགས་གཞི་ཞིག་སྤྲད་ན་གང་འདྲ་ཡིན་ནམ། རྒྱ་གཞུང་གིས་ལག་གང་སྔ་བརྩད་ནས་ཚེས་༢༡་ཉིན་སྐྱེ་རྒུའི་མི་དམངས་ལ་རྒྱལ་ཡོངས་ནས་མྱ་ངན་ཞུ་རྒྱུ་ཟེར། ང་ཚོའི་སྲིད་གཞུང་འདིའི་ཐད་ཀྱང་རྗེས་སུ་ལུས་སོང་། རང་གི་མི་དམངས་ལ་ད་ལྟའི་དར་སྲོལ་ལྟར་གྱི་མྱ་ངན་ཞུ་བར་རྒྱ་གཞུང་སྔོན་ལ་ཤོར་སོང་བར་ཅི་སྙམ་གྱི་འདུག་གམ། ངའི་གཅེས་ཤིང་བརྩེ་བའི་གཞུང་ས་དགའ་ལྡན་ཕོ་བྲང་དང་དེའི་གཞུང་ཞབས་པ་ཚོ།
ད་ལྟ་རྒྱ་ནག་དབུས་བརྙན་འཕྲིན་ལས་ཁུངས་ཀྱིས་སྐྱེ་དགུའི་མི་དམངས་ལ་མྱ་ངན་དང་རྒུད་སྐྱོབས་ཀྱི་ཞལ་འདེབས་བསྡུ་བའི་བྱ་འགུལ་སྤེལ་གྱི་འདུག གསར་འགོད་པ་དག་གངས་སྐྱིད་དཔེ་མཛོད་ཀྱི་སྒོ་འགྲམས་དང་། གསོལ་ཐབས་ཁང་བཅས་སུ་སོང་ནས་ལྟོས་དང་། དེ་གར་གེ་རམ་རྩེ་བཞིན་པའི་གཞུང་ཞབས་པ་ཚོའི་དགོད་སྒྲ་དང་། དཔེ་མཛོད་ལས་བྱེད་ཚོའི་འཛུམ་མདངས་དང་དགོད་སྒྲས་བཀང་ནས་འདུག ཐག་ཉེ་བའི་གསར་འགོད་པ་ཚོ་མྱུར་དུ་རྒྱུགས

རྒྱ་ནག་གཞུང་འབྲེལ་ཀྲུང་གོའི་བོད་ལྗོངས་དྲ་བ་ཟེར་བ་ལས་གསར་དུ་ཐོན་གསལ་ལྟར་ན། ༼ཚེས་༢༠ཉིན་ཀྲུང་དབྱང་བརྙན་འཕྲིན་ཁང་ནས་བཏང་བའི་གསར་འགྱུར་ལྟར་ན། ཚེས་ ༢༠ ཉིན་གྱི་སྔ་དྲོའི་ཆུ་ཚོད་ ༡༠བར་དུ་ཡུལ་ཤུལ་དུ་ས་ཡོམ་བྱུང་ནས་མི་ ༢༠༤༦ ཚེ་ལས་འདས་པ་དང༌། མི་ ༡༩༣ གར་སོང་ཆ་མེད་དུ་གྱུར་བ། མི་ ༡༢༡༣༥ ལ་རྨས་ཕོག་པ་དང༌། དེ་ལས་མི་ ༡༤༣༤ ལ་རྨས་ལྕི་མོ་ཕོག་ཡོད་པ་རེད།༽ ཅེས་བཀོད་འདུག
http://tibet.people.com.cn/141101/11413506.html

ད་རེའི་གནས་ཚུལ་འདིས་བྱང་ཁོག་སྟོད་ན་སྙིང་ཡོད་མཁན་ཚང་མ་ལ་མིག་ཆུ་འབྱིན་དུ་བཅུག་སོང་།

པདྨ་འདམ་གྱི་མ་འགོས་པར། །སྲིད་གསུམ་དྲི་མས་མ་འགོས་ཤིང་། །
སྲིད་པའི་པདྨོ་ལས་གྲོལ་མ། །བདེ་བ་ཅན་དུ་སྐྱེ་བར་ཤོག །

རི་བོ་ཏྰ་ལའི་ཞིང་ཁམས་སུ། །ཡིདམ་ཐུགས་རྗེ་ཆེན་པོ་བཞུགས། །
སྙིང་རྗེ་ཅན་གྱི་འཁྲུངས་ས་ཡི། །ཞིང་མཆོག་དེ་རུ་སྐྱེ་བར་ཤོག །

མངོན་པར་དགའ་བའི་ཞིང་ཁམས་སུ། །རྫོགས་པའི་སངས་རྒྱས་མི་འཁྲུགས་བཞུགས། །ངན་སོང་སྦྱོང་བའི་འཁྲུངས་ས་ཡི། །ཞིང་མཆོག་དེ་རུ་སྐྱེ་བར་ཤོག །

