ཉེ་ཆར་བོད་ནས་བྲོས་བྱོལ་དུ་ཡོང་མཁན་གྱི་བོད་མི་དགུ་ལ་བལ་ཡུལ་དུ་ཉེན་རྟོག་མི་སྣས་འཛིན་བཟུང་བཙོན་འཇུག་དང་དངུལ་གྱི་ཉེས་ཆད་བཅད་འདུག
འདི་ལོའི་ཟླ་ ༤ པའི་ཚེས་ ༢༤ ཉིན་བོད་ནས་བལ་ཡུལ་བརྒྱུད་བྲོས་བྱོལ་དུ་ཡོང་མཁན་གྱི་བོད་མི་ ༩ བལ་ཡུལ་མཐའ་སྲུང་དམག་མིས་བལ་ཡུལ་རྒྱལ་ནང་དུ་འཛུལ་ཞུགས་དང་འགྲོ་བསྐྱོད་སོགས་ཁྲིམས་མཐུན་ཀྱི་ལག་འཁྱེར་ཅི་ཡང་མེད་པའི་ཉེས་འཛུགས་འོག་འཛིན་བཟུང་བྱས་ཡོད་པ་དང་། ཕྱིས་སུ་བལ་ཡུལ་ཕྱི་མི་ཞིབ་གཤེར་ལས་ཁུངས་ལ་རྩིས་སྤྲོད་ཀྱིས་ཉིན་ཁ་ཤས་རིང་བཀག་ཉར་བྱས་མཐར། བལ་ཡུལ་གྱི་རྒྱལ་ས་ཀ་ཐ་མན་གྲུ་རུ་ཡོད་པའི་དབུས་བཙོན་ཁང་དུ་བཙོན་འཇུག་བྱས་ཡོད་འདུག གནས་ཚུལ་འདིའི་ཐད་བལ་ཡུལ་བོད་ཀྱི་སྣེ་ལེན་ཁང་དང་མཉམ་འབྲེལ་རྒྱལ་ཚོགས་ཀྱི་རྒྱལ་སྤྱིའི་སྐྱབས་བཅོལ་ལས་ཁུངས། བལ་ཡུལ་གྱི་འགྲོ་བ་མིའི་ཐོབ་ཐང་ཚོགས་པ་བཅས་ཀྱིས་བོད་མི་དེ་དག་གློད་གྲོལ་ཐད་འབད་བརྩོན་གང་ཐུབ་བྱས་ཡོད་ཀྱང་གློད་མ་ཐུབ་མཐར། བལ་ཡུལ་གཞུང་དང་ཕྱི་མི་ཞིབ་བཤེར་ལས་ཁུངས་ཀྱིས་སྒྲིག་ཁྲིམས་གཞིར་བཟུང་ལྟར་མི་རེར་ཨ་སྒོར་ ༣༧ རེའི་ཉེས་ཆད་བཏང་རྗེས་བལ་ཡུལ་བོད་ཀྱི་ཡན་ལག་ལས་ཁུངས་ལ་རྩིས་སྤྲོད་བྱས་ཡོད་པརེད།
ཐེངས་འདིར་འཛིན་བཟུང་བྱས་པའི་བོད་མི་དེ་དག་ལ་བལ་ཡུལ་གཞུང་གིས་ཁྲིམས་ཐོག་ནས་ཐག་གཅོད་གཏན་འབེབས་བྱས་ཏེ་བཙོན་འཇུག་བྱས་ཡོད་པར་མ་ཟད། བལ་ཡུལ་ནང་ཡོད་པའི་རྒྱ་ནག་གཞུང་ཚབ་ཁང་གི་འབྲེལ་ཡོད་ལས་བྱེད་ཕྱི་མི་ཞིབ་བཤེར་ལས་ཁུངས་དུ་བསླེབས་ཏེ། བོད་མི་ཚོར་ཐེངས་མང་ཐུག་འཕྲད་དང་སྐུལ་སློང་བྱས་ཏེ། བོད་མི་དེ་དག་རྒྱ་ནག་གཞུང་ཚབ་ཁང་གི་ལག་ཏུ་ཡོང་ཐབས་སུ་འབད་པ་བྱས་ཡོད་འདུག་ལ། ཐེངས་འདིར་རྒྱ་ནག་གཞུང་གིས་བལ་བོའི་གཞུང་ལ་གནོན་ཤུགས་གང་མང་སྤྲད་ཡོད་ཚུལ་བལ་ཡུལ་བོད་ཀྱི་ཡན་ལག་སྣེ་ལེན་ཁང་གི་འགན་འཛིན་གྱིས་བརྗོད་འདུག
