སྐུ་ཞབས་ཞོགས་དུང་ཟི་ལིང་ཉེན་རྟོག་པས་བཟུང་འདུག

http://www.youtube.com/watch?v=B2Hh-_t-_ug&feature=related

ཧ་མ་གོ་ན་འདིར་ཉན།

ཀླུ་མཁར་བྱམས་ཀྱིས་བཤད་ན་༼ཡིག་འབྲུ་ཁྲི་བདུན་ནས་གནམ་ས་གོ་འབྱེད་བར་༽ཞེས་པའིབགྲོ་གླེང་ཞིག་གོ་སྒྲིག་བྱ་འཆར་ཡོད་རབ་ཟེར།གལ་སྲིད་དེ་འདྲ་ཡིན་ན་ངོ་དུས་ཐོག་ཆར་བའི་དཔེ་ལྟར་ཤིན་ཏུ་བཀའ་དྲིན་ཆེ་ཟེར་རྒྱུ་ཡིན།

སྐུ་ཞབས་ཞོགས་དུང་ཟི་ལིང་ཉེན་རྟོག་པས་བཟུང༌།
རྩོམ་པོ་དེ་རྒྱ་ནག་གིས་འཛིན་བཟུང་བྱས་པ་དེ་བློ་ཕམ་དང༌། གྱོང་གུད་ཞིག་ཀྱང་རེད། ང་ཚོ་དེའི་ཆེད་དུ་ལས་འགུལ་འདྲ་སྤེལ་ཐབས་ལ་བརྩོན་དགོས། རྒྱལ་སྤྱིའི་ཐོག་ལ་ཁྱབ་བསྒྲག་དགོས་པ་དང་བྱེད་འོས་པ་ཞིག་རེད། འོན་ཀྱང་རང་གིས་བསམ་ཚུལ་བྱས་ན། དྲ་རྒྱའི་རྒྱུད་ལམ་རྩོམ་པ་པོ་དེ་ཉེས་མེད་རྒྱ་ནག་གིས་འཛིན་བཟུང་བྱས་ཚུལ་བཤད་དགོས་པ་ལས། ཁོང་གིས་དེ་སྔོན་བྱས་པའི་ལོ་རྒྱུས་དང༌། བརྩམས་དེབ་ཀྱི་ནང་དོན་དྲ་ལམ་འབྲིམ་པ་ཡིན་ལ་ཉེས་པ་ཆེ་རུ་འགྲོ་རྒྱུ་ལས་ཆུང་དུ་འགྲོ་དཀའ། དེས་ན་དྲ་ལམ་ནང་ལ་འབྲིམ་སྤེལ་བྱེད་རྒྱུ་གལ་ཆེ་ཆུང་གང་ཡིན་ཡང་ཐུགས་བསམ་གཏན་པོ་བཞེས་ནས་བཀོད་དགོས་པ་གལ་ཆེན་པོ་མཐོང་གི་འདུག

ན་གཞོན་གསར་བའི་མི་འཕྲོག་པ

སེམས་སྐྱོ་བ་ལ་ཡིད་སྡུག་པ་ལ་གཅིག་མཇུག་གཉིས་མཐུད་ཀྱིས་བོད་མི་རིགས་ལ་གོད་ཆགས་དང་གས་གཏོར་ཆག་སྒོ་དང་འཇིག་སྐྲགས་སློང་སོང་། འདི་ལྟར་ཕྱོགས་ཡོངས་ནས་བསམ་ན་ང་ཚོའི་ཅི་ཞིག་བྱེད་ང་ཚོ་གང་དུ་འཚོ་ད་ནི་འཇིག་རྟན་ཁམས་འདིར་ཡིན་རིང་མི་གནས་ན་ཅི་མ་རུང་མཉམ་པའི་ཚོར་བ་ཞིག་ངང་གིས་སྐྱེ་གི་འདུག

