དགེ་བསྟན།
༤་༡༤ དོན་རྐྱེན་བྱུང་བ་ནས་བཟུང་དེ་རང་གི་བར་ཉིན་བརྒྱད་འགྲོ་མུས་ཡིན་ཞིང་། ས་འགུལ་བྱུང་བའི་ཉིན་དེ་ནས་བཟུང་རྒྱ་ནག་གཞུང་མང་གཉིས་ཀའི་མྱུར་སྐྱོབ་ཀྱི་ལས་དོན་ཐད་བློ་རྩེ་གཅིག་བསྒྲིལ་གྱིས་མྱུར་སྐྱོབ་དཔུང་ཁག་གང་མང་གནོད་འཚེ་ཐེབས་སའི་ས་གནས་སུ་གཅིག་རྗེས་གཉིས་མཐུད་ཀྱིས་བཏང་སྟེ་རྒུད་སྐྱོབ་ལས་དོན་ཉིན་མཚན་དབྱེར་མེད་དུ་གཞོལ་བཞིན་པ་མ་ཟད། ཅ་དངོས་སྐྱེལ་འདྲེན་དང་རྨས་མ་འོར་འདྲེན་སོགས་ཀྱི་ཆེད་དུ་སྐྱེལ་འདྲེན་རླངས་འཁོར་གྱི་གྲངས་འབོར་ལྟ་ཅི། གནམ་གྲུ་ཆེ་ཆུང་འདྲ་མིན་འཕུར་ཐེངས་སུམ་བརྒྱ་ཙམ་ཆེད་གཏོང་བྱས་པ། ལྷག་དོན་རྒྱལ་ཁབ་ཀྱི་གཙོ་འཛིན་རྣམ་པ་རིམ་པར་ས་གནས་སུ་ཆེད་ཕེབས་ཀྱིས་མང་ཚོགས་ལ་སེམས་གསོ་དང་འབྱུང་འགྱུར་འཛུགས་བསྐྲུན་ལ་དགོངས་བཞེས་གནང་པ་སོགས་ལ་ང་ཚོ་བོད་རིགས་ཚོས་ཐུགས་རྗེ་ཆེ་ཞུ་དགོས་ངེས་ཡིན། ཡིན་ནའང་གནོད་འཚེ་ཐེབས་སའི་ས་གནས་ནས་བཏང་བའི་གནས་ཚུལ་ལྟར་ན་དེ་དག་ནི་རྒྱ་གཞུང་གིས་རྒྱལ་སྤྱིའི་ཐོག་ཕྱིའི་རྣམ་པ་ཙམ་ཡིན་པ་ལས་དོན་དམ་གྱིས་མྱུར་སྐྱོབ་བྱེད་མཁན་བོད་རིགས་སེར་སྐྱ་མང་ཚོགས་ཡིན་པའི་གནས་ཚུལ་མཁོ་སྤྲོད་བྱས་ཡོད། ངས་གནས་ཚུལ་དེ་ལ་བསམ་ཞིབ་བྱེད་སྐབས་ཁོང་ཚོའི་སྐད་ཆ་དེ་བདེན་པ་མིན་ཞེས་བཤད་དཀའ། རྒྱུ་མཚན་ནི། ཐེངས་འདིའི་གནོད་འཚེ་ནི་གཞི་རྒྱ་ཆེ་ཞིང་ཧ་ཅང་ཚབས་ཆེན་གྱི་རང་བཞིན་ཡིན་པའི་དབང་གིས་མྱུར་སྐྱོབ་རུ་ཁག་གང་སར་ཁྱབ་མ་ཐུབ་པའི་དཀའ་ངལ་འཕྲད་པ་ཏན་ཏན་ཡོད་སྲིད། ཡིན་ན་ཡང་སྤྱིའི་ཆ་ནས་རྒྱ་ནག་གཞུང་གི་རྒུད་སྐྱོབ་བཀོད་འདོམ་དང་མྱུར་སྐྱོབ་བྱེད་ཚད་ལྟོས་འཇོག་གིས་ཧ་ཅང་མྱུར་པ་དང་། རྒྱ་ཆེའི་བོད་རིགས་མང་ཚོགས་ཀྱི་ལྷག་བསམ་ཟོལ་མེད་ངང་རང་ནུས་གང་ལྕོགས་ བྱས་ཡོད་པའི་ཉེར་ལེན་ལ་གནོད་འཚེའི་གཞི་རྒྱ་ལ་དཔག་པའི་མྱུར་སྐྱོབ་ལས་དོན་ཚགས་ཚུད་པོ་བྱུང་སོང་སྙམ་པའི་སྣང་བ་བྱུང་། འོན་ཀྱང་གནད་དོན་རེ་ཟུང་ལྷག་སྲིད་པས་དེ་ལ་ང་ཚོ་ཚང་མས་གུ་ཡངས་དཀྱེལ་ཆེ་གནང་གལ་ཆེ། གནད་འགག་འདི་འདྲའི་སྐབས་དོན་དག་ཕྲན་ཚེགས་ལ་ཁག་དཀྲིས་ཏེ་ཕན་ཚུན་ལ་ཁ་རྡུང་བྱེད་པ་ནི་དོན་དངོས་ལས་དོན་སྒྲུབ་པའི་གེགས་སུ་འགྱུར་སྲིད་པས་གསར་ལམ་ཁག་ནས་ཡིད་གཟབ་ཡོང་བ་ཞེས་འབོད་བསྐུལ་ཞུ་རྒྱུ་ཡིན། ལྷག་དོན་ད་ལམ་རྒྱ་ནག་སྲིད་གཞུང་དང་བཙན་བྱོལ་སྲིད་གཞུང་གཉིས་ཀས་ རེ་ཞིག་བོད་རྒྱའི་གནད་དོན་དེ་ཟུར་འཇོག་བྱས་ཏེ། ཐུན་མོང་གི་བསྒྲུབ་བྱ་གཅིག་དང་། དམིགས་ཡུལ་གཅིག རྨི་ལམ་གཅིག ལྟ་སྟངས་གཅིག་གི་འོག་ནས་ཡུལ་ཤུལ་མི་མང་གི་གོད་ཆག་གནས་བབ་སླར་གསོ་བྱ་རྒྱུ་དེ་གཙོ་བོར་འཛིན་ཐུབ་པའི་གུ་ཡངས་དཀྱེལ་ཆེ་གནང་དགོས་ལ། གནང་བའི་ཡིད་ཆེས་ཡང་ཡོད།
ས་འགུལ་གྱི་གོད་ཆག་བྱུང་བའི་ཞོགས་པ་དེ་ག་རང་དུ་༧གོང་ས་མཆོག་གིས་ཐུགས་སྨོན་མཚམས་སྦྱོར་དང་། སེམས་གསོའི་འཚམས་འཕྲིན་ཕུལ་ཡོད་པར་མ་ཟད། ཚེས་ ༡༧ ཉིན་ཐེག་ཆེན་ཆོས་གླིང་གཙུག་ལག་ཁང་དུ་གསར་འགོད་གསལ་བསྒྲགས་ཐོག་གོད་ཆག་འོག་ཤི་རྨས་བྱུང་རིགས་ལ་ཐུགས་སྨོན་སྐྱབས་འཇུག་དང་། རྒུད་སྐྱོབ་ལས་དོན་ནང་མཉམ་ཞུགས་གནང་མཁན་བོད་རིགས་སེར་སྐྱ་ཡོངས་དང་། ལྷག་པར་སྲིད་བློན་ཝུན་ཅཱ་པོའོ་ནས་ཐུགས་ཁུར་ཆེ་བཞེས་ཀྱིས་ས་གནས་སུ་ངོ་ཕེབས་གནང་བ་ལ་ཐུགས་རྗེ་ཆེ་ཞུས་ཀྱི་བསྔགས་བརྗོད་གནང་ཡོད།
ཡང་༧གོང་ས་མཆོག་ནས་ཕྱི་ལོ་ ༢༠༠༨ ལོར་སི་ཁྲོན་དུ་དེ་འདྲའི་ས་འགུལ་བྱུང་སྐབས་རྒྱ་ནག་དབུས་སའི་གཞུང་དང༌། ཆེས་མཐོའི་དབུ་ཁྲིད་རྣམ་པས་ཐུགས་སྣང་ཆེན་པོས་ཉེན་སྐྱོབ་ཀྱི་ལས་དོན་ཚགས་ཚུད་དང༌། ལྷག་པར་གསར་འགྱུར་བརྒྱུད་ལམ་ལ་ཚོད་འཛིན་མ་བྱས་པར་ཕྱི་གསལ་ནང་གསལ། དེ་བཞིན་རྒྱལ་སྤྱིའི་ཉེན་སྐྱོབ་མཐུན་རྐྱེན་རྣམས་དཀའ་ཚེགས་མེད་པར་ས་གནས་ས་ཐོག་ཏུ་འབྱོར་ཐུབ་པ་བྱུང་བ་བཅས་ལ་ཡི་རངས་བསྔགས་བརྗོད་གནང་ཡོད་ཅིང༌། ད་ལམ་ཡང་དེ་དང་མཚུངས་པ་ཡོང་བའི་རེ་བསྐུལ་ཞུ་རྒྱུ་ཡིན། ཞེས་གསུང་པ་ལྟར་ད་ལྟའི་ཆར་རྒྱ་ནག་གཞུང་མང་གཉིས་ཀས་རྒུད་སྐྱོབ་ལས་དོན་གཙོ་གནད་དུ་བཟུང་སྟེ་ལས་རིམ་སྣ་མང་སྤེལ་བཞིན་ཡོད་པ་ལ་བལྟས་ན་ཧ་ཅང་ཚགས་ཚུད་ཡོད་པས་བསྔགས་སུ་མཐོང་། གཞན་ཡང་༧གོང་ས་མཆོག་གོད་ཆག་བྱུང་སའི་ས་ཐོག་ཏུ་ཕེབས་རྒྱུའི་ཐུགས་འདུན་ཡོད་པའི་སྐོར་གསུང་དོན། རྐྱེན་ངན་གོད་ཆགས་ཀྱི་འོག་སྡུག་བསྔལ་གྱིས་མནར་བ་ཚོ་དང་ངོ་ཐུག་གིས་སྡུག་བསྔལ་མཉམ་མྱོང་དང་སྨོན་ལམ་རེ་འདེབས་ཐུབ་ན་སྙམ་པའི་རེ་བས་དེ་སྔོན་སི་ཁྲོན་དུ་གོད་ཆག་བྱུང་སྐབས་འགྲོ་འདོད་བྱུང་ཡང་ཐབས་ཤེས་བྲལ། སྔ་ལོ་ཐའེ་ཝན་དུ་ཆུ་ཉེན་བྱུང་སྐབས་ངོས་རང་ངོ་བསྐྱོད་ཀྱིས་མང་ཚོགས་དང་མཉམ་དུ་ཐུག་འཕྲད་དང༌། སེམས་གསོ་སྨོན་ལམ་བྱ་རྒྱུའི་གོ་སྐབས་ཐོབ་པ་དེས་རང་ཉིད་ཡིད་བློ་ཚིམས་པ་མ་ཟད། མང་ཚོགས་ལའང་ཕན་ཐོགས་གང་ལེགས་བྱུང་སོང་སྙམ། ད་རེས་ས་འགུལ་གྱི་གོད་ཆག་བྱུང་སའི་ས་ཁུལ་མཚོ་སྔོན་ཞིང་ཆེན་ནི་ངོས་དང་༧པཎ་ཆེན་སྐུ་གོང་མ་གཉིས་ཀའི་སྐྱེས་ཡུལ་ཡིན་སྟབས། ངོས་རང་ངོ་བསྐྱོད་ཀྱིས་མང་ཚོགས་ཀྱི་རེ་འདོད་བསྐངས་ཏེ་སེམས་གསོ་བྱ་རྒྱུའི་འདུན་པ་ཤིན་ཏུ་ཆེ། ཞེས་གསུངས་པ་དང་། ཕྱི་ཚེས་ ༡༩ ཉིན་ཅ་ཆིན་ལེན་གྱིས་ཕྱི་རྒྱལ་དུ་ཡོད་པའི་བོད་རིགས་སྤུན་ཟླས་རྒྱལ་ནང་དུ་མྱ་ངན་ཞུ་བ་དང་ཞལ་འདེབས་འབུལ་བར་ཡོང་བའི་རེ་བ་བཏོན་ཚེ། ཕྱི་རྒྱལ་དུ་ཡོད་པའི་རང་རྒྱལ་གྱི་གཞུང་ཚབ་ཁང་གིས་ལྷག་བསམ་རྣམ་དག་གིས་སྣེ་ལེན་བྱེད་དགོས་ཤིང་། གནོད་སེལ་རྒུད་སྐྱོབ་དང་རྒྱལ་ནང་གི་གནས་ཚུལ་ངོ་མ་མཚམས་སྦྱོར་བྱེད་དགོས་ལ། ཁོ་ཚོའི་ལུགས་མཐུན་གྱི་རེ་བར་རྒྱུས་ལོན་བྱས་ཏེ་དགོས་ངེས་ཀྱི་རོགས་རམ་བྱེད་དགོས་ཞེས་ནན་གྱིས་བསྟན། ཞེས་གསུངས་ཡོད་པས་ང་ཚོས་ད་ལྟ་༧གོང་ས་མཆོག་གི་ཐུགས་རེ་དང་ཅ་ཆིན་ལེན་གྱིས་བཤད་དོན་གཉིས་གཞི་ལ་བཞག་ནས་སྐྱེ་དགུ་མདོའི་རང་བྱུང་གནོད་སྐྱོན་ཉིད་ལ་ཁ་ཕྱོགས་ཏེ་ཞལ་འདེབས་གང་མང་བསྡུས་ཏེ་༧གོང་ས་མཆོག་གནོད་སྐྱོན་བྱུང་སའི་ས་ཐོག་ཏུ་ཆེད་ཕེབས་ཀྱི་གོ་སྐབས་བསྐྲུན་ཐུབ་བྱ་རྒྱུ་དང་དེ་མཚུངས་ ༤་༡༤ གནོད་སེལ་ཚོགས་པའི་མིང་ཐོག་ནས་བསྡུ་རུབ་བྱེད་བཞིན་པའི་ཞལ་འདེབས་ཁྱེར་ཏེ་སྐུ་ཚབ་རོགས་སྐྱོབ་ཚོགས་པ་ཞིག་འཕྲལ་གཏོང་ཐུབ་ཐབས་ལ་འབད་བརྩོན་བྱ་རྒྱུ་ནི་ང་ཚོའི་མདུན་དུ་ལྷག་པའི་ལས་དོན་གལ་ཆེན་ཞིག་ཏུ་མངོན།
རྒྱ་གཞུང་ནས་ད་རེས་ཀྱི་གོ་སྐབས་འདི་བཟུང་ནས་སྐྱེ་རྒུ་མདོའི་རང་རེས་སྤུན་ཟླ་རྣམས་ཀྱི་བློ་ཁ་རྒུག་ཐབས་ཀྱི་རོགས་སྐྱོབས་ཕྲ་ལ་ཕྲན་བུར་བྱས་པར། ང་ཚོ་དགའ་དགོས་ཅང་མེད་དེ་ནི་ཆབ་སྲིད་ཀྱི་དགོས་མཁོ་ཁོ་ན་ཡིན། རྒྱ་དམར་གྱིས་མ་བཏང་རུང་ང་ཚོའི་ངོས་ནས་སྐྱེས་རྒུ་མདོའི་མི་མང་རྣམས་ལ་སེམས་གསོ་དང་རོགས་སྐྱོབས་བྱ་བར་འགྲོ་མཁན་ཞིག་དགོས་ཀྱང་དེ་ལྟར་མེད་པ་ནི་སྐྱེ་རྒུ་མདོའི་མི་མང་ཙམ་མ་ཟད། ངེད་ཀྱང་སེམས་ཕམ་བྱུང་།
རྒྱ་ནག་གི་འོག་ལ་མི་ལོ་ཉི་ཤུ་ཁ་ཡར་འཚོ་བ་བསྐྱེལ་མྱོང་མཁན་ང་ལ་མཚོན་ན། རྒྱ་ནག་ལ་མི་དགའ་བསྡང་ཟུགས་མ་ཡིན་པ། རང་གི་ཉམས་མྱོང་གི་ཐོག་ནས་དྲང་པོ་བཤད་ན། ད་རེས་ས་ཡོམ་གི་གོད་ཆག་བྱུང་སར་རྒྱནག་སྲིད་འཛིན་དང་སྲིད་བློན་སོགས་ཡོང་བ་དང་། མྱ་ངན་ཞུས་པ་སོགས་ནི་ཆབ་སྲིད་གི་འཁྲབ་བསྟོན་ཙམ་ལས་ བོད་མི་རིགས་ལ་ལྷག་བསམ་རྣམས་དག་མ་ཡིན་པ་ཐག་གཅོད་ཐུབ།
love you !