ཁྲི་མོན་ནང་གི་བོད་མི།
བལ་གཞུང་འདི་ངོ་ཚ་ཁྲེལ་གཞུང་བྲལ་བའི་གཞུང་ཞིག་ཡིན་པར་འཛམ་གླིང་འདིའི་སྐྱེ་བོ་ཚང་མས་ཤེས་ཀྱི་ཡོད།
ཉམ་ཆུང་བོད་མི་རྣམས་འཇུ་བཟུང་གིས་དབུས་བཙོན་ཁང་ནང་བཀག་ཉར་བྱས་པ་འདི་ཡང་སྙིང་ཁོ་པ་ཚོ་རྒྱ་གུང་ཁྲན་ལ་ངོ་དགའ་སྤྲེལ་ལད་འཁྲབ་པའི་ཟློས་གར་ཞིག་ཡིན་པ་ས་རིག་ཐང་གསལ་རང་རེད།
ཁོ་ཚོ་ནི་ང་ཚོའི་དགྲ་བོ་གཉིས་པ་དེ་ཡིན་པ་ངོས་འཛིན་ཅིའི་ཕྱིར་མི་བྱེད།ད་དུང་ཁོ་པ་ཚོས་བོད་མི་ག་ཚོད་འཇུ་རྩིས་ཡིན་ནམ།བལ་སྡོད་བོད་རིགས་རྣམས་ནམ་ཡང་སེམས་ཤུགས་མ་ཆགས་པར་ཁོ་ཚོར་དགྲ་ཁ་གཏད་དུ་ལངས་ཏེ་རྒྱལ་རྒོལ་མུ་མཐུད་སྤེལ་དགོས།མུ་མཐུད་སྤེལ་དགོས།
དུས་བབས་ཚང་ལགས། གུས་ཀྱིས་ཁྱེད་ཚང་ལ་གྲུབ་དབང་རྫོགས་ཆེན་དགོན་གཞི་བྱེས་གཉིས་ཀྱིས་ཐེངས་འདིར་སྐྱེ་རྒུ་འདོའི་གོད་ཆགས་ཕོག་ཡུལ་ལ་རོགས་སྐྱོར་བྱས་ཚུལ་གྱི་ཡི་དེ་ཐེངས་གཉིས་བཏང་ཡང་། འདིར་མི་བཀོད་པའི་རྒྱུ་མཚན་གསལ་བཤད་ཞིག་བྱེད་རོགས། གུས་བཅས།
དེང་སང་བལ་ཡུལ་ནང་མའོ་རིགས་ལུགས་པས་བལ་གཞུང་ལ་ངོ་རྒོལ་བྱས་ཏེ་དེ་རིང་གི་ཉིན་བདུན་སོང་ཡོད། ཉིན་དེ་དག་གི་རིན་ལ་བལ་ཡུལ་རྒྱ་ཡོངས་ནང་འགྲུལ་བསྐྱེད་ཚང་མ་བཀག་སྡོམས་བྱས་ནས་ལམ་ཀ་ཁག་ནང་ནད་པ་སྐྱོ་མཁན་གྱི་རླངས་འཁོར་རེ་ཙམ་ལས་གཞན་རླངས་འཁོར་གཅིག་ཀྱང་མཐོང་ཡས་མེད། འགྲིམ་འགྲུལ་ཆད་ནས་ཟས་གོང་ལྡབ་འཕར་དུ་ཕྱིན་ཏེ་དེ་རིང་བྲོ་ཞིབ་ཀི་ལོ་རེ་ནེ་སྒོར་བདུན་བཅུ་ལྷག་དང་། ཞོགས་ཁོག་ཀི་ལོ་ལ་ནེ་སྒོར་ལྔ་བཅུ་སྤྲོད་དགོས་ཤིང་དེ་ཡང་བལྟ་སྒོ་ངོ་ཤེས་མེད་མི་ཐོབ་པའི་ཚད་ལ་སླེབས་འདུག།