ཨ་རིའི་སྲིད་ཟུར་པ་སྐུ་ཞབས་ཇེ་མེ་ཁ་ཊར་ལགས་ཀྱི་ཚ་བོ་ཞིག་གྲོས་ཚོགས་གོང་མའི་ནང་དུ་བསླེབས་འདུག
ཕྱི་ཚེས་ ༡༡ ཉིན་སྲིད་འཛིན་ཟུར་པ་ཇེ་མེ་ཁ་ཊར་ལགས་ཀྱི་ཚ་བ་རྒན་ཤོས་སྐུ་ཞབས་ཇ་སོན་ཁ་ཊར་ལགས་ཨ་རིའི་རྗོར་རྗི་ཡ་མངའ་སྡེ་ནས་ཕེབས་པའི་གྲོས་ཚོགས་གོང་མའི་འཐུས་མིར་འདེམས་ཐོན་བྱུང་ཡོད་ལ། ཁོང་ཉིད་ཨ་རིའི་དམངས་གཙོ་ཚོགས་པའི་འོས་ཁོངས་སུ་ཕེབས་ཡོད་འདུག་ལ། དེ་ནི་ཁོང་གི་སྒྱུག་པོ་སྐུ་ཞབས་ཇེ་མེ་ཁ་ཊར་ཨ་རིའི་སྲིད་འཛིན་ལ་ཕེབས་དུས་ཀྱི་སྲིད་དོན་ཚོགས་པ་དེ་རེད།
སྐུ་ཞབས་ཇ་སོན་ཁ་ཊར་ལགས་ནི་རང་ལོ་ ༣༤ དང་ཁྲིམས་རྩོད་པ་ཞིག་ཡིན་འདུག
ཨ་རིའི་སྲིད་འཛིན་ཟུར་པ་ཇེ་མེ་ཁ་ཊར་ལགས་ནི་༧གོང་ས་མཆོག་ལ་ཐུགས་མཉེས་པོ་ཡོད་མཁན་དང་། དུས་ཡུན་རྒྱུན་རིང་པོར་བོད་དོན་ཐོག་ཐུགས་བསམ་བཞེས་མཁན་ཞིག་ཡིན་ལ། ཁོང་གིས་བོད་རྒྱ་ཞི་མོལ་གྱི་ལས་རིམ་འདིའི་ཐོག་སྔ་ཕྱི་བར་གསུམ་དུ་ཤུགས་རྐྱེན་ཆེན་པོ་བཞག་ཡོད་པ་རེད། སྲིད་དོན་གྱི་ཕྱོགས་ནས་བོད་མི་རིགས་ཀྱིས་བློ་སྟོན་ཞུ་ས་ཞིག་ཀྱང་ཡིན།
ཨུ་རུ་སུ་དམར་པོར་མ་བསྒྱུར་གོང་ཡུལ་དེར་མི་ལོ་ ༡༢ ཙམ་སྟོན་ཏོག་དང་ལོ་འབྲས་ཡག་པོ་མ་བྱུང་བར་བཀྲེས་ལྟོགས་ཀྱིས་མནར་ཏེ་ཕྱུག་པོ་དང་དབུལ་པོའི་བར་ཟིང་འཁྲུགས་ལངས་ནས་མཐར་རྒྱལ་ཕྲན་ ༣༢ ཡོད་པའི་གོང་མ་ཆེན་མོ་ཆམ་ལ་ཕབས་ཏེ་ཨུ་རུ་སུ་དམར་ཤོག་མ་ཆགས་ཀ་མེད་ཐུབ་ཡོད།
སྐབས་དེར་འཛམ་གླིང་ནང་སྟོབས་འབྱོར་མངའ་ཐང་རྒྱས་པའི་ཨ་རི་དང་དབྱིན་ཇིས་ར་ཤི་ཡར་རོགས་རམ་རྩ་བ་ནས་མ་བྱས་པར་ལྟད་མོ་བལྟས་ནས་བསྡད་པ་རེད།