You are really educated boy in these world ,
I believe that you can do everything for our issue and people. Thanks
དུས་རབས་ཉེར་གཅིག་པ་འདིར་མཚོན་ན་རྒྱ་ནག་མི་དམངས་སྤྱི་མཐུན་རྒྱལ་ཁབ་འདིར་མི་འབོར་དུང་ཕྱུར་བཅུ་གསུམ་ལྷག་ཡོད་ལ། དམག་དོན་དང་། ཆབ་སྲིད། དཔལ་འབྱོར། ལག་རྩལ་སོགས་ཕྱོགས་གང་སར་གཞིགས་ན་ཧ་ཅང་སྟོབས་ཆེན་རྒྱལ་ཁབ་གཅིག་ཡིན།
དུས་རབས་འདིར་མཚོན་ན་བོད་མིའི་བླ་ན་མེད་པའི་དབུ་འཁྲིད་༸ གོང་ས་སྐྱབས་མགོན་ཏྰ་ལའི་བླ་མ་མཆོག་ནི་འཛམ་གླིང་ནང་ཆེས་སྙན་གྲགས་ལྡན་པའི་རླབས་ཆེན་ཞིག་ཡིན་པ་མ་ཟད་འཛམ་གླིང་དམངས་དུང་ཕྱུར་མང་པོའི་བློ་ཁ་བསྒྱུར་ཐུབ་པའི་ཆེས་བླ་ན་མེད་པའི་རླབས་ཆེན་གྱི་མི་སྣ་གྲགས་ཅན་ཞིག་རེད།
གལ་ཏེ་དུས་རབས་འདིའི་ནང་དཔལ་འབྱོར་དང་མི་འབོར་དམག་དོན་གྱི་སྟོབས་ཤུགས་ལྡན་པའི་རྒྱ་ནག་དང་། བོད་མའི་བླ་ན་མེད་པའི་༸གོང་ཏྰ་ལའི་བླ་མ་མཆོག་གཉིས་ཀྱི་དབར་མཛའ་མཐུན་མཉམ་གནས་ཀྱི་དུས་སྐབས་ཤིག་ཤར་ཚེ་རྒྱ་བོད་མི་རིགས་འདི་འཛམ་གླིང་ནང་ཆེས་སྟོབས་ཆེན་གྱི་རྒྱལ་ཁབ་ཨང་དང་པོ་དེ་ཆགས་རྒྱུར་ཐེ་ཚོམ་གནན་ནས་མེད་པ་ཞིག་རེད།
ར
དགེ་བཤེས་ལགས།
སྐྱེ་རྒུ་ལ་གཟིགས་དང་།
ཕུང་བོ་བསྲེགས་པའི་དུད་ནག་སྤྲིན་ལ་འདྲེས་སོང
རྨས་མ་སྐྱོབས་པའི་བྲེལ་འཚུབ་རླུང་དང་བསྡེབས་བྱུང
མིག་ཆུ་བཞུར་བའི་རྒྱུན་ཐག་གཙང་བོར་འདྲེས་སོང
ཀྱེ་མ དམྱལ་བ་ནི་ཅི་འདྲ་ཡིན་ནམ
དེ་རིང་གི་སྐྱེ་རྒུ་ནི་དམྱལ་བ་མིན་ནམ
ཡང་ན་དམྱལ་བ་ནི་དེ་རིང་གི་སྐྱེ་རྒུ་འདི་ཨེ་རེད
རང་ཉིད་ཕ རོལ་པོར་མི་དགའ་བ་རྒྱུ་མཚན་དུ་བྱས་ནས་ཕ་རོལ་པོར་བསྙོན་འདིང་བ་དང་། ཕ་རོལ་པོའི་བྱ་སྤྱོད་བཟང་ངན་ཀུན་ལ་མི་དགའ་བའི་ཕྱོགས་ངོས་ནས་སྡང་མིག་གིས་བལྟ་བ་ནི་དྲང་བདེན་ཞིག་མ་རེད་ལ། བོད་མི་རིགས་ཀྱི་བཟང་སྤྱོད་དེ་བས་ཀྱང་མ་རེད།