བུ་རེ་བ་ཅན་པོ། བོད་མི་ས་ཡ་དྲུག་པོ་ཁྱེད་ཀྱི་རྒྱབ་ལ་ལངས་ཡོད། ཁྱེད་ནི་བོད་མི་ཤེས་ཡོན་ཅན་གྱི་སྣེ་འདྲེན་པའི་དེད་དཔོན་ཁོ་ནའོ།

དེང་གི་སྐབས་སུ་བོད་ནང་དུ་བོད་ཀྱི་ཤེས་ཡོན་ཅན་རྣམས་དང་། བོད་མིའི་ཆེད་དུ་དངོས་སུ་ཕྱག་ལས་གནང་མཁན་དག་གཅིག་གཅིག་གཉིས་གཉིས་བྱས་ཏེ་རྒྱ་གཞུང་གིས་འཛིན་བཟུང་བཙན་ཁྲིད་བྱས་དང་བྱེད་བཞིན་འདུག་ན། ཕྱི་ཕྱོགས་ཀྱི་བོད་ཀྱི་ཤེས་ཡོན་པའི་སྡེ་ཡིས་སྣེ་ཁྲིད་ནས་གཞི་རྒྱ་ཆེ་བའི་ལས་འགུལ་ཞིག་སྟེ། རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚོགས་པ་ཁག་དང་། རྩོམ་པ་པོ་དང་ཤེས་ཡོན་པའི་འགན་དབང་སྲུང་སྐྱོབ་བྱེད་མཁན་གྱི་མི་རྣམས་ཀྱི་མདུན་སར་སྙན་ཞུ་འབུལ་བ་དང་། བོད་ནང་གི་བོད་ཀྱི་ཤེས་ཡོན་པ་ཚོའི་ད་ལྟའི་གནས་བབ་ཇི་འདྲ་ཡིིན་ཚུལ་འགྲེལ་བརྗོད་གསལ་བོ་བྱེད་པ་སོགས་ཀྱིས་མཚོན་པའི་ནུས་ཤུགས་ལྡན་པའི་ལས་འགུལ་ཞིག་སྤེལ་དགོས་པར་འདུག འདི་ལ་ངེས་པར་དུ་བོད་ཀྱི་ཤེས་ཡོན་པའི་སྡེ་ཁག་དག་གིས་འགན་འཁྱེར་ཏེ་ལས་འགུལ་ཞིག་མ་སྤེལ་ཐབས་མེད་དུ་གྱུར་ཡོད། ཉིན་ཁ་ཤས་ཀྱི་ནང་དུའང་རྩོམ་པ་པོ་ཞོགས་དུང་ལགས་འཛིན་བཟུང་བྱས་པ་དང་། ཞོགས་ལྗང་དང་ཐེའུ་རང་གཉིས་སློབ་གྲྭ་ནས་བཙན་ཁྲིད་བྱས་པ། རྨ་ཆུ་ནས་སྐྱབས་ཆེན་སོགས་བོད་ཀྱི་ཤེས་ཡོན་ཅན་ནམ་དགེ་རྒན་སྐོར་ཞིག་སློབ་གྲྭ་ནས་གནས་དབྱུང་བཏང་བ། རྨ་ཆུ་རྗོང་གི་སློབ་གྲྭ་ནས་དགེ་རྒན་ཉེར་གཅིག་ལ་སྒོར་ཆད་ལྕི་མོ་བཀལ་བ། ད་དུང་བོད་ཁུལ་གྱི་ཕྱོགས་ཡར་མར་ནས་དགེ་རྒན་དང་ཤེས་ཡོན་ཅན། སློབ་མ་དང་། སྐྱ་སེར་མང་བོ་ཞིག་འཛིན་བཟུང་བཀག་ཉར་བྱེད་བཞིན་པ་སོགས་ལ་དམིགས་ཏེ་གཞི་རྒྱ་ཆེ་བའི་ལས་འགུལ་ཞིག་སྤེལ་དགོས་འདུག། འདི་ཙམ་གྱིས་མཚམས་འཇོག་པར་ཐག་མི་ཆོད་ཀྱང་། ད་ནི་སྤུན་ཟླའི་རྒྱབ་ན་སྤུན་ཟླ་ལངས་ཡོད་པའི་བརྡ་སྟོན་དགོས་ལ། ཉེས་མེད་འཛིན་བཟུང་བྱེད་ཀྱིན་པའི་བོད་ནང་གི་ཤེས་ཡོན་པ་ཚོའི་གནས་སྟངས་སྐྱོ་བོ་འདི་འཛམ་གླིང་ཁྱོན་ཀུན་ཏུ་བསྒྲགས་རན་ཡོད། འདི་ལ་ནམ་རྒྱུན་ལྟར་མེག་ལོར་ནས་ཀ་ཅ་རིའི་བར་དུ་ཤར་སྐྱོད་བྱས་པས་མི་ཕན་ལ། ཤོག་ངོས་རྐྱང་བར་ས་ཡིག་སྐྱོན་པས་ཀྱང་མི་འགྲུབ་སྟེ། ཚུལ་འདི་ནི་རྒྱལ་སྤྱིའི་ཚོགས་པ་ཆེ་ཁག་དག་དང་། གཞུང་སྒེར་གང་རུང་གི་བོད་དོན་རྒྱབ་སྐྱོར་བ་སོགས་ལ་མ་གོ་མ་ཐོས་མེད་པ་ཞིག་བྱེད་དགོས་པར་མ་ཟད། ངེས་བར་དུ་རྒྱ་གཞུང་ལ་གནོན་ཤུགས་ཡོང་བའི་ལས་འགུལ་སྤེལ་བ་དང་ཁྱབ་བསྒྲགས་བྱེད་དགོས། ང་ཚོའི་ཤེས་ཡོན་པའི་སྡེ་རྩ་མེད་བཟོ་བཞིན་པའི་གནས་ཚུལ་འདི་རང་དགར་བསྐྱུར་རུང་བ་ཞིག་གང་ནས་ཡིན། དེ་བས་ཉིན་ཤས་རྗེས་ཀྱི་ཨ་རི་དང་རྒྱ་ནག་གཉིས་བར་འགྲོ་བ་མིའི་ཐོབ་ཐང་གི་ཚོགས་འདུ་ཞིག་ཚོགས་འཆར་ཡོད་པའི་སྐབས་སུའང་ང་ཚོས་སྙན་ཞུ་ཕུལ་བ་དང་ལས་འགུལ་སྤེལ་བ་སོགས་གྲ་སྒྲིག་འཐུས་ཚང་ཡོད་དགོས་པར་འདོད་ན། ད་ནི་གོང་སྨྲས་འདི་དག་གི་ཆེད་དུ་ཕྱི་སྡོད་བོད་ཀྱི་ཤེས་ཡོན་པའི་སྡེ་གཙོ་བྱས་ཏེ་ལས་འགུལ་གཞི་རྒྱ་ཆེ་བ་ཞིག་སྤེལ་བར་གང་མྱུར་གྱིས་གྲ་སྒྲིག་བྱེད་དགོས་པར་འདོད་དོ།