ཟམ་མདོག་དཔལ་གྱི་རི་བོ་ལ། །གུ་རུ་པདྨ་འབྱང་གནས་བཞུགས། །
སྐྱེ་འཆི་སྤངས་པའི་འཁྲུངས་ས་ཡི། །ཞིང་མཅོག་དེ་རུ་སྐྱེ་བར་ཤོག །

གཡུ་ལོ་བཀོད་པའི་ཞིང་ཁམས་སུ། །རྗེ་བཙུན་འཕགས་མ་སྒྲོལ་མ་བཞུགས། །
ཆགས་སྡང་སྤངས་པའི་འཁྲུངས་ས་ཡི། ། ཞིངང་མཆོག་དེ་རུ་སྐྱེ་བར་ཤོག །

ལྷོ་ཕྱོགས་དཔལ་གྱི་རི་བོ་ལ། །སློབ་དཔོན་ཀླུ་སྒྲུབ་ཡབ་སྲས་བཞུགས། །
བདག་ཉིད་སྤངས་པའི་འཁྲུངས་ས་ཡི། །ཞིང་མཆོག་དེ་རུ་སྐྱེ་བར་ཤོག །

དག་པ་མཁའ་སྤྱོད་ཞིང་ཁམས་སུ། །རྡོ་རྗེ་རྣལ་འབྱོར་མ་ཉིད་བཞུགས། །
འཇའ་ལུས་ཅན་གྱི་འཁྲུངས་ས་ཡི། །ཞིང་མཆོག་དེ་རུ་སྐྱེ་བར་ཤོག །

བདེ་བ་ཅན་གྱི་ཞིང་ཁམས་སུ། །སངས་རྒྱས་འོད་དཔག་མེད་པ་བཞུགས། །
སྣང་བ་མཐའ་ཡས་འཁྲུངས་ས་ཡི། །ཞིང་མཆོག་དེ་རུ་སྐྱེ་བར་ཤོག །

མཚོ་སྔོན་བརྙན་འཕྲིན་ཁང་གིས་ཐེངས་འདིར་ལས་ཀ་བྱས་དང་བྱེད་བཞིན་པའི་རྣམ་པ་དེ་དངོས་གནས་ཧ་ལས་པའི་ཚད་དུ་འདུག སེམས་གཏིང་ནས་ཐུགས་རྗེ་ཆེ་ཞུས་པ་དང་། ད་དུང་གསར་འགོད་པ་ཚེ་སྒྲོན་གྱིས་བྱིས་པ་ཆུང་ཆུང་ཞིག་ལ་བཅར་འདྲི་བྱེད་བཞིན་ཁོ་མོའི་སེམས་ཀྱིས་མ་བཟོད་པར་ངུ་ཤོར་པའི་རྣམ་པ་དེས་ངའང་རང་དབང་མེད་པར་མིག་ཆུ་ཤོར་བར་བཅུག་སོང་། ཁྱེད་བརྙན་འཕྲིན་ཁང་གི་ལས་མི་ཡོངས་ལ་ཐུགས་རྗེ་ཆེ་ཞུ། ད་དུང་ཡང་མུ་མཐུད་ནས་དངོས་ཡོད་ལ་གཞོལ་བའི་གནས་ཚུལ་རྣམས་དུས་ཐོག་མཁོ་གཏོང་ཐུབ་པའི་རེ་སྨོན་ཞུ།
དེ་བཞིན་དུས་བབ་ཚང་ལའང་གནས་ཚུལ་རྣམས་དུས་ཐོག་བཏང་བ་དང་གང་ཐུབ་ཀྱིས་འཚོལ་སྒྲིག་བྱས་ཏེ་ཉིན་མཚན་དབྱེར་དུ་དྲ་ཐོག་ཏུ་བཞག་དང་འཇོག་བཞིན་པར་ཡང་ཐུགས་རྗེ་ཆེ་ཞུས་པ་ཡིན།

ལྷ་ཀླུ་གཉན་གསུམ་དང་ཡུལ་ལྷ་གཞི་བདག་ཚོ་ལའང་ས་ཡོམ་གྱི་འཇིགས་པ་འདི་བྱུང་ཡོད་ཀྱི་རེད། ཁོང་ཚོ་གནས་བཅའ་ས་ཡང་རི་ཆུ་ནགས་གསུམ་སོགས་རང་བྱུང་གི་ཁམས་རེད། རང་བྱུང་ཁམས་ཀྱི་གནོད་འཚེ་འདིས་དེ་ལ་གནས་བཅའ་མཁན་ཚང་མར་གནོད་ཀྱི་ཡོད་པ་རེད། ཁོང་ཚོ་ལ་མྱུར་སྐྱོབ་བྱེད་མཁན་ཡང་མེད་པས་ང་ཚོས་མ་མཐར་ཡང་ཁོང་ཚོར་གདུང་སེམས་མཉམ་སྐྱེད་བྱེད་དགོས་པ་རེད།