ནུབ་འཐར་མན་ནས་ཡིན་པའི་ཀལ་མག་སེ་དང་། ལི་ཉན། སི་ཏ་ལིའི་སྤྱི་ཚོགས་རིང་ལུགས་ཀྱི་ལྟ་གྲུབ་ཀྱི་ཤུགས་རྐྱེན་རྒྱ་ནག་ཏུ་སླེབས་མགོ་ཚུགས་པར་བརྟེན་ཕྱི་ལོ་ ༡༩༢༡ ལོར་མི་སྣ་ ༥༡ ལས་གྲུབ་པའི་གུང་ཁྲན་ཏང་གསར་འཛུགས་བྱས་པ་རེད།
རྒྱ་ནག་ཧྲང་ཧེ་རུ་དམར་ཤོག་ཚོགས་ཆེན་ཐེངས་གཉིས་པར་མའོ་ཙེ་ཏུང་ཚོགས་བཞུགས་བྱས་ནས་འཚོགས་འདུའི་ཚིག་ཐོ་འགོད་མཁན་གྱི་མི་སྣ་ཞིག་རེད། ༡༩༣༥ ལོར་ཀྲུང་དབྱིའི་ཚོགས་འདུའི་སྟེང་མའོ་ཙེ་ཏུང་ཀྲུའུ་ཞིར་བདམས་ཐོན་བྱུང་བ་རེད།
༡༩༤༩། ༡༠ །༠༡ གུང་མིན་ཏང་དང་གུང་ཁྲན་ཏང་གཉིས་ཁྱོད་ཤི་ང་གསོན་གྱིས་འཐབ་རྩད་ཁྲོད་གུང་ཁྲན་རིང་ལུགས་ལ་རྒྱལ་ཁ་ཐོབ་ནས་པི་ཅིང་ཐང་ཆེན་དུ་མི་འབུམ་གཉིས་ལྷག་ཙམ་འདུ་འཛོམས་ཐོག་ཏུ་མའོ་ཙེ་ཏུ་གིས་ད་ནས་བཟུང་རྒྱ་ནག་ཡར་ལངས་ཟིན་པའི་ཁྱབ་བསྒྲགས་གནང་བ་རེད།
དེ་ཉིན་མའོ་ཡིས་ཐེ་ཝན་དང་། ཤིན་ཅང་། བོད་སོགས་བཅིངས་གྲོལ་གཏོང་རྒྱུའི་གསལ་བསྒྲགས་སྤེལ་བ་རེད། དེར་བརྟེན་མགོ་བདེ་གླགས་ཚོང་རྒྱག་མཁན་གྱི་སྟོབས་ཆེན་ཨ་རིས་ཐེ་ཝན་ལ་སྲུང་སྐྱོབ་བྱས་ནས་ད་བར་བཅིངས་གྲོལ་བཏོང་ཐུབ་མེད།
འོན་ཀྱང་ཡ་ང་སྙིང་རྗེ་སྐྱེ་དགོས་པའི་ཤེས་རྨོངས་རྗེས་ལུས་ཀྱི་བོད་ལྗོངས་དེར་འཛམ་གླིང་ཐོག་གི་རྒྱལ་ཁབ་སུ་གཅིག་གིས་ཀྱང་སྲུང་སྐྱོབ་བྱེད་མཁན་བྱུང་མེད།
ལོ་རབས་ ༥༠ ནང་དུ་བོད་སྡེ་པ་གཞུང་གིས་བེའུ་ཤི་ཁར་འོ་མ་བསྟེར་བ་ལྟར་འ་ཆད་འུ་ཐུག་གིས་ངང་རྒྱ་གར་དུ་ཡོད་པའི་ཨ་རི་སྲིད་གཞུང་ལ་བོད་དེ་རང་བཙན་ཡིན་པའི་ངོས་འཛིན་ཁྱབ་བསྒྲགས་གནང་དགོས་པའི་འབོད་བསྐུལ་ཞུས་པ་དང་སྦྲགས། ༸ གོང་ས་ཏྰ་ལའི་བླ་མས་དབུ་འཁྲིད་པའི་བོད་གཞུང་གི་བློན་ཆེན་དང་གནད་ཡོད་མི་སྣ་ ༡༠༠ ལྷག་ཙམ་ཨ་རིར་སྲིད་དོན་གྱི་སྐྱབས་བཅོལ་ལེན་རྒྱུའི་རེ་བ་བཏོན་པ་རེད།