ཕོ་རབ་རྣམ་དཔྱོད་ཅན་པོ་གླེང་རིན་ཡོད། གནོད་ཤུགས་བསྐྱེད་དུ་འགྲོ

ཨ་རིག་པས་ངའི་ཡིག་ནོར་ལ་མངོན་གསལ་དོད་པོས་དགག་པ་ཐུགས་རྗེ་ཆེ། ཡིན་ཡང་ངས་ཨ་ལྟ་ཡང་ལྟ་བྱས་ཀྱང་ཡིག་ནོར་དེ་ཚོ་ངོས་འཛིན་མ་ཐུབ། ཡ་ཨ་རིག་པ་ཁྱོས་རེ་རེ་ནས་ཐེར་འདོན་ཡོས་ཤོག ཡང་གཅིག་བཤད་ན་ཁྱོས་ཀྱང་ཤ་ཀླན་གྱི་ཞེས་མ་བྲིས་པར་ཤ་ཀླན་གི་བྲིས་པ་དང་རྩད་ཀྱི་མ་བྲིས་པར་ཚིག་ཕྲད་ནང་མེད་པའི་ཀི་སྒྲ་ཞིག་སྦྱར་བས་མཆན་ཚིག་བཅུའི་ནང་ལ་ཡིག་ནོར་གསུམ་ཐོན་འདུག(བརྩིད་ཞེས་པ་ཡིག་ནོར་རེད།)གང་ལྟར་ཀྱང་ཨ་རིག་པས་ཐེར་འདོན་གནང་བར་ཐུགས་རྗེ་ཆེ།ཧཧཧཧཧཧཧཧཧཧཧཧཧཧཧཧཧ་མ་རེད་དམ། ཨོ་དྲན་དགོས་པ་ཞིག་ལ་གོང་གི་ཁྱོས་ཞེས་པ་ཁྱོད་ཀྱིས་ཞེས་པའི་བསྡུས་ཚིག་རེད་ལ།ཡོས་ཞེས་པ་བྱོས་ཞེས་པའི་ཁ་སྐད་རེད།

