གོང་ཚེས་ཉིན་ནས་རྨ་ཆུ་རྫོང་བོད་རིགས་སློབ་འབྲིང་གི་སློབ་ཕྲུག་ཚོས་སློབ་གྲྭའི་སྒོ་རའི་ནང་ཟས་བཅད་ངོ་རྒོལ་བྱས་ཏེ། དགོས་འདུན་གཉིས་བཏོན་ཡོད་འདུག དང་པོ། འཛིན་བཟུང་དང་ལས་གནས་ཕབ་པའི་སློབ་གཙོ་གསུམ་གྱི་གོ་གནས་བསྐྱར་གསོ་བྱེད་དགོས་པ་དང༌། གཉིས་པ། སློབ་གྲྭའི་ནང་ཆབ་སྲིད་དང་ཁྲིམས་ལུགས་ཀྱི་སློབ་གསོ་མཚམས་འཇོག་གིས་གང་མགྱོགས་རྒྱུན་ལྡན་གྱི་སློབ་ཁྲིད་མགོ་འཛུགས་བྱ་དགོས་པ་གཉིས་བཏོན་ཏེ། ཟས་བཅད་ངོ་རྒོལ་བྱས་ཡོད་འདུག་ལ། དེར་ས་གནས་སྲིད་གཞུང་འབྲེལ་ཡོད་དཔོན་རིགས་ཚོས་སློབ་གྲྭའི་དགེ་རྒན་ཚོར་སློབ་ཕྲུག་ཚོའི་ཟས་བཅད་ངོ་རྒོལ་མཚམས་འཇོག་ཡོང་ཐབས་ཀྱི་སློབ་གསོ་རྒྱག་དགོས་པའི་བཙན་བཀའ་བཏང་ཡོད་འདུག
ཕྱི་ལོ་༢༠༡༠ ཟླ་༤ ནང་ཕ་ཡུལ་རྨ་ཆུ་མུ་ར་ནས་ཡིན་པའི་སློབ་ཕྲུག་བུ་མོ་ཞིག་དང༌། མཛོད་དགེ་ཉིན་མ་ནས་ཡིན་པའི་སློབ་མ་གཅིག་སློབ་གྲྭ་ནས་ཕྱིར་འཕུད་བྱས་ཡོད་འདུག ཁོང་གཉིས་སློབ་གྲྭ་ནས་ཕྱིར་འཕུད་བྱེད་དོན་ནི། སློབ་གཙོ་རྣམ་པའི་གོ་གནས་ཕབ་ལེན་དང་་སློབ་མ་ཚེ་རིང་དོན་འགྲུབ་དང་ཐུབ་བསྟན་ཉི་མ་གཉིས་སློབ་གྲྭ་ནས་ཕྱིར་འཕུད་དང་། འཛིན་བཟུང་བྱས་པ་དྲང་བདེན་དང་ཁྲིམས་མཐུན་མིན་པའི་གནས་ལུགས་དྲང་བརྗོད་བྱས་པས་ཡིན་འདུག
དེ་བཞིན་༼རེ་བའི་རྐང་ལམ་༽ཚགས་པར་གྱི་རྩོམ་སྒྲིག་པ་མུ་ར་དགོན་གྱི་གྲྭ་གསུང་རབ་འཛིན་བཟུང་བྱས་རྗེས་ཁོང་གི་གྲོགས་པོ་མུ་རུ་དགོན་རྨ་ཡུལ་བསམ་གཏན་ཆོས་འཁོར་གླིང་གི་གྲྭ་སྦྱིན་པ་དང་སངས་རྒྱས། གྲགས་ལྡན། མཁྱེན་དཔལ་རྣམས་ས་གནས་མངགས་གཏོང་ཁང་དུ་ཡང་ཡང་འབོད་འགུག་གིས་གྲྭ་གསུང་རབ་དང་འབྲེལ་བ་ཡོད་ཚུལ་བརྗོད་དེ་འདྲི་བརྩད་དང་བསུན་གཙེར་ཡང་ཡང་བྱེད་ཀྱིན་ཡོད་འདུག
གོང་གི་གནས་ཚུལ་དེ་གཡག་གི་ཟིན་བྲིས་ལས་བཤུས།
ད་ནི་ངེས་པར་དུ་མགོ་ལས་བྱེད་ནས་བར་སློབ་མ་མཇུག་མང་ཚོགས་བཅས་ཚང་མ་ཡར་ལང་དགོས་པ་རེད་ལ། ཐབས་ལམ་སྣ་ཚོགས་ཀྱི་སྒོ་ནས་ངོ་བརྒོལ་བྱེད་དགོས་པ་རེད།
དྲ་གྲོགས་གནམ་ལྕགས་ལགས།་རྨ་ཆུའི་ཡུལ་ལ་བསྡད་ཀི་བསྡད་ཀི་མི་འདྲ་ས་ཡུལ་ཚུལ་གྱི་བརྗོད་དེ།་དོན་དངོས་ཐོག་རང་ཉིད་ས་གནས་རིང་ལུགས་པ་བཟོ་བཞིན་འདུག་གཱ
དྲ་གྲོགས་རྣམས་ཕུ་ནུ་མིང་སྲིང་དེ་ཚོ་ཆེད་དུ་ག་རེད་བྱེད་དགོས་པ་རེད་དམ།
ཟ་རྒྱལ་ལ་རྒྱབ་སྐྱོ་ཡོད་དངོས་ཉིད་རེད།
རྨ་ཆུའི་ཡུལ་འདི་ལ་བསྡད་ཀི་བསྡད་ཀི་མི་འདྲ་ས་ཞིག་ཡོད་མོ།
ལས་འགུལ་འདི་ནི་ཤིན་ཏུ་ནས་གལ་ཆེན་དུ་མཐོང་།
ཆེན་པོ་རང་བཙན་རྩོད་པ་ལས་སྤྱི་དོན་རང་ས་ནས་ཁ་ཡོད་ལག་ཡོད་འདི་འདྲ་ནས་འགོ་འཛུགས་གནང་རྒྱུ་ཤིན་ནས་གལ་ཆེན་པོ་རེད་སྙམ། ཟས་བཅད་རེ་དོན་སྒྲུབ་པའི་སྨོན་འདུན་བཅས།
བུ་ཧྲ་ན་འདི་མོ་རེད། ཁྱི་ཕྲུག་ཚོས་སྐྲག་མི་དགོས་ས་ཞིག་ནས་དཔའ་གཏམ་བཤད་པ་དང་འདྲ་ནི་མ་རེད། བུ་དཔའ་བོའི་ངོ་སོ་སྟོད་ཟེར་བ་ཙམ་ལས་ང་ལ་ཅི་ཡང་བཤད་རྒྱུ་མེད།