ང་རང་ལས་ཀ་གྲོལ་ནས་ཕྱིར་ནང་དུ་མ་འབྱོང་གོང་དུ། ངས་རླངས་འཁོར་འབབ་ཚིགས་ནས་རང་གི་ཆེས་སེམས་ཐག་ཉེ་བའི་གྲོགས་པོ་ཞིག་ལ་ཁ་པར་བཏང་ནས་སང་ཉིན་གུང་གསེང་ཡིན་པའི་ཁོམ་པ་ཡོད་ན་ང་ཚོ་བོད་རིགས་གྲོགས་པོ་འགའ་ཞིག་མཚོ་མཐར་འཛོམ་ན་ག་འདྲ་འདུག་ཟེར་ནས་དྲིས་པ་ཡིན། འོན་ཀྱང་། སྐབས་དེར་ཁོས་ང་རང་གི་རྒན་མོ་ཕྱི་རུ་སོང་ནས་ནང་དུ་སླེབས་མ་སོང་། ཁོ་མོ་ཚུར་སླེབས་དུས་ངས་སྐད་ཆ་ཞིག་དྲིས་ནས་སང་ཉིན་ལས་ཀ་འདྲ་ཡོད་མེད་འདྲི་ཆོག་ཟེར། དེ་དུས་ངས་ཀྱང་དེས་ན་བཟང་གི ང་རང་དུས་ཚོད་གཅིག་གི་ནང་ཚུན་དུ་ནང་ལ་འབྱོར་ངེས་ཡིན། དེ་དུས་ངས་ཁྱེད་རང་ལ་གློག་འཕྲིན་སྐུར་ཆོག
ང་རང་ནང་དུ་ཆུ་ཚོད་གཅིག་ཙམ་འགོར་མ་འགོར་གྱི་མཚམས་སུ་ནང་དུ་འབྱོར་བ་དང་། ཇ་ཞིག་བསྐོལ་ནས་གློག་ཀླད་ཀྱི་མདུན་དུ་བསྡད་དེ་ཁོ་རང་ལ་གློག་འཕྲིན་ཞིག་བཏང་བ་ཡིན། དེ་དུས་ཁོས་ཀྱང་ང་རང་ལ་གློག་འཕྲིན་གྱི་ལན་དུས་ཐོག་དུ་གནང་གི་འདུག ངེད་གཉིས་ཀྱིས་ཁ་བརྡ་བྱེད་ཀྱིན་བྱེད་ཀྱིན། ངས་ཁོ་རང་གི་སྐད་ཆ་དེ་དག་ལ་ཡིད་ཆེས་བྱེད་དགོས་མིན་གྱི་སྐོར་ནས་སྐད་ཆ་གསལ་བོ་དྲིས་ཀྱང་། ཁོས་ང་རང་ལ་ཚིག་གིས་བརྒྱབ་དེ་ངས་ཁྱེད་རང་ལ་སྡུག་ཐུག་དུས་འདི་ལྟར་བཤད་པ་དེར་ཁྱེད་རང་གིས་ཡིད་ཆེས་མི་བྱེད་ན་ཟེར་ནས་ང་ལ་འཁང་ར་བྱས་སོང་།
དེ་དུས་ངའི་སེམས་སུ་ཡང་སྐྱོ་སྣང་དྲགས་པོ་ཞིག་དང་བཅས། ངས་ཁོ་རང་ལ་ང་རང་གི་ཐུབ་པ་ཞིག་ཡིན་ན་ནི། ང་རང་ག་དུས་ཡིན་ཡང་ཁྱེད་རང་གི་ཕྱོགས་སུ་བླངས་རྐྱང་ཡིན་ཟེར་ནས་རང་གི་སེམས་གཏིང་གི་སྐད་ཆ་དམར་དམར་རྗེན་རྗེན་དེ་བཤད་པ་ཡིན་ལ། ལྷག་པར་དུ་ཁོ་རང་ལ་དངོས་ནས་ཁ་བརྡ་ལྷོད་ལྷོད་ཅིག་མི་བྱེད་