རང་བྱུང་ཁམས་ལ་བཟོད་གསོལ་ཞུ་བ། ཆབ་བྲག་ཕོ་ཉ།

ད་ནི་ང་ཡིས་མིག་ཆུ་མི་འདོན། །
ལས་དབང་གནམ་གྱི་རྒྱལ་མོར་མི་བཅོལ། །
སེམས་དང་བསམ་པའི་ན་ཟུག་བར་ནས། །
ཨམ་གཙིགས་སྡོམ་བཞིན་གླུ་ཞིག་ལེན་འདོད། །

དྲ་བདག་ལུང་རིགས་ལགས། ཡིན་དང་ཡིན། བདག་གི་ལྷུག་རྩོམ་དེ་ཉིད་ཀྱིས་གསུང་བ་ལྟར་ཕྱོགས་གང་སར་བཀོད་ཡོད། བསམ་ཚུལ་འགོད་སར་མ་བཞག་པའི་རྒྱུ་མཚན་ལ་ངས་གུས་བཀུར་ཞུ།

ཨོ་མདོ་ཁང་བ་དང་སྐུ་ཉིད་ཀྱི་ཁ་རྩོད་དེའི་བར་དུ་རང་བཞིན་གྱིས་ལྷུང་སོང་བ་མ་གཏོགས། ངས་ཆེད་དུ་དེ་ལྟར་བྱས་པ་མིན་ཞེས་བཀུར་འོས་དྲ་བདག་ལགས་ལ་ཞུས་པ་ཡིན། རྗེས་མར་ཡང་འདི་དང་འདྲའི་ཕྱོགས་ལ་རང་ཉིད་ཀྱིས་འབད་པས་གཟབ་པར་ཁས་ལེན་བྱས་པ་ཡིན།

མདོ་ཁང་བ་ལགས། ཉིད་ཀྱི་བསམ་ཚུལ་ལ་ཤེས་ཚོད་ནུས་ཚོད་ཀྱི་བརྩི་བཀུར་བྱས་ཡོད། མང་པོ་བཤད་འདོད་མི་འདུག

མི་ནག་ཚང་ལགས། བདག་གིས་ཀྱང་བསམ་ཚུལ་ཡིན་ལ་ལྷུག་རྩོམ་ཡང་ཡིན་པའི་རྩོམ་ཡིག་ཅིག་ཟིན་བྲིས་སུ་བཞག་ཡོད་པ་དེ། འདི་གའི་བསམ་ཚུལ་འགོད་སར་འཇོག་པའི་ཚད་མེད་གཟིགས་རོགས་ཞུ།

ལྷུག་རྩོམ་དང་བསམ་ཚུལ་ཞེས་པ་གཉིས་ལ་གོ་བ་ཇི་ལྟར་བླངས་པ་ཡིན།

ལྷུག་རྩོམ་གྱི་ནང་དུ་བསམ་ཚུལ་མི་འདུག་ཟེར་གི་ཡོད་དམ། བསམ་ཚུལ་ཞེས་པ་དེ་རྩོམ་ལུས་ཤིག་ལ་གོ་བ་བླངས་པ་ཡིན་ནམ།

འདི་ལ་འགོད་དགོས་པའི་རྒྱུ་མཚན་གོང་དུ་བཤད་ཟིན། དམིགས་བསལ་གྱིས་བཀོད་པ་ཡིན། མ་གཞི་ནས་དགོངས་ཚུལ་བཏོན་པར་ཐུགས་རྗེ་ཆེ། ཉིད་ཀྱིས་གསུངས་པ་ལྟར། རྗེས་ཕྱོགས་དྲ་ངོས་གཙང་སྦྲའི་ཐད་ལ་ཤུགས་སྣོན་རྒྱག་གི་ཡིན།

ངས་ཀྱང་སའི་གོ་ལར་ཉིན་མོར་རང་མོས་སྙན་ངག་ཞིག་བྲིས་ཡོད་པས་ཁྱེད་ཚོར་བསྐུར་ན་བསམ་ཚུལ་གྱི་ཁོངས་སུ་འགོད་ཀྱི་ཡིན་ནམ།
གཞན་ལ་བཤད་པ་གཅིག་པོ་མིན་པར་ཁྱེད་ཚོས་དྲ་ངོས་ཆུང་ཆུང་འདི་གཙང་སྦྲ་ཡག་པོ་ཞིག་བྱེད་ཐུབ་ཀྱི་མེད་པ་དེ་ལ་བཤད་པ་ཡིན། བཀྲ་ཤིས་ཀྱིས་གསུངས་བ་ནང་བཞིན་བསམ་ཚུལ་བསམ་ཚུལ་གྱི་ཁོངས་སུ་བཞག་ན་ཕན་པ་ཆེ་མ་གཏོགས་ལྷུག་རྩོམ་ཞིག་འདི་ལ་དྲུད་ཡོང་ནས་ད་དུང་དེས་སྔ་མ་སྐྱོར་ན་སེམས་གཏིང་ནས་བགད་མོ་དགོད་རྒྱུ་ཡོང་གི