དེང་རབས་བོད་ཀྱི་བསམ་བློའི་སྒོ་འབྱེད་པ། སྐུ་ཞབས་ཞོགས་དུང་ལགས། རྒྱ་གཞུང་གིས་བཀག་ཉར་བྱས་པར་བློ་ཕམ་ཡོད། ཁོང་གིས་འདི་འདྲ་ཞིག་ཀྱང་གསུངས་འདུག ཝ་རྔ་མ་དྲུད་དེ་བྲོས་པ་ལས། །སྟག་འཛུམ་དྲུག་ཉིལ་ལེར་འཆི་ན་དགའ།། ཞེས་པའི་བོད་ཀྱི་གཏམ་དཔེ་འདི་ཡིན། སྔ་ས་ནས་ཐག་གཅོད་གནང་གྲུབ་ཡོད། ཁོང་རྣམས་ནི་མི་རིགས་ཀྱི་དཔའ་བོ་དངོས་མ་རྣམས་ཡིན།

ཡུ་ཤུལ་གྱི་ས་འགུལ་དེ་བོད་ཀྱི་རྒྱ་ཆེའི་མི་དམངས་ཀྱི་སེམས་འགུལ་ལ་སྒྱར་མཁན་ཡང་། ཁྱེད་ཅག་ལྷན་རྒྱས ༼ ༼སྨིན་དྲུག ཞོགས་དུང་། བྱང་སྐར། ཉི་གཞོན། སེང་རྡོར། འགྱན་སངས་རྒྱས་དོན་གྲུབ། འབར་རྡེའུ། མེ་ལྕེ། ༽ སོགས་གཙོ་བོའི་གྲས་ཡིན་པ་དང་། ངེད་ཅག་ཕྱིར་སྡོད་བོད་རིགས་རྣམས་ས་ཡོམ་དེ་ལ་ཁ་གདང་མིག་ཅེར་ནས་བསྡད་ཡོད་པའི་ཁ་ཐུག་འདིར། སྐུ་ཞབས་ཞོགས་དུང་ལ་སྐྱེན་ངན་བྱུང་བའི་གནས་ཚུལ་གོ་ཡོང་དུས། ཁ་དཔེར་མགོ་ན་བའི་གང་ལ། གཡུ་འབྲུག་གི་ཙག་སྒྲ། སེམས་སྐྱོ་བའི་གང་ལ། ཁུ་བྱུང་གི་སྐད་སྒྲ། རང་ཡིན་མོས། སྤྱིར་རང་བྱུང་གི་གནོད་འཚེ་སོགས་ཀྱི་སྐྱེ་འགྲོའི་སྲོག་འཕྲོག་པ་ནི། ༼ གོད་ཆག་༽ རང་ཡིན་ནའང་། ལྷན་རྒྱས་རྣམ་བཞིན་བསམ་ཕོད་པ་དང་། སྒྲུབ་ཐུབ་པའི་མི་བུ་རུས་རྐང་ཅན་ཚོ་སྟེ། ཞོགས་དུང་ལ་སོགས་པའི་འགྲོ་སྟངས་དེ་ནི་གདོང་དམར་བོད་ཀྱི་རང་གཤིས་རྣལ་མ་ཞིག་ཡིན་ལ། གང་ལྟར་མི་རིགས་འདི་འཚོ་ཐུབ་ན་འཚོ་སྟངས་དེ་རང་ཡིན་ལ། ཤི་དགོས་ན་འགྲོ་སྟངས་ཀྱང་དེ་ག་རང་ཡིན། ཨ་མའི་བུ།

