ཐེངས་འདིའི་ཡུལ་ཤུལ་སྐྱེ་རྒུ་མདོའི་ས་ཡོམ་གྱི་གོད་ཆག་ཁྲོད། སྐྱེ་རྒུ་མདོ་གཙོས་པའི་ཉེ་ཁོར་གྲོང་སྡེ་ཁག་དགུ་ཙམ་གྱི་ས་གནས་མང་ཚོགས་ཀྱི་ནོར་ཕྱུགས་ཧ་ཅང་མང་པོ་ཞིག་ཤི་རྨས་བྱུང་ཡོད་པ་དང་། ཕྱི་ཚེས་ ༢༣ ཉིན་བརྡིབས་སྐྱོན་དང་ཞིག་རལ་དུ་གྱུར་བའི་གད་སྙིགས་གཙང་བཟོ་དང་དུག་སེལ་གྱི་ལས་དོན་བསྒྲུབས་པའི་ཁྲོད། ནོར་ལུག་ཆིག་ཁྲི་བཞི་སྟོང་སུམ་བརྒྱ་བཞི་བཅུ་ ༡༤༣༤༠ ཙམ་གྱི་ཤི་རོ་བཏོན་ཡོད་འདུག
གཞན་ཉིན་འདི་འགར་སྐྱེ་རྒུ་མདོ་ས་ཁུལ་དུ་གནམ་གཤིས་ཇེ་འཁྱག་ཏུ་ཕྱིན་ཡོད་པ་ཟད། ནུབ་བྱང་གི་རླུང་འཚུབ་ཆེན་པོ་གཡུག་པ་དང་བྱེ་རླུང་འཚུབ་ཅིང་། ཕྱི་ཚེས་ ༢༡ ཉིན་གྱི་མཚན་མོ་ནས་བསྟུར་མུར་ཁ་བ་མཚམས་མ་ཆད་པར་བབས་ཏེ། རྒུད་སྐྱོབ་ཀྱི་ལས་དོན་ལ་དཀའ་ངལ་ཆེན་པོ་འཕྲད་བཞིན་ཡོད་པ་དང་། ཁྱིམ་གཞིས་རྩ་མེད་དུ་གྱུར་བའི་མང་ཚོགས་ཁྲི་ཕྲག་མང་པོ་སྦྲ་གུར་ནང་བསྡད་ཡོད་སྟབས། རྒན་མགོ་དང་བྱིས་པ་ཚོས་གྲང་ངར་གྱི་དཀའ་སྡུག་ཚད་མེད་མྱོང་གིན་ཡོད་འདུག སྐྱེ་རྒུ་མདོ་ས་ཁུལ་གྱི་དྲོད་གྲང་ཉིན་མོ་གོར་ཐིག་ཡན་གྱི་ཨང་ ༧ ནས་ ༨ བར་དང་། མཚན་མོ་གོར་ཐིག་མན་གྱི་ཨང་ ༥ ནས་ ༦ བར་ཆགས་ཀྱིན་ཡོད་འདུག
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
རོགས་སྐྱོར་གནང་བ།
༄༄།། ད་ལམ་ཉག་ཕྲ་བའི་དུས་སྐབས་འདིར་རང་བྱུང་ཁོར་ཡུག་ལ་ས་ཡོམ་གྱི་གནོད་འཆེ༹་འོག། འཇ༹མ་གླིང་ཕྱོགས་གང་ས་དང་ལྷག་པར་དུ་རང་རིགས་བོད་ཀྱི་ཡུལ་ཤུལ་ས་ཁུལ་སྐྱེ་རྒུ་གྲོང་སྡེ་དང། རོང་པོ་ སྐར་མདའ་ འབྲོག་མདའ་ ཁྲུན་འདུ་ ནང་ཆེན་བཅས། ས་ཕྱོགས་གང་ས་ལ་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད་པར་བརྟེན། དཔལ་ལྡན་དགོན་ར་ཉག་ཕུན་ཆོ༹གས་ཐེག་ཆེན་གླིང་གི་ཁྲི་པ་སྐྱབས་རྗེ་ལྡན་མ་ཁམས་མགྱོགས་རིན་པོ་ཆེ་མཆོག། ས་ཡོམ་གྱི་རྐྱེན་ངན་བྱུང་བ་གསོན་མ་ཐག་མྱུར་དུ་ Taiwan ནས་མཁའ་ལམ་རྒྱུད་ཟིར་ལིང་ལ་ཕེབས། དེ་ནས་ཁོང་གི་ཐབས་ཤེས་རྒྱུད་དམིགས་གསལ་སྨན་པ་ཁ་ཤས་ཁྲིད་ནས་ཡུལ་ཤུལ་ས་ཁུལ་དུ་ཕེབས་འདུག་པ་མ་ཆ༹ད། ར་ཉག་དགོན་པའི་དགེ་འདུན་པ་ ༡༧༠ དང་ལྷན་དུ་མི་རྒྱུ་གཉིས་གི་ཐོག་རོགས་རིམ་རྒྱ་ཆེར་གནང་འདུག། ལྷག་པར་དུ་ར་ཉག་དགོན་པའི་དགེ་འདུན་པ་ཆོ༹འི་ས་འོག་ནས་བོད་རིགས་ཉིས་བརྒྱ་ལྷག་གི་ཆེ༹་སྲོག་སྐྱོབ་གནང་ཡིན་པ་རེད། སྤྱིར་གནས་ཆུ༹ལ་གོ་དོན་ལྟར་ན། ཁམས་མགྱོགས་རིན་པོ་ཆེ་དགོན་པ་གསར་པ་ཧ་ཅང་གི་ལེགས་གྲུབ་བྱུང་ཡོད་ཀྱང་ཡིན་ན་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད། འོན་ཀྱང་ཁོང་གིས་གནས་ཆུ༹ལ་དེ་དག་ལ་མ་གཟིགས་ནས་རང་རིགས་སྤུན་ཟླ་ཤུལ་ལུས་རྒྱ་ཆེར་མི་དམངས་ཡོངས་ཀྱི་ཆེད་དུ་དམིགས་སྟེ། ད་ལྟ་བར་དུ་འགྲོ་སོང་གཏོང་ཆོ༹ད་བྱས་ན། གྲོ་འབྲས་རྒྱ་མ་༡༢༠༠༠ ཅ༹མ་པ་རྒྱ་མ་༡༥༠༠ མར་རྒྱ་མ་༡༠༠༠ ཐུག་པ་ཤོག་སྒམ་༡༠༠༠ ཉལ་ཆས་༣༠༠༠ གྱོན་ཆས་༢༥༠༠ རས་གུར་༡༠༠ དེ་མིན་ཟས་རིགས་འདྲ་མིནདང་ ཉམ་ཐག་དབུལ་པོ་ཁྱིམ་ཆ༹ང་རེ་ལ་སྒོར་༣༠༠ གནང་ཡོད། བསྡོམས་པས་རྒྱ་སྒོར་ཁྲི་ ༢༡༥ ལྷག་གཏོང་ཟིན་ཀྱང་ད་དུང་ཡོང་མི་མཐུད་ནས་གནང་རྩིས་ཡིན་འདུག། དེ་ཡང་མ་ཆ༹ད་རིན་པོ་ཆེ་ཁོང་གིས་ཤུལ་ལུས་ཡོངས་ཀྱི་ཆེད་དུ་དམིགས་ནས་ཕྱི་རྒྱལ་ཡུལ་གྲུ་དང་རྒྱ་ནང་གི་ཆོ༹གས་པ་ཁག་སོ་སོ་ལ་རོགས་རིམ་འབོད་བསྐུལ་གནང་འཆར་ཡིན་འདུག་པ་མ་ཆ༹ད་ཁོང་གིས་གསར་འཇུ༹གས་གནང་བ་སྨོན་ལམ་ཆོ༹གས་ཆུང་རྒྱུད། ཆེ༹་འདས་ཡོངས་ཀྱི་ཆེད་དུ་ཉིན་ལྟར་སྐྱབས་གནས་འཕགས་པའི་དགེ་འདུན་པ་རྣམས་ཀྱི་བསྔོ་བ་སྨོན་ལམ་དང་མི་དམངས་བརྒྱ་ཕྲག་དུ་མ་ནས་འཕགས་མཆོག་སྤྱན་རས་གཟིགས་ཀྱི་གཟུངས་སྔགས་འབུམ་ཆོ༹གས་ཆོ༹གས་ཀྱི་ཡོད་རེད་ཟེར། གོང་གི་གནས་ཆུ༹ལ་དེ་དག་ས་གནས་དགོན་པའི་གྲ་བློ་བཟང་གི་གསུང་པ་ལྟར་བྲིས་ཡིན། སྤྱིར་གསར་འགྱུར་རྒྱུད་ལམ་ཁག་ནས་གནས་ཆུ༹ལ་སྤེལ་བ་ལྟར་ན། རང་ཡུལ་གངས་ཅན་ལྗོངས་ནས་ཆོལ་ཁ་སོ་སོ་དགོན་སྡེ་ཁག་དང་བླ་ཆེན་རྣམ་པ་གཅོ༹ས་རང་རིགས་བོད་ཀྱི་ཡུལ་ཤུལ་ས་ཁུལ་ལ་རོགས་རིམ་རྒྱ་ཆེར་གནང་ཡོད་པ་མ་ཆ༹ད། ཕྱི་རྒྱལ་ཡུལ་གྲུ་ཁག་སོ་སོ་དང་ སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་དབུས་རིས་མིན་བླ་ཆེན་རྣམ་པ་དང་དགོན་སྡེ་ཡོངས་ཀྱི་རོགས་རིམ་གནང་ཡོད་པས་འདིར་མ་བྲིས་སོ།།
