དེ་རིང་བོད་རྒྱལ་ཡོངས་མང་གཙོ་ཚོགས་པས་ ༢༠༡༡ ལོའི་བཀའ་བློན་ཁྲི་པའི་འོས་མི་ ༢ དང་བོད་མི་མང་སྤྱི་འཐུས་ཀྱི་འོས་མི་མདོ་སྟོད་ནས་མི་ ༦ དང་མདོ་སྨད་ནས་མི་ ༥ ། དབུས་གཙང་ནས་མི་ ༡༠ བཅས་ཀྱི་མཚན་གཞུང་ཕྱིར་བསྒྲགས་གནང་ཡོད།
དེ་རིང་ཉིན་རྒྱབ་ཆུ་ཚོད་གཉིས་པའི་སྟེང་བོད་རྒྱལ་ཡོངས་མང་གཙོ་ཚོགས་པས་གསར་འགོད་གསལ་བསྒྲགས་ཤིག་སྤེལ་ཏེ། ༢༠༡༡ ལོའི་བཙན་བྱོལ་བོད་ཀྱི་བཀའ་སྤྱིའི་འོས་མི་ཁག་ཅིག་གསལ་
བསྒྲགས་གནང་སྐབས། བོད་རྒྱལ
་ཡོངས་མང་གཙོ་ཚོགས་པའི་ཚོགས་གཙོ་འཆི་མེད་གཡུང་དྲུང་ལགས་ཀྱིས། ཉེ་ཆར་ང་ཚོའི་ཚོགས་པའི་འགན་འཛིན་ལྷན་ཚོགས་ཐེངས་གསུམ་པ་བསྐོངས་འཚོགས་གྲུབ་ཟིན་པ་དང་། སྐབས་དེར་འགན་འཛིན་ལྷན་ཚོགས་ཀྱི་གྲོས་ཆད་ནང་བཀའ་བློན་ཁྲི་པའི་འོས་མི་མི་གསུམ་དང་བོད་མི་མང་སྤྱི་འཐུས་ནང་ཆོལ་ཁ་རེ་ནས་མི་བཅོ་ལྔ་རེ་བཏོན་ཡོད།
སྐབས་དེར་ང་ཚོས་བཏོན་པའི་བཀའ་སྤྱིའི་འོས་མི་དེ་མཐའ་མའི་འོས་མི་ཆགས་གི་མེད་ཅེས་གསལ་བོ་བཟོས་ཡོད། གང་ཡིན་ཟེར་ན་བཀའ་སྤྱི་གང་ཡིན་རུང་ང་ཚོས་ཁོང་ཚོར་བཀའ་འཁྲོལ་ཞུ་དགོས་པ་དང་། ཁོང་ཚོའི་སར་ནས་བཀའ་འཁྲོལ་མ་ཐོབ་པར་མཐའ་མའི་འོས་མི་དེ་ཆགས་ཀྱི་མེད། དེར་བརྟེན་ད་ལྟའི་བར་དུ་ང་ཚོས་དུས་ཚོད་ཕུལ་ཏེ། དེ་རིང་དུས་ཚོད་ཟིན་པ་རེད་ལ་ང་ཚོས་བཀའ་སྤྱིའི་འོས་མིའི་ནང་དུ་སུ་སུ་བཞུགས་གི་ཡོད་མེད་མཐའ་མའི་འོས་མི་འབུལ་གྱིན་ཡོད། ཅེས་གསུངས།
བོད་ཀྱི་རྒྱལ་ཡོངས་མང་གཙོ་ཚོགས་པའི་ངོས་ནས་ ༢༠༡༡ ལོའི་བཀའ་བློན་ཁྲི་པའི་འོས་གཞིར་ཨ་རིའི་ཧ་ཝ་ཊི་གཙུག་ལག་སློབ་གྲྭའི་སློབ་དཔོན་མཁས་དབང་བློ་བཟང་སེང་གེ་ལགས་དང་། བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་གཉིས་འདེམས་ཐོན་བྱུང་བ་དང་། སྤྱི་འཐུས་ཁོངས་སུ་མདོ་སྟོད་ཆོལ་ཁོངས་ནས་སྤྱི་འཐུས་ལས་ཐོག་འབའ་པ་སྐལ་བཟང་རྒྱལ་མཚན་དང་བོད་ཀྱི་བང་ཆེན་རྩོམ་སྒྲིག་པ་གསེར་རྟ་ཚུལ་ཁྲིམས། སྤྱི་འཐུས་ཆོས་སྐྱོང་དབང་ཕྱུག