བསམ་ཚུལ་གསར་པ་འདྲ་ནི་ཅང་རེད་མི་འདུག ཁ་གཡང་དེ་རིགས་ལ་བལྟས་ཚེ་རྒྱལ་སྤྱིའི་ཨོལ་ལིམ་ཕེ་ཁའི་ལུས་རྩལ་སྐབས་ཀྱི་ཁ་གཡང་འདྲ་བོ་ཞིག་འདུག དེར་མ་ཟད་ལུང་རིགས་ཀྱིས་གསུངས་པ་ལྟར་རྩོམ་བྱང་དང་རྩོམ་ལུས་གཉིས་འབྲེལ་ཆགས་མ་སོང་།
དགེ་བསྟན་ལགས། རྩོམ་ལུས་དང་ཚིག་སྦྱོར་ལ་བལྟས་ན་སྐུ་ཉིད་རབ་བྱུང་བ་ཞིག་ཡིན་པ་འདྲ། མཚོ་སྔོན་བརྙན་འཕྲིན་དང་རྒྱ་ནག་དབུས་གཞུང་བརྙན་འཕྲིན་སོགས་ཀྱི་ནང་དུ་ནང་དུ་གྲྭ་བ་ཚོས་ས་རོ་གཤོངས་བཞིན་པ་དང་བེམ་རོ་ལེན་བཞིན་པ། ཕུང་པོ་མེར་བསྲེག་གཏོང་བཞིན་པ། སྨོན་ལམ་འདོན་བཞིན་པ། སྦྱིན་པ་གཏོང་བཞིན་པ་སོགས་ཀྱི་འདྲ་པར་ཧ་ཅང་མང་པོ་འདུག དེར་མ་ཟད་བོད་དུ་ཁ་པར་བཏང་སྟེ་གནས་ཚུལ་ཤེས་རྟོགས་བྱུང་བར། རྒྱ་ནག་གཞུང་འབྲེལ་གྱི་བརྙན་འཕྲིན་བརྒྱུད་ལམ་ཁག་ཏུ་གྲྭ་བ་ཚོར་བསྔགས་བརྗོད་ཀྱང་བྱེད་ཀྱིན་འདུག་ཟེར། རང་ཉིད་ཕ རོལ་པོར་མི་དགའ་བ་རྒྱུ་མཚན་དུ་བྱས་ནས་ཕ་རོལ་པོར་བསྙོན་འདིང་བ་དང་། ཕ་རོལ་པོའི་བྱ་སྤྱོད་བཟང་ངན་ཀུན་ལ་མི་དགའ་བའི་ཕྱོགས་ངོས་ནས་སྡང་མིག་གིས་བལྟ་བ་ནི་དྲང་བདེན་ཞིག་མ་རེད།
༧གོང་ས་མཆོག་སྐྱེ་རྒུ་མདོར་ཕེབས་ཐུབ་མིན་ལ་དོགས་འདྲི་བྱེད་མཁན་འདུག རེ་བ་རྒྱག་མཁན་ཡང་འདུག འོན་ཀྱང་། ད་ལྟའི་ཆར་འདི་འདྲ་ཡོང་གི་མ་རེད། དེའི་རྒྱུ་མཚན་ནི་ད་ཐེངས་ཀྱི་ས་ཡོམ་གོད་ཆག་སྐབས་སུའང་རྒྱ་གཞུང་གིས། ཏཱ་ལའི་བླ་མའི་ཚབ་གུང་ཁྲན་ཏང་གིས་ཐུབ་པའི་བདེན་དཔང་སྟོན་ཅི་ཐུབ་བྱེད་ཀྱིན་འདུག
ཐ་ན། སྐྱེ་རྒུ་མདོའི་བོད་རིགས་མི་མང་གི་སྐུ་ཚབ་ལྟ་བུ་ཞིག་རྡ་རམ་ས་ལར་བསྔོ་རྟེན་འབུལ་དུ་འགྲོ་རྒྱུ་ཡིན་ལབ་ནའང་པེ་ཅིན་གྱིས་ཁར་ཉན་གི་མ་རེད།
རྩོམ་འདིའི་ཁ་བྱང་ལ། ཆབ་སྲིད་དང་མ་འབྲེལ་བའི་མྱ་ངན་རོགས་སྐྱོར་ཞེས་བྲིས་འདུག་ཀྱང་། ནང་དོན་ནི་ཁ་བྱང་གི་བསྟན་དོན་དང་རྦད་དེ་ཁ་ཁར་གྱུར་འདུག