ཐབས་མེད་རེད་སྙམ་ནས་སེམས་ཁྲལ་ཆེན་པོ་བླངས་བཞིན་པའི་སྐབས་དེར། ཁོས་ང་རང་ལ་ད་ང་རང་གི་རྒན་མོ་སླེབས་སོང་། ཁྱེད་རང་གིས་ཁ་བརྡ་བྱོས་ཟེར། དེ་དུས་ང་རང་ལ་དངོས་ནས་ཁ་བརྡ་བྱེད་འདོད་ཀྱི་ཡི་ཀ་ཡོད་ཚད་ཁོ་རང་གིས་འགགས་བཅུགས་ཚར་མ་ཐག་ཡིན་དུས། ངས་ཁོ་རང་གི་རྒན་མོས་དབྱིན་ཡིག་གི་སྟེང་ནས་ང་ལ་འཚམ་འདྲི་ཞིག་ཞུས་པ་དེར་ཡང་། ཐད་ཀར་ལན་མ་བཏབས་པར་ངས་རང་གི་གྲོགས་པོ་དེ་ལ་ད་བདེ་མོ་བྱོས། སང་ཉིན་སྐད་ཆ་བཤད་ཆོག་གི་རེད་ཅེས་གློག་འཕྲིན་སྒོ་བརྒྱབས་པ་ཡིན།
ང་ནི་དངོས་ནས་གྲོགས་པོའི་ཆེད་དུ་སེམས་སྡུག་དང་ཕྱི་ནང་ཧ་ཅང་ཆེ་བའི་ཁོ་རང་གི་འཚོ་བའི་སྐོར་ལ་བསམ་བློ་བཏང་ནས་སེམས་པ་མ་སྐྱིད་པར། ག་ལེར་རང་གི་ནམ་རྒྱུན་དུ་བྱེད་ཀྱིན་པའི་དྲ་རྒྱ་དག་ལ་ཉུལ་ནས་སྤུན་ཟླ་དག་གི་ཟིན་བྲིས་དང་བསམ་ཚུལ་ཀློག་འགོ་བཙུགས་མ་ཐག དོ་ནུབ་ག་རེ་བཤད་པ་ཚང་མ་ཀུ་རེ་ཡིན་ཟེར་ནས་གློག་འཕྲིན་ཞིག་སླེབས་སོང་། དེ་དུས་དངོས་ནས་ང་རང་གིས་ཡིད་ཆེས་བྱས་དེ་སྐད་ཆ་བཤད་པ་དེ་དག་ནི། ཁོ་རང་གི་ཀུ་རེ་རྩེད་མོ་རྩེད་བྱེད་ཁོ་ན་ཞིག་དུ་བཟུང་འདུག་པ་དེར་མཐོང་ནས་སེམས་པ་ཕམ་ནས་ལན་རྩ་བ་ནས་སྤྲོད་འདོད་མེད་པར་མུ་མཐུད་དུ་ཟིན་བྲིས་དག་ཀློག་ཁུལ་བྱས་པ་ཡིན། དེ་དུས་སླར་ཡང་། སེམས་སུ་མ་འཛིན་རོགས་ཞུ་ཟེར་ནས་གློག་འཕྲིན་ཞིག་འབྱོར་སོང་།
གྲོགས་པོ་དང་གྲོགས་པོའི་བར་དུ་དོན་དངོས་དང་ཀུ་རེ་གྱི་དབྱེ་བ་ཕྱེ་ནས་སྐད་ཆ་བཤད་དགོས་པ་དེ་ནི་ཧ་ཅང་གི་གལ་ཆེན་དོན་ཆེན་དུ་མཐོང་ནས་དོ་ནུབ་རང་ཉིད་ཀྱི་ཆེས་སེམས་ཐག་ཉེ་བའི་གྲོགས་པོ་ཞིག་གིས་ས་ལ་བརྡབས་པའི་ཉམ་མྱོང་འདིས། ངས་འདི་ནས་སྤུན་ཟླ་ཕོ་མོ་སུ་ཞིག་ཡིན་ཡང་། ཁྱེད་རང་ལ་དངོས་ནས་རང་གི་གྲོགས་པོ་ཞིག་གི་ཡིད་ཆེས་ཀྱི་སྒོ་ནས་སྐད་ཆ་འདྲི་བཞིན་པའི་སྐབས་དེར་སྐད་ཆ་དེ་དག་དྲང་མོ་བྱས་དེ་ལན་འདེབས་རྒྱུ་དེ་ནི་གལ་ཆེན་པོ་ཡིན་པ་ཐུགས་སུ་འཇགས་རོགས་ཞུ་ཟེར་ནས་འབོད་སྐུལ་ཞུས་པ་ཡིན།
http://yushul414.blogspot.com/མ་ཎི་འུར་འདོན་ཞེས་པའི་དྲ་ཚིགས་འདི་ནི་བོད་མི་རྩོམ་འབྲི་བ་ཚོས་རྩོམ་ཡིག་གི་ལམ་ནས་ཡུལ་ཤུལ་ལམ་ཁམས་སྐྱེ་རྒུ་མདོའི་ས་འགུལ་གྱི་གོད་ཆག་ཐེབས་ཁུལ་ཡུལ་མི་སྤུན་ཟླ་ཚོར་གདུང་སེམས་མཉམ་བསྐྱེད་དང་། མྱ་ངན་གུས་འདུད་ཡང་ན་ཐུགས་གསོ་གནང་སའི་གཤིན་ས་ཞིག་ཡིན་པ་མ་ཟད།རྩོམ་ཡིག་རེ་རེའི་མཐར་མ་ཎི་གསོག་སྒྲུབ་བྱེད་ས་ཡོད་པ་དེ་ནས་ཀློག་པ་པོ་ཚོས་མ་ཎི་གང་མང་གསོག་ནའང་ཆོག་པས།གཞེས་བྱེས་རྩོམ་འབྲི་བ་དང་ཀློག་པ་པོ་རྣམས་དྲ་ཚིགས་འདིར་ཞུགས་པའི་སྨོན་ལམ་འདེབས། ཨྂ་མ་ཎི་པདྨེ་ཧཱྂྂ༔ གཡུ་ཞུན་དྲ་བ་ལས་བཤུས།
http://yushul414.blogspot.com/
ཇིང་སྲས་མིག་གསུམ་པ་ལགས། ཉིད་རང་ཕེབས་ནས་སེམས་གསོའི་གཏམ་ཞིག་གནང་བ་དེར་བཀའ་དྲིན་ཆེ། ངས་འདི་ནི་རྗེས་སུ་སྤུན་ཟླ་གཞན་དག་གིས་རང་རང་གི་གྲོགས་པོ་དག་ལ་སྐད་ཆ་གང་ཞིག་བཤད་དུས་སུ། དངོས་ནས་གཟབ་ནན་གྱིས་གསུང་དགོས་པ་ལས་ཀུ་རེ་རྩེད་པ་དེ་ཡང་རྩེད་མ་ཤེས་ན། མི་སེམས་ལ་རྨ་ཁ་བཟོ་སྲིད་པར་ཉེན་བརྡ་བཏང་བ་ཡིན་ལགས།
སྤྱིར་མི་ཁྲ་ཁྲ་ཞིག་ཡིན་ན་དེས་གྲོགས་པོ་གྲོགས་མོ་སུ་ལ་ཐུག་ན་སྐྱག་རྫུན་བཤད་རྒྱུ་
དང་ཁྲམ་པ་བཟོ་རྒྱུ་ཁོ་རང་གི་རང་བཞིན་འམ་འགན་ལྟ་བུ་ཞིག་ཆགས་ཡོད་པས་མི་ཚོ་དེ་འདྲ་ཞིག་ལ་རྩིས་ན་ད་བཟོད་ཁྱོད་བློ་ཕམ་དེ་འདྲ་སྐྱེ་རྒྱུ་མ་རེད་བསམ་གི་ལགས།