སྤྱི་འཐུས་དབུ་དཀར་ཚང་གཡུ་སྒྲོན། བོད་ཀྱི་དགུ་བཅུ་གསུམ་གྱི་ཚོགས་གཙོ་ངག་དབང་འོད་འབར། རྩོམ་པ་པོ་སེར་སྨད་བློ་དགའ་བཅས་མི་དྲུག་དང་། མདོ་སྨད་ཆོལ་ཁོངས་ནས་སྤྱི་འཐུས་ལས་ཐོག་ཚེ་རིང་གཡུ་སྒྲོན་དང་བོད་ཀྱི་དུས་བབ་རྩོམ་སྒྲིག་པ་ལུང་རིགས་རྒྱལ། ས་རཱ་མཐོ་སློབ་ཀྱི་སློབ་དཔོན་བསོད་ནམས་རྒྱལ་མཚན། གངས་ལྗོངས་ཕོ་ཉའི་དྲ་ཚིགས་འགན་འཛིན་རྨོག་རུ་བསྟན་པ། སྤྱི་འཐུས་ལས་ཐོག་ཀིརྟི་སྒྲོལ་དཀར་ལྷ་མོ་བཅས་འོས་མི་ལྔ། དེ་བཞིན་དབུས་གཙང་ཆོལ་ཁོངས་ནས་སྤྱི་འཐུས་ལས་ཐོག་ཀརྨ་ཡེ་ཤེས་དང་མང་གཙོ་ཚོགས་པའི་ཚོགས་གཙོ་འཆི་མེད་གཡུང་དྲུང་། སྤྱི་འཐུས་ཟླ་བ་ཕུན་སྐྱིད། དབུས་བུད་མེད་ཚོགས་ཟུར་བུ་མོ་ཚེ་རིང་། བལ་ཡུལ་སྤོག་ར་བསོད་ནམས་བཟང་པོ། ཆེད་ལས་ཉམ་ཞིབ་པ་འཇམ་དབྱངས་རྡོ་རྗེ། སྤྱི་འཐུས་ཚེ་བརྟན་ནོར་བུ། སྤྱི་འཐུས་ཡེ་ཤེས་ཐུན་ཚོགས། ཁྲིམས་རྩོད་པ་པ་སངས་ཚེ་དབང་། སྤྱི་འཐུས་ངག་དབང་ལྷ་མོ་བཅས་འོས་མི་ ༡༠ བཅས་ཁྱོན་སྤྱི་འཐུས་འོས་གཞིའི་ནང་མི་ ༢༡ ཡོད་འདུག
མང་གཙོ་ཚོགས་པའི་ཚོགས་གཙོས། ང་ཚོས་བཀའ་བློན་ཁྲི་པའི་འོས་གཞིའི་ནང་མཁས་དབང་བློ་བཟང་སེང་གེ་དང་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ། བཀའ་ཟུར་བཀྲ་ཤིས་དབང་འདུས་བཅས་མི་གསུམ་འོས་འདེམས་བྱུང་ནའང་། བཀའ་ཟུར་བཀྲ་ཤིས་དབང་འདུས་མཆོག་གིས་ཕྱག་ཡིག་འབྱོར་ཏེ། ང་རང་ལོ་ཡར་སླེབས་བསྡད་ཡོད་ལ་གཟུགས་པོས་ལྕོགས་གི་མི་འདུག