གོ་ན་རྣ་བའི་བདུད་རྩི་བྱས་མི་གོ་ན་གཡུག་ཞོག

མདོ་ཁང་ལགས། ག་དུས་ཡིན་ཡང་དཀའ་རྙོག་ཅིག་གི་ཆ་ཤས་བླངས་ནས་བསྡད་ན་སྐྱིད་པོ་འདུག་གམ། དེ་རིང་ནི་སའི་གོ་ལའི་ཉིན་མོ་རེད། ལྷུག་རྩོམ་འདི་ལ་ཉིན་མོ་འདི་དྲན་སྐུལ་གྱི་རིན་ཐང་ཡོད་པ་དངོས་ཡོད་རེད།

གཞན་ལ་ཅིག་བཤད་ནས་འདུག་པ་ལས་རང་ཉིད་ཀྱི་བསམ་ཚུལ་རེ་འགོད་ཐུབ་ན་དགེ་མཚན་ཆེན་པོ་འདུག་སྟབས། དེ་དོན་གཞེན་སྐུལ་ཞུ་བ་ལགས།

ནོར་བཅོས། བཟོད་གསོལ། རྒྱ་རྒན་གྱི།

འབྲོག་རྒན་ལགས། ད་ནི་དོན་མེད་སྙན་ཚིག་འདི་རིགས་འབྲི་བའི་དུས་ཤིག་མ་རེད། རྒྱ་ནག་གཞུང་ནི་བོད་ཀྱི་ཆོས་ལུགས་རིག་གནས་ཀྱི་སྲོག་ཤིང་ཡིན་པའི་བྱམས་སྙིང་རྗེ་དང་། བྱང་ཆུབ་སེམས་དཔའ། སྟོང་ཉིད་བདག་མེད། བདག་གཞན་མཉམ་བརྗེ་ཡི་ཉམས་ལེན་མཁན་མ་ཡིན་ལ། ཁོ་ཚོའི་སྲིད་ཇུས་སུའང་གདུང་སེམས་མཉམ་སྐྱེད་དང་ནང་མི་ཕུ་ནུ་སོགས་ཀྱི་བསམ་བློ་ལྟ་བ་འདུག་ནའང་། “བདག”ལ་ཁེ་ཕན་མེད་ཚེ་གཞན་ལ་རོགས་གྲོགས་མི་བྱེད་ཅིང་། རྟག་ཏུ་རང་དབང་དང་འདྲ་མཉམ་དང་ཐོབ་ཐང་དང་དམངས་གཙོ་སོགས་ཡི་གེར་བྲིས་ཤིང་ཁ་ལ་ཁྱེར་ཏེ་རྒྱུག་ནའང་། སྔོན་འགྲོ་ནི“བདག”སྟེ་རྒྱ་གཞུང་རང་གི་ཁེ་ཕན་ཁོ་ན་ལས་མ་འདས་པ་བདེན་དུ་ཆུག་ཀྱང་། ད་ཐཻངས་རང་གཞུང་ལ་གཟའ་ནད་ཕོག་དགོས་དོན་གང་ཡིན་ནམ། དབང་དང་རྒྱུ་ནོར་གྱི་ཕོངས་བ་བདེན་ཡང་སེམས་ཚོར་གྱི་ཕོངས་དགོས་དོན་གང་ཡིན་ནམ།

ལྷ་ཀླུ་གཉེན་གསུམ་ལ་བཟོད་གསོལ་མེད་ལ་གཏོར་མའང་འབུལ་རྒྱུ་མེད་་་་ཡོད་ཚད་ཚར་སོང་་་་་ཡོད་ཚད་ཤི་སོང་་་་་མཆོད་མཆོད་ནས་མཐར་བསླུས་སོང་་་་བཀུར་བཀུར་ནས་མཐར་གཡུགས་སོང་་་་ད་ཅི་ཡང་མི་དགོས་ལ་ཅི་ཡང་མི་འདོད་་་་རང་ཉིད་ཀྱི་རང་གི་མགོན་དང་སྐྱབས་ཡིན་་་

རྩོམ་ཡིག་འདིའི་ནང་དོན་གྱི་ཆ་ནས་ཤིན་ཏུ་ལེགས་ཀྱང་། རྗོད་བྱེད་ཚིག་སྦྱོར་དང་ནང་དོན་བརྡ་སྤྲོད་སྟངས་ཀྱི་རྣམ་པ་ནི་ད་དུང་བདག་གི་བློ་ལ་མི་འབབ། རྒན་ཆབ་བྲག་ལགས་ཀྱིས་དུས་དང་ནམ་དུ་ཡང་རྩོམ་ཡིག་གསོན་ཉམས་ལྡན་པ་ཞིག་འབྲི་མི་ཐུབ་པ་ནི་ཀློག་པ་པོ་བདག་གི་ཕངས་སེམས་ཉག་བུ་དེ་ཡིན།