སྐབས་དེར་རྒྱ་གར་སྲིད་གཞུང་དང་ཨ་རིའི་སྲིད་དོན་མཁས་པས་གནད་དོན་དེར་དབྱེ་ཞིབ་གཏིབ་གཟབ་བྱས་རྗེས་ཨ་རིས་བོད་དེ་རང་བཙན་ཡིན་པར་ངོས་འཛིན་དང་། སྲུང་སྐྱོབ། ཐ་ན་སྐྱབ་བཅོལ་ལེན་རྒྱུ་བཅས་གང་ལ་ཡང་ཨ་རིར་ཁེ་ཕན་ཡོང་རྒྱུ་ལྟ་ཞོག་ཐ་ན་ཨུ་རུ་སུ་དང་རྒྱ་ནག་གི་སྟོབས་ཤུགས་ལས་ཉེན་ཁའང་འཕྲད་སྲིད་པའི་ལྟ་ཚུལ་ལས་བར་གནས་ཀྱི་རྒྱལ་ཁབ་གཅིག་ཏུ་བསྡོད་རྒྱུའི་གྲོས་ཆོད་བཞག་པ་རེད།
ཨ་རིའི་སྲིད་འཛིན་ཀ་ཊར་དང་མའོ་གཉིས་མཇལ་འཕྲད་བྱས་པར་བརྟེན་ལོ་རབས་ ༦༠ དང་༧༠ ནང་དུ་ཨ་རིས་ཏྰ་ལའི་བླ་མར་འབྲེལ་ལམ་མི་བཟུང་བར་ཁོང་གི་སྐུ་པར་ཡང་ཨ་རིའ་ནང་གང་བྱུང་འགྲེམས་སྤེལ་བྱེད་མི་ཆོག་པའི་ལྟ་ཚུལ་བཟུང་ཡོད་པ་རེད།
སྐབས་དེར་རྒྱ་གར་གྱི་སྲིད་བློན་ཐོ་ཧ་ལ་ནི་རུ་དང་མའོ་གཉིས་མཇལ་འཕྲད་བྱས་ཏེ་རྒྱ་དཀར་ནག་གཉིས་དབར་སློབ་པ་ལྔ་ཡི་གྲོས་ཆོད་ལ་མིང་རྟགས་བརྒྱབས་ནས་རྒྱ་ནག་གིས་རྒྱ་གར་ལ་དམག་མི་རྒྱག་པའི་དམ་བཅའ་དང་། རྒྱ་གར་གྱི་རྒྱ་ནག་ལ་བོད་དེ་རྒྱ་ནག་གི་ཆ་ཤས་ཤིག་ཡིན་པའི་མི་རྟགས་བཀོད་པ་རེད།
༡༩༦༢ ལོར་དམག་དོན་དང་ཆབ་སྲིད་མཁས་ཅན་གྱི་མའོ་ཡིས་རྒྱ་གར་ལ་དཔུང་འཇོམས་ཀྱིས་བཀའ་བཏང་ཏེ་དམག་དྲངས་ཏེ་ཕམ་ཉེས་ཚབས་ཆེ་བཏང་བ་མ་ཟད་ས་ཁྱོན་གཞི་རྒྱ་ཆེན་པོ་བཙན་བཟུང་བྱས་པ་རེད།
ཡིན་ནའང་རྒྱ་གར་ནི་ཨ་རི་དང་གཏན་ནས་མི་འདྲ་བར་འཕགས་བོད་བར་མི་ལོ་སྟོང་ཕྲག་གི་ཆོས་དང་། རིག་གཞུང་། སྐད་ཡིག ཆབ་སྲིད་བཅས་ཀྱིས་འབྲེལ་ལམ་གཏིང་གཟབ་ཡོད་པ་མ་ཟད་ཕན་ཚུན་ཕ་སྤུན་ལྟ་བུའི་འདུ་ཤེས་ཟམ་མོ་ཡོད་པར་བརྟེན་རྒྱ་གར་གྱིས་སྲིད་འཛིན་དམ་པ་ཇོ་ཧ་ལ་ནི་རུས་༸ གོང་ས་མཆོག་དང་། བཙན་བྱོལ་བོད་གཞུང་། བོད་མི་དམངས། བོད་པའི་བུ་ཕྲུག བཅས་ཚང་མར་གཟིགས་རྟོགས་ཚད་མེད་ཅིག་གནང་སྟེ།