སྤྱི་ཚོགས་ནང་ཕྱག་ལས་མང་བོ་ཞིག་གནང་ཚར་བ་ཡིན། ད་ལྟ་མི་གཞན་པར་གོ་སྐབས་འབུལ་དགོས་ཀྱི་འདུག་པས་ངའི་རྩིས་གཞི་དེར་དགོངས་པ་སྤྲོད་རོགས་ཞེས་མཐའ་མའི་ཐག་གཅོད་ཀྱི་ཕྱག་འཕྲིན་འབྱོར་བ་ལྟར། བཀའ་ཟུར་བཀྲ་ཤིས་དབང་འདུས་མཆོག་དགོངས་པ་རང་བཞིན་གྱིས་འཁྲོལ་པ་རེད། ཅེས་དང་། མཁས་དབང་བློ་བཟང་སེང་གེ་དང་བཀའ་ཟུར་བཀྲས་མཐོང་རྣམ་གཉིས་ཀྱིས་ཁྱེད་ཚོས་ངེད་གཉིས་བཀའ་བློན་ཁྲི་པའི་འོས་གཞིར་བཏོན་པར་དགའ་བོ་བྱུང་། ཁྱེད་ཚོས་ཁྱབ་བསྒྲགས་བྱ་རྒྱུ་ཡིན་གསུང་གི་ཡོད་སྟབས་དེ་ལ་སོ་སོའི་ངོས་ནས་དགག་བྱ་གང་ཡང་མེད་ཅེས་གསུངས་ཡོད། དེར་བརྟེན་ང་ཚོས་དེ་ངོས་ལེན་ཞུས་པར་བརྩི་འཇོག་གིས་མཐའ་མའི་ཐག་གཅོད་དུ་ཁོང་རྣམ་པ་གཉིས་བཀའ་ཁྲིའི་འོས་མིག་ཆགས་ཡོད་ཅེས་བསྒྲགས་གི་ཡོད་ཟེར།
མཇུག་མཐར་ཁོང་གིས་ཐེངས་འདིར་འོས་གཞིར་གཏན་འཁེལ་བྱུང་བའི་བཀའ་བློན་ཁྲི་པ་ཁྱབ་བསྒྲགས་བྱེད་ཕྱོགས་སྐོར་གསུངས་དོན། བཀའ་བློན་ཁྲི་པའི་འོས་གཞི་ཁྱབ་བསྒྲགས་དང་པོ་དེ་མགོ་བཙུགས་ཟིན་པ་དང་ཉེ་ཆར་བྱང་ཤར་ཁུལ་གྱི་གཞིས་ཆགས་ཁག་བདུན་ནང་ཕྱིན་ནས་ཁྱབ་བསྒྲགས་བྱས་ཡོད། དེ་བཞིན་ལྷོ་ཕྱོགས་ཁག་ཏུ་སང་ཉིན་ནས་ཐོན་འགྲོ་གི་ཡོད་ལ། བཀའ་ཁྲི་མཉམ་དུ་སྤྱི་འཐུས་ཀྱི་ཁྱབ་བསྒྲགས་ཀྱང་འགྲོ་གི་རེད། དེ་ལྟར་གོ་རིམ་དང་པོའི་ནང་དུ་ཚོགས་པའི་ངོས་ནས་ཁྱབ་བསྒྲགས་བྱ་རྒྱུ་དང་། གོ་རིམ་གཉིས་པའི་ནང་དུ་བཀའ་བློན་ཁྲི་པའི་འོས་གཞི་རྣམ་པ་གཉིས་གདན་ཞུས་ཀྱིས་མི་མང་ལ་གསུང་བཤད་གནང་རྒྱུ་བཅས་ཡིན། དེ་བཞིན་ཐེངས་འདིའི་བཀའ་སྤྱིའི་འོས་མི་ཚོ་ཡིག་ཆ་དང་དྲ་རྒྱ་བརྒྱུད་དེ་ཁྱབ་བསྒྲགས་བྱ་རྒྱུ་ཡིན་ལ། རྒྱ་གར་གྱི་གཞིས་ཆགས་ཁག་ནང་ཁྱབ་བསྒྲགས་བྱ་རྒྱུ་ཙམ་མ་ཟད། ཡུ་རོབ་ཁུལ་དུ་སོང་ནས་ཀྱང་ཁྱབ་བསྒྲགས་བྱ་རྒྱུ་ཡིན། ལས་གཞི་འདི་བསྒྲུབ་པའི་ཆེད་དུ་རྒྱ་གར་དང་ཡུ་རོབ་ནང་རྒྱན་ཤོག་བཙོང་སྟེ་དཔལ་འབྱོར་འཚོལ་བསྡུ་བྱེད་ཀྱིན་ཡོད་ཅིང་། དེ་ནི་ལས་གཞི་འདི་འགྲུབ་ཆེད་དཔལ་འབྱོར་གྱི་གཞི་རྩའི་མ་རྩ་འཚོལ་ཐབས་ཡིན་ལ། དེ་མིན་ས་གནས་འགར་ཞལ་འདེབས་ཀྱང་སློང་གི་ཡིན་ཞེས་གསུངས་ཡོད།