གཞན་ཡང་། ཁ་སྔོན་ཞོགས་དུང་གི་དེབ་གནམ་ས་སྒོ་འབྱེད་སླེབས་མ་ཐག ཕྲན་གྱིས་འདི་གར་དུས་བབ་རྩོམ་སྒྲིག་པ་ལུང་རིག་རྒྱལ་གཙོས་
འབྲེལ་ཡོད་རྩོམ་པ་པོ་རྣམས་ལ་གོ་བསྡུར་ཞུས་པ་བརྒྱུད། དེབ་དེ་དང་འབྲེལ་༼ ཡིག་འབྲུ་ཁྲི་བདུན་གྱི་སྙན་ཞུ་ནས་གནམ་ས་སྒོ་འབྱེད་བར། ༽ ཞེས་པ་འི་བགྲོ་གླེང་ཚོགས་འདུ་ཞིག་འཚོག་རྒྱུའི་གྲ་སྒྲིག་བྱེད་པའི་སྒང་ཡིན་མོད། ཏན་ཏན་ཁ་ཐུག་འདིར་ཞོགས་དུང་ལ་སྐྱེན་ངན་བྱུང་བར་བརྟེན། ད་ནི་རིམ་གྱིས་ལྟ་ཆོག

བོད་པའི་རྩོམ་པ་པོ་ཡག་ཤོས་ཞོགས་དུང་རེད།
བོད་སྤྲུལ་སྐུ་ལ་དད་པ་བྱས་ཏེ་ཕུང་བའི་ལོ་རྒྱུས་འབྲི་བ་པོ་ཞོགས་དུང་རེད།
བོད་པའི་སྤྲུལ་སྐུས་རྒྱ་སོག་གི་དམག་མི་བོད་ལ་གདན་འདྲེན་བྱས་པ་ལ་སྐྱོན་བརྗོད་ཐེར་འདོན་བྱེད་མཁན་ཞོགས་དུང་རེད།
བོད་སྤྲུལ་སྐུས་དབང་སྒྱུར་བྱས་པའི་མཇུག་འབྲས་གསལ་སྟོན་བྱེད་མཁན་ཞོགས་དུང་རེད།

ཨ་རིག་ལགས་ད་ཁྱོས་ཁོང་གི་པར་ལ་བལྟས་ནས་གླེན་བཤད་ཡིད་ཀི་མ་འདུག
བོད་ཡིན་ན་བོད་ལ་གོན་དགོས་པའི་བཅས་པ་ཞིག་གང་ན་ཡོད་ཀི

ངས་ཞོགས་དུང་གི་རྩོམ་ཡིག་མང་པོ་བཀླགས་མྱོང། དཔྱད་ཤེས་རྒྱངས་འབོད་ཕུད་བྱིངས་རྣམས་མ་བཀླགས་པ་ཞིག་མེད་སྙམ་བསྡད་ཡོད། ང་ཁོང་གི་རྩོམ་ཡིག་ཀློག་དུས་མཚམས་རེར་ཁོང་ཁྲོས་མེ་ལྕེ་འབར་མྱོང་ཞིང་ལན་རེར་དགའ་བས་བསྟོད་པའི་མེ་ཏོག་ཕུལ་མྱོང་། གང་ལྟར་ཀྱང་འགྲིག་བསྡད་ཡོད། ཚོར་བ་ཅི་ཡང་མི་སྟེར་བའི་རྩོམ་ཡིག་དག་དང་ཁོང་གི་རྩོམ་དག་བསྡུར་སྣ་མེད། ཡིན་ཡང་ངས་ཁོང་གི་པར་ཞིག་མཐོང་འདོད་སྔོན་ནས་ཡོད་ཀྱང་པར་ཞིག་རྩ་ནས་མཐོང་མ་མྱོང་། དགའ་འོས་པ་ཞིག་ལ་དེ་རིང་དུས་བབ་དྲ་བ་འདི་ནས་ཁོང་གི་པར་དེ་མཐོང་བྱུང་། ཡིན་ཡང་བསམ་ཡུལ་ལས་འདས་པ་ཞིག་ལ་སྐུ་ཞབས་ཁོང་མུན་དོང་བཙོན་དུ་བཅུག་ཟིན་པའི་གནས་ཚུལ་ཞིག་ཀྱང་མཉམ་དུ་སྦྱར་འདུག ང་ཚོའི་ལས་དབང་འདི་ལ་བསམ་ན། སྔོན་གྱི་ལོ་རྒྱུས་དང་ཉེ་བའི་གནས་ཚུལ་དག་ལ་བསམ་ན། གནས་ཚུལ་འདི་ཤིན་ཏུ་ཛ་དྲག་པོ་རེད།