༸ གོང་ས་མཆོག་གི་ཕོ་བྲང་གནས་ཡུལ་དང་གསོལ་ཕོག བཀའ་བློན་དངགནད་ཡོད་མི་སྣ་ཚོའི་གསོག་ཕོག བོད་གཞུང་གི་བསྟི་གནས། དགོན་སྡེ་ཁག གཞི་ཆགས་ཁག སློབ་གྲྭ་ཁག་སོགས་ཚང་མ་གསར་འཛུགས་ཀྱི་མཐུན་རྐྱེན་དང་རོགས་རམ་ཚད་ལས་འདས་པ་ཞིག་གནང་བ་མ་ཟད་མ་འོངས་བོད་གངས་ཅན་འདི་སླར་ཡང་༸ གོང་ས་སྐྱབས་མགོན་ཆེན་པོའི་བླ་ན་མེད་པའི་དབུ་འཁྲིད་འོག་རང་ཡུལ་བསྐྱར་གསོ་ཡོང་རྒྱུའི་སླད་དུ་བསམ་ཡུལ་ལས་འདས་པའི་མཛའ་བརྩེའི་གཟིགས་མཐོང་ཆེན་པོ་གནང་དང་གནང་བཞིན་ཡོད་པ་འདི་རེད།
དེར་བརྟེན་ང་ཚོར་ཆེས་བླ་ན་མེད་པའི་བཀའ་དྲིན་ཆེ་ཤོས་ནིརྒྱ་གར་གཞུང་དང་རྒྱ་གར་མི་དམངས་ཡིན་སྟབས་ང་ཚོས་རྒྱ་གར་འཕགས་ཡུལ་འདིའི་བཀའ་དྲིན་ཇི་སྲིད་བསྐལ་པའི་བར་དུ་ནམ་ཡང་གངས་ཅན་པ་གཞུང་སྒེར་སུ་ཞིག་གིས་གཏན་ནས་བརྗེད་མི་རུང་བ་ཞིག་ཡིན།
ང་ཚོས་སུ་ཞིག་གིས་རང་ལ་དྲིན་ཆེན་པོ་བྱས་པ་ངེས་པར་དུ་ཤེས་དགོས་ལ་ང་ཚོ་སུ་ཞིག་གིས་སྡུག་ལ་སྦྱར་བ་དེ་ཡང་ངེས་པར་དུ་ཤེས་དགོས། ཤེས་པའི་ཐོགས་ནས་གཉེན་ལ་བྱམས་སྐྱོང་བྱེད་དགོས་ལ་དགྲ་ལའང་བློ་རིག་དངྭངས་མོས་འཐབ་དགོས།
སྦྱིནཔའི་སྦྱིན་ལན་མཇལ་དགོས་ལ་གནོད་པའི་གནོད་ལན་ཡང་སྤྲོད་དགོས། དེ་ནི་འཇིག་རྟེན་གྱི་ཆོས་ཉིད་ཡིན་ལ་ལྷག་ཏུ་དགྲ་འདུལ་གཉེན་སྐྱོང་བྱེད་པའི་ལུགས་སྲོལ་བཟང་པོ་དེ་ནི་བོད་གངས་ཅན་པའི་དཔའ་མཛངས་བརྟུལ་ཕོད་ཅན་གྱི་མེས་པོ་སྲོང་བཙན་སྒམ་པོའི་ཞལ་ཆེམས་དང་མཛད་རྗེས་ཤིག་ཡིན།
ཨ་རིའི་སྲིད་འཛིན་ཟུར་པ་ཇེ་མེ་ཁ་ཊར་ལགས་ཀྱིས་སྔ་ཕྱི་བར་གསུམ་དུ་བོད་རྒྱ་ཞི་མོལ་ཐད། ནུས་པ་ཆེན་པོ་དོན་ཡོད་པ་མ་ཟད། ཁོང་གིས་བོད་ནང་དུའང་རྟོགས་ཞིབ་ཚོགས་ཆུང་ཐེངས་འགར་བཏང་མྱོང་།