ཧའ་ཧ་འ་བློབཟང་སྙན་གྲགས་ནི་རིག་ཅིག་རྐང་འཛིན་མཁས་པ་ཡིན་མོས་
འོན་ཀྱང་བཙན་བྱོལ་ནང་གི་ཟས་ཀྱི་རོ་ཙམ་མ་མྱོང་བར་བཙན་བྱོལ་གཞུང་གི་བཀའ་བློནཅུང་མངས་འདུག་གནས་སྐབས་རིང་སྤྱི་མཐུས་བྱས་ན་ལེགས་
ཇི་ལྟར་ཡང་བོད་མི་ཡོངས་ནས་ཆོལ་ཁ་ཆོས་ལུགས་ཀྱི་ལ་ཞེན་དྲི་མ་ཅན་དེ་སྤངས་ནས་མྱུར་དུ་བོད་ལ་ལོག་ཐབས་ཀྱི་
སྤྱི་ཕན་མི་བཟང་༧གོང་ས་མཆོག་གིས་བཀའ་ལ་ཆོངས་ཐུབ་པ་ཞིག་བླུགས་རོགས་
བོད་རྒྱལ་ཡོངས་མང་གཙོ་ཚོགས་པའི་བཀའ་ཁྲི་འོས་གཞི་མི་སྣ་གཉིས་རག་མེད་པ་ནི་ཁྱད་མཚར་མོ་ཞིག་རེད། ངའི་བསམ་པ་ད་དུང་ཤེས་འབྱོན་གཉིས་ལྡན་གྱི་མི་སྣ་མང་པ་ཡོད་གིན་བསམ། བཀའ་ཁྲི་འོས་འཚམས་ནི་ད་དུང་ཆོས་རིག་བཀའ་བློན་སྐུ་ངོ་ཐུབ་བསྟན་ལུང་རིགས་དང་བྱང་ཨ་རི་རྒྱལ་བའི་སྐུ་ཚབ་སྐུ་ངོ་བློ་བཟང་སྙན་གྲགས་གཉིས་མཐོང།
མ་འོངས་པའི་བཀའ་ཁྲི་ཚད་ལྡན་ཅིག་དགོས་གལ་ཆེན་བ་མཐོང། མི་དེ་ལ་ཤེས་འཇོན་གཉིས་ལྡན་ཡོད་པའི་ཐོག་ནས་༧གོང་ས་མཆོག་གི་དགོངས་གཞི་བསྒུབ་ཐུབ་མཁན་དང་གཞུང་དྲང་པོ་ད་ལྟའི་བཀའ་ཁྲི་བཞིན་གཞུང་མང་གཉིས་ལ་ཕན་ཐོགས་ཁ་ཡོད་ལག་ཡོད་ཅིག་དགོས་གལ་མཐོང།
བོད་ཀྱི་རྒྱལ་ཡོངས་མང་གཙོ་ཚོགས་པའི་སྤྱི་འཐུས་འོས་དམིགས་བཏོན་པའི་ནང་གཞི་རྒྱ་ཆེ་བ་མོན་གྷོ་གཞིས་ཆགས་ལྟ་བུའི་མི་སྣ་གཅིག་ཀྱང་མི་འདུག་པ་དེ་རྒྱུ་མཚན་གང་ཡིན་ནམ། གཞིས་ཆགས་ཆེ་ཁག་འདི་ནས་མི་མང་གི་སྐུ་ཚབས་མཚོན་ཐུབ་མཁན་སྐྱ་སེར་གཉིས་ནང་ནས་གཅིག་ཀྱང་མེད་པ་རེད་ཟེར་ཆ་སྨོད་མཐོང་ཆུང་དང་། ཕྱོགས་ཕེབས་པ་རང་དང་རང་འདྲ་བར་འོས་འཕེན་ཤོག་ལྟ་བུའི་བརྡ་སྟོན་གནང་བར་ཕེབས་པ་ལྟ་བུ་མ་རེད་པས། སྤྱི་འཐུས་ཕལ་ཆེ་བ་རྡ་སའི་གླིང་རང་ནས་ཡོང་དགོས་པ་ལས་གཞི་རྒྱ་ཆེ་བའི་གཞི་རིམ་མི་མང་གཞིས་ཆགས་ཁག་ནང་ཡོད་པ་རྣམས་ད་དུང་ཡང་རྡོག་རོལ་བརྙས་བཅོས་མཐོང་ཆུང་རང་བཏང་ན་འགྲིགས་པ་རེད་པས།
རྙོག་གཏམ་མ་མང་