༄༄།། ད་ལམ་ཉེར་བའི་ཆར་ཡུལ་ཤུལ་བོད་རིགས་རང་སྐྱོང་ཁུལ་དུ་ཡ་ང་བ་ས་ཡོམ་གྱི་གནད་སྐྱོན་ཆ༹བ་ཆེན་བྱུང་བ་བརྟེན། རང་རིགས་སྤུན་ཟླ་འདས་པོ་རྣམས་ཀྱི་ཆེད་དུ་ སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་དབུས་རིས་མིན་གྱི་བླ་སྤྲུལ་རྒྱལ་སྲས་རྣམས་དང། ཆོས་བརྒྱུད་ཁག་སོ་སོ་གདན་ས་ཡོངས་ལ་མཆོད་འབུལ་རྒྱ་ཆེར་འབུལ་རྒྱུ། ཁོང་ཤུལ་ལུས་ཡོངས་ཀྱི་ཆེད་དུ་དམིགས་སྟེ། གུས་པས་ལག་ཉིས་ཐལ་མོ་སྦྱར་ནས་འབོད་བསྐུལ་དང་བོད་རིགས་སྤུན་ཟླ་རྣམས་ཀྱི་ཐུགས་བརྩེ་བ་ཆེན་པོ་སྒོ་ནས་རོགས་རིམ་གང་ཐུབ་གནང་སྐྱོང་ཡོང་བ་བཀའ་དྲིན་རྗེས་དྲན་བཅས།།
གྲོང་གསར་ཨར་འདམ་ཁང་པར།
ད་ནས་ཡིད་སྨོན་མི་ཤོར།
སྒོ་ཕྱུག་གཡག་གི་རྩིད་པས།
སྦྲ་གུར་ཡིད་ནས་སྨོན་བྱུང༌།
གུར་རྒྱུག་མགོ་བོར་འཁེལ་ཀྱང༌།
འདི་ཕྱིའི་མཚམས་སུ་མི་སླེབ།
ད་ནི་མི་མཐོང་རྒུ་མཐོང༌།
རིགས་རྒྱུད་གཙང་ཕྱག་བཏང་སོང༌།
ཚན་རྩལ་རིག་པ་བཤད་ནས།
འབྲོག་པའི་གཟིམ་ཆུང་གྲུབ་བཞི།
སྲོལ་རྒྱུན་རྒྱབ་ཏུ་སྐྱུར་བས།
ངན་འབྲས་མིན་ན་ཅི་ཡིན།
འགྲོ་ཆོག་ཆོག་ཡིན།
རྐང་པ་མེད་ཀྱང་།
པུས་པོ་བཙུགས་ནས།
འགྲོ་བགྱི་ཡིན་ནོ།
ད་རྒྱ་མིས་ཤོག་ལབ་ཀྱི་འདུག་ད་་་་་་་་་འགྲོ་ཆོག་ཆོག་ཡིན་ནམ།
རང་བྱུང་གནོད་འཚེ་འོག་ནས།
བོད་མི་ལ་རྒྱ་འཁྲུངས་སོང་།
བོད་གཞུང་ཕྱོགས་ཞེན་ཡོད་པ།
དེ་ཡང་གསལ་རུ་ཕྱིན་སོང་།
རྒྱ་གཞུང་འཁྲབ་མཁས་ཡིན་པ།
རྒྱ་དམངས་ཡོངས་གྱི་ཤེས་སོང་།
གཞི་བཞུགས་དད་པ་ཡོད་པ།
འཛམ་གླིང་མི་དམངས་ཤེས་སོང་།
༄༄།། སྐྱབས་ཀུན་འདུས་སྐུ་༧གོང་ས་རྒྱལ་དབང་མཆོག།
མ་རྣམས་དོན་དུ་འགྲོ་བའི་མགོན་མཛད་པ།
ལྷག་པའི་ལྷ་སྐལ་འཕགས་མཆོག་སྤྱན་རས་གཟིགས།
རྟག་ཏུ་སྒོ་གསུམ་གུས་པས་ཕྱག་འཚལ་ལོ།།
ས་ཡོམ་ཁྲོད་འདས་འབྲི་གཡག་ནོར། །
རྟ་བོང་ར་ལུག་ཕྱུགས་གཞན་རྣམས། །
ལྷ་མིའི་བདེ་འགྲོའི་རྟེན་བཟང་བརྒྱུད། །
བདེ་ནས་བདེ་བར་བགྲོད་ནུས་ཤོག །