སེམས་དཔའ་་ཆེན་པོ་་གན་དྷི་དང་། ༧གོང་ས་་༧སྐུ་ཕྲེང་་བཅུ་བཞི་པ་་མཆོག་་ལྟ་བུ་ལས། གཞན་་དེང་དུས་་སྲིད་དོན་པར་་སྐྱབ་སྐྱོར་དང་་རེ་བཅོལ་་བྱས་པ་ལས། ཡིད་ཆེས་དང་་མགོ་འབུལ་་ལུས་འབུལ་་བྱེད་མི་ཉན།
ནད་པ་ལགས་གི་ཧ་ཅང་ཡག་པོ་གསུང་འདུག་པས་བརྒྱབ་བསྐྱོར་ཡོད།།། མ་འོངས་པར་མུ་མཐུད་ནས་བསམ་ཚུལ་དེ་རིགས་གང་མང་ཡོད་པ་བཞུ། བསམ་ཚུལ་དེ་རིགས་ནི་ང་ཚོ་ཞེན་ཁོག་ཆེ་བའི་ནུབ་བསྐྱོད་བོད་རིགས་ཤེས་རྨོངས་རྣམས་ལ་ཕན་ཐོགས་ཆེ་སྙམ།
སྲིད་དོན་པ་ལ་རེ་བ་བཅོལ་དགོས་ཀྱང་། ཡི་ཆེས་བྱེད་རྒྱུ་ཡོད་མ་རེད།
ཨ་རིའི་སྲིད་འཛིན་མི་ནག་སི་ལུ་མགོ་ཁོས་བོད་པར་་དངུལ་ཏོག་ཙམ་ཞིག་སྤྲད་ནས་བོད་པའི་ཆབ་སྲིད་ཐོག་གནོད་པ་སྐྱེལ་ཀྱི་འདུག་གོ།
གནམ་ལྕགས་ལགས། བསམ་ཚུལ་བཏོན་པར་ཐུགས་རྗེ་ཆེ། ཡིན་པ་ནི་ནམ་རྒྱུན་སློབ་སྟོན་ཅེས་འབྲི་བཞིན་པ་དེའི་དོན་རེད།
བློ་སྟོན་པ་ནི། ནམ་རྒྱུན་མི་ཉམས་མྱོང་དང་ཤེས་ཡོན་ཅན་ལ་བློ་འདྲི་བ་སྟེ། ཐབས་དང་ཇུས་འདྲི་བ་དེ་ལ་གོ་ན་ཧ་ཅང་འཚམ་པར་འདོད། བློ་དྲིས་ནས་ཚུར་བཤད་མཁན་དེ་ནི་བློ་སྟོན་པ་ཡིན་པ་ལས་སློབ་སྟོན་པ་མིན་ཤས་ཆེ། མིང་ཚིག་འདི་བེད་སྤྱོད་གཏོང་མཁན་བོད་རིགས་ཤེས་ཡོན་པའང་འདུག
བསླབ་བྱ་རྒྱག་པ་དང་བློ་འདོན་པ་གཉིས་ནི་ཁ་ཁ་ཡིན་པ་འདྲ། སྔོན་ཆད་མེད་པ་ཡིན་ན་རྗེས་ཕྱོགས་ཡོད་མི་ཆོག་པ་ཞིག་ག་ལ་ཡིན། ཚང་མས་རང་རང་གི་བསམ་ཚུལ་འདོན་རོགས།
ཨ་རི་ཟེར་བ་འདི་འཛམ་གླིང་ནང་གཡོ་སྒྱུུ་ཆེ་ཤོས་ཀྱི་རྒྱུལ་ཁབ་གཅིག་ཡིན། རྒྱལ་ཁབ་འདི་དང་འདིའི་སྲིད་འཛིན་སོགས་ཀྱིས་མཚོན་སྲིད་དོན་པ་གང་འདྲ་ཞིག་ཡོང་བ་ཡིན་ནའང་ངོ་མ་བོད་སྐྱོབ་རྒྱུའི་སྲིད་དོན་གྱི་ལམ་ཕྱོགས་ཟུར་ཙམ་ཡང་མེད།