གོང་དུ་འདྲེ་རིག་ལྡན་གྱིས་གསུང་བ་བཞིན། བཙན་བྱོལ་གཞུང་གིས་ཁོང་གི་རྩོམ་ཡིག་དག་ལ་མཐོང་ཆེན་ཞིག་གནང་དགོས་ལ། ཁོང་གི་སྐོར་ལའང་མ་གོ་ཁུལ་དང་མ་ཤེས་རྩ་ནས་བྱེད་མི་ཉན། ད་ཐེངས་རང་རེའི་གཞུང་གི་ངོས་ནས་འདི་ལ་གོ་རྒྱུ་གྲགས་རྒྱུ་ཡོད་པ་ཞིག་མ་བྱས་ན།་གཞིས་བཞུགས་ཤེས་ཡོན་པ་དག ལྷག་པར་དུ་བོད་ཀྱིས་བདེ་སྡུག་གླེང་མཁན་དག་གི་སེམས་ཤུགས་ཆག་ངེས་ཡིན།

ངས་རྒན་པོ་འདིས་བོད་ལྭ་གོན་ནོ་ནི་ཞིག་རིག་ན་འདོད་ཀི གསར་འགོད་པ་ཚོས་པར་འདི་མ་གཏོགས་ལག་ཏུ་མ་ཟོན་ནི་ཡིན་རྒྱུ་རེད། དེ་མིན་པར་འདིའི་སྟེང་་ན་རྒྱ་རྒན་ཟིག་ག་རིག་གི
ངའི་སེམས་ནང་གི་རྩོམ་པ་པོ་དང་བསམ་བློ་བ།

གོ་སྐབས་འདི་དང་བསྟུན་ནས་བོད་གཞུང་མང་གཉིས་ཀྱིས་རྩོམ་པ་པོ་གྲགས་ཅན་ཞོགས་དོང་གང་མགྱོགས་གློད་བཀྲོལ་ཡོང་བའི་ལས་འགུལ་སྤེལ་དགོས་པ་དང་། གནམ་ས་གོ་འབྱེད་དཔར་སྐྲུན་འགྲེམས་སྤེལ་བྱེད་དགོས།

དེ་རིང་ཞོགས་པར་སེང་རྡོར་དྲ་རྒྱ་སྒོ་བརྒྱབས་འདུག དེ་ཡང་ཁ་སང་གི་སྐུ་ཞབས་ཞོགས་དུང་བཟོང་བའི་སྐོར་གྱི་གནས་ཚུལ་ཁོང་གི་དྲ་ཚིགས་སུ་སྤེལ་སྟབས་མིན་འགྲོ། རྒྱ་བཙོག་འདི་ཚོས་རང་ངར་འདུག་འཇུག་རྒྱུ་མ་རེད། སང་རྡོར་དྲ་བ་ཉིན་འགའི་སྔོན་ཏག་ཏག་དེར་ཉེན་ཁ་ལས་ཐར་ཙམ་རེད། བོད་མིའི་ལས་འདི།

ཨོ་བླ་མ་དཀོན་མཆོག་མཁྱེན། འདི་ལྟར་ཞོགས་དུང་ལགས་འཛིན་བཟུང་བྱེད་དོན་གང་ཡིན་ནམ། ཁོང་ནི་སྤྱིར་མི་རིགས་ཀྱི་ལ་རྒྱ་ཆེ་ཞིང་བདེན་དོན་ལ་བློ་ཁ་ཕྱོགས་པའི་ཐུན་མིན་གྱི་ཤེས་རབ་ལྡན་པ་ཞིག་དང་། བཤད་ཕོད་པའི་སྙིང་སྟོབས་དང་བཅས་ཏེ་ཚིག་དོན་གཉིས་ཀར་ཕུལ་དུ་བྱུང་བའི་རྩོམ་ཡིག་ཇི་སྙེད་ཅིག་བྲིས་ཡོད། རང་ཉིད་ཀྱིས་ཁོང་དངོས་སུ་མཐོང་མྱོང་མེད་ཀྱང་ཁོང་གི་རྩོམ་ཡིག་མང་པོ་ཀློག་མྱོང་བས་རང་ཉིད་ཁོང་ལ་ཧ་ཅང་དགའ་བོ་ཡོད། ད་སྐབས་སྡུག་ཐོག་སྡུག་བཞག་རྨ་ཐོག་ཚྭ་ཟེར་བ་ལྟར་ང་ཚོ་འདི་ལྟར་རྒྱུན་བཐུད་དེ་མི་རིགས་ལ་གུད་ཆག་ཡོང་དུས་སེམས་སྡུག་ལ་ཚད་ཅིག་མི་འདུག

མི་གཅིག་འཇུས་པའི་དོན་དག་ཙམ་མ་ཡིན་པར། ད་ནི་སྲ་མཐུས་ཀྱིས་སྨིན་བཞིན་པའི་བོད་མི་རིགས་ཀྱི་རུས་རྐང་ཞིག་ལ་ཕྱོགས་ཡོངས་ནས་ཆག་སྒོ་སློང་བའི་མགོ་བརྩམས་པ་རེད། འདི་ནི་ར་བསད་དེ་ལུག་འདར་དུ་བཅུགས་པའི་དཔེ་མ་ཡིན་ནམ། ཆག་སྒོ་འདིས་ཁ་མིག་ཅི་ཙམ་གདང་ཡོད་མེད་སུས་མཁྱེན།

མཁས་པ་ཚོ་འདི་ལྟར་ལང་བྱུང་། དཔོན་པོ་ཚོ་གྲགས་མེད་དུ་ཉལ་འདུག

# 32 Time：2010-4-26 4:06:27
ངོ་མ་གྱོང་གུད་རེད།རེད་དེ་ཉིན་འདི་དག་གི་བྱེད་སྟངས་གཞན་དང་གཞན་དག་ཀྱང་འདི་འདྲ་རེད།ཉེ་སྔོན་རྨ་ཆུ་ནས་བོད་རིགས་སློབ་འབྲིང་གི་སློབ་གཙོ་ཆོས་སྐྱོངས་ཚེ་བརྟན་བཟུང་ནས་གར་སོང་ཆ་མེད་རེད།དེ་རྗེས་སློབ་ཕྲུག་གཉིས་དང་གྲྭ་བ་གཉིས་བཟུང་སོང་།དེ་ནས་གྲྭ་བཀྲ་ཤིས་རྒྱ་མཚོ་ལ་ཕྱི་ཕྱོགས་ལ་ཁ་པར་བཏང་འདུག་ཟེར་ནས་གར་སོང་ཆ་མེད་བཏང་སོང་།ཡང་གཙོད་ཀྱི་བོད་རིགས་སློབ་གཙོ་དེ་དང་རྨ་ཆུའི་བོད་རིགས་སློབ་གཙོ་སྐྱབས་ཆེན་བདེ་གྲོལ་དང་།རྡོ་རེ་སོགས་ལས་གནས་ནས་ཕྱིར་ཕུད་བཏང་བ་མ་ཟད་དགེ་རྒན་མང་བོར་ཉུང་བ་སྒོར་༢༠༠༠༠ནས་མང་ཤོས་སྒོར་༦༠༠༠༠བར་ཆད་པ་བཅད་འདུགད་ནི་ང་ཚོས་འཚེ་མེད་བསྟུན་མེད་ཀྱི་ལས་འགུལ་སྤེལ་དགོས་པ་མིན་ནམ།ཨ་ཨ་ངོ་མ་མི་སྡུག་ཐུག་རྒྱུ་ཡོད་ངེས།འདི་རྒྱ་ནག་སྲིད་གཞུང་གིས་ཤེས་ན་འགྲིག་གིསང་ཉིན་ནས་དྲ་བ་འདི་ཡང་གང་ཞིག་ལ་བསྐྱལ་ཡོང་བསམ་ན་དེ་བས་ཀྱང་བློ་འཚབ་ཆེ་གི

སྐུ་ཞབས་ཞོགས་དུང་ལགས་ནི། བོད་ཞེན་ཅན་ཡིན་མིན་ནི་ཁོང་འཛིན་བཟུང་དེ་ཡིས་ངོ་སྤྲད་པ་རེད། སྐུ་ཞབས་ཞོགས་དུང་ལགས་མཆོག་རྟག་ཏུ་རྒྱལ་འགྱུར་ཅིག

དངོས་གནས་དཔེ་བསགས་བཞག །ཞོགས་དུང་ལ་བོད་པའི་སྤྱི་ཚོགས་ནང་གླེང་སློང་འདྲ་མིན་ཡོད་ནའང་། དོན་དུ་ཁོང་ལ་ནང་ཆོས་ཀྱི་ཤེས་ཚད་ཡག་པོ་མེད་པ་ཙམ་ལས། ལྷན་སྐྱེས་ཀྱི་རྣམ་དཔྱོད་དང་། རིག་གཞུང་གི་ཤེས་ཡོན་བཟང་རབ་ཡོད་པ་མ་ཚད། རང་རིགས་ལ་ཞེན་པའི་ལྷག་བསམས་ཀྱང་མི་དམན་པ་ཡོད་པར་བརྟེན་ང་ཚོ་བོད་མི་རིགས་ལ་དགོས་ངེས་ཀྱི་གང་ཟག་ཁོང་ལ་ཉམས་ཉེས་བྱུང་བ་ནི་སེམས་གཏིང་ནས་སྐྱོ་བའི་གནས་ཚུལ་ཞིག་རེད།

སྤུན་གྲོགས་ཚོ་གླུ་འདིར་ལན་རེ་ཉན་དང་འཚོ་བ་འདྲ་མིན་རེ་སླེབས་ཡོང།

http://www.youtube.com/watch?v=rMd3_qR1wbw&feature=related

བོད་མི་རིགས་དང་རྒྱལ་ཁབ་བསམ་མཁན་ཞིག་ཡིན་ན་རྒྱ་དམར་པོའི་འོག་ཏུ་སྲོག་འགོ་ཐོན་པར་ཁག་པོ་རེད།
ད་གཅིག་རྗེས་གཉིས་མཐུད་ནས་གསོད་བཟུང་བྱེད་བསྡད་པར་ཡིན་ན་ལོ་ག་ཚོད་རྗེས་སུ་བོད་མི་ཟེར་བ་ཞིག་མེད་པར་ཆགས་འགྲོ་གྱིན་རེད་།

ཐུགས་རྗེ་གཟིགས་དགྲ་དམར་པོའི་འོག་ཏུ་ཡོད་པའི་སྤུན་གྲོགས་ཚོའི་སྲོག་འགོ་ཐོན་གྱི་གལ་ཆེ་པོ་རེད། རང་གི་་སྲོག་འགོ་མ་ཐོན་ན་བོད་མི་རིགས་སྐྱོབ་མི་ཐུབ་པར་མཁྱེན་པ་གནང་རོགས། གཟབ་གཟབ་གནང་རོགས།