དེ་རིང་སྔ་དྲོ་མཚོ་སྔོན་ཞིང་ཆེན་གྱི་འབྲེལ་ཡོད་ལས་ཁུངས་ནས་གསལ་བསྒྲགས་བྱས་པ་ལྟར་ན། ཐེངས་འདིའི་ཡུལ་ཤུལ་སྐྱེ་རྒུ་མདོའི་ས་ཡོམ་གྱི་གོད་ཆག་ཁྲོད་མི་སུམ་སྟོང་ལྔ་བརྒྱ་ ༣༥༠༠ ཙམ་དབང་བོ་སྐྱོན་ཅན་དུ་གྱུར་ཡོད་འདུག ཉེ་ཆར་ཕྱི་ཚེས་ ༡༤ ཉིན་ས་ཡོམ་ཁྲོད་མི་མང་པོ་ཞིག་དེ་མ་ཐག་རྐྱེན་ལམ་དུ་སོང་ཡོད་པ་དང་། དེ་བས་མང་པོ་ཞིག་ལ་རྨས་སྐྱོན་ཚབས་ཆེན་ཕོག་སྟེ་དབང་བོ་སྐྱོན་ཅན་དུ་གྱུར་ཡོད་སྟབས། ས་ཡོམ་བརྒྱབས་པའི་རྗེས་ཀྱི་ཉིན་ ༡༢ རིང་སྨན་ཁང་ཁག་དང་། ལམ་བར་བཅས་ནས་མྱུར་སྐྱོབ་མ་ཐུབ་པར་དབང་བོ་སྐྱོན་ཅན་ ༣༧༠ ཙམ་འདས་གྲོངས་སུ་སོང་ཡོད་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
ངས་དེ་རིང་ཡང་ཁམས་ཡུལ་ཤུལ་དུ་ས་ཡོམ་གྱི་གནོད་ཐེབས་འོག་ཆག་སྒོ་བྱུང་བའི་བོད་རིགས་སྤུན་ཟླ་རྣམས་ལ་སྙིང་ནས་གདུང་སེམས་མཉམ་སྐྱེད་ཀྱི་དྲོད་མ་ཡལ་བར་སྡོད་བཞིན་ཁྱེད་ཅག་ཕྱོགས་སུ་ཡང་ནས་བསྐྱར་དུ་མཆོག་གསུམ་རྒྱལ་བ་རྒྱ་མཚོར་གསོལ་འདེབས་ཤུགས་དྲག་ཞུ་བཞིན་ཡོད།
གཤམ་དུ་ཁྱེད་ཅག་རྣམས་ལ་རྒྱལ་སྲས་ཆེན་པོ་སློབ་དཔོན་ཞི་བ་ལྷའི་མན་ངག་ཅིག་ཟུར་བཏོན་ཞུ་རྒྱུ་ལགས་ན་ཁྱེད་རྣམ་པས་དེ་དོན་ཉམས་བཞེས་ཀྱིས་རང་བདེ་གཞན་སྐྱིད་ཡོང་བ་ཞིག་ནམ་ཡང་གནང་རོགས་ཞུ་རྒྱུ་ཡིན།
ཇི་སྐད་དུ་སྤྱོད་འཇུག་ལས།
སྐྱིད་ན་བདེ་བ་ཚོགས་སུ་བསྔོ།
ཕན་བདེས་ནམ་མཁའ་གང་བར་ཤོག
སྡུག་ན་ཀུན་གྱི་སྡུག་བསྔལ་ཁུར།
སྡུག་བསྔལ་རྒྱ་མཚོ་སྐེམས་པར་ཤོག།
ཐར་བའི་ལམ་སྣེ་ཟིན་པར་ཤོག་བདག་གི་སྤུན་ཟླ།
དུས་བབ་གསར་ཁང་ལ་བཀའ་འདྲི་ཞུ་རྒྱུར། གྲངས་ཀ་དེ་༡༥༠༠ཡིན་ནམ། ༣༥༠༠་ཡིན་།