ཁོང་ཚོར་དགོས་པ་དེ་ཁོང་ཚོའི་རྒྱལ་ཁབ་དེ་སྟོབས་ཆེན་ཞིག་དང་དེས་སྣེ་འཁྲིད་བྱས་ཏེ་འཛམ་གླིང་དབང་དུ་བསྡུ་དེ་རང་ཡིན། ཕྱི་ལོ་ ༡༩༥༠ ནས་ ༡༩༥༩ བར་དུ་ཨ་རིས་བོད་སྐྱོབ་རྒྱུ་ཕར་བཞག་ལྟད་མོ་བལྟས་ནས་བསྡད་པ་མ་ཟད་ད་དུང་སྲིད་འཛིན་ཀ་ཊར་དང་མའོ་གཉིས་མཇལ་འཕྲད་བྱས་པ་ནས་ལོ་རབས་ ༦༠ ནང་ཏྰ་ལའི་བླ་མ་ཕར་བཞག་ཨ་རིའི་ནང་ཁོང་གི་སྐུ་པར་ཡང་བཀྲམས་མི་ཆོག་པའི་ལྟ་ཚུལ་སྣ་ཚོགས་བཟུང་ཡོད།
ད་ལྟ་ཡང་ཨ་རིས་བོད་དོན་ཁ་ལ་ཁྱེར་ནས་རྒྱ་ནག་དང་ཚོང་ལས་བྱེད་པ་མ་གཏོགས་བོད་ལ་ཤ་ཚ་བའི་འགན་འཁུར་་ཁ་ཞེ་སྙིང་མེད་ཀྱིས་གཏན་ནས་བྱེད་མྱོང་མེད།
མ་འོངས་པར་ཡང་བྱེད་མི་སྲིད་པར་གཏན་འཁེལ་ཡོད། གང་ཡིན་ཟེར་ན་ད་ཆ་རྒྱ་ནག་འདི་ཆེས་འཛམ་གླིང་ནང་སྟོབས་ཆེན་གྱི་རྒྱལ་ཁབ་ཅིག་ཆགས་ཟིན་སྟབས་ཨ་རིས་རྒྱ་ནག་གལ་ཆེར་བརྩི་བ་ལས་བོད་ལ་བརྩི་མཐོང་ཡེ་ནས་བྱེད་འདོད་མེད་པ་དེ་རེད།
ན་གཞོན་མང་པོའི་སེམས་ནང་ཨ་རིས་སྔ་ཕྱིར་བོད་ལ་རོགས་རམ་དང་ཤ་ཚ་བྱེད་ཀྱིན་འདུག་སྙམ་པའི་འཚོར་སྣང་སྐྱེ་བཞིན་ཡོད་ཀྱང་དོན་དངོས་ཐོག་དེ་ནི་སེམས་ཀྱི་འཁྲུལ་སྣང་ཞིག་ལས་གང་ཡང་མ་ཡིན།
ལོ་རབས་ ༥༠ ནས་༦༠ ་་་༧༠ བར་དུ་བཙན་བྱོལ་བོད་གཞུང་དང་༸ གོང་ས་ཏྰ་ལའི་བླ་མས་ཀྱང་ཨ་རི་དང་ནུབ་ཕྱོགས་རྒྱལ་ཁབ་ལ་རེ་བ་བཅོལ་བ་མ་ཟད་ཐ་ན་རྒྱ་ནག་དགྲ་བོར་བཟུང་ནས་ང་ཚོའི་ལམ་ཕྱོགས་ནུབ་ཏུ་ཕྱོགས་དྲགས་པ་དེ་ཡིན།
ད་ལྟ་འདས་པའི་མི་ལོ་ ༧༥ རིང་དཀའ་སྡུག་སྣ་ཚོགས་དང་ཡུལ་གྲུ་མང་པོ་བརྒལ་མྱོང་བའི་སྐྱབས་མགོན་ཏྰ་ལའི་བླ་མས་ཀྱང་ད་ཆ་རྒྱ་ནག་དང་། ཨ་རི། འཛམ་གླིང་བཅས་ངོས་འཛིན་གཏིང་གཟབ་ཐུབ་པར་བརྟེན་གཉིས་ཕན་དབུ་མ་ཟེར་བའི་ལམ་འདི་ཁོ་ན་བདམས་པ་ལས་གཞན་འགྲོ་ལམ་གང་ཡང་མེད་པ་ངེས་ཤེས་ཐུབ་པ་རེད།
དེ་འདྲ་སོང་ཙང་ང་ཚོ་སྟེ་གངས་ཅན་པ་རྣམས་ཡར་ལངས་དགོས་ན་རྒྱ་དཀར་ནག་གཉིས་ལས་ལྷག་པ་ཅི་ཡང་མེད་ལ་རྒྱལ་ཁབ་འདི་གཉིས་ལ་བརྟེན་ན་ང་ཚོ་མཐར་ལངས་ཐུབ་ངེས་ཡིན།
ད་དུང་ང་ཚོའི་་གཞོན་སྐྱེས་མང་པོ་ཞིག་ཨ་རི་དང་ནུབ་ཕྱོགས་སུ་ཁ་ཕྱོགས་ནས་མི་ཚེ་བསྐྱེལ་འདོད་བྱེད་པ་འདི་ལ་གཞིགས་ན་མི་སྒེར་དང་། གངས་ཅན་པའི་ལས་དབང་འདི་ཉིད་མཐར་ཕམ་ཉེས་ཚབས་ཆེན་ཕོག་རྒྱུར་ཐེ་ཚོམ་གཏན་ནས་མེད་པ་ཞིག་རེད།
མདོར་བསྡུས་ན་བཤད་ན་ང་ཚོའི་ལས་དབང་ནི་ཨ་རི་དང་ནུབ་ཕྱོགས་ཡོད་པ་ཞིག་མ་ཡིན་པར་ང་ཚོ་གངས་ཅན་པའི་ལས་དབང་ངོ་མ་ནི་ཤར་ཨེ་ཤའི་ཡའི་ནང་དུ་ཡོད་སྟབས་ང་ཚོས་རྒྱ་དཀར་ནག་གཉིས་གལ་ཆེར་བརྩིས་ནས་དོན་ཆེན་གྲུབ་ཐུབ་པ་ཞིག་བྱེད་དགོས། དེ་ནི་ངས་བོད་མི་རིགས་ལ་བཅངས་བའི་སེམས་ཁམས་དངྭང་མོ་ཞིག་ཡིན་ལ་བློ་ཁ་ནུབ་ཏུ་ཕྱོགས་པའི་བོད་མི་ཚོར་ཆེད་དུ་དམིགས་པ་ཞིག་ཀྱང་ཡིན།
གོང་གི་གསར་འགྱུར་འདི་ཚུར་ལེན་པ་ལགས།
གསར་འགྱུར་འདིའི་མཇུག་ཏུ་བློ་སྟོན་ཞེས་པའི་མིང་ཚིག་འདི་ལ་བསམ་ཚུལ་ཞིག་ཞུ་རྒྱུ་ཡོད། ང་ཚོའི་བརྡ་སྤྲོད་ཀྱི་གཞུང་ལུགས་ཁྲོད་ཡིད་རྟོན་ཞེས་པ་དེ་ཡིན་པ་འདྲ། གལ་སྲིད་དེ་ཡིན་ན་ཅིའི་ཕྱིར་རྟོན་ལ་སྟོན་བྲིས་ནས་ཡིག་ནོར་ཞིག་དང་མཉམ་དུ་མིང་ཚིག་གི་སྒྲ་གདངས་ཙམ་ལ་རྒྱུན་འཇགས་མ་ཡིན་པ་ཞིག་བཀོལ་བ་ཡིན། གཅིག་བྱས་ན་འདི་ལྟ་བུའི་དོན་གཅིག་པའི་སྒྲ་གདངས་ལ་གསར་གཏོད་ཅིག་ཡིན་སྙམ་འཆར་ཡོད་སྲིད། དེ་ནི་འགྲོ་མ་ཤེས་པར་རྒྱུག་པའི་དཔེ་རུ་འགྱུར་འགྲོ་བས། དེའི་རིགས་ནི་རང་རེའི་བརྡ་སྤྲོད་པའི་འགྲོ་སྟངས་ལ་ཤིན་ཏུ་མི་མཛའ་བ་ཞིག་ཏུ་གྱུར་འདུག
དགོངས་དག བསམ་ཚུལ་ཙམ་ལ་ངེས་ལེན་ཡོད་པར་ཞུ།